رواية عشقي ال بدي مكتفي فيك عاشقك للفنى - الصفحة 5

5 - 11 - 2021, 03:51 PM

البارت 36

عبدالملك اخذ نفس:طيب اسمعيني امك اكيد قالت كل سالفتها هي وابوك لك
ملك عقدت حاجبها:وش دخل هالسالفه
عبدالملك:هالسالفه هي اساس اللي خلاني معكم واخذكم لبيت ثاني
ملك:شلون
عبدالملك:ابوك عبدالله.
ملك تناظر له
عبدالملك:زوج امي .. يعني عمي
ملك انصدمت وجلست تناظر لعيونه
عبدالملك:عشان كذا لحقتك مو خوف عليك خوف ع عمي وخالتي خلود
ملك:انت تعرف ابوي
عبدالملك هز راسه بااي
ملك اخذت نفس ومسك فمها:مو مصدقه ابد
عبدالملك:وï»» انا من عرفت ان ابوك عبدالله خالد انصدمت وعشت نفس حالتك بس لازم تتفهمين ابوك من هربت امك وولحين يتعذب ويدورها كل يوم .. ولما علمته ماتصدقين كيف فرح ونخاني اعلمه وينكم بس ماقدر
ملك جلست تناظر له والدمعه بعينها:لهدرجه
عبدالملك:واكثررر .. حتى انه للحين يفكر باامك والصوره حقتها اخذتها منه
ملك مسكت راسها وسكرت عيونها بقوه
عبدالملك:هالسالفه اللي جايكم عشانها .. وعشان ابعد عنكم وارتاح منك خاصه ابيك تقولين لامكك ع الاقل بس تتقبل السالفه وتصير لك هويه
ملك صدت عنه وسكرت عيونها ودمعت
عبدالملك:وش قلتي
ملك:خلني اتقبل انا اوول
عبدالملك:ï»»زم تتقبلين عشان امك وعشان نفسك وعشان ابوك يرجع يضحك
ملك تنهدت وناظرت له:هو يعرف عني شي
عبدالملك:يعرف انك بنته بس
ملك:واسمي
حرك عبدالملك راسه بï»»
ملك تنهدت:طيب بقول لامي
عبدالملك ارتاح:زين يï»»
ملك مشت
عبدالملك:وقفي وقفي وين؟
ملك:بنرجع مشي
عبدالملك:ليش مجنون امشي المسافه هذي كلها مره ثانيه
ملك:يعني شلون
عبدالملك طلع جواله وكلم محمد وقاله يجيه عند بيت خلود وسكر وملك تناظره
عبدالملك:تعلمي حركاتنا الى متى وانتي غبيه
خزته ملك وصدت وعبدالملك جلس يناظرها وصد عنها وانتظرو محمد لين جاهم وركبو ومشو
.
.
عند عبدالله كان جالس بالحديقه ويفكر بخلود وتذكر لما كانو يتكلمون ببدايه زواجهم
خلود:لو جانا ولد بسميه خالد ع عمي
عبدالله:ي قلبي ولو بنت؟
خلود:مممم بسميها ملك
عبدالله:ليش ملك؟
خلود:حلو وناعم وسهل
عبدالله ابتسم:دامه منك اكيد حلو بنت وï»» ولد انا يكفيني انتي
استحت خلود:طيب خï»»ص اسكت
عبدالله باس خدها:عساني ماانحرم منك قولي امين
خلود:امين وï»» منك
.
كان يتذكر وهو مبتسم وصحى ع صوت جنبه
نوال:فرحنا معك
لف لها عبدالله واختفت ابتسامته
نوال:قول وش كنت تفكر فيه
عبدالله:بوï»» شي
نوال:ï»» تكذب عبدالله تضايق وقام
نوال:وووين
عبدالله:لشركه
نوال:اووف من هالشركه
مارد عليها ومشى ونوال ضاق صدرها كل ماقربت لها صدها

5 - 11 - 2021, 03:52 PM

البارت 37

وصلو الشقه ولف عبدالملك لملك كانت ساهيه وهو سكت عنها شوي وبعدها تكلم
عبدالملك:ي هوه
خافت ملك ولفت:هاه هï»»
عبدالملك:لنا ساعه واصلين انزلي
ملك:طيب ï»»تبكي
تنرفز عبدالملك ونزلت ملك وهو نزل
عبدالملك:لسانك طويل
ملك:وثقتك زايده
ومشت للباب وعبدالملك تنهد وناظر لسماء وكانه يطلب صبر ع كل مافي كï»»م وده يقوله لها بوجهها بس مسك نفسه عشان عمه وخلود*
ولحقها للباب
ملك فتحت الباب ودخلت وخلود كانت جالسه من سمعت الباب قامت وشافت ملك وجتها بسرعه
خلود ضمتها:حياتي انتي الحمدلله رجعتي وربي كنت بلحقكم تو
ملك ضامتها وساكته
بعدت خلود وناظرت وجها:زعلانه مني
ابتسمت ملك:ï»»
خلود:جد والله
ملك:والله
ابتسمت خلود وضمتها
عبدالملك متكي ع الباب ويناظرهم
وخلود انتبهت له وناظرته وبعدت ع ملك
خلود:مشكور عبدالملك ربي يحفظك رجعتها
عبدالملك:ماسويت شي
ملك من ورا امها:صح ماسوى شي انا رجعت عشانك مو ï»»نه لحقني
خلود لفت عليها وتنهدت
ملك:تعالي يمه بنجلس هذا بيتكلم لنا عن شي
عبدالملك:اوï»» انا لي اسم ثانيا المواضيع ماتبدا كذا
ملك مااهتمت له:تعالي يمه
ومسكت يدها وجلستها جنبها ع الكنب وخلود عاقده حواجبها مستغربه وï»»تدري وش السالفه
عبدالملك قرب ووقف قدامهم:اللي جاي بقوله ï»»زم تروقين ي خاله وتسمعينه
خلود:ï»»تخوفوني وتكلمو
ملك:صح اني مااحب اتفق مع هذا بس صح ï»»زم تهدين اول وتفمين اللي بنقوله عشاني وعشانك بعد وعشان ابوي عبدالله
خلود فتحت عيونها بقوه وانصدمت:شدخل عبدالله
ملك سكتت
عبدالملك ناظر ملك بقهر ï»»نها خربت عليه اللي بيقوله
خلود:تكلممممو شدخل عبدالله
عبدالملك تنهد:انا اصير ولد نوال قبل تاخذ عبدالله يعني عمي عبدالله زوج امي
خلود جلست تناظر له ووقفت وجت قدامه بصدمه:انت ولد نوال؟؟
عبدالملك:ايه
خلود بكل قهر دفته بقوه وضربته بصدره وعبدالملك ماتحرك وصد
خلود بعصبيه وهي تضربه:انا قلت مساعدتك مو لله قلت اكيد نوال بتذلني فيها اكيد
ملك قامت بسرعه ومسكت امها
ملك؛ خï»»ص يمه السالفه مو كذا
خلود بعصبيه:اجل كيف فهموني
ملك ناظرت عبدالملك:ابوي اللي ارسله
خلود ارتخت:عبدالله؟
عبدالملك:اي عبدالله عمي .. له 20 سنه ماهدى كل يوم بالليل يطلع يدورك فيه كل يوم
خلود سرحت شوي
عبدالملك:حتى امي تشكي انه معها جسد بس ï»»قلبه وï»» عقله معها ..تعبت كثير
ملك:يهون عليك الادمي اللي تحبينه كثير تتركينه يدور يدورنا؟
عبدالملك:مو متحمسه تشوفينه حاضن بنتك وانتي جالسه جنبه؟
ملك:وï»»متحمسه يكون لي هويه واصير مثلي مثل غيري

5 - 11 - 2021, 03:52 PM

البارت 38

خلود ضاعت منهم ومن كï»»مهم وجلست ع الكنب وتنهدت ومسكت راسها
عبدالملك:عمي عرف ان لك بنت منه وعرف اني اخذتكم بس مايدري لوين
رفعت راسها خلود ونزلت دمعتها:بس اللي سواه مو سهل
عبدالملك:وش سوى .. تزوج؟ بس؟
خلود بهدوء:ï»» مو بس .. عبدالله من تزوجنا وكلمته هي لو اتاخر او مااجيب له عيال بنبقى لبعض ومع بعض وفجاء جاني يبشرني بزواجه
عبدالملك تنهد وتذكر لما عمه قال ان ابوه وعمه غصبوه يتزوج نوال
ملك:يمه س..
خلود:خï»»ص ملك ..
ووقفت ومسحت دموعها واخذت نفس وردت بثقه
عبدالملك:وش قلتي
خلود:خله يجي بس مو عشاني وانا خï»»ص ينساني .. يجي بس عشان ملك
ملك وعبدالملك جلسو يناظرونها وخلود تركتهم ودخلت الغرفه وسكرت ع نفسها
عبدالملك:زين انا رايح
ملك ناظرت له:بس اللي قالته امي مااعجبني
عبدالملك:مو ضروري يعجبك
ولف بيطلع
ملك:ي شيخ مالت عليك انت
ومشت لغرفتها وعبدالملك مارد وطلع وسكر الباب
عند ملك رمت عباتها ورمت! نفسها ع السرير وهي تتاخير بعد فتره تشوف ابوها امها ماقد ورتها صوره له .. معقوله جميل؟ طيب؟ ابتسمت واخذت نفس وغفت.
.
عند عبدالملك كان بالطريق ومحمد يسوق رفع جواله يدور رقم عمه عبدالله وقبل يتصل رن جواله والمتصله *جنى* استغرب ورد
عبدالملك:الو
جنى كانت بالجامعه وحاطه جوالها سبيكر والبنات كلهم متجمعين عليها يسمعون صوته
جنى:هï»» عبدالملك وينك
عبدالملك استغرب:رايح الشغل ليش
جنى:تكفى تكفى مرني وربي خالد مشغول وابوي مايرد والسواق الغبي سفره ابوي امس ع انه يجيب غيره
عبدالملك تنهد:ارجعي مع وحده من صديقاتك مااقدر اجي
البنات كانو كلهم خاقين وياشرون لها تصر عليه يجيها
جنى:ï»» فشله عيب بعدين مااضمن اخوانهم
عبدالملك سكت شوي:طيب بس بسرعه
البنات شهقو وجنى اشرت لهم يسكتون
جنى:طيب انا عند الباب
وسكرت وكلهم لبسو عباياتهم عشان يطلعون ويشوفونه
وجنى كانت فرحانه
10 دقايق وقفت سياره عبدالملك وكان راكب ورا وجنى لفت للبنات واشرت لهم ومشت ومحمد نزل وفتح لها الباب وركبت جنب عبدالملك وعبدالملك يناظر البنات اللي يناظرونه واللي تصفق واللي تتكلم مع صديقتها وتشوفه فهم كل شي ومشو وبالطريق
عبدالملك:جنى
جنى:هï»»
عبدالملك:اعطيني جوالك
استغربت جنى:ليش
عبدالملك:اعطيني اياه
مدت جوالها له ودخل ع الاتصالات شافها ماكلمت ï»» ابوها وï»» خالد ولف لها
عبدالملك:متصله علي قبل عمي وخالد عشان اجي لصديقاتك هاه
جنى خافت:ï»»ï»»ï»»
عبدالملك عصب:الا شوفي الاتصالات.. انتي الى متى سخيفه متى تكبرين
خافت جنى وسكتت
عبدالملك رمى جوالها عليها:والله لوï»» عمي رجعتك للجامعه ونزلتك بينهم بس اخ
ماردت وسكتت
وعبدالملك صد عنها

5 - 11 - 2021, 03:53 PM

البارت 39

وصل عبدالملك لبيت عبدالله ونزل ومعه جنى ومن دخلو البيت مسك ذراعها بقوه
جنى:اااي عبدالملك اوجعتني ابعد
عبدالملك:توك ماشفتي شي وبكسر يدك لو عدتي هالحركه فاهمه
جنى بخوف:طيب خï»»ص
دفها وراح بسرعه لفوق وجت نوال
نوال:وش فيكم؟
عبدالملك:هالسخيفه قسم بالله بذبحها
نوال:ليش عاد
عبدالملك:اسئليها هي .. يï»» عندي شغل
نوال مسكت يده قبل يطلع:وقف وقف
لف لها عبدالملك:هï»»
نوال:بسئلك وجاوبني بصراحه
عبدالملك:قولي
نوال:عبدالله يفكر بشي انا متاكده .. تعرف وش فيه؟
عبدالملك نازرها وابتسم:عمي عنده مشكله كبيره بشركته وانا الحين بروح اساعده فيها
نوال:جد بس كذا؟
عبدالملك هز راسه بااي وطلع
ونوال ارتاحت شوي ورجعت للمطبخ
.
.
اما عبدالملك اتجه لسياره وركب
محمد:وين طال عمرك
عبدالملك:لشركه عمي عبدالله
محمد:ابشر
ومشو
بشركه عبدالله كان جالس ع مكتبه ويشتغل
سمع صوت الباب ورفع راسه
عبدالله:تفضل
دخل سكرتيره:عبدالملك وصل وين استضيفه
عبدالله:دخله هنا
السكرتير؛ ابشر
وطلع وعبدالله جمع اوراقه ع دخله عبدالملك
عبدالله:هï»» عبدالملك حياك
ابتسم عبدالملك:هï»»بك شلونك اليوم
عبدالله:تمام تفضل اجلس
جلس عبدالملك:وكيف ماشي الشغل
عبدالله:زين
عبدالملك سكت شوي وبعدها لف له وابتسم
عبدالملك:فاضي العصر؟
عبدالله عقد حواجبه:عندي اجتماع
عبدالملك:ماتقدر تاجله؟
عبدالله:ليش في شي مهم؟
عبدالملك:عندي لك اجتماع اهم
عبدالله استغرب:وشو
عبدالملك:خلود وبنتها يتنظرونك اليوم
عبدالله جلس منصصصدم ويناظر عبدالملك وارتسمت ابتسامه ع شفته
عبدالله قام بسرعه وضمه:مشششششكوررررر
عبدالملك ضرب ع ظهره:ولو ماسويت شي الدور الحين لك وانا بنسحب منكم خï»»ص
عبدالله:ماااقصرت ربي يخليك
عبدالملك:ويخليك يï»» عاد انتظرك العصر بمرك والحين بروح الشغل
عبدالله:ربي يحفظك ربي يحفظك ربي يحفظك
ابتسم عبدالملك وطلع وعبدالله مو مصدق صار يفتر بالمكتب مايدري وش يقول وين يروح.
. اخيرا بيشوف خلود وبنته اللي منها بعد 20 سنه
.
.
وصل عبدالملك شركته
ونزل ودخل مكتبه كان فيه ناصر وعمه ابوسامر وسامر *سامر ع 27* متزوج وعنده ولد*
عبدالملك:الله الله وش عندكم بمكتبي
ابوسامر:خلصنا اجتماع ابومتعب وتم التعاقد وانت مو موجود
عبدالملك:اسف والله طلع لي شغل ضروري
ناصر:الحمدلله قدرنا نحله وï»» ابومتعب كان يبيك معنا
سامر:عسى انت خلصت شغلك بس؟
عبدالملك:اي الحمدلله اليوم بيكون اخر يوم بذاك الشغل
ناصر جلس يناظر له فهم عليه والباقين مافهمو
ناصر:طيب نطلب قهوه
عبدالملك:شوي خير
ابتسم ناصر وقام وعبدالملك جلس يتكلم مع عمه وسامر عن الشغل

5 - 11 - 2021, 03:53 PM

البارت 40

العصر الساعة 4
وصل عبدالملك لشركه عبدالله وركب معه
ع ماركب عبدالله:وينك تاخرت
عبدالملك ابتسم:لك من طلعت من عندك وانت تتصل فيني تقول تاخرت
عبدالله:والله من قلت لي لين هالوقت احسه مرت سنه
عبدالملك حط يده ع فخذ عبدالله
عبدالملك:اهدى وهد اعصابك المطلوب منك الحين تطلع كل نقطه حب بقلبك لخلود وتقنعها لانها زعï»»نه للحين وشايله بخاطرها
عبدالله:مالومها .. طيب
واخذ نفس
عبدالملك؛ محمد تحرك
ومشو وطول الطريق عبدالله كان يفكر ويحس قلبه بيطلع ومو مصدق .. وعبدالملك حاس عليه وساكت .. وصلو البيت وجلس عبدالله يناظر البيت ويفكر وابتسم
عبدالملك:يï»» ننزل
عبدالله:احس حياتي كلها بهالبيت
عبدالملك:ربي يجمعكم ع خير
ناظر له عبدالله:عبدالملك من جد ماادري كيف ارد لك هالجميل
عبدالملك:لما تكون مرتاح هذا اهم شي
ابتسم عبدالله:ربي يسعدك
عبدالملك:يï»» يï»» ننزل
ونزلو وتقدمو للباب وطقه عبدالملك
وعبدالله اخذ نفس من سمع صوت بنت
ملك:مين
عبدالملك:انا عبدالملك
ملك:قول انا النشبه
لف عبدالملك لعبدالله اللي ضحك:شفت هذي بنتك القرده
عبدالله ضرب كتفه:عيب اسكت
عبدالملك ضحك ولف للباب:افتحي بسرعه
ملك فتحت وتكتفت ومن شافت الرجال معه ارتخت وناظرت له وعبدالله يناظر عيونها
عبدالله قرب لها وهي رجعت خطوه لورا
عبدالله:عيون خلود
ملك بلعت ريقها وعرفته
وصدت ودخلت تركض
عبدالملك:تفضل ادخل
عبدالله اخذ نفس ودخل لشقه وجلس يتلفت وشاف باب غرفه انفتح وطلعت خلود متلثمه وملك وراها
ومن شافت عبدالله حست قلبها رجف وعبدالله ابتسم مو مصدق
وجلسو 5 دقايق ساكتين
قطع عليهم عبدالملك:يï»» اجلسو
خلود نزلت راسها وتقدمت ووراها ملك وجلسو وعبدالله جلس وهو يناظر خلود
وعبدالملك واقف:جمعتكم تتفاهمون انت ي عمي اغلطت وانتي ي خالتي اغلطتي بس مر ع غلطكم 20 سنه وبينكم بنت مالها هويه بسبب غلطكم .. من هالمجلس حددو مصيركم ومصير هالبنت
خلود بلعت ريقها وهي تناظر لتحت اما عبدالله يناظرها ساهي وملك تناظر عبدالله وكانها تتامله
عبدالملك:انتي
لفت له ملك
عبدالملك اشر لها تجيه
استغربت ووقفت و مشت وراه للمطبخ
ودخلو
ملك:خير؟
عبدالملك:خليهم لحالهم شوي
ملك:ماشاء الله عليك فطين
عبدالملك مارد وجلس ع الطاوله:جيبي لي ماء
ملك:والله هالشقه لك قبلنا تدل كل شي
وصدت وجلست تناظر امها وابوها من الباب وعبدالملك ابتسم يدري ان هذا بيكون ردها وقام ياخذ ماء

7 - 11 - 2021, 10:22 PM

البارت 41

عند عبدالله وخلود كانو ع وضعهم وعبدالله كانه ماشبع وهو يناظرها وï»» مصدق وخلود صداه قام عبدالله وجلس جنبها وخلود انصدمت
خلود:ارجع مكانك
عبدالله مسك دقنها ولف وجهها لف وجلس يناظر عيونها وخلود رجفت
عبدالله همس:عيونك .. اشتقتلهم ليش حرمتيني اياك
خلود ماقدرت تركز نظرها عليه
عبدالله ابتسم ونزل لثمتها وخلود ابعدت يده ووقفت
خلود:قلت ابعد
عبدالله مسك يدها وجلسها:ï»»تنسين تراك للحين ع ذمتي
خلود:بالورق بس
عبدالله:بالورق وï»» ï»» انتي زوجتي وبتبقين زوجتي وï»» راح اتركك ابد .. ضعتي مني مره ومستحيل اضيعك مره ثانيه
خلود صدت عنه ورجعت تلثمت
وعبدالله انقهر ومسكها ولف وجهها له ونزل اللثام
خلود صرخت ونزلت دمعتها:اببببعددد عننني ناديتك عشان ملك مو عشاني وï»» عشان نرجع لبعض والطلاق بيتم غصب عليك
عبدالله ابتسم:سميتيها ملك؟
خلود هدت
عبدالله:مثل مااتفقنا نسميها زمان
خلود ناظرت عيونه واندمجت:وانت سميت ولدك خالد مثل مااتفقنا نسميه زمان
عبدالله رفع حواجبه وابتسم بفرحه:كيف عرفتي
خلود حست انها زلت وصدت
عبدالله بفرحه ضمها وخلود انصدمت
عبدالله:تراقبيني صح
خلود دفته بس ماقدرت عنه
ملك كانت تناظرهم وابتسمت بدون ماتحس وميلت راسها وهمست:زينهم
عبدالملك قام ووقف جنبها وناظر لهم وناظر لها ورفع حاجبه
وملك ماانتبهت له وجالسه تناظرهم وعبدالملك يناظرها
خلود دفت عبدالله بقوه ووقفت:وجع استح ع شيبتك
عبدالله وقف:ï»» تغرك ترا بس من زمان ماصبغت
خلود تكتفت:ليش نوال عاجبها كذا اكيد
عبدالله مسك قلبه:ي ناس تغار علي
خلود ودها تبتسم بس اخفت ابتسامتها وجمدت مï»»محها
خلود:عبدالله البنت بنتك مثل ماهي بنتي ولها حق بحï»»لك عيشها براحه وانا طلقني وطلعني من الموضوع بس ملك ï»»تتركها
عبدالله اختفت ابتسامته وجلس يناظرها:ملك بتعيش معي ومعك
خلود:ï»» انا برجع لبيتي وملك بتعيش معك ببيتك الكبير
ملك سمعتهم وجت بتروح تتدخل مسكها عبدالملك من يدها ولفت له
عبدالملك:وين خليهم ماخلصو
ملك:ماسمعتهم وش يقولون
عبدالملك:خليهم وبالنهايه بنتدخل
ملك صدت عنه وتكتفت تناظرهم وعبدالملك مركز بكï»»مهم
عبدالله كان يناظرها وتضايق:عارف انك ماراح تتركين عنادك
خلود:مو عناد بس
عبدالله:الا عناد بس كان راقبتيني مفروض للحين تدرين ان عنادي اكبر منك
خلود عقدت حواحبها
عبدالله:ملك وام ملك بيرجعون معي للبيت الكبير رضيتي وï»» مارضيتي انتي زوجتي وللحين ع ذمتي وجهزو اغراضكم بكرا بنمشي للبيت واخذ جواله وجاء بيطلع
وطلع عبدالملك

7 - 11 - 2021, 10:23 PM

البارت 42

عبدالله:ملك وام ملك بيرجعون معي للبيت الكبير رضيتي وï»» ما رضيتي انتي زوجتي وللحين ع ذمتي وجهزو اغراضكم بكرا بنمشي للبيت واخذ جواله وجاء بيطلع
وطلع عبدالملك:وقف عمي وين رايح كذا
عبدالله:انتظرك برا
وطلع
خلود توترت:ي ليتني مادليته علينا
ملك جت وضمت امها:صراحه اعجبني اسلوبه وكله يمه تكفين ï»»تحرميني وï»» نفسك منه
خلود جلست تناظرها وكل تفكيرها في ملك ..وعبدالملك صاد مايبي يشوف وجهه خلود هي خالته عادي بس مايبي ع طول يشوفها
عبدالملك:انا انتهيت هنا صرتو مع عبدالله عمي ..انتبهو لنفسكم سï»»م
خلود:ï»» عبدالملك ï»»تتركنا
ملك نغزت امها
خلود:خلك معنا ع الاقل هالفتره انا ماارتحت الا لما صرت معنا
عبدالملك اخذ نفس:عمي عبدالله اامن لكم
خلود؛ طلبتك
عبدالملك رفع نظره وناظرها وهي ميلت راسها وكاانها تترجاه
عبدالملك:ابشري هالفتره لين تستقرو
تنهدت بضيق خلود:طيب
وطلع عبدالملك ورا عبدالله
ملك:يممه ماصدقنا نفتك منه
خلود ماردت وجلست ع الكنب ومسكت راسها وملك حست بضيقتها وجلست جنبها ومسكت يدها
ملك:ليش زعï»»نه
خلود:ماشفتي عبدالله دريت اني بضعف قدامه
وحطت يدها ع وجهها وبكت وملك تضايقت وضمت امها
.
.
بسياره عبدالملك كانو طول الطريق ساكتين ووصلو البيت ونزل عبدالله بسرعه وعبدالملك لحقه ودخلو البيت
وكلهم كانو جالسين عبدالله صد ومشى لفوق واستغربو ودخل عبدالملك وراه
ووقفت نوال:وش فيه عمك ي عبدالملك
عبدالملك تنهد وفتح فمه بيجاوب بس قاطعه رجعه عبدالله وقف جنب عبدالملك وناظرهم
عبدالله:اسمعو كلكم
هدوء ويسمعونه
عبدالله:ابي جناحين فوق تنظفونهم وتبخرونهم ويكونو جنب بعض فاهمين
نوال بااستغراب:ليش من جاينا؟
عبدالله ناظرها بحده
وقاطعه عبدالملك:انا انا ابي اتزوج
لف له عبدالله وعقد حواجبه
عبدالملك:ههههههههههه اي مو فرحانين
عبدالله عرف انه يضيع السالفه مايبي امه تتضايق
نوال:ههههههههه وتتزوج بيومين ؟
عبدالملك بثقه:كثير يناظرون مني بس اطلب بناتهم
ابتسمت نوال:انا اشهد
عبدالله مااهتم وطلع لفوق وعبدالملك حس ان امه نست السالفه وارتاح
عبدالملك:بشرب ماء
ومشى ونوال رجعت جلست
دخل المطبخ عبدالملك ونادى الخدم وقال لهم يرتبون الاجنحه الفاضيه اللي فوق بدون ماتحس نوال وطلع من المطبخ ومعه كاسه ماء وجلس عندهم
نوال:جد عبدالملك متى بتفرحنا؟
عبدالملك:عندي مباءى ï»» للحريم بحياتي
نوال تكتفت:وانا ابو الشباب يعني
عبدالملك:ههههههه محشومه
نوال:قول متى تتزوج بخطب لك بنت من خوالك
سكت عبدالملك

7 - 11 - 2021, 10:24 PM

البارت 43

نوال:قول متى تتزوج بخطب لك بنت من خوالك
سكت عبدالملك
جنى:ï»» وحده من صديقاتي
خالد:عبدالملك اذا جابو سيره الحريم انحش
عبدالملك:هذا اللي يبي يصير
ووقف
نوال تذكرت:دقيقه ابوك وش يبي بالاجنحه؟
عبدالملك ابتسم؛يمكن ناوي يزعل منك وينام فيهم
نوال تنهدت وصدت وعبدالملك ابتسم وطلع قبل تحقق معه
ع طول اتجه لجناحه وبدا يكمل شغله ومندمج
.
ببيت ناصر كانت ارجوان ونور يلعبون بالحديقه قبل اذان المغرب بشوي
وعيون ام ناصر تراقبهم بالاخص تراقب نور ومبتسمه ع برائتهاا وانها الوحيده اللي رجعت ارجوان لطفولتها وبدت تلعب
ارجوان:اركضي جيبي الكوره
نور؛ وانتي
ارجوان:مااقدر اركض يï»» انتي اركضي
نور:طيب
وبدت تركض وارجوان تمشي بكرسيها وراها
وجابت نور الكوره ورجعت تركض وتعقربت بخيط بوتها وطاحت وارجوان شهقت وجتها بسرعه وام ناصر بدون ماتحس جتها تركض وشالتها
ونور بكت
ارجوان:يمه شوفي اذا فيه جرح
ام ناصر:رفعت بنطلونها وكان فيه جرح بسيط ونور تبكي
ام ناصر:وانتم مالقيتو تلعبون الا هاللعبه
ارجوان:عا...
ام ناصر:خï»»ص
وقامت شالت نور ودخلتها داخل ونادت الخدامه تجيب معقم وقطن وبدت تعقمها ونور مسكره وجهها بيديها وارجوان تناظرهم
مو بس ارجوان اللي تناظر كان ناصر وراهم داخل من شالت امه نور من الحديقه وهو يشوفهم ومبتسم وهو يناظرهم
فتحت نور يديها وشافت ابوها
نور:بااابا طحت وهنا في دم
ام ناصر رفعت راسها وشافته جايهم
ومسك يد نور وبيده الثانيه حطها ع كتف امه
ناصر:عادي حبيبتي ماصار شي
نور:يوجع
ناصر:شوي وبيروح
نور ناظرت له وبعدها ناظرت ام ناصر
نور:جدتي ابعدت الدم
ام ناصر ناظرت نور وقامت وجلستها ع الكنب وجت بتقوم وضمتها نور وانصدمت
وابتسمو ناصر وارجوان
نور:احبك انتي بعد
ام ناصر قامت وابتسمت لها وصدت ومشت
وناصر يناظرها وماحب يتكلم معها وجلس جنب نور وشاف الجرح
ناصر:ليش تركضين وش قلت لك انا
ارجوان:انا خليتها تركض ماانتبهت لبوتها
ناصر:انتي حسابك ثاني
ارجوان غمزت لنور:عادي دايم بلعب صح
نور:صح
ضحك ناصر وارجوان قربت لنور تضحكها وام ناصر كالعاده تسمعهم من فوق ودها تنزل وتشاركهم بس للحين شايله بخاطرها ع ناصر .
.
نرجع لشقه خلود كانت ملك بغرفتها متربعه وتفكر ودخلت خلود عليها
خلود:وش فيك؟
ملك:احس اني بحلم
خلود جلست جنبها
ملك ابتسمت:يعني جد بيكون لي اب وبعيش معه ومع امي مو مصدقه ابد
خلود ماتبي تكسر بخاطرها:ولو تبين بتبدين تدرسين
ملك:هههههه بعد هالعمر ï»» ماابي بس ابيك انتي وابوي معي
خلود تنهدت:طيب بطلع انام
ملك:تو الناس
خلود:تعبت
وطلعت وملك حست انها مو مستوعبه

7 - 11 - 2021, 10:24 PM

البارت 44

الساعه 3 الفجر
بشقه خلود وملك
كانت هدوووء
داخل غرفه ملك كانت مطفيه النور ومشغله ابجوره صغيره وتناظر لسقف وماقدرت تنام وتتقلب .. تفكر بكل شيي ماضيها هي وامها وكلام امها عن فعل ابوها بها بس تحبه وï»»تقدر تكون قويه قدامه ابتسمت وهي تدعي يارب ارزقني بحب مثل ابوي وامي
جلست وتتلفت ناظرت لشنطه اللي جابها عبدالملك لهم شنطتين وحده لها وحده لامها مï»»بس وعطورات مافتحتها من جابها وï»» تبي تفتحها بس دامها طفشانه وï»» فيها نوم قامت وسحبت الشنطه وفتحتها وطلعت فستان قصير لونه ابيض وقفت ورفعت تناظر فيه وابتسمت ودخلت تلبسه وطلعت وهي تناظر نفسها بالمرايه كانت جميله كثير وشعرها واصل اخرر ظهرها اتجهت لشنطه وطلعت جزمات ناعمه بيضاء ولبستها حست بفرحه فتحت كرتون العطر وشمته وسكرت عيونها كان جميل ورايق تعطرت منه ونزلته وصلت لشنطه صغيره طلعتها وجلست ع الارض وفتحتها كان فيها مكياجات ابتسمت خفيف وبعدها انطلقت ضحكه وكل اللي ببالها ودها تسئل عبدالملك ليش اشتريتهم نزلتهم وقامت وجلست ع السرير وتناظر نفسها بالمرايه وتنهدت وارتاحت وهي تناظر لشكلها حست انها انسانه ثانيه غير ملك اللي كانت تبيع بمï»»بس ولد وغير ملك اللي ماعمرها لبست ابيض وفكت شعرها وï»» عمرها ناظرت نفسها بالمرايه واعجبها شكلها حيل من اليوم ملك غير.
قامت ونزلت جزماتها ومشت حافيه من غرفتها لغرفه امها عشان ماتطلع صوت بتشوف نايمه وï»» ï»»
فتحت الباب شوي شوي شافتها نايمه ابتسمت وسكرت الباب
وفتحت خلود عيونها وتنهدت وعرفت ان ملك للحين مانامت مثلها
جلست ع سريرها وشافت الشنطه اللي مجهزتها عشان تروح بكرا مع عبدالله وداخلها مشاعر متناقضه فرحانه ومو فرحانه تحبه وتكره تبيه وماتبيه تنهدت ورجعت انسدحت وسكرت عيونها وهي تدعي ان بكرا احسن
.
.
يوم جديد
الساعه 10 الصبح
عبدالملك بالشركه ويشتغل طق الباب ورفع راسه:تفضل
دخل ابوسامر ومعه ابومتعب
ووقف عبدالملك:هï»» والله تفضلو
ابومتعب:هï»»بك ي ولدي شلونك
عبدالملك:الله يسلمك بخير تفضلو اجلسو
ابوسامر:انا والله مشغول بروح مع ناصر نكمل شغل بس حبيت اوصل عمك ابومتعب لك
عبدالملك:طيب مشكور
وطلع ابوسامر وابومتعب جلس وعبدالملك جلس
عبدالملك:تفضل وش بغيت ي عم
ابومتعب:وï»» شي جاي بشوف اخبارك وابي اعزمك لعشاء اليوم
عبدالملك تذكر عبدالله وخلود واللي بيصير اليوم:ï»» مااقدر والله وï»» ودي اردك
ابومتعب:افا
عبدالملك؛ خيره بغيره
ابومتعب:اذا مو غدا قهوه
عبدالملك ماحب يرده:تم
ابتسم ابومتعب ووقف:يï»» استاذن
عبدالملك وقف:اذنك معك
وطلع ابومتعب
وعبدالملك استغرب اصراره

7 - 11 - 2021, 10:25 PM

البارت 45

ع العصر
بالسياره محمد وعبدالملك متجهين لبيت ابومتعب رن جوال عبدالملك ورد
عبدالملك:هï»»
عبدالله:وينك
عبدالملك:طالع لابومتعب شوي
عبدالله:نسيت ان اليوم بناخذ خلود وملك للبيت؟
عبدالملك:ï»» مانسيت شوي وجاي خلك عندهم اذا تبي
عبدالله:طيب ï»»تطول
عبدالملك:ان شاءالله
وسكر
بعد دقايق وصل عبدالملك بيت ابومتعب ونزل بهيبته
ودخل البيت واستقبله ابومتعب
ابومتعب:هï»» والله باللي جانا
عبدالملك:هï»»بك ي عم
ابومتعب:تفضل حياك
عبدالملك:ربي يحييك
ودخل عبدالملك وجلس بالمجلس وابومتعب يقهويه
.
.
بشقه خلود وملك كانو مجهزين الشناط عند الباب ملك كان احساسها جميل كان تنظر ع احر من الجمر انها تتكلم مع ابوها وتشوفه زين
اما خلود كانت ملخبطه وساكته عشان ملك وفرحتها ماتبي تعرفس شي
اما عبدالله كان واقف عند بابهم وجالس بسيارته يفكر يدخل وï»» ï»»
بالاخير اخذ نفس ونزل من السياره واتجه للباب
وطقه
ملك فز قلبها وخلود رجفت
وقامت ملك وفتحت طبعا كانت متلثمه من شافت ابوها ارتسمت ابتسامتها
عبدالله ابتسم:سï»»م
ملك استحت:وعليكم السï»»م
عبدالله:ممم ادخل؟
ملك ضغطت ع سنونها من الحيا وابعدت عنه:تفضل
ابتسم عبدالله وهو يناظرها دخل وسكرت الباب ولف لها
عبدالله:خï»»ص
استغربت ملك
عبدالله؛ خï»»ص سكرتي الباب مو انا ابوك افتحي لثمتك
ابتسمت ملك وفتحت لثمتها ومن شافها عبدالله فرح
عبدالله:ماشاء الله ي قلبي انتي بس .. اخذتي كل شي من امك
خلود كانت تشوفهم وتنهدت:تفضل ي ابوخالد
عبدالله لف لها وابتسم:هï»» والله خلود شلونك
خلود نزلت راسها:الله يسلمك
مسك عبدالله يد ملك ومشى فيها للكنب وجلس وملك حست بااحساس غريب كله فرحه
وخلود جلست بعيد عندهم شوي
عبدالله:هاه ي ملك جهزتي اغراضك
ابتسمت ملك:اي جهزتهم
عبدالله:وانا جهزت لك جناح كامل بيعجبك
ملك ابتسمت وبانت سنونها
خلود:ملك قومي بتكلم مع ابوك شوي
عبدالله مسك يد ملك:تكلمي والبنت موجوده
ملك عقدت حاجبها تشوف امها
خلود:عبدالله اتركها وخلنا نتكلم
عبدالله:الكلام نتكلمه بالبيت الكبير
خلود:ï»» بنتكلم....
عبدالله وقف واتجه لشناط وشالهم
عبدالله:انتظركم تحت
وفتح الباب وطلع وخلود انقهرت وملك تناظر امها مستغربه
خلود بعصبيه:يï»» يï»» امشي اوووف
ملك سكتت وقامت
ولبسو عبيهم وطلعوو
.
.
ببيت ابومتعب
عبدالملك:ايش تقول؟
ابومتعب:مو يقولون اخطب لبنتك قبل ولدك
عبدالملك ابتسم:صح بس اعذرني
ووقف
ابومتعب بضيق:افاا
عبدالملك:والنعم فيكم وشرف اناسبكم بس سالفه الزواج مو ببالي الحين
وطلع وابومتعب تضايق وتنهد

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
رواية تعرف حبيبي ان عشقي لك تعدى حدود الجنون	البارونة	همس للقصص وحكايات وروايات	3	30 - 10 - 2024 02:24 AM
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع