رواية يا خاطفي وين القى عزتي في زمن المذله - الصفحة 42

5 - 6 - 2014, 07:47 PM

ابو مهآ:لأن هذآ صديقه وأسمه عبدالله ولد نآس وطيب بس عيبه أنه متزوج أرملة صديقه عشآن يربي عياله بعد مآوصآه عليهم رغد بلعت ريقهآ وتمالكت نفسهآ ..حست بقوه تسري بجسمهآ أستغربت مبنعهآ:يبه أنـــآ رآفضه لايتعب نفسه وينتظر ردي ..وهذآ أنت قلتهآ متزوج ويش يبي فيني أن ابو مها: الولد شاريك وامه كلمتني يبونك وزمآن خطبوك بس صارت لهم ظروف ومآتمت الخطبه رغد:زمآآآن مآهو الحين ...انا مستحيل أتزوجه لآسباب أولهآ انه متزوج ثانيهآ انا صغيره وإن شاء الله بيجيني اللي أحسن منه (وثالثهآ سآمحني يابوي مآ أقدر أقوله ) ابو مهآ يحآول يقنعهآ: استخيري يمكن يتغير رآيك ماتدرين الخيره وين رغد بحده: هذا الموضوع بالذات ماراح أستخير فيه مآبيه ولا أبي اتزوج بالمره عاجبتني حياتي هن ابو مهآ بدأ يفقد الأمل: يعني خلآص هذآ الرد النهآئي ؟رغد غمضت عيونهآ وأخذت نفس طويل:ايووه هذا ردي النهآئي ابو مهآ وقف: الله يكتب لك اللي فيه الخير ويرزقك بأبن الحلال رغد ابتسمت لأبوهآ: آآآمين يالغالي آآآميييين طلع من عندهآ وتركهآ تسرح بعالم آخر من الأفكآر والأوهآم { رغد }متى تتركني بحالي ياعبدالله وربي اني كرهتك ومليت منك كل هالسنين مآقدرت تنسيك اللي كآن ...مستحيل انسى اللي كآن بيننآ أبدآ ولآ رآح أنسى كذبك وخيآنتك لي ..بكل جراءه جاي تتكلم مع أبوي كأني الظالم وأنت المظلوم ..انت اخر شخص ممكن افكر فيه تبت من حبك حتى لو بقى في داخلي منه أثر أكتويت بألف نآر ونار بسببك رجعت لكتابها متجاهله كل اللي صار بينها وبين ابوها ..بالرغم من كبت قلبها واحاسيسهآ الميته :::::::::عند الثنائي المختلف { هنآدي & باسل }رمت العطر من يدها وقفت تتأمل شكلها بالمرايا ..من صغرها ماتحب أي أضافات جماليه عليها مكتفيه بطبيعتها وملامحه الطفوليه التي تزيدها جمال ..يزيد ضيقها تقمصها لشخصيه تغايرها تماما هنادي بتأفف:ياربي اكره هذي الخرايط اللي بوجهي "لفت عن يمينهآ ولاحظت قصر التنوره" أوووف يعني مايصير البس بجآمه أريح وأستر وأحسن بعد دق جوآلهآ وفرحت لما شافت الرقم:هلا رونتي روآن بنبرة وله:وحشششتيني مووووووت هنادي ضحكة من قلب:وأنتي أكثر روآن:كيف بعد الزوآج هنآدي:طففففش روآن:هههههههههه بدري على هذا الكلام هنادي:ماني متعوده اكون لحالي دايم البيت مليان الحين ماغير راسي وراسه روآن:بتتعودي مع الأيآم هنآدي تذكرت: ثآنكس على الورد ياحلوو روآن:عجبك؟هنآدي: مررررره يكفي ألوآنه ترد الروح روآن: انا متصله أتطمن عليك أخليك تشوفين زوجك لآيقول عني مآ أستحي هنادي:ههههههه اوك أذا لقيت وقت أتصلت عليك روآن:أوكِ لاتقطعيني هنآدي:افا عليك قولي غير هذا الكلام روآن:يالله باي حبي هنآدي:بآآآي ..قفلت جوالهآ والقت النظره الأخيره على شكلهآ وطلعت من الغرفه ...شآفته متمدد على الكنبه بعشوآئيه ونآيم ..شكله هآدي ومنغمس تمآمآ بأحلآمه ,,جذبتهآ ملامحه السمرآويه قربت منه بشويش وحاولت مآتطلع أي صوت يزعجه ويصحيه هنآدي( ياربي هذا له كم وجه كل يوم أشوف له شكل ..الظآهر من الكحل والبلاوي اللي علموني خواتي عليهآ خربت النظر عندي قمت أشوف اشكال والوآن ..أممم طيب الحين هذآ كيف أصحيه ؟!..وألا أخليه نآيم أحسن لآيغثني بكلامه ) أخذت الريموت تقلب بالقنوآت لكن حست بالملل لفت على جهته واستغربت هدوئه بالنوم باين عليه التعب ..وقفت قبال ولمسته مع كتفه وهزته بشويشهنآدي:بآآسل ..بآآآسل قووووومماحصلت رد منه زآدت بهزه وبدأ نبضهآ يزيد:بآآآآآآآســـل ...بآآآآآآســــــــــــــــل لمست جبينه حرارته عآديه جلست جبنه وبخوف :بااسل ويش فيك ..رد علي بآسل ببرود كآد يقتلها:ويش تبين ؟هنادي بعدت شعره عن وجهه: أنت حي مآ مت ؟باسل فتح عيونه يطالعهآ:لو كنت ميت تتوقعين أرد عليك ؟هنادي عضت شفايفهآ بقهر كانت بتموت من الخوف وهو لآ يبالي حرك يده:كأنك مضيقه المكآن علي ؟هنادي انقهرت وحطت يدهآ على خصرهآ:ويش قصدك ؟بآسل ابتسم:ماقصدي شي بس شوفي المسآحه صغيره مره هنآدي عناد فيه مآ بعدت وقلبت بعيونها:بالعكس وسيعه بس كل وآحد يحدد اللي ينآسب حجمه باسل يرفع رجله: لو سمحتي بعدي عشان رجلي بمدها زينهنادي تتكي وتتمدد بعناد: ماعليش عندك السرير روح تمدد وتبطح فيه على كيفك باسل:طيب الحين جايه مصحيتني ليه ؟هنادي كشرت: طفشت لحالي باسل:انتي سبب طفشنا الاثنين هنادي :يارربي نلف وندور ونرجع للمهاوشات انت ليش تحب نتهاوش باسل فتح عيونه على الاخير: انا ؟هنادي تطالع وراه:لا اللي وراك باسل لف بتلقائيه مصدق ان في أحد ورآه: وينه هنادي انفجرت ضحك :ههههههههههههآآآآآآآآي باسل ميل فمه: اشوى اخيرا شفنا اسنانك هنادي:هههههههههههه حلوه الحركه باسل: ماقلتي ليه مصحيتني من احلى نومه هنادي تحولت ملامحها للتعبيس:قلت طفشانه ماتفهم ؟باسل: طيب ويش تبين اسويلك اذا طفشانه ؟هنادي:أووووف قوم ونسني يالله اللي اعرف العرسان مايجلسون بالبيت باسل ابتسم:قلت لك بنسافر وانتي رفضتي يالله عاد تحملي الطفش هنا هنادي بترجي: لا ويش ذا حرام عليك ظلم ...انا بموت من الطفش باسل: وين نروح طيب مافي الا هالبيت خلينا فيه لين نروح جده هنادي: عندي حل ..ويش رايك توديني بيت اهلي اشوف خواتي باسل ضحك:وانا اتسربت بالشوارع ؟هنادي بتأفف:اجل اقترح علي شي يونسني باسل اخذ الريموت :الحين اوريك شي يونسك ويعجبك "حط على قنآة رياضيه " في شي أحلى من المبارايات؟هنادي كانت بتصارخ لكن مسكت نفسها عند اخر لحظة وحطت رجل على رجل:امم ايه فيه دور لنا فلم والا برنامج باسل :أقولك بقوم ألبس نطلع نغير جو أصلا هنادي ابتسمت بدآخلهآ( أخيرا بغير جو عن كئابة هذا البيت اللي تسد الرزق ) وقفت ولحقته للغرفه تجهز شنطتهآ وعبايته باسل: ويش رايك ألبس ثوب وألا جينز ؟هنادي شهقت بقوه:جيييينز ؟ لاحبيبي ثوب وشمآغ قال جينز قال باسل ارتسمت على جبينه ملامح استغراب:ويش فيه الجينز هنادي تصرفه:لالا مافيه شي حلو ويزيد حلاه اذا لبسته بس احسن البس ثوب انا أحب الثوب بآسل هز كتفه بسلبيه: نلبس ثوب ليش لابعد ربع ساعه ركبوآ السياره ..مدت يدهآ على المسجل وشغلت السيدي هنادي: وين بنروح ؟بآسل يفكر:أممممم مدري بصراحه ما اعرف امآكن حلوه هنآهنادي :ويش رايك نروح منتزه بري نتونس ونتفرج على الناس باسل:أذا تعرفين الطريق نروح هنآدي : ايه اعرفهبآسل : أجل توكلنا على الله ::::بعد المغرب ببيت ابو مها شهد: الف سلامه عليك حبيبتي ريم بتعب:الله يسلمك مهآ: ويش رايك تنآمين مانمتي من الصبح وباين عليك التعب رغد:أي والله خلونآ نروح للصاله وهي تنام شهد علقت عبايتهآ:أوك يالله سمور قلبي شيلي ميشو سمر تركض له: ياهلا بأطلق واحد بالبيت كله مهآ:انا بروح أشوف سحر ويش سوت مع العشاء رغد انتظرت لما الكل طلع وبقت هي وشهد سكروآ الآضاءه والباب رغد بهمس: عندي سالفه ضروريه لازم تعرفينه شهد فتحت عيونها على الأخير:جد والله ...يالله على غرفتك بس بروح اقول لسمر تنتبه لميشو واجيك رغد: أنتظرك لا تتاخرين والا تروح عليك شهد: افا عليك غمضي عين وفتحي عين وأنا قدآمك بسرعه راحت لسمر ومرت بطريقها على مهآ بالمطبخ ورجعت لرغد اللي حكت لهآ اللي صار بينهآ وبين أبوه شهد ميلت فمهآ: انتي مقتنعه بقرارك ؟رغد عقدت حوآجبهآ باستغراب وركزت نظراتها على شهد:ايه مقتنعه شهد بجديه:شوفي رغد الرجال جاء وكلم عمي وانتي رفضتي لا تجين بعدين وتتندمين وتقولين ياليت اللي جرى ماكان رغد عصبت:انتي تضنين اني للحين احبه انا عفته تفهمين ويش معنى عفته بعدين حطي براسك شي واحد انا مستحيل أخذ فضلة غيري حتى لو كان اغلى انسان بحياتي شهد: دآمك مقتنعه بقرارك انتي حره صرتي راشده تعرفين تمييزين اللي تبين رغد ميلت فمهآ بكره :انتي قلتيها صرت راشده والعقل اللي من ورى عبدالله مابيه شهد بأستغراب:يالله ماتوقعتك بتكرهين كل هذا الكره وتحقدين عليه رغد ابتسمت بذبول: لو ذقتي اللي ذقته راح تدعين عليه بالموت ولاتنسين اني لو تزوجته بيظل يذكرني بالماضي اللي تبت عنه وتندمت عليه شهد لمست كفها بقوه: تغيرتي كثير يارغد رغد: الدنيا دروس وتجارب والشاطر اللي يتعلم من اغلاطه وتجاربه شهد بتغيير الموضوع كشرت : بقولك على شي راح يصدمك رغد :خير؟شهد احتدت ملامحها: بجد مدري كيف بقولك رغد عصبت: قووولي شهد نزلت راسها : أنا حآآمل رغد شهقت وبنفس الوقت صرخت:ويــــش حآآآآمل ؟شهد هزت راسها وهي تشوف معالم الصدمه على وجه رغد: ايه رغد: حرام عليكم كل يوم وحده جايه وقايله انا حامل شهد ترفع يدها: عسى ربي يبلاك واشوفك كل سنه حامل رغد: بسم الله عليا ..بعدين كلهم يحملون الا انتي خبله انهبلتي صار لعقلك شي ميشو توه صغير لسى ماصار له ست شهور شهد بتضجر: صار اللي صار والحين حامل ماني اول ولا اخر وحده تحمل رغد : الله يرفع عنك ياشيخه شهد كشرت: يعني مافي مبروك وانا اللي قلت اكثر وحده بتفرح لي رغد رغد بخبث: باركنا لك اول مره تكفي بعدين لو طولتي شوي افكر ابارك لك مره ثانيه شهد : وربي انك لئيمه اروح لمهاوي هي اللي تحس فيني مو انتي مالت عليك رغد ترفع يدها: يارب يارب يارب تهزئها وتلعن خيرها شهد: اعوذ بالله منك دخلت مها على كلمتهآ وبلقافتها المعتاده:ويش فيكم تتناقرون انتي وهي ؟رغد بسخريه: تعالي شوفي القطوه هذي شهد قرصتها:قطوه بعينك يالخفاش مها ابتسمت وجلست قبالهم: عن السخافه انتي وهي ويش عندكم رغد تمد لسانها لشهد:باركي لها الاخت حــــــآآآآآمـــل " مدت بدلع" مها فتحت عيونها :شنو "لمست اذنها" ماسمعت ويش قلتي عيدي بالله شهد بزعل: ياويلي لهذي الدرجه صرت عجوز مها بصدمه: أكيد تمزحين احلفي انك مانتي حامل شهد: للأسف حامل مس مهآوي مها :بجد انك مجنونه "سكتت شوي " يالله جالسه بالبيت لادراسه ولا شغل ويش وراك غير الحمل والكنس والتنظيف لك مستقبل باهر لو تفتحين حضانه شهد شوي وتبكي: مالت عليك وانا اللي اقول مهاوي بتحس فيني مها: لا والله غلطتي يوم حستي رغد ماتت ضحك على شكل شهد اللي تغير: خلاص لاتزعلين يانآآآسووو على المكشر شهد:ماقول ألا ربي يخليني يوسف حبيبي مو أنتم مهآ:ترى ازعجتينا بيوسف كأن مآحد متزوج بذا البيت الا انتي حتى أنا ياناسوو على بندورتي وصلعته ويش زينه رغد:هههههههههههههههههههه آآآه يابطني تكفين مهآ لاتتغزلين بزوجك يوم أشوفه استغرب التوافق بينكم مهآ تغمض عيونهآ: سِبع والسبآع قليلون شهد:أفلقيني ان كآن سبع هو وصلعته اللي لو يخططهآ يكسب مهآ تتخصر: الآ زوجي لو سمحتي رغد:هههههههههآآآآآآآآآآي ..تكفون بطني أوووه هههههههههههههشهد: أخص لايكون توم كروز وانا مدري مها بصوت رومنسي:والله أنه بعيني أطلق من مليون توم شهد: مسكينه تحلم حلم لايمكن يتحقق رغد تمسح دموعها من الضحك :خلاص ابي عمري

9 - 6 - 2014, 01:36 PM

بطريق رجعتهم بعد مآ بدلوآ جوهم وأستآنسوآ مع بعض بآسل: اول مره ادري انك سوآقه ضحكت بخجل ممزوج بجرآءه:ايه اعرف أسوق باسل: والله طلعت عندك مواهب وانا ماني دراي هنادي: مع الأيام بتعرف بآسل يهز كتفه: نشوف ويش بيصير مع الأيام "طلع بكت دخآنه وصار يدخن " وين نتعشى ؟هنادي رجعت راسها على ورى: بكيفك انا جوعانه ومستعده أكل أي شي بآسل:أوك بعد فتره صمت طويله سألته: متى بنروح للرياض ؟بآسل ابتسم: بكره هنادي شهقت: ويــــش ؟..بكره وتوك تقول ؟باسل ببرود: كنت بقولك لما نرجع قبل شوي أتصلت على الخطوط وحجزت هنادي :ايه ويش عليهم اهم شي اشوف شوق بآسل طالعهآ:ويش رايك أخلي فهد يسلمني طيارته ونروح مآليزيا هنادي :لالا بآسل: أجل بنروح جده هنآ مآني قادر أخذ راحتي هنآدي بتأفف:طيب طيب بس بعد مآ نتعشى توديني بيت أهلي اشوفهم قبل نسافر بكره بآسل رفع حاجبه وبنبرة تهديد: سآعه مآ تزيدين عليهآ ..أوك؟هنادي ميلت فمهآ وطلعت جوالهآ: طيب نص ساعه لو تبي بعد المهم اشوفهم باسل : زين دقت على سحر ثوآني وردت عليهآ: هلا سحر كيفك سحر: بخير أنتي شخبارك وربي لك فقده هنادي ضحكت: اكيد الغرفه ماهي حلوه بغيابي صح ؟سحر تضحك:نص ونص بس البيت هآجد فاقدين رجتك وأزعآجك هنادي : أهب عليك اعترفي أني نور البيت سحر تمشي لهآ: ايه كثري منه هنادي:أقول ترى بعدين بجيكم الله الله بالأستقابل الزين سحر سكتت: ماله دآعي تجين هنادي بشك: في شي ماتبوني اعرفه ؟سحر: لا ابد كل شي على حطت يدك هنادي: انا بجي اسلم عليكم وأخذ بقية أغراضي لآني بكره مسافره مع زوجي بلحظة نطقآنهآ لهذي الكلمه لف عليهآ لآ أرآديآ كآن لهآ بدآخله أثر أخر سرح بكلامهآ ونسى الطريق وكله أحآسيسه وحوآسه متعلقه فيهآ وبنبرتهآ اللي يعشقهآ حد الثمآله ...من اول مره شآفهآ هآم قلبه بحبهآ وسعى للحصول على قلبهآ بأشنع الطرق لكن قد أنه يكفر عن غلطته حتى لو كآنت ترفضه وأخر أهتمآمها به بأحآسيسه لهآ ولآ تدرك حبه وجنونه بهآ ... صحى على مسكت يدهآ ليده وصرختهآ اللي فوقته من سرحآنه الطويل بــــآآآآآآآســــــــــل الــســـيــآآآآآآررررره بنفس التوقيت في الرياض..: الــووو فهد: نــعــم ويش تبي ؟..: فكرت باللي قلته لك فهد: ايه فكرت ..: ويش ردك ؟فهد:اللي قلته لك من قبل ..الشنطه مآ أدري عنهآ شي ..:هههههههه طيب يافهد منى عينك تشوف ولدك فهد فتح عيونه على الأخير: أسمع لو قربت من ولدي ترحم على روحك ..:قد هالكلام يابو راكان؟فهد بصوت حآد:قده ونص يا وآطي ..:هههههههه طيب روح للحضآنه موعدنآ هنآك قفل جواله وكآن بيطلع لكن أستوقفه صوت شوق الحآد ...فتحت عيونهآ: فــهـــد لف بسرعه : هل شوق تبكي: احس بنآر بجوفي تحرقني فهد بخوف: ويش تقولين انتي ؟شوق زآدت نبرة بكآهآ حده : آآآه احس روحي بتطلع فهد مسك يدهآ وكآنت حرارتها مرتفعه ارتبك مآ عرف كيف يتصرف قطعه من قلبه تستنجد فيهآ والقطعه الأخرى يمكله الخوف عليهآ :بروح انادي الدكتور شوق مسكت يده بقوه وصارت تهذي بكلام ماهو مفهوم فهد: شوووق ....شوووق ما وصله منها جواب وطلع زي المجنون ينادي الممرضين والدكتور ووقف ينتظرهم برى بألم وحرقه قلب ناسي المكالمه التي كانت قبل دقائق

9 - 6 - 2014, 01:37 PM

البارت الثاني والخمسون في عيونك أنا شفت كل ( الرياض ) !!ليه أحسّ إن - الرياض -. . أحيان ; كن مابه أحد ؟وليه أحسْ إنك إنت صرت / كل أحد ؟!الشوارع ، المباني ، والبشرحتى [ الـهـوا ]المسا والصبح . . وأكثر !. . بّ إختصار : إنت الرياض !ما للرياض أحباب , إلا أنت | وعيونك وقف مصدوم وهو يتأمل مكآنه والتفاصيل الخاليه مرت عليه الدقايق بدون مايستوعب اللي يشوفه رآآآكـــآن رآآآآآآآكـــــآآآآآآآن تلفت يمكن يلمحه حتى لو من بعيد طلع يهاوش بصوت مخيف وثاير لأبعد حد مسك الممرضه: ويــن رآآكـآن ولدي وييينــه ؟الممرضه بخوف وآضح: كان بمحله ما أحد اخذه فهد ارعبها بصرخه: مآهو في ..وين رآآح الممرضه شوي وتبكي: والله مدري ..مدري طلع بسرعه لرئيس القسم وكأنه مجنون ..حآولوآ الكل يهدونه لكنه كآن في أبشع حالات هيجآنه فهد: لو يصير لولدي شي بحملكم المسؤوليه على أهمآلكم المدير: تعوذ من الشيطان يا استاذ فهد ..ان شاء الله بنلقاه " لف على حارس الامن" فتشوا المستشفى لا تبقون ولا مكان الا تفتشونه فهد صرخ على الحارس: ويش تنتظر شوف وين رآآآكــآن المدير: تفضل معي للمكتب تفاهم فهد بعد عنه وبعصبيه: مابي منكم شي الا ولدي ..ولـــــدي وبس تركهم ورجع للكراسي وانفاسه تضيق بصدره ونبضاته متسارعه استند على الجدار وتنهد بألم وحسره ..انتبه لجواله يدق ..رد بدون مايشوف الرقم فهد:نعم ..:ويش اخبار راكان فهد بحده: ياحقير ..انت اللي اخذته ..:ههههه يعجبني ذكائك وفطنتك ..تبي ولد سليم مايمسه شي تجيب لي الشنطه اللي مبلغها ماياسوي ظفر ولدك فهد بعصبيه: اكيد انجنيت انت والا صار بعقلك شي ..:ايه صار بعقلي شي لما اخليك تأخذ صفقه تساوي 25 مليون على المستريح فهد بحقد: طيب وبعدين ؟..: تبي ولدك يرجع لك تجيب الشنطه زي ماقلت لك والا بتترحم على ولدك وماتشوفه طول عمرك فهد بنبره حاقده جدا: تساومني على ولدي ياقليل الشرف ..:هههههههههههه اللي عندي وقلته اذا رجعت لعقلك وقررت تاخذ ولدك اتصل علي قفل الجوال ورجوله ماهي قادره تسنده اكثر .. ماحس بنفسه الا وهو قدام غرفة شوق كان الدكتور والممرضات طالعين من عندها الدكتور: نامت الحين بعد المهدي وأن شاء الله الصباح تكون بخير فهد أومئ براسه بهدوء وراقبهم لين اختفوآ عن عيونه جلس على الكرسي وتكى بيديه وخبى وجهه بين كفوفه صبره انتهى لكن لما توصل لأبنه ضيء عيونه الذي انتظره بعد عمر طويل ومعآنآة امه لا يعود له قدره على التحمل اكثر ...نزلت دموعه بصمت وألم يحرق جوفه حس بيد على تربت على كتفه ..:ويش فيك يبه ؟رفع رآسه ودموعه مرتسمه على خده وبصوت مبحوح : يــبــهابو ريآض أنصدم من شكله وزآد خوفه دموعه اللي أول مره يشوفهآ تنذرف من عيونه سأله بنبره مرعويه: خير ياولدي ويش اللي صاير معك؟فهد اخذ نفس وقال بصوت متقطع:رآآ...كـ...ـآآن ابو رياض شهق:ويش فيه رآكآن؟فهد: رآح مني ..رآآآآح ابو رياض بتوتر متضح عليه وخوف:ويش اللي صار يافهد ..علمني يابوك لا تخوفني فهد مسح دموعه بعشوآئيه مشآبهه للأطفال:أخذوآ ولدي فتح عيونه بأستغراب مآهو فاهم شي:مين اللي أخذوه؟فهد: هــم أخذوه ياليتهم أخذوآ روحي ولآ أخذوآ ولدي ابو رياض عصب: تكلم زي الناس وقولي مين اللي اخذوآ رآكآن وليه أخذوه فهد ابتسم بألم: لأني أبوه أخذوه ابو رياض بعصبيه: فهد لآتجنني قولي كل اللي صار فهد بحزن: بقولك يايبه بس تكفى ساعدني ماني عارف كيف اتصرف ابورياض:قوم قوم معي فهد يطالع بباب الغرفه: وشوقابو رياض:الله معهآ يالله يابوك قوم معي خلنا نروح مكآن هادي وتقول لي اللي صار وقف بمساعده ابوه ومشوآ بأتجآه المصعد حتى يطلعون من المستشفى بكبره :::::::::بهذا الوقت بالمدينه غمضت عيونهآ وأنفاسها تتسارع بصدرها ...تذكرت الموقف اللي نجوآ من موت محتم بقدرة الله بآسل بهمس خآيف:هنااادي انتي بخير هزت راسها وكل اطرافها ترتجف وتحس ببروده سكنت جسمها:انتم تأكده ماصار لنا شي باسل: الحمدلله ربي رحمنا " فتح الباب وطلع يشوف السياره بوسط الظلام "هنادي: ياربي لك الحمد " مآحست بنفسهآ ألا ودموعها على خدهآ وتشهق بالبكاء " رجع بيطمنهآ سمع صوت شهقاتها:هنادي فيك شي؟هنادي تبكي: لاأخذت علبة المويه حقته ومشى لها فتح بابها ونزلها غسل وجههآ وشربهآ من المويه بعد مآ سمى عليها : كيف الحين هنادي تمسكت بيده: الحمدلله ..خلنا نرجع بيتنا باسل: ماتبين نتعشى هنادي بتلقائيه: لاآآآ ..بلا عشاء بلا هم ابي ارجع البيت وبس باسل:وخواتك ماراح تروحين لهم؟هنادي: لا بكره مو لازم الليله رجولي ماهي شايلتني من الخرعهباسل: طيب يالله اركبي نرجع للبيت اول ماركبت السياره سمعت جوالها يدق ..ماتدري وينه اخر شي تذكره انها كلمت سحر انتبهت لضوه تحت رجولها وسحبته بسرعه وردت سحر بلهفه: ويش اللي صار لكم ؟هنادي:ولاشي بس جات سياره مسرعه وكنا بنصدم والحمدلله مافينا شي سحر: طيحتي قلبي على بالي صار فيكم شي هنادي: لا الحمدلله تطمني مافينا شي سحر:بتجين؟هنادي : لا بعد اللي شفته انسدت نفسي عن الجيه سحر بشك:بالله مافيكم شيهنادي: والله مافينا شي تبين تكلمين باسل تتاكدينسحر : اكيد لا انخبلتي انتي ..الحمدلله على سلامتكم وانتبهوا لطريقكم هنادي: ان شاء الله سحر:مع السلامه هنادي: مع السلامه قفت جوالها وتكت على الكرسي: باسل انتبه للخط زين باسل: وانا ايش اسوي برائيك هنادي:ادري عنك قبل شوي بغيت تخلينا بعداد الاموات باسل: يؤؤؤ شكلك تبين تعمرين بالدنيا هنادي: مو كذا بس مابي اموت وانا ماتهنيت بعمري وامس مسوين حفله عرسنا اللي مدري كيف جاء ابي استانس شوي باسل يضحك: ايه وويش بعد هنادي خافت من ملامح وجهه اللي مركزه معها: لالا طالع طريقك لا رجعنا البيت نكمل سوالف المره هذي سليمه المره الجايه اللي يعلم ويش يصير

9 - 6 - 2014, 01:39 PM

ببيت أبو مه رغد: ليش ماراح تجي خساره سحر: مدري اهم شي ماجاهم شي لما سمعت صرختها قلت اكيد ماتوا مها تضم بنتها:بسم الله عليهم شهد : سمر هاتي ميشو سمر: خليه يعلب معي شوفي كيف مستانس رغد تطالعها بنص عين: خير تبين تشيلينه ؟شهد كشرت: ايه ويش عندك ؟مها تضحك: سلآمتك بس خايفه على أخوه شهد صرخت: مهآآآآآوي رغد انفجرت ضحك: ماقالت شي يحتاج الصراخ هذا كله شهد تميل فمهآ: ايه ماقالت شي خلاص سكروا على الموضوع سحر بلقافه: بالله ويش في قولولي مها: موضوع خاص سحر تتخصر: الحين صار خاص ..شهد تكفين قولي ويش صاير؟شهد تطالع رغد ومها بقهر: سلامتك ولاشي رغد بترفع ضغط شهد قالت بنبره مياعه: الأخت حآآآمل "وضحكت"سحر فتحت عيونها: ويــــش ؟..حآآآآآمل شهد: يمه منكم كل وحده تخزني بعيونها يوم تدري ..ايه حامل فيهآ شي سحر خافت من شهد: لا مافيهآ شي ..الله يتمم لك على خير مها تدق سحر وهمست: ياشين الخوف سحر: تبينها تعيفني الكلام خليني ساكته ابركسمر :عاد ياشهوده كل الناس يحملون ويولدون وألآ ماصارت بالمملكه كثافه سكانيه ..عقابل ما ترصين 12 وتكملين الدرزن شهد: لا عاد ويش 12 هو وآحد وطلع عيوني مها ترفع حآجبهآ: أشوفك ماتبتي على طول الثاني شهد حطت يدها على خصرها: خير انتي ليش متقعده لي مها تضحك:شوفي كلامك المتناقض رغد:شوفي ياشهد إن شاء الله اذا جبتي ولد ترآه بيكون خطيب لبنتي رضيتي والا مارضيتي شهد: تزوجي بالاول بعدها يصير خير سحرتميل فمهآ:ياربي من الحين خايفه على بناتها من العنوسه مها تقرص خدود بنتها:شوفوآ القمر هذآ ياناس عليه يززنن سمر كشرت: هم صادقين القرد بعين امه غزال مها عصبت: هيه انتي لايكون رنومتي ماهي عاجبتكسمر: لالا عاجبتني بس ارحميني من الغزل اللي مدري من وين جاي شهد: ياربي منكم طول الوقت تتهاوشون اسكتوا سحر وقفت: بروح اشوف ريمآ لايكون محتاجه شي رغد:ايه تكفين شوفيه بالرياضأخذ كأس المآء حتى يروي عطشه بعد سآعتين من الكلام المتوآصل مع أبوه ابو رياض بصمت خآنق( كل هذآ انت سويته وأنآ اللي ضنيت فيك الشينه يآولدي): الله يكتب اللي فيه الخير فهد تنهد: أي خير يبه ولدي الله يعلم بحاله ابو رياض:لآزم نرجعه بأي طريقه فهد غمض عيونه:لو تدري شوق مدري ويشب يصير فيه ابو رياض: أنتبه تقولهآ مرتك مآهي نآقصه وجع فهد: أدري يبه أدري ...وقلبي أنا كيف يتحمل أوجآعه حط يده على كتف فهد وبنبره جآمده: أصبر أن الله مع الصابرين فهد: والنعم بالله... مابي من الدنيا الا يرجع لي ولدي وتتشافي زوجتي ونعيش مرتاحين تأمله بنظرات حزينه على حالته المتدهوره: الله كريم ياولدي الله كريم وقف فهد: اسف يبه لازم ارجع المستشفى اشوف شوق لايصير فيها شي ابوه: الله معك ..انتبه لطريقك ونفسكفهد: أن شاء الله ..اخذ جواله ومفاتيح من على الطاوله ومشى بخطوات سريعه وهو يسابق الثواني حتى يصل لشوق بعد عشر دقايق وصل للمستشفى وبسرعه طلع لغرفتهآ فتح الباب بشويش ..وشآفها هآديه وسآكنه في مكآنهآ ..قرب منهآ وعيونه تتفحص كل جزء فيها ..يدهآ المتبقعه بألوآن من أثآر الأبر والمسكنآت ..والهآلات تحت عيونهآ من البكآء والسهر ..أصفرآرهآ وذبوله فهد(آآآآه ياقلبي ويــش بتكون النهآيه ) فتحت عيونهآ ببطئ لمحت ظله ورؤيتهآ مشوشه ..همست بأسمه ورجعت لغيبوبتها المؤقته مسك يدهآ بحنيه:ارجعيلي ياشوق والله تعبت ماعدت أتحمل أكثر أحسآسي بالذنب يقتلني ..والله يقتلني "حط رآسه على يدهآ وبعد سآعه من جلوسه جنبهآ غفى بعالم يسرقه عن وآقعه لسآعآت الساعه 11 بالليل بعد ماأخذت شور سريع ولبست قميص ابيض طويل ..رفعت شعرهآ شينون وتعطرت هنادي غمضت عيونهآ بعد مآخطت بالكحل خط خفيف ...لفت عليه وهو جالس يقرأ جريدة اليوم هنادي: ماتبي تنآم؟!باسل ترك الجريده من يده وطالع ساعته:ليييش بتنآمين ؟هنادي تقلب عيونها: تتوقع أنام بعد اللي شفته اليوم باسل ابتسم:صار كل خيرهنادي ارتعشت وتغيرت نبرتهآ للخوف: تخيل لو مآ شفت انا السياره ونبهتك يمكن ماعشانا للحين باسل فتح عيونه على الاخير: لاتتفاولين علين هنادي عقدت حوآجبها وارتسمت ملامح التعبيس على وجهها:كل مآ أتذكر الموقف يمغصني بطني باسل بتأفف:هنوده غيري السالفه بالله عليك هنادي وقفت ومشت لهآ وابتسمت بغنج:اممممم ..طيب بسولي بويش كنت تفكر فيه يوم سرحت باسل طالعها بنظره مستغرب تغنجها:ماكنت افكر بشي لفت يدهآ على رقبته بنعومه وباسته على خده:بسولي لاتلف وتدور علي قول انك سرحت فيني باسل ميل فمه:وآثقه من نفسك بزياده بعدت عنه وهزت كتوفهآ:عيونك فاضحتك سهل اعرف اللي تفكر فيه باسل:تقرين الأفكار غلط لفت على وجهه وحطت عينهآ بعينه وبنبره جامده:بـــجـــد؟باسل وقف:جديين بعد ( مو بس انتي تعرفين تتغلين ..بخليك تركضين ورآي يابنت محمد) مشى بأتجآه الباب استوقفه صوتها هنادي:باسل وين رايح؟باسل: طفشآآآن بروح اتفرج على التلفزيون هنادي عصبت قالت بصوت يميل للعصبيه شوي: الحين أنا أكلمك تتركني وتطلع؟باسل لف بأتجآهها:مآ أضن تكلمتي بشي يستاهل ...طنشهآ وطلع للصاله وقفت مقهوره منه ولحقته بسرعه وقفت جنب الباب وحطت يدهآ على خصرهآ ووقفت بميلآن :ترى بكره ورانا سفر أذا انت ناسي باسل:لا ماني ناسي تطمني هنادي بحقد :يعني بتجلس هنا ؟باسل جلس على الكنبه وتمدد برآحه:ايه مشت من عنده للمطبخ شربت مويه وسكرت باب الثلاجه بقوه وطلعت من المطبخ:تصبح على خير باسل ببرود: تلاقين الخير هنآدي شوي وتنجن من بروده(هذا ليه يسوي فيني كذا؟..كل هذا عشان سالته اصلا الحق علي اتكشح له مالت عليه )باسل طالع فيهآ وهي سرحانه فيه وعيونها بتطلع من محلها:مضيعه شي بوجهي؟هنادي كشرت: لآآآآ باسل:مو قلتي بتنامين هنادي : غيرت رائي بسهر معك باسل فرح بدآخله وحب يزيده:بس انتي قلتي بتنامين ؟هنادي بتأفف: بسهر مع زوجي لايكون حرام باسل بيتشقق من الفرحه اللي يبيه صار:من قال حرام ؟..حياك تفرجي معي هنادي جلست جنبه واخذت نفس طويل:حط على فلم باسل مد الريموت كنترول لها:قلبي بالقنوات واختاري اللي يعجبك؟هنادي قلبت بالقنوات من بين هالقنوأت قنآه غنائيه عجبتهآ الأغنيه :وآآآآو رهيبهباسل بيقهرها:والله عليهم رقص خطير هنادي حطت رجل على رجل :كلنا نعرف نرقص موبس هم باسل طالعها وابتسم:وريني رقصك؟هنادي طلعت عيونها وشهقت:شننوووو؟باسل يرفع حاجبه بخبث:مو قلتي تعرفين يالله بشوف رقصك عشان اغير رأئي برقصهمهنادي توردت خدودهآ:لالا كنت اقصد في بنات رقصهم احلى بس مو انا باسل مسك يدهآ:اقولك وريني قامت وبعدت:قلتلك ما أعرف تصبح على خير ..ومشت بسرعه للغرفه وانسدحت على السرير اخذت نفس طويل وسمعت صوت الباب انفتح ..غمضت عيونهآ تهربا منه ومن أحرآجآته له باسل:لاتسوين نفسك نايمه هنادي: ماني نايمه باسل انسدح جنبهآ:اممم ويش بعد؟هنادي:ويش رايك تنام تراك صاحي من بدري باسل:توك تقولين تبين تسهرين معي هنادي:يووووه خلاص غيرت رائي برقد باسل يسحب شعرها :انتي كل دقيقه بقرار "ماردت عليه "لفي علي بسولف معك هنادي:أنعس باسل بتهديد:بتلفين وألا كيف هنادي :خلاص بلف ...ببطئ لفت فتحت عيونها ..ويش تبي؟باسل:أتمقل بوجهك وعيونك وشفايف وخدودك ورموشك وكل شي فيك هنادي :لو اختصرتها على نفسك وقلت اتمقل فيك بدال المشوره هذيباسل:يعني تبين كل شي مختصرهنادي:أي احسن ابتسم لهآ عرفت قصده تحركت بسرعه تبي تغطي وجههآ لكن كآن أسرع منهآ وطبع بوسه على شفايفها وضمهآ لصدره بقوه

9 - 6 - 2014, 06:00 PM

صباح يوم السبت يتكرر الروتين عند الجميع ...الكل اتجه لعمله أو لدراسته لبيدأ يوم جديد في اسبوع مليء بالمفاجئات طلعت جوآلها تشوف الساعه تنهدت قبل تدخل بوآبة المستشفى: الحمدلله جيت قبل خمس دقايق يمديني أطلع لفوق رجعت جوالها ووقفت عند المصعد تنتظره يفتح سمعت أصوآت وازعآج خلفهآ لفت وشآفت الأنسآن الذي لآ تتمنى رؤيته ... شآيل بين يديه طفل بعمر الزهور مٌحمر من الحراره وخلفه أم صوت بكآئهآ يملئ القسم تنقلت عيونهآ في بين المسآحآت الشاسعه مآ تشوف إلآ عمآل النظافه ..: ولدي بيموووت ..بيمووت الله يخليكم الحقون ..:وينهم مشت بسرعه لهم حطت يدهآ على جبين الطفل وشهقت: حرآم عليكم من متى مرتفعه حرآرته ...:من بالليل حطت أغراضهآ على الكرسي وأشرت له:تعالوآ من هن ..:بسرعه ياعبدالله بسرعه عبدالله يمشي وهو يرجف وعيونه على رغد اللي تسبقه وتنادي: وين النيرس؟فتحت ستاره صغيره خلفهآ سرير وبعدت الشرشف:حطه هن جآت ممرضه:شنو صار؟رغد: بسرعه قيسي حرآرته وضغطه باين انهآ حمى ..:الله يخليك ولدي رغد تدفهم: ماعليش أستنوآ برى ..أنتبهت لدكتور وليد رغد : دكتور ...دكتور لف د وليد: نعم رغد: ماعليش دكتور محتاجينك شوي جاء ووقف قبال السرير لف على عبدالله: استنوآ برى شوي مسك عبدالله زوجته ومشوآ بعيد عنهم رغد:شكلهآ حمى د وليد:كم حرارتها الممرضه: 41 وضغطه منخفض د وليد: أعطيه خآفض حراره وتابعيه بالكمآدآت البارده ..وحولوه على تنويم الأطفال رغد تطالعه لمسته بخفه وطلعت لبرى ..:طمنيني يادكتوره رغد: المفروض لما شفتي حرارته مرتفعه جبتوآ هنآ على طول ..:ابوه كآن بالعمل رغد طلت بعبدالله:قدامه العافيه إن شاء الله تركتهم لما سمعت صوت الدكتور وليد متجه لهم أخذت اغراضهآ وطلعت للدور الثالث حتى تبدأ بالتدريب اللي أهملت فيه بعض الأيام شآفتها أروى من بعيد وجات ركض لها ..حضنتها بقوه: وربي وحشتيني رغد تضحك:بجد ؟اروى تقرصهآ: ويش رائيك ..من زمآن عنك وعن سوالفك من اول ماغيرتي القروبرغد بطفش:تصدقين مالي خلق اجي بالعافيه أحضر اروى شهقت: خير أنجنيتي ؟..شدي حيلك رغد بتأفف: والله مالي خلق أروى سحبت لكرسي قريب: قبل نبدأ تعالي قوليلي أخبارك رغد: لا جديد اروى: شنو صار بزواج اختك رغد: عادي ترى زعلت لانك ماحضرتي اروى: وربي على اختبار ماقدرت رغد شهقت:ذكرتيني الحمدلله ذاكرت والا بجيب عاليها واطيها اليوم شافت الدكتور وليد يمشي ووقفت وهمست: وصل النكبه باي اروى كتمت ضحكتها: باااااااااي انتظرته يمشي لكن لاحظة انه يبطئ بخطواته ...مشت من جنبه وقالت:صباح الخير دكتور لف عليها مستغرب منها: صباح النور رغد: كيفك بعد الخميس والجمعه ؟وليد :الحمدلله (ياقو عينك تسبني عند بنت عمي والحين كانها ماسوت شي )انتي كيفك رغد: ماشي الحالوليد أبتسم: اممممم تبين شي ؟رغد هزت كتفها: نو قلت اصبح عليك دامني اول من وصل وليد ضحك:ماهي بالعاده رغد مشت وماردت على كلمتها الا بـ: عن أذنك دخلت القاعه المصغره وجلست على الكرسي تنهدت واخذت نفس طويل فتحت كتابها حتى تهرب من أي افكار يمكن تطغى على بالها طلعت جوالها بدون ماتحس صارت تقلب بالارقام حتى تضيع وقتها لين يحضر البعض وتأنس بهم أخذت جوالها وطلعت من القاعه تمشي بدون أي شعور منها وقفت بزاويه بعيده عن الكل والشباك الزجاجي كبير يطل على المدينه كلها تكت على الجدار وسرحت بعالمها لبعيد {رغــد} شنو اللي صار فيني معقوله كل ماقلت كرهته ونسيته اكون أكذب على نفسي واتوهم بشي ماهو صحيح ..ليه قلبي كان يرتجف بقربه عيونه تناديني وكل شي فيني يتسجيب له حتى نبضي ما يزيد الا له ...آآآآخ يا أنـآ ويش السوآه بحالتي أمس يخطبني وأرفضه واليوم اكتشف اني مآ أعيش في بعده ..أبي اعرف ليه ابيه ليه ماعفته ؟..ليه كلامي ما ينطبق على فعلي ؟..أكيد ضعف ضعف كبير ماهو هين ...الله يسامحك ياعبدالله لو ترجع سنيني مآ أخلي لك أثر بكوني ودنيتيحطت يدهآ على الزجاج تتأمل الفراغات بين أصابعها الخمس غمضت عيونها ونطقت بدون وعي: آآآآه صحت على لمسه أرجفتهآ بعدت بحركة لآ أراديه وهي متفاجئه : أنــت عبدالله: أيـه أنا رغد تتلفت حولها زي المقروص: ويش جابك هنآ روح لاحد يشوفنا عبدالله برفع حاجبه: ويش فيك ؟..مآ أخبرك تخافين أحد يشوفنا مع بعض رغد بحده: عبدالله مو وقته روح بعيد عبدالله بعنآد وصوت يماثل حدتهآ:ابي أتكلم معك رغد من بين أسنآنهآ: مشغوله ماني فاضيه عبدالله : أذا قلت لك ضروري ؟رغد شافت طلاب من نفس قروبهآ يمشون من جنبهآ:طيب طيب روح أنا ألحقك عبدالله :لا تسحبين علي عشان لا اتهور رغد بعصبيه: رووووح انتظرته لمآ ابتعد ..ولحقته بسرعه ونزلوآ لمكآن بعيد عن الكل عبدالله: يناسبك عنآ؟رغد :ايه بس اخلص علي بسرعه عبدالله: ليش رفضتي ؟رغد فتحت عيونها على الاخر:وتسأل ليييه ؟يابرودك عبدالله: مآ صدقت لما قال لي أبوك ...اكيد هو اللي رفض رغد ضحكة بسخريه: لسى باقي عندك أمل ؟..متى بتصحى ياعبدالله رغد اللي حبتك مآتت عبدالله رفع حاجبه:واللي أشوفها قدآمي ؟رغد:وحده ثانيه مآتعرفك ولآ تعرفهآ ..أنت أخر شخص ممكن افكر فيه بدنيتي عبدالله بصوت كله تهديد: راح أسوي كل اللي اقدر عليه عشآن تكونين لي رغد بحده: لو تجيب لي الدنيا كلهآ مآ رضيت ..أنآ أكرهك كل ذرة حب تحولت لكره انت أبغض الناس عندي عبدالله: مايهمني انا بالنسب هلك ويش ..المهم أنتي ويش بقلبي رغد بسخريه: ناكر جميل وماهو غريب عليك ..ويش ذنب المسكينه اللي فوق حتى تجرحه عبدالله: ذنبهآ أني ما حبيته رغد: وذنبك أنت أنك متعلق بوحده مآتشوفك شي انت أحقر من أني أشوفك عبدالله تفاجئ من كلامهآ وحدة نبرتهآ:أنـــ رغد بنظرة أحتقار: أجل أنا ؟..لأخر مره اقولك ابتعد عني " قبل تخطي خطوتهآ بالأتبعآد مسكهآ بقوه مع يدهآعبدالله: شوفي يارغد ان مآرحتي لأبوك وغيرتي رآيك بقوله على اللي كآن بينن تعلقت عيونهآ فيه من الصدمه وارتجفت شفايفهآ من خلف نقآبهآ بسبب كلمته التي أخترقت قلبهآ كالرصاصه القاتله ...تجمد كل شي فيهآ مآ قدرت ترمش إلآ بدمعه يتيمه بللت طرحتها رغد بصوت متألم: الله يقويك تدل البيت كنت متوقعه كل شي منك ألا هالشي عبدالله بندم: أنتي اللي جبرتيني انآ أبيك ابي اكمل حياتي معك رغد صرخت عليه: بس أنآ مآ أبيك غصب هو مشت عنه وتركته لحاله طلعت بدون أي احساس منها وقفت عند القاعه وعدلت غطاتها حتى تخبي عيونها الدامعه خلفها دخلت بهدوء وجلست جسد بدون روح بمكان غير مدينتي صحى على حركتها الخفيفه فتح عيونه بتثاقل واستوعب المكان المتواجد فيه وقف بسرعه وقرب منها ..تاكد انها منغمسه بنومها طلع من عندها ودخل دورة المياه غسل وجهه واتجه لمكتب الدكتور يسأله عن حالتهآ قبل يطلع بعد ساعه طلع من المستشفى واتجه للبآركنج قبل يدخل سيارته رن جواله وكان رقم غريب اول مره يتصل عليه فهد قرصه قلبه ورد: الو "سمع صوت بكاء حآآد قدر يميزه انه صوت رآكآن "فهد بهلفه:ألـــوووو..ألـــوو..بعد دقايق وصله صوت شخص ماقدر يميزه زين ..: تبي ولدك ؟فهد بحده: ولدي فيه شي ..ليه يبكي ؟..مين انت وليش أخذتوووه ..:ليه أخذنآه عندك الاجابه عطيناك مده بس انت تهاونت والنتيجه يجنيها ولدك يتحمل ذنب تهاونك معنا فهد ضرب السياره بقوه: ويش تبي انت ؟..: الف مره قلت لك الشنطه ؟فهد بنبره حاقده: يعني أنت أحمد ؟..: آآآيه فهد انفعل: يالوآطي يالنذل احمد: فهد هالمره كآنت بولدك المره الثانيه بزوجتك فهد بحده: تخسي تقرب من زوجتي انت لو فيك خير مآ تأخذ ولدي احمد يضحك بسخريه:يمكن ولدك ماهو غالي عندك عشان تفديه بشنطه قيمتها بالملايينفهد: ويش يخصك اذا غالي عندي والا لا؟احمد: يعني مايهمك لو يوصلك رآسه فهد انرعب وشهق: ويش تقول ؟..انهبلت انت ؟احمد بنبرة امر منتهيه: ولدك ماراح تشوفه الا بعد تجيب لي الشنطه فهد: حاضرين تبيهآ بتكون عندك احمد: لاتفكر تلعب بذيلك الرؤوس الكبيره اللي تلعب معها ماتفيدك فهد يضحك:هههههههههه بتقنعني ان اللي وراك بينفعونك ؟احمد بسخريه:ويش يهمك فيه ؟فهد: زي اللي يهمك رجع صوت راكآن يعتلي وأحتد صوت فهد:أسمع ياأحمد الكلب لو يصير بولدي شي رآح اقتلك أحمد بحده: تبي ولدك عجل بجيبة الشنطه أنقطع الخط بينهم ..بدأت انفاسه تزدآد طالع جواله الساكن ودخله بجيبه ..فتح باب السياره ومشى بسرعه وصوت الأحتكآك لفت أنتباه الجميع اخذ جواله بدون أي احسآس منه وأتصل على رقم حآفظه عن ظهر قلب فهد: هلآ استآذ مشعل ..ابي اشوفك الحين مشعل:خير يافهد صاير شي فهد: لما اشوفك اقولك مشعل: أنتظرك بالمكتب فهد بزفره أرعبت مشعل: انا قريب منك ..مع السلامه

9 - 6 - 2014, 06:07 PM

أنفاس صبحك، تعلق قلبي بقلبكوأنفاس صبحي تعلق قلبك بقلبيأشتاقلك...وأزرع عيوني على دربكوأقول شف كيف هذا الشوق يلعب بيصحى قبلهآ ..أخذ شور زآد نشآطه أكثر جمع أغراضه اللي يحتآجها بسفرته التفت على جهة السرير كآنت هآديه ونآيمه بسلآم ..طالع ساعته وأبتسم على تأخرهآ بالنوم قرب منها وهو يتأمل ملامحهآ الطفوليه البريئه ترآجع قبل يصحيهآ لكن الوقت يعدي وبتأخرون على موعد طيآرتهم ..لمس خدهآ بشويش بآسل :هنوده ..هنوده "ضمة نفسهآ اكثر وارتسمت على جبينهآ علآمة الآنزعاج " هنآدي أصحي يالله فتحت عيونها بتعب: خلني أنام باسل: مايصير حبيبتي يالله قومي تأخرنآ ورآنآ سافر هنادي استوعبت وفتحت عيونها زين :أيي صح باسل باسهآ على خدهآ بشويش: صباح الخير ابتسمت بحيآء وارتبكت:صباح النور باسل وقف ومد يده:يالله قلبي قومي بنتأخر كذ هنادي:خلاص استنآني بالصاله بس اتروش والبس بسرعه باسل يأشر بسبابته:لآتتأخرين هنآدي ضحكة:والله ما أتاخر بس روح أنت بعد مآطلع وسكر الباب وقفت واتجهت للدولاب أخذت بنطلون أسود وتي شرت أحمر سآده هنادي( عيب والله كل يوم يصحى قبلي وانا خآمده مدري انا الزوجه والا هو غصب يخليني استحي من نفسي وتصرفاتي معه ) دخلت الحمآم وانتم بكرآمه وبظرف ربع ساعه خلصت وجهزت نفسهآ ..وقفت قبال المرايا تكحلت ووحطت روج لمت شعرهآ بعشوآئيه وطلعت هنادي: باسل شنطتي جاهزه تعال خذه باسل فتح عيونه:قبل نفطر ؟هنادي كشرت: بالمطار نفطر باسل وهو يقلب بالقنوات: مقدر أسوق وانا جوعان سوي لنا شي خفيف نسد فيه جوعنا هنادي مشت للمطبخ وهي تهز راسها بتأفف: زين بسوي توست بلبنه وعصير غيره لاتحلم باسل: ياربي اعرف الحريم يتفننون بالطبخ انتي ليه غير عنهم ؟هنادي فتحت الثلاجه ورفعت صوتها عشان يوصله صوتها اكثر:انت قلت غير عنهم لو سمحت جيب شغاله تطبخ لنا لاني ما اعرف اطبخ باسل بتحطم: شكل هذا اللي بيصير طلعة روحي من اكل المطاعم ثواني وجابت الصينيه وجلست جنبه قبل تبدأ بأكلها: ايه نسيت أنا عروسه المفروض مآ أطبخ شهر او شهرين غص بأكله تركت اللي بيدهآ وضربته بخفه على ظهره:صحه يالمشفوح باسل لف عليها وشهق:شهر أو شهرين؟..تبين تعيشيني برجيم قاسي؟هنادي تقلب عيونها:ياسلام والناس كلهم احسن مني بويش؟باسل يطالع ساعته: كُلي الحين بعدين نتكلم بهذا الموضوع بدري عليه هنادي :الشاهد من هالكلام كله ماعاد بخش المطبخ باسل يضحك: يصير خير بعد ماخلصت من الأكل وقفت تلم الصينيه وترجعهآ للمطبخ دق جوالهآ ركضت لشنطتهآ ترد هنادي: هلا والله روآن: صبااحووو هنادي ابتسمت: صباح النور روان:ازيك يابنت ؟..فينك ما تتصلي هنادي :هههههه تو مكلمتك علياء تصرخ: والا تزوجتي وسحبتي علينا أخــــص ياعيب الشوم بسهنادي: اوووف ترى قبل امس متزوجه أمدآكم تشتاقون لي روآن: مررره فاقدينك ايه تسحب الجوال: ياحبيبي من أولها تسوي كذا ياهنوده ما تسألي ولا ترسلي على الأقل مسجآت هنادي دخلت الغرفه :والله مآفضيت ارتفع صوت ضحك أيه: وآآضح مايحتآج تقولين هنادي: مالت عليكم روآن: خليك منهآ هذي تبي تتشمت بيجي اليوم اللي نتشمت فيهآ ..المهم انتي كيفك أيش اخبارك بجد وحشتيني هنادي:ياحياتي وربي حتى أنتي لك وحشتيني علياء: غريبه صاحيه هالوقت ليش مانمتي ؟هنادي: اوف كلكم قاطين بالجوال علياء: حاطين سبيكر يالهبله هنادي ضحكة:ههههههههه ماتتركم حركآتكم ..بعدين مزعجيني ليش وراي سفر روآن شهقت: بتسآآفرررين ..ويـــن ؟منال :بس لايطق فيك عرق هنادي: بروح الرياض بعدين مدري وين؟منال: ماشاء الله ماتدرين وين بتسافرين عفيه على الزوجه الشاطره الكل:ههههههههههههههههههههههه هنادي بتأفف:هيه عاد لاتتمصخرون علي دخل باسل ورفع صوته :هنآآآآآآآآآآآآآآآآآدي تأخرنآآ هنادي نزلت الجوال من يدهآ: أوك حبيبي جآآيه باسل يطالعهآ مصدوم من كلآمهآ: انتظرك هنادي: أوك ..رجعت للبنات وسمعت صوت ضحكهم ..مالت عليكم يالله باي علياء: أرحمينآ ياحبيبي يجي يجي هنادي تضحك:يعني ويش أقول ..يالله عاد تأخرت عليه باي روآن: كلميني اوكِ هنادي: من عيوني باي قفلت ولبست عبايتهآ بسرعه وطلعت للصاله كآن وآقف جنب شنطتهآ ينتظرهآ:اخيرا مابغينا هنادي:سوري بس صحباتي متصلين يسلمون علي باسل: ماشاء الله يعرفون الذوق زين في أحد يتصل هذا الوقت هنادي تضايقت:عادي مافيهآ شي طلعوآ وسكروآ الباب رد عليهآ :ومين صحباتك ؟هنادي: اللي كانوآ بحفلتنآباسل:أهآ اللي كآشفين عن وجههم ؟هنادي أعطته نظره قويه: خيييير ؟باسل : ماقلت شي انا صادق كآنوا كاشفات هنادي تسايره: ايه ايه هم باسل :أهــآ ..زين اركبي بحط الشنط ورى فتحت الباب ودخلت وأعصابهآ واصله حدهآ منه سكرت الباب بقوه وأنتظرته لمآ دخل باسل: ماتبين نمر أهلك تسلمين عليهم ؟هنادي: مافي احد برسل لهم مسج اقولهم اني مسافره باسل حرك السياره: براحتك طلعت جوالها حتى تنشغل فيه وتهدي نفسها وتفكر بالشعور الغريب اللي رآودها أما هو مد يده وشغل المسجل على اغنيه اجنبيه كلاسكيه وهو مستغرب تغير مزاجها فجأه وصلوآ المطار وانتظروا موعد اقلاع طيارتهم للعآصمه السعوديه :::::::::طلعت من القاعه وبيدهآ جوالهآ انتهت من رسالتهآ ( توصلون بالسلامه ..سلمي على شواقه ) رفعت عيونها بتكمل طريقها لأقرب كوفي حتى تأخذ لها كوفي دافي علا وعسى يدفى برد مشاعرهآ المتألمه ..تجمدت بعد ماشافته جالس ينتظر خروجها لفت بترجع للقاعه لكن صوته استوقفهاعبدالله:رغد دقيقه بس ماردت عليه وظلت بمكانها بدون ماتلف له كمل كلامه:تعالي ابيك شوي رغد: ويش باقي ماقلته ؟عبدالله : مو زين نتكلم هنا خلينا نبعد شوي مشت لزاويه ووقفت: ويش تبي خلصني عبدالله:أنا أسف على الكلام اللي قلته رغد بنظره قاسيه: ماهمني اللي قلته واللي تبي تسويه سوه ماحركت فيني شي بس افهم شي واحد ياعبدالله مستحيل اكون لك شيلني من بالك عبدالله ميل فمه بحزن: هذا اخر ماعندك ؟رغد: ايه روح للي تنتظرك حرام تخونها ماتستاهل اللي تسويه من وراها عبدالله أبتسم: فعلا ماتستاهل وانتي بعد ماتستـ..قاطعته بحده وبنبرة جافه: ماركضت وراك انت اللي تركض وراي وانتبه تغلط علي عبدالله بنظرآت ودآعيه: اخر مره تشوفيني بحياتك رغد: ابرك الأوقات والله عبدالله: مع السلامه رغد تأملته لأخر مره وهو يصد عنها ضغطت على نفسها ماقدرت ترد بحرف وآحد لفت بسرعه ومشت بطريق غير طريقه ..دخلت اقرب استراحه وجلست فيها أخذت نفس طووويل على طول أتصلت على شهد ردت عليها بصوت نآعس:هلا رغدرغد: صباح الخيرشهد: صباح النور رغد: اووه شكلي صحيتك من النوم شهد:اممممم أي رغد تنهدت:توقعتك صاحيه عدلت نفسهآ وبعدت الشرشف عن صدرهآ:غدو فيك شي؟رغد: لاحبي مافيني ألا العافيه ..بس كنت بقولك عن ريم تجيني العصر عندهآ تعرفين انا مشغوله بدراستي شهد تطالع يوسف: طيب اذا صحى يوسف بقوله رغد ابتسمت: فديتك اخليك تكملين نومك شهد مآ أرتاحت لصوت رغد اللي أدخل الشك لنفسها: لآ ماراح أنام ..انتي فيك شي ؟رغد: قلت لك لآ مافي شي ..يالله مع السلامه شهد تضايقت:مع السلامه"حطت جوالها على الكمودينه اسندت راسها على المخده "آآآآهـمسك يدها بحنيه :سلآمتك من الأآآآهـشهد مالت على جهته: ياربي من رغد مادري ليه ماتتكلم وتقول اللي فيها يوسف : ليش فيها شي؟شهد:ايه بس ماهي راضيه تقول ايش فيها احس اني أتضايق اذا ماقالت لي يوسف ضمهآ لصدره: هي طبعها كذا خليهآ على راحتها واهتمي بنفسك أبي ولدي وألا بنتي يكون مرتاح ببطنك ومايوسوس معك شهد ابتسمت:حآضر ياعيوني أي أوآمر ثانيه ؟يوسف: المره الثانيه حطي جوالك سايلنت قطع علي احلى نومه شهد ضحكة: احلى نومه ؟؟...ليه ويش كنت تتحلم يوسف صار شبه جالس غمض عيونه:اشوف وحده شقرآ تقول يآ يوووووسف آد أيش بحبك أتعب وأنا أقول حلوه شهد خنقته: هذآ كآبوس مو حلم يوسف يضحك:بعدي يدك عني شهد خنقته أكثر:أعترف شقرآء وألا فحمه ؟يوسف:هههه أمزح امزح بس بشوف أنتي تغارين وألا لا شهد بعدت عنه وكشرت: ويش شايف أنت؟ أنا أغأر من نفسي عليك أغار من الكون كله بعد يوسف ابتسم: يآآ ويلي أنا دخت شهد تقرصه مع خده: أحسن دووخ ولاتقوم يوسف: بعدين ما أشوفك شهد تضحك:بعد احسن اهم شي تسمع صوتي يوسف:ههههههههه يمه منك ...امم ويش رايك تقومين تسوين فطور ؟شهد غمزت له: على شرط تساعدني يوسف نقز لسرير مشاري: دآم هالنتفه نآيم وبنكون لحالنآ بطب الجمر لو تبين شهد تطالع مشاري بحب: حرآم عليك شوف ويش زينه يوسف يسحبهآ: أوووش لايصحى ويخرب صبحنآ المجنون شهد بحياء: مجنون بعد الله يستر يوسف :بتمشين وألا شلون ؟شهد تقلب عيونهآ:قلبي مآيطآوعني اخلي ميشو قرب منهآ وشالهآ: بيطآوعك غصب عنك شهد تتمسك فيه: هههههههههه زين بس لاترميني ترى في روح معي

9 - 6 - 2014, 06:08 PM

السآعه الرابعه عصراً أرتآحوا بعد وصولهم عند فهد اللي أستقبلهم وأصّر عليهم يجلسون في بيته لـ وقت رجعتهم بعد مآ تغدو باسل: اكيد بتروح لها فهد: أسئلها عشان اتصل اشوف صحت وألا لاباسل : يابن الحلال هي جايه عشان اختها فهد : طيب طيب باسل :فهد ويش فيك منت طبيعي ؟..صاير معك شي؟فهد ابتسم له: ابد ماصار الا كل خير بس مانمت زين باسل: لايكون ضايقناك بجيتنا فهد طالعه بنظره جامده:أفآآآ بالعكس فرحت بجيتكم باسل يضحك: والا تبي تجلس بالبيت لحالك ؟فهد ابتسم: والله من يوم مادخلت شوق المستشفى ماجي هنا الا نادر باسل بخوف: اجل وين تنام ؟فهد: اغلب الاحيان عند شوق واحيان عند ابوي باسل يوآسيه: إن شاء الله بتقوم بالسلامه وتعيشون بهنآء مع ركون فهد تنهد بعمق وقال بنبره متألمه خآرجه من أعمآق قلبه:آآآآآمييين باسل وقف: بشوف هنآدي اذا بتروح ألحين فهد : أنا بقرأ الجرآيد على بال تجي باسل ضحك: اوك شوف الصفحه الرياضيه فهد :بشووفهآ بس روح لزوجتك طلع الدرج وهو يعرج دخل الغرفه وشافه منسدحه تلعب بشعرها وحاضنه الخدآديه وتتأمل السقف بعيون دآمعه ...التفت لجهته أو مآحست بدخوله جلست بسرعههنادي: أخيرآ جيت بآسل جلس على طرف السرير: تبين شي؟هنادي زمت فمهآ: لا بس طفشت لحالي وانت من جلست مع اخوك نستني بآسل ميل فمه بضحكه:أخوي أكيد بجلس معه وأنسى الدنيا كلهآ "نطت من مكآنه وقربت منه وجلست بقوه "..بشويش على السرير هنادي قربت منه وبترجي: متى بروح لشوق؟باسل بملامح جامده: فهد يقول ممنوع الزياره هنادي فتحت عيونها على الاخير :لآآآ باسل: نحتري يومين أو ثلاث عسى يسمحون لنا هنادي دمعة عيونها:بآآسل تكفى حآآول والله مآ أتحمل اصبر اكثر باسل هز أكتافه: بحاول وأشوف هنادي مسكت يده وبترجي: الله يخليك باسل عشاني سوآ كل اللي تقدر عليه الله يخليك باسل ببرود أكثر: قلت بحاول والله يكتب اللي فيه الخير شهقت بهمس وأعقبتهآ دموع سالت على وجنتآهآ مسحت دموعه باسل ابتسمت: يالله كل هذآ عشان قلت بحاول ؟هنادي زآد بكآهآ:ابي اشوفهآ مشتاقه له بآسل: طيب بوديك والحين لو تبين لفت عليه زي المقروص وصرخت: أحلف باسل ضحك:كنت أمزح عليك طلعتي تحبينهآ أكثر مني نقزت عليه وضمته بقوووه أختل توآزنه وطآح على السرير من قوة ضمتهآهنادي : مجنووووون بآسل يضحك ويكح بنفس الوقت: كتمتيني يا هنو هنادي باسته على خده: قوم ويش تنتظر باسل :آآآآه ..عيديهآ مره ثانيه هنادي:قوووووم يالله باسل بعنآد: عيديهآ وأقوم نزلت رآسهآ بحيآ وتوردت خدودهآ..وبنبره خجوله: بسوول لا تعاند لارجعنا يصير خير باسل جلس : وعـد ؟!!هنادي وقفت: وعد بس قووم تكفى وربي بمووت باسل: أوكِ بنزل اقول لفهد البسي والحقيني تحت هنادي:دقايق انا عندكم طلع من الغرفه يضحك عليهآ وعلى برائتها وتقلب مزاجها بين ثآنيه وأخرى شافه فهد وهو مبتسم فهد: ويش عندك تضحك باسل: اقول قوم المدام تبي تروح لأخته فهد: سواق عندكم انت وهي ؟باسل كشر : هيه لا تكسر خاطر زوجتي يالله بس عن الكلام الفاضي السياره لو سمحت فهد يضحك: على خشمي أي اوامر ثانيه ؟باسل: لا مشكور بس روح للسياره فهد وقف: لا تتاخرون والا بروح عنكم كآنت توهآ نآزله وسمعت كلام فهد : مايحتاج انا جاهزه فهد ابتسم: حياك هنادي: ماتبون نمشي باسل يدف فهد: يالله خلنا نمشي طلعوآ من البيت متجهين للمستشفى .. وهم بالطريق باسل يفتش بالدروج:وين السيديات يافهيدان معك عرسان لازم تهيء لنا الجو فهد ابتسم: والله ماصرت اشغلها وحطيتها باللكزس باسل كشر: ويش صاير انت ماتشغل سيديات ؟فهد: شوق الله يقومها باسلامه ماتحب تسمع أغاني باسل بتعجب: حركااااات هنادي: من يومها شوق ما تسمع اغاني الا نادراً فهد ابتسمت: شكلكم زيه هنادي: لا والله مافي احد زيها بالبيت باسل لف على فهد: متى بنوصل ؟فهد: خلاص بس نعدي الزحمه نوصل باسل بتأفف: اكره الزحمه فهد يضحك: لا ياشيخه لاتقول جده ماهي زحمه باسل: مو هذا القصد فهد: ابشرك وصلن دقايق ونزلوآ من السياره وطلعوآ لغرفه شوق ..قبل تدخل فهد: هنادي ياليت ماتبكين قدآمه هنادي استغربت كلامه : اكيد ماراح أبكي فهد :انتظري انا بدخل قبل هنادي وقفت بحيره : طيب انتظرك "بعد مادخل لفت على باسل"ويش فيه أخوك؟باسل: مدري بس يمكن بيمهد لها ؟هنادي بشك: ليش يقول لاتبكينباسل: عشان نفسيتهآ حبيبتي تعرفين هي تعبانه كثير هنادي مسكت يد باسل بقوه: اخآف ما اتحمل دآخل الغرفه باسهآ على جبينهآ وسحب الكتيب اللي بيده شوق تعلقت عيونها المليئة بالحزن بعيونه: تأخرت علي فهد ضم كفوفهآ لصدره: أعذريني يالحب شوق دمعة عيونهآ:توقعت اصحى ألقاك جنبي زي كل يوم أبتسم لهآ حط يده على خدهآ: معي مفاجئه لك بتفرحك شوق ضيقة عيونهآ: مفأجئه؟؟!!فهد أتسعت ابتسآمته أكثر:شي مآ تتوقعينه شوق بلهفه: أكيد رآكآن ..صح تمالك نفسه وحاول يكون طبيعي حتى مآ تلآحظ أي شي:لآ ..شي ثاني شوق كشرت: شنو ؟فهد وقف:الحين بطلع وتشوفينه بس هآه ابيك شوق اللي أعرفهآ لآترهقين نفسك ..الدمع لايجرح عيونك شوق هزت راسهآ وعلى شفآيفهآ ابتسآمه شاحبه ..ترك يدهآ ومشى بعيد عنهآ قبل يطلع فهد: غمضي عيونك بدون أي معارضه أو تساؤل غمضت عيونهآ...طلع وأشر لهنآدي تدخل سمت بالله ودخلت للغرفه أرتجفت من برودة الغرفه اللي قشعرت كل خليه بجسمهآ ..سكرت الباب ونزلت الغطآء وطرحتها دخلت أكثر وشآفتها جالسه على السرير الأبيض ملآمح تشبههآ للوهله الأولى ..فتحت عيونها أكثر وأكثر متغيره جذريا تكآد لآ تعرفهآشهقت بصدمه :شووق فتحت عيونها وبنفس الصدمه : هنآآآآآدي ؟ركضت لها وضمتها بقوه ناسيه المغذي اللي بيدهآ وضعف جسمها النحيل:وحششششششتتتتيني شوق تضمها لصدرها اكثر وهي تذرف دموعها: أشتقتلك اشتقت لكم كلكم هنادي انهارت وهي بحضنها ودخلت بدوآمة من البكاء الحاد ..شاركتهآ فيه بدموعها الصامته وهي تتأمله لقربها الشديد منها شوق رجعت ضمتها: خلاص ياهنوده جايه تشوفيني وتطمنين علي والا عشان تبكين ؟هنادي تمسح دموعهآ: عشان اشوفك شوق ابتسمت: طيب خلينا نسولف قوليلي كيف بعد الزواج ؟هنادي: زينه شوق مسكت يدها بحنيه: كيف باسل معك؟هنادي هزت راسها:طيب وحنون بعد كل اللي صار الا انه يحبني شوق: الله يوفقكم مع بعض انسي اللي صار وعيشي حياتك هنادي رجعت دموعها على خدودها لمست صدر شوق وارتجفت: يالله صايره نحيفه مره ماكنتِ كذا شوق ابتسمت: المرض يزين حال أحد؟هنادي مسحت خدودها عن اثار الدموع:كيفك الحين؟شوق: الحمدلله بخير هنادي:محتاجه شي ؟شوق ضمت هنادي لصدرها واخذت نفس طويل وتغلغلت ريحة هنادي لأنفها:محتاجه شوفتكم ابي اضمكم واشم ريحتكم قبل أموت تمسكت فيها اكثر وشهقت بالبكاء: لا إن شاء الله بترجعين أحسن من أول شوق بكت معهآ: الله كريم هنادي بعدت عنهآ:وين ولدك بشوفه شوق ابتسمت: بالحضانه مايطلعونه ألا بعد مايكمل تسعه شهور هنادي كشرت: لا عاد بشوفه شوق: قولي لفهد يوديكم له هنآدي عدلت جلستهآ : قبل أطلع بقوله شوق ابتسمت: حكيني ويش صار أيش أخر الأخبار ؟هنادي: أبدآ ولآشي على حطت يدك شوق:أخواتي كيفهم؟هنادي: كلهم بخير ومبسوطات شوق: رغد وسحر وسمر ايش مسوين؟هنادي: لآهيين بدراستهم يبون بنجحون شوق من كل قلبها: الله يوفقهم يارب هنادي: حياتي شوق لاتتعبين نفسك ارتاحي شوق: راحتي بقربك ياهنو من يوم شفتك خف كل وجع فيني هنادي بتألم على حال أختهآ:ياقلبي انتي شوق: كيف زوآجكم هنادي ضحكة :قصدك حفلتنا ؟

9 - 6 - 2014, 06:10 PM

شوق عقدت حوآجبها: أحد حس باللي صار ؟هنادي: لا تطمني محد عرف ومشى زوآجنآ بسلآم شوق تنهدت براحه :الحمدلله ..لا تكونين حآمل ؟هنادي بحده: لاآآآ ..وي بدري على الحمل شوق بأنزعآج:لاتقولين كذآ الأطفال نعمه من رب العالمين هنآدي بخجل:الحمدلله على كل حال شوق: لا تقولين بدري ومآبدري اذا ربي حرمك من هذي النعمه بتعيشين بتعآسه هنادي خآفت: والله ما قصدي شي شوق :ادري ياقلبي انتي بس أدعي بالذريه الصالحه هنادي: الله يرزقنا الذريه الصالحه يااارب شوق: آآمين قطع حديثهم صوت الباب تغطت هنآدي بسرعه ..ثوآني ودخل فهد فهد: شوق باسل يبي يسلم عليك شوق تتلفت : وين الغطآء حقي هنآدي لمحته على الكرسي وجابته لهآ :تفضلي تحجبت زين وتغطت:خله يدخل حبيبي طاحت عينهآ على يد شوق المتلونه بسبب أثار الأبر والمسكنآت ذرفت دموعها لآ أرآديا ... تنحنح قبل يدخل فهد: مافي أحد غريب أدخل باسل وهو منزل راسه: السلام عليكم شوق بصوت مُتعب: وعليكم السلام باسل: الحمدلله على السلامه يأم رآكآن شوق: الله يسلمك باسل :قدآمك العافيه ..شدي حيلك وخلي أيمانك بالله قوي وبترجعين أحسن من أول شوق: إن شاء الله الله كريم ..الف مبروك الزوآج باسل: الله يبارك فيك عقبال ماتفرحين برآكآن وعياله شوق ضحكة: مانكره باسل:يتربى بعزكم يارب شوق: عقبالكم باسل يضحك: والله ودي فهد يغمز له: شد الهمه طيب ويش تنتظر باسل: قولوآ لهنآدي شوق تضحك: لا تحرجهآ توهآ عروس تبي تتهنى شوي هنادي تشد عبايتهآ أكثر من شدة التوتر( حسبي الله ونعم الوكيل غصب يحرجني قدآمهم أنا أوريه )فهد: وصغيره بعمرها خلها تكمل دراستها على الأقل باسل يضحك: نشوف عاد شوق: لآ أوصيك عليهآ حطهآ بعيونك باسل: هي بالقلب قبل العين شوق همست لهنادي: ياعيني على الحب فهد: الله يهنيكم يارب شوق وباسل بصوت وآحد: يااااربفهد يطالع الساعه: انتهى الوقت شوق : لا خلهم شوي تعبت من الجلسه لحالي فهد: ممنوع ياقلبي شفتي الدكتور ايش يقول شوق: مو مهم انا مليت هنادي: تحملي ياقلبي بكره بنجيك إن شاء الله شوق تمسكت فيها: وعد ؟هنادي : وعد باسل: يالله أنا انتظركم برى ..طلع ولحقته هنادي شوق: فهد بتروح معهم؟فهد: لا بجلس عندك بعطي باسل المفتاح وارجع شوق هزت راسها بالأيجآب ..طلع ورآهم باسل:ليش ماتبي تروح ؟فهد: لاانتم خذوآ راحتكم بالبيت هنادي: فهد ابي اشوف راكان فهد : ما أقدر اوديكم الحضانه بتحطم: تكفى حاول فهد ارتبك: بشوف الدكتور اذا وآفق اوديكم بكره هنادي: الله يعطيك العافيه فهد: الله يعافيك باسل: مع السلامه طلعوآ من المستشفى أول مآ ركبوآ السياره باسل: ويش رايك نتمشى هنآدي بدون أعتراض: بكيفك باسل لف عليهآ حس من نبرتهآ انهآ متضايقه:ويش مضايقك ؟ميلت نفسهآ بجهة الشباك وهي تتأمل الشارع: ماني متضايقه باسل يطالع الطريق:لاتكذبين باين من صوتك ..قولي ويش اللي ضايقك ؟هنادي تنهدت : شوق باسل: الله يشفيها تهدج صوتهآ بالبكاء:ماتخيلت انهآ كذا ضعفانه وشبه ميته حتى كلام مآتقدر تتكلم باسل: الله يكون بعونهآ ادعي لها هنادي:الله يقومهآ بالسلامه وترجع لنآ زي أول وأحسن باسل: آآآمين ::::::::: بالمدينه أول مآ وصلت بيت أبو مهآ أعطت سمر مشآري ونزلت عبايته شهد: كيفكم الكل : الحمدلله باست ريم: كيفك اليوم ؟ريم: الحمدلله أحسن رغد وقفت: بروح أنام تعبانه صحوني العشاء شهد تضايقت: اجلسي معي شوي خلينآ نسولف رغد بتعب وآضح عليها: والله تعبانه وميته نعآس ريم: خلاص براحتك ..نامي عشان تصحين تذاكرين رغد: يالله سيو أختفت عن أنظآرهم طالعت سمر اللي منسجمه مع مشاري وتلعب معه وتضحك ريم: ويش فيك مآ تتقهوين شهد بحزن: فاقده هنادي ريم تضايقة: الله يخليك لآ تقلبين جونآ خلينآ نسولف شهد تربعت: وين سحر؟ريم: نآيمه شهد: آآهآ طيب " مدت يدهآ على دلة القهوه وصبت لهآ فنجآن " تفضلي ريم: من يد مآ نعدمه شهد ابتسمت: فديتك ..ألا زوجك مآ أتصل ريم توردت خدودهآ:ألا كل شوي يتصل يقول بكره بتجي أمه شهد بحمآآس: اجل بجي اكيد خالتي تجي معه ريم: ويش رايك تنامين عندن شهد :لالالا مقدر اخلي زوجي لما يكون عنده دوآم كآمل اجي انام عندكمريم :طيب بس موت نسين اقل شي تونسيني ..سمور هاتي ميشو سمر ابتسمت: لمآ اطفش منه بجيبه ريم بتأفف: مافي أمل تطفشين منهشهد بحده: انتي ارتاحي أحسن لآحقه على اللعب معه توك تعبانه ريم: تكسرت من الجلوس والراح هابي أتحرك بس سمر الله يوفقهآ ماهي مخليتني محتاجه شي شهد ابتسمت: ايه سموره خليك سنعه وذربه سمر : لاتوصين :::::::::بعد يومين كآنت هاديه بمرورهآ على الكل ..عدآ قلب فهد الذي يعيش حاله من الارق والقلق الذي لآ يُريحه آبدا ..وقف عند بوابة المطآر يودعهم بآسل: أشوفك على خير فهد حضنه بقوه: إن شاء الله ..طمني عليكم أذا وصلتو باسل: أكيد بتصل عليك هنادي: أنتبه لشوق تركتهآ تعبانه فهد ابتسم بتألم: لآتوصين حريص باسل يطالع ساعته: يالله تأخرنا ..مع السلامه فهد ابتعد عنهم وهو يأشر بيده: مع السلامه ..اتجه لسيارته وسآق بأقصى سرعته حتى يوصل للمستشفى لأنه طول اليوم مآ شآف شوق وأنشغل بالشركه وترتيبآته مع الأستاذ مشعل ..بعد ربع سآعه وصل سلم على الدكتور اللي قابله وهو طالع وطلع لغرفة شوق ..فتح الباب بشويش وأنصدم لمآ شاف الغرفه خآليه فهد بخوف: شوق ..شووووق ..دور بكل مكآن بالغرفه لكن للأسف مآ لقى لهآ أي اثر فتح دورة الميآه وأنتم بكرآمه ..لكن دون أي نتيجه تذكر طلع من الغرفه تلفت عن يمينه ويساره دور بالقسم كله زي المجنون شآف الممرضه فهد: مآلقيتهآ ؟الممرضه:غريبه أنا من ربع ساعه كنت عنده فهد أزدآد خوفه أكثر وهو يتذكر كلآم أحمد وتهديده: متأكده ؟الممرضه : أي متأكده أخذ نفس طويل ورجع يدور للمره الالف لكن بدون فايده ..طرأ على باله مكآن هو أخر أمله بتوآجدهآ فيه فهد( يارب مآتكون هنآك يآآآآآآآآرب ) طلع من القسم ونزل للمكآن اللي كآنت تدور حوله شكوكه ..أول مادخل باب القسم سمع صوت صرآخ وبكآء قدر يميز أنه بكآئهآ ..ركض لهآ بسرعه ..وشآفهآ طايحه على الأرض والممرضآت حلوهآ يحآولون يهدونه بعدهم عنهآ وجلس بمستوآهآ: شوق ويش جآبك هنآ ؟شوق مسكته بقوه: ويـــن ولــــدي ..ويـــــــــــــــــن ؟!فهد تعلقت عيونه بعيونهآ البآكيه ..هزته أكثر من مره وصرخت عليه حتى يرد لكن هو ملتزم الصمت ..حآول يوقفهآ لكنهآ هي أضعف بكثر من أن تتحمل هذا الموقف وقفت بمسآعدتهآ وصوت بكآئهآ المزعج يضج بأركآن القسم ..مشت خطوتين بمسآعدته وطآحت على الأرض فهد :شـــوووق ..شوووق شوق همست : ويـن رآكـآن ؟فهد شآلهآ: نقلته مستشفى ثاني ..وصلهآ لحد غرفتهآ وسدحهآ على السرير بعد الطرحه والعبايه عنهآ وهي مستسلمه لدموعها فهد: لآ تخآفين هو بخير انا ماقلت لك اني نقلته عشان لا تتعبين من التفكير شوق بنبره مبحوحه:ليش مآقلت لي ؟فهد زفر أنفاسه :خفت عليك شوق: طلعني من هنآ ..مابي أجلس فهد فتح عيونه على الأخير:وين تطلعين مايصير شوق زآد بكآئها:تبيني أطيب؟فهد: أكيد شوق: طلعني من هنآ ضاقت روحي من الجلسه فهد يحاول يقنعهآ :ياشوق مايصير كملي العلاج بعدين أطلعي شوق بحده: ابي أطلع وألا بهرب من المستشفى فهد: لآحول ولاقوة إلا بالله يابنت الناس هنآ يهتمون فيك أكثر شوق : لآلآلآ ابي اروح للبيت دخلت أم رياض وأبو رياض على صوتها الحاد ام رياض بخوف: خير يايمه ويش تحسين فيه ؟فهد بقلة حيله: تبي تطلع من المستشفى أقنعيها ياخالتي شوق: مابي أجلس هنآ ..تعبت نفسيتي فوق تعبي ابو رياض بهدوء: يبه فهد تعال برى أبيك ام رياض جلسة جنبهآ ومسحت دموعهآ:يابنتي تعوذي من الشيطآن وكملي علاجك هنا أزين لك شوق بأصرار:لآ يعني لا ابي اطلع ..مآ أحد حاس فيني يكفي أن ولدي بعيد عن حضني والكل بعيد عني ام رياض: لا يايمه كلنا جنبك ..لاعآد أسمعك تقولين كذ برى الغرفه فهد : هذا اللي صار ابو رياض: لآحول ولاقوة إلا بالله ..خلاص مالك الا الحل اللي قلته لك فهد: أخاف نضايقكم يبه ابو رياض بنبره حاد:البيت بيتكم أنتم الداخلين وأحنا الطالعين فهد باس راسه ابوه: مآتقصر يالغالي ابو رياض: أهم شي مآتحس بغياب رآكآن وزين انك قلت لهآ انه بمستشفى ثاني فهد: أجل خلنا نرجع وأنا بتصل على الدكتور ابورياض : أنا بسبقك دآخل قبل يتصل على الدكتور رن جواله بيده فهد: ألــو..:كيفك فهد فهد: مآش الحال ..:فهد لآزم أشوفك الموضوع مآ يتأجل عقد حوآجبه بأستغراب :ويش الموضوع اللي ما يتأجل ؟

9 - 6 - 2014, 07:55 PM

الساعه 9 بتوقيت السعوديه فيني مشاعر " وافيه " .. مالها ذنب.................... عفيَه " عليها " ، تقابلك .. بإبتسامههزمت قلبي ؟ ألف مبروووك ، يا الحب !.................... مافاز ، واحد ما " إعْترف " بإنهزامهجيتك .. وخلّيت الكرامه ، على ( جنب ) ،.................... وأقفيت أنا ، خسران : " حُب وكرامه " !تجولت بالبيت على راحتها وأنهبلت على جمال البيت مشت لعنده ووقفت هنآدي : مآآآجد شووف هالصور رفع عينه زي المقروص من كلمتها طالعها بنظرات مصدومه ..عضت شفايفها ماتوقعت انها بتزل بهذا الاسم يوم من الأيام بعد دقايق من الصمت باسل: أيش قلتي ؟!!!هنادي بلعت ريقها ارتعشت شفايفها قبل ترد عليها ..تمالكت كل قوتها واغتصبت الحروف:ششوف الصور باسل رفع حاجبه: قبلها قلتي شي؟هنادي هزت راسها بالنفي وبيدهآ ألبوم الصور باسل صرخ عليهآ: ألا قلتي أسمه الحقير هنادي شوي وتبكي: والله زلة لسان والله باسل وقف بعصبيه ورمى اللي بيده: لآتحلفين ..وأنا أقول ويش فيهآ علي أثاري قلبك لسى متعلق فيه هنادي نزلت دموعهآ: والله ياباسل مآ أقصد باسل مسكهآ بقوه مع يدهآ: لآ تــحـلفين رمت الألبوم من يدها وشهقت بالبكاء وعيونها متعلقه فيه

9 - 6 - 2014, 08:43 PM

البارت الثالث والخمسون أدري إن الحظ مآيل والظروف الي تديرهمآني بقآوي عليهآ لو كذبت وقلت قآوي رح فمآن الجرح ياللي نآوي فرصه أخيره رح وأنآ دآري رح ترجع منكسر , خجلآن , ذآويرح ووأنآ دآري رح أخآوي جرح ودموع غزيره وأوعدك من بعد جرحك مآ أحب ولا أخآويرمت الألبوم من يدها وشهقت بالبكاء وعيونها متعلقه فيه ...دموعهآ سالت على خدها الوردي تجرحه بنعومه ...تحاول تنطق ببعض الكلمات لكن طعنها الكلام بسكين الغدر كل شي فيها ساكن يتأمل ردة فعله باسل يهز راسه بقهر:الحين بعد كل شي سويته ياهنادي ماقدرت اخلي قلبك يميل لي لو شوي على الاقل كوني وفيه وعامليني بالطيب زي ما أعاملك هنادي بنبره باكيه راجيه: بــ..ــآ..ســ..ــلباسل لف عليه وصرخ بوجهها: بآآسل أيش؟! أيـــــــش ..بأي عذر تبررين زلتك هنادي زآدت دموعهآ بالنزول وتلاحقة شهقاتها كسلسله تتفن بوخزات الالم:والله ماكنت أقصد باسل طالعها بعيون حارقه: مآتقصدين ؟!!."ضرب صدره بقوه"وهذا اللي جرحتيه ويش بتقولين له غطت وجهها بكفوفها وبكت بحده وصوت نحيبهآ يملئ المكآن :مـآ أقصد أحلفلك بأيش عشان تصدق باسل:لآ تحلفين لآني ماراح أصدقك ..تركهآ ومشى للباب وهو يعرج بسرعه طلع من البيت وسكر الباب بقوه هزت أركآن القصر الشاسع ركب السياره وارتفعت صوت الفرآمل بالسآحه الدائريه وطلع من البوابه الحديديه الفخمه رفعت راسها بعد ماسمعت صوت الفرامل ودموعهآ ماجفت وقفت وطلعت للغرفه رمت نفسها على السرير وحضنت الخداديه وزآدت حدة بكائها :::::::::بالمدينه أتصل عليهآ وخبرهآ أنه بيتأخر عليها لأنه معزوم على العشاء ريم بفرح: حلو حلو عشان تجلسين ونستانس شهد ابتسمت: أي والله مآ شبعنآ سوالف بروح أصحي رغد عشان تصحصح وتسولف معن سمر كشرت: لا تروح تذاكر ماتجلس معنا كثير شهد وقفت: ماهو بكيفها " شافت مشاري يطالعها ويتحرك وضحكت: اجلس عندك خالتك يالدلوع ماما مشغوله الحين قبل تفتح باب الغرفه وقفت سمعت صوتها ..عقدت حواجبها بأستغراب شهد( متى صحت ؟..ومن تكلم ؟) فتحت الباب وشافت رغد جالسه على الكرسي وبيدها كاتب شهد تأشر لها: من تكلمين رغد: ثواني اروى ..تبين شي ؟شهد: كنت جايه اصحيك رغد ابتسمت: تسلمين حبي صحيت من نص ساعه شهد جلست على السرير وتمددت: طيب خلصي بسولف معك رغد تأففت بداخلها( ياربي منك ياشهد ادري ليه جايه هنا ):أيوه اروى خلصتي ؟اوك اكلمك بعدين ..باي حطت كتابها على الطاوله والجوال جنبه ...لفت بالكرسي على جهة شهد رغد: هلآ بالقطووه شهد أنكمشت ملامحهآ وبحده:أنا قطوه يالبطه رغد ترفع حآجبها بأسلوب استفزازي: خبري اللي كل شوي تحمل يسمونهآ قطوه شهد شوي وتبكي:الله يخليك لاتزيدين علي ترى من جد نفسيا تعبانه ..قوليلي ويش فيك الصباح دقيتي علي متضايقه ؟رغد بتمثيل بارع شهقت: أنا اتصلت عليك ؟لالا اكيد يتهيأ لك شهد فتحت عيونها على الاخير:رغيد حركاتك ماتمشي علي قولي ويش فيك اكيد صايرلك شي رغد:لاتشغلي بالك فيني ماحصل شي شهد:وبعدين بتقولين وألا شلون؟رغد وقفت وقفلت الباب تقدمت للدولاب وفتحته طلعت كيس أحمر شبه قديم كآنت جآمعه فيه كل هدآيا عبدالله لهآ اللي محتفظة فيهآ ومشت بأتجآه شهد اللي مآ تراقبهآ بعيون كلهآ تفاجئ شهد ميلت فمهآ: أيش هذا؟رغد جلست قبالهآ وتربعت على السرير:هذي كل الهدايا اللي محتفظه فيهآ من سنين شهد: ادري هدآيآ بس ليه جايبتها لي أنا بالذاترغد رفعت حآجبها وكشرت: لاتقولين مانتي فاهمه شي ؟شهد: والله مو فاهمه شي فهميني رغد مدت لها الكيس:شوفي شهودتي ابي يوسف يوصل هذا الكيس لعبدلله وفوقهآ هذا الشي ..فتحت درج كمودينتها وطلعت رساله بظرف وردي شهد: اقدر اعرف ليش ؟رغد:لآني بأمحي كل شي يذكرني فيه بحياتي مابي أحن له بيوم نهآئيا وأجي لهذا الكيس وأتذكر لحظآت ندمت عليهآ أشد الندم شهد بشك: رغد ويش صار قوليلي رغد تنهدت:بقولك الحكآيه من أولها بعد شهرين كآنت ممزوجه بلحظات الفرح والحزن ..وتاره تستحوذ عليها أيام الألم والمعآنآه الصامته وأحيآن يموت بها الضمير الحي لغايه ....... بعد شهرين من الجفاء والخصام لآ يقترب أحدهمآ من الأخر وعلآقتهم الرسميه جدآ التي لازالت تحكي قصة زله دمرت بداية مشوارهما وخلقت ألألآف من العتبات في وجههمآ وملئت طريقهم بالعثرات ... كان لآيسليها فيما مضى سوء دراستها التي كانت تصب بها جُل اهتمامهآ هاربه من تفاصيل حياتها البارده والمكتسيه بالالم الصامت وقفت على الشُرفه ممارسه لروتينها في الأيام الماضيه تنتظر حضوره ...أزدآد تأخره هذه المره قبل ان ترجع الى زوايا عالمها الصغير ...سمعت البوابه تنفتح لفت بلهفه وأبتسمت بنفسها رجعت الى الداخل وقبل تنزل وقفت قبال المرايا تشجعت وسمت بالله كانت لابسه تنوره قصيره لنص الفخذ بني غامق وبدي ستايله رومآني لونه ترابي تركت شعرها مفرود وواضح طوله الزايد وحاطه قلوس وبلاشر خفيف بالاضافه للمسه خفيفه من الماسكار ..تعطرت ونزلت وقفت بنص الدرج تنتظر دخوله {هنآدي} الى متى وأحنا كذا ..انا مليت من الحياه هذي كل واحد ينام بمكان ومايكلم الثاني وعلى الاكل كل واحد سارح بعالم ثاني ...طالت المده وانا تعبت ومليت ماتوقعت الزله بتقلب حياتي كذا لآزم أرجع باسل لي على الأقل أكفر عن ذنبي حتى لو كان بدون قصد لآزم اسوي المستحيل حتى يرجع معي زي أول حتى لو كان الثمن كرهه لي.أنفتح الباب الخشبي الكبير وتسللت أشعة الشمس الذهبيه الى الدخل مع دخوله ..نزل نظاراته الشمسيه وقفل الباب ..رفع صوته ..: سوريان سوريان هنادي نزلت ثلاث درجات وبصوت هادي: مساء الخير التفت الى جهة الدرج الحلزوني وطير عيونه فيها رد بدون نفس: مساء النور قربت منه اكثر: ويش تبي من سوريان ؟باسل رفع حاجبه: هي تدري ويش ابي بهذا الوقت ؟هنادي نزلت عيونها للأرض فهمت قصده وحست بنفوره منها..رجعت قوة نفسها اكثر وقالت بنفس الهدوء: أطلع غير ثوبك وبيكون الغداء جاهز باسل بدون أهتمآم أعطآهآ ظهره ورجع ينادي بصراخ: سوريآآآآآآآآآآآآآآن هاتي الغداء لغرفتي ابتعد عنها ومشى لفوق لحقته على طول ومسكت يده مع الدرج : باسل استنى باسل بدون نفس وعصبيه: لو سمحتي تعبان وأبي أنام هنادي:والغداء؟باسل يسحب يده من يدها بقوه: أنسدت نفسي مابي ...ابتعد عنها ودخل لجناحه رمى شماغه على الكنب وفتح ازارير ثوبه بقوه أخذ نفس طويل وزفره بحراره ..طلع له بجآمه وغير ملابسه ..التفت على الباب اللي أنفتح باسل وهو يلبس بلوزته:كيف تدخلين بدون استأذن ؟هنادي : ليش غريبه عنك عشان استأذن ؟باسل: تقريبا هنادي قربت منه: احب اذكرك اني زوجتك الظاهر أنك نسيت باسل بدون أهتمام: لا مانسيت وقفت قدآمه وصارت قريبه منه حيل ماتفصله عنهآ الا مسافة بسيطه مدت يدها لبلوزته وقفلت أزاريرهآ: الحمدلله أنك مانسيت باسل: من الأخير ..ويش تبين ؟!هنادي رفعت وجهها وحطت عينها بعينه :أبـــيــــك باسل ميل فمه بسخريه:ويش تبين فيني ؟ علآقتنا زي الاخوه مو اكثر هنادي قربت منه أكثر: من دخلت هالبيت مآ شفت السعاده مآ أدري السبب منه وألا دعوه صادفة وقت أستجآبه باسل قرب وجهه منهآ وصارت تحس بحرارة أنفاسه:أنتي السبب مايحتاج أذكرك باللي قلتيه هنادي بقوة وآضحه بنبرتها:انت ماخليتني افسر لك طول الوقت تتهرب مني حتى لما كنا بالمدينه طول وقتك برى او توصلني عند اهلي وبعدهآ مآ ادري عنك باليومين والثلاث..شهرين مرت بدون أي فايده لا أنت دريت باللي في قلبي ولآ تركت لي فرصه ابررلك باسل رفع حاجبه:عجيب والله ..الحين قلبتي كل شي علي هنادي: أعترف اني زليت لكن والله ماكنت اقصد انت مارضيت تسمع مني لو كلمه باسل ضحك:تزلين بأسمه ؟..خلي نفسك مكاني أيش بتسوين هنادي مسكت بلوزته بقوه وبدت تعصب:بزعل يوم يوم أسبوع لكن مو شهرين كيف يجيلك قلب تتركني لحالي وتروح باسل بلا مبالاه: زي ماجالك قلب وزليتي بأسمه قدامي هنادي غمضت عيونها بقهر وتنهدت بعدت عنه: من الاخير أيش الحل ؟باسل: نبقى كذا اريح لي ولك هنادي بعصبيه: لا بالله ؟..هذا الوضع مو عاجبنيباسل: بس عاجبني انا هنادي انقهرت من رده : اوك دامه عاجبك ...طلعت من الغرفه وصفقت الباب بقوه وراها أنعزلت بغرفتها وماطلعت ابد

المواضيع المتشابهه لموضوع: رواية يا خاطفي وين القى عزتي في زمن المذله لموضوع: رواية يا خاطفي وين القى عزتي في زمن المذله
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	12	24 - 12 - 2024 01:34 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
شرطة رنية تلقي القبض على خاطفي المراهق	عـازفة الليل	همس للاخبار العالمية و العربيه والمحليه	1	29 - 10 - 2013 03:58 AM
من لا يحطك تاج راسه وهو حي عساه لفراش المذله وساده	●∫قْلبهآإ مغ‘َـرِورْ !	همس مطبخ حواء	8	10 - 12 - 2010 11:33 AM

الذين يشاهدون محتوى الموضوع الآن : 9 ( الأعضاء 0 والزوار 9)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع