عيونك شوكة في القلب توجعني و عبرها للكاتبة ديم الراشد مكتملة

15 - 1 - 2022, 03:37 AM

..... 86 .....

اديم شهقت وهي تحط يدها على فمها مصدومه من صوته نزل راسه فيصل وكأنها تشوفه : مدري وش اقول انا اصلا مدري ليش طلبت هالطلب بس مدري ليه حسيت اني محتاجك مدري ليه اليوم لما طحت ما حسيت اني محتاج احد غيرك كثير كانوا فيه رائد عادل عساف ابوي والكل ما احد منهم حسيت ودي احاكيه
مدري وش لازم افسر هذا هل هي خساره او استسلام تدرين عاد يمكن انتي اللي هزيتي فيصل كنت واثق وقناعتي بنفسي ما احد يقدر يغيرها ههه بس الحين لا ويني وين فيصل القديم
يمكن فيه شي ايجابي بالسالفه اني عرفت نفسي صح ناظرت حولي شفت اني وحيد فعلا وكل هالعلاقات اللي اسويها عشان شي واحد ماكنت ابي اشوفه لكن جيتي انتي وغصب علي خليتيني اشوفه
تدرين وش هو اني وحيد مابي ارجع اعيش شعوري لما فقدت امي كنت اجمع الناس حولي مثل المجنون اطلع من مصيبه وادخل بثانيه مو حب وطرب ولا عشان لفت الانتباه ولا هاوي شقا لكن عشان ما اجلس افكر واتذكر لاني لو بفكر بأنهار تدرين وش غلطة الشاطر اللي غلطتها اني قبلت التحدي معك ماكان لازم استهين فيك لو ما قبلت التحدي ماكان تحديتيني وشتتيني مابي انا شي بس ابيك ترجعين تجمعيني مابي اكون بهاذي الصوره تدرين امس وش قال لي محمد قال اللي انتي اثبتيه لي بس بطريقه ثانيه انا فعلا مريض وانا وحيد وانا عاله وانا كل مسمى للمصايب ......... طال سكوته وهو يسمع صوت اديم الباكي ( حنين انا مابي اثير شفقتك علي ولا ابي تحزنين وتقولين مسكين مابي احسسك بالذنب مابي كل هذا انا ابي وعد واعتبري انك توعدين طفل ما ابيك تشتتيني وتروحين ابيك تجمعيني من جديد وما تتركيني ابيك تجمعيني ايه لكن بأشياء صحيحه .. هاااه توعديني !!!) انتهى كلام فيصل اللي عمره ماكان متأكد من كلامه كثر هالمره ولا من شعوره كثر هالمره كان ينتظر اجابتين يا إما توعده وترجعه للحياه يا إنها تتركه والله يعينه على ما ابتلاه
اديم ماكان متوقع منها الا انها بدون ادراك وشعور توافق على طلب فيصل وتكون معاه بكل حالاته سكرت وهي تبكي من نبرة صوته كلامه اللي يقطع القلب كتبت ويدها ترجف وهي مو قادره تشوف من دموعها ( فيصل انا معك وانا اوعدك اني معك في كل حالاتك لو يتركونك الكل اانا معك لا تفكر في احد خلك مثل ما انت واذا اني هزيتك انا مليون مره اسفه فيصل لا تحسب انك خسرت لحالك لا انا بعد خسرانه لكن افتخر فيها )
ارسلتها وهي تضم رجولها لصدرها وتبكي وباقي كل كلامه يتردد بذهنها كلمه كلمه وحرف حرف
فيصل اللي كان بنفس الحال تماما رفع جواله وهو خايف من الرد قرا الرساله وهو يضحك من بين دموعه مسح دموعه ورد ( بس خلاص انا هنا صرت بخير )
اديم ضحكت ( ايه خلك كذا وارجع اجلد زوجة ابوك ) اديم قالت كذا عشان تونسه
فيصل ( ههههه والله مالي خلقها خليها تفارقني شوي )
اديم ( زين ابي افهم وش اللي صار معك وش الطيحه اللي تقولها )
فيصل تنهد وسجل وهو يسرد كل التفاصيل لها وهي اول واحدة تدري باللي صار معه
اديم اللي انقهرت من اللي قاله محمد وانفجرت كل احساسيها ( حسبي للله عليه وش يحس ذا مو كفايه ابوه باقي هو فيصل من جد اذا سكت له مدري وش اقول عنك)
فيصل(ههههههه وتقولين ليه تهتم بالله مو شي يقهر )
اديم(معك حق بكل اللي صار بس لو توطين بطنه احسن )
فيصل(ههههههه توي اعرف انك شريره)
اديم ( مو عن شريره بس من جد يستاهل الضرب )
فيصل( يستاهل بس ماودي اخرب على عادل برضا بالهزيمه وبسكت )
اديم( وش دخل عادل !!)
فيصل ( عادل يبي ريمان والظاهر متعلق فيها لو اسوي اي حركه بيفركشون عليه وبتضيع ريمان ويضيع عادل )
اديم( ويقول انك قاسي انت وينك وين القسوه )
فيصل ( ههههههه والله انا مافي مثلي)
اديم ( هههههه جاء وقت التعزيز حقك )
فيصل ( تعالي من جد بسألك رقمك اتصل علي اكثر من مره من فين جبتي رقمي )
اديم بلعت ريقها : يمه وش اقول ( زي ما جبت سنابك جبته ولا تسأل كثير)
فيصل ( هههههه زين زين ما بقولك شي اليوم لو مدري وش تقولين قلت تم بعد انتي مو اي وحده )
اديم (ههههههه استغفرلله بس وبسم لله عليك)
فيصل (هههههههه ادري بتقولين جعلك دايم مريض )
اديم ( ههههه قلت استغفر لله )
فيصل ( تدرين عاد رسايلك كثيره اليوم وش الطاري )

.... 87 ....

اديم ( والله بيني وبينك قلبي حسني قلت فيك شي اكيد ارسلت دقيت ما ترد قلت بس انتهى وبطريقتي عرفت انك تعبان بالمستشفى )
فيصل ( والله ما انتي بسهله وشلون ذا كله )
اديم ( اللي يبي شي يوصله ي فيصل )
ضحك فيصل ( تهقين اوصل لك )
جمدت اديم بمكانها وخافت ولا قدرت ترد ارسل فيصل( امزح معك لا تموتين )
اديم خافت فعلا من ذا كله ومن كلمة فيصل اللي كانت عندها جد بس عدتها ( ادري )
راحت تشوف فيصل وش منزل ابتسمت لما قرأت سنابته(‏اوعدني انك تساعدني على ضعفي ..و انا اوعدك ماتخلا عن مواصيلك ')
ردت بسرعه وهي مبسوطه يالله قد ايش ارتاحت وانبسطت بعد ما سمعت صوته وشافته بخير (‏تبي وعد؟أوعدك للنهايه أبقى معك ماأتركك، ماأخذلك، هذا أنا اقسمت لك.) فيصل شاف السنابه وابتسم وهو يغمض عيونه ارسل لها ( اشهد بالله اني بعد كل هذا مابي الا اغمض عيوني وانام )
اديم ( وانا بعد )
فيصل (مدري وشلون اشكرك ي حنين )
اديم ( مابي ارد لانك سامج)
ضحك فيصل وهو فاهم انها ماتبيه يشكرها وهذا رد عفوي
سكروا كلهم الجوال وهم مبسوطين وكلهم ناموا بنفس اللحظه وكل واحد بصدره رجفه شكر وحب لثاني
ظيمنعظيمنع
ظيمنع
من بكره الصبح صحى فيصل بدري لانه اصلا نام بدري لف يناظر الساعه شافها بدري حيل وقف وطلع بعد ما غسل وجهه شاف الدنيا هدوء وراح لغرفة عادل شافها فاضيه وراح لنواف وبعد فاضيه عرف انهم مداومين سمع صوت وراح ناظر من الدرج شاف ابوه وسهام واقفين قريب الباب وابوه يضبط شماغه وهو يقول : سهام الله يسعدك وانتي تصلحين الغداء صلحي بجنبه صحن شوربه لفيصل ومعاه سلطه خليها كذا تسنده وتقويه
سهام: ابشر خلاص
ابو عادل : الله يعافيك زين يلا انا بطلع اشوفه
سهام : زين
ركض فيصل لما حس ان ابوه جاء ركض بسرعه لغرفته وسكر الباب وبسرعه انسدح وتغطى وهو يسوي نفسه نايم دخل ابو عادل وقرب وهو يناظره بهدوء استغرب انه متلحف حط يده على جبينه ماشاف فيه حراره مسك يده يبي يشوف اذا هو بخير ارتاح لما حسه بخير مسح على راسه وهو يقول :الله يعافيك ي فيصل
طلع وسكر الباب رفع راسه فيصل وهو محزن على ابوه بس ابتسم بخبث : الحين نلعب على الحبلين الحين
ضحك وهو ياخذ الجوال ونزل سنابه وهو يدري ان حنين ( اديم) بتشوفها (‏غيرت نفسي ما بين الناس واخترتك لا قلت ياقلبي ابعد قال حبيتهâœ¨) نزل جواله وهو يتكي بهدوء كان يفكر وش سوت فيه هالحنين وكيف تعلق فيها وكيف تفهمه
ظيمنعظيمنع
ظيمنع
عند اديم اللي لبست وهي مبسوطه ورايقه وتغني دخلت مروى وهي تناظرها بأستغراب :خير امس كنتي بتموتين من العصبيه واليوم كل الروقان عندك
اديم ابتسمت وراحت لها وهي تضمها :مروى حبيبي انا اسفه ادري زعلتك امس بس والله كان راسي مصدع ولا لي خلق احد
مروى: عادي بس ابي اعرف وش صاير معك ليش كل هالضيقه والزعل
اديم : ما ادري الصداع مره مسيطر علي عشان كذا
مروى: ضروري تروحين المستشفى تسوين فحص اخاف من هالصداع والله
اديم :ان شاء الله يلا ننزل نفطر
مروى: يلا
اخذت اديم اغراضها ونزلت وهي مبسوطه: صباااااح الخير
ابو مشاري :هلا هلا بهالصوت هلا
اديم ركضت وهي تحضنه :هلا فيك ي قلبي وحشتني حيل
ابو مشاري : ههههه وانتي بعد وحشتينا مدري وش صاير معك وغاطه
اديم راحت لامها وهي تحضنها: والله يبه ماسكني صداع الله لا يوريك بس جالسه اهدي فيه وانام
ام مشاري:من هالمنبهات اللي ما تركتيها الله يهديك
اديم :شسوي بعد عشان اصحصح
ابو مشاري : تروحين للمستشفى وتشوفين من ايش هالصداع طيب ولا ابي اشوفك كذا ثاني مره
اديم وقفت وهي تشرب الشاهي : ابشر ي احلى اب
ابو مشاري :اجلسي ما فطرتي
اديم :افطر مع روان يلا بااااي

طلعت اديم وهي تحس الحياه حلوه ركبت السياره وتوجهت للجامعه فتحت جوالها وحدثت سنابات الناس وصارت تشوفها ابتسمت بفرح وعلقت على طول ( ي صباااااااحو شهاالروقان شهالزين عسى دوم ي ربي)
فيصل اللي رد بسرعه (ههههههههه يسعد صبااح الناس اللي طول ايامهم مروقين كله بفضل الله ثم فضل الحنين )
اديم (ههههههه كيفك اليوم )
فيصل( كيفني حبيت !!وانتي كيفك)
اديم نزلت يدها بصدمه لما قرأت الكلمه وتجاهلتها بخوف وتوقعته كمين من فيصل ( انا بخير هذاني طالعه الجامعه الا على الطاري ليش ما تداوم بالجامعه )

.... 88 .....

فيصل تنهد بضيق لما ما ردت وقال ( مالي خلقها )
اديم ( فيصل كيف مالك خلقها هذا مستقبلك بالله وش بتقول لعيالك بكره اذا سألوك عن دراستك )
فيصل ابتسم وهو يرجع يلمح ( يكفي امهم تكون شاطره )
اديم ضرب قلبها بشكل مرعب وفهمت تلميحته وسوت نفسها ما فهمت ( الله عليك وش عرفك بتتزوج وحده شاطره )
فيصل ضحك وهو فاهم تهربها ( ماعليك بخليها شرط)
اديم لما حسته ابتداء يلمح وحسته اندفع في مشاعره على طول صرفت نفسهاا( زين انا بدخل المحاضره اذا قضيت اكلمك)
فيصل( الله معك .. بس ما تقدرين تكلميني طول هالوقت )
اديم سكتت شوي وقررت تكمل سوالف معاه وتتهرب من طواري الحب لانها ماتبيه يتعلق فيها وفالنهايه ماهم لبعض وطريقهم مسدود ( الا بس استنى ادخل وارجع لك )
فيصل( زين انتظر )
دخلت اديم الجامعه وهي تشوف روان تدق عليها :هلا روان
روان :وينك
اديم :عند دورات المياه تعالي
روان : يلا
شوي ووصلت روان :اديم
اديم لفت وهي مبتسمه ابتسامتها الحلوه: عيوني
روان حضنتها: خير وش الطاري اليوم مبسوطه وتضحكين شكلك كذا تركتي هالزفت فيصل
اديم ميلت فمها بضيق: وشوله هالكلام وبعدين انا من متى اختفت ضحكتي
روان :من عرفتي ذا الفيصل وانتي ضحكتك صايره معجزه
اديم :حرام عليك والله فيصل مو زي ما انتي تفكرين
روان : اديم لا تقنعيني انتي بنفسك قلتي انه راعي بنات وله سوابق
اديم: هذا الظاهر لكن فيصل مو كذا
روان :كيف يعني
اديم : تعالي تعالي ناخذ قهوه ونجلس واحكي لك كل شي
روان : زين
اخذوا القهوه وجلسو وابتدت اديم تفسر كل شي لروان اول الموضوع انصدمت روان من جد لكن فكرتها انه يلعب في اديم ماغيرتها : زين انا معك في كل شي تقولينه صحيح مسكين وظروفه صعبه بس يلعب فيك صدقيني
اديم : مو مهم اذا يلعب او لا المهم اني اعرفه صح
روان : اديم اديم الله يخليك مابيك تضيعين في مشاعر انتي متاكده انها كذبه وانها بتنتهي واول مايعرف انك تقربين لسهام كل شي بينتهي وتنكسرين وفوق كل اللي تسوينه حرام
اديم تنهدت بضيق : انا وعدته ما اتركه وانا عند وعدي لين الله يفرجها والله يغفر بس حبيت مابيدي شي ي روان
روان :لا حول ولا قوة الا بالله قومي بس ندخل المحاضره
اديم :يلا
كل وحده دخلت محاظراتها واديم رجعت لسناب ونزلت سنابه اعجبتها مره ولامست جرحها ( ‏الطريق الليّ يسمونه غرام ‏بين سيف الذنب و إرضاء النفوس ..ليه يغوينا و ندري بّه حرام؟
كأن ما ندري عن اليوم العبوس.) ماهي الا دقايق وشافت فيصل منزل سنابه كرد عليها (‏هذا الطريق اللي يسمونه غرام ...بمشيه لأخر ذرة ٍ من جنوني !!)
اديم تنهدت بضيق ( ‏..قلي وش أسوي أذآ كنت مجنون..سبحانه اللي قادرٍ فيك وحده )
فيصل ضحك ( ‏مابي منك كثير ...مابي منك الا سواك)
اديم ضحكت وعلقت ( ههههههه خلاص عاد )
فيصل ( انتي اللي بديتي مالي شغل وانا فاضي )
اديم (ههههههه خلاص اسفين ي شيخ )
كملوا سوالف وهم مبسوطيين ومشى الوقت محد منهم حس بالوقت الا بأذان الظهر وهنا سكروا من بعض ووقف فيصل واتوضى وفرش سجادته وكبر وصلى بعد ما خلص طلع واتجه لغرفة امه فتحها وداهمه ريحة العوده ابتسم ودخل وسكر اتجه لدولاب فتحه واتكى على الباب : قلت لك مابخليهم ياخذون مكانك وقلت بعد مابخليك وانا عند وعدي يمه راح لسرير وانسدح عليه وهو يتلحف بنفس لحافها وغط بدون ما يحس بعد تقريبا ساعه صحى على جوعه وقف ورتب كل شي وطلع وهو يستغفر نزل يدور بالبيت ماشاف احد راح للمطبخ لما حس بجوع بس كانت المفاجأه سهام محضره الغداء وتذكر ان ابوه قالها تصلح له اكل قرب وشاف الغداء جاهز ماباقي الا ينزلونه شاف الساعه عرف ان ابوه واخوانه على وصول ابتسم بخبث وقرب وهو ياخذ علبة الملح وكب نصها بأكله هو وحركها لما اندمجت بالشوربه وسكرها وطلع بسرعه لغرفته ومعاه تفاحه سكر باب الغرفه واكل التفاحه وهو واقف ع الشباك شاف عادل جاء ومعاه نواف وبعدهم ابوه رمى التفاحه بالزباله بعد ماخلص وغسل ورجع لسرير وهو يتغطى ويسوي نفسه نايم
ظيمنعظيمنع
ظيمنع
تحت عند سهام اللي كانت تنتظرهم عشان تحضر الغداء ومتأكده انه بيعجبهم وقفت اول ماشافت الباب انفتح :السلام عليكم
سهام : وعليكم السلام كيف يومكم
ابو عادل :كويس الحمدلله
عادل:حمدلله
نواف اللي طلع بسرعه لفيصل وهو متحمس بيحكي له كل اللي صار معه لف ابو عادل وهو مبتسم:الغداء جاهز
سهام: ايوه انتم بدلو على ما انزله

.... 89 .....

ابوعادل : زين ما صحى فيصل ما نزل
سهام: لا والله ما نزل بغيت اطلع له بس خفت ازعجه وانت تدري
ابو عادل : ما يخالف خلاص الله يعطيك العافيه
طلع ابو عادل وعادل لفيصل

عند فيصل اللي اول ما حس الباب انفتح غمض عيونه واسترخى
نواف جاء بعد ما نزل شنطته وبدل ملابسه : فيصل صاحي
فيصل لما شاف انه نواف كان بيرد بس سمع صوت ابوه وعادل وكمل تمثيله
ابو عادل :فيصل صاحي ي نواف
نواف طل في وجهه فيصل:لا نايم
ابو عادل استغرب انه نايم من فتره ولا صحى قرب وهو يحط يده على كتفه: فيصل فيصل ابوي فيصل
عادل : فيصل يلا عاد قوم
هزه نواف وفتح فيصل عيونه وهو مقطب حواجبه : وش فيه وش صار
ابو عادل : بسم لله عليك فيك شي يوجعك شي
فيصل :لا انت وش فيكم
عادل : الحمدلله قوم يلا بلا كسل تغدا معنا وروق
فيصل : مابي مالي نفس روحوا تغدوا انتم
ابو عادل :لا لا مافيه مالي نفس تقوم تتغدا يلا عشان تصحصح وتصير احسن
نواف : اي فيصل تكفى قوم عندي لك سوالف كثيره
عادل :هههههه يلا عاد نواف طلبك
فيصل: والله مالي نفس ولا ابي اكل شي يثقل علي كفايه انا احس نفسي ثقيل
ابو عادل :لا ثقيل ولا شي مسوين لك حاجه خفيفه بتسندك يلا ي ابوي قوم الله يخليك لا تعور قلبي عليك
فيصل تنهد :امري لله
ابو عادل : ايه ي ابوي الله يرضى عليك
عادل : يلا استناني بروح ابدل واجي
فيصل :لا انا انزل لحالي
عادل : لا لا استنى بس نواف خلك هنا
نواف :طيب
نزل ابو عادل وعادل راح يبدل اما فيصل قام يبدل ويغسل وكأنه توه يصحى ونواف معاه بعد شوي جاء عادل ونزلوا وهو على يمينه نواف وعلى يساره عادل شافو ابوهم وسهام على الطاوله ومعهم منى اللي قامت وهي تركض لفيصل وضمته : الحمدلله ي حبيبي انت بخير الحمدلله
غمض فيصل وهو حاقد من قلبه: الحمدلله ي عميمه
منى :تعال حبيبي تعال اكل
وكملوا طريقهم جلسوا كل واحد بمكانه وابتدوا يوزعون الاكل وطبعا فيصل كان اكله لحال وسهام واثقه ومتاكده ان الاكل بيعجبهم ابتدوا ياكلون وفعلا عجبهم فيصل اللي اول ماذاق الشوربه كبها وهو يكح بقوه لانه اخذ كمية شوي كبيره الكل لف وهم اللي يهبط على ظهره واللي يعطيه مويه
منى: بسم الله عليك وش فيك
فيصل كانت كمية الملح كثيره كان يكح وعيونه دمعت لانه بعد شرق وبعد معاناه اخذ المويه وشربها ولف وهو يعاتب منى بحيله : عميمه الله يهديك وش ذا الملح تبين تذبحيني وش صاير معك
الكل لف على سهام وبما فيهم منى : ليه ي فيصل
فيصل رجع يكح : ذوقيها موت موت
عادل لف بقوه لسهام وقرب وهو ياخذ الملعقه اخذ شويه واول ما حطها بفمه رجعها وهو يرمي الملعقه اخذ المويه وهو يكح بعد
عادل : وش ذا الملح
ابو عادل ناظر سهام بنظره قويه وهو ينتظر منها تفسير بعد ماجرب الشوربه ورجعها
سهام تلعثمت : والله والله كان الملح مضبوط وانا متاكده منه
ابو عادل : وش اللي كان مضبوط كيف صار كذا ابي افهم
عادل :خافي الله الانسان مريض تبين تذبحينه
فيصل بتمثيل وهو مطير عيونه:من مصلح ذا الاكل
منى وهي بتنقذ سهام: دقيقه يمكن هي ما انتبهت وملحت مره ثانيه تصير ي ناس تصير انا بعد اغلط هالغلطه
فيصل : عميمه وش ترقعين انتي وش ترقعين انتي ذقتي الشوربه
منى: ماعليه ي حبيبي تصير
سهام:ما ملحتها مرتين والله والله كانت مضبوطه اخر مره ذقتها قبل توصلون بنص ساعه ومتاكده اني ملحتها مضبوط
ابو عادل سحب الملعقه وهو يمدها لسهام: شوفي شوفي
سهام اخذت الملعقه وهي تتمنى انه كذب واول ماحطتها رجعتها وهي تكح :والله ي طلال كان مضبوط
فيصل :وش اللي كان مضبوط ماتخافين الله انتي وش سويت لك انا ماطلبت منك تسوين لي شي ولا جبرتك
منى: فيصل حبيبي هدي الموضوع موب كذا اكيد غلطه
سهام:والله والله انا متاكده انها مضبوطه
ابو عادل : اذا انتي متاكده مين سواها يعني
سهام: مدري مدري
تو فيصل بيتكلم بس تفاجأو بالضرب اللي على الباب ركض عادل يفتح الباب وهم مستغربين من طريقة ضرب الباب وصار اللي محد منهم توقعه حتى فيصل كان اللي يدق الباب ام رامي الكل اتسعت عيونهم بصدمه
ام رامي :وينه وينه ولدي حسبي الله عليكم وش سويتوا في فيصل فيصل حبيب خالتك وش صار وش صار ي حبيبي امرضوك الله يهد حيلهم
ركضت له وهي تضمه فيصل طبعا كانت مبسوط وهالمره جد ضحك له الحظ وكأن ام رامي نازله له من السماء كان شوي ويتشقق من الوناسه بس مابين وهو يسوي نفسه مصدوم ..

.... 90 .....

طبعا ام رامي مادرت عن اللي صار من شوي بس عرفت ان فيصل تعب ونام بالمستشفى وحالته حاله وجات ركض
حضنها فيصل ام رامي : وش فيك ي حبيبي قلي وش فيك
فيصل وهو يبوس يدها بتمثيل التعب : مافيني شي ي الغاليه انا بخير
ام رامي :وينك وين الخير وانت هذا شكلك وصوتك حسبي الله عليهم هدوا حيلك وين ضحكتك وين صوتك اللي يجيب العافيه
فيصل : لا ي خاله انا بخير
ام رامي لفت وهي تناظر سهام: كله منك ي اللي ما تخافين الله
سهام انصدمت:وش سويت انا لك ي متخلفه
فيصل كان ينتظر الفرصه وصرخ: حدك عاد كل شي الا خالتي مو كفاك انك بغيتي تذبحيني والحين بتتلفظين على خالتي
منى: ي فيصل قلنا لك ما كان قصدها اكيد بالغلط
ام رامي شهقت وهي تحط يدها على قلبها: وشو وشو بغت تذبحك وش مسويه قلي والله لذبحها الله يرحمك ي اختي وينك تشوفين وش يصير جايه ببيتك وبتذبح عيالك قولي وش مسويه فيك انا اخذ لك حقك قولي
فيصل لف وهو يسوي نفسه مايبي المشاكل :ماعليه يالغاليه تعالي واتركيها ما تسوى هالوقت اللي تاخذه منا
ام رامي :حشى والله ما روح لين اخذ حقك قولوا وش سوت في اخوكم
نواف طبعا اللي كان بصف فيصل ومقهور عليه : خاله سهام سوت في غدا فيصل ملح كثير وهو تعبان بغت تموته
ام رامي : وشو وش قلت
ابو عادل تدخل بسرعه: ام رامي هاللي تسوينه عيب راعي وجودي
ام رامي :وجودك اي وجود وانت واقف مع العقرب ضد ولدك هذا وهو تعبان
ابو عادل :انا اعرف اتصرف في بيتي
ام رامي: ارتاح انا اتصرف بدالك
منى : اقولك ابلعي لسانك واطلعي ي همجيه
ام رامي وهي تاخذ صحن الشوربه :انتي خليك على جنب راجعه لك
وبحركه غير متوقعه كبتها على سهام والكل صرخ بصدمه وفيهم اللي صرخ بفرح واللي بذهول واللي بألم ومن حسن حظ سهام انها كانت دافيه
سهام هنا ما تحملت وانقضت على ام رامي لكن وقف فيصل بوجهها وهو يقول : ما حزرتي خالتي ما تنهان في بيت امي
ابو عادل : فيصل سهاااام
سحب سهام واخذها لغرفتها ورجع لفيصل وعيونه طايره بشر طبعا فيصل اللي على طول اخذ دور المرض وجلس وهو ماسك راسه والكل اتجمعوا عليه
عادل : فيصل وش فيك
فيصل عشان يفك المشكله ويفتك هو من الهواش سوا نفسه غمى عليه وهو يسمع الصراخ واللي يرفعه واللي يكب عليه مويه وام رامي تدعي عليهم
ابو عادل :ابعدوا
ابعدوا كلهم وقرب ابو عادل : فيصل فيصل قوم سامعني فيصل
فيصل كان سامع ومطنش ابو عادل خاف فعلا خصوصا انه توه امس طلع من المستشفى :فيييييصل
عادل :يبه وش صار
ابو عادل : جيب عطر مويه شي ي عادل
ام رامي : حسبي للله عليكم
ابو عادل لف وصرخ فيها: انتي اسكتي
ام رامي : ليه ان شاء الله
عادل :تكفين خاله خلاص مو وقت الهواش
الكل لف لفيصل اللي ابتدا يصحصح على العطر
ابو عادل وهو يسنده: فيصل وش فيك يوجعك شي
فيصل وقف وهو اللي يصدقه : مافيني شي اتركوني لحالي
تركهم وطلع وعادل ونواف معاه لف لهم وهو مثبت عينه على الارض : اتركوني سامعين
عادل : فيصل حبيبي اسمعني انت مريض مايصير كذا
فيصل : اتركوني
ابو عادل :عادل نواف تعالوا هنا اتركوه براحته
طلع فيصل وهو يترنح بمشيته وفي نفسه وده يضحك بس ماسك نفسه صح تعبان بس من بعد كلام حنين صار كويس وشاف انه بالطريقه هاذي بينتقم من سهام من دون ما احد يحس دخل غرفته وسكر الباب وقفله ركض لسرير ورمى نفسه وهو يضحك
اما تحت لفت منى لام رامي : عاجبك اللي سويته هاااه عاجبك
ابو عادل : ام رامي انتي لك احترامك لكن اللي تسوينه مايرضي الله ولا خلقه
ام رامي : لا والله اجل اللي يصير في فيصل يرضي الله وخلقه ذبحته بحسرته الله لا يسامحك مسكين والله هالفيصل وش بيحصل عشان يحصل
ابو عادل وهو يهز رجله بغضب : عاااادل
عادل تدخل بسرعه وهو خلاااص معاد يتحمل المشاكل:خاله الله يخليك خلاااص خلااص
ام رامي : انت اسكت ولا كلمه يالثاني اجل كل هذا يصير في اخوك ولا تقولي دامك مو قادر تاخذ حقه قولي
عادل : الدنيا ماهي حرب ماهي حرب
ام رامي : اسمعوني عاد كلكم والله لو يصير لفيصل شي لعزر فيكم واخليكم عبره سامعين
منى: اقول امشي من هنا والبيت يتعذرك
ام رامي :هههههه ضحكتيني تطرديني من بيت اختي
منى بزلة لسان : اختك ماتت عساك تلحقينها ونفتك منك بعد ..

#يـــــتـــــــبــــــــــع...

15 - 1 - 2022, 03:40 AM

..... 91 .....

في هاللحظه كل الانظار توجهت لمنى عادل ونواف
عادل وقف وهو زعلان هالمره من جد : البيت بيت امي حتى لو ماتت ي عمه ومحد يقول غير هالكلام واذا امي ماتت بنظرك وبقلبك ما ماتت عندنا وخالتي ما تنطرد من بيتنا
منى هنا فهمت انها غلطت غلط كبير لما حست بعيونهم تغيرت :انا ماقصدت كذا بس
عادل : ما تحتاج تفسير كلنا فاهمين وش قصدتي
ام رامي : انا رايحه لبيتي
عادل : لا ي خاله لا انتي اذا ما شالك بيتنا تشيلك عيونا تعالي اجلسي
ام رامي : انا كنت بتطمن على فيصل واذا تطمنت خلاص بروح اصلا وسن لحالها بالبيت
عادل : اجلسي ي خاله انا اروح اجيب وسن انتي ارتاحي
ام رامي راحت لعادل وهي تضمه : ي حبيبي ي عادل الله يخليكم لي ذخر
عادل باس راسها وهو يقول :انا رايح ارتاحي
جلست ام رامي وهي تبي تضحك تبي تقهر منى اللي وقفت وطلعت بضيق اما ابو عادل اللي اعجبه تصرف عياله بس ماعجبه جلست ام رامي وعدم احترامها له فقرر يقوم ويتركهم
عادل طلع يجيب وسن ونواف جلس مع خالته اللي ابتدت تحقق معهم بحياتهم مع سهام نواف مستسلم ويتكلم
ظيمنعظيمنع
ظيمنع
عند سهام اللي كانت هالمره مو اي مره وتبكي بحرقه وهي ناويه ماتجلس هنا لو تموت دخل ابو عادل وهو يشوفها تجهز الشنطه
ابو عادل : سهام وين رايحه
سهام: اسمعني زين ي طلال انا ما ضريت فيصل ولا ادري من سوا كذا اقسم بالله اني ماسويتها والله ولو الموضوع وقف كذا كان بلعتها اما تجي هالمتخلفه وتتهجم علي وانت ساكت مستحيل مستحيل
ابو عادل تنهد واتجه لها وهو يجلسها: سهام انا شرحت لك كل هذا من اول ليله وقلت لك عن اللي بيواجهك ام رامي هاذي مريضه وانا مقدر اواجهها ولا اقدر اسوي شي لاني مستحيل اسوي شي لحرمه وبعدين اللي مقويها انها غاليه على العيال كلهم ولا اقدر اسوي شي واخسرهم انا اقول تجنبيها مريضه
سهام : وش ذنبي انا وش ذنبي شوف لي حل مستحيل اتحملها
ابو عادل: تجنبيها اتركيها تسوي اللي تبي واخسريها اصلا هي ماتجي كثير ما تستاهل انك تزعلين عشانها
سهام وهي تبكي : طلال افهم والله ما زودت الملح لفيصل والله
ابو عادل : اجل مين اذا مافيه احد غيركم انتي وفيصل
سهام: اكيد فيصل اكيد
ابو عادل: لا لا لا ي سهام انتي شفتي فيصل كيف تعبان وغير كذا نزل مع نواف وعادل والاقوى انه عباله منى اللي سوتها يعني ماايدري عن كل هذا وطول الوقت كان نايم
سهام صدت وهي تبكي ومتاكده ان فيصل هو اللي سواها بس كيف بتفهم طلال
ابو عادل : عدي الموضوع المشاكل لابد منها مو في يدينا
سهام : ودني بيت اهلي بجلس عندهم كم يوم ارتاح ويرتاح البيت شوي
ابو عادل : سهام وش ذا الكلام لا مستحيل اوديك وش بيقولون عليك
سهام :مابيقولون شي ابي ارتاح
ابو عادل :صعبه ي سهام مقدر اسمعيني ارتاحي هنا ولا تطلعين ولا احد يجي لك احسن
سهام بترجي :تكفى طلال بس يوم انا بدور عذر تكفى
ابو عادل تنهد بضيق : زين زين اللي تبينه
قامت سهام وهي تغسل وجهها وتبكي ندمت حيل وتمنت ما تزوجته وهذا اللي يسمونه اول الغيث قطره
لبست بعد ما ترتبت وشالت اثار البكى من وجهها ورجعت لابوعادل وهي لابسه عبايتها ابو عادل كان يدري انها ماتسويها بس بعد متاكد انه مو فيصل : سهام انا مدري وش اقول لكن انا متاكد مو فيصل ولا انتي
سهام: خلاص الله يخليك من اليوم ورايح مالي شغل في فيصل
ابو عادل تنهد :زين يلا
طلعوا وشافوا ام رامي جالسه مع نواف ومقضيتها سوالف وضحك واول ماشافتهم زادت تضحك وسهام هنا ولعت ولفت وهي تمسك في ابو عادل اللي هز راسه بأسى
ام رامي : روحه بلا رده
طنشوها وطلعوا قامت ام رامي :تعال تعاال نروح نفرح فيصل بطستها
نواف :يلا
طلعت ام رامي وهي مبسوطه دقوا باب غرفة فيصل اللي باقي يضحك وفز وهو يحاول يوقف ضحك وسوا نفسه ضايق :مين
ام رامي :فيصل حبيبي افتح ابشرك هالحيه راحت بيت اهلها
فيصل نط من فوق السرير بفرحه وطاح وكان لاخر لحظه بينسى التمثيل ويفتح الباب بس تذكر ووقف وهو ينط ويضحك ويحضن اي شي يقابله وبعدها وقف بجمود وفتح الباب : شسوي يعني
ام رامي حضنته: ماعليه ي حبيبي ادري ضايق بس هذا حنا ذلفناها من البيت
نواف : فيصل الله يخليك خلاص
فيصل راح وجلس :خلوني لحالي
ام رامي : لا لا مافيه خلوني لحالي قوم معي بننزل تحت واسوي لكم غدا تاكلون اصابيعكم وراه بلا اكلها المتسمم ونضحك ونسولف وننبسط وهذا هو عادل راح يجيب وسن وبنستانس اليوم
فيصل اول ماسمع طاري وسن ضاااق بس عداها عشان سهام طست :خاله مالي نفس
ام رامي سحبته وهي تقومه: يلا بس تردني
فيصل ابتسم بهدوء الحيله :زين انا اصلا مقدر اردك
ضحكت ام رامي ونزلوا كلهم تحت وابتدت ام رامي تصلح لهم غدا وهي تغني وفيصل اللي دخل بالجو يطبل بالقدر ونواف يصفق والجو رهيب ..

..... 92 ......

بعد تقريبا نص ساعه دخل عادل ومعاه وسن اللي كانت طايره من الفرح سمعوا الاصوات في المطبخ وراحوا
عادل باستغراب :فيصل نزلت
فيصل ابتسم بهدوء يمثل فيه المرض :احد يقدر لأم رامي
عادل قرب وهو يحضنه: زين تسوي فيك وانت بعد مالك شغل باحد اهم شي صحتك فيصل انتبه لنفسك
اشر فيصل براسه وصد لما شاف وسن اللي تسلم على نواف : فيصل كيفك الحمدلله على سلامتك
فيصل زفر بهدوء : يسلمك ربي كيفك انتي
وسن : الحمدلله
ام رامي : يلا يلا تعالوا ساعدوني خلاص شوية ويجهز الغداء
الكل قربوا يساعدونها وكان وضعهم مع وسن كانها اختهم لكن وسن مركزه على فيصل وبس تحارشه نزلوا الغداء وكان فيصل بالقوه ماسك نفسه لاا يسولف والكل كانوا مبسوطين وقالبين الدنيا
ظيمنعظيمنع
ظيمنع
عند منى اللي دخلت البيت وهي معصبه رمت عبايتها وهي تدعي : حسبي الله عليك ي العقرب ي اللي مالك خاتمه
الجد فز بفجعه: وش فيك وش اللي صار
منى سحبت طرحتها وهي تربطها على راسها اللي صدع : ومن غيرها مقباس الشر اللي جات وحاست الدنيا من غيرها اللي ماتستحي
الجد : منى قولي فجعتيني
منى: خالة العيال حسبي الله عليها
الجد حط يده على راسه :وش سوت بعد هالمجنونه
منى: وش اللي ماسوته
ابتدت منى تحكي وهي تولول من قوة القهر الجد كان فعلا مصدوم من اللي صار كله: الظاهر ان الزواج ذا ماهو الا مصيبه على طلال
منى: لا والله قول متسلطين عليه مصايب
الجد : حسبي الله وسهام وش صار عليها
منى: ما ادري جيت وهي بغرفتها
الجد : لا حول ولا قوة الا بالله انا مدري وش باقي بيصير
منى: والله مدري مدري
الجد :الله يجيرنا من اللي جاي
سعيد من عند الباب :انتي اللي دخلتي هالنار بينهم يوم زوجتي طلال
منى: الله يرحم والدينك ي سعيد ماني ناقصتك انت الثاني
سعيد :هذا الحق وباقي بتشوف عينك كثير ي منى الحين شوفي وش سويتي
الجد :الله يهدي الجميع
قامت منى وتركتهم وهي فيها صداع الدنيا كلها
ظيمنعظيمنع
ظيمنع
اما ابو عادل اللي ترك سهام عند اهلها وغير طريقه وهو متجه لدكان ابو عبد المجيد وقف ونزل وهو الضيق باين على وجهه ولا يبي يرجع البيت وهو يدري ان ام رامي هناك
ابو عبد المجيد وقف وهو يرحب : ي هلا ي مرحبا عاش من شافك
ابو عادل : تعيش ايامك ي ابو عبدالمجيد كيفك وش علومك؟
ابو عبد المجيد : الحمدلله انت كيفك كيف العيال وكيف اموركم من الناس الجدد
ابو عادل جلس وهو يتنهد : والله مدري وش اقول انا من سيء لاسواء
ابو عبد المجيد وهو يصب القهوه :افا وش السالفه وش صار
ابو عادل : قول وش ماصار الظاهر ان زواجي اكبر غلط سويته ومدري كيف اتصرف اول مره احتار كذا
ابو عبد المجيد :خير اللهم اجلعه خير وش السالفه
ابو عادل جلس يحكي لابو مجيد كل اللي صار معه من بداية زواجه
ابو عبد المجيد : والله ي اخوك وضعك متأزم
ابو عادل : انا هنا مدري وش اسوي اذا نصرت سهام زعلوا العيال واذا نصرت العيال ظلمت سهام وانا فعلا بين نارين قول العيال مقدور عليهم ويمكن هاضمين سهام المشكله فيصل وسهام
ابو عبد المجيد : والله ي طلال من النهايه اقولك فيصل وسهام مستحيل يتصافون او حتى يتغاضون عن بعض كل واحد منهم يكره الثاني وكيده لثاني اقوى ولا تقدر تحدد من فيهم سوا مشكله وبما انك مافي يدك حيله عشان تنصف بينهم الحل الوحيد انك تفرق البيوت عشان ترتاح وخصوصا ان خالة العيال تجي عندهم وتسبب مشاكل
ابو عادل : وش تقول انت الله يهديك تبيني اطلع من البيت عشان تقوم القيامه من جد هم كل بلاهم انهم خايفين اني اتركهم وانشغل عنهم
ابو عبد المجيد: قولي وش بتسوي هاه طالما ان فيصل وسهام بنفس البيت مشاكلك ما بتوقف وانسى انها توقف
ابو عادل : اي انا ادري بس وش السوات
ابو عبد المجيد : ما عندك الا هالحل والا انك تشغل فيصل عن سهام
ابو عادل : وشلون يعني
ابو عبد المجيد : مدري فكر بشي يشغل فيصل
ابو عادل : انا متاكد ان فيصل لو رضى على سهام الكل بيرضى
ابو عبد المجيد : هذا شي مفروغ منه
كملوا سوالف وهم مركز سوالفهم فيصل اللي مايعرفون كيف يتصرفون معاه
ظيمنعظيمنع
ظيمنع
اما عند سهام اللي دخلت بيت ابو مشاري وهي قادره تتحكم بدمعتها وانفعالاتها شافتهم متجمعين على الغدا :سلااام
فزت اديم وصرخت بحماس : سهااااام
الكل ضحك وهم يرحبون بسهام اللي نشبت بحضن اديم اللي تصارخ
سهام: ههههههه اديم اوجعتيني
اديم :مشتاقه لك ي خبله وينك طولتي علينا.

..... 93 ......

سهام: شسوي مشغوله شوي لكن ابشرك جيت وببات الليله هنا
اديم رجعت تصارخ وهي تحضنها مره ثانيه : اييييه زيييييين
ابو مشاري:ههههه تعالي تعالي ي سهام اشهد بالله انك لك فقده عظيمه
سهام ضحكت وهي تتجه وسلمت عليه :وانتم والله
مروى: هههههه انا اكثر وحده فقدتك ترا
اديم:نصابه كعادتك
ام مشاري: لاو الله انا اللي فقدتك
سهام راحت وهي تسلم عليها: عاد انتي صدقتي والله كلكم وحشتوني
ابو مشاري: اجلسي اجلسي تغدي جيتي بوقتك
سهام :لا الحمدلله سبقتكم وتغديت مع طلال
اديم:شعليك تغديت مع طلال ي شينها رومانسية الشياب ههههههه
الكل ضحك لما انقلب وجه سهام وهي تضربها بالشنطه:نشوف وش بيصير فيك وبعدين انا بعدي شابه شزيني
اديم: ههههههههه الله يخلف بس
ام مشاري : والله لو قايله بتجين لحضر لك كل اللي تحبينه
مروى:من جد والله وش هالزياره المفاجأه
ابو مشاري : البيت بيتها تجي وتروح بالوقت اللي يناسبها
سهام: الله يعزك ي اخوي ماتقصر
ابو مشاري : كيفك وكيف طلال وعياله كيف فيصل سمعت انه تعبان
من اللي على الطاوله طلعت تنهيدتين اديم وسهام اديم تنهدت بحب لفيصل اللي كل يوم عن يوم يمتلكها اكثر من اللي قبله ويطغى عليها بأسلوبه الجذاب اما سهام تنهدت بقهر من سوايا فيصل وقالت : ايه فيصل قبل امس طاح علينا واخذوه للمستشفى لكن الحين الحمدلله بخير والعيال بخير
ابو مشاري: والله مايشوف شر نفسي ازوره بس مامعي وقت
سهام بغل في قلبها: لا تتعب نفسك هو مايجلس بالبيت عشان تزوره
مروى: هو وش فيه اصلا عشان طاح
سهام كانت كارهه الكلام عنه وقالت لهم انه هبوط بالضغط ولا حبت تفصل بالموضوع كثير
ظيمنعظيمنع
ظيمنع
ع المغرب وصل عساف ورائد لبيت ابو عادل وهم ناوين يزورون فيصل
عساف : تتوقع عندهم احد
رائد: واذا عندهم احنا بناخذ فيصل ونطلع مالنا شغل بأحد
عساف : صادق
فتح الباب نواف وسلم عليهم وراح ينادي لفيصل بعد ما دخلهم المجلس
فيصل اللي كان يمشي بهدوء وهو مو مصدق متى يوصل المجلس وعادل معاه
عادل : ي هلا ي هلا
عساف ورائد وقفوا يسلمون عليه وبعدها اتجهوا لفيصل اللي كان يمثل التعب بإتقان
عادل : انا بروح اجيب القهوه
عساف :لا والله ارتاح متقهوين عادل : اقول ارتاح بس
راح عادل واول ما طلع نط فيصل وهو يضم عساف ورائد اللي انفجعوا وشهقوا مع بعض بصدمه فيصل ضحك: بسم لله عليكم وش فيكم
عساف بصدمه : فيصلوه لا تقول كل هذا تمثييل
فيصل: هههههه اليوم بس تمثيل
رائد طارت عيونه: فيصل اقسم بالله او تقول ان اللي صار معنا امس وقبله تمثيل لزعل من جد
فيصل : انثبر انت وياه ماكان تمثيل اليوم بس تمثيل او مثل ماتسمونه وقفت الحظ
عساف : قول وش مسوي اقسم بالله قلبي قايلي فيك إن بالموضوع
فيصل : انتظروا بس لا تفضحونا ترا محد يدري الا انتم
رائد: انطق نشف قلبي انطق
عساف : فيصل اقسم بالله صرت اخاف منك ي رجل
فيصل ضحك وهو يقولهم عن اللي صار اليوم وفيه ضحك كل هذا قاله تحت سمع عادل اللي انصدم هو بعد من فيصل فتح الباب بقوه ونزل القهوه بالارض : فيصل
فيصل لف بقوه وهو يناظر عادل عساف ورائد بعد كانوا نفس صدمه عادل وطاحت قلوبهم من شكل عادل
عادل اتجه لفيصل وهو يسحبه وقفه وهو يهزه : كل شي ممكن اسكت عنه الا انك تظلم ما تخاف ربك انت ما تخاف ربك واحنا اللي عبالنا تعبان ومسكين واثاريك تحفر فيصل انت وش صاير لك ليش كل هذا خلاص صارت القصه مرض كل شي كنت تسويه تقبلته وقلت مافيه ضرر لكن تظلم سهام وهي اللي ما نوت لك شر صغرتها قدامنا كلنا ولا فكرت وفوق ذا كملت عليها خالتي الادميه متعبه عمرها ومصلحه لك غدا وشايله همك وانت تسوي اللي تسويه وفوق ذا تمثل المرض علينا ابوي تعبت قلبه من كثر ماهو شايل همك انت خلاص صرت اناني ما تفكر هاه قول تكلم وش عذرك من اللي تسويه هذا كله كل يوم مشكله شكل على شي فاضي رضيت بسهام والا ما رضيت محد جابرك ياخي لا تحبها محد حالف انك تحبها بس لا تظلم ناظرني زين من اليوم ورايح تترك لعب الاطفال حقكك وتصير رجال والا والله اقول لابوي عن اللي تسويه وهو يتصرف
عساف : عادل الله يهديك انت فهمت خطا الموضوع مو كذا
عادل : عساف اسكت لا تجلس تعزز له على خطا
فيصل : هذا فوق اني جالس احميكم منها تقول عنها ظلم وانانيه
عادل : من قالك نبيك تحمينا ولا تاخذ دور المضحي المسكين احنا ما شفنا منها اذى عشان تحمينا واترك عنك هالحركات احسن لك ..

.....94 .......

فيصل : ما راح اتركها ونشوف وش بتسوي
عادل بصرامه : نهايه الموضوع اقسم لك بالله طول ما انت تسوي هالحركات لساني ما يطب لسانك
فيصل انصدم : حلو انت بعد رحت بصفها
عادل : طالما انك تظلمها لا تتخيلني بصفك
طلع عادل وتركهم
رائد : شفت وش سويت بنفسك اعجبك
فيصل : ريحنا انت الثاني وش مسوي انا خرجت عن المله
عساف : وش بكم قمتوا عليه هاااه هي تستاهل اللي يصير وانتهى محد قالها ترضا فيه
رائد: عساف انت تدري انه غلط لا تجلس ترقع
عساف : وخر بس فيصل لا تشيل هم وماعليك
فيصل زفر بضيق وجلس وهو يحط يده على راسه
رائد : وش بتسوي الحين
فيصل : وش بسوي يعني بروح اكلم هالحمار لا يفضحني
رائد : عادل صادق
عساف : يرحم امك عاد الانسانيه هاذي مره موب وقتها
رائد : انا اتكلم من جد حرام اللي تسويه
فيصل : رائد يرحم امك مالي خلق نصايح طافح طافح نصايح
عساف :اسمعني روح كلمه وعقله وان استدعى التمثيل مثل
رائد : شتقولون ي مجانين
فيصل غمز لعساف بدون ما يحس رائد: لا ما بمثل كفايه اللي صار بروح اكلمه وامري لله
عساف :زين براحتك حنا ماشيين
فيصل :الله معاكم
طلعوا عساف ورائد وهم فيهم اللي راضي وفيهم المعصب
اما فيصل اللي دخل وشاف خالته ووسن راحوا انبسط انهم مو فيه وطلع لعادل وصل غرفة عادل وهو يستعد لبداية تمثيل قويه دق الباب ودخل :عادل
عادل طبعا اللي كان في قمة غضبه وهو جالس ويهز رجله مارد على فيصل اللي دخل وجلس قباله: عادل بلا هبل انا اكلمك
عادل : قلت لك وش تسوي عشان اكلمك
فيصل : عادل انت تدري اني مستحيل أأذي احد وتدري بعد اني مابي وجود سهام في البيت ومحد راضي يفهمني
عادل : ما احد طلب رضاك ي فيصل محد طلب رضاك سهام بغرفتها تحت لا تتعرض لك ولا تتعرض لها وانت انثبر هنا وسهام هنا تخدم ابوي سامعني
فيصل تنهد : بس هي جالسه تأثر على ابوي وبكره بتخليه يرمينا ولا يلتفت لنا
عادل: فيصل انت مو بزر وفاهم وتدري ان كل هالكلام من راسك وابوي مستحيل يرضى يصير هالشي طيب
فيصل : اذا تعلق فيها بيرضى
عادل : الله يخليك شيل هالافكار من بالك ولا تتعبني وتعب نفسك
فيصل : عااااادل لا تستهين في الموضوع ي عادل
عادل ؛ فيصل انا مقدر خوفك علينا ومن فقد ابوي وحياتنا بس هذا مايعطيك الحق انك تظلمها انا ادري انك شايف الموضوع بسيط وانك ماسويت شي كبير لكن انت اذا استهنت بهالسالفه بتسهل عليك بكره الظلايم وتوصل معاك الاشياء كبيره محد فينا بينجى منها فيصل ركز معي جرب تطنشها وينتهي الموضوع اذا انت مو قادر تتعايش معها لا تحتك فيها واتركها بحالها واذا فعلا جاء يوم واذتك سهام صدقني مو بس انا بوقف بوجهها انا وابوي وكلنا محد بيتركها تلعب على الحبلين الله يخليك ي فيصل خوفك هذا لا يفرقنا خلنا نعطي الناس فرص وبنشوف
فيصل طبعا ما اقتنع ومستحيل يقتنع بس مضطر يجاري عادل شوي : واحنا بنستناها لين تضرنا
عادل ابتداء يتكلم بنقاط ضعف فيصل عشان يفهمه : فيصل انا ما همني اللي بتسويه سوي اللي تبي بس انتبه والظلم انتبه اول شي مايرضي الله وحوبته كبيره وثاني شي امي بعد وما ترضى وانت جالس تظلم تذكر تذكر لما كنا نكسر شي بالبيت وكل واحد منا يرمي الشغله على الثاني كانت تضربنا كلنا وتعاقبنا كلنا وماتكلمنا مو عشان هي زعلانه إنا كسرنا وخربنا لا عشان كل واحد فينا عشان ينقذ نفسه يظلم الثاني وش موقفك لما تظلمها عشان تنقذنا وش موقفك لما تروح تحكي لامي عن اللي سويته غلطان صح
فيصل فهم حركة عادل صح اثر فيه بس صعب انه يقتنع وعنده قناعه في باله انه بيطلع سهام لو انه يقتل مو مهم واخذ دور انه تأثر : زين ادري اني غلطان وادري انه شي بشع بس عشانك وعشان امي مابي اسوي لها شي وابيك تشوف بعينك وشلون هي تضرنا بوقف كل شي وانت راقب انا مابي اخسرك ي عادل ومستعد اسوي اللي تبي بس لا تزعل وبعطيهم فرصه ونشوف
عادل ابتسم بفرح ان فيصل طاعه وقرب وهو يخبط على كتفه : ايوه كذا لا تنسى نفسك وتربيتك وانا متاكد انك بترضى بالنتيجه
ابتسم فيصل : هاه خلاص استبينا صافي ي لبن
ضحك عادل وهو يضربه بخفه: حليب ي قشطه
نواف دخل : خير جالسين لحالكم وتاركيني
عادل :ههههه تعال تعال
نواف : خلونا نطلع نتعشى برا والله من زمان ما طلعت
فيصل : من جد حتى انا ضقت
عادل : يلا قوموا خلونا ندق على ابوي بعد
فيصل : يلا احنا بنجهز وانت اتصل على ابوي
عادل : يلا ظيمنعظيمنع

..... 95 .....

عند سهام اللي ماصدقت تتفرد بأديم كانت جالسه على سرير اديم اللي تسولف وتضحك وهي جالسه بالكرسي المقابل لكنها انصدمت اول ماشافت سهام اللي نزلت راسها وهي تبكي فزت واسرعت لها : سهااام بسم الله عليك وش فيك
سهام رفعت راسها وهي تمسح دموعها بضيق : اووف ي اديم ي ليتني سمعت كلامك مدري وش لي بهالعايله
اديم طاح قلبها: وش فيك وش مسوين لك قولي لي
سهام هدت شوي وابتدت تشرح لها اللي صار لها من اول يوم إلين اليوم وكله بسبب فيصل وهي متاكده من ذا الشي
اديم هنا ما عرفت وش احتارت وش تعبر ماتدري تدافع عن مين بالضبط ماعرفت الا انها تضمها وهي تقول :نصحتك ماسمعتيني وش في يدي الحين وش في يدك مالك الا الصبر يمكن يتعدل
سهام : مقهوره منه ي اديم مقهوره
اديم : الله يلعن ابليس انتي وش سويتي له عشان يسوي كذا وش مصلحته
سهام: يبيني اتطلق واطلع من البييت
اديم : حسبي الله على العدو حسبي الله
سهام: قولي لي وش اسوي الكل كويس ما عدا هو والزفت خالته
اديم :مالك حل الا تطنشينه وتبعدين عن المكان اللي هو فيه الين يحصل ابوه له حل وتفتكين
سهام: عمري عمري ما انهنت كل ما اهانتني خالته
اديم: طيب طلال يقول انها مريضه خلاص اتركيها على ربك
سهام : الله يعين والله انهد حيلي وانا توي من اسبوع
اديم : انا اقول اتركيه وهو بنفسه بيعرف غلطه ويجي يعتذر منك
سهام: تهقين
اديم :اهقى ونص تراه واضح انه ضعيف ومتردد
سهام : ليت كلامك جد مابيه يعتذر ابيه يتركني من شره
اديم :وكليه ربك وهو كفيل بكل شي
سهام تنهدت وقامت وهي تقول : انا بروح ارتاح احس تعبت اليوم حيل
اديم: وسعي صدرك بالرحمن ان شاء الله بتنحل
سهام: الله كبير
نزلت سهام وعلى طول اتجهت لغرفتها وهي تبي ترتاح قفلت جوالها وهي على امل ان بكره اجمل
ظيمنعظيمنع
ظيمنع
في بيت ابو محمد اللي كان اشبه بالكهوف والحياه فيه مستحيله بسبب ظلم ابو محمد اللي كان فاهم الخوف على عياله وحياتهم غلط وبحرصه الزايد يكرههم فيه كان البيت ساكن وهادي نسرين اللي مكسور خاطرها من بعد ملكة عادل وبعد هالمجهول اللي هددها بذاك اليوم ولا تدري وش تسوي
اما ريمان اللي كانت ما تتهنى بنومها وهي خايفه من كلمة عادل اللي كل يوم تخوفها بسبب ان عادل يكون عارف عنها شي واصراره الغريب في الزواج منها ومتخوفه من سكوته الين الحين
اما ام محمد اللي قلبها متعب من حال بيتها اللي من يوم عرفت ابو محمد وهي حاله مع عياله ومحمد اللي اخذ نهج ابوه في حياته مع الكل اما رائد اللي استقر برا البيت لانه مستحيل يتحمل الوضع
ظيمنعظيمنع
ظيمنع
في المطعم كانوا ابو عادل وعياله مبسوطين ويسولفون ويضحكون قطع عليهم ابو عادل اللي كان كلامه جدي : فيصل ي ابوي
فيصل :سم يبه
ابو عادل : اسمعني ي حبيبي زين انا ادري انك ما تبي سهام بينا وادري كارهها ولا تحبها ولا اطلب منك تحبها ابي منك تتجاهلها انسى وجودها كأنك ما تشوفها ي ابوي انا تعب قلبي من المشاكل كل يوم وانا اوعدك مالها شغل فيك ولا تكلمك ولا لها اي علاقه فيك واذا في بالك انها بتاخذني او تأثر فيني ضدكم شيله من بالك قلتها مره وارجع اقول مليون مره انا ما اطلب منك تحبها لكن ابيك تتجاهلها تماما عيش بالبيت زي ما انت تحب اطلع وادخل زي قبل سولف لو تبي مع الجدران هذا بيتك واللي يعجبك سوه لا سهام ولا عشرين حرمه تغير هالشي مكان امك محفوظ عندنا كلنا محد له اي قدره يغيره وهذا الكلام كلنا متفقين عليه انا حرصت اليوم عليها مالها شغل ابدا في اي شي يخصك نهائيا ومنى بتهتم فيك وتسوي اللي انت تبي المهم تكون مرتاح
فيصل حزن على ابوه بس برضوا هالكلام ما غير قناعته في الانتقام من سهام قرب يبوس راس ابوه: ابشر يبه من اليوم مالي شغل فيها نهائيا ولا بعدها موجوده ابشر باللي تبي
ابو عادل : ايه الله يرضى عليك وابي منك بعد تهتم بجامعتك وتركز فيها وتتخرج وتتوظف
فيصل :من عيوني يبه
عادل : انا اضمن لك هالشي يبه
ابو عادل :الله يخليكم لي ويفرحني فيكم
الكل :وياك يبه
طبعا كملوا الاكل وهم متاكدين ان فيصل خلاص اقتنع وترك سهام بحالها لكن في الحقيقه فيصل مسوي هدنه بسيطه وبيرجع قريب ظيمنعظيمنع

15 - 1 - 2022, 07:36 PM

..... 96 .....

عند اديم اللي كانت زعلانه فعلا من فيصل ولا لها خلقه ابدا ونفسها تنفلت عليه وتغسل شراعه وقررت انها تسولف معه لما يقولها عن اللي سواه وقتها بتطلع اللي في قلبها بس هذا ما يمنع انها متعاطفه حيل مع فيصل بس تصرفاته تقهر ما لقت حل الا انها تنزل سنابه علقت عليها وهي تدري انه بيرد ( ‏من
هدوء آلليل ياخذنا آلحنين .. وعن لذيذ آلنوم يغرينا السهر.. )
ظيمنعظيمنع
ظيمنع
عند فيصل اللي رجع من العشاء ودخل غرفته وهو مبسوط من اليوم بشكل كبير ومرتاح وصافي باله دخل وتروش وطلع وهو يدندن رمى نفسه على السرير وتذكر حنين سحب جواله وهو مستغرب غيبتها اليوم شافها منزله سنابه من تقريبا نص ساعه فتحها وجوه فيه روقان العالم وفعلا كان مشتاق لها وراجع بيسولف لها تنهد وهو يحب هالعاده يحب يرجع وهو يدري ان احد ينتظر سوالفه من زمان ما جرب هالشعور صح انه يسولف لابوه واخوانه بس يحسهم عادي مو مهتمين لسالفه زي امه وحنين اللي كانت تذكره بالصفه اللي تشبه صفة امه
دخل يشوف سنابتها وابتسم ونزل سنابه كرد عليها (‏على طاري حنين الليل" انا مشتاق لك جداً ".) كان يحب يرد عليها بهالطريقه وترد عليه وياخذون سوالف بعض من هالردود وبعدين يدخلون لبعض لكن اديم ردت رد ما توقعه فيصل ابد وحركت فيه اشياء كثير وصدمته ( ‌‏قلوبنا ماهي محطات ركاب .. حسوا بها ياللي تمرون فيها)
اسرع برده ونزله( ‏واللي خلق هالليل يا سيد الليل .. اني هويتك صدق ماني بكذاب )
ماردت اديم اللي وصلها اعتراف فيصل الصريح اللي بدون شعور وهي ماهي واثقه في فيصل ابدا شويه وصل لها تنبيه من فيصل ( حنين وين رحتي )
اديم ماكانت تبي ترد لانها ماتبي تدخل باعترافات فيصل اللي تكسرها سكرت الجوال وهي خايفه من حبها له وهي مقتنعه انه لعاب ومايحبها
فيصل كان ومتاكد انه تعلق بحنين وايقن بهالشي خصوصا انها صارت تاخذ ادوار ناس كثيرين من حياته كان يدري انها مو واثقه فيه وقرر انه يتركها براحتها فتره لين تحس بحبه هي من غير ما يصرح ورجع ارسل (ما ودك تسمعين اخر مصايبي !؟؟) بعد شوي رجع ارسل ( طيب وش تقولين لو قلت لك انك الوحيده اللي بعد امي احسها تحب سوالفي وتنصت لها )
اديم اللي عجزت تتجاهله سحبت جوالها وهي ضايقه من حبها لفيصل ما تبي تحبه وهي بعد مشاكله مع سهام اللي وصلت كذا ايقنت انهم مو لبعض فتحت الرساله وهي ناويه تسكر كل شي بينهم قبل تغرق اكثر بس وقفها رسالته وترددت لما تذكرت وعدها له وتذكرت قصته مع امه وانه يحب يحكي لها غمضت بقوه وهي تتنهد(اكيد احب اسمعها وودي اسمعها يلا قول ترا من ساعه انتظر وافكر وش بتكون هالمره )
فيصل ضحك وهو يدري انه يأثر عليها وهي بعد تحبه ( ههههههه هالمره عاد مدري بتعجبك او لا )
اديم ( قول قول اصلا انت طلعاتك غريبه )
فيصل ابتداء يحكي لها طبعا بطريقته كان يهون الموضوع بس اديم اللي كانت تنتظر اللحظه اللي تعاتب فيها فيصل وجات وانبرشت
عليه وهي مقهوره ( سلامات فيصل وش تصرفات البزران هاذي وش موقفك الحين لما طيحتها من عين ابوك وتركتها تروح بيت اهلها مو كفايه المسكينه مصلحه لك غدا ومتعبه نفسها تقوم تسوي هالسوات ولا تجي خالتك وتكمل عليها معليش والله مدري وش اقول لك )
فيصل انفجع من كلامها ولا توقعها انها بتزعل ( حنين شفيك ترا السالفه بسيطه ليه مكبرتها وخليها تزعل يوم يومين تريحنا شوي )
اديم انجلطت من بروده( فيصل انت ظلمتها تدري لو تدعي عليك وش يصير فيك )
فيصل( اوووف ي ذا السالفه خلاص انتهت وبعدين قررت اني ماعاد ااذيها ولا لي شغل فيها طالما هي ما تعرضتني)
اديم(ههههههه ماشاء الله شلون اشتغل هالقرار )
فيصل ( كلمني ابوي وبصراحه حزني فقررت هالقرار وغير كذا عادل بعد زعلان من القصه وهذا سبب ثاني )
اديم ( زين ان فيه احد طلع عاقل )
فيصل ضحك على انفعالها وهو مستغرب وسجل صوت ( انتي وش فيك اليوم احس فيه شي معصبك وتدورين سبب تطلعين فيه حرتك وش صاير )
اديم شدت على راسها:كله منك انت اصلا فيه شي حولي يصير وما انت فيه (ولا شي بس مصدعه وكملت معك)
فيصل ( هههههه روقي محد يستاهل زعلنا هدي وروقي ونامي وبكره احاكيك )
اديم اليوم صدق ماهي رايقه ابد خصوصا بعد اللي صار مع سهام ( زين ) ظيمنعظيمنع

..... 97 .....

من بكره الصباح عادل اللي كان وده يكلم ريمان بس خايف من ردة فعلها وانفعالها وقف وهو يناظر رقمها بجواله وزفر بضيق وهو يدري انها مستحيل تتجاوب معه نزل وهو ضايق قابل ابوه ونواف على السفره سلم وطلع بسرعه
ابو عادل استغرب : خير وش فيه اخوك
نواف رفع كتوفه :مدري يمكن ما نام زين
ابو عادل : فيصل وينه
نواف : نايم يقول اليوم اوف عنده
ابو عادل: اها زين عجل انت عشان اخذك للمدرسه
نواف :خلاص خلصت
طلعوا واخذ ابو عادل نواف للمدرسه وراح لدوامه
ظيمنعظيمنعظيمنع
ظيمنع
عند ريمان اللي كانت بالمدرسه وكعادتها جالسه بزاويه ومنعزله وكل تفكيرها كيف تحصل حل تبعد فيه عن عادل وترغمه على الطلاق زفرت بضيق ( وش يطلق الحين احسن شي اطلبه بعد الزواج بأسبوع وليه اطلبه اصلا اهرب واتركه اوووف وش تهربين انتي تدرين محد بيتركك بحالك اااخ ي ربي ساعدني )
لفت لما حست بأهتزاز الجوال اللي هربته للمدرسه دخلت وهي تشوف رساله من رقم وعرفت انه عادل ( صباح الخير كيفك اتمنى انك بأتم الصحه حبيت اطمن عليك مو كنتي تعبانه ....عادل )
غمضت بقوه وهي تشد شعرها :عمى بعينك انا طايقتك اصلاا ..سحبت عليه ماردت وحضرته وهي فعلا كارهته وماتدري وشلون بتكمل كذا اما عادل اللي كان ينتظر الرد بس تفاجئ بالحظر رفع حواجبه بإستنكار ورمى الجوال وهو معصب من تجاهلها له
ظيمنعظيمنع
ظيمنع
العصر عند فيصل اللي توه صحصح على مكالمة عساف اللي يقوله يصحصح بيطلعون يستانسون شوي لبس وجهز ونزل وهو اول مره ينزل بصمت لكن وقف اول ما سمع صوت سهام بالصاله وهي تكلم وقف بسكون وهو يتنصت عليها اما سهام اللي كانت تحاكي اديم : وش اسوي ي اديم طلال جاء اقوله مابي اروح معك
اديم :لا بس اقل شي قولي بجلس للعصر
سهام:والله ما قدرت كفايه جاي ومتعني ومغديني برا ويراضيني اقوم ارده
فيصل اللي على الدرج قلب وجهه( عشتوا مغديني ويراضيني مالت بس )
اديم : زين انا بجي لك الحين عادي
سهام: لا لا لا وين تجين لا تجين ولا شي
اديم انصدمت:ليش
سهام: لا بس فيصلوه بالبيت وصراحه اخاف يستقعد لنا ومالي خلق انشب معه في مشاكل
اديم :وش دخله ترا بيتك بعد
سهام: ادري بيتي بس هذا مجنون يقلب كل الامور لصالحه واطلع انا غلطانه وبعدين انا ما علي من نفسي اخاف عليك منه
اديم : وش بيسوي لي يعني
سهام: شوفي هذا ما استبعد عنه اي شي كل شي يقدر عليه وبعدين هو حق بنات ما اضمنه خلينا نتلاقى برا احسن
اديم تنهدت (الله يهديك ي فيصل ) : زين خلاص اجهز وامرك
سهام : يلا
سكرت سهام وقامت تجهز اما فيصل اللي تنح على الدرج من كلامها عنه هي والزفت اللي تكلمها انفجر في قلبه حقد بقد الدنيا : زييين زيييين ي سهام انتي اللي جنيتي على نفسك انتي
نزل بغضب وطلع من البيت وهو يشوف عساف واقف راح له بسرعه : اركب اركب
عساف انفجع: وش فيك
فيصل لف وهو يقول : تفهم كلامي والا لا
عساف ركب وهو يناظر فيصل : وش حصل
فيصل سحب زقارته وهو معصب ويهز تحرك عساف بس صرخ فيصل : دقيقه لا تروح
عساف : وش حصل
فيصل : عساف اسكت شوي
عساف كان يراقب وهو ما يدري وش فيه فيصل اصلا عشان قالب كذا وينتظر احد بعد تقريبا نص ساعه جات سياره ووقفت طلعت سهام من البيت وركبت ولف فيصل وهو يناظر البنت اللي بالسياره بحقد عض شفته بقوه وهو يقول : عساف حرك
عساف : ما راح احرك قلي وش الموضوع
فيصل : مافيه موضوع بشوف سهام مع مين طالعه
عساف بهدوء: شاك فيها
فيصل: لا بس حرص
عساف :ماصدقتك ترا انطق
فيصل انفلت وهو يسب ويلعن وقال لعساف عن كلام سهام عنه وعساف ماقصر زاد الطين بله وكل واحد يعزز لثاني
ظيمنعظيمنع
ظيمنع
عند عادل اللي عجز يتحمل الحضر من ريمان والاكثر الاسلوب وقرر انه يروح يشوف لها حل لانه مستحيل يتحمل هالطريقه من المعامله لبس وتجهز واخذ معاه شوكلت ورجع لبيت عمه وقف وهو كله اصرار انه يغير حال ريمان اللي ابد مو عاجبه دق الباب وهو عنده قناعه انه اذا اهتم فيها بتحس وتستحي على وجهها انفتح الباب وكان عمه قرب وهو يبوس راسه : سلام عليكم كيفك ي عمي ؟؟
ابو محمد استبشر خير بجية عادل : هلا هلا ي عادل بخير انت وشلونك
عادل :الحمدلله
ابو محمد :تفضل تفضل
دخل عادل مع عمه ودخل المجلس وهو منحرج ومايدري وش يقول لعمه كان عمه يسولف وجات القهوه وابتدا يصبها عادل احتراما لعمه وهو مو طايق الجلسه معاه وبعد فتره رحمه ابو محمد لما قال: خلني اقوم انادي لك ريمان
عادل ابتسم بهدوء:لا هنت

15 - 1 - 2022, 07:37 PM

..... 98 .....

ابو محمد طلع وراح لغرفة ريمان فتح الباب وشافها غاطه بسابع نومه نادها مره ومرتين وثلاث ولا صحت قرب وهو يهزها بقوه: ريمان وجع
فزت ريمان:هاه وش فيه
ابو محمد : قومي قومي عدلي حالك وانزلي المجلس عادل يستناك
ريمان صرخت لا إرادي : نععععععم
ابو محمد :ونعامه ي قليلة الادب ترفعين صوتك علي بسرعه من غير ولا حرف ترتبين نفسك وتنزلين وحسك عينك اسمع لك صوت او اسمع انه طلع متضايق وزعلان فاهمه
ريمان:بس انا مابي اشوفه
صرخ ابو محمد :مو على كيفك وبسرعه قدامي يلا
قامت ريمان بعد حرب عريضه طويله من ابوها ولبست اول لبس واجها وكان جدا بيتوتي ما يصلح ان احد يستقبل فيه احد نزلت وهي كارهه السيره وهي تشوف امها توصيها دخلت المجلس وارتجف قلبها لما شافته جالس باخر المجلس ويهز رجله كعادته تقدمت وهي حتى ما ردت السلام وقف عادل اول ماحس فيها مد يده يبي يسلم لكن انصدم بردة فعلها اللي جدا قبيحه جلست وهي ترفع رجلها على الطاوله ومتكتفه :خير وش تبي
عادل شد على يده ورجعها وتكتف وهو باقي واقف : المفروض يكون المتوقع منك تردين السلام هذا اولا ثانيا عيب عليك تقابلين ضيوفك بهالطريقه وهالاسلوب والاهم هالجلسه حتى لو كانوا ثقيلين شوي
ريمان ضحكت ضحكه جدا مستفزه : ههههههه لا تقول بس انك جاي ومتعني عشان تقول درسك هذا
عادل : صراحه ماجيت عشان كذا جيت وانا متوقع اني احصل ناس اكثر حضاره من ذا المنظر والاسلوب
ريمان: للاسف توقعاتك غلط طيب ولا تجلس تعاملني كأني بزر عندك سامع
عادل ابتسم ونزل وهو يشيل رجولها من الطاوله ونزلها للارض وجلس على الطاوله قبالها وهاذي الحركه بالذات شلت ريمان اللي بعدت بسرعه وهي تبعد رجولها :شيل يدك ي ...
سكر فمها عادل وهو مايبي يسمعها تسبه بعد يده وهو يقول :اششششش كذا غلط طالما اني جالس بأدبي ومحترمك ملزومه انتي انك ترجعين هالاحترام والا
ريمان بعدت يده بقوه وهي توقف بتوتر : مو انت اللي تأمرني وتهدد ويلا بلا مطرود انعطيت وجهه كثير
عادل شد على اسنانه ووقف وهو يمسكها من معصمها وهو يهمس بغضب الدنيا : ريمان لا تستفزيني ولا تحسبيني مثل غيري طيب اسلوبك هذا ما تمشينه علي لا تحديني على شي يزعلك ويزعلني
ريمان بعدت بقوه وهي تدفه : وش بتسوي يعني هااه بتضربني
عادل ضحك وهو يشدها له بقوه وهمس بأذنها بنفس النبره : لا ما بضربك .. عض اذنها بخفه وهو يرجع يقول : مليون طريقه خاصه لها تأثير اكثر من الضرب
ريمان احترت ووقف قلبها وصارت ترجف رجفه واضحه لا شعوريا حست انها بتبكي ولا هي قادره ترد عليه لو ضاربها احسن
ابتعد عادل وهو يقول : اسعدتني شوفتك والاكثر اسعدني اتعامل معك فمان الله ي زوجتي
طلع وهو صدره مليان بغضب وضيق وبنفس الوقت تحدي وجهل بالمصير
اما ريمان اللي جلست وهنا ما تمالكت نفسها وبكت ما تبي ذا التصرفات ماتبييها ولا تبي عادل اللي واضح انه مو سهل
طلعت وهي تمسح دموعها رمت علبة الشوكلت بالصالون وطلعت بدون ولا صوت
نسرين اللي كانت تعبااانه ومو اي تعب تعب الروح كانت تراقب ريمان اللي بايعه النعمه قربت لشوكلت وهي تاخذها ضمتها حيل اول ماشمت فيها ريحة عطر عادل تركتها وهي دموعها تهاجمها وطلعت هي الثانيه لمخبأها
ظيمنعظيمنع
ظيمنع
بعد اسبوعين من كل هالاحداث الوضع كان خارجياً جدا هادي لكن داخليا نيران بكل ما تحمله الكلمه وكل واحد في راسه موال ويبي يغني بدايةً مع فيصل اللي كان شايل بصدره اشياء كثير منها حبه لحنين اللي صارت عنصر اساسي. ما يقدر يستغني عنها واغلب يومه معها ومنها بعد جالس يخطط خطه لسهام وهو ناوي يكسر ظهرها بهالخطه اللي حصلها خلاص بس باقي ينفذ وكانت جدا سريه بينه وبين نفسه حتى حنين ( اديم )ماقالها ومنها بعد انه قرر قرار فاجئ الكل واشتغل مع واحد من اصحابه وهاذي خطوه ألجمت الكل نوعا ما خصوصا انه باقي يدرس بالجامعه وهدوءه اللي محير الكل ومعتبرينه قنبله بنتفجر بأي وقت وهو كذلك
اما عادل اللي كان ماشي مع ريمان بنفس الاسلوب صح ماكان صعب عليه التعامل معها بس انه قادر يتحكم فيها شوي بسيطه لكن بعض الاحيان يتركها تسوي اللي تبي لانه تعب
سهام وابو عادل ونواف ومنى والجد مرتاحين طالما ان فيصل هادي
اما ريمان اللي كانت فعلا تعبانه من قوة عادل اللي بكلامه مو بيده وطول هالاسبوعين وهو مرهقها ومستنفذ طاقتها
نسرين اللي كانت هاديه جدا مالها اي مشاركات وهي تنبش ورا هذاك الشخص اللي هددها وللحين ما عرفته ..

.... 99 .....

رائد الوحيد بهالعايله ضايع وتايه ولا محصل له مقر يبي يحل هالبلاوي بس مو قادر وخصوصا ان ابوه ومحمد مسكرين عليه لدرجه كبيره فصار يجي عشان امه وخواته ويطلع ما يقابل احد
اما اديم اللي كانت مستمره على وعدها لفيصل وواقفه معه بكل الحالات واحيان تعابته وكانت بدون إدراك تغرق فيه بحر فيصل ولا هي قادره تنجو
ظيمنعظيمنع
ظيمنع
بعد الغداء في بيت ابو عادل نزل فيصل اللي كان يتسحب وهو مستعد لأكبر مخاطره في حياته راح لغرفة ابوه وسهام وقف شوي وهو ياخذ نفس ويشجع نفسه دق الباب بهدوء وهذا شي غريب عليه
ابو عادل : ميييين
فيصل : يبه معليش تجي شوي
ابو عادل فز بأستغراب فتح الباب : فيصل وش فيك
فيصل نزل راسه وابتداء دوره: ابيك بموضوع مهم يبه مايجي هنا
ابو عادل برعب من ملامحه اللي ما تطمن طلع وسكر الباب : الموضوع مو خطير صح
فيصل لف :والله مدري يبه اذا خطير او لا
ابو عادل طاح قلبه : قول طيب
فيصل : تعال المجلس يبه
مشو ابو عادل وهو يحس انه بيغمى عليه من نبرة فيصل اللي واضح ان وراها مصيبه جلس بهدوء وهو يناظر فيصل للي جلس وهو يفرك يدينه بتوتر : فيصل تكلم ي ابوي
فيصل اللي كان يتفنن بالتمثيل : يبه انا تعباان تعبان حيل روحي مهلوكه مدري وش اسوي او وين اودي نفسي ساعدني يبه والا بموت حاولت امنع نفسي لكن ما قدرت غصب عني يبه غصب عني
ابو عادل انفجع من كلام فيصل وايقن انها مو اي مصيبه هاذي مصيبه كبيره الا كارثه بس مايعرف وش هي : وشو ي حبيبي قول وش اللي متعبك ابشر بساعدك بس قولي لا تشغل قلبي ي حبيبي
فيصل صد وهو يسوي نفسه يمسح دموعه اللي بالكذب : والله مدري يبه اذا هذا اللي يصير لي ذنب او دعوه لكنه هد حيلي والله هد حيلي
ابو عادل هنا فقد صبره وهو يشوف فيصل يبكي اللي عمره ما بكى الا على امه قرب وهو يجلس جنبه مسك يده بخوف : فيصل افا ي فيصل تبكي قولي وش همك وما اكون ابو فيصل اذا ما شلت همك
فيصل شوي ويقوم يرقص من الوناسه بس كمل تمثيل : انا ادري بتوقف ضدي وتعارضني انا اصلا ماني مع نفسي بس مافي يدي حيله
ابو عادل :فيصل قول قووول انا معك لو كان مستحيل
فيصل : تتذكر يبه يوم اللي عزمنا ابو مشاري في الشاليه حقه
ابو عادل بترقب: ايوه
فيصل : بعد العشاء طلعت بكلم رحت بعيد عشان اسمع كويس ماكنت ادري اني امشي لعذابي شفت وحده ألجمتني سلبت مني كل شي لا شعوريا انجذبت لها حاولت اصد لكن لا قلبي ولا عيني طاوعوني عجزت اتحرك من مكاني رجعت بس تركت عندها اشياء غاليه تركت قلبي وتفكيري وحياتي حاولت اني ابعد اصد لكن ماقدرت من ذاك اليوم لليوم وانا مو قادر اتهنى بأكلي وشربي حتى نومي روحي تعلقت فيها طول هاذيك الفتره كنت أضغط على نفسي واقول عرضيه لكن في ملكة عادل قالت عميمه ان عند سهام بنت اخوها ما اخذت الموضوع بجديه وكنت مطنش لكن الصدف رجعتني وشفتها كانت هي يبه هي وهاللحظه ختمت فيها على شي وصرت مأسور لها يبه قولي وش اسوي وش ادبر
ابو عادل كان مطير عيونه بصدمه واطرافه بردت من هول الصدمه : حبيت بنت اخو سهااام
فيصل : ههه انصدمت انا قلت لك حتى انا مو مستوعب اللي يصير
ابو عادل : فيصل انت صادق ناظرني زين اذا مقلب اقسم بالله لزعل
فيصل لف وهو اللي يشوفه يقول فعلا حب: انتم ليش مستهينين فيني ليش مالي قلب مو انسان ليش يبه عشانها بنت اخو سهام ما احبها ما اتزوجها وما ابيها تصير حلالي
ابوعادل جلس وهو يضحك بصدمه فيصل وسهام وبنت اخوها :لا لا لا فيه شي اكيد فيه شي
فيصل وقف واتجه للباب :انا اسف توقعتك تساعدني
طلع وسيده لغرفته وهو يدري انه أثر في ابوه سكر الباب وهو يرقص على الخفيف وركض للحمام دخل وسكر الباب سحب القطره تبع العين وابتداء يحطها بعينه لما حمرت وصارت كأنها دموع وحمر وجهه كذلك سمع باب الغرفه ينفتح وابوه ينادي له
ابو عادل :فيصل فيصل
فيصل مارد وهو يستمتع باللي يصير بعد خمس مرات من ندا ابوه رد بصوت مكتوم:نعم
ابو عادل وهو عند باب الحمام: فيصل سامعني اطلع الموضوع ما وقف هنا
فيصل نط بحماس ووقف شوي وطلع وهو اللي يشوفه يقول يبكي من جد كان منزل راسه : خلاص يبه انتهى الموضوع مالنا نصيب
سحبه ابوه وهو يجلسه على الكرسي: فيصل لهدرجه وصل معك الموضوع تبكي عشان بنت انت فيصل تبكي على بنت
فيصل :لا ما بكيت كنت اغسل وجهي ودخل الصابونه في عيني

..... 100 .....

ابو عادل : طيب اجلس واسمعني اذا انت تبيها بصدق وحب ابشر لكن ي فيصل اذا كان في بالك اي سيره شينه انا اقول يبه شيلها من بالك ولا تزر وازره وزر اخرى
فيصل رفع راسه : ليه يبه لذا الدرجه انا بعينك سيء صح اكره سهام وصح مستعد اشوف الموت ولا اشوفها بس ما كرهت لا ابو مشاري ولا مشاري مستحيل اكره اديم عشان سهام ادري الكل بيفكر فيني فكره سيئه لكن انا مو كذا
ابو عادل ما حب يحسس فيصل انهم يشوفونه سيء :لا ي ابوك لكن احذرك انا
فيصل : لو ما حدني قلبي ما احتديت
ابو عادل :عشان كذا تعبت وعشان كذا من اسبوعين حالك ما يسر وتوظفت وضغطت على نفسك
فيصل هز راسه بضيق :وغير كذا انا خلاص تعبت من هالحال عميمه مسكينه انعل قلبها مني ابي استقر واشوف وضعي
وقف ابو عادل وهو يخبط على كتفه: زين ي فيصل ابشر ي ابوي خلني اكلم جدك وعمتك عشان نحدد يوم ونروح نخطب
وقف بفرح :من جد يبه
ابو عادل :افا ي فيصل والله لو تبي عيوني ما تغلى
قرب فيصل وهو يبوس راسه:الله يخليك يبه
ابو عادل :الله يتمم
طلع ابو عادل واول ماطلع نط فيصل وهو يتشقلب على السرير : ايوه ايوه هاذي الافكار هاذي المفروض اذا فكر فيصل محد يفكر بعده
انسدح وهو مبسوط بس تذكر ان سهام بتفركش كل شي اذا عرفت ضحك بإستهزاء :تفركش اذا بتفركش نشوف مين اللي يكسب ي سهام اجل انا متخلف نشوف
نزل بسرعه وراء ابوه ووقف يتنصت بجنب الباب
ظيمنعظيمنع
ظيمنع
عند ابو عادل اللي نزل وهو مذهول من اللي قاله فيصل ومن حالة فيصل وتصرفاته طول الفتره اللي راحت وكانت تثبت اقواله هو فعلا متغير من بعد الشاليه دخل الغرفه بهدوء وجلس
سهام : طلال وش فيك خير فيصل فيه شي
ابو عادل :خير ان شاء الله
سهام: وش في وجهك كذا فيصل مسوي شي
ابو عادل : فيصل ياااااه ي فيصل
سهام :طلال خوفتني
ابو عادل : يبي يتزوج
سهام ضحكت بفرح انه بيتزوج وتفتك منه: زين الحمدلله وانت ليش ضايق
ابو عادل: ابد ماني ضايق بالعكس الساعه اللي يتزوجون فيها عيالي ساعة فرح لكن متفاجئ اثاريه المسكين متغير وضايق من شهر ومحد حاس فيه لكن لو تدرين من يبي
سهام : مين !!؟
ابو عادل وهو يراقب ملامحها :اديم بنت اخوك
صرخت سهام فجاءه:مستحيل تمزح اكيد تمزح
ابو عادل :ليش وش فيه فيصل عشان اكون امزح
سهام انجنت: مافيه شي كامل والكامل الله بس لا يتزوج من بنات اخوي
ابو عادل :ليش
سهام: انت وانا ندري ليش فيصل ماله امان اكيد اكيد بتزوجها عشان يقهرني ويحرني اكيد
ابو عادل: لااااااا انتي انجنيتي فيصل اعرفه زين مايدخل احد في ذنوب احد
سهام : طلال الشغله تنساها وتشيلها من بالك احسن لك لانها مستحيله
ابو عادل : مو مستحيله وفيصل بروح واطلب له اديم رضيتي ي سهام او لا
سهام : طلال الله يخليك لا تبلي بنت اخوي بولدك
ابو عادل عصب : نعم ابتلاء سمعيني زين لا تتكلمين على عيالي بذي الطريقه سامعتني والا بتصرف معاك تصرف مايعجبك
سهام : تقدر تقولي وش هالقرار المفاجئ منه
ابو عادل:انسان يبي يستقر
سهام : وما حصل استقراره الا عند اديم
ابو عادل زهق: فيصل يعرف اديم قبل لا تعرفيني واعرفك وكان يبي يستقر من قبل بس زواجنا خرب عليه
سهام بصدمه :شلون
ابو عادل :شافها بالغلط في الشاليه وجذبته وبعد ماشافها بالصدفه في ملكة عادل زاد حبه لها وشاف انه ضروري يستقر ومعها خصوصا على التسحيب اللي هو فيه محتاج احد يقوم فيه
سهام:ههههههه وانت صدقت كذبته هاذي
ابو عادل : اقولك اتركيه في حاله وانا واثق فيه
وقف بيطلع وركض فيصل لغرفته واجهه نواف وتوه كان بيتكلم لكن فيصل اخذه معاه وهو يركض فتح اقرب غرفة وكانت غرفة امه دخل وهو معه نواف وجلسوا بسرعه
نواف :وش فيك وش صاير
فيصل : اسكت الله يهديك بغيت تفضحنا
نواف :وش فيه
فيصل حس بصوت احد جاي سحب نواف وهو يضمه وهمس في اذنه :سوي نفسك تبكي
نواف مايدري وش السالفه بس طبق اللي قاله فيصل وابتداء فيصل يواسيه اول ما شاف ابوه فتح الغرفه
ابوعادل اللي كان طالع بس سمع صوت الباب وجاء :نواف وش فيك
فيصل : مافيه شي يبه بس متضايق شوي
ابو عادل سحب نواف :نواف بسم لله عليك وش حصل
فيصل بسرعه: مشتاق لامي
ابو عادل :بسم لله عليك ي حبيبي الله يرحم امك مو قلنا اذا اشتقت لها تصلي وتدعي لها
نواف :ايوه
ابو عادل:زين ليش البكا
فيصل :نواف تعال بنروح انا وانت نصلي
ابو عادل : ايه روح مع فيصل يالله
فيصل اخذ نواف وراحوا لغرفة فيصل ..

17 - 1 - 2022, 03:54 AM

..... 101 .....

نواف :ليش سوينا هذا كله
فيصل جلس : بعدين تعرف
نواف :لا ابي اعرف الحين فيصل انت صاير غريب
فيصل تنهد بضيق: نواف قلت لك بعدين
نواف وقف بزعل : براحتك
كان بيطلع بس ركض له فيصل وهو يسحبه : ولا شي كنت اسمع ابوي وش يقول لسهام بس
نواف :انت مو تقول التنصت حرام
فيصل ضرب جبينه :نواف نواف قلت حرام بس الضروره لها احكام
نواف :انا مو فاهم عليك
فيصل :بعدين تفهم المهم روح انت الحين اتوضى وصلي وانا بنام تعبان
نواف طلع وهو مستغرب وراح لغرفة عادل اللي كان منسدح ويكلم ريمان كان مبسوط وهو يشوف ريمان معصبه وهو يتغزل لف اول ما حس بوجود نواف :نواف وش فيك
نواف : عادل فيصل مدري وش فيه صاير كذا
عادل اعتدل بخوف :ليه وش فيه
نواف : مافيه شي بس يتصرف تصرفات غريبه ماني فاهم عليه
عادل :مثل ايش يعني
نواف قاله اللي صار قطب عادل حواجبه بضيق : وش الضروره اللي كان يتصنت عشانها
نواف :مدري
عادل قام وهو متجه لغرفة فيصل ونواف وراه فتح الباب وهو يشوف الغرفه ظلام وفيصل واقف يصلي العصر جلس وهو ينتظره يخلص بعد شوي سلم فيصل ولف يناظره ويناظر نواف : خير ان شاء الله
عادل :خير اقدر افهم ليش كنت تتنصت على ابوي وزوجته
فيصل :براع¤و وصلك الخبر
عادل : ايه الشي الغلط ما ينسكت عنه
فيصل :اتذكر اني قلت لنواف الضروره لها احكام
عادل :مو لازم نعرف وش هالضروره
فيصل : وليش ما تكون الضروره خاصه
عادل :فيصل لا تستغبي وش اللي يخصك عند ابوي وزوجته
فيصل :عادل انا تعبان ولا لي خلق اطلع اذا جاء وقتها بتعرفها
عادل:ماني طالع من هنا الا لين اعرفها
فيصل سحب لحافه وانسدح وهو متجاهل عادل
عادل:فيصل انا اتكلم
فيصل :لا تخاف ما راح اظلم ولا اقتل تقدر تطمن وتروح وحاجه بتنبسط منها
عادل :ايه قولي وش هي
فيصل : عادل خلصنا لا تغثني والله تعبان
عادل:اتمنى مو شي يزعل
فيصل:تقدر ترتاح
عادل اخذ نواف وطلعوا وفيصل اللي من تعبه على طول نام
نواف:وش تتوقع يسوي
عادل : مدري عنه المهم صليت
نواف :لا بروح اصلي
عادل: يلا يلا بسرعه لا تتإخر عن الصلاة
نواف :زين
راح نواف اما عادل رجع لريمان اللي كانت جالسة بزواية البيت وهي قلبها يدق برعب من عادل اللي كان تصرفاته تخوفها اكثر من انه يضربها كانت تقرا محادثتهم اكثر من مره قرأت اخر الكلام بينهم وهو
عادل( اقدر اقول انك فعلا وحشتيني شكلي كذا شوي بنور بيتكم )
ريمان ارتجف قلبها ( انت ما وحشت احد فرجاءً لا تحرجني واجلس في بيتكم احسن )
عادل ( لا بحرجك واجي انا اموت اذا انحرجتي انتي )
ريمان( ي ثقل الدم ي ناس توكل على الله لاني مشغوله)
عادل (هههههه وش شغلك ي هانم مباراة جديده والا مصارعه )
ريمان( يعني فله الحين)
عادل ( المهم جهزي نفسك المغرب بجي واحرجك واتمنى انك تطبقين اخر تعليقاتي على المره اللي فاتت)
ريمان( ما راح اطبق شي اصلا ولا راح انزل)
عادل( عادي اطلع لك)
ريمان سكرت الجوال وهي ترميه بضيق :عمى بعينه ماعنده كرامه اقول مابيك ويجي حسبي الله بس
قامت وهي مجبوره انها تجهز لبس كويس احسن من انه يسوي حركاته السامجه
ظيمنعظيمنع
ظيمنع
عند اديم اللي كانت بالمول مع روان جلست بتعب وهي ترمي الاكياس بالارض :انا ماعندي اي خلفيه ليش اشتريت كل هاذي الاشياء
روان:ولا انا صراحه
اديم : نفسي بقهوه تصدقين
روان:وانا والله اسمعي بروح اجيب لنا انتظريني هنا
اديم : طيب
راحت روان وسحبت جوالها اديم وهي من امس ما كلمت فيصل شافته منزل سنابه الساعه ظ،ظيمنع الصباح ومعلق عليها (‏ماهي بحزة شوق لكن اني اشتقت
‏ياللي عليك الشوق ماله مواقيت)
ابتسمت لا شعورياً حتى هي اشتاقت له حيل من توظف وهي مو قادره تكلمه زين طول الوقت مشغول او نايم
نزلت سنابه وعلقت عليها (‌‏رسالتي ، شوق و وعد :
‏البُعد .. هذا راق لك ؟
‏يا صاحبي ، امّا بعد :
‏أنا ترى مشتاق لك ..!)
سكرت جوالها لما حست بروان جات نزلت روان القهوه وهي تسولف لها عن موقف شافته اما اديم اللي كان اغلب تفكيرها مع فيصل
ظيمنعظيمنع
ظيمنع
المغرب في بيت ابو عادل نزل عادل وهو مبسوط ويغني شاف منى وسهام بالصاله توجه لهم وهو مبسوط :سلام عليكم
منى وسهام:وعليكم السلام
منى:خير وش هالروقان
ضحك عادل :الله يديمه ي عميمه وش فيك علي
منى: بالعاده فيصل اللي يغني
عادل: واحنا بعد نغني ليش لا
منى:وين رايح
عادل : ابد عندي شغله اخلصها
منى:اخوانك وين

..... 102 .....

عادل : فيصل نايم ونواف على البلاستيشن
منى: ي ويلي عليه هالفيصل انهد حيله ذبح نفسه حبيبي
عادل :ماعليه يتحمل
منى: روح بس متى نام هو
عادل :العصر
منى :زين خلني اصحيه عشان ينام الليل
عادل :زين فمان الله تبون شي
الكل : سلامتك
طلعت منى لغرفة فيصل لكن للاسف وكالعاده تعثرت بالاغراض اللي كانت مرميه وطاحت:حسبي الله على ابليسك انا شسوي فيك شسوي
وقفت وهي تبعد الاغراض عنها قربت لسرير وجلست وهي تمسح رجولها من الالام شافته غاط بنومه ولا يدري عنها
تنهدت وقربت وهي تهزه:فييصل فيييييصل فيصلوووووه قوووووووم
لكن ما رد ضربته بشويش وهي تهزه :فيصل قوم رفعت ضغطي
فيصل لف وهو يتمغط :يوه ي عميمه وش فيك تو نمت حرام عليك
منى: قوم يلا عشان يمديك تنام بالليل قوم تقهوى معي يلا
فيصل :عميمه تراك فاضيه الله يرضى عليك اقولك تعبان تقولين تقهوى مابي ي شيخه
منى: لا تتقهوى قوم صحصح يلا تراك دفنت نفسك كذا نوم ودوام يلا
فيصل تنهد اول ما تذكر الدوام قرب وهو ينسدح على رجول منى : شسوي ي عميمه تعبان
منى: وش حادة قولي خلص جامعتك وبعدين توظف
فيصل اشتغل فيه عرق التمثيل :حدني قلبي ي عميمه
منى ناظرت فيه بأستغراب :وش له هالكلام
فيصل تنهد : يعني ابوي ما قالك
منى :وش يقولي تكلم تراك فجعتني
فيصل لف يناظر الشباك وهو يضبط كذبته على عمته عشان يمشي الموضوع :ااااخ ي عميمه اااخ انا مدري وش يصير فيني مدري اي بلاء انرميت فيه تدرين ي عميمه انا فعلا طحت ولا احد سمى علي وعند مين طحت عند اكثر ناس اكرههم
منى شهقت وهي تناظر فيصل: فيصل حبيبي وشوله تقول كذا وش صاير معكً وش للي طحت يمه تكلم لا تخوفني عليك
فيصصل جلس :تعرفين بنت ابو مشاري اديم
منى ناظرت شوي وهي ساكته وبعدها قالت بشك:وش فيها
فيصل ضحك بأستهزاء وهو ضابط الدور:ههههه حبيتها
منى ضحكت وهي عبالها يمزح: ههههههه حسبي الله على ابليسك اترك المزح وقول وش فيك
فيصل :هههههه ليش ي عميمه ماني كفو احبها
منى : الا كفو ي فيصل بس قول الصدق
فيصل وقف وهو يعطيها ظهره : امزح امزح
راح للحمام يغسل وجهه ولحقته منى لما شكت بكلامه لو كان يمزح كان ضحك كعادته:فيصل بذمتك قول الصدق
فيصل لف لها وجهه متضايق : انتم ليش محد راضي يفهمني ليش طايح من عيونكم لذا الدرجه ليش انا مو انسان ويحق لي احب واتزوج واختار البنت اللي ابيها
منى : لا ي حبيبي ما انت طايح من عيونها بس ليش يعني اديم
فيصل :اقولك حبيتها عميمه غصب عني حبيتها ماكنت ادري ان في يوم مشأوم عمتها بتصير جهنم في بيتنا ما كنت ادري او كنت ادري قطعت من بالي الافكار لكن للاسف
منى سحبته وهي تجلسه:وش ذا كله ابيك تشرح لي كل شي انا وفاهمه اي شي
فيصل جلس وهو منزل راسه وسرد لها نفس اللي قاله لابوه : عرفتي ليش انا تعبان وضاغط نفسي عرفتي ليش مهموم ومتضايق عرفتي
ووقام يتوضى ويصلي وتركها تحت تأثير الصدمه منى كانت تدري ان فيصل قلبه يحب الحريم وبنات وتوقعت كل البنات لكن ما توقعت اللي قاله ابد جلست تناظره وهو يصلي وهي ما تدري تكذب والا تصدق قامت ونزلت تجهز القهوه له دامها صحته شافت ابو عادل موجود:هلا منى انتي هنا
منى بهدوء:ايه كنت عند فيصل جيت اخذ القهوه له
ابو عادل اول ما شاف ملامحها عرف وقال: قالك فيصل عن الموضوع
منى هزت راسها ب (ايه )
ابو عادل : وش رايك
منى: مدري مدري اصدق والا اكذب وبيني وبينك متخوفه
ابو عادل ناظرها بهدوء:ليش
منى :اخاف انه يسوي كذا عشان ينتقم من سهام وانت تدري انه مو سهل
ابو عادل اللي كان شاك بس دموع فيصل المزيفه خلته يتاكد ان فيصل ماله اي نيه: لا ي منى ما ينتقم انا كنت مثلك شاك لكن يوم شفت دموعه ايقنت انه صادق ومن قلبه
منى :دموعه!!
ابو عادل : شفتي كيف فيصل يبكي عشان بنت كلنا شفنا تغيره طول هالفتره وندري ان فيصل مو صاحب مسوؤليه لكنه اشتغل وتعب وهذا هو يجمع فلوسه كلنا ندري انه مدلل ولا يحب يضغظ على نفسه مهما كان الموضوع لكن عشانه صادق ابتداء يصلح نفسه سهام ماعاد يتعرض لها او يأذيها كل هذا فيصل ما يقدر يتحمله وبإمكانه ينتقم من سهام في خطه تخليني اطلقها وينتهي الموضوع بس فيصل صادق وفيصل تغير عشانها وقبل وجود سهام عشانها ما تدرين لو هاذي خطوه تقربه من سهام ويحبها
منى مسكت راسها وهي مو مستوعبه شي : والله ي اخوي ماني فاهمه شي ماني فاهمه
ابو عادل :ومنها بعد ي منى ترتاحين انتي وتجي وحده تساعده وتشيل معه وتضبط اموره
منى:انتظر شوي لا تستعجل

..... 103 .....

ابو عادل:مقدر اترك فيصل كذا بكره اكلم ابوي وابو محمد ونروح نطلبها وانتي اجهزي اذا حصل نصيب والا الله يصلح الحال
منى: ي طلال وش فيك مستعجل انتظر شوي احسن
ابو عادل :خلاص ي اختي انا وعدت فيصل وانتهى الموضوع
سمعوا صوت فيصل اللي كان نازل وهو يكلم خالته اللي تعزمه للعشاء بس اعتذر منها قرب وهو يبوس راس ابوه وجلس وهو ياخذ القهوه ويصب لنفسه
ابو عادل :فيصل ابوي اجهز ان شاء الله بكره نروح لابو مشاري ونخلص موضوعك
لف فيصل بفرحه :جد يبه
ابو عادل: ايه ي ابوي اهم شي خلك جاهز
فيصل :افا عليك انا جاهز من الحين
ضحك ابو عادل : الله يديم الفرحه
فيصل وقف وهو مبسوط وباس راس ابوه وطلع ودق على عساف وهو ينط بحماس :عسافي حبيبي وينك
عساف :خير احترم نفسك ماعندك اخوان
فيصل : ههههههههه مقبوله ي سامج وينك
عساف:فالشقه
فيصل :رائد وين
عساف :راح يزور امه
فيصل: حلو يلا انفض نفسك وتعال القهوه يلااا
عساف :من اي انواع المصايب جايب
فيصل: ههههههه مصايب الحب المزيف
عساف:هههههه ي لبى قلبك نار اجي لك الحين
سكر فيصل وركب سيارته وهو يعلي الصوت على الاغنيه وطار بحماس الدنيا
ظيمنعظيمنع
ظيمنع
عند سهام اللي سمعت كلام ابو عادل لمنى وشافت بعيونها فرحت فيصل بس متاكده انه تمثيل بس ما تدري وش تسوي طلعت لهم وجلست وهي تهز رجلها بتوتر
منى فهمت عليها انها ماتبي فيصل يتزوج اديم وقامت وهي تاخذ ملابس فيصل عشان تغسلها وراحت لبيتها
ابوعادل:خير ي سهام وش فيه
سهام: مصر على الخطبه
ابو عادل :ايوه
سهام: طلال بأيش احلف لك انه تمثيل مو حقيقه
ابو عادل: سهام مالك شغل بيني وبين عيالي
سهام:بس هاذي بنت اخوي
ابو عادل :كلامك مع بنت اخوك اذا خطبنا
سهام : هذا كلامك لي
ابو عادل : قد قلت لك مالك شغل بفيصل ومال فيصل شغل فيك
وقفت سهام بضجر وراحت لغرفتها وصفقت الباب سحبت جوالها ودقت على اديم اللي ماسمعت صوت الجوال مع الزحمه ولا انتبهت له رمت الجوال وهي تدعي انها ما توافق عليه ولا يصير نصيب
ظيمنعظيمنع
ظيمنع
عند عادل اللي كان بمجلس عمه اللي تعودوا على جياته المتكرره وتغير اسلوب ريمان اذا جاء عادل وفرحوا من هالتغيير الا نسرين اللي كانت نفسها ريمان وعادل يفترقون رفع راسه لما حس بدخولها الهمجي كالعاده ابتسم اول ماشافها لابسه لبس مرتب وشكلها كويس وقف واتجه لها ووقف وهو يكد يده بيصافحها ومدت يدها ريمان وهي تحاول انها ما تستفزه ويبدا بحركاته الغبيه على قولتها لكن فاجأها سحبها بيدها وهو يحضنها : قلت لك مشتاق لك
ريمان لا شعوريا دفته :ابعد عني ي متخلف
عادل: ايش
ريمان توترت وبعدت بضيق وهي تحس انها مكتومه :بطل هالحركات والا والله اقول لابوي
ضحك عادل على تهديدها :ههههه لا لا طلع فيك عرق غباء روحي قولي لابوك واسمعي وش يقولك اول شي بيقوله عادي هذا زوجك
ريمان جلست وهي تهوي نفسها حست خلاص بتبكي :وش تبي
عادل:ابي اشوفك
ريمان:وهذاك شفتني قوم توكل على الله
عادل :لي هالكلام!!
ريمان جلست وهي خلاص ما تحب ذا اللحظه ولا تحب الضعف
عادل راح وجلس :زين نتجاوز هالشي والحين وين ضيافتي
ريمان قامت وهي خلاص ما تبي الا الفكه جابت القهو ونزلتها قباله وراحت بتجلس بس فاجأها عادل اللي قال : كذا تتركين القهوه قبال ضيوفك
ريمان رجعت واخذت الترمس ويدها ترتجف اخذت الفنجان وهي تصب مدت له برجفه واضحه لاحظها عادل اخذ الفنجان ونزله ع الطاوله وسحب ريكان من يدها وهو يجلسها بجنبه : اقدر افهم ليش هالتصرفات الغريبه وهالرجفه
ريمان خلاص انتهت باغتتها الذكريات وابتدت دموعها تهاجمها ماتبي الا روحته خلاص : مافيني شي بس قول وش تبي
عادل : زين انا جيت على اساس نحدد موعد زواجنا وانا مو مستعجل كثير يعني كأخر حد بعد شهرين او ثلاث
ريمان لفت بقوه تناظره وشافته مدقق فيها نزلت راسها بسرعه وردت:بكيفك
عادل تأكد هنا ان فيها شي : بنفس هاليوم بعد شهرين اوك
ريمان :اوك
وقف عادل وهو يسوي شماغه ووقفت ريمان معاه وهي تنتظر لحظة خروجه وقف يناظرها وهو يقول :على العموم انا حبيت اشوفك قبل كل هذا لانك فعلا وحشتيني لكن ابي اعرف ليش هالخوف ليش هالرجفه
ريمان كانت بالقوه ماسكه نفسها :الله يخليك خلاص روح خلاااص ..

.... 104 .....

عادل غمض عيونه بهدوء وقرب وهو يبوس جبينها : مهما كان السبب تأكدي اني معك ومستحيل اتخلى
طلع وتركها وهو ضايق يبي يعرف ليش هي كذا من ايش هالخوف اللي يهد قوتها مسح جبينه بضيق واتجه لبيتهم وهو يدري انه قرب يكشف السر المخبى
دخل وشاف ابوه جالس يناظر الاخبار قرب له وهو يبوس راسه :السلام عليكم
ابو عادل:هلا هلا عادل وين كنت سيارتك هنا
عادل:ايه كنت عند ريمان
ابو عادل :ماشاء الله كيفها ريمان عساها بخير وكيفكم مع بعض
عادل : الحمدلله يبه على ما تحب حتى إنا حددنا موعد لزواجنا
ابو عادل:متى
عادل :بعد شهرين من اليوم
ابو عادل :ماشاء الله الله يتمم لك ي عادل تستاهل كل خير ي ابوي
عادل:الله يخليك لنا يبه
ابو عادل :قلت لعمك
عادل:لا قلت انت تقول احسن
ابو عادل:لا لا انت قوله وقول بعد لجدك وعمتك
عادل:ابشر خلاص بكره في الجمعه اقولهم
ابو عادل :ايه الله يعافيك وابيك بكره المغرب تجهز بنروح نخطب لفيصل اخوك
عادل لف بقوه وصدمه:فيصل تخطبون له
ابو عادل : ايه الحمدلله الاخبار الحلوه اليوم منتشره
عادل:صادق يبه
ابو عادل : اي والله
عادل:ليش ماقال
ابو عادل:هالمره اسأله
عادل:ومين بيخطب
ابو عادل: بنت اخو سهام
عادل :نعم مين مين
ابو عادل:اللي سمعت
عادل:هه يبه الله يهديك من جدك انت فيصل وبنت اخو سهام
ابو عادل تنرفز:اشوفك بديت تفكر في فيصل مثل الباقين
عادل:لا يبه بس اخاف الشيطان لعب براسه
ابو عادل:لا ما لعب وتقدر تتصل عليه وهو يشرح لك الموضوع
وقف ابو عادل وطلع لدكان ابو مجيد اما عادل اللي كان يدق على فيصل بس مايرد عليه وهو خايف من تهور فيصل
ظيمنعظيمنع
ظيمنع
عند فيصل اللي كان جالس ينتظر عساف شاف اتصال عادل وطنشه يدري انه بيناقش موضوع زواجه وهو ماله خلق فتح السناب وشاف سنابة اديم ابتسم بحب لها ودخل خاص ( هاذي الايام من جد صرنا بعاد عن بعض)
اديم ردت بسرعه ( منك انت مو مني )
فيصل ( والله من جد لكني مضغوط هالايام )
اديم( مدري شحدك على الوظيفه وانت باقي تدرس)
فيصل( شفت اني ضروري اكون نفسي )
اديم( يوه ي فيصل الايام باقي معك )
فيصل( ما عليه شويه شويه )
اديم( زين قولي شأخر اخبارك)
فيصل سجل صوت ( ولا شي غير اني مشتاق لك )
اديم( ماعندك الا هالاجابه)
فيصل ( هذا الصدق)
اديم ( ههههه طيب ي ابو الصدق شصار مع زوجة ابوك ما اشوفك تسولف عنها)
فيصل( قلت لك ما احتك فيها كثير )
رفع راسه لما حس احد جالس :عساف متى وصلت
عساف : من وقت شوقك لحنين
ضحك فيصل بتصريف:زين زين يلا اطلب لنا على حسابك
عساف : انت للحين على هالعاده كنت عاطل ونمشيها الحين متوظف وللحين
فيصل: هههههه الوظيفه الحين لها تدبير ثاني
عساف :وش السالفه هاتها
فيصل : بتزوج
عساف تنح:وشو وشو وشو
فيصل :الله سمعت
عساف:تمزح مستحيل اكيد تمزح
فيصل:هذا لو تدري مين بتزوج
عساف :مين
فيصل :بنت اخو سهام
عساف صرخ والكل لف عليه:نععععععم
فيصل :قصر صوتك وجع
عساف :فيصلوه انهبلت
فيصل :لا ما انهبلت بالعكس انا صاحي وبقوه بعد
عساف : وش تخطط عليه
فيصل ابتدا يحكي لعساف كل شي وسط ذهول عساف
عساف :تستهبل صح لا بالله انجنيت طار عقلك انت ناوي تخلص على نفسك
فيصل :ليه
عساف :فيصل كلنا ندري انك ما تقدر على البنات وقلبك ما يتحمل وهاذي افشل خطه ممكن تفكر فيها صدقني ما بتكمل وبتنهزم شيل هالفكره من بالك احسن انت كذا تخلي نفسك فريسه سهله لسهام
فيصل ضحك بغرور :هههههههه عساف انا مو حي الله وانا قلبي بيدي سامعني
عساف حاول انه يردع فيصل عن هالفكره بس فيصل رفض ومصر على رايه
عساف :وش بتستفيد ابي افهم فيصل صدقني بتضر نفسك اكثر منهم
فيصل :عساف انا توقعتك تناصرني لكن وقفت ضدي
عساف : ي فيصل انا معك في كل شي بس مابيك تضر نفسك هاذي خطوه خطيره وغبيه
فيصل : لا لا تخاف انا بكل الاحوال رابح
عساف :اووووف منك محد يرجعك ابد طيب الحين وش وضع حنين هاذي
فيصل لف بتصريف: زيها زي اي بنت
عساف: ضحكتني اقول لا تصرف واخلص
فيصل : والله اتكلم جد
عساف : مشكلتك ما تكذب الا علي واضح ترا انك غرقان في شبر مويه
فيصل ضحك بهدوء :تتوهم
عساف : الا متأكد
فيصل : ي رجل روقنا
عساف :زين ي فيصل بيجي يوم وانت بنفسك تجي تقولي
فيصل ووقف يبي يتهرب منه: المهم انا راجع البيت ضروري اقنعهم بباقي كذبتي
عساف:ما هونت يعني
فيصل قال عشان ينهي الجدال :سلام عليكم
طلع وترك وراه عساف للي ما يدري كيف يفهم فيصل انه جالس يغلط سواء مع اديم ولا حنين ظيمنعظيمنع

..... 105 .......

عند ريمان اللي من بعد ما طلع عادل وهي دمعتها وحده ولا هي قادره تتقبل وتنسى اللي صار رفعت راسها لما حست بأحد حولها شافت نسرين واقفه بضيق :ريمان وش فيك وش اللي صاير معك
ريمان :ولا شي
نسرين:لا تحسبين اني مو منتبهه لحالك من تملكتي والا حالاتك اللي تصيبك اول ما يطلع عادل ريمان اذا عادل يأذيك او يهددك قولي لي
ريمان لفت بجفا:لا ما يأذيني
نسرين:وليه هالحال
ريمان: كذا شتبين انتي
نسرين :بس انا اختك ومصلحتك تهمني
ريمان:ماني محتاجه هالاهتمام
سحبت لحافها وتغطت فيه وهي تدخل دوامة البكى من جديد
اما نسرين اللي طلعت وهي ماتدري وين الغلط
ظيمنعظيمنع
ظيمنع
عند فيصل اللي وصل البيت واتجه لغرفة عادل فتح الباب وشافه جالس وبيده كتاب :سلام
عادل رفع راسه: اهلين ما بغيت تشرف
فيصل:خير وش حصل
عادل:انت تعرف وش حصل
فيصل:ما اعرف قولي
عادل :اقدر افهم وش هالجنان اللي قاعد تسويه
فيصل:وشو
عادل :زواجك من بنت ابو مشاري
فيصل:ليه وش فيها هاذي سنة الحياه
عادل :سنه الحياه ما قلنا شي بس الزواج مستحيل
فيصل:ليش
عادل :فيصل لا تستهبل كلنا ندري انك تكره سهام وكل شي يبت لها بصله فلا تستهبل
فيصل :اي نعم اكرها وماطيقها ولا اتحملها كل شي كان مضبوط معي بس ابوك خرب كل شي
عادل : وش دخل ابوي وش السالفه
فيصل جلس وهو يناظر ساعته ودقت عنده حزة التمثيل وابتداء يسرد لعادل كل شي بس زاد عليها شويه وبعدها ناظر لعادل بنظره انكساريه: ما تشوف انه من حقي اختار البنت اللي ابيها بسبب عمتك وابوك صرت فاقد السيطره تماما
عادل :فيصل الله يخليك عدل بدل كلامك ما يدخل الراس
فيصل وقف وقرب لعادل وهو يصرخ وعيونه كذا حمرا : هاذي اخرتها ي عادل صرت تشوفني مثلهم طحت من عينك خلاااص وانا اللي توقعتك توقف بصفي وتنصرني ههه حسافه بس حسافه انا ماني سيء لذا الدرجه وحط هالكلام حلقه بأذنك واديم بتزوجها رضيتوا والا بستين حريقه
طلع وصفق الباب وراه لكن تفاجئ بوجود ابوه تعداه وهو يمثل العصبيه دخل غرفته وسكر الباب وتنهد براحه وهو يدري انه كذا انتهى من عايلتهم والباقي عند ابو مشاري واديم سحب جواله ورجع يكلم حنين ( صاحيه !! )
ظيمنعظيمنع
ظيمنع
عند عادل اللي كان مصدوم من كلام فيصل عمره ما حس انه حب فعلا صح فيصل ما ينعرف له بس عمره ما توقع انه يعرف اديم قبل زواج ابوه رفع راسه على صوت ابوه:عادل
عادل :نعم يبه
ابو عادل : هذا العشم فيك ابيك توقف مع اخوك وتصير ضده عاجبك انك كسرت فخاطره كذا عاجبك
عادل وقف : والله يبه ما كنت بعرف نيته
ابو عادل: الف مره اقولك نواياك في اخوانك لا تتغير سامعني مهما كان السبب فيصل انا متاكد انه يكره سهام ومستعد يسوي مصايب عشان يبعدها بس انه مايظلم احد بسبب احد وانت تدري بهالشي
عادل:صح يبه بس قلت يمكن كرهه اعماه
ابو عادل : اسمعني زين تطلع الحين تروح له وتعتذر منه بكره ابيك توقف معه ويدك بيده
عادل :ابشر يبه
طلع ابو عادل وهو مايبي عياله اللي طول عمرهم متكاتفين يفترقون اما عادل اللي طلع لغرفة فيصل بس فيصل ما رد عليه ورجع لغرفته
ظيمنعظيمنع
ظيمنع
عند اديم اللي رجعت تدق على سهام بس ما ردت عليها رمت جوالها وراحت تبدل وقفت وهي تمشط شعرها ابتسمت وهي تتمنى لو يجي يوم يكون فيصل هو اللي يمشط شعرها ضحكت على حلمها البسيط بس عجبها ركضت وهي تدري ان الوسيله الوحيده اللي تقدر توصل احلامها
لفيصل هو السناب ( ‏أبيك بجنبي الليله!
‏كلمات تحكي ما بداخلي حالياً ..��)

شافت رسالته كانت بترد بس رجعت تشوف اذا شافها والا لا شافته شافها اعتدلت وهي تستنى رده بعد عشر دقايق حدثت وشافت الرد اللي هنا ماقدرت ترد الا انها يزيد حب فيصل بقلبها
كان فيصل منزل فيديو وهو يغني بصوته ( أبيك بجنبي الليلة ترا كل الجروح صغار
‎كبير الجرح في ظنك .. أنا في ظنّي أصغرها)
ردت عليه بسرعه بصوت نوال وكتبت نفس الكلام( ابي ترجع تسولف لي تعلمني وش الأخبار
أنا أحب اختصر عمري في ليلة جنبك أسهرها)
انتظرت الرد منه بس فاجأها بأتصاله الغير متوقع جمدت يدها مو عارفه ترد انقطع الاتصال وتحسفت انها ماردت ورجع اتصل بالقوه امتدت يدها وردت وهي ترجف وساكته ..

#يـــــتـــــــبــــــــــع.

17 - 1 - 2022, 03:55 AM

.... 106 .....

انتظرت الرد منه بس فاجأها بأتصاله الغير متوقع جمدت يدها مو عارفه ترد انقطع الاتصال وتحسفت انها ماردت ورجع اتصل بالقوه امتدت يدها وردت وهي ترجف وساكته
تكلم فيصل اللي كان قلبه يضرب بشكل اول مره يحسه : لا تقولين شي انا بس ابي اقولك اختصار عمري انتي اختصرتي كل شي في خمس كلمات " لقيت روحي بعد ما انا لقيتك "
سكر فيصل بعد ما قال هالكلمتين اللي ازالت اشياء كثيره من قلبه ونقلتها لقلب اديم
اديم للحظه حست انها بين السماء والارض ما عرفت وش ترد عليه ما طلع معها الا انها تسكر الجوال وتوقف وتتجه لسجادتها وصلت ركعتين من بين دموعها وهي تدعي ان ربي يجمعها بفيصل مهما كانت الظروف
اما فيصل اللي رمى عنه كل شي وتلحف بلحافه وهو يرسم لمستقبل حلو مع حنين اللي تأكد انه ماعاد يتنفس بدونها بس قبل بينتهي من سهام واديم وغمض وهو ما يدري اي الصدف اللي بتكسر ظهره
ظيمنعظيمنع
ظيمنع
من بكره الصبح على نفس الاحلام الحلوه صحى فيصل بنشاط الدنيا وهو كل شي حوله كفيل انه يخليه سعيد رتب شكله وهو يدندن "ابيك بجنبي الليله ،وانت طيب "
نزل وهو يغني بكل صوته اللي رجع يرتفع زي قبل ويملى البيت حيويه نزل وهو يشوفهم متجمعين على الطاوله بوجود منى نزل وهو يردد ( غيابك علّم الدنيا تغيب وتذبل وتحتار
وعلمني عليك أبكي وألوم النفس وأقهرها
أبي ترجع تسولف لي تعلمني وش الأخبار
أنا أحب اختصر عمري في ليلة جنبك أسهرها)
ابتدا عادل يدق ع الطاوله عشان يراضي فيصل ونواف ابتداء يغني مع فيصل والبقيه يضحكون
ابو عادل :الله الله الله من زمان عن هالصوت وهالروقان
ضحك فيصل وهو يبوس راسه :انا اوعدك من اليوم تصبح وتمسي على هالمود
منى:وحنا لنا الله
فيصل راح لها وهو يحضنها وهو متجاهل وجود سهام :لا لا عاد انتي عين السيح انتي الملح والقبله انتي اول الحاضرين افا بس انا اصلا انا مزاجي ومودي مفاتيحه عندك
منى:ههههههه ايه عاد هذا شغلك تاكل بعقلي حلاوه
عادل:يوه هنا محد يجاريه
فيصل ما رد على عادل عشان يجبره انه ماعاد يفتح الموضوع معه
منى:اجلس افطر
فيصل: بالعافيه انا مواعد رائد وعساف
ابو عادل: ارجع بدري طيب
فيصل وهو عند الباب :من عيوني ي عيوني
طلع وسكر الباب ابو عادل :الله يسعده ويديم عليه الفرحه
عادل ضاق من زعل فيصل :امين يلا انا رايح نواف قوم
نواف:بروح مع ابوي
عادل :بكيفك
منى:شفيك عليه خليه يفطر
عادل:شقلت انا الحين
ابو عادل:خير وش فيك قلبت
عادل:ولا شي سلام
طلع عادل وهو معصب
منى:بسم لله وش صار
ابو عادل تنهد : الله الهادي المهم نواف خلص على ما ألبس
نواف يقلد فيصل:من عيوني ي عيوني
ابو عادل :ههههه عاد انت نسخه مصغره
منى: هههههه طبق الاصل
سهام اللي كانت معصبه ولا لها خلق قامت بعصبيه وراحت لغرفتها
اما منى اللي طلعت لغرفة فيصل وهي تبتدي مهمتها اليوميه في ترتيب غرفة فيصل
ظيمنعظيمنع
ظيمنع
عند اديم اللي كانت بنفس مود فيصل واحلى شوي ترتبت بشكل جميل ورايق يمثل شخصيتها الحلوه ونزلت وهي تغني بعد وكانت تردد(لقيت روحي بعد ما انا لقيتك ‎بعد اللقا ارجوك لا لا تغيب ‎صعبٍ علي ابقى وانا مانسيتك ‎احساسي كني بين ربعي غريب)
ابو مشاري :خييير خييير وش صاير اديم تغني من الصباح
اديم بوزت:ليش يبه انا دايم اغني
ابو مشاري :تغنين بس هالايام مدري ليش صايره بهالمزاج السيء
اديم ابتسمت:ارفع ايدينك يبه كذا وادعي اني اجلس كل بهالروقان
ابو مشاري رفع يدينه:ي رب
مروى وامها: ي رب بعد
اديم ضحكت : شكلكم يأستوا
ابو مشاري :ابي اعرف وش صاير معك
اديم:قلت لك صداع ويروح
ابو مشاري :ضروري هالصداع نشوف له حل
اديم ضحكت وهي تبوس يده: خلاص لقيت حله لا تخاف
ابو مشاري :وش الحل
اديم :النوم بدري والقهوهً
مروى:صايره عجوزه
اديم تنهدت :الله يبعد عنك هالصداع اللي يهد الحيل( وكانت تقصد الحب)
مروى:امين
ام مشاري:اذا رجع لك روحي للمستشفى
اديم :زين ابشري
طلعت وهي تحدث السناب شافت فيصل منزل كعادته ( ‏إلى جميلة قلبي ومدللة الصباح .. صباحكِ وردٌ وسكّر . . !)
للحظه حست انها ملكت الدنيا وردت بسرعه وهي تحس ببرودة الجو الحلوه ( ‏ يا روح الصبح والحكي الجميل ‏يا سعادة خاطري يسعد صباحك��)
ركبت السياره وهي خلاص ماتبي تطلع من هالمود ظيمنعظيمنع

..... 107 .....

فيصل اللي وقف بالاشاره وشاف الرد اللي منه كان بيغمى عليه من الوناسه دخل بسرعه وعلق ( يسعد صباح الحلوين ي رب)
اديم( وصباح المصحصحين)
فيصل( ههههههه والله من جد هالايام صاير انام بدري مدري ليش)
اديم(للاسف حتى انا اصلا احس اني مو فاضيه لأشي )
فيصل(بس اكيد تفضين لفيصل )
اديم ضحكت وهي تراقبه من عند الاشاره وصورته بحيث انه مايقدر يحدد موقعها وكتبت ( وهالوجه احد يقدر ما يفضى له ) وارسلتها
بهاللحظه انفتحت الاشاره ومشى الكل فتح فيصل الصوره وانجلط سحب بريك وكان بيسوي حادث كان يتلفت يمكن يشوفها بس كل السيارات كانت بس رجال لوحدهم والكل يضرب تنهد بقهر وكمل وارسل لها صوت :انتي وينك كنت بروح في ستين داهيه عشانك
اديم اللي شهقت اول ماشافت اللي صارت معها بس ارتاحت اول ماشافته كمل ردت ( وجع وش سويت بنفسك ي خبل كنت بتروح فيها)
فيصل ( كله منك وينك انتي كيف صورتي )
اديم ضحكت براحه( هههههه انا اقرب لك اكثر من قرب سبابتك للوسطى )
فيصل( حسبي على عدوك هذا وقت اقسم بالله هذا انا احلف لو شفت ممكن اموت من الفرحه انا اليوم يومي جدا جميل كان بس ناقصني هالشي)
اديم( انتبه لطريقك بس لا يصير فيك شي وبعدين خل في بالك اني حولك في كل مكان بس ما تقدر تشوفني )
فيصل(هههههههه ماعرفتك يالجنيه يالمباحث )
اديم( هههههههه نصير اذا استدعى الامر)
فيصل( يعني اضبط اموري )
اديم ( ياليت !!)
فيصل ( شوفي والله ما ودي اخليك لكن بروح للعيال تبين شي)
اديم( سلامتك انتبه لطريقك بس )
فيصل( من عيوني )
سكروا من بعض وراح فيصل لشباب واللي كانوا ينتظرونه بالمقهى قال من بعيد :رائد حبيبي وحشتني
رائد لف بإستغراب :من وحشك انا
فيصل قرب يضمه:ايه انت ليش
عساف :خير ي ابوي اشوفك غيرت الموجه
فيصل :انت شفتك امس
عساف :بس خلاص رائد ترا الحساب عليك هو مايحب الا مصلحه
ضحك فيصل ودفه رائد:كنت عارف قليل خاتمه
فيصل باسه وهو ياخذ القهوه من يده ويكملها
عساف :رائد ماقالك فيصل
فيصل لف لعساف :ملقوف ملقوف
رائد :وشو
فيصل :بخطب اليوم
رائد: ههههههه ي حبيبي ي فيصل لهالدرجه وصل وضعك انك تتخيل
فيصل بطرف عين:اتكلم جد انا
عساف :لا لا انت بتضحك الحين على العروس اكثر
رائد: هههههه لا يكون من احدى الحبيبات
فيصل:هي من ناحية حبيبه حبيبه بس على عفاف
رائد وعساف انفجروا ضحك مع بعض فيصل:شوفوا عاد انا مروق مالي خلق اتنكد اقسم بالله لو ماتتعدلون لقوم اسطركم
رائد:والله اخاف عمي يسلك لك يبي تسكت
عساف :لا من جد
رائد وقف ضحك:ومين هالمسعده
فيصل:بنت ابو مشاري
رائد بشك : اخو زوجة ابوك
فيصل هز راسه بإيجابيه
رائد:لا لا عاد لين هنا وبس خلاص صارت الشغله مرض وسواس فيصل البنت مالها شغل بعمتها
فيصل :وش دخلها طيب
رائد: لا تقولي بتاخذها لعانه بسهام
فيصل : خبل انت خبل اكيد لا
رائد:اجل وش الخطه
فيصل:الخطه اني حبيتها
رائد:كذاب
فيصل: خير ي رائد
عساف كان ساكت لانه اصلا مو مأيد فيصل
رائد:فيصل لا نضحك على بعض انت ما حبيتها وانا متأكد من هالشي
فيصل : ماني محتاج اذنك في حبي لأحد
رائد:اكيد مو محتاج اذني بس انا مستحيل اسكت لك تدمر نفسك وبنت الناس
عساف :رائد هالمره لازم تصدقه
رائد : وليش لازم اصدقه
فيصل :لان الدعوه اللي انت تخاف منها صابت بلاني ربي بحب بيوريني الويلات ويجيب راسي للأرض
رائد لف يناظر فيصل وعساف اللي وجيهم كانت تخلي رائد يصدقهم بس معرفته فيهم وقد ايش هم محترفين بالكذب والتمثيل تمنعه :فيصل حلفتك بالله اذا في راسك للادميه شي بطله
فيصل :لا تخاف ما فيه شي
عساف عشان يصرف الموضوع: شكلي انا بتزوج بعد
فيصل :انتظروا لين اتزوج انا وتزوجوا بعدي
رائد كان ساكت وهو يحاول يلقط من فيصل اي اشاره تدل على كذبه بس للاسف فيصل كان حريص اكثر منه
ظيمنعظيمنع
ظيمنع
على الغداء في بيت الجد كان كل العائله موجودين
دخل فيصل ورائد :سلام عليكم
الكل :رد السلام
اقبل فيصل على جده وهو يبوس راسه ويده :وحشتنا ي الشايب
الجد :تخسي انت الشايب
رائد: ههههههههه ما زلت مصر انك شباب
الجد: ايه شباب وسيد الشباب
ابو عادل:هههههههه لا تغلطون ابوي سيد الشباب وبكره بنزوجه وتشوف كيف
فيصل بدقه:هههههههه لا دخيلك اعقل ي جدي لا يطلق عليك المثل اللي يقول " بعد ماشاب ودوه للكتاب " باقي تتزوج وانت بذا السن
سكت ابو عادل ورد الجد :هههههه لا لا بجلس عزوبي واقهر العذارء

..... 108 ....

عادل:ههههههه ما عرفتك ي توم كرووووز ي بوراك
الكل :هههههههه
الجد :هذول منهم من اي قبيله
فيصل : هههههه رخوم رخوم ي جدي ما تعرفهم
الجد بمزح:مثلك
فيصل انصدم والمجلس كلهم ضحكوا عليه
فيصل ضيق :افا ي جدي بس هذا كلامك
الجد ضحك وهو يسحبه لحضنه :افا انت الغالي لكني امزح معك
فيصل: ايه اضبط علومك
ابو عادل :عاد اليوم يبه ضروري ترفع له
الجد :ليش !!
منى جت ووقفت جنب فيصل: اليوم ان شاء الله بيخطب والله يفرحنا فيه
امتلى المجلس بالاصوات والمداخلات وفيصل يراقب سهام اللي واضح مقهوره
ابو عادل :اسمعوني ي جماعه انا اليوم عند خبرين حلوين ومن احلى الاخبار على قلبي
الجد :قول وفرحنا معك
ابو عادل :اول شي عادل حدد زواجه بعد شهرين وفيصل اليوم ان شاء الله بنروح نخطب له بوجود ابو محمد وابوي ..
الجد :الله الله الله وش ذا الاخبار الحلوه عادل فرحنا له وانتهى اما فيصل الفرحه الكبيره
عادل بطرف عين:ليه ماني مالي عيونكم
ابو محمد: ههههههه لا ماليها لكن فيصل اتعبنا وهو يبي يتزوج وان شاءلله ربي يتمم عليه
فيصل ابتسم :ايه ياخي خلونا نشق طريقنا ونشوف ناس حلوه
الجد:ههههههه ايه جاء دورك الحين
ابو محمد ؛ ومن العروس ان شاء الله
ابو عادل : بنت ابو مشاري
الكل سكت لدرجة انهم يسمعون انفاس بعض من الهدوء
الجد:ابو مشاري ما غيره
فيصل:ايه ليش ي جدي ماني بكفو
الجد:الا كفو لكن ما توقعنا
محمد : ليه باقي في راسك شر
فيصل وهو معطيه ظهره: ايه وبطلعه فيك ان شاء الله واذا تبي باقي في يدي ضرب
الجد:بسسسس ماعاد لي احترام
فيصل : محشوم ي جدي
ابو عادل : عشان كذا نبيك يبه وانت ي ابو محمد المغرب تجهزون ومعنا منى وام محمد
الجد :ابشر ويبشر فيصل
فيصل قرب وهو يبوس يده وابتداء عاد المجلس يكتظ بالسوالف من كل شخص
اما فيصل اللي انفرد بزاويته وهو ينتظر المغرب بفارغ الصبر طلع جواله وهو يصور قهوته وعلق ( ‏ما ابي الا قهوتي وانتي لاجتمعتو في نفس المكان والزمان.) سكر جواله ورفع راسه يسمع السوالف
ظيمنع
ظيمنع
عند اديم اللي خلصت غداء وافترقوا الكل عشان يرتاحون اخذت الشاهي وجلست بالصاله وهي تقلب بجوالها استغربت ان فيصل ينزل بهالوقت ضحكت بحب على اللي نزله وعلقت عليه( لا لا شصاير فالدنيا فيصل صاحي ما نام ويشرب قهوه في عز الظهر اخاف متهكر حسابك )
فيصل انتبه ورد (هههههه الدنيا برد ي مزه وبعدين اليوم ما راح انام اليوم فيني روقان مو مخليني انام )
اديم (ههههههه الله يديمه بس وش السبب)
فيصل( من دون سبب كذا صحيت رايق )
اديم(هههههه علينا ي فصول اعترف تراك مكشوف)
فيصل (ههههههه والله مافيني شي كذا من الله)
اديم ( هين الايام تكشفك )
فيصل( شعندك انتي صاحيه بالعاده تشخرين)
اديم( العاده عندنا كلنا لا تنسى نفسك وبعدين كنت بنام بس استغربت انك نزلت)
فيصل( مجتمعين عند جدي عشان كذا ما نمت )
اديم(ههههههه يمه شصاير فالدنيا من متى تحترم القوانين بالعاده تاكل وتضرب الباب وتنام )
فيصل (هههههه حفظتيني ماشاء الله دامني مكشوف احب اقولك اني باقي ما اكلت عشان كذا متحمل )
اديم(هههههه كنت حاسه وربي انك مو جالس حب وانتماء للعايله)
فيصل ( هذا هم ينادون اقلبي وجهك)
اديم( تمون ي فيصل تمون)
فيصل وقف واتجه للمغاسل فتح المويه وسجل صوت عشان محمد يسمعه ( بعد روح فيصل انتي ) سكر جواله وحطه بجيبه وغسل واتجه لطاوله وهو شاق الابتسامه رغم نغزات محمد الا انه رايق ويغني وجوه عليل طبعا الكل نسبوا هالروقان عشانه بيخطب اليوم وهو بالحقيقه عشان انتقامه يبدا اليوم
ظيمنعظيمنع
ظيمنع
عند اديم اللي فتحت الصوت وهي بغرفتها ضحكت لا شعوريا ورجعت تعيد المقطع مره ومرتين لما نامت على صوته ولا تدري وش ممكن تصحى عليه
ظيمنعظيمنع
ظيمنع
المغرب ببيت ابو عادل كان فيصل مقوم الدنيا لعانه في سهام وهو يدري انها تدري عن نيته بس يقهرها نزل مسرع وبيده شماغه والعقال ووقف عند ابوه اللي جاهز وسهام وعادل ونواف وجلس يلبس وهو يغني بكيد : هب السعد هبااااايب الرياااحي
دخلت منى وهي تضحك : يلا يلا ي وجه السعد
فيصل : لبى قلب المز انا
ابو عادل: اعجل علينا الناس يستنون
الجد: هاااه معرسنا جاهز
عادل:جاااهز جاهز وكأنه متاكد من الموافقه
فيصل لف عليه بزعل : قل خير او اصمت
ابو عادل: هههههه الله يتمم الله يتمم
الجد :يلا
فيصل: دقيقه بتعطر
الكل:يوه خلصنا
طلع فيصل وهو كاشخ ومستانس ..

..... 109 .....

رائد:شعليك بتودع العزوبيه
فيصل :بأذن الله
ابو محمد : يلا يلا عشان تختصر ساعات العزوبيه
فيصل :يلا
ركبوا كلهم واتجهوا لبيت ابو مشاري
ظيمنعظيمنع
ظيمنع
بيت ابو مشاري اللي عرفوا بجيت عائلة ابو طلال لكن سبب الزياره مجهول طبعا كانت ام مشاري ورويده بأستقبالهم اديم اللي كانت هي ومروى في ساااابع نومه ولاهم مفكرين يصحون لان اليوم خميس
ام مشاري : ي ابو مشاري ماقالوا لك سبب الزياره
ابو مشاري :لا والله ما قالوا لي
رويده:غريبه مو
مشاري :مدري
جاء مصعب :بابا الضيوف وصلوا
قاموا الكل يستقبلون الرجال بقسم الرجال والحريم كذلك
ظيمنعظيمنع
ظيمنع
عند سهام اللي ي دوب سلمت وبعدها قالت بتروح تنزل عبايتها ركضت لغرفة اديم بكل سرعتها فتحت الباب وشافت اديم غاطه بسابع نومه نزلت عبايتها وهي تصرخ:ادييييييموه وجع قومي
اديم فزت برعب : سهام وش جابك وش فيك
سهام: نايمه ي مقروده قومي قومي باقي ما تدرين وش المصيبه اللي تنتظرك
اديم بفجعه:وجع اي مصيبه
سهام :وينك من يومين ادق عليك ما تردين
اديم:سهام وش اللي صاير انطقي خوفتيني
سهام :فيصل المنكوب
اديم رجعت تنسدح بتعب :وبس خير وش مسوي لك بعد
سهام : قومي قومي هالمره عليك مو علي
اديم فزت :وشو
سهام:فيصلوه جاي يخطبك
اديم :هااااه
سهام:اللي سمعتيه
اديم تجمدت:شلون شلون كذا
سهام: مافيها شلون الناس تحت وانتي تقولين شلون المهم ارفضيه قد ما تقدرين ارفضي
اديم ضحكت برعب :تمزحين والله تمزحين مستحيل
سهام :اديم مو وقت انهيارك لازم ترفضينه حاولت انا بس محد سمع لي
اديم:مو على اساس يكرهنا ويكرهك
سهام:ههه هذا الصدق بس الكلب مفهم الكل انه يحبك وميت عليك وانا كان بيخطبك قبل بس زواجنا خرب عليه وانه لو ما تزوجك بيموت وسبحان اللي معطيه القدره على انه يقنعهم ويلعب بعقلهم حتى منى تروح معاه مويه
اديم انكتمت كل شي مر عليها مع فيصل كل شي من اول ساعه ألين اليوم عمرها ما توقعت ذا الخطوه حتى انه ما جاب لها طاري وقفت وهو تمسح صدرها :وش ناوي عليه
سهام: مدري بس شكله ناوي مصيبه اديم ارفضي قد ما تقدرين
اديم غمضت وهي تحاول تستوعب هالشي اللي صدمها وشل كل اطرافها جلست وهي تحس بدوخه
سهام:انا بنزل ينتظروني وانتي روقي واذا قالوا لك ارفضي
طلعت سهام وتركت اديم اللي الدنيا تدور فيها وهي متأكده ان فيصل ناوي لها مصيبه كبيره ركضت لجوالها وارسلت ( فيصل
فيصل
وينك
رد علي )
كانت تبي تتأكد من نيته صفر وجهها وركضت تناظر الصالون شافت ام تركي ومنى جلست وهي ماهي حاسه برجولها رجعت لغرفتها وتحاول تهدي وتفكر وش بتسوي
ظيمنعظيمنع
ظيمنع
عند الرجال بعد السلام والسؤال عن الحال كان ابو مشاري يرحب فيهم: يالله تحييهم والله الساعه المباركه
الجد :الله يحيك ويسلمك حنا والله ي ابو مشاري جايين نبي نطلب منك كريمتك اديم لولدنا فيصل
مشاري لف لابوه وابو مشاري انصدم بعد : ي هلا والله تشرفونا ويشرفنا نسبكم وفيصل يشهد الله اني احبه واغليه ولا اعده الا مثل مشاري لكن الراي راي البنت وان شاء الله خير ونسبكم والله انه ينشرى ولانكم مردودين ان شاء الله
ابو عادل :الله يعزك ي ابو مشاري وهذا حقكم وانتم ابخص وفيصل ولدك ولك كامل الحريه تسأل وتبصر
ابو مشاري ابتسم وهو يناظر فيصل اللي وجهه ضاحك لكن داخليا شابه في صدره نار الحقد
مشاري :الله يكتب لك ي فيصل نصيب
فيصل :حبيبي الله يسعدك
ابو مشاري كان مستغرب من طلب فيصل لاديم بس عشانه يحب فيصل ما دقق
فيصل وقف والكل انظارهم عليه وقال:ابو مشاري لا هنت ابيك بكلمة راس
الكل شخصت انظارهم لفيصل ووقفت قلوبهم وخافوا لا يسوي شي مو كويس
ابو مشاري :ابشر
وقف وراح مع فيصل برا وقف فيصل واخذ نفس وهو يناظر ابو مشاري بثقة الدنيا : انا ي ابو مشاري مدري وش تسمع عني او اللي بتسمعه صحيح اني ماني راضي عن زواج ابوي ولا برضى عنه وممكن اني اكون اكره سهام لكن تأكد اني مستحيل اضر بنتك وانها مستحيل تدخل في مشاكلي مع سهام انا بقولك كل السالفه بصراحه لاني ادري انك مستغرب انا ي ابو مشاري شفت كريمتك بالغلط ومن ساعتها وانا ناويها حلال لكن كنت انتظر اني اخلص امور عندي وفاجأني زواج ابوي ولخبط كل حساب لكني ماقدرت استمر على كذا وقررت اني اخطب وافصل كل شي عن الثاني وتقدر تاخذ وعد ان بنتك بالحفظ والصون واذا سألت بتعرف مين فيصل وش مبادئ فيصل

.... 110 ....

ابو مشاري تفاجئ من صراحة فيصل وثقته وكيف انه قال كل شي بصدق كمل فيصل :انت يمكن تسمع أشياء عني من اختك تخليك تتردد لكن هذا أنا واضح بكل شي وانت ما تنغر
ابو مشاري : انت بصراحه ألجمتني صدقك ووضوحك وثقتك ابدا ما توقعتها ولا اتوقع في احد يقدر يجي بهالشجاعه ويشرح كل شي بدون كذب وتزييف مقدر صراحتك بكرهك لسهام وعارف مشاعرك زين ولا بعاتبك فيها ويسعدني والله انه يكون لي زوج بنت مثلك انا بأخذ كلامك بعين الاعتبار وان شاء الله ربي يكتب نصيب ويطمن القلوب
ابتسم فيصل وقرب وهو يبوس راسه بهدوء واتجه مع ابو مشاري للمجلس دخلوا وشافوا ابو طلال واقف
ابو مشاري :وين وين رايحين بدري
الجد:احنا جينا لطلب وقلناه لك والحين بنتركم اكيد وراكم اشغال واحنا بعد ورانا اشغال
مشاري :ليتكم تجلسون تتعشون معنا والله نفرح فيكم
ابو عادل :خيرها بغيرها
رائد همس لفيصل: اي مصيبه مهبب
فيصل :دافعت عن نفسي
رائد:الموضوع حرب ي فيصل
فيصل:لا سهام بتحاول تخرب علي
رائد:احساسي يقول انك كذاب لا تحبها ولا شي
فيصل لف وهو يحط عينه بعين رائد: صح انا راعي بنات بس ما يمنع اني احب وصح انك عارفني بس ما ينفع تفكر فيني زيهم وصلت ي صاحبي
رجع رائد لورى وهو مايدري وش يسوي مع هالفيصل اللي صعب ينفهم صدقه من كذبه وتزويره
استاذنوا وطلعوا وسهام جلست الحريم كان كلام الرجال كافي ولكن تكلمت منى بطلب اديم ورحبوا فيها وقالوا راي البنت اول
ابو عادل اول ما وصلو لف لفيصل :وش قلت لابو مشاري
فيصل : ولا شي وضحت اشياء عني
ابو عادل :مثل ايش
فيصل :مثل اللي انتم تفكرون فيه
عادل وقف بقوه:لا تقول انك رحت وقلت له انا الكل يعرف اني اكره اختك ويحسبوني بنتقم من بنتك عشانها
فيصل :ايه قلت مو هاذي الحقيقه
عادل : لا لا لا مستحيل تكون صاحي بتفضحنا انت
ابو عادل : ليش ي فيصل ليش وش كان لزمته
فيصل ببرود : لزمته اني صادق ولزمته بعد ان المسعده زوجتك بتحاول تخرب علي واتوقع انه مافيها شي اذا شرحت لرجال الموضوع مادامني اشوف الاستغراب على وجهه
عادل :لانك غبي بتخرب على نفسك هذا اذا كنت صادق اصلا
فيصل هنا انفجر: اسمعني عاد انا ساكت ومخليكم تسوون اللي تبون لكن اتقوا شري اتقوا شري ولا تطلعوني من طوري وحزتها بتصير فضايح صدق محد له باللي اسويه انا اتحمل اخطائي وذنوبي ولاني منافق مثلكم كل شي اشوفه يرحيني بقوله ماني مجبور اتحمل اشياء غصب علي عشان راحة احد وانتبه ثاني مره تكلمني كذا وقتها بكون فيصل اللي صدق ما تعرفه زواجي يخصني انا وانت خلك في اللي انت فيه ي ..هه اخوي الكبير
سحب مفتاحه وطلع وهو حقده بقلبه يكبر ويكبر واصر الا يتزوج اديم طال الزمان او قصر
عادل و ابو عادل ونواف مصدومين من عصبيته لف عادل :انا مستحيل اقدر افهم هالمجنون مستحيل
طلع هو الثاني وجلس ابو عادل وهو محتار وضايق حط يدينه على راسه : ي ربي انا شسوي فيهم ي رب والله مدري مين اصدق ومين اكذب
نواف جلس جنبه بضيق : يبه لا تتضايق هم كذا يتهاوشون بس بيتراضون اصلا انا مدري ليش فيصل غريب هالايام
لف له ابو عادل : والله حتى انا والله لكن معليش تهون قوم معي يلا نسوي لنا عشاء يلا
نواف :مالي نفس يبه
قرب ابو عادل وهو يمسح على كتفه:لا لا لا كل شي الا انت ي نواف قوم معي بس يلا
قاموا واتجهوا للمطبخ يسون عشاهم
ظيمنعظيمنع
ظيمنع
اما فيصل اللي طلع وكان يدور بسيارته سحب جواله بضيق وشاف رسايل كثيره من حنين بالسناب والواتس بعد استغرب انها ارسلت بالواتس ودخل لها ( حنين وش فيك ليش كل هالرسايل وش صاير معك) ( ما كنت منتبه للجوال وش فيك)
سكر وهو مازال مستغرب راح لسناب ماشافها منزله شي بعد شوي وصلته رساله من حنين( اديم)( وش اللي اشغلك عن الجوال وين كنت )
فيصل ( وين كنت؟؟وش فيك انتي وش حصل كان عندي شوية شغل ليش)
اديم ( شغلك وين )
فيصل( حنين شغل شغل وبعدين ليه كل هالاسئله)
اديم رمت الجوال وهي ماتدري كيف تفتح الموضوع من غير ما يشك ( ولا شي بس وحشتني )
فيصل(هههههه لا مو من جدك كل ذا عشان وحشتك وربي خفت لا يكون فيه مصيبه)
اديم( لا لا تخاف مافيه مصيبه)
فيصل ( وراك شي قوليه !!)
اديم( مافيني شي والله بس قلت لك وحشتني )
فيصل ابتسم وهو يتنهد ( مدري وش ارد صراحه)
اديم( ليش !)
فيصل (عندي كم شغله مزعجتني عطيني ساعه كذا وارجع لك )
اديم( خير وش فيك قولي )
فيصل ( تخص الجامعه مالها داعي )

17 - 1 - 2022, 03:56 AM

.... 111 .....

اديم سمعت ابوها يناديها( زين يلا ) سكرت كل شي وقامت تمسح وجهها وهي تحاول تتماسك ومن كلام فيصل حسته معصب ومتأزم نزلت وهي تشوفهم مجتمعين وسهام معهم :سلام
ابو مشاري :هلا هلا هلا تعالي تعالي اجلسي
اديم ناظرته :خير وش فيكم
مشاري كان مبسوط :خير ان شاءالله خير
ابو مشاري : اديم ي حبيبتي والله اني على قد فرحتي الا اني مابيك تروحين من عندي
اديم :يبه وشوله هالحكي
ابو مشاري :اليوم جو ناس يطلبونك مني
اديم بعدت شعرها وهي تحاول انها تهدي كمل ابوها كلامه:وهالناس ي يبه انا اعرفهم وانتي بعد تعرفينهم ويعلم الله اني يوم تمنيت ما تمنيت الا تتزوجين واحد مثل هالرجال وهو طبعا فيصل ولد ابو عادل زوج سهام
اديم رفعت راسها وهي تحاول تفهم هالجمله اكثر من انها تحب فيصل
مشاري : شوفي ي اديم والله والله اني ما توقع تحصلين مثله وسيع صدر ورجال ما مثله ويشهد الله اني احبه
سهام: لا لا اديم ماتصلح لفيصل
ابو مشاري :ليش
سهام: انا اعرف فيصل مستحيل تتحمله اديم نهائيا
ابو مشاري : ايه ابي اعرف وش اللي ما تتحمله اديم
سهام: فيصل عصبي وغير كذا متسلط ومعقد بيعقد البنت معه
ابو مشاري سكت وهو يقول : ي سهام تدرين وش قالي فيصل اليوم قالي كل شي بينكم وقالي بعد انه مو متقبلك وقال اشياء كثيره اكثر مما تتصورين وفوق ذا وعدني وعد اذا ربي كتب نصيب اديم بتكون لحالها عن مشاكلكم فلا تحكمين عليه من تصرفاته معاك والاكثر انك المفروض تفهمين شعوره وانا بعد وكلنا تذكرين وش موقفنا اول ما تزوج ابوي بعد وفاة امي كلنا ما تقبلنا وسوينا اللي مايتسوى هذا وحنا صغار ومازلنا مو قادرين نتقبل ابو نوره بينا وانتي تعرفين فلا تظلمين فيصل في هالشي
سهام نزلت راسها وبعدين قالت: هذا مو قصدي انا اقصد اديم ما راح تقدر تعيش معاه انا شاايفه شلون اهله مو قادرين يتصرفون معاه
مشاري : سهام كل شخص له اطباعه والراي لاديم واحنا اكيد بنسال وبنشوف ما رح نزوج واحد موب تمام
كانت بتتكلم مروى بس سبقها ابو مشاري وقال: لا احد يبت ويفصل في الموضوع القرار لأديم معك ي يبه وقت فكري فيه واستخيري وفي هالوقت بنسأل انا ومشاري عن الرجال وانتي تأكدي القرار لك لا احد يضغط عليك من اي جهه
وقفت اديم بهدوء وهي ما سمعت من اللي قالوا ابدا غير انها تدور براسها كل كلمات فيصل وقصصه وسوالفه ضحكته معاناته احزانه كل شي يدور قبالها دخلت غرفتها وسكرت الباب وهي ميقنه ان فيصل ناوي لها اشياء كثيره بتكسرها لكن كل شعور فيها يتجه لفيصل وكل عرق فيها صار ينبض بأسم فيصل جلست وهي ماتبي اي تدخلات من احد
كانت شخصية فيصل اللي تعرفها وشخصيته اللي يشوفونها الناس تتعاكس بعقلها وخايفه خايفه من انها تعيش بقسوة فيصل وتكرهه غمضت عيونها وانسدحت وهي ندمانه على الساعه اللي عرفت فيها ذا الخبر او حتى عرفت فيصل
ظيمنعظيمنع
ظيمنع
عند منى اللي كانت فرحانه ومبسوطه لفيصل اللي على حسب كلام ابوها انه لمسوا القبول منهم ولقت انها فرصه تقهر فيها ام رامي لانها ما تدري عن خطبه فيصل وقامت سحبت الجوال ودقت على وحده تعرف ام رامي وهالوحده نمامه وتحب الحكي ونقل الكلام وبلغتها عن خطبة فيصل وهي تشوفها مستعجله سكرت وهي تضحك على خيال ام رامي اللي جاء في بالها
ظيمنعظيمنع
ظيمنع
عند ريمان اللي استغربت ان عادل اليوم لا كلمها ولا حتى ارسل لها ولا حتى له حس سحبت جوالها وهي متردده ترسل له او لا فقدته لكن سرعان ما ترددت ورمت الجوال بتطنيش وهي تقول: فكه
نسرين: من مين
ريمان: وش تبين انتي
نسرين:متى حددتي زواجك ومن دون ما تقولين لنا
ريمان: محد له شغل مو كفايه غاصبيني عليه
نسرين فقدت نفسها :انتي تراك تتبطرين على النعمه طيب احمدي ربك ان واحد مثل عادل التفت لك
ريمان وقفت بغضب:انا اشرفك واشرف عادل معك وقومي انقلعي لا ادق وجهك هنا
نسرين: بس عاد ذبحتينا بهمجيتك هاذي وبطلي تكلميني كذا والا وقتها ما بسكت لك
ريمان تقدمت وهي ناويه تضربها لكن وقفها دخول رائد:نسسسسرين
ريمان لفت وهي مستغربه ان النداء هالمره مو لها رائد تقدم بغضب وهو يناظر نسرين بغضب: عادل مثله مثل اي واحد وريمان كثير بعد عليه فلا اسمعك تقولين هالكلام وتقللين من وجود ريمان واياني اياك اسمعك تقولين كذا حزتها بيكون لي تصرف معك ما تعرفيني فيه وامشي من هنا وانت حافظه لسانك ..

..... 112 ....

طلعت نسرين ودموعها متجمعه في عينها لف رائد على ريمان وهو يبتسم لها: ما عليك منها كلام فاضي انت تشرفين كل واحد يعرفك لا تفكرين بكلامهم وركزي بحياتك وعيشيهاا بعرض وطول
ريمان اللي كانت تحب رائد اللي مهما قسى الا انه احن واحد هزت راسها بهدوء: لا تخاف محد يهمني
رائد: شوفي ي ريمان وتأكدي ان عادل رجال كويس ومافيه منه عشان كذا انا ساكت ومأيد زواجك منه ولو احس مجرد احساس انه مايناسبك بقوم الدنيا خذيها وعد من اخوك
ريمان :ماتقصر ي رائد انت اكثر واحد اثق فيه هنا
رائد قرب وهو يبوس جبينها وطلع من جيبه علبه صغيره فيها تعليقه ذهب حلوه وهاديه ومده لها :هاذي هديه لك بمناسبة خطبتك ادري متاخره بس انت عارفه الحاله اللي مرينا فيها
ريمان لاول مره تحس بالاهتمام ماعرفت وش تسوي الا انها تصد وهي تحس بدموع بعينها
ابتسم رائد:ماله داعي تقولين شي وصل جوابك انا جيت اتطمن عليكم وبرجع
ريمان:الله يستر عليك
طلع رائد وهو متطمن لحياة ريمان مر وشاف ابوه جالس هو ومحمد :هاااه كنها عجبتك الجلسه برا البيت تبي الفكه منا
رائد تنهد بضيق: محمد مو شغلك
محمد :الا شغلي انت مالك شغل الا تجي وتقوي راسها علينا وتمشي والا تحرضها
رائد لف بيطلع وهو متجاهل محمد اللي يعتبره منافق ومعقد بس وقفه صوت ابوه : مالك نيه ترجع البيت
رائد لف بهدوء على ابوه توجهه له وهو يبوس راسه: بيتك عامر يبه بس البعد احسن
ام محمد :ليش ي حبيبي ليش ارجع وريح قلبي
رائد:انا كذا بخير يمه لا تخافين وكل يوم بمرك
ام محمد :انتبه لنفسك دخيلك يمه
محمد :والله لو مهاجر
ابو محمد:محمد اجلس بعقلك والا روح لمرتك احسن
رائد برد قلبه في محمد وابتسم بأستهزاء وقال:فمان الله
محمد وقف بعصبيه:كذا يبه كذاا هاذي سواتك فيني قدام ولدك هالقليل الادب
ابو محمد :ااااااصصصص وقص صوتك ما يرتفع علي وانا هنا راعي البيت اللي مايحترمني لا يجيني
طلع محمد وهو يتوعد ومحد متعذب الا ام محمد
ظيمنعظيمنع
ظيمنع
عند ام رامي اللي كانت منسدحه بالصاله وتقلب بهالتلفزيون رن الجوال وسحبته: هلاا ي سعيده كيفك
سعيده: هلا ي ام رامي تمام وانتي وش مسويه
ام رامي :ابد جالسين
سعيده: اجل كذا ي ام رامي لاحس ولاخبر تخطبون لفيصل ولا تقولون
ام رامي فزت وجلست : وشووو لا ي حبيبتي فيصل ما خطب
سعيده: ويي لا ي عيوني خطب وخطب بنت ابو مشاري اجل ما قالوا لك غريبه مع ان فيصل ما يخبي عليك شي
ام رامي انجلطت: مييين من خطب
سعيده: خطب بنت ابو مشاري بنت اخو زوجة ابوه
ام رامي صرخت: لا ي قلبي اشاعه اشاعه فيصل ما يخطب هالاشكال
سعيده :لا ي عيوني خطب وهالكلام اكيد من عمته منى
سكرت ام رامي بوجهها وقامت وهي ما تشوف قدامها :ووووسسسسسسن ي ملعونة الوالدين جيبي لي عبايتي
وسن انفجعت : وش السالفه يمه
ام رامي :انقلعي اهوووه جيبي لي عبايتي
ركضت وسن وجابت العبايه اخذتها ام رامي وهي معصبه وطلعت وقفت اول تاكسي وطارت لبيت ابو عادل
ظيمنعظيمنع
ظيمنع
عند فيصل وصل البيت وشاف ابوه ونواف بالمطبخ يصلحون العشاء طلع وتركهم اتجه لغرفته ورمى نفسه وهو يخطط كيف يسوي المستحيل عشان يتزوج اديم ويكسر خشمها وخشم سهام
ومع تفكيره غفى بتعب بدون ما يحس بنفسه
مع معمعة الاحداث حس بأحد يصحيه فتح بشويش وشاف امه ايييه ايييه امه فز وهو يقول :يمه
امه : ليش ي فيصل ليش تسوي كل ذا انا ربيتك على الظلم يمه
فيصل :يمه انا ما ظلمت احد
امه : ظلمت وبتظلم
فيصل :لا يمه لا انا جالس اخذ حقك حقك اللي الكل يدوس عليه
امه: بس مو بهالطريقه
فيصل :كيف اجل كيف دليني
فز من حلمه على صراخ وهوايش ناظر بصدمه وهو يدور امه بين الزحمه ماشاف الا ام رامي واخوانه وابوه ومنى
ام رامي :كذا ي ي فيصل كذا خونك وبعت خالتك حتى ماكلفت نفسك تقولي تستشيرني ومين رايح تاخذ تاخذ بنت اللي هدموا بيتكم هذا العشم فيك ي ولد فدوى
ابو عادل :بس عاد هذا مو شغلك الين هنا وبس
ام رامي :انت خلك على جنب ي ×××
منى: قص يقص لسانك ياللي ما تستحين
عادل :خااله وش هالحكي هاه وش هالحكي
ام رامي :اقول وخروا مالي كلام معكم انا كلامي مع فيصل عضيدي اللي ما توقعت يخذلني هذا فعل تسويه بنفسك هذا لكن انا متاكده انك مسحور اكيد ساحرينك اكيد
فيصل غمض عيونه بقوه وهو ماله خلق كان يسمع هواشهم وازعاجهم وصراخ خالته كل ذا ماهمه همه الحلم اللي زعزع ثبوته
وقف بهدوء وهم يناظرونه: خلصتوا

.... 113 .....

الكل صار يناظره فيصل : اطلعوا واتركوني بحالي حياتي تخصني انا ما تخص غيري واذا قلت بتزوج بتزوج لو يوقف العالم كله بوجهي توكلوا على الله
ام رامي : نعم وش قلت وش قلت لا انت مانك فيصل لاا
منى: وش تبين انتي وش دخلك تراك حي الله وحده من برا
عادل : ي ناس تعوذوا من ابليس مو وقت هواشكم
فيصل صرخ وهو يسكت الكل : اطلعوا براااااا
ام رامي:هين هيييين ي فيصل اعرف واعلم اني لا خالتك ولا اعرفك اذا تزوجت هال....
طلعت ام رامي وهي تهاوش وتصارخ ولا بقت ولا تركت كلمه
منى: في..
قاطعها فيصل وهو يلف لهم ويهمس بقمة الغضب : اطلعوا برا محد له شغل فيني
عادل :انت خير خير وش صاير احترم عمتك احسن لك
فيصل :عادلوه مالك شغل خلاص ضف وجهك مو ناقصني انت بعد
ابو عادل :فيصل الظاهر انك نسيت وشو الاحترام ونسيت وشو التربيه
فيصل لف بضيق وهو يسحب مفتاحه:لا ما نسيت وانا اللي بطلع زين والواحد في ذا البيت ما يعرف يعيش
نزل وهو يتحلطم ويسب ويلعن عادل : يبه اذا ماشفت له حل قسم بالله لافتري فيه
ابو عادل :بس عااااد ذبحتوني وش صاير لكم كل واحد شاد حيله بالثاني تعبتوا قلبي فيصل خبل ما عليه شرهه الشرهه عليك انت الكبير
عادل: اي شرهه يبه ولدك جالس يخبص والله يستر منه
منى: بس انت خف على اخوك وش يخبص وش يسوي هاه يقولك حب البنت وبعدين احمد ربك انه ما جاب لك المسعده بنت خالتك
عادل: صدقوني بتندمون صدقوني
طلع عادل هو الثاني ودخل غرفته وصفق الباب
منى:حشى انجنوا انجنوا وقضوا
ابو عادل :وتقولين طول بالك هذا والبنت باقي ماجت البيت
منى: الله يستر الله يستر وحسبي الله على هالسوسه
ابو عادل :ان الله وانا اليه راجعون
ظيمنعظيمنع
ظيمنع
عند عساف ورائد الي كانوا بالشقه رائد ابتسم لعساف اللي كان سرحان وهو يناظره: ما توقعت اني جميل لدرجة انك تسرح بوجهي
عساف ضحك بضيق :مالت عليك اي جمال ي ابوي انا اذا مهموم اسرح بوجهك
رائد:ههههههه حلوه واذا مبسوط
عساف :اسرح بنفسي
رائد:ههههههههه بعد حلوه لكن المهم بأيش مهموم
عساف كان نفسه يكلمه عن موضوع : بصراحه عندي موضوع نفسي اكلمك فيه مدري وش بتكون ردة فعلك بس
رائد ترك اللي بيده وقام جلس جنبه : خير وش فيه
عساف :انا ..
انقطع صوته بدق الجرس رائد:دقيقه خلني اشوف من ذا اللي كسر الجرس
اتجه للباب وفتحه وشاف فيصل اللي واضح انه معصب وازاريره مفتوحه وزقارته بيده
عساف :فيصل وش حصل
فيصل : ولا شي
رائد:وش اللي ولا شي شايف منظرك انت
عساف : رفضوك
فيصل :لا
عساف:اجل
فيصل تنهد تنهيده طويله : ياخي جاي على بالي احرق عايلتنا كلهم وافتك منهم الواحد يعيش وحيد ارحم له
رائد:هههههه وش السالفه هالمره
فيصل : وش غيره هالزواج اللي كل واحد يفتي فيه من جهه وصاحب الامر بس يتفرج ويفكك مشاكل
عساف : وغريبه صاحب الامر ساكت
فيصل :غصب علي ان تكلمت قالوا نيتك سوداء وان سكت قالوا بعد نيتك سوداء
رائد:من الجديد فالسالفه
فيصل:عادل خالتي عمتي الكل
رائد : يعني تبي تعطيهم عذر ي فيصل انت هدفك صعب مالقيت الا اعدائك تطيح عليهم
فيصل نسى نفسه:وش في يدي انا مسير انا مسير
رائد:مو مشكله خلك هنا لين تنسي السالفه
فيصل مسك راسه بألم:وفوق هذا احلام وكوابيس
عساف : بسم لله تعوذ من ابليس وقوم غسل وجهك على ما نجهز القهوه ونروق
فيصل مد يده وهو يطفي الزقاره وكان فعلا ضايق لف وانسدح على رجول عساف : سوي لي مساج
عساف :تأمر امر كم فيصل هنا
رائد وقف :انا اصلح القهوه
راح رائد يصلح القهوه وتكلم عساف بهدوء : باقي مصر عليها
فيصل :حلمت بأمي ي عساف حلمت فيها تعاتبني على اللي اسويه
عساف :لا اله الا الله بس انت جالس تاخذ حقها
فيصل :والله قلت لها بس ماردت
عساف تنهد وهو اللي تفكيره نفس تفكير فيصل : ماردت هذا انت قلتها وبعدين انت معاد يمديك تنسحب مادام خطبتوا اذا رفضوا منهم واذا وافقوا الله يعينك تكمل طريقك
فيصل :اوف انا ماني عارف وش اسوي بنفسي
عساف :هونها وتهون
تنهد فيصل وهو يرحع يسكر عيونه
ظيمنعظيمنع
ظيمنع
عند ام رامي وصلت ورمت عبايتها وجلست وهي تضرب اخماس بأسداس ومقهوره قلبها مقهور:حسبي الله عليهم حسبي الله ماكان لي الا فيصل سحبوه في جهتهم بعد
وسن : وش فيك يمه
ام رامي : اذا ما خربت عليهم ما اكون ام رامي
وسن :وش صاير يمه
ام رامي:فيصل خطب
وسن صرخت:وشششششو
ام رامي : سمعتي سمعتي خطب ويوم جيت احكايه قال حياتي ومحد له شغل فيها

.... 114 .....

وسن انهلت دموعها:لا لا يمه فيصل لي لي انا يمه كيف يروح
ام رامي بحمسه : رااااااح رااااح لكن اوريهم اذا ما رجعته لك ما اكون امك
وسن جلست وهي تنوح وتبكي وام رامي تتهدد وتتوعد وتدعي انهم ساحرينه
ظيمنعظيمنعظيمنع
ظيمنع
عند اديم اللي بعد نوبة بكاء واستخاره للحين متردده وللحين خايفه وللحين روحها مو متقبله موضوع الخطبه تنهدت وهي تشوف فيصل هو الثاني مختفي ماعرفت وش تسوي سمعت سهام تدق الباب وردت عليها بتعب :سهام الله يخليك مابي اي زياده خليني بحالي
سهام: بس كذا ما يصير
اديم :خلاااص خلاااص
سهام:زيين زيين لكن لا تضعفين وتوافقين
اديم طنشت تعبت من كثر مافكرت سحبت جوالها وهي محتاجه لوجود فيصل عشان تعرف قرارها الاخير صورت سنابه وهي تقول ( ‏حتى و أنا حزني الليله .. معنيني
‏ماني بـ محتاج حاجه قد ما أحتاجك)
رمت جوالها وهي ترجع تعيد وتفصل بالامر ونفسه
ظيمنعظيمنع
ظيمنع
عند فيصل اللي جاب رائد القهوه وتقهوى وروق شوي وقف لما تذكر حنين : بطلع اتمشى شوي
عساف:خلني اجي معك
فيصل:لا لا بجلس شوي لحالي
عساف :براحتك
رائد:انتبه لنفسك
اشر له فيصل بمعنى( زين ) وطلع سحب جواله وهو يشبك السماعه وطلعت اغنية "ابيك بجنبي الليله" ابتسم بهدوء ودخل يشوف السناب شاف سنابتها وضاق زياده ورد عليها(‏âپ¦ عطني زعلك و ضيق صدرك و همك وخذ عمري ولو ان عمري لك . . مايجمل ‏!) اديم ردت بسرعه( طولت علي!)
فيصل حسها ضايقه وما حب يثقل عليها بعد بهمه ولا يبي يقولها عن الموضوع( انا اسف انشغلت شوي )
اديم ( بأيش!)
فيصل( خليني منا قولي وش فيك ترا قلبي اشغلني عليك )
اديم ( ضايقه!)
فيصل( افا بيعيني بزعلك )
اديم ( تسلم ي فيصل قدرك اعلى)
فيصل ( هاتي همومك وش فيك من فتره احسك مش ولا بد)
اديم ( مدري احس اني تايهه ي فيصل مدري وين اروح ابي اسألك لو خيروك بين عقلك وقلبك وش تختار )
فيصل فهم انه هو بلاها بس عباله انها خايفه انه يضرها( اختاري فيصل )
اديم انفجعت وارسلت بسرعه(!!؟ما فهمت)
فيصل ( ادري اني سبب ضيقك وانك تحسين بالذنب من الكلام معي لكن ي حنين انا بعترف لك ان محد عرفني كثرك وانا ادري انك تعرفيني اكثر مني لكن انتي وعدتيني ما تخليني وانا بعد وعدتك ما اضرك ومستحيل اضرك عقلك يرجح احيان بس انا اقولك كلمه قالتها لي امي " خليك ورى قلبك وبتعيشين ")
اديم سكتت بضيق : مو فاهم علي ي ربي ( واذا كان طريق قلبي مؤلم ويوجع )
فيصل ( كل شي يوجع نهايته حلوه صدقيني )
اديم ضحكت على عفويته ( الدنيا سهالات عندك )
فيصل( ي حنين الحياه وحده اذا ما عشتيها براحتك ما راح تعيشينها اذا راحتك بالبعد الله يسعدك واذا راحتك قريب اعرفي انك اقرب )
اديم غمضت وهي يتردد ببالها صوته ( كل شي يوجع نهايته حلوه) ( بطيعك لاول مره وذنبي برقبتك)
ضحك فيصل( ولا بتندمين )
اديم ( ان شاء الله ، قول انت وش كنت مشغول فيه طول اليوم)
فيصل( ولا شي خطبه احد الجماعه وحضرت معهم)
اديم عرفت نيته من زواجه منها( اها الله يبارك له )
فيصل ( امين )
كان فترات سكوت كل واحد يحاول يعترف بكذبته لثاني فيصل مخبي خطبته واديم مخبيه اشياء اكبر من فيصل لكن هاجس انهم بيخسرون بعض مانعهم قطع الصمت فيصل ( حنين ،انتي هنا )
اديم( قريبه بس افكر )
فيصل ضحك ( بأيش)
اديم ماردت عليه مباشره وصورت سناب وعلقت( ‏الحب مدري ذنب والا عباده ،،ملامحه شرحه وهو غامض احساس
‏،،يوقّفك بين الحزن والسعاده،،، ‏ويغيّرك لين تغير على الناس)
رد عليها فيصل (الحب نعمه وانت نعمه من الله )
جواب فيصل اختصر اشياء كثيره عليه وعلى اديم اللي خلاص اتخذت قرارها وانتهى الموضوع سكرت جوالها ووقفت وهي تتوضي وتصلي ركعتين تثبت فيها سلمت وهي مبتسمه ودعت ربي انه يكون معها واتجهت لسريرها وهي تحتري بكره
فيصل اللي قدر وضعها ووضعه وانسحب بهدوء ورجع لشقه العيال
ظيمنعظيمنع
ظيمنع
عند العيال بعد طلوع فيصل رائد:عساف قبل لا يجي فيصل قلت تبيني بموضوع
عساف تردد :ايه بسألك اذا اعرف في مستشفى ال .. احد
رائد:ليش
عساف صرف الموضوع:لي اوراق هناك بشوفها
دخل فيصل بهدوء: سلام
الكل :عليكم السلام
فيصل اتجه الغرفه:انا بنام لا احد يصحيني
دخل وسكر الغرفه ورمى نفسه بتعب ونام
رائد:انا ماني فاهم شي من حياه هالادمي
عساف ابتسم بركاده:لا تفهم الا انك تدعي له بالتوفيق انا احيان احتار فيه
رائد :الله يعين ظيمنعظيمنع

.... 115 ......

جاء بكره اللي اغلبهم ينتظرونه كان فيصل ينتظر لانه بدا يخاف ويتردد من زعل امه وقرر انه ما يصر عليها وصار يتمنى انهم يرفضون ويرتاح
واديم اللي كانت تنتظر بكره عشان تعلن موافقتها لفيصل وتكون معاه بكل التفاصيل
اما عادل اللي كان ينتظر بكره عل وعسى يتغير شي من حياته لانه بدا يتضايق ويفقد صبره
اما ريمان اللي كانت تنتظره عشان يجي شي من عادل خصوصا انه امس ما ارسل ولا رساله ولا تكلم معها ولا تدري وش فيه
عساف ورائد اللي كان بكره ما يفرق معهم الا بخوفهم على فيصل اللي احتمال بهالخطوه ينهي كثير من الاشياء
اما مشاري وابو مشاري اللي ابتدوا جولتهم في السؤال عن فيصل و واغلب الاجوبه مرضيه
سهام اللي كانت شاده حيلها في اقناع اديم بالرفض لكن محد معطيها فرصه
ابو عادل كان محتار في عياله اللي كل واحد بمشكله وبهم غير الثاني مايدري وش يسوي معهم
اما منى وام رامي اللي كان حقدهم على بعض ناري ومحد منهم مستعد يسكت لاحد
ظيمنعظيمنع
ظيمنع
عند اديم اللي طلعت للجامعه من بردي وهي ماتبي تتقابل مع احد كانت رايحه بس كذا هروب كانت تمشي في الهواء البارد وهي شاده جاكيتها عليها وشابكه السماعه وهي تردد مع كلمات الاغنيه (أواه يا قلبٍ عليل تعلَّقت
(أواه يا قلبٍ عليل تعلَّقت
‎في حب منهو بالنواعس فتني
‎حاولت عيني تمتنع ما تملكت
‎حبه مَلك قلبي وفكري وظني)
كان مع كل نسمه تمرها يمرها كلمه من كلمات فيصل وذكرى بعد طاحت عليها قطرات مطر ابتسمت وهي تبتسم لفكرة ان من بعد اليوم بيصير فيصل يشاركها بأقل التفاصيل اشتاقت له حيل اشتاقت لصوته وابتسامته سحبت جوالها وصورت وهي تعلق (‏حالة أشتياق هادئة لـ تفاصيلك الجميلة كـ احاديثك العفوية وعيناك الواسعة وصوتك الذي يشبه هطول المطر ��) ظيمنعظيمنعظيمنعظيمنع
فيصل اللي كان جالس بأحد المقاهي وهو منفرد بنفسه وغرقان بتفكيره فاجأه قطرات المطر رفع راسه وهو مبتسم وهو يحس بالمطر يرشرش عليه تنهد وهو يدعي ربه يختار الخير لف على صوت العامل جايب القهوه اخذها وهو يحس بشوية رضا أخذ جواله وشاف سنابة حنين (اديم) ابتسم وهالمره من كل قلبه وصور قهوته والجو وهو يعلق ( ‏ما يروّق بال معشوقك ولا يحلاله :
‏غيرك انتي والمطر والقهوة التركيّة)
جاه الرد سريع من اديم الله كانت ناسيه كل شي ومع فيصل ( قولها بصوتك!)
فيصل ابتسم ( ما تكفي كذا )
اديم ( قلنا مطر)
ضحك فيصل وفهم قصدها من رسالتها صور فيديو وهو يقول نفس العباره ضحكت اديم وهي تعيد وتزيد بالفيديو
فيصل( وين رحتي )
اديم ( اسمع الفيديو )
فيصل(ههههههه اتركيه الحين وتعالي نسولف من زمان عنك )
اديم ( وينك انت بالجامعه)
فيصل( لا مالي خلق اليوم احس كذا بجلس لحالي)
اديم( مدري وش صاير لنا انا اليوم بعد بالجامعه بس ماقلت لاحد مداومه كذا )
فيصل ضحك( هروب يعني)
اديم(هههههه ايه)
فيصل(وانا بعد رايح المقهى كذا بس قولي لي وش اللي تهربين منه)
اديم( مابي ازعاج احس اني صرت احب الهدوء )
فيصل( والله انا باقي ما وصلت لهالحاله)
اديم تنهدت :بتوصلها اذا عرفت اني اديم ( لا تستعجل بالطريق لك)
كملوا سوالف وكل واحد منهم يحكي لثاني تفاصيل يومه الهادي بس كل واحد محافظ على كذبته
ظيمنعظيمنع
ظيمنع
في مكتب ابو مشاري دخل مشاري وهو مبتسم:صباحك الخير يبه
ابو مشاري :صبحك بالنور تعال تعال قول وش عندك
مشاري: ابشرك كل خير اليوم من بدري طلعت اسال عن فيصل ومثل ما توقعت كل شي فالسليم رجال ونعم والكل يمدحه ويثني عليه
ابو مشاري ابتسم براحه: وانا بعد اتصلت ولقيت نفس الردود بس قالو عيبه هي الجامعه
مشاري :الرجال يشتغل الحين وشغله مضمون وابوه وجده ماعليهم قاصر
ابو مشاري :وانت صادق لكن باقي اديم ورايها
مشاري :لو تفتك من شوشرة سهام احسن
ابو مشاري:الله يكون بعونها المهم تسهل لشغلك وانا اخلص عشان نطلع البيت بدري
مشاري :ان شاء الله
طلع مشاري وتنهد ابو مشاري وهو يدعي ربي يكتب فيصل من نصيب اديم ..
ظيمنعظيمنع
.
عند ام رامي اللي كانت تدق وتدق على فيصل بس ما يرد عليها دقت مره واثنين وثلاثه محد رد حولت على عادل اللي مارد الا بعد مكالمتين : هلا ي خاله
ام رامي :اي خاله هااااه وانتم خليتم فيها خاله ضاربين فيني الجدار لا احترام ولا تقدير ولا حتى تقولون لي عن اخباركم اعرفها من الاغراب
عادل غمض عيونه وهو يقصر صوت الجوال : ي خاله الموضوع مو مثل ما انتي مفكره
ام رامي :شلون يعني

17 - 1 - 2022, 03:57 AM

.... 116 ....

عادل : افضل انك تسمعين من فيصل
ام رامي صرخت:وفيصل وينه ما يرد ولا يتكلم
عادل :هذا الموضوع بيد فيصل اذا بتناقشين فيه احد فهو فيصل
ام رامي :طول عمرك ××× مثل ابوك فارق اهو
سكر في وجهها وهي تسب وتلعن سمعت صوت الجرس وصرخت: وينك ي زفت انتي تعالي افتحي الباب
راحت وسن تفتح وهي ضايقه لكن سرعان ما تبدل حالها اول ماشافت فيصل :فيصل
فيصل كان صاد ومنزل راسه :وينها خالتي
وسن:اترك خالتك كلمني انا ليش تسوي فيني كذا ليش مو حرام
فيصل : وسن ابعدي ماني متحملك انتي بعد
ام رامي :مين عند الباب ي زفت
فيصل تقدم ودخل لها : انا ي خاله
ام رامي : شرفت ي استاذ شرفت ي ولد اختي ي عضيدي
جلس فيصل وهو يتنهد : خير ي خاله وش ذا الاسلوب وليش هالعصبيه
ام رامي : تقولها بكل برود تقولها ما تدري وش صار عشان اعصب
فيصل :وش صار
ام رامي : رايح تخطب هال××× وفوق ذا ادري من اغراب كذا هنت عليك
فيصل :ماهنتي ولا شي واصلا للحين ماصار شي وباقي الناس ما ردوا علي اذا اوك او لا و
ام رامي :وليش اصلا تخطبها
فيصل كان بيقولها بس خاف انها تفشي عليه وتخرب سكت شوي وقال : حبيتها
ام رامي ووسن مع بعض:ايييييش وش قلت
ام رامي :انت انجنيت اكيد انجنيت مستحيل تكون عاقل
فيصل قرر انه يحتفظ بهالسر : لا ما انجنيت وهذا قرار يخصني انا ولي الحق في اني اختار زوجتي
ام رامي : يعني انت جالس تقولي مالك شغل هااه
فيصل : ي خاله انتي على عيني وراسي من فوق لو تبين عيوني لك عيوني واللي تطلبينه امري وتم ولا بخليك لكن مواضيع حساسه زي هاذي اتوقع انها تنتمي لي لحالي
ام رامي صدت وهي حاقده : ما دام كذا ي فيصل لا اني خالتك ولا اعرفك طال ما هي براسك
ام رامي لوت ذراع فيصل بذا الطريقه نزل عينه وهو يحاول يتجاهل كلمتها بس ما قدر وقال : ممكن تسمعيني ولا تعدبيني بقولك هذا
ام رامي :انت قلت انا قلت ومعاد ابي اسمع اكثر ي خساره ي ولد اختي كنت احسب الكل يطلعني من حياته الا انت بس ليتني ماشديت العزم فيك
فيصل :خاله تأكدي ان زواجي من اديم له غايه وبتعجبك وتاكدي اني ماخذلتك
ام رامي ووسن سكتوا وهو يناظرون فيصل تكلمت ام رامي بشك:وش قصدك
فيصل :اللي فهمتيه
قرب وهو يبوس راسها وطلع وسكر الباب بهدوء ام رامي ووسن جلسوا يناظرون مكانه بصدمه :وش قصده
ام رامي:مدري بس اكيد بيوريها الويل واكيد سوا كذا عشان سهام
وسن : تهقين يمه
ام رامي جلست بتفكير: هذا مفهوم كلامه
جلست وسن اللي اطمأنت شوي وبدأت تهدا
ظيمنعظيمنع
ظيمنع
عند اديم اللي رجعت للبيت وشافت اهلها متجمعين بما فيهم عمها ابو نوره وبناته (اوووووووف كانوا ناقصيني اووف ) :سلام
الكل :وعليكم السلام
راحت تسلم بهدوء وهي تحاول تتحاشى المداخلات
ابو مشاري :تعالي ابوي اجلسي هنا بجنبي
ابو نوره: عاد انت بطل دلع البنت كبرت وبتتزوج وانت كذا تكلمها تخربها على الرجال
ابو مشاري تنهد : بنتي بدلعها لو هي كهله ومعها عيال
سهام بنظرات قويه لابو نوره: اي ي اخوي لا يهمونك العذال
ابو نوره: انتي اسكتي لا تخليني اقوم اسوطرك
سهام:ومين انت عشان تسوطرني
ابو مشاري: بس ي ناس بس احنا مجتمعين ننبسط والا نتهاوش
ام مشاري :تعوذوا من ابليس
ام نوره بكلام موجه لسهام:ابليس بينا ما يحتاج
مشاري :اديم هاه عساك فكرتي
سهام:مشاري لا تستعجل اختك
مشاري : اديم عقلها براسها وتعرف وش تبي
ابو نوره:اصلا وشو له تتزوجون هذاك المستخف المتكبر
ابو مشاري :اذا ربي كتب نصيب بياخذها
مشاري :والله انا وابوي نفضنا الدنيا حوله الكل يمدح فيه ورجال وسيد الرجال مافيه الغلطه والقرار راجع لك
اديم اللي كانت تحس بحراره بجسمها ولاهي قادره ترد
نوره:اديم شكلها ماتبيه
نرجس :اي واضح
اديم رفعت راسها وهي تناظر بسخريه وهي فاهمه مغزاهم وحسا بغيره قالت بدون شعور: فكرت يبه وانا موافقه مادامكم سألتوا الموضوع انتهى
سهام وقفت وهي معصبه:اديييييييم اصحي
ابو مشاري :سهاااااام خلاااص
اديم وقفت ومسكها ابوها:اديم ابوي انتي متأكده لا تخلين احد يضغط عليك
اديم :متاكده يبه توكل على الله
طلعت وهي تحس برجفه بعظامها دخلت الغرفه وقفلت الباب وهي تسمع سهام تركض وراها وتدق الباب :اديييييم افتحي الباب ي مجنونه اديييييييم
مروى: سهام انتظري شوي اديييم افتحي
اديم : سمعتوا ردي مابي احد يناقشني
سهام:اديم ي غبيه انتي اكثر وحده تعرفين وش يصير معي ليه بترمين نفسك كذا ليه لا يكون صدقتي انه يحبك ..

.... 117 .....

اديم كانت تسمع ردهم وهي تغسل وجهها مره واثنين وثلاثه طنشتهم واتجهت لسريرها وهي تتغطى حطت السماعة بأذنها وهي تتجنب اصواتهم وانغمرت بتفكيرها
اما سهام اللي كانت بتتفجر من العصبيه نزلت لابو مشاري : ابو مشاري تعال ابيك
ابو مشاري قام وهو يدري بردها وكلامها بس مايبي يكسر بخاطرها:نعم ي سهام
سهام:ي اخوي دخليك لا تاخذ بكلامها هي انقهرت من نوره ونرجس وقالت كذا والا هي ما تبيه وهي قالت لي عشان قولك
ابو مشاري:سهام لوين بتوصلين قولي لي اديم لو عندها كلام قالته لي وتعرفينها ما تراهن على نفسها
سهام:بس هالمره بتراهن دخليك لا ترميها هالرميه فيصل مو كفو والله بيذبح بنتك والله
ابو مشاري : بطلع لها واكلمها واشوف
طلع ابو مشاري دق باب الغرفه وطولت اديم لين فتحت:اسفه يببه بس كانت السماعه بأذني
ابو مشاري مسح على كتفها: ماعليه تعالي سكري الباب وتعالي
اديم ارتعشت وهي تسكر الباب جلست بهدو وهي تناظر يدها: امر يبه
ابو مشاري: اديم يبه انا جيت ابي اسمع ردك للمره الاخيره بدون اي ضغوط لا تهمك سهام ولا بنات عمك ركزي في نفسك وقولي لي استخرتي وقررتي وش هو قرارك
اديم حست بغصه وهي تقوله هاجمتها دموع خوف من حياتها الجايه مع فيصل : ايه يبه قررت واستخرت وانا موافقه
ابو مشاري :اكيد
اديم :اكيد
وقف ابو مشاري وهو يبتسم ونزل يبوس جبينها:الله يكتب لك الخير ي ابوي وتاكدي اني مستحيل اسلمك اي واحد فيصل رجال وهو قالي واعترف انه شافك بالغلط وحبك تكونين له زوجه وتجاهل اشياء كثيره بينه وبين سهام عشانك
اديم غمضت بقوه وهي تشد على يدها كان نفسها تصدق هالكلام بس للاسف
طلع ابو مشاري وسكر الباب ومن هنا انهارت اديم تبكي
نزل ابو مشاري وهو مبتسم ابتسامة رضا وقف مشاري : هاه يبه
ابو مشاري :عطني جوالي بكلم ابو عادل
مشاري :الحمدلله
دق ابو مشاري على ابو عادل وبلغه بالموافقه وقاله يحدد يوم لشوفه والملكه
الكل كان مبسوط الا ابو نوره وبناته وزوجته
طلعت ام مشاري وهي مبسوطه لاديم صح كلام سهام مو مريحها بس فرحت لبنتها وطلعت معاها مروى وسهام ورويده دخلوا على اديم اللي بالقوه تماسكت وكانت تغسل
ام مشاري وهي تزغرط:مبروك يمه
اديم ابتسمت بذبول وهي تضمها:يبارك فيك
مروى:مبروك اديم والله يختار لك الخير
رويده:مبروك ي روحي وربي فرحت لك
اديم :يبارك فيكم
سهام:يعني طنشتي كل شي وبتتركين نصيحتي
اديم :سهام استخرت وارتحت وابوي يقول رجال ومشاري بعد
سهام : صدقتي انتي كل هذا تزييف اديم بتندمين ي اديم
سكتت اديم وقالت: انا فوضت امري لربي وهو يختار لي الخير
سهام: قصدك تقولين ماهمني رايك
اديم :لا مو كذا بس
سهام طلعت وهي معصبه سحبت جوالها وهي تدق على ابو عادل يجي ياخذها جلست اديم وهي تهز راسها بضيق
رويده:ماعليك اديم ما دامك مرتاحه ماعليك
اديم :بس انا مابيها تزعل
ام مشاري :بترضى لا تخافين وهي اخذه موقف بس وان شاء الله يمه ما تشوفين الا الخير
سكتت اديم وهي تحضن امها بضياع
ظيمنعظيمنع
ظيمنع
في بيت ابو عادل اللي كان خايف انه يفرح ويكسره فيصل لما يتحقق من نيته السيئه اتجاه البنت بس مع ذلك ما منع انه يفرح دخل فيصل ومعاه نواف جايبه من المدرسه ومنى معاها الغدا
ابو عادل ابتسم لفيصل:تعال تعال مبروك ي عريس مبروك
فيصل لف بقوه وهو ينزل الاغراض وابتسم:وشو على ايش
ابو عادل :وافقوا تو ابو مشاري مقفل
فيصل ضحك برعب وفرحه:من جدك يبه
منى نزلت الاكل وهي تزغرط قربوا كلهم يسلمون على فيصل وهو مرعوب اكثر من انه فرحان نزل عادل على الاصوات :خير وش فيكم
منى:تعال تعال بارك لفيصل وافقت البنت
عادل سكت شوي وبعدها نزل لفيصل وهو يقول :مبروك
فيصل بتحفظ :يبارك فيك
ابو عادل : قالي ابو مشاري حددوا الوقت اللي تبون لشوفه
منى: مالها داعي الشوفه دام فيصل يعرف البنت
ابو عادل :لا لا ضروري الشوفه وش يقولون عنا الناس
فيصل بهدوء : ليش ما نخلي الشوفه والملكه بنفس اليوم
منى : ايه كذا احسن
ابو عادل : مادام كذا خلونا نجتمع عند ابوي ونحدد يوم للملكه
فيصل كان يحاول انه مايناظر بعادل اللي ياكله بعيونه اما عادل اللي كان يبي يتأكد من نية فيصل وللحين ما وضح معاه شي
نواف : الله ي فيصل بيصير عندك مزه
ابو عادل طارت عيونه : نواف وش ذا الحكي
فيصل انفجر ضحك على نواف اللي كان يقلده بالكلام
منى سحبت فيصل من اذنه: وجعععع كله من دروبك انت خربت الولد
فيصل: هههههههه وش اسوي ي عميمه قلبي خضر ..

.... 118 .....

منى: من اليوم ورايح ماعاد فيه قلب خضر خلاص
ضحك فيصل وهو يبوس يدها: من عيوني انا
ابو عادل:نواف اسمعك تقول كذا بغسل شراعك
نواف :ليه يبه
ابو عادل : بس يالله اطلع بدل هدومك وانزل للغدا
فيصل انسحب قبل لا يهاوشونه زياده :انا بعد بطلع ابدل
ابو عادل :خلك هنا ابيك
فيصل ميل فمه بضيق : ابشر
طلع نواف ولف ابو عادل على فيصل: فيصلوه هالحركات تبطلها وتنساها بالمره سامعني ونواف يقلدك بكل شي اضبط امورك
فيصل :ابشر يبه
منى: يلا يلا خلص بدل وتعال لا تطول
فيصل :ابشري
طلع ركض لغرفته وهو يزفر بضيق نزل ثوبه وهو يفكر وش بيسوي بهالمصيبه بس كعادته رمى الذنب عليهم وهو يقول : تعيد غلطة عمتها وتستاهل
ظيمنعظيمنع
ظيمنع
عند عادل اللي كان مقهور من ريمان اللي ما فكرت حتى تقوله وين الغيبه وين الناس وش صار عليك كان مقهور لدرجة ان قهره واضح بطريقة اكله
ابو عادل :عادل وش فيك
لف عادل بهدوء: ولا شي
ابو عادل: كأنك معصب
عادل :لا
ابو عادل طلع مفتاح من جيبه ومده لعادل : بما انك حددت زواجك هذا مفتاح الجناح االلي فوق بتسكن فيه لك كامل الحريه تغير تعدل تبدل فيه واللي ينقص عليك عندي
اخذ عادل المفتاح : الله يعطيك العافيه يبه
ابو عادل :فيصل انت اذا تملكت وحددت زواجك بعطيك مفتاحك
فيصل :زين يبه
ظيمنعظيمنع
ظيمنع
ريمان اللي كانت شبه مهتمه لكن ماودها تعطي عادل اهميه ويغلبها كانت كل فتره تدخل تشوف ظهوره وتشوف سنابه بس مختفي تنهدت بضيق وهي تلعن الساعه اللي عرفت عادل فيها
ظيمنعظيمنع
ظيمنع
العصر في بيت الجد كان ابو عادل وعياله عنده وحددوا يوم الملكه والشوفه اللي هو يوم الخميس يعني بعد اسبوع كان فيصل يحاول يسرع الامور بحجة انه يشتاق لها والكل مستغرب من حبه لاديم اللي كان مزيف
اتصلوا على ابو مشاري وحددوا اليوم واتفقوا ووصل ابو مشاري الخبر لاديم اللي كانت فيها فرحه داخلها غصه
الكل كان مبسوط وفرحان الا سهام اللي بتنجن من حماسهم وحماس فيصل المزيف واديم اللي طلعت الكل برا تفكيرها وركزت على انها تحاول تكسب فيصل
ظيمنعظيمنع
ظيمنع
عند اديم اللي كانت بغرفتها كانت قبال مرايتها وتناظر نفسها بدقه تبي تحصل طريقه او حل مع فيصل لفت لما حست الباب انفتح بقوه شافت روان واقفه ووجهها احمر نزلت اللي بيدها هي تقول :روان
روان تقدمت بغضب الدنيا :صح اللي سمعته
اديم :وش سمعتي
روان صرخت: لا تستغبين
اديم نزلت راسها : ايه صح
روان مسكتها وهي تهزها :انجنيتي انتي انجنيتي كنت حاسه انه بيوديك في ستين داهيه
اديم :روان انتظري وافهميني ي روان لا تصيرين علي مثلهم
روان: تكلمي وفهميني لاني احتمال انجن الحين
اديم جلست وهي تشرح كل شي بالتفصيل لروان
روان وقفت تحط يدها على راسها : يالله مستحيل مستحيل تكونين عاقله اديم اديم تقدرين تقولين لي وش بيصير فيك اذا عرف انك حنين وش بيصير اصلا اذا كنتي اديم ي بنتي والله والله ليوريك نجوم الظهر اديم تكفين غيري رايك والله خايفه عليك منه تكفين
اديم : ما اقدر ما اقدر حاولت بس ما قدرت والله حبيته والله يمكن من جد حبني يمكن تغير يمكن ايه شي احنا ظالمينه والله مو سيء والله
روان:مو سيء لناس مو سيء لاهله لكن لك بيصير شيطان رجيم انتي اكثر وحده تعرفين شره وحقده
اديم انهلت دموعها وهي تشد شعرها: مستعده اتحمل كل شي بس عشانه روان انتم ما تعرفونه ي روان
روان :اديم والله والله ما بيلتفت فيك والله بس بيطلع عينك
اديم : خلاص تكفين ي روان خلاص
روان وقفت وهي تبكي على حال اديم : اذا كذا اقولك من الحين صدقيني ما بترتاحين ولا تفرحين
اخذت شنطتها وهي تقول :وعلى فكره ماعاد اعرفك من عرفتي هالزفت وانتي متغيره
طلعت وهي تلبس نقابها نزلت وهي متجاهله نداء مروى اللي وقفت بإستغراب من الحال وهي حاسه ان فيه شي ما تدري عنه
ظيمنعظيمنع
ظيمنع
كان الاسبوع يركض ركض واديم اللي كانت تجهز وهي مستعده تتحمل كل شي بكل الانواع بس عشان فيصل وبتثبت للكل ان فيصل غير وانه مو سيء

اما فيصل اللي كان اخذ الوضع وناسه وسعة خاطر وتجربه وغير هذا يبي يوسع نظره كان رايح جاي مع عمته منى وهو يشتري الشبكه والهدايا ومنى اللي صدقت نية فيصل انه يحب اديم

عادل اللي كان طول الاسبوع قاطع ريمان وهو ينتظر تقدم منها بس للاسف وكان طول الاسبوع وهو معصب وضايق ..

..... 119 ....

ريمان اللي شافت صد عادل وكرهته زياده وحسته يلعب في مشاعرها ويتسلى ورجعت تعاند
ابو عادل اللي كان بين زعل سهام وفرحة فيصل ويدعي ان ربي يهدي الامور ويعديها
اما ام رامي اللي كان الشر بين عيونها وناويه الشر لاديم ووسن بعد
اما عساف اللي كان كل يوم يبي يتكلم مع رائد بس يتردد ويسكت
رائد اللي كان مع فيصل وعمته وكل يوم يضحك على هواشهم ومناقرتهم
ظيمنعظيمنع
ظيمنع
يوم الملكه كانت اديم بالصالون كانت هاديه وفيها فرحه ومتأمله ان فيصل بيكون غير عن اللي قالوه سحبت جوالها وهي تنزل فالسناب (‏مِنتظره لحظة لقَى،مِنتظره بعيُنك اتوه)
ماهي الا شويات وجاها رد من فيصل اللي كان مخلص كل شي عنده ومنسدح بالغرفه ع اساس يجهز شافته مصور الشباك وهو يقولو( ‏لا تزعلين ..
‏مهما يطول غيابنا ،
‏بنلتقي ولو بعد حين !)
ضحكت اديم بغبنه على حظهم مايدري انه الليله بيلتقي فيها
بعدت يد الكوافيره وهي تمسح دموعها
مروى:وش فيك
اديم: ولا شي اوجعتني عيني من المسكره
مروى:انا اجزم ان فيك شي اكبر
ارتبكت اديم : لا اله الا الله افتحي فمك بشي كويس
سهام:وهي ماكذبت
ام مشاري:خلصتوا ي بنات
اديم رجعت تستلم للكوافيره: يمه خلصتوا التجهيز بالقاعه
ام مشاري : ايوه خلاص تو جيت انا ورويده من هناك
اديم : زين يعطيكم العافيه
رويده:اديم فستانك جاهز هذا هو السواق جابه
اديم:اوك خلاص يعطيك العافيه
رجعت اديم لجوالها على رساله فيصل ( اخبارك اليوم)
اديم ( مبسوطه ي فيصل)
ضحك فيصل ( عسى دوم بس وش السبب )
اديم( ابد اليوم يوم يفرق معي )
فيصل(ممكن اعرف وش اللي فيه يفرق)
اديم ( لاني اليوم ايقنت وعرفت وش ابي )
فيصل ( اجل انا عارف وش ابي بس اني مطول )
اديم (هههههه وانا بعد مطوله )
فيصل ( طيب اسمعيني بقولك شي )
اديم ( وشو )
فيصل ( بقولك بصوتي حطي سماعات)
ضحكت اديم وسحبت السماعات وشبكتها وصلها من فيصل صوت فتحته وهي مبتسمه ( صحيح اني عرفت كثير بنات وليومك اعرف شفت اشكال والوان لكن عمري ما فز قلبي لوحده منهم ولا اثرت فيني لكن انتي جبتيني على وجهي لدرجة ان الحرف اللي تكتبينه يأثر فيني ضيقك وزعلك يأثر فيني يومي يتأثر بدونك حنين انا من كل قلبي اقولك اني فعلا احبك )
اديم ارتجفت من كلامه ومسكت قلبها وهي تدري ان الموضوع زاد تعقيد ماردت عليه نزلت الجوال بيد ترجف ووقفت وهي تقول انها بتروح الحمام دخلت بهدوء وهي تتماسك طلعت بعد عشر دقايق وهي تهدي رجعت تجلس بهدوء وهي تسكر جوالها بشكل نهائي ولا تبي ترد عليه
اما فيصل ترك الجوال وهو يحس خلاص كل شي يبي قاله واعترف بصراحه لانه يبي يأكد حبه لحنين قبل يدخل في حياه
جديده
ابتدا يلبس ويجهز وهو شعوره كله مع حنين ولا يحمل لهاليوم اي شعور نزل على صوت عمته اللي تزغرط وريحة العود وابوه وجده واخوانه كان مبتسم وكأنه رايح لملكة واحد غريب
منى :الله يبلغني وازف عيالك
فيصل وهو يبوس راسها :امييين
ابو عادل :يلا نطلع قبل نتأخر
فيصل :يلا
كانوا بيطلعون بس تأخر فيصل وهو يمسك عادل على جنب : عادل انا مابي اطلع من هالباب وانت زعلان وضايق مني
عادل :ماني زعلان منك بس خايف عليك من نفسك
فيصل ابتسم وهو يحضنه : لا تخاف ما راح اضر احد
عادل :ان شاء الله والله يوفقك ويبارك فيك
طلعوا وشافوا الكل متجمع طاحت عين عادل على ريمان اللي حافظها شافها صاده عنه تنهد وركب السياره وهو مطنش
الكل ركب واتجهوا للقاعه
ظيمنعظيمنع
ظيمنع
بعد ما اجتمعوا الناس وامتلت القاعه كان فيصل واقف ويستقبل التهاني ويضحك ويطقطق وجوه عالي
عساف اقبل وهو يقرب ويضمه : مبرووووك مبروووك لا لاا لا انا كذا مقدر اجلس اعزوبي لازم اتزوج
فيصل:ههههه الغيره بتذبحك انت شوف رائد وش زينه ساكت وعاقل
رائد :ايه انا ساكت من قوة الصدمه كيف انت تتزوج قبلي
عساف :هههههه هذا هو هذا هو
ابو عادل :هههههه بتحصلون نصيبكم لا تستعجلون
عساف ورائد لفوا وهم يستقبلون القبله:امييين
مشاري : انا اقول لو تجلسون عزاب احسن
عساف :ما ينفع كلامك انت رافس النعمه
ابو مشاري:ههههه والله محد متشفق على الزواج كثرك
عساف وهو يناظر لفيصل :كان معي صديق بس خاني
ابو مشاري ضحك وهو يدق على كتف فيصل :ههههههه لا عاد من اليوم فيصل محد قوله شي خلااص
رائد:يعني خلاص اخذ الحصانه
ابو مشاري : هو اخذها من قبل بس الحين ختمناها
ابو عادل : ههههه ايه الحين ياشيخ علينا فيصل وهو مو ناقصه شي

.... 120 .....

فيصل :خلاص عاد خلاص لا تحطون بينا خلونا حبايب
مشاري : واخذ مني بعد حصانه
فيصل ضحك وهو يقول : من انتم معاد اعرفكم
عساف سحب عقاله وضحك فيصل وهو يحضنه :خلاص امزح امزح
جاء الشيخ ورجعوا الكل لاماكنهم وهم مبسوطين وابتدوا يكتبون عقد الزواج ومد فيصل بطاقته وهو يضحك ويطقطق وجوه عالي
ابتدا الشيخ يكتب العقد ووقع فيصل ووقعوا الشهود وبقت العروس
وقف مشاري واخذ الدفتر ودخل هو وابوه اما فيصل لفت انتباهه ابو نوره اللي اكله بنظارته تجاهل نظراته وهو مايبي يحتك معاه وهمس لعساف اللي كان بجنبه:عسافوه شوف ذا الشايب فكني منه
عساف :ي شيخ فكني انا بعد من اليوم يناظر احس نظراته تخوف ماهي نظرات انسي
فيصل ضحك : ياخي شوف له حل وترني
عساف :اصلا حتى رائد يناظره من ساعه لو ما طلع انجن
فيصل :اعوذ بالله شكله يخطط عليكم لبناته
عساف:هو عنده بنات شكلي بقوم اجلس جنبه واضبطه
فيصل:انثبر بس
عساف:ههههه امزح امزح لكن انت شد حزامك بتدخل الحين
فيصل: يا رجل ليش اشده بتهاوش معها واطلع
عساف:بدري على الهوايش طقطق عليها شوي واذا تزوجت هاوش بكيفك
فيصل:ههههه عساها بس تستاهل
عساف :اذا ماهي مزه الله يعينها
فيصل:ليييه
عساف:لانها اذا كانت مزه بيشفع لها جمالها عندك شوي واذا هي شيفه اللي يعوض عليها
ضحك فيصل: ي فاهمني
ظيمنعظيمنع
ظيمنع
هند اديم اللي كانت لابسه وجاهزه والكل حولها وهي تفكيرها يروح ويجي طاحت عينها على الشبكه والدبل رفعت راسها وهي تقول ( ي رب تسخر لي فيصل ي رب )
شافت ابوها ومشاري مع بعض وبيدهم دفتر دق قلبها برعب وهي تسمع الزغاريط قرب ابوها وهو يبوس راسها :الله يبارك لك يبه
اديم ابتسمت وعيونها مليانه دموع مد لها مشاري الدفتر وهو يحضنها:مبروك ادومه الله يبارك لك
اديم اخذت الدفتر وهي ترد عليهم :الله يبارك
وقعت والكل يصور ويصفق والدنيا هيصه طاحت دمعتها على يدها ومسحتها بسرعه وابتدت تستقبل التهاني
طلع ابو مشاري ومشاري وطلعوا لرجال
ظيمنعظيمنع
ظيمنع
عند فيصل اتصلت عليه عمته وهي تقول يجي عشان يتصور وعشان الزفه طلع وهو يغمز لعساف اللي ضحك وهو يلف لرائد
رائد: الله يفرحه عساه بس يترك البنات عنه
عساف :البنات عشق محد يقدر يصد عنهم
رائد:عساف ابعد عن فيصل خل اموره تمشي
عساف اتكى بهيمان :من عيوني كم رائد عندنا
رائد :ايه العب علي العب لكن انا اتكلم من جدي والله بيصير بينا زعل
عساف :قلنا من عيوني خلاص عاد
لف عساف وهو يضحك بقلبه على رائد المسكين اللي على باله فيصل من جد ميت على اديم
ظيمنعظيمنع
ظيمنع
عند اديم أعلنوا جية فيصل ابتدت ترجف لفت تدور على روان شافتها واقفه بعيد وهي وجهها مليان دموع صدت بسرعه وهي تدعي وتهدي بنفسها طلعوا الكل ولا باقي الا ام مشاري ومنى وسهام دخل فيصل وهو منزل راسه لكن اول مارفع راسه تكهربت كل خليه بجسمه وتجمد وهو يناظر اديم اللي منزله راسها كانت بس هيئتها كفيله انها تهز فيصل اللي نقطة ضعفه البنات وجمالهم غمض وهو يحاول يتجاهل هالشي تقدم وهو يقول :السلام عليكم
الكل رد السلام وتقدم فيصل وسلم على ام مشاري وهو كاره لها بس عشان تمشي قصته وراح لعمته اللي ضمته وتبارك له وسحب على سهام وتقدم لاديم اللي رفعت راسها بتتأكد اذا فيصل والا لا واول مارفعت راسها وطاحت عينها بعينه تنحت لا شعوريا ارتجفت اول ما حست ببرودة يدينه على كتفها فيصل اللي كان يحاول ينضبط وماكان متوقع مثل هالمواجهه الصعبه بالنسبه له كان متوقع جمالها بسيط لكن كانت الصدمه قويه لدرجة انه تنح لكن صحاه من صدمته صوت خالته ام رامي اللي اقتحمت المكان وهي تزغرط :مبرووووك ي حبيبي مبرووووك
فيصل لف بصدمه وهو مبسوط انها جت حضنها وهو يقول: يبارك فيك
ام رامي طنشتهم كلهم حتى اديم وجلست وهي تسولف وتضحك مع فيصل وتلهيه عن اديم
ودخلت وسن اللي غطاها مثل عدمه والكل ذهل من دخولها: فيصل
ابتسم فيصل وهو مو راضي عن دخولها بس وقتها تخرب :اهلين وسن تعالي
منى :انا اقول خلونا نطلع المصوره تنتظر من ساعه
ام رامي :لا حشى انا ماجيت الا عشان فيصل ولا بطلع
اديم كانت تناظر بوسن بصدمه شلون جالسه واخذه راحتها
منى: لا ماعليه بتطلعي فيصل يبي ياخذ راحته مع زوجته
وسن: ياخذ راحته محد ماسكه
فيصل راح لخالته وكلمها واخذت بنتها وطلعت وهي تحرقهم بنظارتها طلعوا الكل وبقى بس فيصل واديم لف عليها وهو يحس انه اوك :مبروووك
اديم رفعت راسها وردت بهمس :يبارك فيك
سرحت بعيونه وهي تشوفه يتكلم بس ماسمعت شي منها الا لما جلس وهو يحط رجل على رجل قطبت حواجبها بأستغراب
فيصل جلس وتكتف: لا تستانسين كثير وانثبري
اديم انصدمت ما توقعته يبدا حربه من الحين لا شعوريا قالت:نعم
فيصل ضحك : هههههه ي عمري تفاجأتي ماهي قويه انثبري احسن لك ولا تجلسين تعيشين دور العروس
اديم جلست بصدمه وهي تناظره ضحكت وهي تحاول تستوعب شخصيته الجديده
دخلت المصوره ووقف فيصل وهو يتمغط وراح لها :قومي قومي وراي اشغال انا ماني فاضي لك
اديم كانت الصدمه محوطتها وقفت وهي تحاول تتماسك وابتدت المصوره تسوي اغراضها وفيصل واقف يغني ويضبط شماغه وجوه عليل كان يغني بصوت عالي عشان يلخبط مشاعره ولا ينشد لاديم ويضيع هدفه كان مبين اغنيته يكرر اسم امه عشان يتذكر هو ليش هنا ولا ينجر في مشاعره
ابتدت المصوره تناديهم اديم كانت متسمره بمكانها ولاقدرت حتى تتحرك
وقف فيصل وهو يناظرها بطرف عين :خلصيني لا تحسبيني ميت عليك ولا على التصوير معاك
اديم فزت برعب من صوته وتقدمت وهي مصدومه ماعرفته كذا كانت مستغربه شخصيته وبقوه وقفت جنبه برعب طلبت منهم المصوره حركه وضروري يكونون قريب من بعض اتفاجإت لما سحبها فيصل وقربها منه لدرجه فضيعه وهو اصلا مايناظرها ومطنش وجودها وكأنها شي تافه بيده وبيرميه بعد قليل غمضت عيونها لما هاجمها عطره اللي كان كفيل انه يخدر اديم ابتدت المصوره تصور وكل ما تطلب حركه ينفذ فيصل واديم كانت صدمتها مخليه فيصل هو المسيطر وهي متجمده انتهت المصوره وطلعت وسرعان ما ابتعد فيصل وهو يبعدها عنه بقرف وقف يضبط شماغه دقت ام مشاري ولف فيصل وراح وقف بجنب اديم
ام مشاري: يمه اجهزوا لزفه
فيصل: ابشري ي خاله نجي الحين
اديم صعقت من تغير نبرته وكيف مبتسم وش حلوه واللي يشوفه الحين مايشوفه قبل شوي
طلعت ام مشاري ولف فيصل على اديم ومد يده بأستهزاء : يلا ي عروستي الحلوه ترا مليت وانا مقابل وجهك
اديم مشت وهي ماتبي تسمع اي شي ينكد عليها سحبها فيصل وهو يهمس في وجهها بغضب :مو انا اللي تروحين وتتركيني وراك سامعتني
اديم لفت وهي تداري دموعها سمعوا صوت الموسيقى وضحك فيصل وهو يسحب يدها بقوه وهو يشبكها في يده ومشوا واديم ماسكه يده بقوه يمكن يصحى ويبطل طلو على الناس وابتسمت غصب عليها وهي تحاول تفكر بس انها مع فيصل بس كان فيصل مبتسم واللي يشوفه من بعيد يحلف انه مبسوط وطاير من الفرحه ويحب اديم وكيف ماسك فيها كأنه مايبي يتركها
انزفوا على موسيقى وترتيب جميل والوضع مريح وصلوا الكوشه وكان فيصل يساعد اديم بفستانها ويعدل كل شي تحتاجه وابتداء يلبسها الشبكه والدبله ويبتسم لدرجة ان اديم كانت بتحلف انه يحبها ويمزح معها
خلصوا كل شي وطلع فيصل وهو ماصدق انه يطلع لانه توتر من قرب اديم ناظر الدبله في يده وهو ضايق ومتنرفز شاف عساف واقف يستناه ومعاه رائد ابتسم وراح لهم وهو يمثل مر من جنبهم وهو مسوي مايعرفهم
عساف :على وين ي مز عطنا وجه
فيصل تلثم بشماغه وهو يتميع بمشيته : وش تبي ياخي ترا مرتبطين حنا
عساف : مافيه اي اشكال التبديل جايز
ضحك فيصل وهو يقول :ما نحيز ولا نبدل
ضحك رائد: هههههه ايوه كذا
فيصل رجع لهم وهو يضحك عساف :هاه كيف
فيصل : فل مارك
رائد:داخل اختبار انت
فيصل رمى نفسه عليهم :احلى اختبار ي عيال
ابو مشاري من وراهم: هههههه تعالوا يلا للعشا تعالوا
تفشلوا العيال وراحوا ..

#يـــــتـــــــبــــــــــع

17 - 1 - 2022, 03:58 AM

.... 121 .....

اما اديم اللي طلعت وهي باقي مصدومه طلعت وهي تعيد كل اللي صار كانت تحاول توفق بين الكلام والافعال كان ابشع من ما توقعت جلست ودخلت روان:هاه ي اديم وش صار
اديم ناظرتها بهدوء وقررت تسكت وتتحمل: وش صار
روان :انا شفت انسان عاشق
اديم ضحك بغبنه:وانا شفت كذا بعد
روان ضحكت براحه:يعني كان كويس
اديم هزت راسها ونزلت دموعها روان:ادييييم وش صار
اديم وهي محافظه على سرها مع فيصل مسحت دموعها وهي خلاص: ما صار شي بس خفت انه يكون زي تفكيركم
روان ارتاحت وجلست: الحمدلله ي اديم الله يسخره لك
اديم :امين
روان لفت وهي تدور على جوالها اللي يتصل وكان اخوها : زين حبيبتي مبروك انا رايحه الله يوفقك
اديم:اوك
طلعت روان ودقت اديم على السايق ورجعت البيت واول مادخلت انهارت تبكي رمت كل شي وهي تبكي كانت شخصية فيصل قويه عليها ما تحملتها خصوصا انه طيب معها كيف اول يوم تلاقيه يكون كذا كانت منهاره منهاره بشكل مو طبيعي
ظيمنعظيمنع
ظيمنع
عند فيصل اللي رجعوا لبيتهم بعد ماهيصوا ورقصوا وكسروا الدنيا طلع لكن وقف قبال غرفة امه كان بيدخل بس خاف وتردد انها مو راضيه عن هالشي وغير مساره بسرعه لغرفة دخل ورا عادل اللي كان واقف وبيده بيجامته :فيصل وش فيك
فيصل بهدوء: انت وش فيك طول هالاسبوع مانك تمام
عادل لف بضيق:ولا شي عادي
فيصل: متهاوش مع ريمان
عادل تنهد :لا
فيصل:اجل وش المشكله
عادل :مدري مدري ي فيصل مدري
حس فيصل المشكله صعبه وتوجه له وهو يسحبه يجلس : خير وش صار قولي
عادل : انا نفسي ماني عارف احس فيها شي ماني عارفه فيها خوف يهزني يضيق صدري عليها ابي اساعدها بس هي ماتبي تصرفاتها مبالغ فيها وكأنها تحاول تثبت قوه او دفاع اشياء كثير ي فيصل ماني فاهمها
فيصل :كل هذا في ريمان
عادل :هاذي هي المشكله ريمان خارجها غير مليون مره عن داخلها
فيصل:وش فيها طيب يمكن عمي
عادل:مدري عمك والا لا المهم فيه سر الا مصيبه
فيصل:اسالها طيب
عادل: هي ماتقبلت سلامي بتتقبل سؤالي
فيصل تنهد وهو يخبط على كتفه: وش سويت طيب او بتسوي
عادل : حاولت حاولت بكل الطرق بس احسها تزيد تعقيد
فيصل: انا احس مشكلتها من عمي
عادل:انا بعد قلت كذا لان طول ماهي في البيت احسها مدري كيف تصير
فيصل : عجل زواجك طيب
عادل:هذا اخر حد ماودي اضغط عليها كثير
فيصل:والله مدري وش افيدك انت فاجأتني باللي قلته عنها يعني انا ما اعرفها كذا
عادل: انا بعد محتار ما لقيت طريقه غير اني ابعد الين الزواج
فيصل:يمكن هذا الحل بس وكلها ربك
عادل :الله يعين

طلع فيصل وهو يحس همه اهون من هم عادل دخل غرفته واتجه للحمام وهو يرمي ملابسه وابتداء يتروش وطرت له اديم وجمال اديم وصعوبة مهمته تنهد وهو يقول : الله يستر لا ينقلب السحر على الساحر
طلع وهو يرمي نفسه ماكان يبي يفكر فيها كثير سحب جواله وارسل لحنين( صاحيه ي عين فيصل !؟)
اديم اللي كانت بحاله ما تحمد عقباها رمت الجوال بعيد وهي ماتبي حتى تشوف اسمه ضمت نفسها وهي تتلحف من قسوة البرد والضياع اللي تحس فيه كانت كلماته تنعاد براسها كان غير ماكان فيصل عرفت ان طريقها اصعب من كل الحكي اللي قالوه وبيقولونه ماكان بيدها حيل الا انها تبكي
انتظر فيصل الرد بس ماوصله الرد كان يتقلب ويتقلب كان محتاج وجودها اكثر هالليله مايبي يستسلم لاطياف اديم وقف وهو يحاول تشتت يمين ويسار بس النوم مجافيه اخذ مفتاحه وجاكيته ونزل وهو يشوف الانوار مقفله والكل نايم ناظر الساعه وكانت(ظ£:ظ£ظيمنع)
راح للاستراحه بس حصلها فاضيه سحب الكرسي وجلس وهو يشعل النار ويسوي له شي يشربه ويتدفى دق على عساف بس حصله مغلق رمى الجوال وطلع زقارته وهو يدندن بصوته بطرب كان يصور ويعلق عشان يفضفض وبنفس الوقت كإنه يسولف مع حنين ( يانايمين
‏أشواقنا عيّت تنام !
‏عيّت تموت !
‏وأكبر أمانَينا ‏في هذا الوقَت ‏صوت !)
كان يبي يسمع صوت حنين لو هي ما تقول الا نعم محتاج يسمعها خصوصا انه مو قادر يروح لامه اللي يحسها زعلانه ولايدري وين يروح بعد فتره نزل وعلق ( بتوقيت الغياب؛؟الساعه الان انا ألا انت )
كان يرسلها عام وخاص لحنين يبي ترد وتشوف بس ماردت جلس طول الليل من هاجس لهاجس ومن تفكير لتفكير لما سمع صوت الاذان ووقف وهو يكبر وراح يتوضى ويصلي وانتظر في مكانه يدعي ويقرأ قران لما اشرقت الشمس وتحرك وهو يتجه لبيتهم ..

.... 122.....

اديم اللي كانت بنفس الحال تقريبا بس هي دموعها ماوقفت قامت وهي تاخذ الجوال الخاص في فيصل وقفلته ورمته بالدرج وهي تشوف رسايل فيصل المتكرره رجعت لسجادتها وهي تصلي وتدعي وبدون شعور غفت بضيق وتعب
ظيمنعظيمنع
ظيمنع
من اليوم الثاني صحى فيصل وهو متكسر سحب جواله وهو يشوف الساعه كانت ظ¦ المغرب بعد شعره عن وجهه وهو يقوم بكسل تروش وبدل ملابسه وطلع وهو ناسي وش صار معه اصلا بس اول ماشاف سهام جالسه بالصاله تذكر ولف بضيق وهو يتحلطم دخل المطبخ وهو يدور على شي ياكله بس ماشاف الا طبخ سهام وطلع وجلس بالصاله وهو متجاهل وجود سهام كان بيتصل يطلب بس دخلت منى: سلام عليكم
وقف فيصل وهو يتجه لها ويحضنها:يوه ي عميمه وينك تقطع بطني من الجوع
صحكت منى :رد السلام طيب
فيصل:الجوع كافر
منى: ههههههه تعال تعال ربي يسعدك سهام كيفك
سهام: الحمدلله
اخذت منى فيصل وراحت للمطبخ جلس فيصل على الطاوله وهي ينتظر عمته تخلص جهزت منى له شي سريع وجابت الاكل ونزلته قباله قرب فيصل وهو جوعان
منى: فيصل ي حبيبي خلاص عاد اترك هالحركات
فيصل لف بإستغراب :وشو ي عميمه وش سويت
منى: حركاتك مع سهام
فيصل ترك اللي بيده ولف بصدمه:شسويت لها بعد
منى : ماسويت شي لكن ي حبيبي اقل شي رد السلام احترم وجودها مهما كان انت الحين بتتزوج بنت اخوها ماتقدر تعيش كذا معها
فيصل: يوه ي عميمه انا قلت لكم مالي شغل فيها بخيري وبشري هي بصوب وانا بصوب وزواجي هي ماله شغل فيه
منى:بس هذا مو حل ي امي بكره اذا تزوجت كيف بتتجاهلها قبال زوجتك
فيصل :انا وزوجتي نتصافى محد له شغل والحمدلله شبعتً
رمى اللي في يده وطلع مر من جنب سهام وناظرها بنظرات حقد وطلع ركب سيارته وهو يفور من الغضب والزعل راح لاقرب مطعم ونزل وهو يحس بيطيح من جوعه طلب وجلس ينتظر الطلب وهو ياكل بنفسه ويتوعد بسهام واديم
سحب جواله يرد على اتصال عساف :هلا عساف
عساف : سلاام ي عريس وينك مختفي
فيصل:كنت نايم وينك انت
عساف: هذاني طالع لمطعم جوعان الف
فيصل:تعال تعال انا بمطعم.... عساف : ي لبى لكن كمل جميلك وحاسب عني
فيصل : ي رجاال تعال وبعدين يحلها حلال
عساف:اووووه اي من المصائب في جعبتك
فيصل : ليش مصائب انما وجع رأس
عساف :سكر سكر حسبي الله ضيم وظلايم يلا جاي هذاني قريب
فيصل: يلا
رجع فيصل يطلب لعساف وهو جالس بالكراسي اللي برا ناظر جواله وهو مستغرب اختفاء حنين دخل يشوف اذا هي دخلت رسايله شافها مافتحت ولا رساله ولا ردت ولا لها حس : ي ربي وش فيها هاذي من امس مختفيه الله يستر ي فيصل لاتصير شماته بين الناس وانت اللي كنت مسيطر لا لا حنين مو مثل هالبنات ابد مو مثلهم
رجع ينزل سنابه وهو مصور ضو القمر وعلق فيها (‏âپ§فقدتك ليلة البارح غريبه ليه مامرت .. وموعدنا يناديني ذبل ضي القمر دونك ��)
نزلها ولف على عساف اللي قال : اليوم بالذات بتعترف من هي هالحنين
فيصل وهو يستغبي:اي حنين
عساف :اللي طايح فيها غزل واعترافات بالسناب على بالك ماني منتبه عيني عليك وادري انها مو اي وحده وادري بعد انك غرقان معها في شبر مويه لكن اللي ابي اعرفه كيف استسلمت
فيصل كان ناوي يكذب كالعاده بس بما ان عساف قفطه معاد له اي مجال قال وهو يسحب زقارته ويشعلها : هذاك عارف الوضع وشوله تسأل
عساف : ههه مدري احسك بديت تستسلم لمشاعرك اتجاه هالبنات وصاروا وحده تجيبك وحده توديك
فيصل نزل الولاعه بقوه على الطاوله:مو انا اللي اصير لعبه
عساف : الواضح انك بتصير كم مره لازم اقولك ان هالبنات اللي راضين يكلمون ويطلعون ماهم كفو احد يحب ويحن لهم
فيصل ما يبي ينظر لحنين هالنظره وقال: هذولا البنات اللي يرضون
عساف:وحنين
فيصل:حنين انا اللي ابتليتها في نفسها
عساف :ههههههه فيصل لا تضحكني كل هالبنات حنا اللي نطبقهم ونادرا ما تجي وحده لنا وتبي تفهمني ان حنين غير هذاك تقول ابتليتها
فيصل : ايه ابتليتها فرق عن طبقتها انا اللي اصريت عليها وهزيتها
عساف : مادامها قبلت تكلمك معناتها زيهم ولا تسحب مشاعرك مع التيار
فيصل: ما انت فاهم ولا بتفهم
عساف : انا فاهم وفاهم زين لكن انت الواضح ان اللعنه صابتك
فيصل طفى زقارته بعنف : قلنا لك خلاص
عساف : زين قولي وش صاير معك غيرها
فيصل : بستعجل زواجي
عساف ترك الوجبه من يده :وشو
فيصل: ايه بتسعجل زواجي
عساف :وش السبب
فيصل :مليت من عيشة بيتنا مليت من وجود سهام مليت

.... 123 .....

عساف : اقدر افهم وش دخل اديم بهالملل
فيصل : دخلها ان سهام عمتها
عساف رجع لوجبته :وش اللي خلا الموضوع يوصل لهالجنون
فيصل :قلت لك مليت
عساف : طيب ابي اعرف وش بتسوي اذا استعجلت زواجك
فيصل : عساف لا تستهبل
عساف :انت اللي لا تستهبل فيصل انت محتاج وقت تجمع قوتك فيه عشان تقدر تواجه اديم اللي واضح من امس انها بعثرتك وواضح صعوبة الموقف اللي انحطيت فيه او حطيت نفسك فيه
فيصل : اوووف اوووووف منك انت بعد انا عشان كذا ابي استعجل مابي استسلم للاطياف ي عساف
عساف زفر بضيق : قلت لك كل شي الا هالشي وانا متأكد انك بتخسر
فيصل وقف وهو ينزل الفلوس عشان الطلب : مشكور ي صديقي مره ارتحت من الكلام معك
عساف سحبه يجلس:انثبر بس واسمعني زين الاستعجال بيورطك اكثر ي فيصل روق واترك الامور تاخذ مجراها
فيصل : قلت لك بستعجل يعني بستعجل وانتهى الموضوع
عساف : بيشكون فيك اكثر
فيصل: ماهمني
عساف تنرفز من عناده :انت جاي بتتكلم والا بتفرض امرك وتمشي فيصل لا تحطني بمكان اهلك وتجلس تسرد علي قرارتك انا هنا اصحح لك جنانك
فيصل رد عليه بصراخ هو الثاني : هذا حياتي وافرض فيها اللي ابي واللي مابي وعشان ما تنحط مكان اهلي على قولك لا تجلس تنتقد كل شي اقوله وتحسسني اني بزر وما اعرف اتصرف وتفكر بنفس تفكيرهم طيب
عساف رجع يصرخ وهو حاط عينه بعين فيصل بقوه : حياتك تهمني ولا بسمح لك ترمي نفسك بمتاهات تدري ليش لانك اخوي واذا ما انتقدت لك وصححت بكون مثلي مثل اللي يصفق لك على الموت ويشجع اوك انا اوقف معك بكل شي صح غلط معك بس كل هذا يطيح اقبال انك تتهور وترمي نفسك لتهلكه
فيصل رجع شوي وهو يحاول يهدي : والحل
عساف : الحل تخلي هالزواج براحته اقل شي بعد شهرين ثلاثه الين تعرف وش نقطة الضعف اللي بتضرب فيها
فيصل: واضحه
عساف : اللي هي
فيصل : هي انها بنت ما تقدر توقف بوجهي
عساف: هههههههه لا تاخذك العزه بنفسك انت بقرارة نفسك تدري وانا ادري ان هالبنت بإشاره ممكن تفقد السيطره على نفسك وقتها حلها ي فيصل
جلس فيصل وهو يسحب زقارته : يعني
عساف : يعني انثبر مكانك فتره يمكن تلاقي ثغره تنهي فيها ابو مشاري وعايلته كلهم بدون ما تطيح على وجهك
فيصل :تهقى فيه ثغره
عساف : مستحيل ما يكون فيه
فيصل : يالله
عساف سحب وجبته وهو يحطها قباله : سم بالله واكل الحين والامور بتمشي شوي شوي وانا ما اقول وقف انتقامك اضرب من تحت الحزام بدون ماتضر نفسك
فيصل :هذا اللي بيصير
ابتداو ياكلون وفيصل مستسلم تماما لعساف اللي كان جالس يعطيه دروس وفرص في كسر اديم
ظيمنعظيمنع
ظيمنع
عند اديم اللي من بعد امس وهي ماتبي اي شي يلخبط عليها اتزانها اللي بالقوه قدرت تسيطر عليه وقررت تبعد يومين عن فيصل بكل شخصياته عشان تقدر تكون جاهزه لهالمواجهه
رتبت شكلها وهي تناظر الدبله ونزلت تحت وهي تسمع اصوات قطبت حواجبها لما عرفت ان جيرانهم هنا لفت وراحت لمروى اللي كانت هي الثانيه مشغوله بأختبارها
زفرت بضيق وهي تدري ان فيصل مالي عليها وقت فراغها رجعت لغرفتها وهي تدور اي شي يضيع وقتها بس مالقت حل الا تتصل بروان وتطلع معها يتمشون واتفقوا لبست وطلعت بعد ما ارسلت لامها واعطتها خبر مرت روان وطلعوا للمول
روان:هاه ما كلمك فيصل
اديم :لا
روان:غريبه
اديم : شكله نايم او مشغول
روان:ما كلم حنين طيب
اديم : لا حنين خلاص انتهت
روان بشك:اكيد
اديم:ايووه
روان :زييين زيين المهم وين اتجاهنا
اديم :كذا نتمشى
روان: اي والله من زمان ما طلعنا
ضحكت اديم وهي تقول :خلاص من اليوم نرجع زي زمان مادام ضمنت فيصل
روان : ي ربي ي الحب
وصلو المول بعد ربع ساعه ونزلوا يتمشون كانت اديم تسولف بكل شي يطري لها عشان تنشغل عن فيصل وروان ابد ما حست بأرتباكها وقلقها
لكن اللي ماكان بالحسبان ان فيصل وعساف كانوا بنفس المول
شهقت روان وهي تقول :اديم شوفي
لف فيصل وعساف اللي كانوا قريبين وهم مصدومين طاحت عيونه على اديم اللي اتسعت عيونها بصدمه ولفت بقوه
روان تورطت وهي تشوفهم يناظرون الاثنين لفت بسرعه مع اديم
اديم كان قلبها بيطلع من كثر ما يدق اما فيصل حس الشكل مألوف بس ما دقق كثر ما انصدم انه يشوفها بالمول
عساف :سمعت
فيصل:اديم هنا
عساف : وش بتسوي

.... 124 .....

فيصل ترك عساف واسرع وراها وهو ينادي لها اما اديم اللي كانت رجفتها واضحه وهي شبه تركض وماسكه في روان وروان مستغربه خوفها وقفت قريب من الباركينق وهي تقول :بس شككتي الناس فينا شوفي وش يبي
اديم برعب :تعالي نركب اسرعي
روان:ما راح اتحرك انثبري مابياكلك
اديم:روان تكفين امشي
روان توها بتتكلم بس قطع عليهم فيصل اللي وقف وهو يقول :اديم
اديم ضربت رجلها بالارض بقهر :نعم
فيصل ناظر روان : معليش تتركينا لحالنا
اديم جمد قلبها وناظرت روان اللي قالت :طيب
ابتعدت روان شوي ووقفت على جنب ولفت تناظر اللي معه وشافت عساف عينه عليها لفت بأرتباك وهي تقول:وجع ما ينزل عيونه
عساف اللي كان يراقب روان بدقه وهو يحاول يربكها او بالاصح يطبقها
عند فيصل اللي قرب من اديم وهو يقول : وش فيك ركضتي مثل المجنونه وكأنك شايفه جني
اديم غمضت وهي ماتبي ترد
فيصل : صدفه شينه مع الاسف بس ماكان له داعي اني افشلك قبال صاحبتك مو حلوه يكون فيصل اسلوبه مو حلو قبالها
اديم رفعت راسها بصدمه : لا ي شيخ تبي ترفع نفسك بعينها على حسابي
فيصل ضحك:هههههه اي ي قلبي تعرفين نظرة البنات لي تهمني ..ولف يناظر روان بدقه وهو يغمز لاديم: خصوصا انها واضح انها مزه وما تتفوت
اديم انصدمت ولا شعوريا مدت يدها وهي تضرب فيصل كف انسمع صداه من قهرها وخصوصا ان مكان شبه فاضي ومافيه الا هم الاربعه شهقت روان وتحرك عساف بصدمه اما فيصل برد من قوه الصدمه واحمرت عيونه اديم دفته بسرعه وركضت لروان وهي تسحبها وركضت لسياره وركبوا وروان مصدومه واديم تبكي وترجف قالت لسواق يتحرك بسرعه وروان مصدومه: وش سويتي ي غبيه وليه سويتي كذا
اديم كانت حاطه يدها على عيونها وهي ترجف من قهرها كيف يناظر روان بنظره واطيه وقبالها ويتكلم بالاسلوب القذر طاح من عينها فعلا يساوم عليها قبالها
روان :ادييييم والله تقولين وش السالفه انا كنت حاسه فيه مصيبه فيه مصيبه
اديم ماقدرت تتكلم وتقول اللي قاله فيصل ولا عرفت وش ترد على روان اللي كانت تصرخ غير انها تكذب وتقول ( كان يبيني اروح معاه بسيارته
روان: انتي هبله تقومين تضربينه تراه خطيبك ي متخلفه
اديم وهي تبكي ومازالت تحاول تحافظ على صورة فيصل: خفت راح تفكيري بعيد
روان: صح ان طلبه غلط بس انتي كذا هدمتي كل شي
اديم :خلاص تكفين خلاص بعدين بيفهم
روان:وليتك لحالكم قبالي وقبال صاحبه
اديم ما كانت مع روان اللي تعاتبها على شي تافه بنظرها ماتدري وش المصيبه اللي مسويها
ظيمنعظيمنع
ظيمنع
عند فيصل اللي تسمر مكانه من هول الموضوع عساف قرب وهو هنا مايقدر يمنع فيصل عن اي شي بيسويه
اول ما حط يده على كتف فيصل اللي لف وعيونه نار وصرخ وهو يقول :ماهو انتي ي بنت ××××
ركض لسياره وهو ناوي يخرب ابو الدنيا ركض عساف واخذ السياره منه بالغصب وهو يحاول يهديه
فيصل وهو يصرخ: ضربتني بنت ال.... ضربتني ي عساف ضربتني
عساف : فيصل هدي هدي لا تخرب كل شي
فيصل شد شعره بقهره : اقولك ضربتني والله لقوم قيامتها والله
عساف سكر اذنه من صراخ فيصل :فيصل بس بس اركد اركد مو الحين تحاسبها ي فيصل
فيصل كانت الدنيا ما تسعه من قوة قهره هو عمره ما تكلم بهالاسلوب بس كان فعلا يدور الزله وجات وهنا محد قادر يتحكم فيه
عساف غير اتجاهه وراح لمكان هادي وهو يسمع هواش فيصل وصراخه اللي توتر بسببه نزل وهو يقول :فيصل انزل
فيصل :غبي انت جيب المفتاح
عساف :وين بتروح
فيصل: بقوم قيامتهم والله والله ماتروح
عساف :انزل وتعوذ من ابليس وفكر بهدوء
فيصل: اي هدوء اي هدوء انا انهنت انهنت
عساف سحبه ونزل من السياره وهو يحاول يمتص غضبه ويفهم وش السالفه انصدم من حركة فيصل لما قاله فيصل عن اللي صار: صاحي انت تساومها على اختها وتبيها تسكت
فيصل دف عساف: كلهم رخاص رخاص
عساف شاف ان النقاش بالموضوع عقيم من عصبية فيصل سحب البكت وهو يشعل زقاره مدها على فيصل اللي سحبها بضيق وهو يلف ويدور بمكانه وحسره في قلبه
عساف:فيصل هد وافهم الموضوع الغلط عليك كان من ابسط شي تسويه هي انها تسوي اللي سوته
فيصل:عساااااااااف ريحني
عساف : اسمعني لا تصرخ ادري انها قويه بس روق عشان تاخذ حقك وترد الصاع صاعين
فيصل :والله والله لااخليها تتمنى الموت ما تلاقيه والله
عساف : روق واسمعني
فيصل لف لعساف :وش اسمع وش اسمع
عساف : اذا بتعجل زواجك عجله لكن بطريقه ما تحسس ان فيه احد وبعدها سوي اللي تبي فيها
فيصل : تبيني اصبر لين اتزوج

.... 125 ......

عساف : مجبور تصبر والا يتنهي كل شي وتخسر انت لو هالزفت راحت وقالت كل شي لابوها واخوها ووصلت لاهلك وقتها بتفلس من كل شي
فيصل سكت وهو يتنفس بسرعه : رجعني البيت طيب
عساف : ما ترجع الحين تهدي وبعدين تروح
فيصل: خلاص عساف فهمت فهمت
عساف : ماعليه اركد شوي
فيصل جلس وهو يهز رجله بعصبيه والموقف يتكرر مره واثنين وثلاثه وعساف كان مقهور بس مايبي فيصل يخرب كل شي
ظيمنعظيمنع
ظيمنع
عند اديم اللي رجعت لبيتهم بعد ما رجعت روان اللي مو فاهمه شي اسرعت لغرفتها وهي تدري انها بهالحركه خربت كل شي بينها وبين فيصل نزلت عبايتها وهي ندمانه على الساعه اللي طلعت فيها انهارت تبكي وهي ما تدري وش تسوي
ماكانت تبي تقول لروان عن فيصل ويطيح من عينها كانت واثقه ان فيصل يبي يستفزها وهو مو كذا كانت واثقه بس منهاره ماتبيه يسوي كذا حتى لو بالتمثيل ركضت لجوالها الثاني وفتحته وهي ترتجف دخلت لفيصل وهي تحاول تهدي وتهديه معها لانها شافت بعيونه نيران مستحيل يقدر يطفيها احد ردت بسرعه وهي تقول ( فيصل وينك ..فيصل )
ارسلت مره واثنين وثلاث وعشرين مره وهي ماتقدر تشوف من دموعها ناظرت يدها اللي باقي حمرا بخوف ارسلت واتس لكن مارد رجعت تدق وهي تشهق لكن بعد مارد رمت الجوال بعد عدت مكالمات وهي حاطه يدها على راسها(انتهيتي ي اديم انتهيتي وصرتي مثلهم )
انقطع حبل افكارها لما دق فيصل ارتجف قلبها برعب الدنيا وردت وهي ترجف سمعت صوته اللي باين فيه الغضب وهو يقول ( الو .. حنيييين .حنييييين .. الو .. انتي وينك ليش ما تردين من امس ليييش .. زفر بضيق وهو يقول : ردي على بالكتابه انتظرك )
سكر الجوال وهو يزفر بضيق : كاني ناقص نكد بعد
عساف : خير وش هالانفصام تدق ولا ترد
فيصل :ما تتكلم هي اصلا بس تكتب
عساف:طرماء
ضحك فيصل غصب :لا هي ماتبي صوتها يطلع
عساف :غريب
فيصل مارد لما وصله رد ( انا اسفه )
فيصل ( وينك يومين عني غابت الدنيا والله)
اديم كانت اديم تتعذر عن الكف وهي تبكي( كنت شويه تعبانه انا اسفه والله اسفه ماكان قصدي )
فيصل (خلاص حصل خير وش فيك انتهى الموضوع بس فقدتك وانا محتاجك خفت يكون صار لك شي وخوفتيني اكثر برسايلك ومكالماتك بدون سابق انذار وش صار )
اديم كانت تمسح دموعها وهي تحاول تهديه بطريقه تنسيه فيه اللي صاار( حلمت فيك حلم مره شين مره ي فيصل حسيت انك مو بخير )
فيصل تنهد بضيق( يعني صار لي موقف مو زين مع ناس ما تسوى)
اديم طاحت منها دمعه حاره وردت( مين هالناس وش صار)
فيصل ( ماعليك منه انتي اكبر من انك تسمعين مثل هالتفاهه)
اديم رمت جوالها بضيق ورجعت تاخذه وهي ترد( ليش تخبي قولي)
فيصل( حنين والله ماله داعي ولا ابي اتذكره)
اديم( وينك انت طيب)
فيصل( مع عساف طالعين )
اديم( اها طيب قولي شخبارك امس واليوم)
فيصل( زي الزفت بدونك)
ابتداء فيصل يسولف لها عن يومه بأستثناء هالغباء اللي صار وملكته كانت اديم تحاول تطلع وتدخل بمواضيع عشان يروق وبدت تحس انه هدا
اما عساف كان مصدوم من تغير مود فيصل من هالحنين وشلون قدرت تمتص غضبه بسرعه وصار يضحك ويسولف تركه يروق وطلع هو بعد جهازه وابتداء في مسيرته في الحب المزيف
ظيمنعظيمنع
ظيمنع
عند عادل اللي شاف ان بعده هذا ماهو حل وايقن انه مافرق مع ريمان لبس وترتب ونزل لبيت عمه دق الباب وكانت ام محمد ونسرين طالعين : عادل هلا يمه
عادل باس راسها: كيفك ي خاله
ام محمد : الحمدلله انت كيفك
عادل :الحمدلله نسرين كيفك
نسرين اللي من اول ما شافته وهي مو بخير ونست نفسها وهي تدقق فيه بكل تفاصيله وضيقه اللي واضح بوجهه وصحت على صوته : الحمدلله انت كيفك
عادل: تمام ريمان موجوده
ام محمد :ايه هذا هي جوا بناديها لك ادخل انت المجلس
عادل : انا ادق عليها تنزل تسهلو انتم
ام محمد :زين
رائد جاء من بعيد:عادل عندنا ي سلام
عادل لف له:اهلين رائد
رائد : هلا فيك كيفك
عادل : الحمدلله وانت وعساف
رائد :كلنا بخير جاي لريمان
عادل : ايه
رائد : خلني اطلع اناديها
عادل: لا لا هي عندها خبر
رائد :زين يلا يمه
ام محمد : يلا
دخل عادل وراحوا ونسرين ودها لو ترجع وتعترف له بكل شي بس ما بيدها شي مسحت دمعه حاره احرقت جفنها وهي تردد( الله يسعدك ي عادل)

17 - 1 - 2022, 04:00 AM

..... 126 .....

عند ريمان اللي كانت منسدحه وهي خلاص داخله بالنوم وكانت رافضه تطلع لانها تبي تنام انفتح الباب وطار النوم صرخت وهي تقول :وجع انتم ماينام عندكم احد قلت لكم مابي اروح مابي شي ابي انام
عادل اللي تنهد بأستهزاء على حالها : ولا راح اسأل اذا تبين تشوفيني او لا لكن الجواب واضح
فزت ريمان :انت
عادل ضحك بأستهزاء :انت هههههههه كنت لازم ما اتوقع غيرها عالعموم انا انتظرك بالمجلس تحت بدلي وانزلي
طلع وسكر الباب بس طلعته ماكانت ابد مثل دخلته شوفته وكلامه ووجهه اللي باين ضيقه كدر صفو ريمان وقامت مسرعه بتنزل بس تذكرت انه تاركها اسبوعين ولا يسأل عنها وتذكرت بعد انها وعدت نفسها ما تعطي عادل مجال لعب عليها رجعت لسريرها بس خافت انه يرجع يطلع لها سحبت جوالها بدون اهتمام لشكلها ونزلت وقفت قبال المجلس وهي تشوفه جالس مثل عادته بأخر المجلس ويناظر الارض ويهز رجله بس بالعاده يكون مبتسم هالمره لا
تقدمت بأستهتار:خير وش الريح اللي رمتك هنا
عادل رفع راسه : للمره المليون اقولك السلام قبل اي صراع
ريمان بتهور : والله انتم ي الرجال الواحد يستخسر فيكم حتى السلام
عادل نزل راسه وهو يحاول يطول باله: ما عليه قولي اللي تبين وعلى راحتك كل شي ماخوذ حقه
ريمان: يمه ع اساس مره خفت انا الحين وبجي اتعذر اختصار الحكي قش نفسك وهاللي جايبه معك واقضب الباب وقت غلط ومحد يبي شوفك
لفت بتروح لكن صرخة ابوها قلبت كل كيانها: رييييييمااااااان
عادل اللي ماكان ناوي يسكت عن السالفه بس دخول عمه فجعه هو قبل ريمان وقف وهو يناظر بصدمه
تقدم ابو محمد وهو يصرخ: تكلمين زوجك كذا انا اللي ماربيت انا اااااانااا
رفع يده وهو ناوي يضرب ريمان لكن تقدم عادل بسرعه وهو يوقف بوجه ومسك يده : وش تسوي ي عمي
ابو محمد :ابعد عني لازم اعيد تربيتها لازم
عادل بعد ابو محمد : بس هذا مو حل
ابو محمد :عااادل ابعد من هنا
دفه وهو يسحب ريمان لكن عادل ما سكت وسحب ريمان من يد ابو محمد وهو يحطها ورا ظهره : ما راح ابعد وطالما هي صارت زوجتي مالك اي حق انك تضربها والكلام اللي قالته موجه لي وانت قابله ومحد له اي شي عندي
ابو محمد : نعم وش قلت لا ي شيخ لااااا بنتي مازالت في بيتي وانا اللي احكم
عادل : وانا ما اسمح لك تضربها
ابو محمد : محد طلب اذنك وتوكل على الله
عادل : ما راح اطلع ابدا الا وانا متاكد انك ما راح تمد يدك عليها
ابو محمد :عاااااادل مو انت اللي تفرض امرك وبضربها وبكسرها بعد وانت مالك شغل
عادل زاد غضبه: مادام قلت هالكلام مالها جلسه عندك
ابو محمد : نعم نعم وش قلت
عادل : اللي سمعته
ابو محمد : لا تستفزني واطلع من هنا
عادل : ريمان باخذها معي وبكره نسوي عشاء واخذها مهرها معها وانتهى الموضوع
ريمان كانت مصدومه وتناظرهم وهم يصارخون ويتهاوشون عليها
ابو محمد كان مصدوم من دفاع عادل وعرف ان محد بيتحمل ريمان الا عادل زفر بغضب وهو يقول : بنتي مو رخيصه تاخذها كذا
عادل : مادامها مو رخيصه ليش يدك طويله عليها انا ما بطلع الا بأمرين مالهم ثالث ي ريمان ي وعد منك ما تسوي لها اي شي
ابو محمد ناظر ريمان بغضب ولف لعادل وهو خايف من كلام الناس :دامك راضي لك الذل تستاهل توكل لبيتكم
عادل : الوعد !!
ابو محمد لف وهو مايبي ريمان تشوفه بهالوضع :كلمتي وحده وانا ابو محمد
عادل : انا باخذه عهد منك وبتركها وطول هالشهرين يدك ما تمسها
ابو محمد : قلت كلمتي وماهو انا اللي ارجع بكلامي
راح ابو محمد بغضب لغرفته وصفق الباب اما عادل اللي كان مقهور من ريمان بس ابد مايرضيه تتأذى وهي معاه لف وهو يناظر يده: اذا سوا لك اي شي او ضرك بلغيني وما راح تجلسين هنا بعدها
اخذ اغراضه وقبل يطلع قال : قلتها مره وارجع اقول دامي معك محد يضرك
طلع وسكر الباب وفزت ريمان على صوت الباب وهي تبكي لاشعوريا طول عمرها متحمله كل شي من ابوها عمرها ما احد وقف في وجهه ودافع عنها وكسر كلام ابوها لكن عادل اللي كل يوم يثبت نفسه في قلب ريمان بأفعاله كبر في عينها حيل وركضت لغرفتها وكان كلامه يضرب براسها مثل الخناجر وكانت بين انها تنصف عادل وتقبل فيه وانها تبقى رافضته وتهرب اول ما تتزوجه ..

.... 127 .....

اما عادل اللي طلع وهو يحس انه من قوة الغضب راسه يدور جلس على درج بيتهم وهو يمسح جبينه ويستغفر كان مستعد يوقف بوجه الدنيا لانه يكره الضرب واسلوب الضرب والعنف كان من صفات عادل الحلم والصبر اللي كان ابوه وامه يتصفون فيها بعد وكان مسالم ما يحب المشاكل بس مع الاسف المشاكل تلاحقه رفع راسه لما حس برجول واقفه
فيصل:خير وش فيك
عادل استند لفيصل ووقف :ولا شي تهاوشت مع عمك
فيصل:وش السبب
عادل: من غير ريمان وطولة لسانها
فيصل:وش صار
عادل :لا تشيل هم امور تافهه وانحلت انت وش فيه وجهك كذا
فيصل تذكر الكف وعض على شفته وهو يتنهد: ولاشي بس كنت شايل هم نواف من اسبوع ما ادري عنه
عادل: اي والله صادق اهملناه مره
فيصل : تعال بكلم ابوي بموضوع وبعدين نروح له
عادل: وشو
فيصل: تهاوشت مع عميمه اليوم وبيني وبينك انعليت من اسطوانتها اليوميه ومالي خلق ارجع اسمعها
عادل: خير وش رجعت تعيد
فيصل:الا تبيني اتصافى مع سهام وان الوضع كذا مايمشي واني محتوم علي احترمها طالما حبيت بنت اخوها وانها تعبت من خدمتي ووووو اشياء كثير ماعاد لي صبر فيها
عادل تنهد :ووش بتسوي طيب
فيصل: قلت لها اني مالي شغل بسهام هي بحال وانا بحال لكن ماهي راضيه تفهم هالكلام وان قلت لها ماعاد ابيك تخدميني انا اول واحد بضيع وانت تعرفني بحالي ما ادبر شي
عادل: ايه طيب وش الحل
فيصل بترقب:اعجل زواجي
عادل : تعجله كم يعني
فيصل: بعد شهر
عادل: لا عاد لا لا عاد مو لذا الدرجه فيصل لا تخليني احلف انك مبيت نيه
فيصل :اوووووف فكني انت الثاني قسم مو متحمل ثيابي
عادل: وش ذا العجله تحمل عمتك اقل شي شهرين
فيصل:ماعاد فيني صبر
طلع ابو عادل على اصواتهم:خير وش ذا الصراخ
فيصل وعادل ناظروا فيه بهدوء ابو عادل :خير انا ما احبكم تناظرون كذا احس كارثه جايه بالطريق
عادل : ولدك انجن رسمي خلاص
ابو عادل : وش الجديد هذا مجنون من زمان وش المشكله
عادل :المشكله بيعجل زواجه بعد شهر
ابو عادل لف لفيصل اللي مسكه وهو ياخذه للمجلس :انا افهمك انتظر
ابو عادل جلس :وش تفهمني انخبلت انت شهر وش يمدينا عليه
فيصل : يبه الله يخليك ضروري تستوعبون اللي بقوله
ابو عادل : شو بتقول ابي استوعب
فيصل حاول يجي من طريق صعب وبيقنع ابوه اكيد فيه: يبه اول الاسباب واهمها ان قلبي تعب والله ماعدت اتحمل اشتياق بعد والله يبه ماصدقت متى ما وافقوا وضمنتها من نصيبي ي يبه صارت معي بكل لحظه تفهم وش يعني حتى بصلاتي تدخل ببالي والله مالي حيل البعد وش فرقت شهر يمديكم ويمديها تجهز انا قابل فيها بدون جهاز المهم تكون معي ومستعد لاي شي تطلبه وثاني اهم الامور عميمه طلعت عيوني وهي كل يوم تهاوش وتسب وانها تعبت من حملي عليها وانها معاد لها طاقه تتحمل اكثر وصرت استحي اطلبها اكل او حتى تجهز لي ملابس او تخدمني بشي صرت اشوف التعب عليها
وثالث شي انا ابي استقر واركد وضعي كذا ابد مو مريحني وتعب لي نفسيتي
عادل وابو عادل كانوا يناظرونه بتمعن وهم يبوم يتأكدون انه ما يخطط لشي فهم فيصل وقال بتمثيل: لمره وحده اعطوني الثقه مابي اشوف في عيونكم نظرات غيركم
بكلمته هاذي سكتهم وارغمهم على انهم يتقبلون الموضوع
ابو عادل :كلمت البنت طيب كلمت ابو مشاري
ففيصل:لا ابيك تروح معي بكره نقوله ونفهمه وما اظن بيرفض لان خير الامور عاجلها وخصوصا اني انسان ما احب انتظر
عادل: من هاللحظه مجبور انك تنتظر
فيصل : عادل خلصنا
ابو عادل : انا مدري جنانك هذا لوين بيوصلنا
فيصل : خلاص يبه هذا اخر شي
ابو عادل :اتمنى قوم يلا انت وهو العشاء جاهز
فيصل:مابي انا تعشيت
ابو عادل : براحتك
دخلوا جوا وراح فيصل لنواف اللي جالس بطفش ويناظر التليفزيون سكر عيونه وهو متجاهل سهام : حبيبي وش فيه مبوز
لف نواف بزعل : شيل يدك اصلا انا زعلان عليكم كلكم
عادل جاء وجلس قباله:افاااا وشوله الزعل
نواف قام وهو فعلا زعلان: ما كأن عندكم اخو تسألون عنه تاركيني لحالي واذا جيتوا جيتوا منفسين وعلى طول لغرفكم
فيصل حس بجدية الزعل وقال وهو يسحب نواف ويحضنه: ما نسينا احنا ننسى نفوسنا قبلك بس انشغلنا وانضغطنا واحنا اسفين
عادل : وش رايك اجل إنا اليوم بنسهر سهره على كيف كيفك
نواف: مابي شي منكم خلوني لحالي
فيصل ضحك:شعليك صرت مثل عميمه زعول روق عاد وقلنا لك بنسهر ونفلها .

..... 128 .....

عادل : وقلنا اسفين ي طعس
فيصل وهو يشيله على كتفه ويغني : جينا وجينا وجينا جبنا نواف وجينا
عادل كان يصفق ويردد وراه وفيصل انواع التخبيص في الاغاني وطلعوا ومعهم نواف اللي على طول رضا
كل هذا كان تحت انظار سهام وابو عادل اللي يحب لمتهم حول بعض
سهام: حلوين وهم مع بعض طول الاسبوع اللي فات وهم متغيرين
ابو عادل :عسى ربي لا يفرقهم ولا يشغلهم عن بعض
سهام:امين
ظيمنع
ظيمنع
عند اديم اللي بعد ما انتهت من يومها المتعب المرهق سحبت لحافها وهي ودها لو تنام من فتره ما نامت زي الناس
تغطت لكن طرا لها تشوف سناب فيصل دخلت وهي تحدث وشافته منزل صوره لمكان بشكل ابيض واسود ومعلق عليها ( ‏هنا و الحزن بـ عيوني لقى منفاه
‏هنا بـ الفعل أنا محتاج لي وقفه . .
‏هنا ما عاد باقي لي سُوى ذكراه
‏هنا مع كل ذكرى تصيبني رجفه ��) استغربت من الكلام والصوره كانت تحاول تدقق بالصوره لكن ما عرفت وش هي دخلت خاص وهي تقول ( وش ذا !! وينك انت )
ظيمنعظيمنع
ظيمنع
عند فيصل اللي كان جالس بين نواف وعادل اللي كلهم ناموا بنص الفيلم لكن هو عجز ينام او حتى يغمض عينه من اللي صار معه ومن امه اللي ما تركته ابد في احلامه وكل يوم تطلع تعابته بعد نواف من حضنه ووقف وهو ياخذ جواله اتجه بوسط الظلام لغرفة امه فتحها وهو اول مره بحياته يتردد في فتحها غمض لما حس بريحة عطر امه دخل وسكر الباب وهو يشغل اضاءه بسيطه جلس بكرسي جنب الباب وهو مايدري وين بيوصل بتفكيره لكن اللي يعرفه ان امه عتبانه عليه بسبب فعله كل ذا من خياله لكن يحسه واقع تنهد بضيق وهو مايبي يبرر شي لانه مايدري عن ايش يبرر استند بظهره للكرسي وهو ذكرى تاخذه وذكرى ترجعه وكيف امه حرصت انه تربيه على حب الناس والخير ونظافة القلب وعلمته ما يحقد على احد تنهد بقوه وهو يقول: وانتي بعد يمه علمتيني ما اسكت عن حقي ولا اترك حقنا يضيع ولا اسامح اي احد يضرنا وعلمتيني بعد ما اسمح لاحد ياخذ مكانك ويخرب حياتنا وهذا اللي بيصير
كان عصف الذكريات مستمر وكل شي يمر عليه واول شي الذكرى السيئه بوفاة امه واخذ جواله وصور وهو يعلق بنفس التعليق قام وطلع ورجع بين اخوانه لانه صار يخاف ينام لحاله من كثر ما كوابيسه اتعبته اخذ نواف لحضنه وهو يستند على كتف عادل وتنهد وهو خايف من الجاي وتأنيب الضمير لكن سرعان ما تذكر الكف غمض عينه وهو زايد حقده عليها حس برساله بجواله سحبه وشاف حنين معلقه فتحها ببتسامه راضيه ( مو قلنا تنامين وترتاحين ومو ع اساس تعبانه نوم)
اديم(كنت بنام بس انشغلت وبعدين شفت السنابه وضايقتني حيل )
فيصل ( لا تضيقين مجرد سنابه روحي ارتاحي قبل تصدعين وتتعبين )
اديم( مابي انام الين تقول )
فيصل ( ولا شي دخلت غرفة امي هاجمتني فيها ذكريات وفضفضت عنها )
اديم : ي حبيبي ي فيصل والله ادري بك مو كذا لكن حسبي على الظروف اللي جمعتنا غلط ( لا تتضايق الله يرحمها وهاذي ظروف نمر فيها وتعدي اهم شي لا تضيق )
فيصل (تعودت انا على هالضيق وهو بالحقيقه مو ضيق قد ماهو دواء لجرح فقدها )
اديم ( حبيبي ي فيصل مافي يدك حيله غير الدعاء والصلاة والله يجبر كسرك )
فيصل اللي ابتسم ابتسامه وسيعه على كلمتها وقال( بس خلاص الحين انجبر كسري دامي حبيبك)
اديم قالتها بعفويه وتورطت ضحكت لا شعوريا وهي معاد تدري وش ترد احتارت وخجلت ( المهم روق وصلي ركعتين ونام بكره بشوفك مداوم بالجامعه طيب!!)
فيصل ضحك( ههههه انا ابي اعرف انتي وين بالضبط كيف تشوفيني ما اشوفك)
اديم(ههههههه بقولك شغله وحطها بأذنك " انا اقرب لك من سبابتك لوسطاك .. تصبح على خير)
قرا فيصل الكلمه مره واثنين وثلاثه يالله قد ايش الاهتمام من شخص تحبه حلو عمره ما احب ان احد يكون قريب له كذا قد ما حب قرب حنين منه وهو مايدري وينها بالضبط تفائل ببكره نزل جواله وهو مستانس وتلحف وهو يلحف اخوانه ونام
اديم اللي هنا ارتاحت وسكرت جوالها ونامت على امل بأيام حلوه مع فيصل
ظيمنعظيمنع
ظيمنع
عند ابو عادل اللي كان يراقب فيصل من دخوله لغرفة امه لحد ما رجع ونام بين اخوانه استغرب من تصرفاته هاليومين اللي كان ملاحظ فيها شي غريب مايدري وش هو نزل وهو يفكر بأيش كان فيصل غريب لف يناظر سهام اللي نايمه براحه تنهد بضيق وانسدح وهو مايدري وين الصح بهالحياه ظيمنعظيمنع

.... 129 .....

من بكره الصبح صحى فيصل كالعاده على صوت عمته كان بيرجع ينام بس تذكر موعده مع حنين فتح عيونه وهو يناظر السقف بتعب
منى: فيصل نواف يلا قوموا
فيصل لف لنواف اللي غاطس بنومه : نواف يلا
صحى نواف :وش فيكم
فيصل: قوم يلا عشان تداوم يلا
منى: وانت بعد قوم
فيصل فز واتجه للحمام تروش وهو يدندن وبعد شوي طلع وهو متحمس يشوف حنين وقف قبال المرايه وهو ينشف شعره سمع عمته تقول : فيصل زعلان علي
فيصل لف لها: لا ي عميمه ليش ازعل
منى : يعني عشان امس خصوصا ان ابوك كلمني انك بتعجل زواجك وتقول انك مضايقني
فيصل ابتسم بهدوء: هذا الصدق انا تعبتك كثير صار وقت راحتك
منى: لا لا يمه لا تقول كذا انتم مثل عيالي والله مالي بالتعب
فيصل قرب وهو يبوس راسها: ادري لكن الله يعطيك العافيه الين هنا وبس حنا صرنا كبار وضروري نعتمد على انفسنا
منى: انا بخدمكم لو انكم شياب
فيصل: يخليك لنا عميمه ...لف واتجه لنواف وهو يشيله :نوووواف يلا عاااد تراك سمجتها
نواف :وش تبي مابي اداوم
فيصل:ايه عشااانك بس قوم بس لا يجي ابوي يتوطى ببطنك يلا عشان اوصلك وراي شغل
نواف :اووووف اوووووف ما تخلون احد ينام
منى:عشتوا ي ابو بريص لسانك طولان
نواف لف وهو متكتف:اللي يعيش معكم غصب يصير كذا
فيصل سحب جزمته وهو يرميه فيها:انقلع بس
رجع للمرايه وهو مزاجه اليوم عالي رتب نفسه وتعطر وكشخ
منى: خير وش عندك اليوم كاشخ
فيصل:الله يسامحك انا دايم كاشخ
منى: بس هالمره بزود وبعدين انت اذا رحت الجامعه كانك رايح جنازه وش الطاري
فيصل ابتسم : والله الواحد اذا صار يحب مشكله ضروري يكشخ في كل مكان يمكن الصدف تجمع
ضحكت منى وهي تضربه وعبالها يقصد اديم :يلا بس انزل للفطور
فيصل اخذ اغراضه ونزل وهو ياخذ الدرجه بدرجتين ماشاف سهام وزاد ابتسم قرب وهو يقول :عويدل متى قمت
عادل : قبلكم كلكم
فيصل : ايه عشان كذا حسيت بالبرد
عادل: انا ادري انك ما نمت عندي لله
فيصل ضحك وهو يحضن عادل : مشكلتك دافي مالي شغل انا
نواف نزل بضيق وجلس لف له فيصل: خير وش فيك على راسك الطير
نواف:ابي انام
ابو عادل كان يناظر مناوشاتهم بين بعض ويراقبهم عدل حسهم تغيروا عن اول حتى لو يضحكون مو زي اول
عادل : داوم وارجع نام
نواف: يبه تكفى بغييب
فيصل :ههههههه ضحكتني ليتك ساكت تبي ابوي يسمح انسى
ابو عادل قال بهدوء : روح روح ي نواف نام مو لازم تداوم
شهقوا كلهم مع بعض نواف: جد يبه
ابو عادل ضحك : ايه روح
نط نواف وركض لابوه وهو يحضنه ويبوس راسه وبعدها طلع لغرفته يبي ينام
فيصل:الله واكبر الله واكبر شالتفرقه ناس وناس يعني
ابو عادل: هههههه انت عاد تستاذن عشان تعطيني خبر مو عشان أأذن لك ان قلت ايه او لا بتغيب
ضحك فيصل :ايوه كذا الناس الكويسه
عادل: لا تفرح يبه نواف نسخ لصق من فيصل بكره بيسوي زيه تشوف ترا عشان بزر يستأذن لكن اذا صار قد هالثور تشوف
فيصل:لا تغلط لو سمحت انا انسان محد زيي
ابو عادل:ههههههه حق
وقف فيصل وهو ياخذ كوب الشاهي معاه: يلا ودعناكم
ابو عادل: انتبه لنفسك
طلع فيصل ولما قرب لسيارته انتهى كوب الشاهي ورجع ع اساس يرجعه بس كان فيه شوية زيت مكبوب ع الارض كان بيطيح بس تماسك على اخر لحظه جلس وهو يحط الكوب ع الدرج: حسبي الله عليكم بغيت اروح من كيس اهلي
وقف وهو يتعدل وطرا له يسوي الحركه في سهام راح من الباب الخلفي ودخل المطبخ بهدوء واخذ الزيت وهو يسمع سهام تصبح على اللي برا كبه ع الباب ومسحه شوي بالمنديل عشان ما يبين ابتسم وطلع وهو متأكد انه بيرجع على خبر يبرد قلبه في سهام ركب سيارته بحماس والهواء البارد ينعشه فتح جواله وطرا له يتصور هو من زمان ما تصور رفع الكاميرا وتصور وعلق يقول (‏صباحي أنت وبقايا اشيائك الحلوه .. يا مجمل أشيائي اللي ماتبي غيرك)
نزل الجوال وانطلق يسابق الوقت وكانت الساعه( 7:40 )
ظيمنعظيمنع
ظيمنع
عند عساف ورائد اللي كانوا طالعين لدواماتهم وعساف اللي مرمي رمي على المرتبه وفيه كمية نوم ماهي طبيعيه اما رائد اللي كان يسوق ويطالع الجوال شهق وفز عساف برعب :وش فيك وجع
رائد لف له الجوال : شوف شوف
عساف اخذ الجوال وهو يناظر بصدمه : مين ذا فيصل
رائد : شفت كيف
عساف : شعنده مصور بالصبح بالعاده شياطينه معه ومروق وقصيد حركات ..

..... 130 .....

رائد:اتصل اتصل خل نشوف سر الروقان من الصبح
دق عساف على فيصل اللي رد وهو يضحك: نعم نعم ي اعداء الرومانسيه والصباح نعم
عساف: الله ي الدنيا الله يسقي يوم انك بالقوه تصحى واذا صحيت صحيت بشياطينك والاخلاق زباله الحين وش تغير احس اني وصلتني ريحة العطر ولا شعر وصباحات وحركات
فيصل: هههههه ياخي الواحد اذا حب ضروري يصبح هالصباحات ويروق
رائد: هههههههه والله اني حاس انك ضايف المدام بالسناب
عساف انفجر ضحك على براءة رائد اللي لو يدري عن اللي يسونه بيلعن خيرهم
فيصل : ياخي خلوني اوسع صدري واصبح صبح حلو تعبت وانا اصبح على وجوهكم الللي تقطع الرزق
عساف :هههههه حسبي الله عليك بتردك الايام والموت قدام
فيصل قرب من الاشاره وانفجر يضحك : عز الله الموت قدام يلا انقلعوا انقلعوا وراي شغل
رائد:لاا الدنيا قامت فيصل وراه شغل
فيصل : يعني حنا صرنا مرتبطين الحين مانا فاضين للبزران
عساف : الله واكبر الحين حنا صرنا بزران ماعليه ماعليه
سكر فيصل وهو يضحك ووقف وهو يناظر حواليه وفي كل سياره سحب جواله وهو يحدث شافها مصوره الاشاره ومعلقه عليها ( ‏يظ“مر آلوقت والغآلي ببالي ‏عسى موعد لقانآ حان وقته ..!)
ابتسم وهو يعلق ( حان وقته بس انتي وينك !!)
اديم ضحكت وهي تشوفه يلف يمين ويسار ويدور عليه ضحكت ( هههههه بشويش لا تكنسر رقبتك )
فيصل سجل صوت( ياخي كل السيارات بنات مدري وينك )
اديم ضحكت ( لا تتعب عمرك ما راح تشوفني بس انا اشوفك)
فيصل (وليه الغش)
اديم ( لاني لقيتك قبل انتبه لطريق الاشاره فتحت)
ضحك فيصل ومشى وهو يقول( هين ي حنين تجيبك الايام واوريك )
اديم كانت مصورته وهو يتلفت وضحكت وهي ترسلها له ( شايف شكلك بس ههههه)
فيصل ضحك على شكله اللي فعلا واضح متنح ورد ( والله عاد عمري ما سويتها الا اليوم)
اديم ( ههههههه زينك ي شيخ واضح من وجهك مروق)
فيصل(ااخ ي قلبي اقسم بالله ان روقاني مو طبيعي اليوم)
اديم ( ههههههه انا لو اقدر قلت لك تفطرني على حسابك )
ضحك فيصل( والله والله لتبشرين بس وين )
اديم ( هههههه الايام جايه المهم توكل يلا انا وصلت جامعتي )
فيصل ( ربي وقلبي معك )
ابتسمت اديم ونزلت وهي مستانسه لكن تنهدت لما تذكرت الايام اللي بتجي مع فيصل راحت لروان وهي تحضنها بهدوء
روان : هاه كيفك اليوم وش سويتي مع فيصل
اديم نزلت راسها : زعلان شوي وبيرضى ماعليك مدري شكلي من كثر ما احبه مابي اشوف منه ولا غلط
روان : ياربي ياربي انتي مجنونه وهو اجن منك اخاف تتطلقين بيومين
ضحكت اديم : لا لا من هالناحيه تطمني
روان :يلا طيب تأخرنا على محاضراتنا
مشت اديم وهي باق تفكر بفيصل اما فيصل اللي هو بعد دخل محاضراته كإداء واجب لا اكثر
ظيمنعظيمنع
ظيمنع
في بيت ابو عادل وقفت سهام وهي تقول : انا بجهز للغداء وش تحب اسوي طلال
ابو عادل : اي شي المهم خليه كذا خفيف
سهام : اوك
منى: خذيني معك اساعدك
سهام: يلا
اتجهوا للمطبخ وهم يسولفون لكن ما كملت السالفه الا صرخت سهام وهي تتزحلق بالزيت كانت منى وراها ومسكتها لكن هي الثانيه تزحلقت وطاحت وطاحت سهام عليها كلهم صرخوا ركض ابو عادل وهو مصدوم من المنظر ساعدهم يقومون لكن منى كانت رجلها توجعها بقوه ولا قدرت تقوم قرب بيساعدها ابو عادل بس تزحلق هو بعد وطاح عليها ورجعت تصرخ بالقوه وقف ابو عادل وهو ماسك ظهره :حسبي الله وش ذا من اللي كب الزيت
سهام :مدري والله
منى: اااي ي رجلي ااااي
عادل اللي كان باقي ما راح نزل مسرع على صوت الصراخ : خير وش فيكم
ابو عادل :عادل ساعد عمتك بس انتبه من الزيت
عادل :اي زيت وينه
سهام:هذا هو انتبه
قرب عادل بحذر وهو يساعد منى جلسها على الكرسي وهي تصرخ من رجولها
عادل :عميمه توجعك حيل اوديك المستشفى
منى: ااااااي ي عادل والله انكسرت والله
ابو عادل : عادل خذها للمستشفى
ركض عادل ياخذ عبايتها ويساعدها تلبس واخذها للمستشفى اما سهام اللي اخذت ابو عادل للصالون اللي وجعه ظهره شوي
ابو عادل : مين كب هالزيت
سهام: ما ادري انا مادخلت من الصباح
ابو عادل :الله يسامح منى شكله انكب منها وهي ماتدري
سهام: وليش مايكون مقصود من احد
ابو عادل بطرف عينه:من قصدك
سهام: فيصل .

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات