| همس للقصص وحكايات وروايات خاص بشتى انواع القصص الواقعيه والخياليه |
رواية كبرياء رجل وشذوذ إمرأه همس للقصص وحكايات وروايات
 | |
   
23 - 11 - 2024, 10:29 AM
|
#21 |
 
|
23 - 11 - 2024, 10:30 AM
|
#22 |
 |  عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 [ ]
|
حاليآ في » | دولتي الحبيبه »  | جنسي »  | | العمر »
سنة
| | الحالة الاجتماعية »
اعزب
| مشروبى المفضل »  | الشوكولاته المفضله »  | قناتك المفضلة »  | ناديك المفضل »  | سيارتي المفضله »  | |
رد: رواية كبرياء رجل وشذوذ إمرأه
البارت الواحد والعشرون \\ // \\ مرت الليلة على أبطالنا بحلاها و بمرها نواف بالفعل دق على نوف وعن يده صورتها ما شالها من قدام عيونه وكان يتكلم معها وهو يطالع بالصورة ..... نوف بدورها كانت مبسوطة كثير وما حست بالوقت إلا لما دقت عليها ميثه حتى تجلسها للصلاة عندها بالغصب سكروا من بعض بعد وعد نوف لنواف إنها تطلع معه يوم ثاني ,, صيته بعد كان النوم مجافيها .... معقولة الخطبة تكون بهذي السرعه ومعقولة يكفيها يوم واحد تفكر بالرد ؟؟؟ ,, ماجد نايم بالأحلام مو متصور قلبه انه خلاص كلها كم ساعة ويصير كل شي رسمي ويصير قريب من حبيبة قلبه عشوق ,, مرام بدورها كانت مخدتها غرقانه من دموعها ... طلال خلاص مو من نصيبها بعد بكره بيمشي على كندا بيروح والله العالم بتقدر تشوفه مره ثانيه أو لا ... وعبد الله هذا إلي طلع لها فجأة وملك قلب مالك ونساه اسمه ,, مالك الحرقة بقلبه ... مو قادر يتحمل يشوف غلاه مرام بهذي الحالة ... معقولة هو يسوي بقلبه كذا يبيعها وهي تحب واحد ثاني ... لكنه مقتنع إن إلي جالس يسويه هو لمصلحتها ...ولو الحب فيه خير كان انسعدت أمه ؟؟؟ \\ // في اليوم الثاني وعلى الغدى في بيت بو تركي ميثه" هاا يا بنات وين خاطركم تروحون ؟؟ زهور" هههه براحتج انت بس ما اوصيج نبغي نشوف أحلى ما بالرياض ميثه " لا والله الرياض كلها حلوه ... بس قولي لي تبغين تروحين تتسوقين ولا تروحين تتمشين زهور" لا ابغي أتسوق تدري بشتري لزوجي شي ... ميثه" آآآآه ما اقدر على الرومانسية ...خلاص انتع ديتي ها لمرحله ...تزوجتي وخلصتي نوف" بالعكس الزواج يعزز الحب طروب" ههههه بعد كلام نوف ما في كلام ميثه" هه هذي ما ينقاس على كلامها توها بالعشق توها زهور " مالي شغل فيكم ...مسكين حبيبي يكفي اني تركته على شانكم نوف" ما تقصرين يا عمري ... بإذن الله نجيكم بالأفراح أم راشد" جريب يمه راشد معزم على الخطبة ... ميثه بتموت فرح" الله يوفقه نوف بتقطع السالفة لا تفضحهم اختها " يمه اليوم أنا بطلع مع نواف إذا ما في مانع أم تركي" يمه اسألي أبوك أنا ما لي دخل نوف" مو مشكله بروح اسأله راحت نوف نادت على أبوها واستأذنته طبعا هو ما أبدى أي مانع وقال لها إن نواف زوجك الحين ولو يبغي ياخذك لبيته ما عندي مانع نوف انحرجت من كلام أبوها مع إن كلامه زرع السعادة بقلبها أكثر ...نواف ملكي مثل ما صرت أنا ملكه ,, في بيت بو نواف كانوا جالسين على الطاولة يتغدون الكل كان ساكت ...أم نواف عيونها مورمه من البكي وأم عبد الرحمن قلبها يألمها ما ودها يصير بينهم إلي صار ....أما نواف كان ياكل ومو حاس إن في شي ...كل عقله وتفكيره في نوف وانه يدوب يروح لها حتى يمسك الوقت من أوله<<منو قدك يا عريس؟؟ طارق" قولوا قسم ؟؟ لكل التفت عليه واهم ساكتين طارق" ما يصير كذا ها لوضع ما يعجب احد صيته تسكته" اطلع منها انت وكل شي يكون بخير أم عبد الرحمن" استغفر الله ... طارق" لا لا لا شوفوا كيف بوزها شكلها زعلانه أم نواف" أمي قلبها طيب ومستحيل تزعل علينا أم عبد الرحمن تتحلطم" اييي بدون مشاعر ...كيس فحم أنا مو بشر طارق" ههههه حلوه يا سحوره.... ولا شرايكم ؟؟ أم عبد الرحمن بتنفجر قامت من على الطاولة ...مسكها نواف من يدها نواف" على وين ما كلتي ؟؟ ام عبد الرحمن " منو يحلاله الأكل و ها لمسخ جالس معه على السفرة طارق بيموت من الضحك " أحلى الكلام العلمي منو قدك والله ونتعلم منك كثير يالغلا نوره ببرود" ترى يا جدتي طارق يعتبر وسيم لولا انه اسمر شوي أم عبد الرحمن" أي شوي انت بعد.... ما تشوفين حطي لك نظاره حتى يكمل الدلع طارق" قسم بالله إني صرت أحب حالي كثير وأشوف إني قمر من كثر ما تتكلمين عني نواف بزعل" يعني تفضون ها لسيره ولا شلون ؟؟ أم عبد الرحمن" ايييه عدل ...زين تسوي فيهم هذا إلي يبغى لهم ....أحد يأدبهم نواف" يمه ... بلغك ابوي اليوم على الضيوف إلي بيجون ؟؟ صيته عندها قام قلبها يدق بجنون".......... أم نواف" لا والله ما خبرني نواف مستغرب" معقولة؟؟ أم عبد الرحمن" ليه منو إلي بيجي ...ما حنا فاضيين اليوم بنروح نسير على أم تركي ما شبعنا من شوفة أم راشد نواف يتكلم بجد" لا يا جدتي ما يصير ...اليوم بيجون خطّاب لصيته.. أم عبد الرحمن" يووه الله يقدم الخير نوره تبتسم" مبرووووك يا عروس صيته انحرجت وقامت من على السفرة".......... أم عبد الرحمن " وهو شلون رجال زين ؟؟ نواف" ايي والله يا جدتي ونعم الرجال ... وأهله بعد ينشرون بماي الذهب أم عبد الرحمن مرتاحة" الله يهنيها تستاهل الخير بنيتي أم نواف" الله يوفقها إن شاء الله.... ويكتبه من نصيبها لو بيسعدها نواف يلتفت لطارق" لازم تكون موجود هااا ...لا تغيب طارق " قول قسم ؟؟أكيد بجدي تلاقيني أول واحد موجود نواف يطالعه وهو مبتسم" ومتى انت بتقول يا هادي؟؟ طارق يضحك" هههه والله مو باين يا أخوك ...لكن انا بخلي سحر تختار لي على ذوقها أم عبد الرحمن " هه ما أدري مني هذي ها لمصفعه إلي بتوافق عليك أصلا ...خلها على الله طارق" والله أنا عارف ...بس نواف الي يسأل نواف يطالع بطارق وأم عبد الرحمن ويقول بقلبه ...ما أدري متى بتعقدون هدنه ويتم الصلح ؟؟؟؟ ,, في بيت أم تركي كانت ميثه واقفة بالمطبخ وتجهز عصير للرجال ...طبعا جالسه تتفنن وتسوي حركات .... عصير كوكتيل طازج ... وفوقه آيس كريم وحاطه فيه ماصه دخل تركي عليها وهي تغني بكل نعومه تركي" هااا ما خلصتي ؟؟ ميثه شهقت وتباعدت عنه".......... تركي يعفس وجهه " إيييي معلوم تخافين ...شايفه عزرائيل يمك ميثه تصد عنه وبخاطرها تقول أكثر والله ..عطته العصير ...سحب الماصات منها وشال المناديل وأخذ الكاسين في يده كذا من غير شي وصار يشفط فيهم ....ميثه روحها بتطلع على ها لتعب يروح عا لبارد يضيع كل شي ...تركت المطبخ وراحت بتصعد فوق ... وهي كذا إلا بنزله نوف نوف" ميثه بروح أنا الحين تبغين شي أجيبه لك ؟؟ ميثه بصراخ" لا ما أبغي شي بس فكوني انتوا ...وش ها لعيشه في ها لبيت؟؟؟ موت وربي نوف عارفه إنها زعلانه ما حبت إنها تشغل روحها معها ففضلت إنها تتركها لما تهدأ وهي بنفسها بتجي لعندها تشتكي لها من إلي مزعلها نزلت نوف تحت شوي إلا يدق جوالها نوف بنعومة" حبيبي نواف" بعد عينه انت ... جاهزة؟؟ نوف" ايي خلاص جاهزة ولابسه عبايتي بعد نواف" افتحي لي لباب حتى أبوس يد الوالدة إلي ربت أحلى إنسانه بها لوجود نوف مبسوطة" دقايق قلبي سكرت من عنده وراحت جهة الباب وفتحته نواف بعشق" من وين الشمس طالعه اليوم؟؟ نوف" هههه من ذوقك يا قلبي نواف" شفتي لي الطريق؟؟ نوف" ايي أكيد نواف" يا لله بسرعة حتى ما نضيع وقتنا بموت ابغي أجلس معك على راحتنا نوف تبتسم " حياك تفضل من بعيد تركي" هلا والله تو ما نور البيت نوف ونواف"؟؟؟؟؟؟؟؟؟؟؟؟ \\ // في الشرقية.....في غرفة مرام إلي ما طلعت منها اليوم كله يدق الباب مرام بعصبيه" خييييير رغد" مرام أنا رغد مرام" حصل لنا الشرف أهلا وسهلا رغد ما بغت تطولها" مالك يقول لك عبد الله تحت ... بتنزلين ولا شووو ؟؟ مرام "......... رغد" مرام مرام مرام تروح تفتح الباب بسرعة " إن شاء الله روحي وأنا بلحقك ... مو إحنا صرنا بزمن الاستعباد رغد تطالعها ومو عارفه شترد عليها ....فتركتها ونزلت مرام حايره لكنها في الآخر لبست عبايتها ونزلت مالك ينتظرها تحت" هلا والله يا لله عمري لا تخلين الرجال ينتظر أكثر مرام بغصة" مالك أنا أسوي كذا حتى أرضيك لكني مو مقتنعة مالك بهدوء وهو يمسح على راسها " بكره راح تدعين لي وتقولين مالك كان عنده حق مرام بدون ما ترد بكلمه صارت تمشي وراه ....لحد ما وصلوا مجلس الرجال ...دخل مالك ومرام كانت مرتبكة كثير لكن مظطره مالك" حياك يا مرام دخلت مرام وهي منزله راسها مو قادرة بتموت من الحيا تقدم لها عبد الله ومد يده " هلا مرام اخبارك؟؟ مرام بدون نفس" أنا بخير راحت من قدامه وجلست ولا كأن أحد يبغي يتكلم معها مالك تضايق من ردة فعلها ولكن ما علق وفضل انه يروح ويتركهم ربع ساعة يتفاهمون عبد الله بدوره جلس بعيد عنها" أنا حاولت أكلمك أكثر من مره لكنك ما كنت ترضين تكلميني مرام" بصراحة أنا ما أحب ها لحركات ... كل شي بوقته حلو ...لشو الاستعجال الدنيا ما بتطير عبد الله متفاجئ" كلامك صحيح لكن الدنيا تغيرت مرام تلف عليه وتطيح عينها بعينه" إيييي صح لكن أنا تفكيري تفكير أهل أول وما أحب الكلام الفاضي إلي ماله داعي عبد الله ما همه كلامها بعد ما شاف عيونها إلي سحرته مرام بعد حست من نظراته بشي غريب فصدت عنه مره ثانيه ...وظلوا خمس دقايق ساكتين عبد الله" مرام انت دارسه ؟؟ مرام " اييي ثانوية عامه بس عبد الله" وليش ما كملت مرام" كذا دلع بنات ...أنا ما أحب الدراسة عبد الله" وأنا بعد أحب الزوجة الغير عامله ... أفضلها أكثر من غيرها مرام لقت مخرج" عبد الله أنا لو صار نصيب المشغل ما أقدر اتركه عبد الله سكت شوي وبعدين" ما عندي مانع مرام" انت عندك شقه ؟؟ عبد الله " ايي الفيلا مو ناقصها غير لمساتك مرام ببرود" ما ابغي أصير بعيده عن أهلي عبد الله " اييي بس مرام توقف " لا بس ولا شي .....هذا شرطي والله عجبك ولا براحتك راحت مرام ركض ودموعها بعينها وعبد الله يناديها لكنها أبد ما تسمع له ...مرت على مالك وبيده العصير لكنه شافها مرتبكة ناداها مرام راحت و ما عطته وجه راح مالك لعند عبد الله لقاه منزل راسه مالك" خير عبد الله وش صار ؟؟ عبد الله بضيق" ما أدري مالك "مرام كأنها معصبه عبد الله يقوم يوقف له " مالك انتوا غاصبينها علي ؟؟ مالك مصدوم" لااا منو قال ؟؟ عبد الله " محد ... لكنها جالسه تعطيني شروط تعجيزيه ...أحسها مالها خاطر فيني لا يكون أحد في قلبها صرخ مالك فيه" أقول يا عبد الله إحنا ناس على قد حالنا صحيح لكن عندنا شرفنا تاج من الماس فوق راسنا عبد الله يهدي الوضع" والنعم فيكم والله وإحنا لو مو عارفين ها لشي ماجينا نطلب القرب لكن اختك شكلها مو مرتاحة لي ...يمكن العيب من عندي .... على العموم اجلس انت معها واعرف شو فيها ورد علي ....وتأكد سعادتها كل اهتمامي راح عبد الله ومالك في حيره من أمره مو عارف يروح يدوس ببطنها ولا يقتلها ويرتاح من همها \\ // في الرياض تركي " يا حيا الله النسيب نواف من غير نفس" هلا فيك تركي " وين بالله ...داخل ولا أحد هامك نواف بدخل اسلم على مرة عمي ولا عندك مانع ؟؟ تركي" لا أبد البيت بيتك نوف بضيق" حياك نواف تركي " الحين انت يا مال البلى ليه لابسه عبايتك هاا نواف" لأنها بطلع معي تركي" وبأمر من هاا ؟؟ نوف بخوف" أنا قلت لأبوي وما عنده مانع تركي " نوف مالك طلعه من البيت مع نواف إلا لبيته نواف بيجن " تركي ...صاحي انت ؟؟ تركي يصرخ بنوف" دخلي داخل نوف عيونها مليانه دموع ...راحت ونظراتها لعند نواف نواف كان يضغط على أعصابه يبغي يهدأ لأنه لو يمسك تركي يذبحه تركي " حياك ما بتدخل تسلم ؟؟ نواف بهدوء" ايي بس شوف لي طريق لا يكون نوف كاشفه عن شعرها ولا شي تركي " هههه لا مو لهذي الدرجة دخل نواف داخل كانوا جالسين في الصالة ونوف جالسه ومنزله راسها نواف" السلام عليكم أم تركي توقف له" هلا والله بوليدي ....شلونك يمه ؟؟ نواف" أنا بأحسن حال بعد الهدية إلي هديتيني إياها ... أم تركي" هديه؟؟ نواف يطالع بنوف وهو يبتسم " ايي أكيد.... نوف أجمل الماسه بالكون عند كلمته ارتسمت البسمة في شفاه نوف أخيرا أم تركي " ههههه الله يوفقكم نواف" ما أشوف ام راشد وراشد ؟؟ أم تركي " والله رايحين زيارة لمعارفنا نواف" على خير ...بس أقول عمتي أم تركي " خير ؟؟ نواف" الزواج بعد شهر بإذن الله ماله داعي التأجيل هذا طبعا بعد اذن عمي وتركي تركي بلا مبالاة " براحتك لو أسبوع الجاي حدي بلبس الثوب وبدق بالعشر أم تركي " اييي يمه بس نوف ما يمديها تجهز حالها نوف توقف" بعد إذنك يمه أنا موافقة نواف ابتهج يوم سمع كلامها أم تركي اذا الكل راضي براحتكم نواف يوقف" يا لله في أمان الله تركي وقف معه" أبغيك دقيقه يا ولد عمي نواف " مو مشكله .... نوف نوف بحنان" نعم نواف" جهزي حالك من اليوم يدوب هااا نوف بابتسامه" إن شاء الله طلع نواف بره وتركي وراه وهو خاطره يمسكه من رقبته ويطلع روحه تركي " تعال نجلس في المجلس نواف " لا أنا مشغول خير وش عندك ؟؟ تركي يتصنع الذرابه" والله يا خوي أنا خاطري بنوره من زمان مثل ما انت عارف نواف باستغراب" بس هي رفضت على علمي تركي" اييي أنا عارف ...ومن رايي انك تكلمها مره ثانيه وشوي مدح فيني وشويتين ضغط عليها كل شي بيصير بإذن الله يا لنسيب نواف يبتسم له وياشر له على عيونه" من ها لعين قبل ها لعين ....بس هذا إلي تطلب تركي بيموت من الفرح" تسلم والله هذا العشم نواف" ايي لكن مو الحين بعد زواجي تركي معصب " ليه بالله نواف"والله ....حتى أتفرغ للموضوع عدل ولا ايش رايك؟؟ تركي مو مبسوط بس ما في حل ثاني " خلاص شورك وهداية الله نواف يطالعه ويبتسم وهو في داخله يقول حريمتك نوره يا تركي ....لو تحج مئة حجه ما راح تطول منها شعره \\ // في الشرقية كانت مرام مقفلة عليها بابها ومالك يرجف عليها الباب ويصرخ فيها مالك" والله لو ما تفتحين الباب يا مرام لأكسره فوق راسك فاهمتني أو لا مرام تبكي" ما راح افتح يا مالك وسو إلي تبغاه مالك " طيب أنا بشوف أنا أو انت يا مرام ....طلعه من البيت ما في ...وجوالك أنا بفصله وأشوف كيف بتعيشين حياتك راح مالك من عندها وهي تبكي بجنون أم مسعود" حرام عليك يمه إذا هي ما تبغاه لا تغصب عليها مالك بيجن" يعني شووو تبغين الناس يقولون انها عاشقه ؟؟؟ ولا لأن ما في احد كبير في عينها تسوي إلي تبغاه رغد كانت تبكي ...خذت التلفون من عندهم ودخلت فيه داخل بتكلم شيخه رغد تبكي" الووو شمسه" الووو ...من؟؟ رغد" وين شيخه شمسه" وش لك فيها هااا رغد " يا لله بسرعة عطيني إياها ولا بذبحك شمسه تجلس" ما راح أناديها لين تقولين لي وش له البكي ووش تبغين فيها طلال عصب عليها" منو تكلمين انت بالله ؟؟ شمسه" هذي رغد تبغي شيخه وجالسه تبكي ومو راضيه تعلمني وش تبغي منها طلال سكت شوي وبعدين نادى" شيخه تعالي تلفون شيخه من بعيد" أنا جالسه أحمم شهد قولوا لها مشغولة طلال يمسك السماعة من عند شمسه" الووو رغد تبكي" وين شيخه ؟؟ طلال" شيخه تحمم شهد ....خير وش صاير رغد " هااا ... لا ما في شي بس قولها تكلمني لما تخلص طلال ابتدى يتوتر طلب من رغد تنتظر شوي وراح نادى لها بنفسه وقال لها إن رغد تبكي لا يكون صاب عمتي شي شيخه بسرعة" الووو ....اييي رغد وش بلاك ؟؟ رغد" لحقي مالك صاير يخوف وجالس يرجف الباب على مرام لكنها مو راضيه تفتح له وهو بيجن شيخه باستغراب" وليه كل هذا ؟؟ وش سوت مرام طلال سمع اسم مرام ما قدر يوقف وجلس على الكنب شيخه" طيب أنا جايه الحين بس انتوا حاولوا انكم تهدون الوضع طيب سكرت شيخه السماعة وهي بعجله طلال يا لله شغل السيارة طلال بخوف" خير وش صار؟؟ شيخه " بقولك بالطريق طلال؟؟؟؟؟؟؟؟؟؟ \\ // في الرياض وفي غرفة صيته كانت صيته جالسه تحط لها روج ...وتقول بينها وبين حالها ما أدري هذا نصيبي ولا بيصير مثل غيره نوره تدخل عليها" أخبار العروس؟؟ صيته" ههه أي عروس ...بدري على ها لكلمه نوره" لا خلاص روحي فتحي لي المجال صيته تبتسم "......... نوره " اووووه راح تلبسين الفستان الموف صيته" اييي والله احترت وش ألبس فقلت خليني البسه ولا تحسينه كبير على الجلسة؟؟ نوره" لا أنا برأيي انك تلبسين الفستان البحري القصير راح يطلع جمال جسمك صيته" ايي صحيح لكن الفستان الموف أفخم نوره" أنا اشوف إن الناس تغيرت صارت تميل للنواعم صيته تبوس نوره" على رايك يا عمري بعد ساعة ,, أم عبد الرحمن " يا لله يمه الناس تحت صيته مرتبكه" ياااربي أحس إن ودي ابكي أم عبد الرحمن تروح تلمها لها " الله يبارك لك يا عمري ويهنيك صيته بزعل" لا بجد ببكي أم عبد الرحمن " يا لله عاد حركي رجولك صيته" كم وحده جايه؟؟ أم عبد الرحمن " ثنتين بس ...أمه واخته على قدك تقريبا نوف بخوف" وش لون تشوفيني ؟؟ أم عبد الرحمن " قمر .... وربي بيتهبلون عليك راحت هي وأم عبد الرحمن حتى ينزلون تحت ... ودقت صيته على نوره الباب فبلغتها إنها جالسه تلبس وخليها هي تنزل وبعدين نوره تلحقهم نزلوا تحت دخلت أم عبد الرحمن " هذي العروس ...تعالي صيته دخلت صيته كانت بقمة الجمال والهدوء لبست الفستان البحري إلي أقنعتها نوره فيه وكان فرنسي ناعم وعلى الخصر حزام كبير ابيض ولابسه بوت ابيض وحاطه مكياج خفيف وشعرها مخليته على راحته وكان رووووعه أم ماجد" ما شاء الله تبارك الرحمن راحت صيته وسلمت على أم ماجد وباست راسها وراحت لدلع الي لمتها في حضنها وهذا الشي إلي خلى صيته تستغرب منه دلع" هلا والله بصيته ...أخيرا شفتك يا قلبي صيته" مشكوره حبيبتي ...حصل لي الشرف أم نواف" تو ما نورت الرياض يا أم ماجد أم ماجد" منوره بأهلها والله أم نواف" انتوا من الأصل بجده ولا كيف؟؟ أم ماجد" لا والله إحنا من مواليد الرياض وعشنا فيها لما صار عمر ماجد خمس سنوات ...عندها قرر بو ماجد انه يشتغل في السوق وصرنا من مكان إلى مكان وبالموت استقرينا بجده أم عبد الرحمن" والله جده شحلوها إحنا لين رحنا مكة والمدينة لابد نمر عليها أم ماجد" اييي والله ...بس المرة الجايه ما نبغيكم تنتظرون لين تروحون مكة ...نبغى جيه خاصة لنا وهم كذا تدخل نوره ..إلي خذت أنظار الكل وخصوصا صيته لأنها تفاجأت إن نوره لبست الفستان الموف نوره" السلام عليكم الكل" وعليكم السلام كانت نوره لابسه الفستان الموف كان فستان طويل وفيه ربطه تحت الصدر ورديه وحاطه لها عقد ناعم من الألماس ومجعدة شعرها ورافعته ومخليه كم خصلة على وجهها كانت بالفعل جميله كثير أم ماجد" وهذي بنتك القمر يا أم نواف أم نواف تبتسم " اييي يا أم ماجد ..هذي نوره اصغر من صيته بسنتين دلع" ما شاء الله عليك انت ذوق كثير فستانك جنان نوره كانت تبتسم وتقول بخاطرها يا ارض اتهدي ما عليك قدي نوره بدلع" والله من ذوقك ...أنا من النوع إلي أحب الموضة كثير واطلع على كل شي جديد صيته منزله راسها وما أبدت أي تعليق أم عبد الرحمن بإستهزاء " اييي صح كلامك .... وما يحتاج تقولين لأنه باين يا يمه أم ماجد تكلم دلع بصوت واطي" يمه نوره احلى من صيته أنا أشوف إن إحنا نخطبها لماجد ؟؟؟؟؟؟؟؟؟؟؟ | | |
 | |
23 - 11 - 2024, 10:31 AM
|
#23 |
| | | عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 []
|
حاليآ في » | | دولتي الحبيبه » | | جنسي » | | العمر »
سنة
| | الحالة الاجتماعية »
اعزب
| | مشروبى المفضل » | الشوكولاته المفضله » | | قناتك المفضلة » | | ناديك المفضل » | سيارتي المفضله » | |
رد: رواية كبرياء رجل وشذوذ إمرأه
البارت الثاني والعشرون صيته منزله راسها وما أبدت أي تعليق أم عبد الرحمن بإستهزاء " اييي صح كلامك .... وما يحتاج تقولين لأنه باين يا يمه أم ماجد تكلم دلع بصوت واطي" يمه نوره أحلى من صيته أنا أشوف إن إحنا نخطبها لماجد ؟؟؟؟؟؟؟؟؟؟؟ \\ // \\ في مجلس الرجال نواف" يا هلا والله بالي جانا بو ماجد" با لمهلي والله .... مبروك يا شيخ الشباب على العقد والله يبارك لك يا رب نواف مبسوط كثير " تسلم يا عم ما تقصر بو نواف" والله زمان يا بو ماجد بو ماجد" والله الدنيا صغيره واليوم يجمعونا العيال بو تركي " اييي والله زمان يوم كنت بالرياض ...لكن من رحت جده وبعدت عنا علومكم وبالنسبة للعيال الله يقدم إلي فيه الصالح بو ماجد" طبعا إحنا جايينكم نطلب القرب .... ونتمنى إنكم ما تردونا بو تركي " بصراحة إحنا ما راح نلاقي أخير منكم ....والبنت لو إنها ذبيحه ما عشتك يا بو ماجد بو ماجد" والله والنعم فيك يا خوي ..وإحنا موافقين على كل شروطكم ...وأي شي تبغونه على العين والراس ماجد مبسوط على الآخر لأن طريقة كلامهم تبين إن الموضوع منتهي خلاص نواف" والله إحنا نشتري رجال يا بو ماجد ... وماجد من خيرة الشباب لكن مثلك عارف إن راي البنت هو الأول والأخير بو ماجد" أكيد طبعا ... الأهم راي البنت يا ولدي ... و يا ليت يصير خير البر عاجله .... ونسمع الرد الحين بو نواف" لا تقول إنكم رايحين جده الليلة ؟؟ بو ماجد" بإذن الله الحجز على بكره الصباح بو نواف" خلاص انتوا الليلة سهمنا ...لازم تظلون للعشا بو ماجد" ما تقصر والله ... ماله داعي ها لكلام إحنا أهل بو نواف" على شان كذا إحنا نحب إنكم تظلون معنا .... نواف قوم يبه اخذ رد البنت الحين نواف يقوم على طوله" على رايك يبه \\ // في الشرقية ... يوصلون شيخه وطلال وللأسف مالك من شاف طلال داخل فقد أعصابه أكثر من قبل شيخه" خير مالك شو صاير مالك " ما صاير شي ...ليه أحد خبرك إن فيه شي؟؟ شيخه ما تبغي تقول له إن رغد هي إلي دقت عليها شيخه " أنا مو غريبة عنكم ... وأعرف إذا فيكم شي من صوتكم أم مسعود" لا تنسى إن شيخه منا وفينا ... وما تغير شي بعد موت مسعود مالك معصب" وطلال بعد منا وفينا ؟؟ طلال تضايق كثير وبغى يمشي لكن شيخه نادته" لحظه طلال أنا بشوف مرام انتظرني شوي مالك" خليه يروح وأنا أوصلك طلال ابتدأ يعصب" وش خايف منه يا مالك ؟؟ مالك متوتر" انا ما أخاف من أحد غير من ربي طلال" ليش ما تقول لنا ليه مرام جالسه تبكي ومقفلة عليها بابها ... وشنو إلي بينها وبين عبد الله؟؟ مالك خلاص مو قادر يتحمل طلال وأسلوبه مالك " هذا شي ما يخصك هذي أسرار بيت فاهم ؟؟ طلال" شوف يا مالك أنا خطبت من عندك مرام ....لكنك قلت إنها اختارت عبد الله علي ...الحين وش قلب الموازين ما تقولي شنوا إلي يخلي مرام ترفضه بعد إصرارها عليه وبعد ما فضلته علي ؟؟ ولااا قبل رايها كان مهم لكن الحين لا ؟؟ مالك بصوت متقطع" طلال قلت لك مو شغلك أم مسعود باستغراب" كيــــف؟؟؟ انت خطبت مرام يا طلال طلال باستغراب" ايييي ...ليه مالك ما خبركم ؟؟ لحظه صمت من الجميع ...شوي إلا يسمعون صوت مرام من بعيد مرام" لاااا ... ما خبرنا ...وفضل إني آخذ عبد الله من غير ما أعرف انك طلبتني مالك ساكت".......... مرام بضيق" ما تقول لي ليه تبغي تهدم حياتي مالك بزعل" أنا كنت أبغي مصلحتك طلال صاد عن مرام" ليه يعني أنا ما راح أسعدها ولا ايش؟؟ مالك يصرخ" لااااا ... تدري ليه ؟؟ لأنك بتطلعها من بيت وبتدخلها بيت ثاني ...نفس الحياة ونفس الأشخاص لكن عبد الله بريحها كثير ...بيعيشها عيشه ما تحلم فيها مرام " مو ممكن أكون أنا ما أبغي أغير عيشتي ؟؟؟ وإني أفضل إني آكل خبز حاف مع طلال على إني آكل الشهد مع عبد الله مالك بحزم" عبد الله من خيرة الناس وما تقدرين تقولين عنه شي .... مرام" لكن ما سألت نفسك أنا برتاح معه ولا لا أو أنا خاطري فيه أو لا ؟؟ مالك بضيق" مرام روحي غرفتك طلال" لااااااا... ما تروح إلا لما اسمعها منها بالأول مرام انت توافقين علي أكون زوجك ...وحبيبك تعيشين معي بالحلوة والمرة ؟؟ مالك بحده" مرااااام قلت لك روحي غرفتك مرام " لاااا يا مالك .... واعذرني إني أخالفك لكن هذي حياتي وما ابغي أضيعها مالك جن جنونه" بتروحين غرفتك أو لااا ؟؟ مرام بصوت متقطع"اييي بروح لكن مو قبل ما أقول رايي ... طلال أنا موافقة مالك مو قادر يتكلم صدمه موقف مرام وصار يطالعها وعيونه مليانه دموع"............. أم مسعود" يمه مالك ... لا تحرم اثنين من بعض وأختك أدرى بحياتها ..وأنا بدوري أقول إن طلال أولى فيها من الغريب خصوصا انه ولد خالها وانه يبغاها وهي بعد تبغاه .. ولا وش رأيك يا يمه مالك تركهم وطلع من البيت الكل" ؟؟؟؟؟؟؟؟؟؟؟؟؟؟؟ \\ // في الرياض أم ماجد تكلم دلع بصوت واطي" يمه نوره أحلى من صيته أنا أشوف إن إحنا نخطبها لماجد دلع " سكتي لا تفضحينا ...ماجد طالب صيته بالاسم يمه أم ماجد" بكيفه ...بس بغيت انصح له نوره بحنيه" خاله تفضلي ام ماجد" والله أنا ما آكل حلى ...لكني ما أقدر أردك صيته شايفه نظرة الإعجاب من أم ماجد و دلع بنوره دلع تلتفت أخيرا لصيته " والله يا صيته الواحد من يشوفك يرتاح لك ...ما شاء الله تدخلين القلب بدون مقدمات صيته منحرجه" والله من ذوقك يا عمري نادى نواف لصيته ...وقتها حست إن قلبها بيوقف و بتموت بساعتها ... راحت لعنده وسحبها لغرفة الضيوف في هذا الوقت نوره طلبت من دلع إنها تقوم معها يتمشون بره بالحديقة ,, نواف" هلا والله بقلبي صيته تطالعه وهي مبتسمة"......... نواف" هاااا وين لسانك كله القط؟؟ صيته" هههه وش تبغيني أقول؟؟ نواف يمسح على راسها " أنا جاي آخذ رأيك يا عمري صيته" ما أدري محتارة والله نواف مستغرب" ليه ؟؟ بصراحة الرجال زي ما قلت لك ما ينتعيب ....وعلى فكره وسيم كثير وطبعا هذا الشي مهم كثير با لنسبه لكم هااا صيته" هههه بلاك ما تعرفني ....آخر اهتماماتي الشكل نواف" طيب بلا دلع وقولي إيييي ....بصراحة أنا كنت بقول لأبوي انك موافقة لكن قلت لا خلينا نثقل شوي هههه ولا إيش رأيك يا عسولتي صيته" والله ما ادري وش أقول لك ...أهله ناس طيبين كثير بس..... نواف" بس شووو؟؟ صيته" ما أدري أحس إن نوره عجبتهم أكثر ....تدري فيها جذابة كثير نواف" هذا مو كلام هم جايين لك وطالبينك بالإسم بعد ...خلاص فكيها وما تعقدينها طيب صيته" إن شاء الله نواف يبتسم" أقول مبروك؟؟ صيته تبتسم وتهز راسها له يعني إييي نواف يبوسها " مبروك يا عمري ...الله يهنيك ويريح بالك يا بعد عيني صيته" الله يخليك لي ولا يحرمني منك ,, في الحديقة دلع" تصدقين إني من شفتك انشرح قلبي لك وحبيتك نوره" والله أنا أكثر دلع" حديقتكم حلوه كثير فيها لمسات جميله نوره" لسه ما شفتي المسبح ...راح تحبينه كثير دلع" بجد؟؟ تخيلي أنا خاطري ببركة سباحه لكن بابا يحب الطبيعة أكثر و صاير البيت ثلاث أرباعه حديقة نوره" ههههه .... وانتوا بس ولد وبنت ؟؟ دلع" لا والله ...أخوي ماجد ومحمد وأنا نوره" اممم العريس ماجد هااا دلع" اييي والله .... بس ما أقولك شقد إحنا مبسوطين لنسبكم نوره" وشنو يشتغل محمد؟؟ دلع" والله إحنا إخواني صايرين يميلون للأعمال الحرة ...تخيلي ماجد دارس بيطره ولكنه صار الحين ماسك الفرع الرئيسي لشركة *** لأدوات المكياج نوره استغربت كثير وصارت تربط الكلام ببعضه واكتشفت أخيرا إن ماجد هو صديقها إلي كانت تكلمه كل يوم نوره بضيق" وكيف سمعتوا عن صيته ؟؟ دلع بابتسامه " والله ماجد اختارها بالاسم الظاهر انه يعرف واحد من أهلكم ومدح فيكم كثير نوره وقتها انصدمت .... تركت دلع وما قالت لها شي دلع شافت نوره رايحه فكرتها بتجيب شي وترجع ...لكنها بعد ما انتظرت أكثر من ربع ساعة فضلت إنها تدخل داخل راحت دلع لداخل وهي في طريقها للفيلا ضيعت لكنها شافت المطبخ فقررت تدخل من هناك ... بالفعل دخلت لقت طارق بالمطبخ ...إلي هو بدوره صار يطالعها بذهول دلع" هييييي محمد ....جيب لي كاسة ماي طارق بذهول" نعم دلع" ما تسمع انت ؟؟ ولا ما تفهم علي ؟؟ أنا في يقول جيب انت واحد كاس ماي لأن أنا بموت من العطش ممكن طارق متضايق من فعلها لكنه عرف إنها تفكره الطباخ تبع البيت خصوصا انه لابس بدله حب يسايرها وراح جهة الثلاجة واخذ كاس عصير وحطه قدامها دلع تطالعه" غبي انت ؟؟أقول لك أبغى ماي تجيب لي عصير صحيح انك ما تفهم طارق ما قدر يتحمل" أقول احترمي حالك لا أصفعك بالكاس الحين.... فاهمه ولا افهمك ؟؟ صيته جت تركض لما سمعت صوت أخوها يصرخ دخلت المطبخ وتفاجأت من وجود دلع وقدامها طارق صيته" خير وش صاير ؟؟ دلع" هذا العامل يطول لسانه علي قليل الحيا طارق يطالع بصيته" سكتيها لا أعطيها ضربه تكسر أسنانها صيته تبتسم" طيب طيب طارق ...اطلع انت الحين يطلع طارق وهو يناظرها بنظره مو هينه دلع بذهول" طارق ؟؟ صيته متضايقه بس ماتقدر تقول لها شي بعد هي مالها ذنب صيته " أي هذا طارق اخوي دلع تحط يدها على راسها " عذرا بس ... صيته" عارفه لا تكملين ...بسبب شكله فكرتيه من شرق آسيا دلع" لالالا مو كذا بس ما يشبهكم أبد صيته تغير الموضوع " خلينا نروح عندهم مو أحسن ؟؟ ,, في مجلس الرجال بو ماجد" مبروك علينا نسبكم بو نواف" الله يبارك فيك بو ماجد" إلا بالنسبة للزواج نواف" والله إحنا مو طالبين شي ... بصراحة يكفينا ماجد والله والنعم فيه ماجد مبسوط" الله ينعم بحالك حبيبي يدخل طارق وموده مو حلو "............. ماجد" يا عمي إحنا عاداتنا بجده إن العقد قبل الحفلة بليله بو نواف" إلي تبغونه وانا ابوك ماجد منحرج" اييي بس التأثيث ولوازم البيت يعني مثلك عارف بو نواف" لا يا ولدي إحنا ما عندنا بنات تطلع مع أحد غريب لأي مكان بو ماجد" بس هو مو غريب ...الحين هو خطيبها بو نواف" ايي بس يا خوي إحنا مو مصريين يتماشى معها وقت الخطوبة بدون عقد رسمي ماجد" ايي بس إحنا على طول بجده كذا نواف" اييي والله على راسي لكن تدري إحنا عاداتنا كيف ماجد" يعني شلون ؟؟ نواف" يعني بتنتظر تملك قبل الزواج ما عندنا مانع لكن وقتها ما تشوف البنت ماجد" إذا كذا خلاص ... حددوا وقت العقد وإحنا عند قولكم بو نواف" والله أنا من رأيي انه يكون قبل زواج نواف بإسبوع أو بعده بإسبوع ماجد" خلاص قبل بإسبوع نواف" ههههه كنت متوقع ردك الكل" ههههههه \\ // في الشرقية .... راحت مرام الغرفة وهي تبكي محتارة شيخه" مرام روقي إلي تسوينه بحالك مو كويس مرام" ما أدري كيف سويت كذا .. شيخه" إلي سويتيه هو عين العقل ...كلامك كان منطقي كثير ومن حقك انك تقولين ايي أو لا مرام تبكي" ايي بس مالك شيخه تهديها " مالك بيزعل شوي وبعدين خلاص ....هو أهم شي عنده سعادتك ولا لا مرام تروح لحضن شيخه ...وشيخه بدورها تلمها لها ,, هناك عند البحر مكان ما يجلس مع ماجد سارح في موقف مرام وكيف تجرأت تكسر كلمته قدامهم وحمد الله انه ترك لهم البيت لأنه لو ظل هناك كان الله العالم وش صار فكر في ماجد .... اليوم هو يوم الخطبة وماجد تأخر كثير وما دق عليه يطمنه وهذا الشي خلى مالك يحس إن بيت عمه رفضوا ماجد فقرر انه يتصل عليه مالك" الوووو ماجد" هلا والله ...بوجه الخير مالك يبتسم" صار؟؟ ماجد" هههه إييي بالله مالك" هههه زين زين ...الله يوفقك يا خوي ماجد" تسلم والله ...على العموم الحين أنا ما اقدر أكلمك لما ارجع للفندق أدق عليك طيب؟؟ مالك " خير إن شاء الله سكر مالك الخط من عنده وهو يحس انه وحيد في الدنيا ... حتى ماجد إلي كان يشكي له همه ...اليوم مشغول عنه \\ // في الرياض .... بعد رجعة أم راشد وراشد والبنات ميثه" وينكم اليوم هااا زهور" والله زيارات تخيلي ناس ما نعرفهم ...لكن أمي لزمت إن إحنا نروح لعندهم طروب" كله منج قلنا لج ودينا نتمشى لكن انت مو قدها ميثه تتحلطم "..... طروب تضربها على كتفها" خير وشو يالسه تهذين فيه ؟؟ ميثه" آآآآخ ليتكم خذتوني معكم والله إني بغيت أنبط من الملل اوووووف طروب تغمز لها" آآآمري وإحنا بالخدمة ...الناس كلها بكفه وجميلتنا ميثه بكفه ميثه تبتسم"......... نوف" اوووووه سويتو فينا خير ... شوي وتحرقنا بنفختها زهور" الحين نبغي كاس عصير من يدج الحلوه ... ميثه متملله" ايييي طلعوا على حقيقتكم ...والله انكم مو سهلين نوف تتلاحق الموقف" أنا بروح أسوي لكم أحلى عصير ميثه بتموت من القهر ... سكوت راشد بيجننها مو عارفه وش قصته لا يكون كان كلامه مزحه <<<معقولة يكون كذا ؟؟؟ \\ // في الشرقية كان طلال مو سايعته الفرحة ... أخيرا مرام بتكون من نصيبه ؟؟ شيخه" والله أحس إن مرام بتدخل بدوامة المشاكل طلال مفزوع" لا.....بعيد الشر عنها ليه تقولين كذا ؟؟ شيخه" على فكره إلي سوته مرام مو شي هين ... كون إنها توقف في وجه أخوها وتقوله إن خاطرها فيك هذي خطوه جريئة مره طلال مبسوط" أروح فدوه لعيونها شيخه تبتسم له" والله إن الله يحبك ... بس ما قلت لي وش ناوي تسوي مع البعثة ؟؟ طلال" راح أأجلها شوي وبإذن الله آخذ مرام معي هناك ...خلاص ما أقدر أفارقها كلش شيخه تذكرت مسعود وكلامه لها في فترة خطوبتهم *************** مسعود" يا رب تعيشني لليوم إلي يجمعنا سوا شيخه تبتسم" الله يخليك يا رب مسعود يمسك يدها" تكفين ارحمي قلبي نظراتك بتموتني شيخه" هههه لا لا تخاف عيوني تحب ...والي يحب ما يضر مسعود" شوفي مو بعدين لين الله خذ أمانته ورحنا الجنة ..إياني وإياك تبدليني بالولدان المخلدون .. لأن بتكون عندي ملكات من حور العين ولما..... شيخه تقاطعه" هههههه مسعود "وش له الضحك هااا ...شاكه إن البنات بيموتون علي ؟؟؟ شيخه تضحك" قول إن شاء الله ندخلها مسعود" بندخلها بإذن الله بس انت قولي يا رب شيخه ترفع يدينها " ياااا رب *************** رجعت شيخه للواقع ودموعها مغطيه خديها وطلال كان جالس يطالعها من غير ما يكلمها ... هي بدورها ابتسمت له ابتسامه ريحته عليها ,, مالك رجع البيت وهو ماله خاطر انه يدخله عندها مرام راحت بسرعة لغرفتها ما تقدر تحط عينها بعينه بعد إلي صار ....هو بعد ما وده يشوفها ويكفيه إلي جاه منها حاولت أم مسعود إنها تكلمه لكن أبد ما كان ما عطيها وجه ويقول بقلبه ....الله عليكم ومسوين الموضوع عادي ولا كأن شي صار ؟؟ \\ // في الرياض.... هناك بغرفة نوره ...كانت الأجواء مخيفه كانت مشغله المسجلة على الآخر وجالسه ترقص بجنون وكأنها تقول ما يهزك ريح يا جبل لكن الواقع كانت جالسه تعذب حالها ... معقولة نوره تنهزم ؟؟ معقولة نوره ما حطت في بالها إن ماجد ممكن يصر على رأيه ويجي لهم خاطب ؟؟؟ وخاطب منوا صيته ...إلي أقل منها جمال وأقل منها شياكه ودلع ؟؟ ومعقولة تتم الموافقة من غير ما يكون لنوره يد بالموضوع ....طبعا هي ما هامها ماجد لأن في غيره كثير لكن فكرة الهزيمة شي مستحيل تتقبله النور على حالها والله يساعد من يوقف بطريق رغباتها .. بعد ما هلكها التعب راحت جلست قدام المرايه وخذت كاس الماي وجلست تشرب وهي تطالع بجمالها ألااا معقول وتقول بخاطرها حرق دمي بأعصابه عسى تآكـــــــله إذيابه ويلقى نفسه بغابه وكل الناس يدورا به جعل الأشباح خدّامه وفال الموت بأحلامه ويشوف الجن قدامه ويضيّع كل دروبه عسى رجلينه تتكسر وحاله دوم يتـــــعّسر وأشوفه يوم صار اعور ويطق الراس بجيوبه عسى أيامه معدوده ويشوف الذل بصدوده وتآكل جسمه الدودة وتكون الدعوة مكتوبة *للشاعرة نور الكون* ,, بعد ما مشوا الجماعة جلسوا أم عبد الرحمن ونواف وطارق وأم نواف بالصالة ...عندها مرت من جنبهم صيته وبيدها كاسة ماي وبتصعد غرفتها عندها وقفها نواف ونادى باسمها صيته محرجه" هلا والله نواف" تعالي يمنا ... ولا خلاص كبر راسك علينا أم عبد الرحمن" عسى البنات كلهم مثلها ....شيخة البنات وربي طارق" قولي قسم يا قمرهم.. والله إنت شيخة العجايز يا سحر أم عبد الرحمن تطنشه" الله يهنيك ويوفقك يا بنتي صيته علتها حمرة خجل" تسلمين جدتي أم نواف" نواف انتبه لأخوك لأنه بيموتني ناقصة عمر... طارق مستغرب" أناا؟؟ ما عاش من يأذيك يا لغالية أم عبد الرحمن تطالع بطارق" وش صار ؟؟؟ غريبة احد يشتكي طارق غيري نواف ينتظرها تقول ما بخاطرها"........... أم نواف " اليوم سوا لنا سالفة مع بنت بو ماجد وبغى يفضحنا معها أم عبد الرحمن" لا تقولين غازلها قليل الحيا طارق" أفااا بس ....تهقين أسويها؟؟ نواف عصب" خير وش مهبب انت ؟؟ صيته " يعني حركاته إلي ما يجوز عنها ....وليه بالله ما تلبس ثوب حالك حال العالم .... طارق" يعني الحين صار الخطأ علي؟؟ هي إلي ما عندها ذوووق تفكرني عامل وتكلمني بطريقه مو زينه ...وش تبغوني أسوي لها أصفق وأرقص؟؟ صيته" بصراحة هي فكرتك تشتغل عندنا وتقول انك ما تشبهنا وكأنك من شرق آسيا أم عبد الرحمن تطالع بطارق" هه ...امممم ما عندها حق بكذا ظلمت شرق آسيا فيك طارق بضيق" قولي قسم؟؟؟ أصلا ما ألوم الناس إذا انتوا أهلي تقولون ها لكلام فيني قام طارق من جنبهم وهو معصب كثير لدرجة إن الكل تفاجأ من ردة فعله ...لأنها مو بعادته نواف" على فكره انتوا واجد قاسين على طارق... ومحسسينه بالنقص يعني لو الله خلقه كذا وش يسوي بحاله ...وثانيا الرجال ما تعيبه غير أخلاقه أم عبد الرحمن" طيب إذا صار لا خلّق ولا أخلاق ؟؟ صيته" حرااام عليك جدتي أم عبد الرحمن" والله انه بلوة زماني ولو أفارقه بموت من الفرح .. أم نواف ما عجبها الكلام وقامت من عندهم " ان شاء الله ما تفارقينه إلا بالخير ...يا لله أنا بنام تصبحون على خير .. الكل" وانت من أهله نواف يطالع بصيته ويمد لها ظرف" خذي يا طويلة العمر صيته باستغراب" وشنو هذا؟؟ نواف" الأمانة إلي عطيتيني إياها رديتها لك صيته" اووو صورة نوف؟؟ نواف يبتسم " لا صورة ماجد صيته نزلت راسها وقامت من عندهم" يا لله تصبحون على خير نواف" وانت من أهله ...مع إني عارف انك ما راح تنامين والله انك بتسهرين مع الصورة للصبح ابتسمت صيته وما عطته أي كلمه وصعدت فوق | | |
| |
23 - 11 - 2024, 10:32 AM
|
#24 |
| | | عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 []
|
حاليآ في » | | دولتي الحبيبه » | | جنسي » | | العمر »
سنة
| | الحالة الاجتماعية »
اعزب
| | مشروبى المفضل » | الشوكولاته المفضله » | | قناتك المفضلة » | | ناديك المفضل » | سيارتي المفضله » | |
رد: رواية كبرياء رجل وشذوذ إمرأه
البارت الثالث والعشرون نواف يطالع بصيته ويمد لها ظرف" خذي يا طويلة العمر صيته باستغراب" وشنو هذا؟؟ نواف" الأمانة إلي عطيتيني إياها رديتها لك صيته" اووو صورة نوف؟؟ نواف يبتسم " لا صورة ماجد صيته نزلت راسها وقامت من عندهم" يا لله تصبحون على خير نواف" وانت من أهله ...مع إني عارف انك ما راح تنامين والله انك بتسهرين مع الصورة للصبح ابتسمت صيته وما عطته أي كلمه وصعدت فوق \\ // \\ في غرفة نواف نواف" يا مساء الفل يا ورده جوريه نوف" هههه تدري كم مره مسيت علي؟؟ نواف" لو مليون مره ما يكفيني ..... ولا ناسيه إني محكوم علي بالسجن لمدة شهر؟؟ نوف" لاااااا بسم الله عليك ....ليه تقول كذا ؟؟ نواف" ليه؟؟؟ تسأليني ليه؟؟ بالله كيف اقدر بعد ما شفت شفافك امنع نفسي بالرغبة فيهم ما تقولين لي كيف؟؟ تخيلي طفل مولود ما صار له يومين راح يرضى انك تحطين غطى عليه وتقولين له كنت ببطن أمك ما تعرف الدنيا الحين اصبر بعد؟؟ نوف" هههه والله صرت شاطر بالتشبيهات بعد تدري ؟؟ زين سوى فيك تركي نواف" آآآآه من تركي .... ما قلت لك إني حرمت عليه يجي يشوفك بعد زواجنا شهرين حتى يعرف إن الله حق نوف" اووووه شهرين مره وحده ... أصلا بتمل مني بعد اسبوع ... وبعدين بتدق على تركي وتقوله تكفى يا ولد عمي ارحمني نواف" كييييييف؟؟؟ أمل منك ههههه ما هقيتي يا بنت عمي أنا بتشرب سنين الحرمان من كاس حبك نوف تبتسم بخجل"............ نواف" أقول .... نوف" آآآمر ... نواف" بس ما تزعلين وتقولي عني جريئ؟؟ نوف بدت تتوتر" أقول نواف حبيبي وش صار بموضوع صيته ؟؟ نواف عرف إنها تضيع الموضوع ".......... نوف بتردد" الووو ..حبيبي نواف يسحب نفسه " عمره وحياته انت نوف " وش فيك سكت فجأة لا يكون نمت نواف" خاطري والله أنام على صوتك إلي مثل صوت الكروان نوف تعض على شفايفها" نواف شكل أمي تناديني أكلمك بكره عمري اوك نواف " اوك بس لو طلعت تكذبين علي والله والله نوف خافت" والله شووو ؟؟ نواف بحب" بلمك لصدري لين اسمع صوت عضام صدرك تقولي احبك نوف " نوااااف نواف" سمي يا قمرهم نوف " ما ادري كلامك يخوفني نواف يقول بقلبه ما شفتي شي أنا مطول بالي عليك " هههه طيب أسلم عليك نوف بحنانها المعتاد" في أمان الله حبيبي ... أقول تغطى زين ولا توجه التكييف عليك بعدين تمرض طيب ؟؟ نواف" صار يا قلبي ,, في الجهة الثانية من بيت بو تركي وفي غرفة ميثه بالذات وفي زاوية السرير كانت ميثه تتقلب على فراشها مو قادرة تنام ....صارت تنادي لطروب إلي كانت نايمه بجنبها في السرير لكن أبد كل إلي شافته ميثه منها إنها عطتها ظهرها زهور بعد كانت نايمه معهم بسبب مكالمات نوف واتصالات نواف الدايمه لها ومسجاته كانت تزعجها فقررت إنها تبعد لكن ميثه أبد ما راح تخليهم تهنا لهم نومه وهي مو عارفه وش قصة راشد وياها لما ما شافت رجا من إن احد يجلس معها ويسمعها قررت إنها تاخذ رقم راشد من عند طروب وهي ما تدري بالفعل خذت الرقم ورجعت الجوال مكانه ولا كأنها سوت شي ... طلعت بره ودقت الرقم على راشد راشد بصوت مخنوق" الوووو ميثه" ال...الوووو راشد" منو معي؟؟؟ ميثه " انت نايم ؟؟ راشد" يعني حضرتج داقه الساعة ثنتين بالليل وش رايج جالس اركب خيل ولا أصيد ؟؟ ميثه بضيق" أنا آسفة لو كنت أزعجتك ....خلاص روح كمل نوم ....نوم العوافي راشد بلهفه" لحظه لحظه .... معاي ميثه لو أنا غلطان ميثه بخوف" ايييي ميثه معك راشد يجلس بسرعة ويفرك بعيونه" خير يا ميثه فيج شي ميثه بتبكي" هاااا ...لا بس حبيت أتكلم معك راشد " ههههه بهذا الوقت ميثوووه ميثه بضيق" رشووود بتكلمني زين ولا بقفل راشد" طيب لا تقولين رشود ميثه" لين سميتني ميثه اسميك راشد راشد" هههه والله انج ما بتيوزين عن سوالفج ...طيب ميثه وأحلى ميثه بعد ميثه تبلع ريقها وتتلفت لا يكون احد منتبه لها " لا مو لهذي الدرجة يا راشد راشد يبتسم " كيف لازم يكون ميثه" ههههه ...على فكره ما يلوق لك الكلام السعودي ...انت مو حلو إلا بلهجتك راشد تلمع عيونه من الفرح" من صجك؟؟ ميثه انحرجت"........... راشد بهدوء" إيييي ميثه ؟؟ ميثه" شنوووو ؟؟؟ راشد " إنت إلي شووو قلتي تبغين تتكلمين معي ميثه ارتبكت" هاااا لا بس... بس حبيت أستشيرك بشغله راشد" خير؟؟ ميثه مو عارفه وش تقول أو كيف تبتدي " امممم ...أنا بصراحة جايني واحد طالبني راشد باستغراب" وشووو؟؟ ميثه بتموت فرح" تدري البنت لازم يجونها ناس ترغب فيها طالما البنت تكبر لازم ها لشي يصير وهذا الرجال جاي طالبني بالاسم راشد " امممم ميثه" هو رجال طيب وخلوق وشاريني ومو هامه شي ...طلباتي كلها مجابه راشد " إيييي؟؟ ميثه" اييي وبس راشد عارف حركاتها زين " والله أنا من رايي يا بنت عمتي انك ما تفرطي فيه خاصة لو فيه المواصفات إلي قلتيها بصراحة لو ياي لطروب ما رفضناه ميثه منصدمه" ايييي لكن؟؟ راشد ببرود" لكن شووو؟؟ ميثه بجرأه" أنا ما أحبه أنا أحب واحد ثاني راشد يبتسم " خلاص خذي إلي انت تحبينه ميثه" مو لما يحس فيني بالأول ؟؟ راشد بحنان" لا هو حاس فيج ويحبج أكثر من حبج له ميثه بعتب " لو يحبني كان تقدم لي ...شنو إلي يخليه ساكت إلى الآن؟؟ راشد" هو عارف انه مو مقامج انه يتقدم لج من غير ابوه وأكيد المرة الجايه ما بيجييكم إلا وأبوه بيده حتى ما يفوتج من يده لأنج جوهره ربح والله من يشتريج ميثه طايره من الفرح ".............. راشد" الووو .... ميثه وش بلاج لا يكون استحيتي ههههه ميثه منحرجه" يا لله تصبح على خير راشد" تصبحين على حب قفلت ميثه الجوال وهي عايشه بعالم ثاني ... توجهت لغرفتها حتى تنام وتريح راسها ....إييي اكيد اليوم يهنا لها النوم لكنها سمعت صوت ضخم مبحوح تركي" وش مجلسك ها لوقت يا النعجة ميثه طار قلبها من الخوف" هاااا تركي" تكلمي لعن الله ذا الوجه ميثه" ولا شي ..بس أنا رايحه اشرب ماي تركي" ايييي ...شوفي سوي لي فطور على كيف كيفك ميثه فتحت عيونها فيه" فطور بنص الليل ؟؟ راح لعندها ومسك شعرها " لين أقول لك شي قولي صار فاهمه أو لا ميثه " آآآي شعري شعري ....خلاص بروح بس شيل يدك عني تكفى تركي " خمس دقايق والفطور بغرفتي فاهمه لو لا ميثه تهز براسها يعني اييي وهي تقول بقلبها جعلها آخر لقمه تاكلها يا دعوة زماني \\ // في بيت بو نواف وفي غرفة نوره إلي صارت الأفكار تاخذ وتجيب فيها خالد" من سمعت صوتك عرفتك على طول ..كيف يكون غير كذا وانت تنغرسين با لقب مثل النبتة لما تنغرس بالرمل عشوق" اهاا يعني تبغى تقول انك مسحت رقمي من عندك؟؟ خالد" لااا طبعا .... لو أمسح اسمك يعني إن الجوال ماله داعي ... رميه في البحر يكون جزاه عشوق" هاهاي اسطوانة جديدة خالد" من يسمع صوتك يتعلق فيه كيف لو كان شافك بالصورة ؟؟ عشوق" اممم يعني خاطرك تشوفني ؟؟ خالد بدون تردد" أكيد حابب أشوفك كيف يكون لا عشوق " خلاص أنا بحدد الوقت المناسب خالد" والله أحلى خبر من جد ....ولا خبر تخرجي وحياتك عشوق " هاهاهاي أنا عارفه ومقدره تحمسك ... خالد" اييي بالله منو تحصل له .... وصدقيني أنا غرضي شريف بس لازم نتعرف على بعض عن قرب .... لازم أشوفك حتى نعرف مدى تجاوبنا الفكري عشوق" كلامك صحيح خالد" تدري كيف أنا متشوق .... والله إني طاير من السعادة ....بس تكفين لا تتأخرين علي بالرد عشوق" طيب طيب يا لله باي سكرت نوره السماعة وهي متملله حد الجنون مو عارفه وش تسوي ....مو مستوعبه الفكرة كيف صيته خذت ماجد بكل برود .... معقولة معقولة ما حسبتها صح وهي عقلها يوزن بلد صارت الأفكار تسيطر عليها لحد ما وصلت للحظة جنون وصارت تصرخ مستحيل أخليه يتهنى فيها أو أخليها تتهنى فيه أنا لازم أتصرف لازم بالفعل مسكت الجوال ودقت على ماجد إلي بدوره كان نايم وما رد على الجوال حاولت وحاولت لحد ما رفع ماجد بلهفه ماجد" هلا والله بقلبي نوره" ماجد ماجد" قلبه انت ... مبروك علي ياعسل ....عذريني ما رديت لكني كنت أحلم فيك يا أغلى من روحي نوره معصبه" انت كيف تجي للبيت تخطب .... من وين جبت عنوانا هااا ماجد براحة" تفكريني قدرت أنام من دونك .... أنا كنت بعالم ثاني عالم من غير صيته عالم صامت ما فيه بشر ولا ماي ولا هوا ....بعد كل ها لعذاب إلي عشته تسأليني كيف جبت رقمك ... الحب يا بعد عيني ما خلاني أتنفس بدونك نوره" ماجد انت مو عارف وش صار ماجد ببرود" ههههه هااا وش صار نوره ناويه تقوله على الحقيقة لكن دخلة صيته المفاجئة خلت نوره ترتبك ويطيح من عندها الجوال على الأرض عندها شهقت نوره شهقة خوف صيته تروح لها بسرعة" عذريني حبيبتي خوفتك ؟؟ نوره تطالع بصيته وتهز لها راسها يعني لا "......... صيته" أنا دقيت الباب لكن انت ما سمعتيني ولما سمعتك كأنك تتكلمين بالجوال تطمنت انك صاحية نوره نزلت لعند جوالها تلملم فيه" كذا يا غبيه كسرتي الجوال بفضولك ... جالسه تتصنتين علي ؟؟ صيته" يفداك مليون جوال حبيبتي ....عذرا لكني ما قصدت اني أخوفك أو لا سمح الله أتسمع عليك نوره باستهزاء" أخاف من منو هااا ؟؟؟ والله ما يخوفني غير شكلك إلي مثل بنات الشوارع صيته مصدومة " أنا وش سويت حتى أسمع منك كل هذا ؟؟ نوره" طلعي بره رجاءا ودقي الباب وإذا سمحت لك بالدخول دخلي فاهمه صيته من غير ما تكلمها طلعت وراحت لغرفتها وعندها قفلت عليها الباب وصارت تبكي من قلب نوره بدورها راحت لعند دورة المياه وحطت راسها تحت صنبور الماي وخلت الماي البارد يتغلغل بين شعرها الحريري <<<اييي تكفين يمكن تصحين من جنانك \\ // بعد ثلاث أسابيع \\ // يبقى الحال على ما هو عليه في بيت أم مسعود مالك يدخل البيت ويطلع وما على لسانه غير أنا جبت لكم كل إلي تبغونه أو سجلوا الأغراض ... حتى الأكل ما يطلبه من أحد عاش هذي الفترة على سندويشات الخبز والجبن لدرجة إنها بانت على صحته ...تعبت أمه منه من كثر ما حاولت فيه لدرجة إنها وسطت أخوها بو طلال ...وهذا الشي زاد الطين بله لأنه تضايق كثير وحس بأنها للحين تعامله كأنه بزر وتشتكيه لخاله ,, مرام عايشه صراع داخلي بعد الشجاعة إلي بينتها في آخر موقف نلقاها اليوم غير ...تعبت نفسيتها كثير وهي تشوف حبيبها مالك مبعد حاله عنها وحتى عينه ما صادت عينها من يوم إلي صار ,, طلال اليوم بكندا يدرس ...بعد ما مل وهو يتوسل مرام إنهم يتزوجون ويروحون لكندا مع بعض لكنها كانت تجاوبه بالبكي ...كيف تقدر تتزوج ومالك رافض انه يحضر زواجها وبالله إذا مو مالك يقدمها لطلال منو يقدمها له ؟؟ ,, شيماء ...جالسه بالبيت مثل البيت الوقف هي مقدمه روحها وحياتها لمالك إلي مو حاس فيها ... ويكفيها الخطاب إلي رفضتهم والي جالسه ترفضهم لأن الدنيا ما بتدوم لها ودام اليوم هي مرغوبة بكره ما تدري وش راح يصير ,, شيخه اليوم حلقة الوصل بين بيت بو طلال وبين بيت أم مسعود ... مالك مقاطع الكل إلا هي ...الوحيدة إلي يرد عليها بطريقه حلوه لكنه ابد رافض انه يتكلم في أي موضوع يخص مرام وطلال معها ,, ميثه ... تنتظر راشد بفارغ الصبر بعد ما طال انتظارها له واليوم كل أملها انه يجي بزواج نوف إلي بعد أسبوع ويكون أبوه معه ويتقدم لها وينتشلها من الهم إلي عايشه فيه مع الذيب تركي ,, تركي ... الحب والرومانسية إلي ما تلوق له عامله عمايلها فيه ومخليته على طول في مزاج متقلب مو مستقر ينتظر زواج نوف بفارغ الصبر حتى يفتح الموضوع مع نواف مره ثانيه ... وبهذي الدوامة نسى شي اسمه سلاف زوجته إلي عايشه حياتها بلعب وروحه وجيه ولا كأنها زوجه ,, نوف .... ها ليومين لاهية عن نواف وعن رومانسيته إلي تعيشها بأحلى لحظات العمر .... من سوق لسوق ومن مجمع لمجمع ...حايره بحالها الوقت ضيق ولازم تتجهز بأحسن جهاز ...على الأقل شي يلوق لشيخ الشباب نواف ,, صالح ... من زمان عنه كان مسافر لدول الخليج يغير جو ومدعي قدام أهله انه بيروح ياخذ كورسات عن التجارة شي على الأقل يساعده في معرفة السوق ,, طارق...آآآآآآآه يا طارق مرتاح كثير من خناقه مع الغالية ويحس إنه بدون ها لخناقات ما يقدر يذاكر ولا يقدر يواصل مسيرته ....وجودها جنبه وكلامها الجارح له شي مو عادي بالنسبة له ...تقدرون تقولون انه انفطم على كلامها فصار يعني له الشي الكثير ...والحمد لله سالفته مع دلع صارت في طي النسيان بعد ما طواها الزمن مع أوراقه إلي فاتت ,, أم عبد الرحمن ... الحمد لله صحتها في تحسن مستمر قررت إنها تسوي لها حميه مو على شان يتوازن السكر مثل ما قال لها الدكتور ...لا حتى تخس شوي وتلبس المحزم إلي صار الحين بالغصب يتسكر عليها طبعا بحكم الكذبة البيضة إلي كذبها نواف عليها انه مر فيه أسواق الذهب كلها وما لقى نفس مواصفاته حتى يزيده لها فلهذا اقترح عليها انه تخس شوي وبالفعل ... طبعا مع طارق نفس السيناريو ونفس الحوار الدائم وأنا متأكدة إن قضية فلسطين بتنحسم قبل قضيتهم ,, نواف... صاير لأبوه مثل العبد المطيع ...يداريه مدارى ما يبغيه يزعل منه ولا ها لقد ...هو فرحان ومبسوط ويبغي الكل مثله فرحة عمره ما بقى لها غير أيام معدودة ...وأخيرا بيكون إلي لازم يصير من سنين ,, نوره.... جالسه وكأنها تمشي على الحبل ساكنه سكون الليل والخوف الكبير إن هذا يكون السكون قبل العاصفة ... خالد ماخذ حيز كبير من حياتها خصوصا بعد ما كنسلت الرقم إلي باسم نواف وخذت شريحة بدون اسم حتى لا يغلط خالد نفس الغلط إلي ارتكبه ماجد ...لكن لا يلدغ مؤمن من جحر مرتين ,, ماجد... بالنسبة لمالك الخطة لازالت قائمه مع انه ملتهي بصيته وكلامها إلي كان مو مفهوم وجوالها إلي على طول يقوله انه مقفل ...كان بين كل فتره وثانيه يدق على نواف يتطقس الأخبار ويشوف هل هم على ماهم عليه أو لا . ...طبعا هذا الشي قوى العلاقة الجميلة بينه وبين نواف ...وطبعا كان مالك على طول بالصورة والسلامات بين مالك ونواف تتواصل عن طريق ماجد ,, صيته يا بعدي.... حايسه لوحدها بعد ما انشغلت نوف عنها بحالها .... ونوره بعد هذيك الليلة ما طاح لسانها بلسان اختها كيف يكون وهي طردتها من غرفتها وما اهتمت شنو ممكن الشي إلي خلى صيته تجيها بهذا الوقت ... في أشياء بسيطة حاولت ميثه إنها تلبيها لها لأنها بعد ما تقدر تتغيب عن البيت بسبب تركي وطلباته ولا كأنها غير الخادمة إلي تشتغل عنده هذي الضروف خلت صيته متوترة حد الجنون لأنها ما ضبطت ولا ربع الأشياء إلي تحلم فيهم .... معقولة عروس تشتغل لوحدها في كل شي ؟؟ \\ // اليوم عقد صيته على ماجد إلي ما تعرف عنه غير اسمه وشغلته وكم كلمه حلوه قالت لهم عنه اخته دلع لصيته .... نوره اليوم مو بالبيت وما عند صيته علم بأي صالون هي رايحه .... تحت في المطبخ كانت صيته تضبط لها كاسة شاي أم عبد الرحمن" وش جالسه تسوين ؟؟ صيته بصوت مبحوح" شاي جدتي تبغين؟؟ أم عبد الرحمن" لا بالله ما إنت بشاربه شاي ...إنت لازمك عصير صيته" لااا تكفين جدتي ابغي شي يصحيني أم عبد الرحمن تنادي " طااااااارق تعااااااال سوي لأختك عصير بسرعة صيته" تكفين جدتي العصير مو وقته أم عبد الرحمن" تبغين تطيحين علينا بالحفلة ولا ايش صيته جلست وحطت راسها على الطاولة وصارت تبكي أم عبد الرحمن تروح لها" يمه بنيتي بسم الله حولك وحواليك ...مو زين تبكين في هذا الوقت يدخل طارق" قولي قسم ؟؟ وش أسمي هالبكي بغير وقته هااا أم عبد الرحمن" انطم سكاتك أبرك صيته تمسح دموعها " مو قادرة أسوي شي كل أشيائي معلقه والحفلة بتكون كريه وهذا الشي لأن محد لي محد طارق يروح لها " لاااا مو قبول وش معناه ها لكلام وأنا وين رحت؟؟ أم عبد الرحمن" إيييي صحيح ها لبغل عندك وأنا ونواف كلنا معك يا بنيتي طارق يغمز لها" إييييي تقصدين حبيب قلبك ؟؟ أم عبد الرحمن" إن لله ما أقول لكم خبل صيته" لا يا خوي أنا خاطري ببنت مثلي أقول لها عن إلي بداخلي تساعدني إن إحتجت لها لكن للأسف ما في طارق يمسح على راسها " صيته إنت على طول قويه وبإذن الله بتكملي كذا ...إنت على طول كنت بجنبنا صيته" عارفه بس لما إحتجت لكم ما لقيت أحد بجنبي طارق" وش تقصدين؟؟ أم عبد الرحمن " من جدك إنت عادته بني آدم وجالسه تكلمينه كذا ؟؟ هذا إذا تبغين تكلمينه قولي له في واحد نفر يحب يجلس بالشمس حتى يئوره هذا راس ويشرب شاي بدون سكر ويرمي بندول في الزبالة على شان يتيب ويروح الئوار والله يدوب يفهم عليك وزين ما سوت دلع هي إلي ريحت راسها من البداية طارق وقتها تنرفز" ليتكم ذكرتوا حد سنع راح وتركهم وأم عبد الرحمن تنادي له " تعال يا مهبول وين إلي بيسوي العصير لصيته ؟؟ والله لو فيني قوه كان ما احتجت لك وهذي الشغالة الحماره ما أدري وش تعفس بمجلس الضيوف إلي ما خلصته للحين صيته تقوم وتبتسم ابتسامه صفره " خلاص يمه روحي ريحي رجليك من الوقفة وأنا بسوي لي العصير تدخل عليهم نوف" لااا خلي عنك إنت عروس وما يصير تتعبي حالك عندها صرخت صيته صرخة وبعدها راحت لحضن نوف ولمتها لها وصارت تبكي على صدرها الحمد لله نوف اليوم فضت حالها لصيته ...طبعا هذا أقل شي تسويه لحبيبة روحها واختها إلي ما ولدتها أمها من وصلت نوف وصيته جالسه معها وتقول لها عن مشكلتها وعن الوقت إلي جالس يمر بسرعة وهي ما سوت شي ...وعن نوره وطريقتها معها واسلوبها الغريب معها نوف" صيته قلنا اليوم ما في دموع اليوم في فرح وبس صيته تمسح دموعها" خايفه والله ما أعرف وش راح يصير وثانيا فكرة إني أجلس مع ماجد وما بيني وبينه شي بروحها القصة مخيفه نوف تبتسم" بالعكس ....اوووه ذكرتيني كان يوم حلو كثير نواف يدخل عليهم فجأه " ليه هذا يوم ينسى ؟؟ ترفع راسها نوف وتلاقي نواف واقف وساند ظهره على الباب ونظراته كلها حب نوف انحرجت ونزلت راسها ".......... نواف بوله" مو البيت إلي منور المنطقة كلها منوره صيته تروح لعند الباب " لاااا يا لله روح الحين تذكرت تدخل غرفتي ؟؟ نواف يطل براسه من عند الباب ويصرخ" والله انك قمر يا صيته والله سكرت صيته الباب وقفلته وهي ونوف جالسين يضحكون على نواف رتبوا النواقص ولما صارت الساعة 2 الظهر طلبت نوف من صيته إنها ترتاح وراح تجلسها بعد ساعة حتى يروحون للصالون ....لكن مو قبل ترتاح بالفعل استجابت صيته بسرعة لكلام نوف ...عندها بس طلعت نوف من عندها لكنها لما توجهت للدرج بتنزل حست بأحد يشدها لعنده وعندها صرخت صرخة لكن ما حست إلا إن نواف هو إلي سحبها من يدها ودخلها لغرفته وقفل الباب عليهم نواف ماسك يد نوف" هلا بنبض قلبي هلا بدنيتي نوف بضيق" نواف افتح الباب نواف"؟؟؟؟؟؟؟؟؟؟ | | |
| |
23 - 11 - 2024, 10:34 AM
|
#25 |
| | | عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 []
|
حاليآ في » | | دولتي الحبيبه » | | جنسي » | | العمر »
سنة
| | الحالة الاجتماعية »
اعزب
| | مشروبى المفضل » | الشوكولاته المفضله » | | قناتك المفضلة » | | ناديك المفضل » | سيارتي المفضله » | |
رد: رواية كبرياء رجل وشذوذ إمرأه
البارت الرابع والعشرون طلعت نوف من عندها لكنها لما توجهت للدرج بتنزل حست بأحد يشدها لعنده وعندها صرخت صرخة لكن ما حست إلا إن نواف هو إلي سحبها من يدها ودخلها لغرفته وقفل الباب عليهم نواف ماسك يد نوف" هلا بنبض قلبي هلا بدنيتي نوف بضيق" نواف افتح الباب نواف"؟؟؟؟؟؟؟؟؟؟ \\ // \\ في الشرقية .... مالك نايم على سريره وعيونه مجافيهم النوم كان يطالع بالساعة بنظرات مخيفه ولو الساعة تحس كانت بالتأكيد بتوقف من خوفها .... قام من سريره وراح على طول على النافذة وصار يطالع بره ....لكن ما أتوقع إن مالك شاف حديقة كبيره مليانه ورود بالعكس لقى شارع أغبر عمال النظافة ما تمر من جنبه وأطفال يلعبون بالكره وأشكالهم بالموت تتوضح من الغبرة ومع كل هذا كان يطالعهم ويبتسم .... مو سهله عليه انه يشوف أطفال يلعبون لأنه كان محروم من كل هذي الأشياء ...إييي أكيد لأنه كان من نعومة أظفاره كان يروح من مكان إلى مكان بعربية الببسي كان يتجول من حارة لحارة حتى يقدر يشتري له جزمه يروح فيها المدرسة بعد الاستهزاء إلي جاه من أصدقائه بالصف طبعا هذي الأفكار تخلي مالك يجن ... على جدران غرفته كانت صور كثيرة لخيول أصيله شاركها حزنها ومعاناتها وفرحها بمولود .... والي يشوفه يعطيه أربعين سنه من الهموم إلي هو منغرس فيها فضل انه يلبس ثوبه ويطلع من الغرفة لأنه لو ظل فيها يمكن يكسر جدرانها من طاقة الحزن إلي يمر فيها طلع بره وكانت مرام بالصدفة ماره من جنبه مرام بتردد" مالك مالك ولا كأنه يسمعها "............. مرام توقفه" لحظه اسمعني مالك وعيونه كأنها جمر يطالع فيها" صوتك لا عاد اسمعه يكلمني فاهمه أو لا ؟؟ وحتى لين مت ما أبغاك توقفي بعزاي مرام تبكي بحرقه" لااا تكفى يا خوي مالي غيرك لا تقول كذا انت جنتي وناري مالك يروح من عندها وما بقلبه رحمه عليها ...لأنه شايل كثير منها والي سوته مو شي سهل مرام تمنت ساعتها الموت ....لكن ما باليد حيله ما في قدامها إلا إنها تنتظر لأن الزمن هو الكفيل بالتئام الجروح \\ // نواف ماسك يد نوف" هلا بنبض قلبي هلا بدنيتي نوف بضيق" نواف افتح الباب نواف يطالعها بحب" خايفه مني ؟؟ نوف تبعد عنه" نواف ما أحب هذا الأسلوب نواف يبتسم" ما سويت لك شي .... وثانيا لو جيتي للحق انت زوجتي نوف مرتبكة"......... نواف بزعل" وش بلاك ...لا يكون بآكلك أنا نوف تصد عنه" لا بس ما في حاجه لهذي الحركات وزواجنا بعد أسبوع نواف " هذا رأيك نوف منزله راسها " إيييي نواف يروح لعند الباب ويفتحه " تفضلي بس تأكدي لا يكون أخذت منك شي نوف تطلع" لازم تفهمني نواف" في أمان الله طلعت نوف وسكر نواف وراها الباب من غير ما يطالع فيها حتى ..نوف وقتها حست إن نواف تضايق ...وبينما هي واقفة مكانها مقابل غرفة نواف إلا بنوره بوجهها عندها شهقت نوف نوره باستغراب" وش كنت تسوين بغرفة نواف ؟؟ نوف بخجل " هاااا نوره باستفزاز" حبيبتي بلاه الحفل دامكم مرتبين أموركم ولا بس مظاهر نوف تركت نوره وما ردت عليها وصارت تبكي وتحط اللوم على نواف إلي حطها بهذا الموقف بعد ساعة كانت نوف جالسه جنب المسبح وكانت ترتبه وتحط فيه الشموع العايمه والورد لأن الحفلة راح تكون بالحديقة شوي إلا بخطوات من ورآها ....نوف ما أبدت اهتمام لأنها عارفه انه نواف وأكيد حاس بغلطته وجاي يعتذر نواف يلمها من ورآها علها روحي تفدي روحك بدون مقابل ولو كانت بسمة ثغرك مناي سأواصل يعجبني ميل روحك للعفة وبيعك للباطل لو كانت روحك تطلب من روحي التنازل ****** أتعلمين كم عانيت من ألما؟؟ أكنت أنوي من كلامي سلّما؟؟ أم خالني قلبي أن حبك ملهما؟؟ أتفكرين لهفتي عليك كالأسهما؟؟ أتعتقدين أعشق جسدا كالصنما؟؟ ****** تتبعي نظراتي ورددي بشفافك أحبك واسقيني الشهد المكرر من نبع حبك ولميني بعشقك حتى لا أبرح حبك ورويني ساعات من جنون حب حبك وأطلقي صوبي سهاما امتلأت بحبك عندها سمي على قلبي من شوق حبك وارثيه شعرا فلقد مات اليوم من حبك *غروب* نواف يبوسها" زعلتي مني؟؟ نوف تلتفت له" نواف تكفى ابعد لا أحد يشوفنا نواف " منو بيشوفنا كلهم لا هين؟؟ أم عبد الرحمن تجيهم من بعيد" الحمد لله نظري ضعيف نواف ونوف التفتوا عليها أم عبد الرحمن" وش بلاكم كأنكم شفتوا عفريت نوف تبتسم وتروح لأم عبد الرحمن " هلا بالغالية كيفك؟؟ أم عبد الرحمن" هههه تراها تتهرب منك لأنها مو توها تشوفني ..لا وجت ترحب بعد نواف" هههه تقولين لي أعرف حركات البنات أم عبد الرحمن" الله الله وش ها لزين ....بصراحة المسبح صاير حلو كثير نواف" أنا من رأيي تجربين المسبح مع ماي الورد والورود والله ما ينتفوت نوف" لالالا جدتي تكفين يخرب كل النظام أم عبد الرحمن" وانت تصدقين كذا بسرعة شايفتني خبله ؟؟ نوف تطالع نواف وودها تذبحه عندها غمز لها نواف وابتسم ابتسامه ساحره انعكست على شفايفها ,, في غرفه صيته حست إن أحد معها بالغرفة استدارت لقت نوره فاتحه دولابها وكأنها تدور على شي صيته" نوره؟؟ نوره" هلا نوم العوافي ما حبيت أصحيك صيته" لا حبيبتي عادي ...خير فيك شي أو ودك بشي نوره" أبد ...بس كنت أدور للربطة الفضية ما شفتها عندي صيته" إيييي هي عندي أنا بلبسها اليوم نوره" كيييف ؟؟ لا كذا تعفسين علي كل ترتيباتي صيته" إييي بس إحنا متفقين إنها تلوق لفستاني وأنا بلبسها نوره" اوووف يعني أنا وين أدور لي ربطه تناسب فستاني؟؟ تدخل نوف عليهم" خير وش صار ؟؟ نوره صوتك آخر الدنيا نوره" اششش ...انتي آخر وحده تتكلمين يا ... نوف بضيق" يا شنووو تكلمي صيته بصراخ" لا قوموا كل وحده تمسك شعر الثانية وتشده ...يعني حرام أنا أرتاح شوي ؟؟ نوره" لا مو حرام ...الحين أنا إلي متوهقه وما عندي شي البسه نوف" أنا الحين أشوف إن شعرك جاهز وما يبغا لك شي ...وفستانك من شوي صاعده وهو بيدك نوره " إيييي من شوي يوم تشوفيني وانتي طالعه من غرفة نواف ؟؟؟ نواف" خير خير ليش صوتك لبره ... وش بلاك ويا نوف هااا صيته تقوم بسرعة من مكانها وتفتح الدرج وتطلع الربطة وتعطيها نوره " خذيها أنا ما عاد أبغاها بس تكفين ريحي راسي ساعتين نوره خذت الربطة وطلعت من الغرفة ولا هامها أحد عندها صارت صيته تبكي نوف" كيف تعطينها الربطة انت انجنيتي ؟؟ صيته تبكي بحرقه " خليها تاخذها مليت خاطري ارتاح صيته" بس هذي الربطة أنا إلي جبتها لك نواف" خليك كذا سلبيه ...ما أدري لين متى بتوقفين قدام الناس وتقولين هذا حقي هااا نوف تغمز له حتى يهدي عليها" خلاص مو مشكله حبيبتي لا تبكي ..وإحنا رايحين الصالون راح ناخذ لك ورد وصدقيني اليوم موضتهم نواف معصب" جهزوا حالكم إذا ناويين تروحون الصالون نوف" يا لله ثواني بس ,, في غرفة نوره كانت جالسه قدام المرايه وتطالع بحالها وكلها رضى ...دق جوالها وردت بدون تردد عشوق" هلا بيبي خالد" هلا قلبي ....وينك؟؟ عشوق" ويني ؟؟ خالد" ما اتفقنا إني أشوفك في مجمع المملكة؟؟ عشوق " والله وش أقول لك خالد" خير يا بعدي عشوق" كل الخير بس اليوم خطبة بنت عمي وهي من حبها لي ومن إيمانها بذوقي ما تقدر تاخذ شي من غير ما تستشيرني خالد" ومنو يقدر يستغني عنك بالله؟؟ عشوق" هههه مدري خالد " عقبال ما تجهزين حالك لي عشوق" هه يصير خالد" حبيبتي أنا العشق أخذ مني نبضي ...كل دقه من دقات قلبي تصرخ احبك عشوق" هاهاهاي يلوق لك الغزل خالد بحب" آآآآه و يلوق لك الدلع يا بعدي \\ // في الشرقية وفي بيت بو طلال كانت شيماء تبكي من قلب لدرجة إنها حست بضيقه بقلبها وبغى يغمى عليها ... لكن بسرعة شيخه فتحت أزرار بلوزتها وأم طلال تركض تجيب لها ماي .. شيماء تصرخ من قلب " تكفون لا تغصبوني انتوا كذا تذبحوني بو طلال" يا ليتك تموتين ونرتاح منك يعني أنا وش أقول للعالم لو سألوني وش فيها بنتك ترفض العرسان إلي يجونها هااا شيخه تبكي" تكفى يبه خلها ترتاح بو طلال يصرخ من راسه" لا يكون غلطتي مع أحد يا بنت ال////// والله لو لك علاقة مع أحد ذبحتك بيديني شيخه تروح لأبوها " يبى الله يخليك شيماء بتموت بو طلال" والله لو تموت أريح لنا يعني وش تسمين رفضها للزواج نهائيا هااا شيماء" والله ما بيني وبين أحد شي بس ما ابغي أتزوج وخلاص بو طلال " انطمي وما ابغي أسمع صوتك أم طلال جابت كاس الماي وسحبت بو طلال لعندها وخذته لبره وهو كان يتحلطم وشيماء تبكي من قلب لدرجة إن الماي إلي شيخه تحاول تشربها إياه ثلاث أرباعه على ملابسها شيخه" خلاص خلاص لا تتكلمين شيماء" لا تلوموني ما أقدر إني أكون من نصيب أحد ثاني غيره ما أقدر شيخه عصبت" بس هو مو معبرك فهمي يا بنت شيماء تبكي" ولو... لو شو ما كان لكني ما ارمي راسي غير في حضنه شيخه تصرخ فيها " هذا حلم يا شيماء افهميني أنا أختك واعرف أكثر منك شيماء " تكفون خلوني احلم ...الحلم مو حرام ترى حتى الفقارى يحلمون خلوني أحلم بمالك إلي سكن روحي ... حبيبي وغلا قلبي شيخه لمت شيماء لعندها وصارت تبكي معها ,, في بيت أم مسعود كانت مرام تخيط فستان العرس بيدها وكانت تترجى يوم من الأيام يرتاح مالك ويرضى عليها وطلال من وقت للثاني يدق ويستفسر يحجز أو لا لكن للأسف كان الرد على طول لا وهذا الشي خلاه يتأزم لكن وش يسوي ما عنده غير انه ينتظر والي يحب الحلو يصبر على مره مرام" يمه أم مسعود" إييي يمه مرام " شلون مالك ؟؟ أم مسعود" تسأليني وكأنك ببيت ثاني ما كأنك معنا مرام ودموعها متجمعة بعيونها " أنا اقصد صوته وطريقة كلامه إلي انحرمت منهم أم مسعود" والله أنا الله مو راضي عني مرام" لا يمه لا تقولين كذا ...إنت شفتي وعشتي حياتك بكل مرها .. الله بيقدر لك صبرك بإذن الله أم مسعود دموعها على خدها" اييييه صالح راح وما شاف عياله يكبرون قدامه ومسعود بعد قطعة من روحي فقدته بعز شبابه والحين مالك إلي بيلحقهم بعد مرام ترمي الفستان" لا يمه لا تقولين كذا أم مسعود تبكي" أنا ما أقول هذا واقع الولد بيروح من يدنا بسبتنا مرام حطت يدها على وجهها وصارت تبكي بحرقه \\ // في الرياض وفي الصالون نوف" وااااو تسلم يدك بصراحة إبداع مايا" الله يسلمك أنا ما عملتلا شي هي حلوه وأنا بس برزت جمالا بكم لون نوف" لا والله هي مو ذاك الزود عندها صيته ضربتها على كتفها نوف" ههههه لا صحيح كلامك هي حلوه من زمان صارت نوف تمسك كتفها من الألم صيته تطالع بحالها وفي عيونها نظرة إعجاب" من جدك شكلي حلو ؟؟ نوف تطالع المرايه" ههه انت وش شايفه ؟؟ صيته بصوت واطي" روووعه صرت أحبني هههه نوف" هههه لا والله ماجد بيوقف قلبه من الجمال صيته" بسم الله عليه لا تقولين كذا إذا وقف قلبه أنا وش أسوي بدونه نوف تغمز لها" اوووف على الحب والله انك مو سهله ما مداك حبيتيه صيته" ما ادري يمكن مو حب بس استلطاف نوف تلمها لها "حبيبتي انت الله يهنيكم صيته " يااااااااارب والله أتمنى إني أكون قدها وأسعده نوف" شنووو؟؟؟ بيحصل أحسن منك ؟؟ ونواف قال انه كان مبسوط كثير وقت الخطبة وشكله مرتاح لنسبكم صيته" إن شاء الله ....بس على طاري نواف نوف بخجل" شنووو؟؟ صيته" انتي قولي شنووو... وش كانت تقصد نوره اليوم انك طالعه من غرفة نواف؟؟ نوف" اممم يوم طلعت من عندك ما حسيت إلا نواف شادني من يدي وساحبني لعنده صيته" اوووف نوف بخجل" ودخلني غرفته صيته شهقت شهقة كبيره لدرجة إن الناس صاروا يتلفتون عليهم ...عندها ابتسمت لهم وكأن ما في شي صار صيته" الله لا يبارك فيك ...لا يكون لمسك نوف بعشق" يآآآآآآآآآليت صيته مستغربه" من جدك؟؟ نوف تهمس لها " كان قريب مني مره لدرجة إني كنت بتصرف تصرف مجنون وألمه لي وأقوله تفداك روحي صيته فاتحه عيونها على الآخر" بلاك انجنيتي ؟؟ قولي لي وش هببتي ؟؟ نوف" ههه ولا شي أنا صديته وما خليته يقرب لي ...وضايقته بكلامي وبعدها فتح لي الباب وطردني بس بأسلوب حلو هههه صيته" والله مجانين وشافتك نوره وانت طالعه هاا ؟؟ نوف تهز براسها وهي مبتسمة يعني اييي صيته" أقول الله يخلف بس على ها لتصرفات المجنونة نوف" آآآآآه وش أسوي أموت فيه ... وأنا بشوف بعدين على قولة المثل إلي بالقدر يطلعه الملاس صيته" يا لله وش ها لبنت هذي المغبرة حتى أمثالك زي وجهك ؟؟ نوف صارت تضحك عليها ....صيته بدورها قامت وخلتها بروحها ,, في الحديقة كان واقف طارق يطالع المسبح وشكله الخيالي البالونات إلي بوسطه والشموع العايمه والورود شي بصراحة يبهج القلب ويعيش الواحد غصب بالرومانسية أم عبد الرحمن من ورى طارق" بخخخ طارق تروع" بسم الله الرحمن الرحيم أم عبد الرحمن تجلس على الكرسي" الله يعينك على قلبك الرهيّف ... طارق يروح لها ويجلس جنبها" قولي قسم سحوره ؟؟ يلوق لك بجد الكلام المصري بس لو لابسه فستان بترتر وحاطه منديل على راسك كان صرت شي أم عبد الرحمن" مالت أقول ... أنا البس ثوب بترتر ...الحمد لله على نعمة العقل .... بس غريبة طويرق كاشخ ولابس ثوب ها لمرة طارق يقوم يوقف ويدور قدامها" من جدك ؟؟ هاا قولي لي وش رأيك فيني ؟؟ أم عبد الرحمن" يعني بصراحة... هه مقبول طارق مستغرب" قولي قسم؟؟؟أنا مقبول ؟؟ تكفين تعبنا من ها لكلمه متى بصير ممتاز ؟؟ قامت أم عبد الرحمن من قدامه يعني كأنها بتشوف شي عندها لقاها طارق تحرك بجلابيتها والمحزم إلي يبرق وجالسه تعدل السبحة وكأنها تقول شوف يا عمي العيون طارق يصفر" اووو سحوره وش هالاناقه ؟؟؟ أم عبد الرحمن تلف له" هااا بين علي اني ضعفت ؟؟ طارق يطالعها " ضعفتي وبس؟؟ طالعه منووره والله لو أشوفك وأنا ما أعرفك ما أعطيك أكثر من ستين سنه بصراحة رووووعه أم عبد الرحمن" عساني أحادد عليك كثرهم طارق" ما أتوقع ...يعني انت الحين تقريبا عمرك 72 سنه وبتحاددين علي ستين سنه يعني مجموعهم يساوي اوف 132 من جدك ودك تعيشين ها لقد؟؟ أم عبد الرحمن جن جنونها ونزلت تاخذ من الأرض حجره صغيره بترميها عليه عندها سمعت صوت طارق يطالعها وهي تطالعه ما وقفت إلا والمحزم يطيح في المسبح عندها بس علا صوت البكي في المكان طارق وده ينبط من الضحك لكنه يعرف انه لو ضحك فبيكون الله يرحمه طارق" هدي يا لغاليه يفداك مليون زيه أم عبد الرحمن" الله لا يبارك فيك تدري انه هديه من بو عبد الرحمن يوم الصباحة طارق يغمز لها "اووو وناسه بس وش المناسبة؟؟ أم عبد الرحمن بكامل صوتها" طارق انزل جيبه من المسبح طارق" والله لو تحجين مية حجه ما راح أطلعه أم عبد الرحمن" أنا قلت لك بتطلعه وراسك فوق رقبتك طارق" قولي قسم ؟؟ لا يكون تفكريني عامل عندك ... أم عبد الرحمن" بتجيبه ولا شلون؟؟ طارق" لا وإذا عندك شي سويه والي مو عاجبه يبلط البحر ...بس أقولك انت عندك 72 سنه بلطي المسبح لأنك ما فيك حيل يا لله السلامة ,, فوق في غرفة نواف نواف" إييي هلا والله ...لا ما نسيت ...خلاص أنا خالص البوفيه على وصول وطارق بيكون معهم لا تشيلي هم ....إن شاء الله المسكه على طريقي ....لا خلاص كل شي اوك قلت لك لا تحاتين ....بإذن الله بجيب المسكه وبجيكم...في وداعة الله ...أقول أقول....بوسي لي القمر إلي جنبك ....ههههه مع السلامة سكر نواف وأضاف اللمسات الأخيرة من كبكات وعطر ونزل وهو يصفر والله لا يوريكم وش شاف ؟؟؟ نواف " طارق طارق وش بلاك ؟؟ طارق يمر من عنده ولا كأنه يسمعه ...شوي إلا بدخلة أم عبد الرحمن وفي يدها المحزم نواف" وش صار يمه وش فيه طارق؟؟ أم عبد الرحمن تبكي" العن //// تسأل عنه اسأل عني أنا نواف" أسأل عنك ؟؟؟أنا أشوفك بخير بس طارق إلي متبهدل وملابسه كلها ماي أم عبد الرحمن ضحكت لين بانت ضروس الذهب" هههههههههههه...أنا أقول جزاه نواف يضحك على ضحكها ومو عارف وش القصة ... بالموت طلعت منها كلمه من زود الضحك نواف" الله يهديك يمه...كنت ناديتي السائق أم عبد الرحمن بحده" يجيبه وراسه فوق رقبته نواف بس معنى إن المحزم ينقطع هذا دليل انك ما كنتي تسوين حميه ولا كيف؟؟ أم عبد الرحمن" هااا لا والله أسوي نواف" وما تاكلين شي منا أو مناك ؟؟ أم عبد الرحمن" طارق الله يلعنه كل شوي جايب لي باونتي ومن كم يوم جاب لي آيس كريم وبصراحة أنا ما ابغي أقول له لا وازعله نواف يطالع فيها وفوق راسه علامة استفهام "؟؟؟؟؟؟؟؟؟؟؟ ,, راح نواف بالفعل واخذ اخته وزوجته من الصالون وما ضلت كلمه ما قالها لهم لدرجة انه قال لهم قصة أم عبد الرحمن وطارق وصيته كانت تترجاه انه يسكت لا يسيح مكياجها من كثر الضحك ...لكن وش يسوي كان الطريق زحمه موت ولا كأن احد في بيته وصلوا لعند البيت ونزل نواف حتى يساعد صيته إلي كانت ترجف من الخوف بعد ما شافت البيت كيف كان شكله كان مزين والإضائه فيه روعه ولوحه كبيره في الحديقة مكتوب فيها يا بلسم الأشواق يا نظرة كلها سعادة اليوم يومي و الحلى بروحه سكر زيادة تهدي على قلبي لا توقف بهمسك دقاته يلومون قلبي يوم صار قربك قمة السعادة *غروب* ((حبيبك ماجد)) نوف " من هنا نواف نواف" يا لله يا لله دخلوها غرفة النسا ونواف واقف عندهم مثل العسكري وكأنه ينتظر شي ..ونوف تعدل فستان صيته وما فتحت حتى لثامها نواف" نوف تعالي أبغيك شوي نوف" بعدين نواف ...روح المجلس كله رجال وش عندك جالس عندنا نواف بزعل" تذكري نوف هذي المرة الثانية طلع نواف وعندها نوف شالت غطاها وهي معصبه صيته" لا تخافي شوي وبيروق نوف ابتسمت لها ورجعت ترتبها من جديد عندها دخلت عليها ميثه ودلع ..... دلع تبوسها" وااااو وش ها لجمال طالعه روعه صيته" مو أحلى منك يا قمر ميثه" اهااا الحين عرفت ليه ما خذتوني معكم حتى أشوف ها لجمال كذا مره وحده صيته تهمس لها" من جد؟؟ ميثه" وجد الجد ...إنت تفكري انك شوية إنت ملكة جمال ما شاء الله وكان صيته" ههه مشكورة قلبي بس مو أحلى منك وش ها لنعومه ميثه تلف حوالين نفسها" صحيح؟؟ كانت ميثه لابسه فستان ليموني قصير وحاطه مكياج خفيف كثير باينه فيه ناعمة مره دلع بعد كانت قمة في الجمال كانت لابسه فستان أحمر حريري فيه حزام كريستال وفي الجنب فيونكه وماكياجها كان لبناني هادئ وشعرها كان طويل ومفيرته ومخليته على راحته بس حاطه لها ربطه بشعرها بنفس لون الفستان نوف اليوم صايره ناعمة بسبب إن زواجها قريب فما حبت إنها تحط ماكياج فخم أو تلبس فستان متكلف وتروح زهوة العرس منها زي ما يقولون ..... كانت لابسه فستان أزرق نيلي كان مايل بقصه مثيره من جنب ولابسه بوت قصير فضي وشعرها مجعدته ومخليته على راحته وحاطه فيه ورده على جنب أما العروسة ..... فكانت ملكه كانت لابسه فستان ممزوج بين اللون الأصفر واللون الفوشي وكان فيه شغل يدل على ذوق مميز وكان مليان بكريستالات على شكل ورود وشعرها مسويته بف كبير وباقي الشعر ملفوف على بعضه بطريقه عجيبة ..وحطت لها على جنب شعرها ثلاث وردات وحاطه تحت شعرها طرحه صغيره ماكياجها كان قمة في الجمال خليجي ممزوج بين الفوشي والأصفر والأخضر وعدسات رمادي مخليه نظراتها من أجمل ما يكون وحاطه روج وردي فاتح والبنات مبسوطين وكل وحده جالسه تمتدح غيرها وتسألها من وين وبكم ...إلا تدخل عليهم نوره نوره" هااااي البنات التفتوا عليها بس شافوا شي مو طبيعي كانت لابسه فستان أسود (مشهورة بحبها للأسود) كان نازل على جسمها المنسق ولا كأنه إلا شلال لا تعرجات ولا انحناءات طبعا على الصدر طوق كريستال ونازل على خصرها على شكل ثعبان .... وشعرها كان فضيع بشكل إني ما أقدر أوصف لكم طريقته كيف كانت كان متشابك كثير ومتغلغل الثعبان بين خصل شعرها نازل على جبهتها ...ماكياجها ولا كأنه إلا ماكياج عروس ...راسم ملامحها بدقه كانت بالفعل ملاك بصورة إنسان راحت نوره للعروس" مبروك حبيبتي الله يهنيك ... تصدقي ما تغيرتي كثير بس طالعه حلوه ميثه" والله يا نوره ما يحتاج الواحد يصير شكله متكلف لدرجة انه ينعكس سلبا عليه نوره " هه ...أنا المعنية بهذا الكلام ؟؟؟ دلع بإعجاب" لا طبعا ....ما شاء الله عليك ولا كأنك إلا عروس بليلة عرسها نوره بابتسامه صفره" ميرسيي صيته" نوره ....وين الربطة ما لبستيها؟؟ نوره"؟؟؟؟؟؟؟؟؟؟ | | |
| |
23 - 11 - 2024, 10:35 AM
|
#26 |
| | | عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 []
|
حاليآ في » | | دولتي الحبيبه » | | جنسي » | | العمر »
سنة
| | الحالة الاجتماعية »
اعزب
| | مشروبى المفضل » | الشوكولاته المفضله » | | قناتك المفضلة » | | ناديك المفضل » | سيارتي المفضله » | |
رد: رواية كبرياء رجل وشذوذ إمرأه
البارت الخامس والعشرون ميثه" والله يا نوره ما يحتاج الواحد يصير شكله متكلف لدرجة انه ينعكس سلبا عليه نوره " هه ...أنا المعنية بهذا الكلام ؟؟؟ دلع بإعجاب" لا طبعا ....ما شاء الله عليك ولا كأنك إلا عروس بليلة عرسها نوره بابتسامه صفره" ميرسيي صيته" نوره ....وين الربطة ما لبستيها؟؟ نوره"؟؟؟؟؟؟؟؟؟؟؟ \\ // \\ في مزرعة بو عبد الله مالك" لا ما شاء الله عليها من حسن لأحسن بو عبد الله" ببركة رب العالمين ومن ثم يدك إلي ملفوفة بحرير مالك" الله يطول بعمرك يا عمي بو عبد الله" كان ودنا ننال شرف نسبكم لكن ما باليد حيله مالك" والله مو عارف وش أقول لك ...الشرف لنا لكن تدري يا عمي إن الزواج قسمه ونصيب وأنا أقول الحين ولا بعدين ولا لا ؟؟ بو عبد الله" على العموم ...إلي بينا بعيد عن هذي المسائل وانت دكتور مميز وأنا ما أبغي أخسرك مالك " تسلم والله ... يا لله عن إذنك بو عبد الله " وين بالله تعشى معنا مالك" لا والله بروح ارتاح من الصباح وأنا بره بو عبد الله" في أمان الله طلع مالك من عنده وراح للبيت ...كان البيت أظلم وكأنه مهجور ...دخل وفتح الأنوار الخارجية مالك ينادي"يمه ... يمه أم مسعود" هلا يمه تعال أنا بالصالة مالك" أي يمه ...ليش البيت أظلم وكأنه مهجور؟؟ أم مسعود بغصة" وعليكم السلام مالك تواخذ وراح لعندها وباس راسها ويدها أم مسعود" الله يرضى عليك يا يمه ... مالك" يمه وين رغد ؟؟ البيت ميت ما فيه روح أم مسعود تمسح دموعها بطرف كمها" أهل البيت بعد مو بس البيت إلي ميت مالك بضيق" وش الحل يمه أم مسعود" الحل انك تشوف لك بنت الحلال إلي بتسوي لنا جو وتجيب لنا أطفال يحيون بيتنا مالك" يمه تكفين هذا آخر تفكيري أم مسعود" يمه مالك شيماء الخطاب مو موقفه من بيتهم وهي تعبت وهي ترفض مالك يطالعها بذهول" طيب؟؟ أم مسعود" وتوها طاحت على أهلها يوم غصبوها على العريس الأخير والحين أبوها زعلان عليها كثير مالك" وأنا وش دخلني في هذا الموضوع أم مسعود" شكل شيماء خاطرها فيك مالك معصب " هذي مشكلتها مو مشكلتي ...قولي لها تشيلني من راسها لأني ما أفكر في الزواج قام مالك من قدامها بيروح لغرفته أم مسعود" مالك....متى بتسامح أختك يمه؟؟ مالك ساكت" ............... أم مسعود" يرضيك لو تركت مرام طلال؟؟ مالك يطالع أمه وعيونه تتلاعب فيهم الدموع لعب " إيييي يمه هذا إلي يرضيني راح مالك من قدامها وقتها جلست أم عبد الرحمن تدعي له بقلب أم \\ // في الرياض وفي مجلس النسا كانوا البنات مجتمعين على صيته ... صيته" نوره ....وين الربطة ما لبستيها؟؟ نوره"هااا صيته" الربطة الفضية يا قلبي لا يكون نسيتيها ؟؟ نوره تضبط شعرها " لا أحس ما حاجه ...أصير ناعمة أحلى ولا لا ؟؟ صيته تبتسم في وجهها " اييييي ما شاء الله عليك في الذوق ما يعلى عليك نوره ولا كأنها تسمعها" دلع بصراحة صايره كيوت مره دلع" والله انك بتغطين علينا كلنا بجمالك نوره"هاهاهاي من ذوقك حبيبتي صيته تنزل راسها وعلى وجهها ابتسامه صفره"....... شوي إلا واسمعوا دق الباب نوره" ايوووه طارق" أحد جنبكم ؟؟ نوره " لحظه بس لبسوا البنات عباياتهم وجلسوا عند صيته لأنهم كانوا رافضين إنهم يتركونها لوحدها بسبب إنها كانت متوترة كثير نوره" حياك طارق يدخل طارق إلي تفاجأ بالبنات إلي جالسين بجنب صيته كان بكامل أناقته لابس ثوم ميت من الكوي وشماغ مو طبيعي وكان رافع راسه على جنب ويمشي بالهون خايف على الشماغ انه يطيح نوره" واااو عيني عليك باردة حبيبي طارق يحاول يخفي ابتسامته لكن غصب عنه طلعت دلع بصوت ناعم " كيفك طارق عساك بخير ؟؟ طارق التفت بدون ما يحس لقى بنت لابسه لثام وعيونها بارزه مثل عيون الغزال وبياضها مثل الثلج نوره بابتسامه" هذي دلع يا طارق طارق مرتبك" بخير نوف تستفسر" ليش انت إلي بتاخذ الموافقة ؟؟ طارق" أبوي مع الرجال ونواف طاح وتعورت يده صيته شهقت " عمري اخوي كانت بتقوم لكن طارق شد على يدها وغمز لها عرفت وقتها انه ملعوب من نواف نوف بدون مقدمات صارت تبكي "....... طارق خاف " وش له البكي هو بخير الحين ... روحي انت تطمني عليه هو جالس بالحديقة ينتظرك ...اووو قصدي جالس هناك نوف بدون تردد حملت حالها وراحت لعنده طارق" احم احم والحين صيته" هااا طارق يطالعها" قولي قسم ؟؟؟ مو موافقة ؟؟ صيته محرجه من دلع ما تبغي تقولها كذا بسهوله"........ نوره" شكل البنت مغصوبة ولا كيف ؟؟ دلع ساكتة"........... طارق" براحتك يا أختي ...كل شي بالغصب إلا الزواج لازم يكون بالاتفاق صيته بتجن منه" طارق جيب أوقع عطاها طارق الدفتر حتى توقع فيه وكانت الحركة مو حلوه بحق صيته لكن وش تسوي دام جايبين لها ها لبزر بالدفتر ميثه" كلللللللووووووووش طارق بيموت من الفرح وكأنه هو العريس" عقبالك يا ميثه ميثه مستغربه وكانها فهمت شي من كلامه" أنا ما ابغي أتزوج دلع" عقبالك انت يا طارق طارق طالعا وتسمر من جمال عيونها لدرجة انه صار يطالعها من غير ما يرد عليها "............ صيته تتلاحق الموقف" تسلم اخوي ما قصرت قام طارق من عندهم وهو ماوده لأنه موته وجلسة الحريم يحب قعدتهم وسوالفهم ,, في الحديقة كان نواف جالس ينتظر نوف هو عارف إنها بتسأل عنه وبتجي لعنده أكيد حس بأحد يركض من وراه التفت على طول من غير تردد لقى نوف جايه لعنده نوف تبكي" نواف خير وش بلاك؟؟ نواف ببرود" يدي يا نوف تألمني كثير نوف" بعيد الشر عنك يا قلبي نواف يمسكها " لا عاد تبكي حبيبتي نوف ما تماسكت نفسها ورمت حالها بحضنه ...وقتها كان نواف في عالم ثاني جالس بس يسمع دقات قلبه ويطلب من ربه إنها توقف حتى يكون نفسها وريحتها وجسمها كله آخر ما تشهد روحه نسى نفسه نواف وصار يلمها له بيدينه وقتها حست نوف إن يده ما فيها شي وعرفت إنها لعبه منه نوف تشد نفسها منه بالغصب " كذاااب راحت من عنده وهو يضحك عليها " والله بتدفعين ثمن هذي الكلمة كثير يا نوف نوف تركض ولا كأنها سمعته وقلبها من الفرح طاير عجبها تصرفه ولو إنها بينت له إنها زعلانه لكن داخلها تمنت الأسبوع يركض حتى يتسكر عليهم باب واحد ,, في مجلس الرجال صاروا يباركون للعريس إلي الفرحة مو سايعته كيف تحقق حلمه كذا بدون أي عقبات وبدون ما ينكشفون البنات وقتها طلعوا للحديقة بعد ما أكدوا على طارق إن محد يجي جهتهم كلش يبغون يا خذون راحتهم بالفعل نوف خذت شمعه كبيره وصارت تشغل الشموع إلي بالمسبح و كانت الطاولات حوالينه ....وكوشة العرسان بزاويتها بحيث إن الكل يقدر يشوف العروس وحطت لها طريق بالورد والريحان مثل الممر للعروس نوره كانت واقفة محلك سر ولا كأن إلا نوف هي اخت العروس ...أم عبد الرحمن قلبها موجعها اليوم فرحة صيته ومنو غيرها يستحق السعادة صيته وبس صاحبة أطيب قلب تستاهل الخير على طول أم ماجد عيونها ما شالتهم عن نوره إلي جلست معها على طاوله وحده وكانت تمدح فيها وفي تربيتها لدلع وبالمقابل كانت أم ماجد مرتاحة لها كثير لدرجة إنها تمنت إن محمد يكون اكبر شوي حتى تكون نوره من نصيبه أم ماجد" شعرك مو طبيعي لونه حلو كثير نوره" تسلمين خالتو أنا مسويته بمشغل *** لو تحبين أوديك لعنده أم ماجد" يعني لو بسويه ما راح يصير مثل شعرك ما كأنه إلا خيوط من ذهب نوره تبوسها " تسلمين لي خالتو من بعيد" نوووره نوره تلتفت لقتها سلوى ...راحت لها تركض نوره" هلا والله وينك؟؟ سلوى" موجودة حبيبتي بس تعبت وأنا أدق لك وانتي مطنشتني لكن لما سمعت بالخطبة قلت أجي ما يحتاج لي عزومه نوره" هاهاهاي والله انك قطة وجه صارت سلوى تمدح في نوره لحد ما بين عليها العطش ونوره في قمة السعادة شوي إلا تنحط أغنية راشد الماجد أخت القمر ...في عيونها سر الجمال كل الحلا كل الدلال فيها وكلي لها قامت تباها بحسنها .... دخلت صيته بخطوات واثقة ونوف وميثه ما خلوها دقيقه وحده...... وصيته بدورها كانت تتلفت للمعازيم وعلى وجهها ابتسامه ساحره وقفت على الكوشة وعلى وجهها نور زايد على جمالها جمال صارت نوره ترقص بهدوء على موسيقى الأغنية وراسها مرفوع ما نزلته ابد ...وأم نواف كانت تزغرد من قلب وترمي الفلوس على نوره والكل كان يطالعهم وهم مبسوطين حتى صيته كانت فرحانة كثير أخيرا حست إن في احد فرحان معها ولو كان مظاهر قدام الناس شوي إلا وتجي أم عبد الرحمن لعندها وترمي الخمسميات عليها وتسحبها لعندها ترقص وترقصها معها صيته كانت مو طبيعيه الفرحة معكوسة عليها بشكل لا يوصف بعد ما صوروا ورقصوا وغنوا البنات أعلنوا دخول العريس البنات كلهم راحوا يلبسون عندها اختفت نوره ..وأتخيلها ما تقدر تشوف المنظر هذا قدامها دخل العريس على أغنية مروان خوري وكارول سماحه انتي ..بعدك حلوه وصرتي أحلى شو ها لصدفه ما في أحلى وقلبي يشوف أيامي بتحلى... قولي كيفك انتي؟؟ انت ...بعدك انت وما بتتغير محير لي قلبي ومحير وبعدو قلبك طفل صغير ...طمني كيفك انت؟؟ دخل ماجد وهو ماسك أخته ويطالع بصيته ومو قادر يشيل عينه من عليها وكان كل شوي يضغط على يد أخته يبين شدة توتره لكنها كانت تطالعه بابتسامه ساحره تهديه فيها وكأنها تقول له كل شي مثل ما طلبت وأحسن صيته بدورها كانت منزله راسها وكل ما يقرب ماجد تحس صيته بقلبها وكأن أحد يسحبه منها جهة ماجد كان ماجد يتمنى إن صيته ترفع عينها له ويشوفها ويملي عينه منها ...بعد ما صار ماجد قريب منها ما قدرت صيته إلا إنها ترفع راسها له وعندها تلاقت عيونها بعيونه ورمى لها كلمة أحبك إلي دخلت على طول لقلبها من غير استئذان قرب منها ماجد ويحس انه يحلم وأخيرا ؟؟ سلم عليها وقرب منها وباسها بين عيونها وطول فيها لدرجة انه سمع صوت البنات وهم يصفقون له ... انتبه لحاله وبعد عنها وهي وجهها مثل التفاح الأمريكي من الخجل دلع فرحتها ما تنوصف صارت تتنطط وترقص قدامهم وماجد يطالعها ويتبسم لها ويده بيد صيته إلي من مسكها ما تركها صيته شعور متذبذب بين الفرح والتوتر كانت تحاول تشد يدها منه لكنه يلتفت لها ويهمس لها أحبك كان ماجد يطالع بصيته ووجها المرسوم رسم ...صوره وأبدع الخالق في رسمها وأكثر شي عجبه فيها هي عيونها إلي كانت واسعة ورموشها طوال شوي إلا بأم عبد الرحمن تسلم على العريسين وتصير بوسطهم وتسحبهم من يدهم وتدخلهم الغرفة طبعا دلع كانت معهم ما تركتهم دقيقه وحده وأم ماجد بعد لكن أم نواف ما دخلت بحجة إنها تستحي منه لسه غريب عنها وما تعودت عليه أم عبد الرحمن" الله يبارك لكم يمه ماجد" تسلمين جدتي ما نستغنى عن دعواتك والله أم عبد الرحمن" ما أوصيك على صيته يا ماجد هذي جوهرة البيت صار يطالع بصيته إلي كانت منزله راسها وعلى وجهها ابتسامه صغيره ماجد يبوس يد صيته" بعيوني والله أم عبد الرحمن " وااااخزياااه انحرجت أم عبد الرحمن من ماجد ومن جرأته الزايده وبغت تطلع لكن صيته مسكتها من يدها ومن غير ما تقول كلمه أفهمت أم عبد الرحمن إنها متوحشه وتبغيها جنبها وهذا إلي خلاها تجلس معهم جلسوا صيته وماجد جنب بعض وكان ماجد جالس جنبها لدرجة انه خلاها تنكمش على روحها ماجد بصوت واطي" يلوق لك الدلع يا شيخة البنات صيته تبتسم"........... أم ماجد" يمه خذ الطقم لبسها ماجد" من عيوني والله منو عندنا اغلي منها .... بس يا ليت يكون على ذوقها ويناسب جمال رقبتها صيته انحرجت بجد وصارت تطالع بدلع"......... دلع تروح تكلم أخوها وتطلب منه انه يخف عليها شوي أم عبد الرحمن تنرفزت" أهاا اخلص يكفي هرج الكل " ههههههههه مسك ماجد الطقم إلي كان من الألماس وكان على شكل قلب كبير داخله فيه ثلاث قلوب صغيره .... ماجد حاط الطقم على رجولة وكان يحاول يفتح العقد شوي إلا بدخلة نوره لكن ماجد ما انتبه لها نوره بصوت ناعم " مبروووك عليك صيته يا ماجد ماجد من سمع صوتها قام وقف والتفت لها عندها الطقم طاح على الأرض ؟؟؟؟؟؟؟؟؟؟؟؟؟؟؟؟؟ \\ // في الشرقية كان مالك يمشي على البحر البحر كانت أمواجه هادئة وكان الجّزر مآكل نصه وريحة البحر تجيب الغم مالك يطالع البحر بعيون غريبة وكأنه يلومه أو يعاتبه ويقول بخاطره حتى انت مليت مني وسحبت؟؟ آآآآآه يا دنيا يا بلوة زماني من أصبحت بعالمك وانتي مو مقصرة معي بسألك وجاوبيني ليه عينك من انخلقت ما شلتيها مني؟؟ وليه لما أفكر ابتسم تسحبي دمي؟؟ وليه من أحس بزعل تيأسي مني؟؟ وليه باب العشق هو آخر همي؟؟ وهو كذا إلا جواله يدق بمسج ..فتحه لقاه من رقم غريب وكان محتوى المسج ..... حبيبي ...يا نور الله بأرضه , أنا عارفه إن المسج بيخليك تستغرب وراح يدور براسك منو أنا ؟؟ أنا أول مره أتجرأ إني أرسل لك وغلاتك بتكون آخر مره , بس حبيت أقولك قبل ما ينقطع نفسي من صدر ضم صورتك وحطك بحضنه إلى مالا نهاية ...لك انت بس أهدي قلبي وروحي ,كنت أتمنى إني أهمك لو واحد بالميه ,صدقني يا مالك بيغنيني عن كنوز الدنيا وبيغنيني عن حب رجال الكون نظرتك مثل الهوا إلي بدونها ما أترجى من الدنيا ضحكة قلب.... تأكد انك تأسست بضلوعي من يوم يومي ومن عرف قلبي الحب والطيب .... أقول لك وداعا لعلها تكون آخر الكلمات بيني وبينك ....أهديك كلمة أحبك هذهي الكلمة التي زرعتها بيمينك وسقيتها بنظراتك ولطفك ....أحبك يا نور عيني ... محبتك سراب مالك جالس يطالع المسج وهو مو مصدق قرى المسج ثلاث مرات يمكن يفهم شو صاير ومني هذي البنت إلي تعرفه وتعرف اسمه؟؟ قفل الجوال وحط راسه على الكرسي بمواجهة البحر ومرر يده في شعره الحريري الكثيف وعيونه للسما يعد نجومها ...شوي إلا ويسمع صوت يقرب من عنده ...مالك بدوره ما دار له بال ,لكنه سمع صوت ....." أروح فدوه لها لعيون ....يا لبى قلبي عليك مالك ابتسم ابتسامه سخريه وقال بقلبه هذي من عيوبك يا دنيا انقلب حال العالم وصارت المرة هي إلي تطارد الرجال تركها مالك وراح من عندها ,ركب سيارته وعلى طول على البيت. ,, في الجهة الثانية من الشرقية كانت شيماء جالسه على سريرها وقدامها ألبوم الصور يوم هم صغار ... كانت تتصفح الألبوم وعلى وجهها ابتسامه عابره مختلطة بدموع حارقه خدودها المخملية حرق شيماء حالها كل ماله بالنازل ,مالك مسيطر على قلبها وروحها مو عارفه كيف تطرد طيفه من خيالها تلوم نفسها بشده إنها أرسلت المسج لمالك ...وكان خاطرها تكون جنبه حتى تشوف وش ردة فعله ...وبالنسبة لها تحس إن إلي سوته كأنها صفعه لمالك تصحيه وتقوله اصحى يا نايم لكن مالك بدوره هل توقع المرسل منو يكون أو الهدف من إرسال المسج أو لا ؟؟؟ \\ // في الرياض نوره بصوت ناعم " مبروووك عليك صيته يا ماجد ماجد من سمع صوتها قام وقف والتفت لها عندها الطقم طاح على الأرض ؟؟؟؟؟؟ ماجد يطالع بنوره إلي كانت بعبايتها لكنها فاتحه وجهها عنه وماسحه ماكياجها وحاطه ماكياج ناعم .... حس ماجد بقلبه انه بالأرض ..إييي أكيد هذا الصوت يعرفه زين لكن لا مستحيل يكون في 2 صيته ؟؟ ماجد بصوت متقطع" الله يبارك فيك أم عبد الرحمن بصوت واطي " الله لا يجيب الغلا صيته ما انتبهت لنظرات ماجد لأنهم كانوا يطالعون بالطقم إلي صار بالأرض ماجد انتبه لحاله وصار يلم بالطقم لكنه بعد ما رفعه انتبه إن العقد انكسر , وقتها صار يطالع بصيته إلي ابتسمت له ابتسامه ساحره صيته" حصل خير ...انكسر الشر ماجد وقتها تأكد إن إلي بجنبه مو نفسها إلي كان يكلمها وكان واهبها روحه على طبق من فضه ... عندها بسرعة توجه بنظراته إلي كانت كلها اتهام وحزن لنوره , نوره كانت بدورها تطالعه وما شالت عينها من عليه أم عبد الرحمن" نوره تعالي معي أبغيك طلعت أم عبد الرحمن مع نوره ولحقتهم دلع وأم ماجد إلي تأزمت من الموقف وحطت في بالها إن كسر الطقم بها لليله فال شر كان ماجد جالس ومنزل راسه والعقد بيده صيته" حبيبي ...لا تحمل هم ماجد يطالعها وعيونه متوجهة لعيونها يبغي يكذب إذنه صيته تبتسم له" فدوه لعيونك عمري ... ماجد ولا كلمه"........... استأذنته صيته بتروح تجيب له كاسة الماي عندها صار ماجد لوحده وقتها ما قدر يمنع حاله وصارت دموعه تنزل بدون تردد ... ماجد بحروف متقطعة "معقولة إلي جالس يصير ؟؟ مو قادر افهم ليه كذا هااا ليه ؟؟ ,, داخل عند المطبخ أم عبد الرحمن " وش إلي سويتيه ؟؟ نوره بضيق" خير وش سويت أنا ؟؟ أم عبد الرحمن أحد يدخل كذا ؟؟ الرجال ارتبك صوت جايه من ورآه ...نقزتيه الله يلعن إبليسك صيته تجيها من ورآها " خير خير ....وش بلاكم ما عطين الموضوع أكبر من حجمه نوره بصراخ" مدري عنها .....قولي لها لعجوز هذي راحت نوره من قدامهم وأم عبد الرحمن ما خلت ولا بقت فيها حرة على نوره صيته تبوس راس جدتها" على شان خاطري يا لغاليه ...لا تنكدون علي بذي الليلة أم عبد الرحمن بابتسامتها المعتادة إلي كلها حب وحنان " ما عاش ولا كان إلي ينكد عليك يا خلف أبوي راحت صيته للغرفة إلي فيها ماجد وهي شايله بيدها صينيه فيها عصير وكاس ماي لكنها لما دخلت ما لقت ماجد وشافت الطقم إلى الآن مرمي على الأرض حطت الصينية على الطاولة وراحت عند دورة المياه لقت النور مطفي عرفت صيته وقتها إن ماجد راح وتركها بأول ليله لهم ؟؟؟؟؟؟؟؟؟؟؟ ,, في السيارة كان ماجد يسرع بشكل جنوني وحاط له موال عراقي ومطول صوته للآخر مالك" هلا والله بالعريس ماجد يبكي" مالك .... مالك" الوو ماجد؟؟وش فيك ؟؟ ماجد" مالك تعبان كثير كثير مالك بخوف" خير لا يكون صار شي ؟؟ ماجد " صار كل شي يا مالك ... مالك" شو صار ماجد يبكي " انخدعت يا مالك تخيل إن إن ..... مالك متنرفز " يا ليت تترك لي البكي صاير لي مثل الحريم ...تكلم أشوف ترى مالي قلب ماجد" صيته طلعت مو صيته ... مالك مستغرب" كيف يعني ؟؟ ماجد" صيته مو عشوق إلي أنا أكلمها ...حبيبتي إلي وهبتها قلبي وعطيتها كل روحي مالك بذهول " كيف يا ماجد ما طلعت هي ؟؟ ماجد" ما أدري ما أدري على العموم أنا بالطريق الحين مالك " لا تكفى حبيبي لا تتهور أخاف يجيك شي ترى الطريق خطير ماجد يبكي" ما أقدر يا مالك أبغي أشوفك بأي طريقه مالك يهديه" طيب طيب طلع صدقه وغير لي ها لأغاني وحط لك قرآن يهدي أعصابك فآهمني ؟؟ ماجد جالس يمسح دموعه بيده ويهز براسه لمالك يعني إيييي سكر من عنده وعيونه مليانه دموع وكل ما تذكر صوت عشوق وهي تقوله مبروك عليك صيته يا ماجد تزيد حسرته كيف لا وهو حس من البداية ثقل صيته وإنها ما كانت متلهفة عليه مثل ما كان متوقع ماجد كان يلف يمين وشمال وداخله بركان من الغضب لو يطلع راح يفجره ويفجر السيارة إلي هو فيها.. عندها بس صار يردد بصوت عالي ******** (( كذاب يا قلبي )) الكذب مو من صفات المسلمين ولا سلب الأرواح من شيم المحبين تعديتي على مولاك سيد الشياطين وضغطتي بقسوة على قلبي المسكين ******* البشر من عاداتهم يآخذون ويعطون وأنا عطيتك من قلبي وحبه المكنون وترجيت إني شاري أحلى عيون كنت أراهن بقلبك وبحبك المجنون لكن اليوم دونك لا عاقل ولا مجنون ******* طابت لي الدنيا يوم كنتي غناتي وتحملت الوله على حساب أمنياتي تعود القلب يعشق وينادي يا حياتي لكن للأسف طلع حبك آخر أغنياتي ومن غير حبك وش تعني حيـاتي؟ كل ما سمعت صوتك تمادت ذكرياتي مستحيل أنسى حبك وأقولها يا مناتي معقولة اليوم العشق ينسى صفاتي ؟ *غروب* | | |
| |
23 - 11 - 2024, 10:37 AM
|
#27 |
| | | عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 []
|
حاليآ في » | | دولتي الحبيبه » | | جنسي » | | العمر »
سنة
| | الحالة الاجتماعية »
اعزب
| | مشروبى المفضل » | الشوكولاته المفضله » | | قناتك المفضلة » | | ناديك المفضل » | سيارتي المفضله » | |
رد: رواية كبرياء رجل وشذوذ إمرأه
البارت السادس والعشرون ماجد جالس يمسح دموعه بيده ويهز براسه لمالك يعني إيييي سكر من عنده وعيونه مليانه دموع وكل ما تذكر صوت عشوق وهي تقوله مبروك عليك صيته يا ماجد تزيد حسرته كيف لا وهو حس من البداية ثقل صيته وإنها ما كانت متلهفة عليه مثل ما كان متوقع ماجد كان يلف يمين وشمال وداخله بركان من الغضب لو يطلع راح يفجره ويفجر السيارة إلي هو فيها \\ // \\ عند صيته ..... حطت الصينية على الطاولة وراحت عند دورة المياه لقت النور مطفي عرفت صيته وقتها إن ماجد راح وتركها بأول ليله لهم عندها بس جلست صيته على الأرض ومسكت العقد بيدها وهي مو عارفه وش تسوي .... القلوب إلي بالعقد مكسورة لكن قلبها انكسر قبلهم مسكت العلبة بيدها وصارت تلم الطقم إلي كان متناثر على الأرض...عندها بس دق الباب صيته تمسح دموعها " أيووه دلع" ممكن أدخل يا عرسان ؟؟ صيته تفتح لها الباب" حياك والله دلع وهي تدخل" هههه أدري بتقولون وش ها للزقه إلي..... دلع سكتت يوم ما شافت ماجد وصارت تأشر لصيته يعني وينه فيه ؟؟ صيته مرتبكة" والله ماجد اتصل عليه صديقه ويقوله إن عنده مشكله وراح له دلع باستغراب" أي صديق؟؟ ماجد ما عنده أحد مهم غير مالك الله يستر ... بس مالك بالشرقية معقولة يمشي بها لوقت ؟؟ ومعقولة يتركك في ليله مثل ها لليله ؟؟ صيته" أنا لزمت عليه تدرين صديقه لو انه مو بأزمة ما كان مدق عليه بمثل ها لليله دلع على طول خذت الجوال ودقت عليه لكنه كان الجوال مغلق... دلع " الجوال مقفول .. صيته بابتسامه " أنا متأكدة انه بخير لكن أكيد ما في الجوال بطارية أو انه ما عنده إرسال ...إنت لا تحاتين دلع وقتها لمت صيته لحضنها" إن شاء الله انه بخير صيته" وش رأيك نروح عند البنات ؟؟ دلع " هههه اوك ,, على البوفيه ... نوف " ميثه طاوليني صحن ورق عنب ميثه تمد لها الصحن " عمري أكلي لك رز أو معكرونه لازم تتغذين حتى تكونين بصحة زينه نوره" لاااا...مجنونه انتي ؟؟ زواجها بعد أسبوع لا يكون تنتفخ لنا وبعدين تمشي مثل البطة هاهاهاي نوف" أنا أعرف جسمي زين ما يتغير بسرعة ....لكن تدرين أحاتي والأكل الحين آخر اهتماماتي ميثه منقهره حدها" أقول النور ...أنا أكره شي عندي إن أحد يطالع بأكل الثاني ...يعني أكل إلي يعجبك والبس إلي يعجب الناس نوره" اييي أنا معك لكن إذا أكلتي وأكلتي ما راح تقدرين تلبسين صح ... ميثه تغير الموضوع" إلا وين دلع؟؟ نوره" أنا بصراحة مو صلح مع الأكل نهائيا.... أحاول إني آكل لكن ما أعرف ليه أحس إن ما عندي قابليه ميثه تتمسخر" من جد مالك خلق تآكلي ؟؟ أنا أشوفك في الجامعة تآكلي كويس لا يكون ما يعجبك طبخ خالتي مع إن نفسها بالطبخ لا يعلى عليه نوره تطنشها وما ترد عليها" نوف جهزتي كل شي ؟؟ نوف تآكل ورق عنب" تقدرين تقولين نوره" شوفي جهزي زين لأن اخوي نواف ذويق ...وبصراحة متعود على الرقي دائما واللبس الجميل نوف تبتسم لها " أنا عاجبته لو شو ما ألبس وقتها نوف جاها مسج ...صارت تبتسم توقعته من نواف وبالفعل يا غلا روحي...يا بلسم الأشواق...يا وله مغترب...يا شروق الشمس...ونور القمر....يا ضحكة محب ...يا شمعة الروح أحبك أحبك أحبك إلى مالا نهاية ... متى اللقاء يابعد الروح؟؟ ((حبيبي)) على طول راحت ترد له المسج يا عشقي الأول...يا بسمة الروح...يا ضياء الدنيا ...يا بحر الأشواق...يا صبحي المشرق....ومسائي الجميل أحبك إلى آن يمل قلبك ويقول كفاني .... اللقاء بإذن الله مثل الليلة بعد أسبوع... ((شمعتي)) رد لها بدوره المسج كل ما قلت احبك زاد شوقي ....لميني بيديك حتى ارتوي ...أتخيل نفسي بين جنحان حبك أنتظرك بعد خمس دقائق في المطبخ لا جدال** ((حبيبي)) نوره" ميثه كلي الرز بالشوكة حتى ما تاخذين كميه كبيره أنا متأكدة إنك على ها لوضع ما راح يقيسك الفستان ميثه " كح كح كح ... نوف تناولها كاس العصير" لا إله إلا الله ...شربي عمري شربي نوره" يا الله الأكل ما بيطير يا ميثه با لهون حبيبتي ميثه بتجن" نوف أنا بروح عند أمي ... راحت ميثه شوي إلا رجعت وخذت صحنها وهي تطالع نوره وكأنها تقولها موتي حره ... نوف بدورها استأذنت نوره وضبطت لنواف صحن من البوفيه وخذت له كاس عصير وتوجهت للمطبخ دخلت عليه كان معطيها ظهره, بهذا الوقت تعمدت نوف إنها تطلع صوت نواف يوقف " هاا يا لله نوف تبتسم" يا أخ ...إنت أعطيت بنت حلوه موعد ؟؟ نواف يلتفت لها " هلا والله بأميرة قلبي نوف تمد له الصحن " اخترت لك على ذوقي نواف ياخذ منها ويمسك يدها ويجلسها جنبه وعيونه ما شالها من عليها نواف عيونه ضايعه بملامحها " قمر يمشي على الأرض وربي نوف" هههه كلام عشاق لكن بالتأكيد إن إحنا بعد أسبوعين بنبطل نسمعه نواف يبتسم" أفا هذي نظرتك لي؟؟ نوف تطالعه وهي تبتسم وتهز براسها يعني لا"..... نواف بحب وهو يلم يدينها له ويبوسهم " والله و الله إني بظل أحبك لآخر يوم بعمري نوف بزعل" لا تقول هذا الكلام تخوفني نواف" ههههه تخافين علي ؟؟ نوف " لو ما أخاف عليك أخاف على منو غيرك ؟؟ إنت أخوي وحبيبي ودنيتي وكل إلي لي..يا بعد ها لدنيا انت نواف وجهه منشرح لكلامها" من جدك تحبيني ها لقد ؟؟ نوف تبسم وتعطيه الوردة إلي بشعرها " إنت وش رأيك؟؟ نواف ياخذ الوردة ويشمها بقلب وبنظرات عشق يوجه سهامها لنوف "أنا من رأيي إن إحنا نصعد فوق نوف تطالعه " فوق؟؟ وين؟؟ نواف ببساطة" وين يعني ؟؟بغرفتي نوف باستغراب" غرفتك؟؟ ليه خير ؟؟ نواف يسحبها من يدها " بوريك البوم الصور إلي يوم كنا صغار قومي بس نوف" من جدك إنت ؟؟؟لا مستحيل نواف مسوي حاله معصب" انتي زوجتي وواجب عليك تقولين لي لبيه مو مستحيل ..إذا ما سمعتي كلامي بزعل منك من جد نوف محرجه" نواف لا يكون تفكر انك بتضغط علي أنا ما أقدر أدخل غرفتك لين بعد الحفلة نواف يبتسم لها " نوف لا تكبرينها في دماغي وتخليني آخذك غصب عنك نوف تبتسم له" ما تقدر راحت نوف من عنده بسرعة بتطلع للحديقة لكن نواف سبقها ومسكها من يدها وبعدين حملها بين يدينه وبيروح فيها لفوق نوف معصبه" والله بصرخ الحين وبخليهم يشوفونك وش تسوي فيني نواف معند" جربي أشوف...وثانيا انتي حلالي ومحد يقدر يقول لي شي أو يدوس لي على طرف وهم كذا إلا ويسمعون صوت جاي من ورآهم أم عبد الرحمن"أيا قليل الحيا ... اتركها من يدك أشوف نواف ونوف انصدموا ..وبسرعة نواف نزل نوف من يده وهي بدورها جلست تعدل بحاله وقلبها بينط من الإحراج أم عبد الرحمن بصرخة " بالله عليكم انتوا ما تستحون على دمكم هااا ؟؟ نواف ونوف"......... أم عبد الرحمن بلوم " والله إنكم بايعينها ومو حاطين اعتبار لأحد وكأنكم عايشين بروحكم نوف تجمعت الدموع بعينها وشوي وتبكي ...ونواف خايف على نوف لكن بعد ما يقدر يرفع صوته على جدته خصوصا انه عارف نفسه انه غلطان أم عبد الرحمن تطالع بنوف" تعالي انت يمي أشوف ... ولااا جالسه تطاوعينه بعد؟؟ نواف" لا مو كان القصد شي بس أنا كنت...... أم عبد الرحمن بحده" انطم أشوف ولا عاد اسمع صوتك ....يا لله روح مجلس الرجال يا لله نواف يروح من عندها وهو عيونه على نوف وعلى الموقف إلي حطها فيه ....باس راس جدته وطلع بعد ما راح نواف التفتت أم عبد الرحمن على نوف وهي منزله راسها أم عبد الرحمن" وش سوا لك ؟؟ نوف تحلف لها" والله و الله ما سوا شي أم عبد الرحمن " هههههه أنا عارفه انه ما يقدر يسوي شي لأنه يحبك ويخاف عليك من الهوا الطاير ... لكن أنا من لاقيتك تأخرتي عرفت انه قاعد يجننك قلت أجي الم الموضوع وأوقفه عند حده نوف بارتياح" تسلمين لي يا جدتي والله ...بس كيف جا على بالك ؟؟ أم عبد الرحمن تجلس" ههههه جده بو عبد الرحمن الله يرحمه كان جريئ بعد مثله نوف بتموت من الضحك لكن فضلت إنها تسايرها حتى ما تزعل منها \\ // في الشرقية ....بعد وصول ماجد لعند مالك كان جالس معه في المجلس ..ومن وصوله وهو ما نطق بكلمه, ومالك بعد ما فتح له الموضوع مالك بهدوء" ماجد ...أنا ابغي أخليك براحتك ,لكن بعد أبغيك تتكلم لي وتفضفض حتى ترتاح وتريحني ماجد يطالع مالك وعيونه مثل الدم والدموع تلعب فيهم لعب وقتها تنهد تنهيده من غير ما يتكلم مالك متأزم" تحب ترتاح وبكره نتكلم ؟؟ ماجد بصوت متقطع" أي راحة وأنا بهذي المصيبة؟؟ مالك يحط يده على ظهر ماجد يواسيه"........... ماجد بغصة " مو قادر أتخيل الوضع ...معقولة أنا ينلعب علي ببساطه كذا ؟؟ ماجد يسكت يحاول ياخذ نفسه ومالك جالس يسمع له وهو ساكت ماجد يمسح دموعه بكمه مثل الطفل الصغير " مستحيل أستمر معها مستحيل مالك" مو يمكن الموضوع يكون فيه لبس ماجد يطالعه بعيون حايره" انت لو شفت عشوق وسمعت كلامها كنت عرفت منو المظلوم لا والي قاهرني إنها جالسه مثل الحمل الوديع ولا كأنها مسويه شي ...بصراحة كرهتها من قلب كرهت كل شي فيها حتى اسمها مالك" طيب انت اهدأ وقولي وش صار بالتفصيل صار ماجد يخبر مالك كل شي لدرجة انه بدون شعور وصف له صيته ووش كانت لابسه وكيف نظراتها وووووو..... مالك" بس إلي سويته غلط يا خوك... تطلع وتخلي عروستك بهذي الليلة؟؟ ماجد" ما أدري ...أنا وقتها حسيت إني ابغي أتكلم أبغي احد يفهمني , أحس إني مثل اللعبة إلي جالسين يحركونها بدون إرادتها ...أنا ضايق يا مالك يا ليت أموت وأرتاح مالك يلمه له ويحاول يهديه ...وطلب منه انه يرتاح وينام ومن أصبح افلح , وبإذن الله راح تنحل لأن ما في مشكله بدون حل \\ // في الرياض وفي الصالة كانوا البنات جالسين هناك ....صيته ودلع ونوف وميثه كلهم ملتمين على أم عبد الرحمن وهي تحكي لهم عن مغامراتها مع بو عبد الرحمن الي ما يعرفه أحد نوف تضحك من قلب" هههههه يعني كان يدور لك ؟؟ أم عبد الرحمن " إيييي بالله انخشيت بالدولاب وظل يدورني بكل مكان ....طبعا على أيام أول كنت أنا مصمصمه قصيرة وضعيفة ميثه" إيييي أكيد تسع سنوات صيته جالسه معهم بالاسم بس لكن خيالها لبعيييييييد أم عبد الرحمن " بعد ما تعب انه يلقاني قال ... خسارة وأنا إلي جايب لك حلاوة ...وقتها ما سمع إلا صوت الدولاب ينفتح وأنا أقوله بصوت صغير ..أبغي حلاوة رد علي ...ما في حلاوة إلا لما تسمعين كلامي وتسوين إلي أقولك عليه البنات مندمجين معها كثير ميثه" يعني هو وش يبغي منك ؟؟ أم عبد الرحمن تطالعها مستغربه " أقول ذلفي عن وجهي أشوف يا قليلة الحيا نوف" هههههه كملي جدتي وش سويتي انتي أم عبد الرحمن " جلست أبكي بصوت عالي أبغي حلاوة عندها بس خاف إن صوتي يوصل للحريم إلي بره وعطاني ما بغيت, وبعد ما يأس مني نام على الأرض البنات" ههههههه أم عبد الرحمن " يا لله صعدوا مسحوا ذا المكياج إلي صايرين لي فيه كنكم مهرجين ورجعوا نكمل هرجنا البنات بسرعة راحوا يمسحون مكياجهم ويبدلون ملابسهم ...لكن أم تركي نادت على البنات وراحوا للبيت ,, في غرفة نوره كانت جالسه على الأريكة وحاطه لها شريط عراقي ورايحه جو معه ....وكأنها نست إن البيت فيه ضيوف شوي إلا ودق الباب نوره تعدل ملابسها " نعم صيته تفتح الباب" نوره ليش جالسه لحالك ؟؟ نوره مرتبكة" ما أدري فكرت انك مع ماجد صيته تبتسم لها " لا ماجد راح نوره بخوف" هاااا وين راح؟؟ صيته" صديقه إلي بالشرقية عنده مشكله فلزمت عليه انه يروح له نوره بلهفه" تعالي قولي لي وش سويتوا صيته تتصنع" هههه بعدين أقولك تعالي بس ننزل جدتي عندها سوالف مررره حلوه نزلوا تحت لقوا أم عبد الرحمن جالسه مع دلع وأم ماجد وأم نواف أم ماجد" هلا وغلا بعروستنا ...تعالي يمه راحت صيته لعندها ولمتها لها وباست راسها ويدها أم ماجد" إلا وش بلاه مالك ؟؟ صيته مو عارفه عن شنو تتكلم دلع" أمي تقصد صديق ماجد صيته مرتبكة" هااا إيييي ما أدري يقول عنده مشكله أم نواف" كان دقيتي عليه يمه حتى تتطمنين عليه وصل أو لا صيته تحاول تغير الموضوع" إيييي دقيت يمه ويسلم عليكم .... جدتي كملي سوالفك دلع وقتها حست إن فيه شي خصوصا إن صيته بلغتها إنها ما عندها رقم ماجد وان دلع قالت بتعطيها إياه لكنها نست طبعا أم عبد الرحمن استرسلت في سوالفها و صارت تكمل لهم قصتها الرومانسية مع الغالي الغايب شوي إلا ويدخلون نواف وطارق .... وقتها تعالت الزغاريد نواف" مبروووووك يا شيخة البنات تتهني إن شاء الله صيته تروح له وتلمه بكل قوتها وكأنها تبغي تقوله شي بس خايفه نواف يمسكها من أكتافها " هااا بشري عساك مبسوطة؟؟ صيته تتجمع الدموع بعيونها" الحمد لله أم عبد الرحمن " عساني أزغرد بعرسك يا يمه نواف نواف يروح يبارك لها " تسلمين يمه أم عبد الرحمن بصوت واطي" أنا ما قلت لأحد لأنك وعدتني انك ما تعيدها نواف يبتسم ويبوس راسها " توبة والله يا غالية نوره " عقبالك طروقي طارق لمح دلع تواخذ وما قدر يرد"......... أم عبد الرحمن بضيق" وانت على راسك ريشه حتى ما تسلم علي؟؟ طارق بهدوء غير معتاد" لا جدتي كنت أعطي نواف وقت حتى يسلم عليك بالسلام إلي يلوق فيك أم عبد الرحمن" اييي بالله أنا ما أعرفك ؟؟ يا خوي انت خبز يديني عارفتك أكثر من روحك طارق يبوس راسها" تكفين جدتي لا تفشليني يمهم أم عبد الرحمن بصوت واطي" مردهم يعرفونك طارق بصوت واطي بعد" اييي مو مشكله بس أهم شي الحين والله فشله ناس أجانب للحين ما خذنا عليهم أم عبد الرحمن تطالعه " يصير خير بحاول نواف يروح للدرج بيصعد لكن طارق جلس جنبهم ولا كأنه إلا العيد نواف ينادي" طـــارق ,تعال طارق وده يذبحه" بعد شوي بجي أم عبد الرحمن" أقول قم بس ما تستحي على دمك ؟؟ طارق يطالع بدلع إلي كانت صاده عنه شوي" بشوف أمي ما جلست عندها أم عبد الرحمن شافت طارق ونظراته لدلع وقتها حست بشي غريب ...وكأن الموضوع أزعجها بقوه نواف طالع طارق بنظره خلته يقوم وهو يتخبط على الدرج وعيونه لهم أم عبد الرحمن "؟؟؟؟؟؟؟؟؟؟؟؟ كانت السهرة حلوه كثير ....بعد كذا تفرقوا البنات كل وحده راحت غرفتها ...ودلع راحت مع صيته بغرفتها إلي تصنعت النوم حتى ما تعطي دلع مجال إنها تسألها عن ماجد ,, نواف بعد بدوره دق على نوف وحاول انه يعتذر منها على الموقف إلي صار لهم مع جدته ...وقتها نوف حاولت تفهم نواف إن تصرفاته سابقه لأوانها وان كل شي بوقته حلو ...وبعد ما تمت ألصلحه , ابتدوا يجهزون ويرتبون للدخلة وكيف راح تكون ...وكلمة عشق من نواف وضحكه من نوف كفيله إنها تخلي ليلتهم من الليالي إلي مستحيل ينسونها \\ // في اليوم الثاني ... جلس مالك من النوم ولقى ماجد جالس يقرأ قرآن مالك بابتسامه" صباح الخير ماجد" وش ذا النوم عفية على جنابك ما تعبت مالك" ههه شكلك ما نمت إلي جالس تحسدني ماجد يطالعه بعيون حايره" من وين يجي النوم ؟؟ مالك" عين خير يا ولد الحلال ...وعسى أن تكرهوا شيئا وهو خير لكم ماجد " خير ولا مو خير قسم بالله إنها ما تكون حليلتي بعد اليوم مالك متنرفز " استغفر ربك ولا عاد تحلف ...مو يمكن تكون أفضل من أختها ؟؟ ماجد بصراخ " لزقوها فيني ما تفهمني انت ؟؟؟ مالك " إلا فاهمك .... لكن انت اسمعني زين وسوي إلي بقولك عليه طيب ؟؟ ماجد يطالعه باستسلام "............... \\ // في بيت بو تركي .... تركي" قسما بالله هذي مو حاله ...يعني ناس تملك وناس ينلعب عليها ؟؟ بو تركي" خير خير وش له ها لعصبيه ؟؟ تركي متنرفز" ها لدبش لازالوا نايمين ولا كان في أحد يبغي يفطر في هذا البيت بو تركي بيطلع" روح لف لك كيسة خبز وكاس جبن يا لله يكفونك ويشبعون ها لكرشه وثانيا انت من متى ما تسبحت ؟؟ ريحتك موصله لأخر الدنيا ...اعنبوا دارك ما عندنا ماي ؟؟ ولا الشامبو مخلص من البلد ...رتب روحك ومشط ذي الكشه ...الواحد ما يطيق إنه يجلس يمك أو يطالع بخشتك ولا كأنك إلا مصارع طالع من هواش ..فانيلتك مقطعه والعرق لخصرك ريح جسمك وخله يشم الماي لو مره في الشهر ... ما أقول إلا الله يخلف علي بس طلع بو تركي وتركي موصل حده فيه حرة ويبغي يطلعها ...صعد فوق وصار ينادي للبنات إلي ولا وحده فيهم ردت ...شوي إلا يرفس باب ميثه لدرجة إنها فزت من نومها وقلبها يرجف رجف تركي" عساها نومه أهل الكهف ...قومي الله لا يهديك وسوي لي عشر بيضات وطلعي لي الحمص إلي بالثلاجة ميثه تبغي تقوم لكنها مو عارفه ملابسها مرتفعه من تحتها تركي عصب عليها" ما تقومين يا مال البلى؟؟ ميثه بصوت متقطع " طيب اطلع انت وأنا بلحقك وقتها جن جنون تركي وراح لها وسحبها من شعرها وصار يجر فيها جر ونزلها الدرج وهو ساحبها وهي تصرخ من راسها ...لحد ما وصل للمطبخ ورماها فيه تركي" خمس دقايق والفطور جاهز ....فاهمه ولا أفهمك؟؟ ميثه قابلت الثلاجة وصارت تطلع منها الفطور له ...وهي تدعي عليه وتتحسب وتطلب من ربها يا يفكها منه أو يفكه منها .. شوي إلا والفطور جاهز ... راحت توديه له تركي" جيبي لي براد شاي ميثه" طيب راحت تجيب البراد له وما رجعت إلا وهو قاضي على الفطور كله ... تركي " الحين انتي سويتي لي عشر بيضات زي ما قلت لك ؟؟ ميثه تهز براسها يعني اييي"............. تركي مدهوش" غريبة يعني ما شبعت ؟؟ المهم بعد شوي قطعي لي شمام وصعديه لي فوق سامعة ؟؟ ميثه بخاطرها تقول عساه سمام بقلبك تركي بحده " سمعتيني ؟؟ ميثه " على راسي تركي" انكسر راسك يا رب ...الله يا خذك ويريحنا منك راح تركي وميثه رافعه يدها للسما وتدعي بقلب يااااا رب ,, في بيت بو نواف وفي غرفة صيته بالذات كانت صيته جالسه على السرير وتطالع بدلع وملامحها الجميلة و شقد إنها تاخذ من ماجد كثير ... ماجد إلي تركها ولا عبر مشاعرها ...راحت صيته مع أحلامها وتصورت نظراته لها يوم يهمس لها أحبك ....ويوم يمسكها من يدها وكأنه خايف عليها لا تطير من يده ...وكيف كانت لهفته عليها ...ما أدري كل هذا بيشفع لك عند صيته يا ماجد أو لا ؟؟ صحت صيته من خيالاتها ودموعها على خدها وابتسامة صغيره تزين شفايفها .... مسحت دموعها من عينها وقامت من سريرها وتوجهت لدورة المياه حتى تغسل وجهها وتغير ملابسها شوي إلا ويدق جوال دلع دلع" الوووو ....إييي هلا فيك وينك ؟؟ ...قالت لي صيته انك عند مالك .... شلون يعني ..إييي هي قالت كذا ...طيب مو مشكله ....انتبه انت لحالك ...لا الحين هي في دورة المياه ...أوك ببلغها ....سلام طلعت صيته لقت دلع قدام المرايه تضبط شعرها صيته " صباح الخير على أجمل وجه دلع تروح لها وتبوسها " صباح الخير يا أحن وأطيب قلب ....وهذي بوستين بعد من ماجد صيته قلبها يدق بصوره غريبه صيته بهمس" كلمك؟؟ دلع بارتياح" اييي ويسلم عليك وأرسل لك بوستين ويقولك هو بالطريق الحين ويبغي يشوفك بس يوصل راحت دلع دورة المياه وصيته مذهولة ...جلست على سريرها وسرحانة بعالم ماجد الغريب عليها ,, تحت في المطبخ كانت أم عبد الرحمن تجهز الفطور على غير عادتها .... وهذا إن دل فهو يدل على قيمتهم عندها يكفي إنهم أهل ماجد خطيب صيته حبيبة قلبها ونوارتها ومثل ما قالوا تكرم ألف عين لأجل عين طارق" صباح الخير أم عبد الرحمن تلتفت عليه " منو؟؟ طارق؟؟ طارق يطالع فيها" قولي قسم؟؟ أم عبد الرحمن ترجع لشغلها " يعني لولا القسم حقتك كنت ما عرفتك مو عادتك تكون نظيف كذا ... ولا صاير كلامك غير بعد... وصوتك بالموت يطلع وأسمعه طارق مبسوط كون إن جدته تمدحه هذا يعني انه صاير مره أنيق طارق" ما جلسوا الجماعة؟؟ أم عبد الرحمن مستغربه" إلا جلسوا....ليه تسأل؟؟ طارق يترجاها" تكفين جدتي إلي بينا بينا لا عاد تخلطين المواضيع وتتكلمين عني با لشينه قدامهم أم عبد الرحمن مو جايه تفهم " قدام من ؟؟وش تقصد؟؟ طارق" هدنه حبيبتي كم يوم لحد ما يمشون الجماعة أم عبد الرحمن نغزها قلبها" ليه ؟؟ طارق ارتبك "بدون سبب عشان صيته بس وان الناس يحسون إن بيتنا مريح وإحنا متفاهمين مع بعض وعلى قلب واحد أم عبد الرحمن تطالع بطارق من غير ما ترد, بعد هو فضل انه يبوس راسها ويمشي حتى ما تسأله عن أشياء هو ما يحب يفصح عنها ,, في غرفة الضيوف فرشوا سفره كبيره على الأرض وحطوا كل ما لذ وطاب ... أم ماجد" ليه تعبتوا حالكم ...يعني إحنا مو أجانب أم عبد الرحمن " أفا بس ...انتوا أعظم من الأهل أم ماجد" والله إحنا ببيتنا ما نفطر ...ماله داعي ملعوزين حالكم دلع بحب" تسلم يدك جدتي أم عبد الرحمن تطالعها وتقول بخاطرها ..والله ما ارتحت لك من شفتك الله يستر بس وإن شاء الله إلي فهمته من طارق ما يصير صحيح ...وأصلا ذا الخبل من وين يعرف الحب وسوالفه ...بس معقولة وحده مثل هذي المسحوكة تاخذ قلب طارق معقولة ؟؟ ولا بعد تقول جدتي أقول اذلفي انت مع خشتك ... صيته" الله يسلمكم ... والله إحنا مبسوطين معكم كثير أم ماجد" الله يهنيكي مع ماجد يا بنتي صيته بخجل" تسلمين يا خالتي شوي إلا ويدق جوال دلع" هلا ...والله ولد الحلال على طرواه ....زين زين الحمد لله على سلامتك ...هههه طيب ببلغها ...يا لله باي صيته تطالع بدلع وودها تسألها عنه لكنها ما نست الأنظار إلي متجهه حوالينها دلع بصوت واطي لصيته" هذا ماجد ويبغي يشوفك الحين بالحديقة صيته" هااا طيب بس انتي اطلعي له وأنا برتب حالي دلع " طيب خير راحت صيته لفوق تضبط حالها ....ودلع بدورها راحت لماجد ,, في الحديقة....كان ماجد جالس على الطاولة مكان ما كانت الحفلة وجالس يطالع ببقايا الشموع إلي بالمسبح ويحس إن حاله حالها شوي بعد ويتلاشى دلع تبوسه" هلا حبيبي كيفك؟؟ ماجد مرتبك" تمام ...هااا وش صار؟؟ دلع" ما صار إلا الخير ...إلا كيف مالك ؟؟ ماجد" مالك بخير ما فيه شي ... صيته كيفها ؟؟ ما قالت لك شي؟؟ دلع بلا مبالاة " لا ...إلي قالته إن مالك دق عليك وقال يبغيك ضروري ووو بس ماجد" وهي وش درآها عن مالك؟؟ دلع" هي ما قالت مالك قالت صديقه وأنا اعرف إن ماعندك أصدقاء يهمونك غيره على شان كذا أنا استنتجت انه يكون مالك ماجد" آآآآه يا دلع خليها على الله ... متورط وبموت بخنقتي دلع تطالعه بخوف" خير ؟؟ ليه تقول كذا؟؟ ماجد يقصر صوته" صيته ما طلعت صيته ... دلع تطالعه ومفتحه عيونها له "..... ماجد" يعني قصدي إلي كنت أكلمها ما كانت هي كانت أختها دلع تطالعه" نوره ؟؟؟ وش هذا الكلام يا ماجد ماجد بضيق" هذا إلي صار دلع " والحين وش الحل ؟؟ ماجد يحط يده على راسه" ما أدري وهو كذا إلا يشم ريحة عطرها إلي ما لحق انه ينساها من البارح ...رفع راسه ولقاها قدامه ومنزله راسها ...كانت لابسه فستان أبيض قصير ورافعه شعرها على شكل ذيل حصان وحاطه روج وكحله بس ...لكنها كانت ناعمة كثير صيته" السلام عليكم ماجد يوقف بدون شعوره" وعليكم السلام هلا صيته صيته تروح تجلس جنب دلع إلي هي بدورها وقفت واستأذنتهم إنها تروح وان مكانها غلط بينهم بعد ما راحت دلع كانت صيته ساكتة وتنتظره انه يتكلم ويبتدي يشرح لها الموضوع..لكنه كان هو ساكت بعد وكأنه جالس يستجمع الكلام إلي قاله إياه مالك ويستنى الفرصة حتى يطبقه ... بعد طول انتظار أخيرا قرر ماجد انه يتكلم ماجد" صيته أنا بصراحة خجلان ومو عارف وش أقول لك صيته كانت ساكتة لكن قلبها شوي ويطيح منها ماجد" أنا بعد ما انكسر الطقم ...حسيت بصراحة بالإحراج وكيف إني تسببت بهذي المصيبة بليلة العقد... صيته تطالعه" أنا ما همني كل هذا ..إلي اهتميت منه هو كيف انك رحت كذا ...ومن غير ما أعرف وش السبب أو وين كنت ما فكرت فيني ؟؟ إنت بصراحة حطيتني بموقف لا أحسد عليه يا ماجد ماجد يحاول يتماسك" مو مشكله يا عمري... أنا بعد ما يهون علي انك تطلعي جنب أهلك بدون طقم ...وانت با لنسبه لي مقامك كبير عالي فقررت إني ما ارجع إلا لما أجيب لك غيره رفع ماجد الكيس من على الأرض وطلع العلبة منه وفتحها لها ...إلا وتلاقي طقم فخم كبير وجميل جدا صيته تبتسم من غير ما ترد"...... ماجد ممكن تنسين إلي صار وتخليني ألبسك الطقم ونعوض ليلة البارح صيته تبتسم له وتهز براسها يعني اييي وعينها وقتها ما شالتها من عيونه في هذا الوقت ما كانوا أبطالنا لوحدهم ...كانت في عين تراقبهم من بعيد وتترقب حركاتهم وتصرفاتهم نوره ...إييي نعم نوره إلي كانت في غرفتها ولاصقه حالها بالنافذة ....تطالعهم بكل دهشة وكأن إلي جالس مع صيته مو ماجد إلي علقته فيها وخلته يذوب في هواها ...عندها بس صارت تردد وبصوت عالي ((غصب عنك )) غصب عنك تبي ترجع*** وتبوس تراب أقدامي غصب عنك تبي أقبل***تكون من أخلص خدامي غصب عنك تبي أعرف***انك تموت برمشة أهدابي غصب عنك تنادي البين***وترّجى المك بأحضاني غصب عنك تهادي الشوق***وتنوح لأهلي وخلاني غصب عنك وغصب عنك***أتحداك بيوم تنساني ****** شموع الشوق واللهفة تخيلها بدون اسمي ولمسة خاطرك بالذات تبي تعرف مدى حبي أقول تريا الوله با لزود لو يفاوض هوا قلبك تراني بايعك اليوم وقلبك آخر همي وضني تبسم لها اليوم.. وبكرا لحظني تبي تغني وأهديها عبير الشوق ولمسة يدينك بدمي تخيل رمشه عيوني وهواي العاشق المملوح تفكرني أعشقك بالزود لا والله يا ابن عمي ترى النسوان مثل الجمر احذر لا تجي يمي كنت بيومها دمية خشب أسايرها وتسليني تراك آخر ظنوني وبقلبي أبد ما تعنيني *غروب* | | |
| |
23 - 11 - 2024, 10:38 AM
|
#28 |
| | | عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 []
|
حاليآ في » | | دولتي الحبيبه » | | جنسي » | | العمر »
سنة
| | الحالة الاجتماعية »
اعزب
| | مشروبى المفضل » | الشوكولاته المفضله » | | قناتك المفضلة » | | ناديك المفضل » | سيارتي المفضله » | |
رد: رواية كبرياء رجل وشذوذ إمرأه
البارت السابع والعشرون ماجد ممكن تنسين إلي صار وتخليني ألبسك الطقم ونعوض ليلة البارح صيته تبتسم له وتهز براسها يعني اييي وعينها وقتها ما شالتها من عيونه في هذا الوقت ما كانوا أبطالنا لوحدهم ...كانت في عين تراقبهم من بعيد وتترقب حركاتهم وتصرفاتهم نوره ...إييي نعم نوره إلي كانت في غرفتها ولاصقه حالها بالنافذة ....تطالعهم بكل دهشة وكأن إلي جالس مع صيته مو ماجد إلي علقته فيها وخلته يذوب في هواها ... \\ // \\ ماجد لبس صيته الطقم وهي بكامل فرحتها وبصراحة نست كل إلي صار ... صيته بممنونيه " تسلم يدك حبيبي ماجد " والله انك تستاهلين أكثر صيته حاطه عينها بالأرض وجالسه تلعب بسوارها تنتظر ماجد يبادر ويقول أي شي ماجد بهدوء" صيته صيته تطالعه وعلى وجهها ابتسامه ساحره" هلا والله ماجد " خاطري نطلع نتغدى بره وش رأيك ؟؟ صيته " اييي مو مشكله ...وش رأيك ناخذ دلع معنا؟؟ ماجد يمد يده ويمسك يدها " لا ..بلا عذال حياتي أبغي أطلع أنا وانتي بس وش رأيك صيته والقشعريرة ماليه جسمها " طيب حبيبي على أمرك ماجد" يا لله قومي لبسي عبايتك وأنا بسبقك على السيارة ....طيب ؟؟ صيته بفرح "خمس دقايق وأنا عندك ماجد" اخذي راحتك حبيبتي صيته تطالعه وعلى وجهها ابتسامة رضى ".......... راحت صيته على طول تصعد غرفتها لقت بوجهها جدتها أم عبد الرحمن ميثه تلمها لها " جدتي حبيبتي أم عبد الرحمن " عمري انتي ...الله يسعدك يا رب ميثه تحاول تلقط نفسها " أنا طالعه مع ماجد ....ما أعرف وين أمي ابغي ابلغها أم عبد الرحمن" روحي انتي في وداعة الله وأنا أعطيها خبر ...بس هااا سمعيني زين صيته" خير جدتي ؟؟ أم عبد الرحمن بعين خجلانه" انتبهي لحالك ولا تجلسون بمكان مسكر خليكم قدام الناس صيته ساكتة تبغي تشوف آخرتها "........ أم عبد الرحمن " اييي يعني أقول إن الرجال ما بهم أمان ...هذا على شان تكونين صاحية بس ومو كل شي بخاطره تقولين له صار صيته تبتسم ومو عارفه ترد عليها لكنها أشرت على عيونها وكأنها تقول لها من عيوني أم عبد الرحمن " كفوا والله راحت صيته لفوق لبست بنطلون كحلي وبلوزه صفره ولبست عبايتها إلي كانت ناعمة تدل على ذوق أنيق وراقي وحطت لها عطر خفيف شوي وينفتح الباب ... نوره" صيته حبيبتي ...سمعتك تقولين انك طالعه ؟؟ صيته " إيي والله ماجد طلب مني إن إحنا نطلع نتغدى بره ...خاطرك بشي عمري أجيبه لك معي؟؟ نوره بتردد" لا والله... لكني ابغي أروح المجمع ودامكم طالعين ما يحتاج أقول للسائق ...ولا وش رأيك صيته " أكيد ما تروحين مع السائق وإحنا طالعين ... ما في مانع بس بسرعة لأن ماجد ينتظرنا بره نوره " أنا جاهزة بس البس عبايتي راحت صيته تحت لكن صادفها طارق إلي سحبها لعنده في المطبخ صيته " خير خير ؟؟ طارق يهمس لها " سكتي والله الحين سحوره تطب علينا صيته بحده" اخلص ماجد ينتظرني بره طارق" جلسي طيب صيته بضيق " اللهم طولك يا روح طارق ساكت وكأن بخاطره شي لكنه ظل ساكت ويطالعها بنظرة تطلبها وتترجاها صيته تبتسم له وتجلس " آمرني يا أخوي طارق بارتياح " امممممم بقولك شي بس لا تتسرعين في الحكم ولا في الرد أنا متردد لكني أحس بشعور غريب أول مره أحس فيه صيته تمسح على يده" وش بلاك حبيبي وش تحس فيه ؟؟ طارق مو عارف كيف يوصل لها المعلومة" لا أنا طيب لكني مرتاح لدلع وودي كان تسألينها عن طريق غير مباشر إذا كانت مرتبطة عاطفيا أو لا؟؟ صيته بابتسامه عريضة " انت عاشقها ؟؟ طارق بتردد" لا مو لهذي الدرجة, ارتياح بس صيته تبغي تفهم أكثر " يعني خاطرك فيها تكون عروستك ولا شلون ؟؟ طارق بعيون كلها أمل " تهقين ترضى بواحد مثلي ؟؟ صيته باستغراب " وليه بالله ؟؟ وإنت وش بلاك ؟؟ طارق بنفس ضايقه " شكلي يا صيته انتي عارفه إن محد يرغب فيني صيته تحط يدها على خده " الجمال جمال الروح يا بعد عيني ...والرجال مخابر مو مظاهر و انت من أحسن ما يكون طارق بصوت كله عبره" لأنك أختي تقولين كذا لكن دلع وش مفهومها للجمال , الجمال لغه معقده مو من السهل إن الجميع يتقنها ,أنا بصراحة ما كنت أفكر إني آخذ وحده بجمال دلع ولا بنعومتها ... كنت أفكر بالزواج صحيح لكن من أي وحده والسلام وحده ما تنقرف لين جت تبوسني أو يوم تحط خدها بخدي فجأه تدخل عليهم أم عبد الرحمن " لين تكون أمها داعية لها تاخذك ... ليه هي تطول ؟؟ طارق وكله استغراب" قولي قسم سحوره ؟؟ أم عبد الرحمن " قسم بالله إلي ما حلفت به باطل .. إن ظفرك برقبتها ...أي جمال وأي بطيخ يكفيك انك شبيه جدك مساعد والله خووووش قال ما تقبل فيه طارق يروح لها" سكتي طيب لا يكون تسمعك أم عبد الرحمن بصوووت عالي " لااااا خايفه أنا منها , وش هي يعني حتى أعمل لها حساب هااا؟؟ عودين ملزقين ببعض وحاطين فوقهم شعرتين قالوا لي حرمه؟؟ انت اعتمد علي و قول انك تبغيها ... وخلها ترفض أشوف والله والله كنت أتوطى ببطنها وأخليها تعدم العافية طارق يلم الموضوع" لا جدتي انتي لا تكلمينها أنا للحين ما قررت أنا بس ابغي صيته تسألها عن طريق غير مباشر تكفين جدتي خليكي على جنب ولا تتدخلين أم عبد الرحمن بزعل" أيا قليل الخاتمة .... صحيح انك مو متربي يا ولد ابوك ...أنا تقولي خليكي على جنب ولا تتدخلين ؟؟ طارق يهدي الوضع" بس خلاص جدتي البيت كله سمعنا ...تكفين وغلات جدي مساعد عندك أم عبد الرحمن " انطم ولا عاد تجبرني أسكت على شان أحد ....أقول مو الشرهة عليك يا لدرو الشرهة علي إلي أوقف بصفك...مالت أقول بس مالت مو الأعظم من ها المسحوكه غير عاشقها ...ما شاء الله عليكم طنجره ولقت غطاها طارق تأزم جلس على الطاولة وحط يدينه على إذنه "..... أم عبد الرحمن جن جنونها وصارت تبكي " شفتي أخوك يا صيتوه ...جالس ولا على باله وحاط يده على إذنه بعد ...جننتك دلعوه وهذا للحين ما خذتها وانت متغير علي ومو معترف لي بعرف أجل لين تاخذها ويتسكر عليكم بابكم وش راح تسوي فيني ؟؟ طارق" جدتي خلاص عاد ...البنت مالها ذنب أم عبد الرحمن" انكتم أشوف ... إييي انت بعد ما تنلام لين تضحوكت لك وسبلت لك عويناتها إلي كأنهم خروم ملاس رحت انت فيها ...بعد على سوادك ووحده تعطيك وجه , ما تنلام لين دخت عليها طارق فضل انه يسكت لأن جدته معصبه وشكلها عطت الموضوع أكثر من حجمه وما في حل إلا انه يسايرها لين تتعب وتوقف .. في هذا الوقت صيته حست إن السالفة مطوله بينهم وان هذي أنشودة الصباح إلي ما في يوم نسوها عندها سحبت روحها من بينهم, يكفي ما انتظر ماجد ,, في هذا الوقت في الجهة الثانية وفي سيارة ماجد إلي حط فيها كاست للفنان راشد الماجد وجالس ينتظر صيته شوي إلا وتطلع نوره بكامل أناقتها وكبريائها الواضح من قوامها ومن مشيتها ... عندها حس ماجد بشي غريب يجذبه جهتها هو متأكد إنها مو صيته لان صيته أقصر منها شوي لكنه كان يترجى إنها تفتح الباب تبع السيارة وتجي تجلس جنبه ... لما وصلت نوره للسيارة وقفت عند الباب الخلفي لكرسي ماجد وفتحته وركبت وريحة عطرها وصلت آخر الدنيا عندها بس ماجد حس إن روحه بتطلع من عنده وانه خاطره يروح لعندها ويلمها لصدره ويقولها أعشقك حتى لو كنتي انتي آخر وحده ممكن تقبل فيني أو تكون من نصيبي نوره بدلع" اوووه ماجد أنا آسفة لكن صيته قالت ما في مانع انك توصلني بطريقك ماجد ساكت لكن عيونه ما شالها من المرايه"......... نوره بصوت أشبه بالهمس" إلا وين صيته ؟؟ ماجد بصوت مخنوق" ليه كذا يا عشوق ؟؟ بعد ما أنسحر فيكي وأجيكي خاطب تكون أختك من نصيبي ....منو المسئول عن هذا الخطأ هاا؟؟ نوره بتصنع" ماجد إلي راح راح لكن تأكد إنك بقلبي وإني ما نسيتك أبد ولو انك راح تكون من نصيب اختي وحبيبتي وكل شي بدنيتي ماجد بدون شعور يلتفت لها " إييي بس أنا أحبك وميت بهواك وصيته مو لي ... صيته بس وسيله حتى أوصل لك وأكلمك نوره بخوف" ماجد تكفى ما أبغيك تتصرف تصرف مو مدروس ندفع إحنا الاثنين ثمنه .... صيته عروستك وأنا خلاص لازم تنساني ماجد بحده" بكل بساطه ؟؟ كذا ولا كأنك دستي على قلبي وخليتيه متيم بحبك ؟؟ قسم بالله لو ما أفهم وش صار والله لأكشف كل شي ولا همني أحد والشيخ إلي عقد هو نفسه يجي يطلق نوره مرتبكة" صيته جت يا ماجد تكفى اسكت ماجد بهدوء" خلي يكون بعلمك انك بقلبي وأنا أحبك ومحد يقدر ياخذ مكانك بقلبي فاهمتني؟؟ نوره بارتياح" بعدين نكمل كلامنا تكفى شوي إلا وتفتح صيته باب السيارة" أنا آسفة إني تأخرت عليك حبيبي لكن طارق مسكني يبغي مني شغله ماجد" لا عادي أنا قلت لك خذي راحتك صيته" نوره تمام ما تأخرتي هذي المرة نوره" لا يكون بس أزعجكم وأبهدلكم بمشواري ماجد بكل عذوبة" تمونين .... ويكفي انك أخت صيته هذا لوحده يخلي لك مكانه بالقلب ومثلك عارف نوره حست إنها في مشكله.... ماجد عايش الدور صح ولو ما تسايره راح تطيح بمشاكل أكبر ... قررت وقتها إنها ترسل له مسج , عندها دق جوال ماجد وفتحه لقاه من رقم مجهول ومكتوب فيه انت كتله من المشاعر الجميلة ....بوجودك يشعر الشخص انه امتلك الدنيا بأسرها ....لك خالص احترامي ودعائي لك بالتوفيق *عشوووق* ماجد وقتها ابتسم ابتسامه رضى وحط المسجلة على أغنيه هلي لراشد الماجد وعلا على الصوت هلي لا تحرموني منه **هلي لا تبعدوني عنه مثل ما هو قطعه مني**أكيد أنا قطعه منه كان ماجد مندمج بالأغنية وصار يرددها معه ونوره وصيته ثنتينهم مبسوطين وكل وحده تفكر إن الكلام موجه لها \\ // في بيت بو طلال .... كانت شيماء جالسه تسوي حلى وكانت روحها حلوه اليوم تدخل عليها شمسه ...عندها بس تناقزت شيماء من خوفها شمسه تشرب ماي" شنوو ...شايفه عفريت ؟؟ شيماء حاطه يدها على قلبها" من آداب الدخول إنك لما تدخلي على أحد تتعمدي تطلعي صوت حتى تبيني انك موجودة شمسه" والله بكيفي هذا إلي باقي بس أستأذن ببيتنا تدخل عليهم شيخه" إلى متى انتوا بتظلون كذا؟؟ شمسه" ينقال لي آخر العنقود المفروض أتدلع .. ما أقول إلا مالت علي تروح وتتركهم وقتها صاروا البنات يطالعون بعض ويضحكون شيخه بابتسامه" يعطيك العافية قلبي شيماء" الله يعافيك .... متى بنروح؟؟ شيخه " والله كلمت مالك قال بعد نص ساعة نكون جاهزين شيماء ما قدرت إنها تتمالك نفسها وارتسمت على وجهها بوادر الفرح , شيخه وقتها بس حست إن قلبها قارصا وان بلاها طلعتهم دوم ما عندهم أحد يوديهم .. أفضل من إنها تقول لمالك خصوصا مع علاقة الحب إلي بقلب شيماء له نص ساعة ومالك عند الباب ... وشيماء واقفة قدام المرايه وتضبط شيلتها ... ما تأخروا عليه طلعوا ولقوه واقف عند باب السيارة ما عطيهم ظهره وجالس يكلم تلفون قربوا من عنده وقتها بس قفل تلفونه وابتسم لهم ابتسامه جميله ونادى لشهد إلي راحت له ورمت حالها بحضنه عندها بس طلع جانب مالك الحنون إلي من زمان كان مكبوت داخل قلبه بعد ما ركبوا السيارة كانت شهد بجنب عمها وهو كل شوي يلتفت لها ويبعد عنها التكييف خايف عليها ويسألها إذا كانت مرتاحة أو لا شيماء عيونها ما شالتها من عليه و قلبها مو راضي يوقف عن الدق كانت خايفه إن احد يسمع دقاته ويعرف انه عاشق ومجنون شيخه " غلبناك يا مالك مالك بهدوء" أفا عليك ..إذا احتجتي أي شي أنا بالخدمة لا يردك إلا لسانك شيخه " تسلم والله في هذا الوقت وصل مسج لمالك ولما فتحه لقاه من سراب تقول فيه عجز قلبي من نسيانك وتعبت روحي من الجري ورائك ...ليتك تفهم مدى تقارب أنفاسنا كنت بلا شك عرفتني من أنفاسي ..أحبك مالك بضيق" يا رحمة الله , شيخه أنا فتحت لي رقم جديد وهذا بكنسله وبعد شوي برسل لك مسج حتى إذا احتجتي شي دقي لي طيب؟؟ شيخه" حرام...ينقال إن رقمك مميز وبالموت اشتريته مالك " ههه والله ادوشونا بنات الشوارع جالسين لي مسجات واتصالات كل هذا لأن الرقم مميز ما يدرون إن صاحبه شحات عندها بس حست شيماء بأن قلبها وقف وإنها بتموت الحين بلحظتها \\ // في الرياض...وصلوا ماجد والبنات للمجمع نوره بحنانها المعتاد" مشكوور ماجد ماجد " انتي تامرين أمر دخلت نوره وماجد ما قدر انه يتحرك من مكانه ماجد يلتفت لصيته" وش رأيك ننزل ؟؟ صيته باستغراب" نتغدى بالمجمع؟؟ ماجد " اييي مو حلوه أختك تنزل بروحها ولا وش رأيك صيته حست انها ما بترتاح لكنها استسلمت لرغبته " براحتك حبيبي إلي تشوفه دخلت نوره وضيعت حالها بين الناس الموجودين .. وبعد ما نزل ماجد صار يتلفت لها يدورها صيته" خير حبيبي وش تدور له؟؟ ماجد" هااا ...إييي أتفرج يمكن أشوف شي حلو لدلع صيته" وش حابب تآخذ لها ؟؟ ماجد" بعدين خلينا ناكل بالأول وإحنا طالعين نتفرج راحوا واجلسوا بمكان مفتوح هذا الشي خلى صيته تستغرب من تصرفاته ماجد " صيته كلميني عن حالك ؟؟ صيته تحط يدها على خدها " وش تبغي تعرف ؟؟ ماجد" كيف علاقتك مع إخوانك وو...مع نوره؟؟ صيته" والله ما أعرف وش أقولك ....كلهم حبايبي ومثل عيوني لكن أنا قريبه كثير من نواف لأنه مثل بلسم الجروح ولو أصير بمشكله ما الجأ غير له وطروقي حبيبي ...فاكهة البيت إلي ما نقدر نستغني عنه تخيل في مره كنت أنا طالعه بيت زميله لي و... ماجد يقاطعها" ونوره؟؟ صيته سكتت شوي " نوره ؟؟؟ مع إن إحنا جنس واحد إلا إن إحنا مو متفاهمين أبد وعلاقتي فيها مو ذاك الزود ..صحيح هي أختي وحبيبتي وكل مالي بهذي الدنيا ...لكن أفكارنا مو متقاربة ماجد متلهف يسمع أكثر " طيب.. صيته تسترسل" هي لها عالمها الخاص فيها وأنا لي عالمي ...هي تحب تكثير الإنترنت فتلاقيها على طول حابسه حالها بغرفتها .. ماجد يقاطعها مره ثانيه " وش كان شعورك يوم خطبتك ؟؟ صيته بخجل" بصراحة نواف مدح فيك كثير مع إني كنت مترددة ...أنا أخاف إني أغوص بعالم غريب عني وأنا ما أعرفكم ...اسمح لي يعني اهلك أول مره أشوفهم وأنت ما اعرف أي شي عنك غير اسمك كل هذا خلاني أكون متخوفة لكن إلي شجعني إن دلع قالت انك كنت طالبني بالاسم ماجد يهز لها راسه يعني إييي"...... صيته " الكل كان سعيد ومبسوط إلا نوره ماجد وكأن الأمل تجدد ومشاعره تحركت رد عليه بلهفه وفضول " ليه ؟؟ صيته" ما أعرف ...لكن من خطوبتي وهي نفسيتها كثير متغيره .. يمكن حست بهذا الوقت مدى احتياجها لي ومدى أهمية وجودي معها ...خصوصا إني بروح عنها ويمكن انتقل لمنطقه ثانيه بعد ماجد راح بعالمه مع عشوق وعرف من كلام صيته إنها ما عندها أي علم بالي كان يدور من ورآها وان نوره للحين تحبه مثل ما قالت له وانه بدنيتها مثل ما هي بدنيته عندها قرر في داخله انه مستحييييييل يكمل مع صيته لو شو ما صار ؟؟؟؟؟؟؟؟ ,, في الفيلا... أم ماجد" لا والله لازم نمشي ثقلناها عليكم أم نواف" أبد لازم تجلسون عندنا ثلاث أيام لزوم الضيافة يا أم ماجد وهم كذا تجلس دلع من نومها وتجي تسلم عليهم وتروح لأم عبد الرحمن وتبوس راسها .... إلي هي بدورها ابتسمت لها مع إنها كانت تقول بخاطرها دهن على قلبي ما أقدر أبلعك دلع " ما وصلوا البنات ؟؟ أم عبد الرحمن ولا كلمه بس تحرك راسها يعني لا "... يدخلون بهذا الوقت البنات وكل وحده عندها طاقه كبيره وتحس إنها سوت انجاز عظيم ... نوره سلمت وصعدت فوق لكن صيته راحت جهتهم وكلها أمل بالحياة أم عبد الرحمن " هلا بعروستنا صيته تلمها لها بقوتها" اشتقت لك يا لغلا .... هذا لك أم عبد الرحمن " وشوو هذا ؟؟ سينا بون؟؟ يا حبي له الله لا يبارك فيه ...بس ليه فيهم قطعه صغيره ؟؟ صيته تبتسم لها ".......... أم عبد الرحمن بضيق" لا تقولين لي؟؟ صيته" إييي جدتي انتي معك سكر أم عبد الرحمن تتحلطم " لااا كان جبتي أحسن جايبه لي قطعه صغيره ما يمداني أحطها بفمي إلا راحت اعنبوا داركم تراني نفس واشتهي إلي تشتهونه الكل "ههههههههههه ,, بره في الحديقة ماجد متنرفز وصوته واصل لآخر الدنيا " هذا إلي راح يكون .... بصراحة أنا مالي قلب ...تعبت وأنا آخذ بخاطر الناس ....أسمعني زين يا مالك أنا ما دقيت آخذ شورك أنا داق أعطيك علم فقط لا غير ...إييي أكيد براحتي ...أنا أبغي أتندم وش لك فيني يا أخي ... خلاص خلاص فضها سيره تكفى .... يا لله في أمان الله نواف من وراه" خير يا خوي؟؟صوتك موصل لآخر الدنيا ماجد" هاااا ... نواف؟؟ لو سمحت أنا أبغيك بموضوع إذا ما عندك مانع نواف" لا أكيد ما في مانع لكن وش رأيك نروح نجلس عند المسبح حتى يكون الماء والخضرة والوجه الحسن هههه ماجد حس بارتياح بسبب كلام نواف " هههه يا لله راحوا هناك وجلسوا ونواف ينتظر من ماجد انه يبتدي بالكلام لكنه أبد ... نواف " والله أحسن ما في بيتنا ذا المسبح وذي الحديقة ...أنا أميل للمكان المفتوح أكثر ماجد" انت رومانسي كثير ...لو انت عايش بجنب البحر كنت والله العالم الحين شاعرنا نواف" هههههه ...أفا عليك أنا شاعر بدون بحر ماجد" هاا وش آخر الترتيبات للعرس نواف بفرح" الحمد لله كل شي جاهز ...وأخذنا لنا فيلا صغيره والحين باقي التشطيبات النهائية وكل شي يكون على أكمل وجه ماجد" على وين شهر العسل بالله ؟؟ نواف" والله أنا مسويها مفاجأة لكن انت بقولك ... حجزت بإذن الله على النمسا ماجد" الله يهنيكم يا خوي ...والنمسا بلد جميله نواف" بصراحة أهم شي مع من تروح مو وين تروح لأنك إن رحت مع حبيب عمرك وحياتك بالتأكيد كل مكان على وجه المعمورة يكون غاية في الجمال ماجد " صحيح كلامك ماجد سرح شوي بالمسبح والورود إلي حوالينه نواف بجديه " إلا وش الموضوع إلي تبغي تكلمني فيه ؟؟ ماجد بتردد " نواف إحنا بنأجل موضوع الزواج شوي نواف مستغرب" ليه انت حددت موعد ؟؟ ماجد " لا لسه ... نواف" ههه شلون بتأجله وانت ما حددته ؟؟ ماجد " يعني الزواج بيتأجل سنه ونص, سنتين ...الله العالم نواف مستغرب" ليه يعني كل ها لوقت ؟؟ ماجد " إحنا بنفتح فرع للشركة في دبي وبروح هناك مالك" مو مشكله ...دبي مو بعيده تقدر تروح تخلص شغلك وترجع تتزوج وتروح ماجد" بتصير الشركة في طور تأسيس يعني ما أقدر اتركها وأرجع نواف بدون تردد" تزوج وخذ زوجتك معك ماجد" بس أنا رايح بعد عشرة أيام نواف " لو بكره ... صيته زوجتك ومن حقك عليها إنها تكون معك برحلة الكفاح .. ماجد تورط " اييي بس عشره أيام مو وقت كافي حتى تجهز حالها نواف" شوف يا ماجد... لا إحنا ولا انتوا ولله الحمد قاصرنا شي ...والفلوس تسوي المستحيل , حتى المصمم زيدوه كم ألف يسلمك الفستان في يومين ماجد بتردد" اييي بس أنا وصيته ما... نواف يقاطعه " خلي موضوع صيته علي ...بس انت شوف لك قاعه تسوي فيها العرس ولو ما شفت فهذا بيتنا كبير ويسع من الحبايب ألف ماجد بضيق" ما أدري وش أقولك يا نواف نواف" لا تقول ولا تزيد ...إحنا إخوان وواجب علينا نكون في صف بعض ويد وحده ماجد يطالعه بابتسامه وهو يقول بقلبه أنا وين وانت وين يا نواف ؟؟؟؟؟؟؟ ,, في بيت بو تركي كان تركي جالس ياكل مكسرات في الصالة ويتفرج على المباراة تركي " نووووووووف ..... ميثووووووه نوف تنزل من فوق" اييي تركي خير ؟؟ تركي " جهزي لي غداي بسرعة نوف" إن شاء الله يمسك تركي الجوال ويدق على سلاف سلاف"حبيبي تركي" تؤبري البي إن شاء الله سلاف تتصنع البكي" حبيبي اشتئت لك متع بترجع ؟؟ تركي " والله يا عمري أنا اشتقت لك أكثر بس وش أسوي انتظر التصريح يا حياتي لسى ما خلص سلاف" طيب حبيبي ابعت لي مصاري إلي معي خلصوا تركي" وش تسوين انتي بالفلوس؟؟ سلاف" شووو بالله ..هلأ تاركني كل ها لمده وكمان بتئول لي وش أعمل بالمصاري؟؟ تركي" خلاص حبي هانت هانت سكر تركي الجوال من عندها وهو يفكر فيها وكيف إن الشوق غلبه وخاطره يروح لها لكن مو يخلص من موضوع نوره بالأول ؟؟ جابت له نوف صينية الأكل تركي بهدوء" يسلموووو يا عروستنا نوف مستغربه تصرفه" الله يسلمك تركي " جلسي تغدي معي نوف خافت من كلامه" لا أنا تغديت وثانيا عندي شغل تركي " براحتك بس سلمي لي على نواف وقولي له لا ينسى موضوعنا نوف استغربت الموضوع لكنها ما ردت عليه وصعدت فوق \\ // بعد أسبوع .... هذا الأسبوع كان حافل بالحكايات ... عشاق على جمر الغضى ,محرومين النوم ومحرومين الراحة ,, راشد وأخيرا خطا الخطوة الصحيحة وبلغ أهله برغبته طبعا الكل رحب بالفكرة أولا ورحبوا بالعروس ثانيا .... ميثه كانت لها شعبيه مو طبيعيه ونعم البنت أدب وأخلاق لا يعلى عليها ولها في الجمال مو الشي البسيط , وزيادة على كل هذا رغبة راشد القوية فيها ,هو من الأسباب إلي استدعت إن بو راشد يدق على أخته أم تركي يبلغها بخطبتهم لميثه ,, أم تركي رحبت بالفكرة وشوي تقول لأخووها إن إحنا إلي نتمنى راشد , طبعا بكل لهفه بلغت الجميع , إلي ما قدروا يقولون لا وبالخصوص ميثه إلي طارت من الفرحة وما قدرت معالم وجهها إنها تخبي العشق إلي صار يطلع من بين عيونها , طبعا تركي ما عجبه الوضع وحاول انه يحط العيوب في راشد لكنه ما قدر يغير شي , الجماعة موافقين وراشد من خيره الشباب وبصراحة شاب فيه كل المواصفات الطيبة وألف واحد يتمناه يكون عريس لبنته ,, طارق أسبوعه مش ولا بد راحت دلع وصيته ما فاتحتها بالموضوع ... وهو الحين في صراع دائم مع قلبه وعقله , هذا مو كل شي ..ابتدت العلاقة تتطور وصار يفكر فيها اليوم بجديه خصوصا بعد ما غابت عن أنظاره ,, أم عبد الرحمن ضايعه ...انشغال طارق عنها بيذبحها حبها لطارق العنيف إلي كانت تخبيه ورا ستار الكره بدت تظهر آثاره , والغيرة كلت قلبها من دلع ...هي داخلها عارفه إن دلع من أحسن البنات وأخيرهم , لكن فكرة إنها هي إلي علقت طارق وذوبته بهواها وشغلته عن كل إلي حواليه كفيله إنها تخليها تجن من تسمع طرواها ,, شيماء اليوم تعلقت بمالك أكثر , مو قادرة تقيس تصرفاته ...هل صحيح هو ما يحبها ولا يدري بهوا دارها , أو انه يكابر وفي وحده براسه , كانت دائما تقدم له الأعذار وتترجى الزمن انه يوقف معها , خصوصا بعد ما خذلها الكثيرين ,, ماجد ... العاشق المجنون إلي ابتدت علامات الذبول بوجهه , مصيره تحتم مو بيده حاول انه يتهرب ويأجل الزواج كم شهر أكثر لكنه تدبس وحددوا موعده بعد عشره أيام ... هو وكلّ مالك انه يتصرف بحجة إن الزواج راح يكون في الرياض وهو ما يدري عن الأماكن الزينة فيها ...من راح ماجد من الرياض وهو شغال اتصالات للصبح يحكي ويتحاكي ويعشق ويتغزل في نوره , نوره إلي إلى الآن ما قطعت رجاها فيه ومتأمله انه يترك صيته ... ,, صيته إلى الآن مو عارفه السبب في تجاهل ماجد لها من راح لجده ومكالماته لها تكاد تكون معدومة ...كيف يكون لا وهي كل ما كلمته قال لها انه مشغول أو إن جنبه شباب ...صايره ترسل له مسجات أول ما تجلس من النوم وقبل ما تنام لكنه ابد ما يرد على مسجاتها بحجة انه ما عنده أبراج وإنه أوقات كثيرة ما يوصله شي ... ,, تركي جالس بالبيت لا شغله ولا مشغله ..حاط دبه ودوب ها لمسكينة ميثه يآمر ويتشرط عليها لكنها ما عندها مشاكل كلها كم شهر وتقوله بيباي ... وجودة في بلد واحد مع نوره يحسسه باطمئنان كبير , بكره راح يتحدد مصيره معها وأخيرا راح يلمها لصدره بكامل رضاها ؟؟؟؟؟؟ ,, نوره ما قطعت علاقتها مع خالد إللي أصبح ها لفترة يدوشها بكلامه وبتجاهلها لاتصالاته وكأنها مشغولة بأحد ثاني غيره ... جهزت حالها وضبطت أمورها مع سلوى إنها تبتدي تكلمه حتى ينشغل عنها شوي وهذي الخطة مو جديدة عليها ولا هي حركه شايعه بس عند الرجال لا صارت البنات عندهم دكتوراه في هذا التعامل ,, مالك ... ارتاح نوعا ما إن ماجد تدبس بالموضوع وخصوصا يوم قاله ماجد إن صيته مالها علاقة بالموضوع لا من قريب ولا من بعيد وان كل هذا من تخطيط نوره هو عارف زين إن البنت المتربية صح تعرف تربي أطفال ممتازين ويقدر الواحد يأمنها على بيته ...وهذا طبعا الشي إلي كان مالك يتمناه لماجد الراحة والاستقرار ... لكنه بعد متعجب من تصرف ماجد كيف يفضل نوره على صيته ؟؟ والسؤال هنا ممكن الواحد يفضل الطرق الملتوية والنجسة على الطهر والشرف ؟؟ علاقته مع مرام ما تغيرت ظاهريا لكن باطنيا ابتدآ مالك يتأقلم على الوضع وصار يحاول انه يختلق مواضيع تخص المصروف وما شابه حتى تتكلم معه وتطالعه بعيونها الناعمة لكنه إلى الآن متعب نفسيتها بتجاهله لها في كثير من الأمور ,, نواف ... على غير عادته كان متوتر كثير وما يتحمل من أحد شي ...اعتماده على طارق يريحه شوي لكنه دوم متخوف إن يقصره شي .. ما في اهتمام ملاحظ من بو نواف وهذا الشي متعب نفسية نواف كثير ومحسسه انه لوحده طبعا ما في اتصالات بينه وبين نوف بحجة المقاطعة ما قبل الزواج بحجة إنها تزيد الشوق , طبعا هذا تخطيط الغالية أم عبد الرحمن لكنها ما تدري إن الشوق إلي بقلب نواف مستحيل ينقص ,, نوف صايبتها هذي الأيام نوبة بكا عنيفة كل ما تأخر شي عن موعده تتأزم وتبكي .. يمكن الضغط إلي هي فيه هو السبب ويمكن بعد نواف عنها محسسها بعدم الأمان ,, في بيت بو تركي ... أم تركي " إلا أخوك صالح للحين ما جا ؟؟ تركي يتقلب على الأرض وثوب النوم إلي لابسه شوي ويوصل للركب " والله بالبلى جا ولا عسى عمره ماجا أم تركي" الله يسلم عمره وليدي ويرجعه لي سالم يدق الجرس وتركي كأنه مو سامعه ما أدري ينتظر أمه تروح وتفتح ؟؟ أم تركي " قوم يمه افتح الباب يقوم وهو متثاقل لدرجة إن أمه خافت على إلي يدق الباب انه يحترق من حرارة الشمس على ما تركي يوصل ويفتح الباب تركي" خير خير فتح الباب لقى قدامه بنت في كامل أناقتها وحامله بيدها باقة ورد تركي بصوت خشن" هلا هلا صيته" هلا تركي كيفك ؟؟ تركي يطالعها بنظرات مو حلوه وجريئة" بخير جعلك بخير راحت صيته من جنبه ويدها على قلبها لان نظراته لها وكأنها نظرات حيوان مفترس يبي ينقض على فريسته وبعد كانت خايفه على الباقة لا تذبل من ريحته الشينه راحت من عنده ودخلت على أم تركي إلي كانت بالصالة وسلمت عليها واستأذنتها إنها تصعد فوق لنوف بالفعل صعدت ودقت الباب عليها نوف ما ردت وهذا الشي خلاها تفتح الباب بهدوء تفكرها نايمه لكنها لما دخلت سمعت شهقاتها صيته تروح لها " نوف تبكين ؟؟ نوف تلمها لها " خايفه يا صيته خايفه صيته" ههههه وش فيك يا لبلها وش تخافين منه ؟؟ نوف " هههه والله ما أدري بس أحس قلبي مقبوض صيته" شعور عادي ...لا تحاتين نوف" إلي يسمعك مجربه هذا الشعور .... خلصي وقدمي الباقة أشوفك صايره ذوق صيته تقدمها لها " هذي مو مني هذي من حبيب القلب بسرعة تاخذ نوف الباقة من عندها وتدور على الكرت لكنها ما شافت شي صيته ببرود" تدورين على هذا ؟؟ نوف تشوف الكرت بيدها تاخذه منها بسرعة وتفتحه كان مكتوب فيه بيد نواف ... ورود العشاق تترجى عيونك لا تطالعها أحلفك بالله يا بنت ارحمي حياها وخجلها لأن من جمالك ورودي اليوم باعت عمرها تتخيل لو أوراقها بجمالك كيف كان خبرها *غروب* ((مجنون نوف )) | | |
| |
23 - 11 - 2024, 10:39 AM
|
#29 |
| | | عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 []
|
حاليآ في » | | دولتي الحبيبه » | | جنسي » | | العمر »
سنة
| | الحالة الاجتماعية »
اعزب
| | مشروبى المفضل » | الشوكولاته المفضله » | | قناتك المفضلة » | | ناديك المفضل » | سيارتي المفضله » | |
رد: رواية كبرياء رجل وشذوذ إمرأه
البارت الثامن والعشرون بسرعة تاخذ نوف الباقة من عندها وتدور على الكرت لكنها ما شافت شي صيته ببرود" تدورين على هذا ؟؟ نوف تشوف الكرت بيدها تاخذه منها بسرعة وتفتحه كان مكتوب فيه بيد نواف ... ورود العشاق تترجى عيونك لا تطالعها أحلفك بالله يا بنت ارحمي حياها وخجلها لأن من جمالك ورودي اليوم باعت عمرها تتخيل لو أوراقها بجمالك كيف كان خبرها *غروب* \\ // \\ في غرفة نوره ... نوره" أقولك لا تدوش راسي تكفى مالي خلقك ....وسوالفك هذي أنا ما تعجبني ماجد" انتظري شوي نوره فهمي اللي صار نوره " وش أفهم بالله ؟؟ الحين تحدد زواجك بصيته وتتعمد انك ما تقولي حتى أظل أتكلم معك ...إلى متى بالله ؟؟ ماجد بحده" أي صيته أي بطيخ ؟؟أنتي تعرفين إن ما بالقلب غيرك وصيته هذي وسيلتي إني أكون بجنبك نوره معصبه" حلوه هذي بصراحة يبغى لك تصفيق على هذا الشعور الجميل ماجد" سمعيني وش أقولك نوره متنرفزه " ما أبغى أسمع شي ...وهذا الرقم أنا بكنسله ولا عاد تتصل علي مره ثانيه فاهم ؟؟ ماجد " الوو الوو سكرت نوره الخط وجلست تبكي من قلب وبصوت عالي حتى إن أمها انتبهت لها وصارت تدق على غرفتها تبغيها تفتح لها الباب لكنها ابد ولا كأنها تسمعها ,, في بيت بو تركي .... نوف تمسك الظرف اللي من نواف وتلمه لصدرها صيته تبتسم لها "........... نوف بفرح" أخوك هذا كتله من المشاعر ....الله يخليه لي ولا يحرمني منه صيته" الله يوفقكم .. نوف تطالعها" صيته وكأن في قلبك كلام تبغين تقولينه؟؟ صيته" هااا لااا بس ... نوف" بس شنو ؟؟ إلى الآن ماجد ما كلمك؟؟ صيته تهز براسها يعني لا "..... نوف " غريبة يعني ....وليه كل هذا التجاهل منه ؟؟ صيته" عادي يا نوف يمكن الرجال مشغول ولا عنده مشاكله نوف" من جدك انتي ؟؟ يعني تبغين تبينين لي انك مو مهتمة ؟؟ صيته بحزن" كيف مو مهتمة ؟؟ لكن الواحد يخليها للضروف ليه أحمله أكثر من طاقته نوف" وش بلاك انتي ؟؟ معقولة يا صيته انتوا خاطبين وما تجرأ انه يلمس يدك أو انه يبوسك ؟؟ صيته تغير الموضوع" نواف بيجينا على الساعة وحده حتى نروح المشغل نوف هي عارفه إنها تبغي تغير الموضوع واستجابت لها حتى ما تزعلها " شفتي كيف؟؟ صيته" شنوو؟؟ نوف " في وحده عريسها هو إلي يوديها للصالون وأخوها موجود بالبيت ؟؟ صيته" من جدك ودك بهذا الطبل يودينا ؟؟ والله كان ياكلنا نوف سكتت بدون ما ترد"........ صيته بندم" أنا آسفة يا عمري ...صحيح مالي حق إني أتكلم عليه كذا مهما كان هو أخوك نوف تطبطب عليها وكأنها تقول لها ما صار شي \\ // في الشرقية .... أم مسعود " يمه مالك اليوم أختك رغد تعبانه من أسنانها كثير و موعدها عند دكتور الأسنان مطول مالك " أي موعد يمه من جدك ؟؟ ننتظر ثلاث شهور حتى يجي موعدها ؟؟ لا بالله أنا اليوم بوديها أي مستوصف خاص والسلام ...ما أقول إلا الله يعز الفلوس اللي تعز صاحبها أم مسعود تبتسم له وتقول بداخلها مو لو يكون في فلوس أصلا حتى تعز وتذل؟؟ شوي إلا ويجي مالك تلفون من رقم غريب لكنه ما رد عليه وتجاهله لكنه دق مره ثانيه ونظرات أمه خلته يرفع حتى ما يترك مجال للشك مالك بحذر" الووو ....هلا والله ,نعم ؟؟......لا والله للأسف ما عرفتك ...هلاااا ومرحبا يا حيا الله ولد العم ....كيف حالك وكيف حال الأهل عساهم طيبين ؟؟ تسلم والله ...مبرررررروك الله يهنيك يا رب ...ان شاء الله عند وجهك ...بحاول اجيك ...حياك الله ...في أمان الله مالك يسكر الجوال ويرميه على الأرض أم مسعود" منو هذا يمه ؟؟ مالك" ولد الحرامي يعزمني على عرسه أم مسعود" منو ؟؟ مالك" نواف ولد عمي الحرامي إلي سرق فلوسنا داق زواجه الليلة ويبغيني أروح وأشوف النعيم إللي هم عايشين فيه أم مسعود" يمه مالك نواف يستاهل أنت شفته في موت أخوك جا لحد عندنا وقام بالواجب فيا ليتك أنت تروح بعد مالك" أي أروح يا يمه ؟؟ أنا لو أشوف عمي اتوطى ببطنه ...ما أقدر أشوفه جالس يتمتع بحلالنا وحنا اللقمة بالحسرة علينا أم مسعود بضيق" الحمد لله على كل شي مالك " الحمد لله ألف مره , يمه بلغي رغد إني بمرها العصر بعد العيادة أوديها طيب ؟؟ أم مسعود" الله يخليك لنا ولا يحرمنا من وجودك حولنا مالك يمسك يد أمه ويبوسها وعيونه متجمعة فيها الدموع وكأنه يقول ودي أقدم لكم أكثر من كذا لكن هذا كل اللي وراي ودوني مالك إحساسه بالتقصير وانه مو قادر يقدم الأفضل للي يحبهم متعبه كثير ومتعب نفسيته ,, في بيت بو طلال .... شمسه جالسه عند التلفزيون تشوف فلم , تجيها شيماء متملله شيماء" وين شيخه؟؟ شمسه" بالمطبخ تجهز للغدا شيماء" بالله إنتي ليش ما تدخلين تساعدينها شمسه مفهيه" أساعد منو؟؟ شيماء" جدتي .. شمسه تطالعها " هيييي أي جده ؟؟ شيماء تتركها وتروح للمطبخ " الله يعطيك العافية حبيبتي ..وش مسويه لنا من يدك الحلوة؟؟ شيخه" هلا بوجه الخير , والله مسويه كبسة لحم ومرقه بامية ...هااا بتاكلين اليوم؟؟ شيماء تبتسم لها" اللي يسمعك يقول ما آكل شيخه" اييي تاكلين ...روحي شوفي حالك بالمرايه كيف وجهك صار ... حتى الغمازات صار شكلهم كريه من الضعف شيماء" والله انه مو بكيفي , ما أدري ليه ما عندي قابليه للأكل شيخه تروح لعندها وتحط يدها على كتفها" حبيبتي أختي ..الواحد ما ياخذ غير نصيبه لو يلف الدنيا كلها شيماء بارتباك" وأنا وش قلت أنا عارفه ها لكلام زين شيخه" طيب أبغي افتح معك موضوع عندك استعداد تسمعيني؟؟ شيماء" بروح مواعده سامية إني اكلمها... بالليل إن شاء الله نتكلم سوا شيخه تبتسم لها " على راحتك تروح شيماء من عندها ونست إن هدفها من دخول المطبخ هو مساعدة شيخه \\ // في الرياض ..... نوف وصيته جاهزين ونواف ينتظرهم تحت ..كانوا يرتبون أغراضهم ما يبغون شي ينقصهم تحت عند نواف ...تركي يمد له سيجاره نواف" لا مشكور ما أشرب ولا نسيت ؟؟ تركي" ههه لا ما أنسى كيف أنسى لكن اليوم غير.. اليوم آخر يوم للحرية لازم تحتفل فيه نواف شك بشي " تركي وشو هذا ؟؟ تركي " ههه سيجاره ولا نسيت شكلها ؟؟ نواف يحس إن الموضوع أكبر من كذا بكثير لكنه فضل انه يسكت تركي" وش صار بموضوعنا؟؟ نواف يبتسم له" ما نسيته لكن تدري أنا اليوم مشغول.. انتظر شوي طيب؟؟ تركي يحط يده على صدره" ننتظر وش نسوي نواف" تركي ساعد نوف امسك عنها الفستان بس أفتح الشنطه تركي يركض لها " عنك يا ختي نوف تطالعه مستغربه لكنها بدون ما تسأل عطته الفستان وركبت السيارة حط نواف باقي الأغراض بالسيارة وسلم على تركي وطمنه وركب هو بعد كانت السيارة جوها غير, مكيفه عدل وريحتها تجنن ... نواف يلف لها يكلمها " نورتي يا عروستنا ...لكن ليه جالسه ورى هاا؟؟ نوف مغطيه وجهها بالكامل وما ردت عليه "..... نواف" إلى متى هااا ...يا لله اصبر يا قلبي كلها كم ساعة والقمر عندك صيته" نـــــواف ...إنت ناسي إن أحد معكم في السيارة ؟؟ نواف" لا ما نسيت بس ليه انتي بعد جالسه ورى ؟؟ لا يكون تفتكروني السائق تبعكم ؟؟ صيته" اخلص بس لا يكون احد يوصل قبلنا لأن الصالون زحمه اليوم نواف يحرك السيارة " اليوم يوم العشق والعشاق نوف تهمس لصيته" بيجنني بكلامه صيته" والله أنا اللي انجنيت نوف وصيته " ههههههههه ,, فوق عند ميثه اللي كانت متغربله في الفستان وفي الماكياج إلي بتظطر إنها تسويه بالبيت لأن تركي حرم عليها الطلعة إلا لما تأمن له الغدا أم تركي" يمه روحي الصالون أنا بكمل الغدا ميثه " منو يوديني حسرة عليّ ... يا لله مو مهم أنا أسوي لي أي شي خفيف وبخلي طروب تساعدني لأن يدها حلوه في الماكياج أم تركي"إييي صح نسيت ما قلتلك.... هم وصلوا الحين ميثه تروح ركض لبره" والله وينهم ؟؟ أم تركي" ما جاو خذوا لهم فندق ميثه باستغراب" ليه يمه ؟؟ أم تركي " مدري يقول اخوي بو راشد إن راشد لزم عليه ميثه ترجع غرفتها وهي شوي وتبكي" براحتهم أم تركي" إييي صحيح لكني لزمت على بوراشد انه يخلي طروب تبات عندك الليلة حتى تونسك بعد نوف ميثه تروح لأمها تلمها لها وهي تبكي بقلب أم تركي" يا لله يمه روحي لأخوك يبغيك ميثه بضيق" وين أروح له؟؟ أم تركي" هو بغرفته الحين ميثه" يعععع أنا أروح الزريبة اللي هناك ؟؟ لا يمه والله ما أطيق أروح هناك من أروح أحس كأن شي جالس على قلبي وأحس إن خاطري أستفرغ تركي من بعيد" ميثووووووه ميثه تبكي " طيب طيب راحت ميثه لغرفته لقتها وكأنها مكان مهجور أشكال وألوان من القذارة والوساخة مرمية حتى ملابسه الداخلية على الأرض تركي" ساعة حتى ست الحسن تجي لعندنا؟؟ ميثه مو قادرة تفتح فمها من القرف إلي حوالينها" نعم آمرني تركي يتثاوب" رتبي غرفتي ...أبغيها تلق ميثه بتموت" أي أرتبها ما أشتهي ..الوسخ في كل مكان تركي بزعل يرمي الطفاية عليها وجت على رجلها ميثه طاحت على الأرض وهي تصرخ " رجلي آآآآآآآآآآه أم تركي تركض لها " يمه بنتي وش بلاك ؟؟ وش سويت لها يا مسود الوجه تركي معصب" شيليها من قدامي لا والله تسمعون خبرها أم تركي تبكي" الله لا يوفقك الله لا يبارك فيك ... تعالي يمه تعالي ميثه تبكي" رجلي يمه ما أقدر أحركها بموووووووت يقوم تركي بكل عصبيه ويرفسها برجولة لحد ما طلعها من الغرفة وسكر الباب عليه ميثه تصرخ من قلب وأمها تروح تدق من جوالها على بو تركي إلي من سمع صراخ ميثه أخذ له ليموزين بسرعة أم تركي بهذا الوقت لبست ميثه إلي كانت رجلها تنزف وهي ببكاها خوفت أمها وما خلتها عارفه كيف تتصرف دق الجرس راحت ركض تفتح الباب ... راشد" شلونج عمتي شحوالج؟؟ أم تركي" راشد؟؟ \\ // في الشرقية .... أم مسعود" يمه مالك وانت بطريقك يا ريت تودي مرام وياك المشغل مالك ساكت".......... مرام " خلاص يمه اخوي مشغول أنا بدق على السواق يجيني مالك" أنا بره عشر دقايق اللي بيتأخر بمشي عنه طلع مالك ومرام ورغد لبسوا عباياتهم ولحقوه .. مرام راحت ركبت ورى ورغد ركبت بجنبه كان السكون يعم المكان اللهم انه حط شريط لحاتم العراقي وهذا الشي خلى مرام تبكي من قلب لأنها تحبه كثير ومالك كان يجيب لها آخر إصداراته وكانت إذا ركبت معه كانوا يتخانقون بسبته إنها تبغيه وهو ما يرضى يحطه لها لأنها مللته منه مرام" مالك لو سمحت غير الشريط مالك صار يطالعها بالمرايه "......... مرام " انا كنت أحبه أول لأنه يذكرني بقصصنا وسوالفنا ومزحنا ولأن كل أغنيه تحكي موقف لنا .. لكن الحين خلاص مالك مارد عليها وصار يسرع بالسيارة وهو ما يدري انه بهذا الجفا صاير يعذب حاله أكثر من انه يعذبها وصلها للمشغل وبس نزلت حرك بسرعة وما انتظرها حتى إنها تفتح المشغل وتدخل وهذا الشي أزم مرام كثير راحوا للمستوصف للأسنان ولما دخلت رغد على الدكتور اكتشف من الكشف عليها إن عندها خراج ولازم يشيلون لها العصب وهذي العملية تحتاج من عنده 2200 ريال تأزم مالك للوضع لكنه ما يقدر يخلي رغد تتألم وتنتظر أكثر لهذا قرر انه يسويها لها \\ // في الرياض ... دخلت نوف وصيته للصالون وشافت خبيرة الماكياج فستان نوف وعجبها كثير وعلى شكله حددت نوع التسريحة والماكياج .. ولكن نوف حبت إنها تضيف لمساتها الخاصة فيها ...والخبيرة ما أبدت أي انزعاج لأن العروس لازم تكون مرتاحة ,, ببيت بو تركي.... راشد" خير يا عمتي وشو صاير؟؟ أم تركي" ميثه يا راشد رجلها تنزف ومتورمة شكلها صابها كسر راشد مذهول" ليه يعني هي طايحه ولا وشو ؟؟ أم تركي" بعدين أقولك المهم الحين هي جالسه تصرخ وتبكي راشد" خليني أوديكم المستشفى أم تركي" أنت عندك سيارة؟؟ راشد" إييي عمتي أجرت لي سيارة أم تركي" تعال ساعدني نطلعها راشد" لا كيف عمتي أطلعها حاولي تمسكينها شوي شوي أنا ما أقدر أساعدها أم تركي" سامحني يمه بس من حيرتي ..دقيقه بس راحت أم تركي لميثه " يا لله يمه مو مشكله حبيبتي تصبري ميثه تبكي" خلي أبوي يساعدني مو قادرة أقوم أم تركي تسندها " قومي يمه هذا راشد ولد خالك بره هو إللي بيودينا ميثه زاد بكيها " لااااا ما أبغي أروح مالي دخل أم تركي بصراخ" لو ما تقومين والله بناديه يجي يشيلك ميثه " لالالا بقوم يمه قامت ميثه على رجلها وصارت تمشي وهي تعرج وكأن ما بها شي أمها استغربت لحالها توها بتموت من الألم كانت ميثه تفكر بحالها كيف تطلع كذا قدام راشد والله فشله طلعت كان راشد فاتح لها باب السيارة وعيونه عليها راشد" سلامتج يا ميثه شلونج ميثه ودها تصرخ فيه لا تتكلم بموت من الوجع ركبت من غير ما ترد عليه وكانت كاتمه أنفاسها ومو قادرة تطلع الآآآه عندها دقت أم تركي على بو تركي وخبرته إنهم سبقوه على المستشفى وان ميثه الحين بخير لا يحاتيها ميثه خاطرها تقول بصوت عالي والله ما ني زينه لكني محرجه يا عالم إفهموووووني ,, وصلوا المستشفى وراشد ناشف دمه بسبب انه ما يعرف للطرق زين لحد ما شافه ولد حلال وعرف انه مو من البلد وصار يمشي وراشد يمشي ورآه بعد ما وقف السيارة مكان الإسعاف راح شوي ورجع بكرسي متحرك راشد ينفخ من التعب " عمتي أنا بمسك الكرسي وانت ساعديها إنها تجلس ميثه" شنووو أنا اجلس هنا ؟؟ مستحيييل راشد" ميثه تراه كرسي عادي والله انه ما بياكلج ميثه تطالع فيه" قلت لك ما أبغي أركب أنا زينه شوفني راحت ميثه تعرج قدامه وهو خاطره يضحك لكن قلبه موجعه عليها وصلوا عند الدكتور إلي سألهم عن المشكلة راشد" ريولها تعورت وتنزف دم الدكتور" وريني رجلك يا آنسه راشد ارتبك" انتظركم بره طلع راشد من عندهم عندها فتحت ميثه وجهها للدكتور وصارت تتشكى يتهيأ لها ما بيصدقها الدكتور لين شاف دموعها ... بعد الكشف عليها خبرهم الدكتور انه كسر بسيط بالساق لكن المجهود اللي بذلته ميثه بعد الكسر أزم الدنيا وخلى الكسر يلتهب على شان كذا هو بيجبس لها رجلها ولازم ما تتحرك عليها وتجي ثلاث أيام تآخذ ابر مضاد حيوي طبعا ميثه صارت تبكي كثير كيف تتزوج أختها وهي مو معها ومع كذا كانت فرحانة لأنها ما راح تسوي لتركي شي بسبب رجلها .....وصارت تدعي ربها انه يصبرها على تركي وحركاته اللي مثل وجهه وصل أبوها وأخذ ميثه على كرسي متحرك ولما وصلوا للسيارة فتح راشد له الباب وبو تركي بدوره رفع ميثه على يده ودخلها في السيارة ...ميثه كانت دايخه بعد الجبس والإبرة اللي عطاها إياها الدكتور. راشد عيونه دوم تخونه وتترقب ميثه بالمرايه ...مع إن ميثه كانت مغطيه وجهها وكل جسمها وهو ما يشوف إلا قطعه عبايه سوده لكنه كان قلبه مآكله عليها من زود حبه لها ,, مرت الساعات والكل كان مشغول بحاله ... في بيت بو نواف كان نواف جالس في غرفته يرتب روحه وراشد وماجد ما تركوه لحظه وحده .. وبعد ما ترتب كل شي توجهوا للقاعة ...طبعا كان طارق هناك واقف مع المطعم اللي جايين يضبطون البوفيه وأبوه وعمه كانوا جالسين يستقبلون الضيوف ,, بالجهة الثانية من القاعة كانت أم عبد الرحمن وأم نواف يدورون على المعازيم, اللي ترحب واللي تسأل إذا ناقصهم شي , أم تركي جالسه على الطاولة والهم مالي قلبها على اللي صار لميثه وأم راشد جالسه معها تواسيها ,, العروس صارت جاهزة أخيرا ... دقت صيته على نواف لكنه اعتذر وقال لهم انه بيرسل لهم طارق ... بالفعل وصل طارق وأخذ البنات وكان بجد مبسوط لاخوه وكان جالس يعلق على صيته وعلى البرج إلي براسها وكيف إن شكلها مو حلو ,, في غرفة العروس كانت دلع جالسه تضبط حالها .. شوي وتسمع زمور سيارة العروس على طول دخلت دورة المياه ...يفتح طارق الباب ويدخل جبونة العروس ويطلع , دخلت العروس مع صيته الغرفة بس سكروا الباب ورآهم إلا وتطلع لهم دلع وهي تزغرد سلمت عليهم وكانت مبهورة بالعروس وجمالها , شالت صيته عبايتها وطلبت من طروب إنها تساعدها حتى يلبسون نوف الجبونه , بالفعل لبسوها الجبونه ... شوي إلا وتدخل المصورة اللي كانت متأخرة شوي اعتذرت من العروس وطلبت منها إنها تاخذ لها صور الحين قبل ما تدخل وتصير زحمة الضيوف ابتدت المصورة تضبط فستان العروس اللي كان قمة في الروعة .. كان فستان سكري وداخل فيه شبك لماع ستايل غريب شوي وجريء بالنسبة لنوف, كان على شكل بالطو شبك ذهبي مطعم بالكريستالات ومثبتة أطرافه بالفستان اللي كان نافش كثير وهذا ما عطيه فخامة .. الصدر كان علاق كله من الشبك رايح إلى ورى وماسك في البالطو شعرها ,كانت تسريحتها هندية وحاطه تاج على جنب شعرها وكان بدون طرحة مكياجها بارز ملامح وجهها الناعمة وصايرة مذهله بجد صارت المصورة تتفنن في الحركات لها ... والبنات كانوا يطالعونها ويذكرون الله ونبيه على جمالها وهم كذا إلا بدخلة نوره ...اللي تجاهلت العروس والبنات الموجودين ولا كأنها تشوف أحد منهم شالت عبايتها وكانت تذهل كعادتها .... نوره" لو سمحتي ...أبغاك تصوريني التفتت لها المصورة " يا لله خلينا نخلي العروس ترتاح شوي على ما نصورك وقفت نوره بدلع قدام المصورة ...كانت غاية في الأناقة لابسه فستان مخملي أسود وكان ماشي على جسمها وبعدين تحت الركبة فيه ربطه مخملية حمره وبعده نفشه بسيطة وفوق عند الصدر كانت لابسه جاكيت قصير أحمر من المخمل كت فيه كوله كبيره على رقبتها ... ورافعه شعرها وحاطه فيه كريستالات صغيره وحاطه ماكياج بارز كثير وروج احمر مآكل الجو على عيونها اللي كانت بعد من أجمل ما يكون خذت نوره حقها وأكثر في التصوير .... وهذا الشي أخر العروس ... شوي وتدخل أم عبد الرحمن وهي تزغرد تروح لها صيته تحب على راسها ...أم عبد الرحمن تطالع بصيته اللي كانت لابسه فستان أحمر من الدانتيل والتول كان فستان انسيابي مطلع جسمها وجماله وشعرها مفيرته شكل شلال ولابسه تاج مخلوط بالألماس وماكياج أنيق وبارز مطلع جمال ملامحها أم عبد الرحمن " بسم الله تبارك الله عقبالك يا يمه صيته بابتسامه" هههه تسلمين يا الغالية أم عبد الرحمن" وبلاك ما وريتيني الفستان ؟؟ لا يكون خايفه آخذ فكرته وأسويه حقي ؟؟ هه ولا صرتي مثل بعض ناس ؟؟ صيته" هههه لا والله يا جدتي توني اليوم الصباح استلمته من المصمم وأنا رايحه لعند نوف أم عبد الرحمن أخيرا التفتت على العروس اللي لمتها لحظنها وبهدلتها من البوس نوره ببرود" هااي أم عبدووو مبروووك أم عبد الرحمن انقلب مودها " الحين كل ها لعمر قدامك والهيبة تقولين لي أم عبدوو؟؟ تعالي خليني آخذك بره قدام الناس حتى أفرك خشتك بالأرض ,وأخليكي مسخره ما تسوين قرش يمكن تتربين وتعرفين تكلميني زين دلع بعذوبة ونعومه" ذكروا الله يا جماعه , نوره تكفين نوره" هه ...هذا جزاي اللي أبارك لها, أنا قايله ماني مكلمه أحد لكن طيبتي الزآيده تغلبني أم عبد الرحمن تلتفت على دلع " هيييي وش دخلك انتي أصلا بينا ؟؟ لو تفكرين إن إحنا بنحبك لو تحايلتي علينا تكونين غلطانة يا حلوه , إحنا أهل بقلب بعض مو على آخر زمنا تجي وحده زيك وتعلمنا كيف نهرج صيته تروح لجدتها تهدي الوضع ... في هذا الوقت دلع تواخذت وطلعت من عندهم ودمعتها على خدها صيته بزعل" زين كذا جدتي ؟؟ أم عبد الرحمن بايعه الدنيا " براحتي أنا هذا زواج ولدي وأسوي اللي أبغاه ... لو اطرد المعازيم كلهم اللي يجوز لي واللي ما يجوز لي محد يتدخل صيته تروح لنوف" جلسي ارتاحي لحد ما يجي نواف أم عبد الرحمن " يؤ....شفتي شلون ضيعوني ها لمهابيل ونسوني .... هذا نواف دق علي وبلغني إني أقول لكم انه جاهز وينتظركم بره تواخذت نوف وصارت تعدل بحالها ....وصيته بدورها دقت على نواف وقالت له يدخل صيته تروح لنوف" يا بختك يا عروس نوف بهدوء" خليكي جنبي وما تتحركين صيته " لا تحاتين دخل نواف وكان محرج شوي وكانت يده بيد أمه وبعد أم تركي جت وقفت عند بنتها أم عبد الرحمن ترمي عليه الفلوس" ألف الصلاة والسلام عليك يا حبيب الله محمد كلللللللللللللوش يا معيريس عين الله تراك والشمس والنجوم تمشي وراك كلللللللللللوش هذي فرحتنا الكبيرة فرحت كل العشيرة هذي فرحه وهذي فرحه والعدو ما طاب جرحه كلللللللللللللوش نواف يطالع بنوف اللي كانت منزله راسها و الابتسامة ما فارقت فمها ... نواف يروح لها ويسلم عليها ويبوسها بين عيونها والزغاريد تتعالى بكل مكان نواف يهمس لها " ما شاء الله تبارك الخلاق , قمر يمشي على الأرض نوف تطالعه بابتسامه" لا تقول شي والله بموت من الخجل نواف يبوس يدها " أنا اللي بموت من العشق والوله نوف تتعمد إنها تبعد عينها من عيون نواف لأنها ما تقدر تقاوم نظراته المليانه حب إبتدت المصورة تصورهم ونواف مبسوط على الآخر , الحركات كانت جريئه ونوف مستسلمة لهم حتى تطلع الصور مثل ما تبغي نواف حابك الحركات اللي تعطيه إياهم المصورة صح ويزيد عليهم من عنده بعد.. ونوف تعبت من كثر ما تحاول تغمز له وتنبهه إن العيون كلها عليهم لكنه ولا داري بهوا دارها المصورة" لو سمحت اخوي حط هذي الوردة في شعرها وانت قريب منها وخللي يدك تلفها لظهرها ... وأبغي نظرات عيونكم متوجهة لبعض بكل حب نواف" ابشري..إذا على الحب ما يحتاج توصين نوف تبتسم بخجل".......... طبق نواف الحركة مثل ما قالت له المصورة وكانت من أجمل اللقطات كانت عيونهم لبعض لدرجة انه قرب منها وباسها بين عيونها أم عبد الرحمن" ههههه دخلوا الرجال لا يفضحنا نوف تبتسم له" والله يا نواف ما راح تجيبها البر نواف " هههه حقي و محد عنده لي شي صيته تروح توقف بينهم " يا لله خلونا نزفكم الناس تنتظركم وانتوا جالسين لي غزل وحب نواف" اييي يا لله لأن إحنا طولناها نوف تتلفت حواليها " يمه ما أشوف ميثه وطروب ؟؟ أم تركي تواخذت وتجمعت الدموع بعينها وما قدرت تتكلم أم نواف" والله للحين بالصالون .. أصحاب الصالون ما خذين عشر عرايس هذا غير خواتهم يعني شكلهم بيطولون نوف" بس هي ما حجزت , بأي صالون راحت ؟؟ أم تركي" ما أدري يا يمه مر عليها راشد مع طروب وراحت معهم وما خبرت وين صيته اللي كان عندها علم بالموضوع" مو مشكله دخلوا انتوا وهي بالطريق إن شاء الله ما تتأخر ,, طفوا الأنوار اللي بالقاعة وحطوا موسيقى كلاسك , كان نواف ماسك يد نوف بشده وكأنه بهذي القسوة جالس يعبر عن مدى حبه الممزوج بالتوتر في هذي اللحظة اللي تمناها سنين نوف بدورها صارت تطالعه وتبتسم له في هذا الوقت انفتحت البوابة اللي على الناس ودخلوا نواف ونوف مع بعض كانت الموسيقى صاخبة جدا لدرجة إن نواف يطالع نوف ويهمس لها بكلمات الحب اللي ما كانت تسمعها لكنها ترد عليه بابتسامه تذوبه في نيران العشق وصلوا المنصة وهم يدينهم ما فارقت بعض مثلها عيونهم بعد مسك نواف صيته وابتدوا يتمايلون على أغنية أبي حبك للفنان محمد الزيلعي ونواف عيونه في عيون نوف وكان يردد الكلمات معه بكل حب , نوف تحس إن الدنيا كلها لها أبي حبك معي يكبر وأبي أهواك أنا أكثر وأبي أهديك أنا دنياي وكل اللي عليه أقدر حبيبي انت إحساسي ونبض القلب وأنفاسي لو صار الزمن قاسي عشان عيونك أتصبر شوي تدخل صيته عليهم وهي ماسكة باقة الورد تبع نوف وهم واقفين لها ويطالعونها والابتسامة ما فارقت شفاهم ... وصلت لعندهم وباركت للعروسة والعريس وبعدين صارت ترقص قدامهم ... بعدين حطوا أغنية شموخ للفنان راشد الفارس أم عبد الرحمن بعد ما تمالكت نفسها وصارت ترقص معها قدام نواف ودموعها على خدها ونواف يروح لها ويلمها لحظنه وهي تزغرد من قلب كانت نوره واقفة على المسرح من بعيد وتصفق لهم .. أشر لها نواف وجاته ترقص وهو متجاوب معها كثير نواف مبسوط كثير ويبغي الكل يكون مبسوط معه ويكونون حواليه بهذي الليلة اللي تعتبر ليلة من أسعد الليالي انتهت الحفلة على خير والكل كان مبسوط لدرجة إنهم ما حسوا بالوقت طلعوا العرسان بره وكان طارق ينتظرهم وعلى وجهه ابتسامه مجروحة ...من تلاقى مع نواف راح له ولمه طارق" مبرووووك يا اخوي الله يهنيك ويسعدك نواف" عقبالك يا بطل طارق منزل راسه" مبروك يا نوف عساك تنسعدي نوف" تسلم والله ركبوا السيارة ... وكان الجو فيها رومانسي طارق مضبط الأمور وحاط لهم موسيقه كلاسك نواف وللمرة الأولى يخونه لسانه ويجرحه تعبيره ...يمكن كان مستحي من وجود طارق معهم ... مسك يد نوف وكتب لها عليها بصبعه أموت بهواك يا أغلى ورده نوف اليوم يوم سعدها وتتمنى انه ما يخلص أبد وصلوا الفندق وكان طارق ماخذ لهم عشا لأنه عارف إن العرسان يوم زواجهم ما يطيقون الأكل ويوصلون دايخين وهلكانين من التعب صعدوا فوق ابتدت الرهبة تسري بجسم نوف ...وأخيرا تحقق الحلم وصار في غرفة النوم .... نواف يشيل شماغه ويروح يجلس بجنب نوف اللي كانت جالسة عند الأريكة ...ويمسك يدها ويبوسها نواف" مبروك علي انتي نوف "......... نواف " نوف طالعيني .. نوف تبتسم له " أخاف يوقف قلبي نواف بجنون" بسم الله على قلبك يا نور العين نوف تطالعه" والله لو أموت بهذي اللحظة ما بكون ندمانه بالعكس بكون مرتاحة لأني إن طحت بتوسد رجليك نواف يلمها له بحب " ما أبغي أسمع منك هذا الكلام لأن أنا وجودي من غيرك وهم نوف تصده عنه" نواف .... أنا بصراحة جوعانة وريحة الأكل جننتني وأبغي آكل نواف " الله لا يبارك في طويرق يوم يتمرجل ويجيب عشا .....هذا وقته؟؟ نوف" ههههه حرام عليك الرجال نواف " هههه خلاص قومي غيري ملابسك وخلينا نتعشى وبعدين لكل حادث حديث نوف بخوف" نواف نواف" عيونه انتي ...يا ريحة هلي نوف بخجل"كلامك يخوفني وكأني ما أعرفك نواف يغمز لها " هههه أقولك قومي بدلي ملابسك وتعالي نتعشى لا أغير رايي نوف"؟؟؟؟؟؟؟؟؟؟؟؟؟؟ | | |
| |
23 - 11 - 2024, 10:40 AM
|
#30 |
| | | عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 []
|
حاليآ في » | | دولتي الحبيبه » | | جنسي » | | العمر »
سنة
| | الحالة الاجتماعية »
اعزب
| | مشروبى المفضل » | الشوكولاته المفضله » | | قناتك المفضلة » | | ناديك المفضل » | سيارتي المفضله » | |
رد: رواية كبرياء رجل وشذوذ إمرأه
البارت التاسع والعشرون نواف " هههه خلاص قومي غيري ملابسك وخلينا نتعشى وبعدين لكل حادث حديث نوف بخوف" نواف نواف" عيونه انتي ...يا ريحة هلي نوف بخجل"كلامك يخوفني وكأني ما أعرفك نواف يغمز لها " هههه أقولك قومي بدلي ملابسك وتعالي نتعشى لا أغير رايي \\ // \\ في بيت بو تركي ... كان تركي يروح ويجي يبغي ياكل شي ومحد حوله حتى ميثه تعبانه .. طلب له عشا من المطعم وجلس ينتظره في الصالة ..شوي إلا بدخلة أم تركي وبو تركي بو تركي اللي كان معصب على تركي وجن يوم شافه جالس بالبيت وزواج أخته ما حضره بو تركي" يعني ها لحين وش مجلسك بالبيت مثل النساوين والكل يسأل عنك ؟؟ تركي يروح له ويحب على راسه " مبروك يبه بو تركي " افف الله يقطعك على ذي الريحه الشينه تركي" كيف أروح وميثه لوحدها بالبيت أم تركي زعلانه منه تركتهم وصعدت تتطمن على ميثه بو تركي" وش مسوي بأختك هاا تركي يدعي البرائه" أنا ؟؟ وش مسوي فيها يعني هي اللي ركلت الطفاية برجلها بو تركي " والله يا تريك الكلب لو ما تسنعت ما راح تجلس بالبيت دقيقه وحده تركي يجلس عند التلفزيون ولا كأنه صاير شي بو تركي يتحسب عليه ويدخل غرفته ,, فوق عند البنات ... ميثه " ابغي آيس كريم ... طروب" الله عليج ..مو جنج زودتيها ميثه" هههه خليني أتدلع عن نفسي طروب" والله بتدلعين زين يوم تجين عندنا بدبي ... أمي بتشيلك وتحطك على أكتاف الراحة ميثه أنشرح قلبها " وأنا بعد بحطكم بعيوني ...بعد انتوا أهل الغالي طروب" هههه يصر خير لين هذاك الوقت ...أخاف كل شي يتغير ميثه" شنووو؟؟ أقول ميثه مثل المعدن الأصيل ما يتغير أبد طروب"اف ملل ...مو لو خليتينا نروح لعرس نوف كان أحلى ميثه" ما أدري انت تدعين الغباء ولا انتي غبية خلقه ..طالعي رجولي بس وأحكمي شوي إلا وينفتح الباب وتدخل أم تركي ودموعها على خدها وتروح لميثه وتلمها لها ...ميثه بعد بدورها صارت تبكي أم تركي " شلونك يمه عسى ما توحشت لوحدك ؟؟ طروب " وأنا وين رحت ؟؟ أم تركي " انتي الخير والبركة ... شوفوا كيف نوف كانت مثل القمر خذت ميثه الكاميرا من يد أمها وصارت تطالع بالصور وهي تبكي بقلب ... ميثه" يمه ما سالت عني ؟؟ أم تركي " كيف ما تسأل؟؟؟ إلا أسألت لكن إحنا حاولنا إن إحنا نشغلها حتى ما تعرف... تعرفين حبيبتي مبسوطة ما نبغي ننكد عليها ميثه تطالع الصور وهي تهز براسها يعني إييي ,, في الفندق ....وعلى طاولة الطعام والإضائه الحالمة كان نواف مظبط كل شي لكنه ينتظر نوف إنها تغير ملابسها نواف لابس بجامه من الستان كانت كحليه وفوقها قطعه ثالثه وحاط كل أنواع العطور وكان أنيق بالمرة تدخل نوف عليه وشكلها خجلانه شوي نواف يطالعها بكل حب ...كانت لابسه قميص نوم من قطعتين ...كان أبيض من الحرير طويل ..وعلى الصدر دانتيل ناعم والقطعة الثانية كانت واسعة وأكمامها كــت نواف يوقف لها ينتظرها تقرب من عنده ويلمسها حتى يتأكد انه مو بحلم نوف كانت مرتبكة شوي لكن نصائح صيته براسها يوم قالت لها خليك على طبيعتك وتذكري دوم إن هذا حبيبك اللي تمنيتيه من سنين ... وانتي بعد غلاته ودنيته ومستحيل يأذيك بأي شكل من الأشكال نوف قربت من عنده " تسلم الأيادي نواف يقربها لعنده لكنه حس فيها ترتجف .. طالعها بنظرات مليانه حب نواف" وش فيك ترجفين؟؟ بردانه؟؟ نوف تهز له راسها يعني اييي نواف يقرب منها ويمسك خدها بيده ويرفع خصلة شعرها ويبوسها وعيونه ما فارقت عيونها نوف قلبها يدق بشكل عجيب ...صار عندها ردة فعل عكسية خلتها تبعد بكل جسمها عنه نواف انتبه لحاله ... بعدها ابتسم لها ابتسامه ساحره , مسك الكرسي وزاحه عنها نواف" أميره زيك ما توقف نوف رجعت فيها الحياة" هههه ميرسيي نواف يجلس" يا لله اشربي الشوربة حتى تدفيك نوف جلست على الطاولة وما كان لها خاطر إنها تآكل شي نواف يقرب لها " حبيبتي ليه ما تاكلين نوف بهدوء" ما أدري أحس إن مالي نفس نواف بيجننها وقف على طوله " يا لله نقوم ننام إذا مالك نفس للأكل نوف تمسكه من يده" لا اجلس بآكل نواف يروح لعندها ويجلس على الأرض ويبوس يدها نواف " أنا أقول ننام خفايف أحسن ولا وش رأيك ؟؟ نوف بتبكي" ...... نواف مسكها من يدها وأخذها للغرفة اللي كانت أجوائها خيااال وريحه عطر نوف يلعب بين جدرانها نواف يجلس على السرير ويجلسها بجنبه ... نواف" يا ليت توقف الساعة على هذي اللحظة نوف تطالعه بخجل وكل شوي نزلت راسها "...... نواف" احبك يا قطعة من الجنة نوف تسحب نفسها بالموت كيف يكون لا ونواف قريب منها يعد عليها أنفاسها نواف يلمها لصدره لدرجة إن خاطره لو ينفتح صدره وتدخل نوف بكبرها لقلبه نوف بين يدينه وفي حضنه وله هو وحده ....ومحد غيرهم في الغرفة غير الملائكة اللي ترفرف حوالينهم حتى تبارك لهم هذا الزواج الشريف الطاهر نواف وقتها حس انه عايش بدنيا غير الدنيا وانه أخيرا طال الجنة بيده وشم عبيرها (أعشق خجلها) اليوم يومي ومحد بالقول يغلبني ***اليوم الشمس جنبي والقمر يحرسني ***تهدى يا قلبي وأنسى لهفتك وجنونك ***وتذكر إنها بلسمك ودواك وعيونك ***كل ما أطالع حسنها واسمع بإذني نفسها ***تروح روحي بالغصب وتسكن هي محلها ***يا رب طول بعمري حتى أعيش يومي بأملها ***وما ابتعد ثانيه عن مفاتنها وحسنها *** ما هو حلم ولو هو حلم أتمنى ما أصحى بعدها***وأبيع سنيني وأيامي لأجلها***بتقولون ما هو عاقل ولا بالخير عاش قبلها***أقولكم من يسمع كلامكم يقدركم ويعرف إنكم عبرها*** أنا مو بس مريض ولا علة قلبي سببها *** أنا اليوم مجنون فيها وميت بريق فمها وبحرها***صرت أعشق بسمة ثغرها يوم أهمس لها إني أحبها *** من يكتشف طعم شفايفها ونعومة نحرها ***تأكدوا انه ينادي بالعشق لين ما يمل العشق من طلبها*** ويطالب القمر انه بضربه قاتله يعدم الشمس وما يهمه زعلها *** حتى تنفني من الوجود ويضل العالم يستمتع بنور القمر وأنا اضيع بخجلها*** *غــــروب* ,, في بيت بو نواف ... كل واحد دخل غرفته وهو ميت من التعب وحط راسه ونام ماعدا نوره وصيته صيته اللي كانت تنتظر مكالمة من ماجد حتى يبرر لها عدم اتصاله كل هذا الوقت وحتى اليوم هو موجود بالرياض لكنه أبد ولا عبرها حاولت تضغط على حالها وتدق عليه مع إنها عندها عزة نفس تمنعها من هذي الخطوة لكن حركاته غريبة ولا زم تفهم وش جالس يصير دقت عليه كان خطه مشغول وصارت هي على الانتظار قفلت الخط شوي إلا يدق عليها ماجد صيته بصوت مخنوق " الووو ماجد " هلا حبيبتي ...مبروووك قلبي صيته ارتسمت على شفاها ابتسامه " الله يبارك فيك حبيبي لا يكون أزعجتك بس ؟؟ ماجد" لا أبد كيف تزعجيني ؟؟ انت تتصلين بأي وقت تحبينه لكني على وشك أنام صيته باستغراب " أنا دقيت طلع خطك مشغول ماجد" هااا ...إييي هذا مالك يبارك لي صيته" خلاص حبيبي تصبح على الف خير ماجد" وانتي من أهله قلبي ...سلام صيته بتردد" راح أشوفك ؟؟ ماجد " هااا إييي أكيد ليه أنا أقدر أجي الرياض وما اشوف قمري ....يا لله حبي في أمان الله صيته بفرح" في حفظ الله سكرت صيته من عنده وهي حبه في قلبها جالس يزيد مره بعد مره ,, في غرفة النور كان الاستريو مشغل وهي جالسه تمسح ماكياجها يدق الجوال بجنبها ...ترد ببرود نوره" هلا ماجد" عذريني قلبي لكن مالك دق من شوي يطمن علي نوره " ما كان اتصلت مره ثانيه أنا بمسح ماكياجي وبنام ماجد بحب" يا ليتني شفتك يا قلبي لو دقيقه نوره" خلاص ماجد ...إحنا قلنا انك بتكون زوج أختي يعني مثل اخوي ماجد بيموت بحرته" نوره لا تشيلين هم الزواج بيتكنسل ومحد بيكون من نصيبي غيرك قلبي نوره بملل " يصير خير إلى هذاك اليوم سمعني صوتك ...يا لله أنا بنام تشاااو ماجد" تصبحين على حب يا أغلى ما في الوجود يا أحلى ما في دنيتي نوره قفلت الخط وهو جالس يتكلم \\ // في اليوم الثاني ... كانت نوف جالسه بحديقة مليانه ورود والفرحة مو سايعتها ونواف حاط راسه على رجولها ونايم صارت نوف تقطع من الورد وتلم فيه تبغي تسوي طوق من الورد حتى ياخذونه معهم للبيت وتحطه على السرير وأكيد راح تكون مفاجئه با لنسبه لنواف ...حست نوف بكلمات قريبه من أذنها نواف يغني لها " غرامك كل يوم يزود ولا يعرف مدى وحدود ...عيوني في هواك شهود يا رب ما يوم نتغير.... نوف تفتح عيونها لقت نفسها على السرير ونواف وجهه قريب من وجها وعلى وجهه ابتسامه عريضة وبيده ورده يمررها على خدها نواف" يا صباح الجوري على أحلى زوجة بالدنيا نوف ابتسمت له ابتسامه خجولة " صباح النور حبيبي نواف وجهه ملاصق لها وهي خجلانه من نفسها وجالسه تتسائل كيف شكلها الحين بعد النومه ... نواف مسترسل في الكلام ونوف مو قادرة ترد عليه محرجه يكون فمها فيه ريحه من النوم ولا ملامحها تعبانه من بعد ماكياج البارحة نواف حس إن نوف مو على بعضها بعد عنها شوي ... نواف" يا لله عمري قومي تحممي حتى نفطر نوف تبغي تقوم لكنها محرجه ملابسها مرفوعة .. صاير شكلها تحفه وهي لافه حالها بالديباجة ومو مبينه إلا عيونها نواف بيجننها " وش بلاك صايره الفارس الملثم ؟؟ ينقال لك مستحيه يعني ؟؟ ما تعودتي علي بعد البارح ؟؟ نوف تتذكر اللي صار وتروح تغطي حالها بالكامل بالديباجة نواف " هههه أنا انتظرك بره حبي لا تتأخرين طيب ؟؟ راح نواف ونوف تقوم بسرعة قدام المرايه تطالع بحالها ...صارت تمرر أصابعها على خدودها الحريرية وتتذكر لمسات نواف وكلماته لها ... كانت بجد محرجه بذاك الوقت لكنها من الليالي اللي مستحيل تنساها طول عمرها يدخل عليها نواف فجأة " ما خلصتي حبيبي ؟؟ عندها فزت نوف وصرخت صرخة وراحت بعدها ركض لدورة المياه نواف صار يضحك عليها وعيونه مليانه بدموع الفرح ... وأخيرا تحقق الحلم ,, في بيت بو نواف ...جالسين كلهم على طاولة الطعام يفطرون لكن أم عبد الرحمن ما حطت شي بحلقها ... جالسه بس تطالع بكرسي نواف الفاضي ودموعها تنزل بدون ما توقف وهي تحاول إن محد ينتبه لها وخصوصا طارق لأنه بيمسك لها هذا الممسك وما راح ينساه وعلى طول بيذكرها فيه صيته " جدتي ليه ما فطرتي ؟؟ أم عبد الرحمن" أحس إني مو جوعانة صيته تقدم لها " لا لازم تفطرين انتي توك أخذتي إبرة الأنسولين ولازم تاكلين أم عبد الرحمن تتنهد تنهيده من قلب" منو له نفس ياكل ..نواف الله يحفظه راح لحياته وبعده بأسبوع انت بتلحقينه ...البيت والله بيفضى علي ما تمالكت أم عبد الرحمن نفسها ورجعت تبكي مره ثانيه طارق يقوم من مكانه ويروح لها " أفا بس وإحنا وين رحنا يا لغالية ؟؟ أم عبد الرحمن " ليه انت بتقعد لي ؟؟ إنت تبي تاخذ قليلة الحيا طويلة اللسان بعدين تحرضك علي وتطردني من البيت تفكروني ساهية عن تصرفاتكم ؟؟ طارق يلمها له" قولي قسم سحوره إنتي بالقلب ومحد يقدر ياخذ مكانك أم عبد الرحمن " اهووووو وخر عني خنقتني وش دعوه متسبح بالعطر طارق" وشلون يعني ...ما في شي عاجبكم ؟؟ أقول خلوني اروح المطعم حتى أأكد على البوفيه للغدا أم عبد الرحمن" إييي تمحلس تمحلس وش عليك الكل ظل ساكت وهي للحين تهذر على راسهم لدرجة إن صيته فكرت إنها تدق على نواف حتى ما يتأخر ,, عند العرسان .... نواف" الله يبارك فيك عقبال عندك إن شاء الله راشد" أنا لاحقنك يا خوك نواف" لا والله ألف مبروووك ومنهي سعيدة الحظ؟؟ راشد" ميثه بنت خالي نواف" يعني بتصير عديلي ههههه راشد" اييي يقولون هههه نواف" أقول خلينا نتفق على تريك اللي بهدل حريمنا راشد" يا لله عند ويهك أنا بس أنتظره يدوس لي على طرف نواف"ههههه إيييي والله بعد انت منت هين راشد" لا بس الحق حق ...أقول يا لله سكر حتى ما تطول على عروستك نواف" على خير ....أقول لا تنسى الغدا اليوم طيب؟؟ راشد" على خير إن شاء الله... ومتى السفر بإذن الله؟؟ نواف" لا والله أجلنا السفر لأن زواج أختي بعد أربع أيام وحجزت لهم تذكرتين معنا هديه من عندي وبنروح سوا راشد" شووو ؟؟ يا ريتني خطبت اختك ما أشوف إلا مفاجآت وحركات نواف" أكيد أعجبك أنا ههههه راشد" مبروك مره ثانيه مع السلامة نواف" تسلم والله ...في أمان الله تدخل نوف بابتسامه عريضة على فمها ..انعكست الابتسامة على نواف وصار يبادلها بنفس النظرات ... كانت كيووت مره , لابسه بجامه من الساتان لونها أبيض وشعرها مخليته مموج وحاطه الوردة اللي عطاها إياها نواف على شعرها نواف" يا صباح الورود نوف" صباح العسل نواف" ما بتفطرين حبيبتي ؟؟ نوف" لا ما أبغى نواف" أقول يا بنت الناس ما فينا من الدلع ...اكلي وتغذي مو تشوفك أمك وتقول وش سويت ببنتنا ذبلانه نوف" هههه ما صارت ليله ...ما مداني نواف يطالعها بحب" كثير حلوه بدون ماكياج نوف" كلكم تقولون كذا ... عطني سيمفونية جديدة نواف يطالعها بنظرات غريبة " احبك يا كل مالي بهذي الدنيا نوف بخجل" تسلم لي حبيبي نواف يمسك يدها ويلبسها سوار الماس" وش رأيك ؟؟ نوف " واااااو حبيبي ...مشكور ذوقك يجنن لكن ليه مكلف على حالك , البارحة جايب لي طقم نواف يبتسم لها " هذا هدية الصباحه نوف تذكرت كلام أم عبد الرحمن وقامت ووجهها صاير احمر.... لكن مسكها نواف ولمها له نواف" وين؟؟ نوف تحاول ما تطالع في عيونه" هااا بروح أفطر تركها نواف وهو يضحك عليها وعلى خجلها ,, وقت الغدا ... طلعوا نواف ونوف حتى يروحون يتغدون مع الجماعة في بيت بو نواف لكن استغربت لما شافت نواف وداها بيت أهلها نوف" ليه نواف جيت هنا ....هههه شكلك مخبط نواف" لا حبيبتي لكن أختك انصابت البارح برجلها والحين رجلها مجبسه نوف تشهق " ميثه ؟؟ راحت تنزل بسرعة وهي مزعوجه لكن نواف مسكها وضغط على يدها حتى تهدأ نزلت نوف وصعدت فوق لقت أختها جالسه واللابتوب في حضنها وجالسه تلعب .. نوف أفتحت الباب وترمي حالها على ميثه وجلسوا يبكون سوا ..وميثه تخبرها وش صار فيها من تركي الكلب نوف" والله لازم ينحط له حد ....وبعدين يعني لما يموتك ؟؟ ميثه" لا راشد بيخطبني وبروح الإمارات وما بتشوفون وجهي بعد نوف" هههه موتك وسيرة الزواج ميثه" يا قليلة الحيا يعني الحين أنا ما أحضر زواجك وما تسألين عني ؟؟ نوف" أنا؟؟ ميثه" لا خيالك نوف" ليه هم خلوا لي فرصه ؟؟أصلا أنا تعبت وأنا انتظرك وهم قالوا لي انك بالصالون و بتتأخرين لأنه زحمه ميثه" يا لله أنا بسامحك لأني طيبه ... قومي وريني وش لابسه يا عروستنا وقفت نوف كانت لابسه فستان باذنجاني قصير مع حزام عريض أصفر فيه ورده كبيره على جنب وبوت أصفر ...وشعرها مخليته مموج وحاطه لها ماكياج هادئ وكانت زي القمر في ليلة كماله والأسوار اللي لبسها إياه نواف مزين يدها لدرجة إن ميثه انتبهت له ظلوا البنات يتكلمون مع بعض ونست نوف إن نواف ينتظرها بره ...لكنه دق لها وذكرها بحاله وراحت له ركض وصلوا البيت كانت العايله كلها مجتمعه هناك دخلت نوف لقت الترحيب من الكل .. وخصوصا أم عبد الرحمن اللي ظلت تزغرد طول ما نوف تسلم عليهم وتذكر الله ونبيه عليها وعلى جمالها ولما وصلت لها صارت تحضنها بقوه وتطالع بزينتها وبلبسها وكلهم أبدوا رأيهم وإعجابهم فيها ماعدا نوره اللي سلمت عليها على الطاير ولا كأنها زوجة أخوها وكانت بينها وبين نفسها تستغرب مدى إعجابهم فيها مع إن ذوقها متواضع جدا نواف طلب من صيته إنها تسوي له طريق حتى يدخل يسلم على جدته أم عبد الرحمن اللي كان عقلها طاير فيه ولما شافته سوت مناحة لها أول مالها تالي نواف يبوس راسها" وش له ها لبكي يا يمه لو شوفتي بتخليك تبكي بآخذ زوجتي وبمشي أم عبد الرحمن تضربه على كتفه" والله هذي أمنيتك لكن ما راح أنولك إياها لو موتك طارق" قولي قسم سحوره؟؟؟ هههههه أم عبد الرحمن تنفض يدها له " أقول يمه شلونك عساك مرتاح بعد تعب البارحة ؟؟ نواف" ههههه طارق " إي بالله قول لنا كيف كانت ليلتك ...عساك بس انبسطت ؟؟ نواف بحده" طارق وش ها لكلام ..عيب طارق " ههههه ما قلنا شي يا خوي أم عبد الرحمن" لا بالله كل هذا وما قلت شي لا بعد وش رأيك تسأله وش كانت لابسه نوف ؟؟ طارق بيجن" هيييي هيييي.... وش بلاكم لا تكبرون الموضوع أنا وربي ما قلت شي أم عبد الرحمن" انطم ... وتبغي تقول شي زود بعد؟؟ طارق يلم الموضوع" خلاص حقكم على راسي وأحب راسكم بعد أم عبد الرحمن" لا تحب راسي ولا أحب راسك.... انت غلطت لا بالله لازم تأدبه زين يا نواف ...لازم يتربى حتى ما يقعد يقول كلام فاضي نواف يبتسم" خلاص جدتي شكلك استرسلتي بالدور ...ما يسوى كل هذا طارق متأزم" خلوني أروح لاتلبسوني تهمه أنا مو قدها بعد هذي أعراض ناس....سلااام أم عبد الرحمن " الله لا يسلم فيك ولا عظمه نواف يبتسم ومكتف يدينه ويطالعها " ......... أم عبد الرحمن" هههههههه وش رايك فيني أدبته زين هههههه والله انه يضحكني ها الدلخ ما أدري ليه أحب أجننه الله يزوله من دنيتي نواف" يا لله جدتي خليني أروح للرجال ينتظروني هناك أم عبد الرحمن " وقف أبغيك نواف" آمريني يا أحلى جده بهذي الدنيا أم عبد الرحمن تمسكه وتجلس على الكنب وتجلسه بجنبها وتهمس له" عساك بس صرت رجال وبيضتها ؟؟ نواف يطالعها"؟؟؟!!!!!! ,, بعد الغدى اللي كان جميل كثير وفيه ما لذ وطاب وبصراحة كان كثير عليهم ...فكلم نواف طارق وطلب من عنده إن الأكل اللي ما تحرك يوديه للجمعية حرام ينرمى وفي ناس مو لاقيه تاكل وخصوصا انه نظيف ... البنات جلسوا وحطوا العروس وسطهم وحطوا المسجلة وصاروا يصفقون ويرقصون والفرحة باينه في عيون الكل دق جوال دلع وطلع ماجد يبلغها إن صيته ما ترد على الجوال وإذا ما عندها مانع خليها تلبس وتطلع معه دلع خبرتها وهي انحرجت معها وعزمتها معهم على الطلعة ومع رفض دلع لكنها أصرت عليها وأخيرا وافقت تروح معهم ... وهذا الشي فرح صيته لأنها تحب دلع كثير وخصوصا يوم بلغها طارق عن إعجابه فيها لبست صيته واستأذنت الجماعة وبكذا عرفت نوره إنها طالعه مع ماجد وكانت فرحتها كبيره لأن ماجد أخيرا قرر انه يبلغها انه ما يبغاها وانه متولع في نوره... نوره وبس ومن يعشقها استحالة يتعلق بغيرها لكنها كانت مستغربه روحة دلع معهم وهذا راح يصير عائق لهم لكن بالتأكيد ماجد راح يدبر حاله؟؟؟؟ طلعوا البنات بره لقوا ماجد واقف مع طارق يتكلمون دلع مشت الموضوع عادي وما تغطت لأنها أساسا في جده كاشفه وجهها ماجد" هلا وغلا ...كيفك صيته؟؟ صيته" هلا فيك أنا بخير طارق يتصدد لكنه يبغي يشوفها زين ويتحقق من ملامحها دلع تطالع طارق بابتسامه " هلا شلونك؟؟ طارق مرتبك" الحمد لله ماجد" وش لك جايبتها معنا عزول بداية أيامنا ؟؟ دلع بدلع" كذا خلاص بروح أنا زعلت ماجد يمسكها من يدها " افا بس منو عندنا أغلى منك ؟؟ دلع" هههه ايي كذا خليك عاقل طارق واقف ويطالعهم والابتسامة ما فارقت وجهه صيته تسحبه لعندها" فشلتنا روح داخل طارق" لا تنسين تسألينها طيب ؟؟ صيته" مو وقته الحين طارق يترجاها" تكفين صيتوه وهم كذا إلا ويسمعون دلع من بعيد" حبيييييييييييبي يلتفت لها طارق يلقاها لاقيه قطه ماسكتها وتلعب معها ماجد" خلصينا بتروحين ولا نمشي عنك؟؟ دلع" واااو تجنن ...أموت في البسس طارق يتدخل" هذي قطه شيرازيه لبيت الجيران دلع" تكفى طارق وديها لهم لا تضيع طارق راح فيها وهو يسمع اسمه على لسانها" هااا؟؟ صيته تدقه بيدها" خذ البسـه وديها بيت الجيران طارق " ان شاء الله راحوا وهو واقف يطالعهم وكان خاطره إنها ما تغيب عن عيونه ... ظل طارق واقف يطالع السيارة وهي تبعد ويتسائل بينه وبين حاله.... يا ترى هذا اللي يسمونه حب ولا كيييف؟؟؟ \\ // في الشرقية ... مالك داخل على أمه وبيده كيكه كبيره .... أم مسعود" هلا يمه وش عندك مالك وقلبه ضايق" يمه اتصلي على بيت عمي إذا فاضيين بعد ساعة نروح لعندهم أم مسعود" من جدك يمه ؟؟ مالك" اييي والله ...وخلي خواتي يجهزون حالهم أنا بروح أجيب باقي الأغراض وجاي ... أقول يمه مو تأخرونا على الجماعة أم مسعود " إن شاء الله يمه ..إحنا في ها لساعة يا ولدي ؟؟ راحت أم مسعود وكلمت شيخه وقالت لهم إن إحنا جايينكم زيارة مع مالك وخواته إذا ما عندكم مانع طبعا شيخه رحبت فيهم وقالت لهم إنهم في انتظارهم مرهم مالك وأمه فرحتها ما تنوصف معقولة بتفرح بعد ها لعمر من الأحزان والتعب ؟؟؟ البنات بعد جهزوا حالهم ولبسوا أحلى ما عندهم شيخه بلغت الكل إن بيت عمهم جايين لكنها ما بلغت شيماء لأنها حبت تسويها لها مفاجأة لكن شمسه ما تفوت شي عليها وحبت تروح تبلغها بنفسها ,, في غرفة شيماء كانت جالسه تذاكر لمحمد ... شمسه تفتح الباب وتدخل" هلا شيماء بحده " أنا كم مره قلت لك لا تدخلين بدون استئذان هاا وثانيا عيال أختك صغار بيشوفنك تسوين ها لتصرف بيسوون زيك هم ما يفرقون بين الصح والغلط ...تكفين مره ثانيه راعي هذا الشي شمسه تجلس وهي تنفخ" بس ما عندك إلا نصايح ...أنا عندي لك خبر زي الفل بس بالأول ....كم تعطيني على ها لخبر؟؟ شيماء معصبه " بعطيك كف وبطردك من الغرفة شمسه" كذا ؟؟ طيب ما بقول لك إن بيت عمي كلهم جايين ومعهم مالك بعد وأبوي جالس ينتظرهم شيماء مو مصدقه" شموس لو بتمزحين تراني مالي قلب شمسه" قسما بالله العلي العظيم اللي ما احلف فيه كذب إن هذا الكلام اللي صاير وهم ما يبغوا يقولون لك شيماء تحس إنها بتبكي" طيب طلعي الحين ...وانت محمد روح غير ملابسك لا يجي عمك وانت كذا محمد" طيب خالتي طلعوا سكرت الباب وراهم وراحت قدام المرايه تطالع بشكلها وهي تضحك وتضحك ... معقولة ؟؟ معقولة يا مالك أخيرا حسيت بسراااب؟؟ ولما وصلوا لبيت عمهم نزل مالك الأغراض ودخلهم داخل وكان جايب هدايا ومغلفهم وأم مسعود دموع الفرحة خانتها مو قادرة تعبر عن شعورها غير إنها تتمتع وهي تطالع مالك وهو يشيل ويحط بالهدايا والأغراض اللي ما ظل شي ما جابه... هذا غير الهدايا الكبيرة أم مسعود بفرح" الله يرضى عليك يمه مالك ينفخ " هااا يمه ناقص شي ؟؟ أم مسعود" لا والله ورايتك بيضه مالك " باقي العشا أنا وصيت عليه وبيجيبونه المطعم الساعة 8 لا تدفعون شي أنا دافع لهم أم مسعود" الله يرضى عليك يا حبيبي انت مالك" يا لله بوسي لي العيال وقولي لهم أي شي يبغونه أنا عند قولهم أم مسعود" وين يمه ؟؟ لازم تدخل معنا خالك ينتظرك في هذا الوقت يطلع محمد" هلا عمي مالك" هلا بدنيتي ...أخبارك؟؟ محمد" أنا زين ....صحيح انت بتتزوج خالتي شيماء ؟؟ مالك فتح عيونه على الآخر وصار يطالع بأمه أم مسعود تبتسم وتبوس محمد" أنا ما قلت له بس هو حبيبي ذكي طالع على أبوه مالك بضيق" منو قال إني جاي خاطب؟؟ أم مسعود وقف الدم بجسمها" شلون ؟؟ وش له كل هذا إذا مو جاي خاطب؟؟ مالك يطالع أمه وفي عيونه غضب الدنيا مالك يطالع بمحمد" اليوم عيد ميلادك انت وسعد وحتى ما تزعل شهد جبنا لها هديه وكتبنا اسمها على الكيكه بعد يا لله عموا أنا ماشي مع السلامة راح مالك وأم مسعود تطالعه ومو مستوعبه اللي صار وش الحل الحين ؟؟ وش بتقول للجماعة وخصوصا لو فهموا الموقف مثل ما فهمته هي ؟؟؟؟ \\ // في بيت بو نواف دخل نواف عليهم وهم جالسين وعيونه على وحده بس من بينهم نواف بابتسامه" السلام عليكم الكل" وعليكم السلام أم عبد الرحمن " هلا والله بوليدي .... تفضل اجلس نواف " لا والله جدتي أنا تعبان وبروح الفندق يا لله نوف نوف بتقوم تمسكها أم عبد الرحمن " لا بالله تعشوا معنا الليلة نواف يطالع بنوف ويبتسم ابتسامه قاصد من وراها شي" لا والله جدتي بروح أنام ما نمت البارح زين أم عبد الرحمن " ههههه في هذي الحالة مقدر أقول لك لا نوف انقلب وجهها وقامت تسلم عليهم نواف " حبيبتي أنا بالسيارة نوف ودها تذبحه " إن شاء الله نوف سلمت عليهم كلهم لكن أم عبد الرحمن ما تركتها وخذتها بعيد شوي أم عبد الرحمن " شكل نواف مبسوط كثير... يمه ألزم ما عليك زوجك وبيتك لا ترفضين له طلب لو شو ما صار ...زين يمه؟؟ نوف صار وجهها احمر وتقول بخاطرها مو أعظم منه إلا أنتي" من عيوني يا جدتي أم عبد الرحمن " هههه أموت في الخجلانين يا لله في أمان الله يا بنيتي نوف" مع السلامة طلعت نوف من عندها وهي واقفة تدعي لهم إن الله يهديهم ويوفقهم ويعيشها حتى تشوف عيالهم ونوف طالعه وتعدل شيلتها تدخل عليها صيته نوف" توك تجين يوم شفتيني طالعه ؟؟ صيته بدون نفس " أشوفك بكره نوف استغربت حالها مسكتها من يدها " في شي صيته ؟؟ صيته"لا ما في شي نوف باستغراب" ليه أنا ما أعرفك؟؟ ما نطق للحين ؟؟ صيته" لا والله هو شكله وده يقول لي أشياء كثيرة أنا حسيت فيه بس يمكن لأن أخته معنا ما قدر يتكلم نوف" تستاهلين ما خذتها معكم .. صيته " يا لله اللي صار ...المهم تعالي بكره أبغي أجلس معك طيب؟؟ نوف" أشوف اليوم صايره حلوه الكل يبغي يتكلم معي صيته" ههههه يا لله باي نوف" باي \\ // في الشرقية وفي بيت بو طلال شيماء لبست فستان ناعم وحطت ماكياج خفيف ونزلت تحت لقت عمتها توها داخله مع البنات شيماء بكل حيويه سلمت عليهم وأم مسعود جالسه مو على بعضها أم طلال" والله خجلتونا يا أم مسعود وش له كل هذي الأغراض إحنا أهل وما بينا كل هذا أم مسعود مو قادرة تتكلم لأنها لو فتحت فمها راح تنفجر بالبكي شيخه" والله مالك صاحب ذوق مو توكم تعرفونه محمد يجي بسرعة" يا لله ماما عمو قال انه عيد ميلادنا اليوم وجايب لنا كيكه كبــــــــــيره وهدايا بعد أم مسعود مرتبكة" كل عام وهم بخير يا شيخه مالك ما بغى يكسر بخاطرهم وما يحتفل بعيد ميلادهم وكل هذا على شانهم بعد هو ما عنده أغلى منهم شيماء وقتها ؟؟؟؟؟؟؟؟؟؟؟؟؟؟ | | |
| رواية كبرياء رجل وشذوذ إمرأه |
الذين يشاهدون محتوى الموضوع الآن : 1 ( الأعضاء 0 والزوار 1) | | | 
الأعضاء الذين قاموا بتقييم هذا الموضوع : 0
| لم يقوم أحد بتقييم هذا الموضوع | 
تعليمات المشاركة
| لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
كود HTML معطلة
| | |   الساعة الآن 08:39 AM
| | | | | | | | | | | 
العرض العادي
