رواية سوالف مراهقين

#1 11 - 7 - 2021, 09:04 PM

رواية سوالف مراهقين

رواية((سوالف مراهقين))

للكاتب:سامي العوبثاني

البارات االاول

...ببيت شريفه...

بالغرفه سامي توه صحى من النوم سمع طراق الباب:منو؟؟
شريفه من وراء الباب:انت صحيت؟؟
سامي:اي...في شي؟؟
شريفه:لاسلامتك...بس كنت بقعدك عشان تروح الجامعه
سامي:اها...كاني صاحي وشوي وانزل
شريفه:ناظرينك ع ريوق لاتتاخر
سامي:اوكيه...مشت شريفه صوب غرفه بنتها منار واما سامي وقف قدام المرايه يسوي شعره

...ببيت صالح...
بالغرفه سمر قاعده ع سرير تدرس دشت عليها اختها سحر:انتي ما تملين؟؟...اربعه وعشرين ساعه ماسكه هالكتاب
سمر طالعة فيها:والله هذا كله عشان احصل ع نسبه زينه ويعطوني البعثه واروح اكمل دراستي برئ عشان احقق احلمي
سحر:هه...تهاقين ابوج بيخليج تسافرين؟؟
سمر:والله لصارت صچ...بحاول بكل طرق ممكنه حتئ اقنعه يخليني اسافر
سحر:ابوج لقال كلمة مايثنيها
سمر:اوففف سحور بس عادلاتحباطيني
سحر:مااحباطج بس ماابيج تتاملين وباجر تنصدمين
سمر:ان شاءالله الله يكتب لي كل الي يتمناه قلبي

...ببيت منصور...
بالغرفه ساره نائمه ع سرير صحت ع رنين تليفونها ردت بصوت كله نوم:الوو
رنا:انتي وينج؟؟
ساره:بالبيت
رنا:بالبيت؟؟...تدرين كم الساعه الحين؟؟
ساره:لامادري...كم الساعه الحين؟؟
رنا:سبعه وعشرين دقيقه...يعني مابقى شي ويدق الجرس
ساره تعدل قعدتها:انزين...انتي وينج الحين؟؟
رنا:ناطرج تحت عند بيتكم...يله خلصي
ساره:زين زين...صكرت الخط وفتحت الدريشه شافت سياره رنا تحت صكرت الدريشه وراحت ع طول للحمام

...ببيت شريفه...
بصاله ع طاولة الاكل:انااليوم مستغربه منكم
سامي ومنار بصوت واحد:ليش يمه؟؟
شريفه:صحيتو من غير مااحد يصحيكم...چان زين ع طول چذيه...توفروا لي تعب صعود ونزول
سامي:ولايهمج يالغاليه...من باچر بتشوفين صاحي من ساعه خمس
منار:انت بتصحى ساعه خمسه؟؟...ماعرفتك
سامي:انتي شنو تبين؟؟...من كلمج؟؟...والله لوماتبطلين لقافتج هذي بصكج كف ع وجهج
شريفه:بس خلاص عاد...احترموا النعمه
منار:يمه شوفيه
شريفه:بس خلاص خلص الريوق وكل واحدع دوامه
سامي يقوم:انا بروح...وطلع
شريفه:وانتي شنو ناظره؟؟...يله لحقي اخوج
منار بخوف:يمه بيزفني ويبهذلني...اعرفه انا
شريفه:اذا سو لج شي قولي له بعلم عليك امي....سامي يطق هرن ويصارخ من داخل سياره:منارررررر وينج؟؟
شريفه:قاعد يناديج
منار:الله يستر...زين زين...وتركض صوب الباب

...بسياره رنا...
رنا تسوق وساره قاعده يمها:داقه علي من صبح الله خير عشان ترويني سيارتج؟؟
رنا:ها...ماقلت لي شرايج فيها؟؟
ساره:احلئ من الي كانت معاج
رنا:يعني مو احلئ من سيارتج؟؟
ساره:لاطبعاءحبيبتي...سيارتي احلئ منها بوايد...سياره ساره منصور ال...مااحديوصل لمستواها
رنا:لاحبيبتي احد يوصل لمستواها واحلئ منها بعد...لاتشوفين روحج...ترئ الغرور شين
ساره:لاغرور ولاشي...الحين الي يتكلم بصراحه وصج يكون مغرور
رنا:لاحبيبتي...بس انتي طبعج مغروره وشايفه روحج...كل خلايق الله بعينج ولاشي
ساره:لاحبيبتي غلطانه...انا صج احب الموضه والماركات واكشخ البس وافتخر وباسمي وو
رنا تقاطعها بصارخ:بس خلاص
ساره باستغراب:شفيج عصبتي؟؟
رنا:مافيني شي...وتحاول ترجع لطبيعتها:وانابعد عندي ماركات من جميع انحاء العالم حتى من جزر المالديف...تصدقين؟؟
ساره:؟؟؟
رنا طالعة فيها:شفيج؟؟
ساره:مافيني شي
رنا وساره:هههههه

...بسيارة سامي...
سامي يسوق ويتكلم بتليفون ومنار قاعده يمه:هلا بطليل هلا بحبيبي هلا بعضيدي...انت بالجامعه؟؟...انا ع طريج دقائق وانا عندك...اوكيه...يله باي...صكرالخط ولف لمنار يبي يحط ايده ع شعرها
منار بخوف:والله لعلم عليك امي
سامي:ههههه...شمسوي لج انا؟؟
منار:ها...يعني انتي ماتبي تطقني؟؟
سامي:انا ماودي اطقج...ودي اكسر راسج ع لقافه الي فيج
منار:سموي والله اخرمره...ماراح اعيدها مره ثانيه
سامي بمزح:وعد؟؟
منار:مادري...اشاور لساني اول
سامي يحاول يكتم ضحكته:تستهزين فيني؟؟
منار:لالالا...والله خلاص ثوبه اتليقف ع كلامك
سامي يمسح ع شعرها:عفيه عليج اختي حبيبتي

...بالمدرسة...
بالحوش بطابور الصباح سمر ورساره ورنا صفين وراء بعض:شوفي ابله احلام شقاعده تسوي؟؟
ساره:ههه...مسكينه مصدقه روحها
رنا:نفسي اسوي فيها مقلب اخليها تزلق ع وجها
ساره:لا حرام مولهذرجه
سمر:بس خلاص من جيتوا وانتو تهدرون...ماتعرفون تسكتون؟؟...نبي نسمع الاذاعه
رنا:كيفنا حلوجنا ونتكلم بوقت الي نبي لا انتي ولا احد غيرج له شغل فيني... بهالحطه جات منار وصفت بعد ساره:سلام بنات
ساره ورنا وسمر:عليكم السلام
ساره:وينج؟؟...ليش تاخرتي اليوم؟؟
منار:اخوي سامي اخرني
رنا نطت:اهو وينه؟؟
منار:ليش تسالين عنه؟؟...عيب مايصير بنات يسالون عن صباين
رنا:مالت عليج...ماقلت شي انا
ساره تهمس لرنا:تبين تطبطينه؟؟
رنا:دام اخته ثوله هذي اكيد بيكون نفسها اثول
منار:تتكلمين عني مو جذيه؟؟...جزاج الله الف خير بميزان حسناتي ان شاءالله
ساره دفت رنا بخفه:امشي بنات...مشت رنا وبعدها ساره وبعدهم منار لفصلهم بنتظام

...بالجامعه...
بممرسامي وطلال يمشون ويسالفون:شرايك فيها؟؟
سامي:صاروخ...من وين جايبها؟؟
طلال:من بطن الحوت...من وين جايبها بعد؟؟...اكيدمن هني
سامي:يااثول الي اقصده اشلون تعرفت عليها؟؟
طلال:من صجك انت؟؟...بالله اشلون انا اتعرف ع هذي؟؟
سامي:انزين من وين لك صورتها؟؟
طلال:ياحمار هذي صوره لفنانه
سامي:اذا في احد حمار هني مافي الا انت..چان قلت لي انها فنانه
طلال:انت ماخليت لي مجال اتكلم...اول مارويتك الصوره ع طول بققت عيونك فيها...حتئ ماتبي تفك تليفون من ايدك
سامي:الشرموعليك الشر علي انا الي هاد المحاضره وامشي معاك...ومشئ صوب القاعه
طلال:بدق عليك بالليل عشان نطلع
سامي من غير مايلف له:يصير خير...يصير خير

....بالمدرسة...
بالفصل البنات قاعدين ع كراسيهم قامت ساره:بنات شرايكم اوقف قدام السبوره واغني لكم
البنات بصوت واحد:زين
رنا:انا بعزف بيانو ومنار وسمر يطبلون
سمر:انا مااحب الشطانه داخل المدرسة
منار:وانا اخاف وحده من ابلات تشوفنا...وتروح تشتكي علي عندامي
رنا:ادري فيكم مامنكم فائده...وتوجه كلام لساره:يله نانسي تقدم لمسرح....مشت ساره صوب سبوره ولما وصلت لفت صوب الباب:شنو تبوني اغني لكم؟؟
البنات:البي ياالبي....وبدت ساره تغني

....ببيت شريفه ...
بصاله شريفه قاعده تطالع البرامج ومنار قاعده تحل واجباتها:يمه
شريفه:ها
منار:خالتي عائشه للحين بدمام؟؟
شريفه:لا انتقلت لرياض من شهر...ليش تسالين؟؟
منار:ماكوشي...بس تذكرت ايام لما كنا نروح لهم
شريفه:ايه والله كانت خوش ايام...الدنيا شغلتنا وحتئ ارحامنا ماقمنا نصلهم
منار:يمه انتي خلاص ماقمتي تتوصلين معها؟؟
شريفه:اتوصل معهابس من وين لوين...مونفس قبل...بهالحطه نزل سامي:قوه يمه
شريفه لفت له:هلايمه
سامي:يمه انا رايح عندشباب...تبين شي؟؟
شريفه:سلامتك...بس لاتتاخر وراك جامعه باجر
منار:هو موعدج بانه يصحئ ساعه خمسه...سامي طالع فيها بنظرات تهديد خفت وسكتت
شريفه:الله معاك...بس مثل ماقلت لك لاتتاخر
سامي وهويمشي صوب الباب:ان شاءالله...وطلع
منارتقوم:وانابعدبروح اكمل واجباتي بغرفتي...وصعدت

الموضوع الأصلي : رواية سوالف مراهقين || الكاتب : حنين الأشواق || المصدر : شبكة همس الشوق

المواضيع المتشابهه لموضوع: رواية سوالف مراهقين لموضوع: رواية سوالف مراهقين
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	13	20 - 4 - 2025 07:22 PM
إرشادات هامة مع مراهقين متعبين	حنين الأشواق	همس للاسره والطفل	6	23 - 4 - 2021 08:36 AM
سوالف عجايزنه	عادل ابن الرافدين	همس عالم حواء	4	6 - 12 - 2014 07:41 PM
عندي سوالف	سجات التهاويل	همس للألغاز والنكت والضحك	12	17 - 3 - 2014 12:11 PM
مشاجرة بين مراهقين تنتهي بمقتل احدهم	سجات التهاويل	همس للاخبار العالمية و العربيه والمحليه	8	3 - 10 - 2013 02:32 PM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع