رواية واكتشفت اني لقيطه كامله

10 - 3 - 2014, 06:50 PM

|$[ البآرت الثامن الجزء الثالث ]$|

قعدوا فتره ساكتين وكل واحد يطالع في الثاني ولبنى مازالت تكلم ابوها ومو داريه وش صار ..
تنهد ناصر وقال: مين معاه موبايل ..؟!
لين: اكيد معانا بس المشكله البطاريه مخلصه ..
وسن: انتظروا الدكتوره واكيد بتيي ..
ناصر بصراخ: مارااااح تيي يالخبله ..
وسن بخوف: ليه تصارخ علي ..؟!
ناصر بعصبيه: لأنج تستحقين يالبزره .. عقلج الصغير هذا غبي وما يفهم شي ..
سكتت وسن وما ردت لأنها تخاف اذا احد صارخ عليها وفي بعض الاحيان تبكي ..
اسيل بعصبيه: انت هيه هيه .. شهالوقاحه هذه تصارخ على رفيجتي ..؟! اذا انت مو متعلم الادب فروحلك مدرسه تعلمك فاهم ..؟!
ناصر: كلي تبن .. انا متربي اكثر منج انتي اللي الله اعلم منو هم اهلج ..
كلهم لفوا يطالعون في ناصر بدهشه واستغراب ..
اسيل بصدمه: انت .. انت شلون تتجرأ تتكلم عن اهلي جذي .. وشلون تقول حجي زي جذي ..
وكملت بعصبيه: اهلي هم اهلي وهم احسن من امثالك ..
ناصر بإبتسامه: غريبه .. بس اتذكر اول يات الكلاس بنت كل ملابسها اسود وسألت عنج وقالت وين اسيل .. فقلت انا تقصدين اسيل الرملي .. فعصبت وقالت لا هي مو بنت الرملي ومستحيل تكون بنت الرملي .. شمعنى كلامها يا آنسه اسيل .. ممكن توضحين لنا ..؟!
طالعت اسيل فيه مصدومه وقالت بصوت خافت: بنت .. بنت لابسه اسود ..
فتذكرت وصايف وتذكرت كل اللي صار لمن راحوا المستشفى ..
وتذكرت كلمة وصايف المعتاده "يا بنت سميه" ..
هزت راسها بلا وقالت بهمس: جذابه ..
ناصر: ايه صح نسيت شي .. اتوقع انها قالت انج بنت وحده اسمها سميه .. امممم بس انا اتوقع ان امج اسمها افنان مدري حنان او يمكن حليمه ..
سكت شوي بعدين قال: آآآه تذكرت .. اسمها احلام ..
طالعت فيه بصدمه وحيره ..
هذه هي المره الثالثه اللي يقولون ان اسم امها هو سميه ..
عقلها مو قادر يستوعب هذولا الناس وكلامهم ..
جلست عالكرسي وخلخلت اصابعها بشعرها وطالعت في الارض ..
هي تبغى تفسير للاشياء الغريبه اللي تسمعها ..
لازم ولازم اليوم تسأل ابوها وتستفسر منه عن كل شي صار لها وكل شي سمعته ..
هي تبغى تفهم ليش الناس يحاولون يقنعونها انها من عائله ثانيه ..
هزت راسها بسرعه من ذا التفكير بعدين قامت وطالعت في ناصر بعصبيه ..
اسيل بتهديد: اسمع .. لم لسانك قبل لألمه انا لك ..
ناصر: يمممه انا ارتعش من الخوف .. اقول انتي اللي سمعيني .. قبل لا تهددين في خلق الله روحي شوفي نفسج واصلج وشوفي من تكونين بالضبط ..
فتحت عيونها من الصدمه والعصبيه ..
راحت عنده وصفقته كف وهي تقول: جــــــــــــــب .. لا تييب سيرة اصلي على لسانك القذر ..
طالع ناصر فيها بصدمه يستوعب الكف اللي اخذه ..
ناصر بعصبيه: حكمتي على نفسج ..
واعطاها بقس قوي طيحها عالارض ..
لين بخوف: اسيـــــــــــــــــــل ..
جت اسيل بتقوم بس ناصر جاء وشدها من شعرها واعطاها بقس ثاني بخدها وبدأ يضارب وهي تدافع ..
لبنى توها خلصت من المكالمه وانصدمت من اللي تشوفه ووسن من الخوف شوي وتبكي ..
قامت لين بعصبيه وشدت ناصر ببلوزته وبعدته عن اسيل ..
لين بصراخ: انت انسان وقح .. شلون تتجرأ تمد ايدك على بنت ..
ناصر بعصبيه: لييييين ابعدي عن طريجي قبل لاطلع كل حرتي فيج ..
لين: ماني مبعده واعلى ما بخيلك اركبه ..
جاسم: خلاص يا ناصر اهدأ ..
ناصر بعصبيه: ماراح اهدأ إلا اذا ثورت بأسيل ذي .. انـــــــــــا ناصر انضرب كف من بنت ..
لين: الغلط كله منك فتستاهل ..
ناصر بصراخ: ليييينوه احسن لج تنطمين وتبعدين ..
لين: لا ..
عصب وجاء ناحيتها ومسكها من بلوزتها وبعدها عن طريقه وجاء عند اسيل اللي توها وقفت وظهرها وكتفها يآلمها مره ..
لمن شافته اسيل جاي يضربها رفعت رجلها ودفته من بطنه بقوه فطاح عالارض ..
اسيل بصراخ: كــــــــــــــافي .. ان قربت مره ثانيه راح اراويك منو اسيل وراح اصفقك مره واثنين وعشر لين تلم لسانك .. خلك بحالك ولا تتدخل فيني وفي اهلي .. فاهــــــــــــــم ..؟!
قام ناصر وهو يغلي نار بس جاسم مسكه وقال: خلاص يا ناصر عن الهبل هذا .. اترك البنت بحالها .. مو من الرجوله انك تطق بنت .. خلك عاقل ..
ناصر بقهر: ابعد عني يا جاسم قبل لا تندم ..
جاسم: ماراح اندم .. بس انت اضبط اعصابك عشان لا تندم .. خذها على قد عقلها وسافهها ..
ناصر بعصبيه: والله لأرد لها هالكف وهالرفسه وما اكون انا ناصر ولد ابو ناصر .. ابعد عنننننني وهدني ..
جاسم: لا ..
طالع ناصر في اسيل بعيون ناريه وقال: هييين يا اسيلوه .. موتج على ايدي وصدقيني ..
ما قالت اسيل شي لأن تفكيرها كله فيها وفي اهلها ..
ترك جاسم ناصر بعد ما هدأ ..
فمشي ناصر وجلس على كرسي وهو يتوعد بداخله ..
جلست اسيل عالكرسي ولين قاعده تهدي من وسن اللي على وشك البكاء ..
اما امل فحكت للبنى كل شي ..
لبنى: تقصدي ان الباب ما بيفتح ..؟!
امل: لا ..
سكتت لبنى بقلق وهي تفكر .. قبل شوي بالصعوبه اقنعت ابوها ان الدكتوره قالتلهم اقعدوا ..
اللحين لو قالتله ان الباب تسكر ما راح يصدقها وراح يتهمها بالكذب وبعدين يضربها ..
تنهدت بمراره وهي تفكر بحل ..
جاسم: بنعيد السؤال مره ثانيه .. منو معاه موبايل صاحي وفيه رصيد ..؟!
امل: انا ..
لفوا كلهم عليها فقالت: لا تفرحوا لأنه بالسياره ..
جاسم: غبيه .. وانتي يا وسن ما معاج موبايلج ..؟!
وسن: ليش وش تبغوا من الموبايل ..؟!
جاسم: غبيه رقم اثنين .. انا ابغاه عشان اتصل بأخوي عشان يي ويطلعنا من هني ..
وسن: آها ..
جاسم: ها معاج موبايل ولا لا ..؟!
وسن: ايوه معاي بس الصباح غيرت الرمز ونسيت وش هو ..
جاسم بصراخ: وليييييــــــــــــــه ..؟!
ارتعبت وقالت: آسفه ..
جاسم: بسرعه حاولي تفتحينه ..
وسن: بس انا نسيته مرآ ..
جاسم: قلت حاولي ..
وسن: تيب ..
جاسم: لبنى موبايلج فيه رصيد ولا لا ..؟!
سكتت شوي بعدين قالت: لا ..
جاسم بقهر: اووووف ..
وجلس عالكرسي وقال: حاولي يا وسن بسرعه ..
طالعت لبنى في جوالها بتفكير .. هي عندها رصيد بس المشكله في زوجة ابوها اللي كل يوم تفتش السجلات وتشوف الارقام ..
تخاف انها تشوف رقم غريب وتبدأ تخاصمها وتنادي ابوها وتكبر السالفه وفي النهايه بيتهمونها بشرفها ..
زوجة ابوها من ذي النوعيه وعشان كذا هي خايفه ..
قام جاسم وقال: ها لقيتي الرمز ..؟!
وسن: قاعده احاول ..
جاسم: ها ها ها عبالي انج واقفه .. اقول بلا استهبال وخلصي بسرعه ..
وسن: انت اللي تستهبل مو انا ..
جاسم: حــــــــــــــاولي وانتي ساكتـــــــــه ..
لين: شفيك تصارخ .. ما تشوف البنت تحاول ..؟!
طنشها جاسم لأنه ما يبغى يدخل في مهاوشه ..
طالعت لبنى فيهم وتذكرت بدر ..
لبنى في نفسها: "لو كلمت بدر راح يساعدنا ولا لا ..؟!" ..
سكتت شوي وقالت في نفسها: "مدري .. اول كانت علاقتنا كتير سطحيه بس احس هذي الايام انو يعاملني احسن من اول .. بأتصل واجرب" ..
طلعت جوالها بتتصل بس وقفت وقالت لنفسها: "بس انا قلت انو ما معاي رصيد .. اذا اتصلت فبيعرفوا اني كذابه .. اوووف" ..
ابتسمت لأنها تذكرت حركه قد شافتها ..
فتحت جوالها ودخلت عالنغمات وشغلت وحده منها ..
رن جوالها بهذيك النغمه ..
كلهم لفوا يطالعون فيها ..
جاسم: منو ..؟!
لبنى: خيي ..
جاسم: حلو .. قوليله يي يشوف حل ..
لبنى: طيب ..
قامت وراحت على جنب واتصلت ..
وسن: يعني اوقف من المحاولات ..؟!
جاسم: لا ..
وسن: اوووف تعبت ..
طالع ناصر فيها وتكلم لأول مره بعد ما تهاوش مع اسيل وقال: قولي لرفيجتج ذي اللي تدافع عنج انها تساعدج ..
طالعت اسيل فيه ولاحظت نظرات الحقد في عيونه فطنشت وما تكلمت لأن تفكيرها كله في "سميه" ..
اما عن لبنى فأتصلت للمره الثالثه وهي خايفه انه ما يرد .. اذا ما رد فبيبان انها كذابه ..
ارتاحت لمن سمعته يرد يقول: الو ..
لبنى: هلا .. كيفك ..؟!
بدر: تمام .. غريبه متصله ..
لبنى: بدر بدياك تساعدني ..
بدر بإستغراب: ماني فاهم ..
لبنى: بصراحه اسمع .. <<حكت السالفه بإختصار<< ..
بدر: اوكي دقايق وايي .. باي ..
ابتسمت وقالت: انتضرك ..
قفلت ولفت فقال جاسم: ها شقال ..؟!
لبنى: دقايق وبيكون هون ..
جاسم بإرتياح: واخيرااا ..
وسن: طيب اللحين اوقف ..؟!
طالعوا فيها فقال جاسم: هههه ايه ..
ابتسمت ووحطت الجوال في شنطتها ..
لفت امل على لبنى وقالت: مين اللي بيي ..؟!
لبنى: بدر ..
امل بإستنكار: بدر ..!!!!
لبنى: ايوه بدر .. ليه مستغربه ..؟!
امل: بس ما قلتي ان علاقتكم شوي سيئه ..
لبنى: ههههه عادي ..
امل بإستغراب: عادي عادي .. بكيفج ..
جاسم: اقول لبنى ..
لبنى: نعم ..
جاسم: هو متى بيي ..؟!
لبنى: مدري .. بس هو قال دقايق ..
طالع جاسم في ساعته وقال: باجي عشر دقايق وتيي الساعه اربع ..
لين: ذي الدكتوره يبغالها تصفيق .. اللحين اكيد اهلي قلقانين ويتصلون علي ..
امل: ههههه الحال من بعضها يا لين ..
وسن: ابغى اهلي يقلقون علي ويتصلون زيكم ..
جاسم: لمن توصلين للبيت قولي لباباكي اتصل علي دايما اوكي يا ماما ..
وسن: اعرف انك تستهزئ بس مع نفسك .. انا ما ارد عالناس الغبيين ..
جاسم: ههههههههههههههههه اعجبتني غبيين هذي هههههههههه ..
لين بإستهزاء: ها ها ها مره تضحك السالفه ..
طالع ناصر فيها وقال: كلي تبن .. جاسم كلم وسن ما كلمج .. انتي ورفيجتج اسيــــــــــــــل عندكم لقافه مو طبيعيه ..
لين وهي تضغط على اسنانها: ما ياكل تبن غيرك انت يا الغبي ..
طالعت اسيل فيه وقالت: اذا كنت مقهور فطلع قهرك برى مو برفيجتي ..
ناصر بعصبيه: كلــــــــي تبــــــــن ..
اسيل: اتوقع ان هذا الشي هو قدرك مو قدري عشان آكله ..
طرطع ناصر من العصبيه وقام معصب وقال: انتــــــــــي بصراحه اوطـــــــــى انسانه اشوفها بحياتي .. شكل اهلج ماربوج على الاحترام هذا اذا كانوا اهلج من يد ..
انشدت اعصاب اسيل وقالت بعصبيه: جــــــــــــــب .. جم مره اقولك لا تييب سيرة اهلي على لسانك القذر ..؟! اذا عندك كلام فارغ فقوله لغيري مو لي ..
وسن بخوف: خلاص يا اسيل اهدأي ..
ناصر: كلام فارغ ..؟! هههههه يصير خير ..
دق جوال لبنى في هذا الوقت فردت وقالت: هلا بدر ..
بدر: لبنى انتم في اي كلاس ..؟!
لبنى: في المبنى **** وكلاس *** ..
بدر: اها .. طيب شوي وايي ..
وقفل فقال جاسم: وصل ..؟!
لبنى: ايوه ..
جاسم: واخيرا انفرجت ..
طالعت اسيل في ناصر فتره طويله بعدين بعدت نظرها بضيقه ..
قعد الجو هادي فتره .. شوي سمعوا دق عالباب فلفوا كلهم ..
جاسم: هذا انت يا بدر ..؟!
بدر: ابعدوا ابعدوا عن الباب ..
فبعد جاسم وناصر لأنهم كانوا عنده ..
شوي سمعوا حاجه قويه تنضرب بالباب ..
وسن: شكله بيكسر الباب ..
طــــــــــــــــــــــــــــآااآآاخ ..
انكسر الباب ودخل بدر ومعاه الحارس ..
لين: وااااااااه اخيرا ..
بدر: ههههههههه مساجين كنتم محبوسين هههههه ..
الحارس: ما اصدق ان كان فعلا فيه طلاب بالجامعه ..
جاسم: المهم اللحين اننا خرجنا وبس ..
لف على وسن وقال: يا حبيبة البابا قولي لباباكي يصلح بيبان جامعته اوكي ..؟!
وسن: تطنز براحتك لأني ما برد على الغبيين امثالك ..
بدر: هههههههههههه غبيين ههههههه ..
وسن: اضحك انت بعد .. اوووف ..
وخرجت ولحقتها لين ..
لبنى: ياللا يا امل ..
امل: طيب ..
اخذت اسيل شنطتها وهي خارجه مرت من قدام ناصر فقال: على وين رايحه ..؟!
وقفت شوي بعدين طالعت فيه وقالت: لجهنم الزرقاء ..
التفتوا كلهم يطالعون فيها ..
عقد بدر حواجبه وهو يطالع فيها ..
ناصر: ياليت تروحين لجهنم .. سمعيني عدل .. انا بعطيج فرصه اللحين انج تعتذري واذا ما اعتذرتي طبعا حتندمي ..
اسيل: لو تنطبق السما عالارض ما راح اعتذر ..
ناصر: آخر كلام ..؟!
اسيل: اكيد ..
دق اصبعه بكتفها وقال: عيل تحملي اللي بييج ..
وخرج هو وجاسم ..
مشيت اسيل وبدر ما زال يطالع فيها وهو يحاول يتذكر ..
فتذكر وقال: آآآه تذكرتج ..
لفوا كلهم يطالعون فيه .. حتى ناصر وجاسم لأنهم ما امداهم يبعدون ..
اشر بدر على اسيل وقال: انتي سجى الراهي صح ..؟!
اندهشت اسيل منه وقالت: شنو ..؟!
استغربوا كلهم من بدر فقال: انتي البنت الوحيده للراهي صح ..؟! عرفتج من لون عيونج لأنها تشبه عيون ابوج ..
ابتسم ناصر ولف يطالع في ردت فعل اسيل اللي كانت مصدومه مدهوشه مستغربه من كلامه ..
اسيل: لا .. لا انت غلطان ..
بدر: ها ..
حك راسه وقال: بس انتي تشبهين امج كثير و .....
لفت وخرجت وتركته من غير لا تقول شي ..
جت لبنى عند بدر وقالت: بدر ايش كنت تقصد ..؟!
بدر: بس شبهت عليها لأنها تشبه ابوها ..
لبنى: ليه انت تعرف ابوها ..؟!
بدر: اكيييد ..
امل: بس تراك غلطان لأن لقبها الرملي مو الراهي ..
بدر بغموض: الرملي ..؟! ايه هين ..
لبنى: المفروض ما تعمل هيك .. حطيتها في موقف محرج ..
بدر بلا مبالاه: عيل اعتذري لها بالنيابه عني ..
خرج الكل واتجهوا لبيوتهم ..
وقفت لين السياره قدام بيت اسيل ..
اسيل: ياللا بااي ..
لين: بااي .. ولا تنسين الساعه سته نتجمع في التزلج ..
اسيل: ما اظن .. مالي نفس ..
لين: وشو اللي مالج نفس ..؟! حتيين غصب عنج .. وانا اللي بأيي واخذج ..
وحركت السياره وراحت قبل لا ترد اسيل ..
تنهدت ودخلت .. مرت على اخوها وسلمت عليه وبعدين دخلت غرفتها وغرقت في بحر افكارها ..

================================================== ==================

العصر وفي شقة طارق وانس ..
كان انس جالس ياكل فشار ويطالع في مسلسل تركي ..
انفتح الباب ودخل طارق وباين عليه الارهاق ..
لف انس عليه وقال: ها .. بشر ..
رمى نفسه عالكنبه بتعب وقال: نقل لمدرسه ثانيه ..
انس: طيب وين المدرسه الثانيه ..؟!
طارق: يقولون راجعنا يوم السبت عشان نقولك فين ..
انس: يعني روحتك ما كان لها فايده ..
طارق: إلا .. عرفت ان له اخ اسمه وسيم يدرس ثاني ابتدائي ..
انس: حلو ..
طارق: نفسي اعرف ليش نقلوا من المدرسه ..؟!
انس: يمكن عندهم ضروف ..
طارق: آآآه والله تعبت ..
انس: خلاص روح ارتاح .. من الصباح ما ارتحت .. رحت الجامعه وبعدها رحت تشوف امور اولاد عمك .. الله يهداك جان خليتني اروح معاك ..
طارق: ايه عشان تتعب انت بعد .. واحد يتعب احسن من اثنين عشان الثاني يخدم الاول ..
انس: هذا هو تفكيرك ها ..؟!
طارق: ههههههههه ..
لف انس يكمل متابعة المسلسل ..
طارق: انت ما تشبع ..؟!
انس: ايش ..؟!
طارق: ياخي ارحم نفسك توك متغدي فليش تاكل فشار ..؟!
انس: لي ثلاث ساعات من يوم ما تغديت .. وكمان انا وزني تمام والاكل ما راح يأثر عالوزن ..
دق جوال طارق فرد وقال: الو ..
المتصل: الو .. طارق ..؟!
طارق: ايوه انا طارق .. اي خدمه ..؟!
المتصل: انا الموضف اللي اعطيته الرقم اول .. حبيت اقول ان رئيس العماره مويود ..
قام طارق وقال: بجد ..؟!
الموضف: ايوه ..
طارق: اوكي مشكور .. باي ..
الموضف: مع السلامه ..
قفل طارق فقال انس: ايش فيه ..؟!
طارق: سالم ياء .. انا نازل ..
انس: انتضر انتضر بنزل معاك ..
خرج طارق وخرج انس وراه وركبوا المصعد ..
انس: ما تقدر تأجل الموضوع شوي .. انت تعبان اكـيد ..
طارق: خلاص راح التعب .. انا لازم اوقف سالموه عند حده وخاصتا بعد ما يات ميار امس عشان ادرسها .. سمعت شنو قالت ..
انس: ايه صح .. كانت تشتكي من سالم وتقول ان امها ما تقدر على المصاريف .. بس صدقني يا طارق ان اللي نصلحه غلط .. هذه عمارته وهو حر فيها وما لنا حق اننا نمنعه ..
انفتح باب المصعد فخرج طارق وهو يقول: بس لازم يعرف الغلط اللي قاعد يسويه ..
مشيوا شوي فشافوه واقف بالبشت الاسود وبنضراته الحاده يكلم المسؤول حق الفندق ..
انس: هذا هو ..؟!
طارق: اكيد هو ..
لف سالم عليهم وقال: لا يكون هذا هو طارق اللي تتكلم عنه ..؟!
طالع طارق فيه بتفاجئ .. يحس انه قد شافه قبل كذا او انه شاف واحد يشبهه ..
المسؤول: ايوه هذا هو ..
سالم: نعم يا استاذ طارق .. ممكن اعرف ليش كل هالصجه اللي انت مسويها ..؟!
طنش طارق حكاية الشبه وقال: انا اللي ابغى اعرف ليش كل هذه الاوامر البايخه والتافهه ..؟!
سالم: وش اللي مو عاجبك في اوامري ..؟!
طارق: اولا حكاية الايجار .. ليه رفعت الثمن للضعف ..؟!
سالم: هذه عمارتي وانا بكيفي .. عندك مانع ..؟!
طارق بعصبيه: لا مو بكيفك ..
رفع سالم حاجبه بإستهزاء وقال: عيل بكيف منو ..؟!
هدأ طارق من نفسه وقال: اقصد اللي تسويه مو صح ..
سالم: ليه وشهو الصح ..؟!
طالع طارق فيه وقال: انت انسان غني جدا فليش تزيد السعر .. انت مو محتاج الفلوس ..
سالم: تجارتي وانا حر فيها ..
طارق: بس فيه ناس هنا حالتهم الماديه سيئه يعني فكر فيهم ..
سالم: ليش حالتك الماديه سيئه ..؟!
طارق: انا ما اقصد نفسي .. اقصد بعض سكان العماره ..
سالم: وانت شدخلك فيهم ..؟!
سكت طارق وهو يكتم عصبيته .. الشخص اللي قدامه قاعد يتكلم بإستهتار وماخذ السالفه إستهزاء ..
انس: يا استاذ سالم .. احنا يينا نتكلم بجد مو نلعب .. هذه عمارتك وانت حر فيها بس لازم تراعي ضروف السكان .. في ناس ما يقدرون يدفعون كثير ..
سالم: طيب ينقلون لعماره ارخص من عمارتي ..
طارق بعصبيه: ياخي انت تبي الناس تدعي لك ولا تدعي عليك ..؟! لا تكون طماع واناني جذي .. عندك فلوس واملاك لا تعد ولا تحصى .. ما راح تخسر شي لو قعد الايجار نفسه بالعكس راح تكسب دعاء الناس والحسنات .. اترك الطمع والجشع ياخي ..
سالم: ما كنت ادري ان البزران عندهم لسان فصيح .. اسمع انت وياه .. احترموا نفسكم وتقلعوا عن ويهي قبل لا اطردكم من عمارتي اللي انتم ساكنين فيها ..
طارق: الله واكبر ياذي العماره اللي بتذلنا فيها ..
انس: خلاص يا طارق ..
طارق: لا مو خلاص .. وانت يا استاذ سالم .. يا أنك ترجع السعر زي ما كان او ......
ابتسم سالم وقال: او ايش ..؟! وش راح تسوي لو ما رجعت السعر ..؟!
عصب طارق بس ضبط نفسه وقال: طيب والمسافرين ليش يدفعون ثمن الايجار كامل .. مو انت تقول ان المسافر راح يوقف الايجار لين يرجع ..؟!
سالم: ايوه قلت واللحين تراجعت .. عندك مانع ..؟!
طارق بعصبيه: طبعا عندي مانع .. احنا مو لعبه عشان كل شوي تقعد تودينا وتييبنا بأوامرك يا استاذ ..
سالم ببرود: اذا كان عندك مانع فروح للمخفر وبلغ عني .. سلام ..
وخرج برى العماره ..
طارق بقهر: الجـلـــب ..
انس: شايف كيف ان الغلط منك .. هذه عمارته يا طارق وهو حر فيها .. احنا مالنا حق نعترض ..
طارق: بس اللي يسويه غلط ..
انس: اعرف انه غلط بس هو حر بأملاكه ..
........: هااااااي ..
لفوا ورى فشافوا ميار توها راجعه من السوبرماركت مع امها ..
طارق بإبتسامه: اهلين ..
الام: كيف حالكم ..؟!
انس: الحمد لله بخير يا خاله ..
ميار: ياللا ياوبوني وقولولي منو هذا اللي حر بأملاكه ..؟!
انس: هههههه سمعتينا ..؟!
ميار: اكيييد سمعتكم .. ياللا ياوبوا .. منهو ..؟!
الام: ميار تركي اللقافه ..
طارق: لا عادي يا خاله .. احنا كنا نتكلم عن سالم صاحب العماره ..
ميار بقهر: اكرهه ..
طالع طارق فيها وقال في نفسه: "اكيد بتكرهونه دامه طلب ايجار اكثر من طاقتكم .. انا لازم اشوف لي صرفه مع هذا السالم اللي احس نفسي قد شفته قبل جذي" ..
ميار: طــــــــــــــارق ..
انتبه لها وقال: هلا ..
ميار: وين سرحت ..؟!
الام: ميار مو انا قلت تركي اللقافه ..
طارق: يا خاله مو انا قلت عادي .. يعني خلوها على راحتها .. ميار مثل اختي الصغيره ..
نزلت راسها بحزن من كلمة اختي بس بعدين رفعته بمرح وهي تقول: طارق بقولك لغز واتحداك تحله .. وحده من البنات سألتني وما قدرت ..
انس: ههههه هذا يعود الى غبائج المستعصي ..
ميار: غباء ..؟! عيل نشوف اذا كنت تقدر تحله ولا لا ..
طارق: ما عليج منه .. قوليلي وشهو اللغز ..
الام: شكلج مطوله .. انا بطلع البيت واذا خلصتي تعالي ..
ميار: حاضر ..
طلعت الام فقالت ميار: ايش هو الشي اللي يسمع وما عنده اذن ويتكلم وما عنده فم ..؟!
طالعوا فيها فقال انس: القمر ..
طارق: لا غلط .. القمر لا يتكلم ولا يسمع ..
ميار: هههههههههههه وش اللي خلاك تقول القمر ..؟!
انس: مدري .. معظم الاسئله تكون اجوبتها القمر او الساعه ..
طارق: لحضه لحضه كأني عرفتها ..
ميار: ايش ..؟!
طارق: التلفون .. يرسل لنا الصوت بدون فم ويسمع صوتنا بدون اذن ..
ميار بحماس: واااااو والله انك زي كونان .. عرفت بسرعه ..
ابتسم طارق وقال: بس اللي اعرفه ان كونان بزر ..
ميار بإبتسامه: ولا تزعل .. انت توغو .. بااااي تأخرت على ماما ..
وراحت جهة المصعد ..
انس: ههههههههههههههههه ..
طارق بإستغراب: شفيك تضحك ..؟!
انس: ههههههه تخيلت شكلك مثل توغو .. ههههههه نكته ..
طارق: ومين توغو هذا ..؟!
انفجر انس ضحك وقال: هههههه تعرف كونان وما تعرف منهو توغو .. هههههه هذا عم كونان .. واحد قمه في الغباء ..
طارق: شنــــــــو ..؟!
لف ورى فشاف ان ميار قد راحت ..
طارق: انا اراويها ميار هذه ..
انس: ههههه امش امش نطلع ..
فركبوا المصعد وطلعوا لشقتهم ..
طارق: اقول انس ..
انس: نعم ..
طارق: ما تحس ان سالم يشبه احد ..؟!
انس: إلا .. ويشبه بنت بعد ..
طارق: مين هي ..؟!
انس: مدري بس اتذكر اني شفت بنت عيونها وانفها مثل عيونه وانفه .. فأكيد انها بنته ..
طارق: حتى انا قد شفت بس نسيت فين ..
انس: هههههههه طارق اخاف ان الشيخوخه يتنا مبجر ههههه ..
طارق: ههههههه غبي ..
بعدين دخل غرفته ونام عالسرير من شدة تعبه ..
اما انس فرجع يكمل المسلسل والفشار ..

================================================== ==================

10 - 3 - 2014, 06:51 PM

في احدى مجموعات شركات سعد المحدوده ..
كان الرئيس سعد جالس على كرسيه وقدامه فيصل ..
الرئيس: بالصعوبه قدرت اطلعك من سالفة الاستراحه واتمنى انك تنتبه في المره اليايه ..
فيصل: ان شالله .. ههههه اول مره احس انك مفيد لي ..
الرئيس: هههههههه عشان تعرف معزتك عندي قد ايش ..
فيصل: طيب ممكن سؤال ..
الرئيس: اسأل ..
فيصل: كيف طلعتني ..؟!
الرئيس: بالواسطه .. اعرف واحد هناك من الشرطه وبس ..
فيصل: ههههههه طيب مشكور واستأذن انا اللحين لأني تعبان ..
الرئيس: اذنك معاك ..
فيصل: مع السلامه ..
وخرج من المكتب وركب سيارته وهو يفكر .. "مين اللي بلغ" ..؟!
ابتسم وقال: المهم اني طلعت منها ..
كلها ربع ساعه ووصل بعدها للبيت ..
نزل ودخل فشاف ابوه وامه جالسين في الصاله والام كانت لابسه عبايتها ..
فيصل: السلام عليكم ..
قام الاب وقال: فيصل وين كنت ..؟!
فيصل: رحلة عمل ..
الاب: ليه موبايلك مغلق ..؟!
فيصل: لأنه لازم نغلقه في الرحله ..
الام: خوفتنا عليك ..
فيصل بإبتسامه: لا مو لازم تخافون انا بخير .. يمه ليه لابسه عباتج ..؟!
الام: توي رجعت انا وريما من السوق ..
جلس فيصل وقال: غريبه .. مو من عوايدج تروحين مع ريما السوق ..
الاب: اختك انخطبت وزواجها بعد باجر ..
انصــــــــــــــــــــــــــــدم وقال: ريما ..؟!!!!!!
الاب: ايوه ..
فيصل: شلون وكيف ومتى ..؟!
الاب: لمن كنت برحلتك هذه اللي يت في وقت خطأ .. يوم الاثنين ..
فيصل: يوم الاثنين انخطبت وبعد باجر زواجها .. اكيد تمزحون ..
الاب: لا ما نمزح ..
فيصل بعصبيه: انا ما راح ارضى عالشي هذا .. اختي لازم لها فترة خطوبه وبعدين ملجه والزواج يكون بعد جم شهر مو جذي .. ابوي شصار لعقلك عشان تزوجها بالسرعه هذه ..؟!
الاب: مالك حق تدخل .. ريما راضيه وزوجها راضي والقرار بيدهم ..
فيصل بصدمه: ريما راضيه ..؟؟!! معقوله ريما ترضى بشي زي جذي ..؟؟!!
الاب: انا بنفسي ما كنت راضي بس مادامها تبي جذي فبراحتها ..
فيصل: بس انا ما راح اوافق عالمهزله ذي .. وش بيقولون الناس لو شافوها تتزوج جذي ..؟! اكيد بيقولون انها عملت عمله ويبون يغطون عليها .. ريما اختي وما ارضى عليها هالزواج السريع والغبي ..
الاب بعصبيه: وافقت او ما وافقت فقرارك ما راح يغير شي .. خلاص تحددت القاعه وعزمنا الناس وانتهى كل شي .. والمره الثانيه اذا ييت تكلم ابوك فكلمه بإحترام .. فاهم يا فيصل ..؟!
عض فيصل على شفته من القهر وطلع فوق وراح لغرفة ريما ..
دخل فشافها ترتب الاكياس اللي توها اشترتها ..
فيصل: صحيح اللي سمعته يا ريما ..؟!
انفجعت ريما ولفت تطالع فيه فقالت: فيصل انت ييت ..؟!
فيصل: ياوبي على سؤالي .. صحيح اللي سمعته ..؟!
ريما: ليه وش سمعت ..؟!
فيصل: انج وافقتي تتزوجين زواج سريع في ضرف خمس ايام ..
ريما بإبتسامه: ايوه ..
فيصل بصراخ: ولييييش ..؟! وش اللي حادج تتزوجين جذي ..؟!
سكتت شوي بعدين قالت: الريال ما يعيبه شي وكمان انا طفشت من حياتي الروتينيه وابي اغير ..
فيصل: وعشانج طفشتي تقومين تستعيلين جذي ..؟!
ريما: هههههه بالعكس حلو لأني احس ان قراري تهور ..
فيصل: ريما مو معقول توافقين على جذي ..
ريما: وكمان الريال راح يسافر لايطاليا في شغل وابي اسافر معاه لأني عمري ما سافرت هناك ..
فيصل: طيب انا بسفرك لأيطاليا واسبانيا وكل اللي تبينه اذا كان هذا هو السبب ..
هزت راسها بلا وقالت: انا استخرت وارتحت وزي ما قلتلك ان قراري متهور واعجبني ..
طالع فيها وقال: ريما فكري عدل ..
ريما: خلاص قررت وانتهى الامر ..
فيصل بسرعه: لا ما انتهى .. اذا تبغين تغيرين قرارج فقولي ..
ريما: خلاص انا مرتاحه جذي ..
فيصل: متأكده ..؟!
ريما: ايوه ..
تنهد وخرج من الغرفه فشاف قدامه اسيل خارجه من غرفتها ومتجهزه ..
فيصل: هيه هيه وين رايحه انتي ..؟!
طالعت فيه وقالت: بروح مع رفيجاتي ..
فيصل بصراخ: مافي روحه .. فاهمه ..؟!
اسيل: انا استأدنت من ابوي وهو وافق ..
فيصل: جــــــــــــــب ..
الاب بحده: فيصــــــــــــــل ..
لف فيصل فشافه واقف نص الدرج .. فلف وجهه وراح لغرفته ..
طلع الاب وقال: ها يا اسيل خلصتي ..؟!
اسيل: ايوه واللحين لين تيي ..
الاب: انتبهي على نفسج ..
اسيل: ابوي ..
الاب: نعم ..
اسيل: بسألك سؤال وياوبني بصراحه ..
الاب: اسألي حبيبتي ..
اسيل: تعرف وحده اسمها سميه ..؟!
الاب بإستغراب: سميه ..؟!!!! لا ما اتوقع ..
اسيل: متأكد ..؟!
الاب: ايـ........
سكت فجأه وطالعت اسيل فيه بشك ..
اسيل: ابوي ..
طالع الاب فيها وقال: ما قد سمعت بهالاسم ..
اسيل: ابوي ياوبني بصراحه ..
الاب: صدقيني ان هذه هي الصراحه ..
اسيل: لا انت تجذب علي .. ابوي ابي اعرف منو سميه وابي اعرف شنو علاقتك فيها وبعائلة الراهي كمان ..
طالع فيها بتفاجئ وقال في نفسه: "معقوله وصل لها شي .. لا مستحيل" ..
الاب: انا مب فاهم اي شي من الحجي اللي تقولينه ..
اسيل: لا انت فاهمني وفاهمني عدل .. ابوي انا اللحين بروح ولمن ارجع ابيك تقولي كل شي ولا تخبي عني اي شي ..
لفت ونزل من الدرج وخرجت من البيت ووقفت تنتظر لين وهي سرحانه تفكر ..
سمعت صوت من الفله الكبيره اللي جنبهم ..
لفت فشافت اثنين رجال قاعدين يشيلون شنط ويحطوها في السياره ..
اسيل: هذه سيارة يارنا سلمان .. غريبه يحطون جنطه .. يمكن بيسافر ..
كانت واقفه تنتظر لين وتطالع فيهم بفضول ..
شوي خرج سلمان ووقف يكلم الرجال ..
بعد فتره دخل الرجال وجاء السواق وفتح له الباب ولمن جاء بيركب انتبه لأسيل ..
ابتسم وقال: كيفج يا اسيل ..؟!
كانت اسيل واقفه عند باب الحوش الخارجي وعشان جذي صارت قريبه منه ..
اسيل: تمام .. انت بتسافر صح ..؟!
سلمان: ايوه ..
اسيل: ليش ..؟!
سلمان: عندي شغل في اوروبا .. اخلصه وارجع ان شالله ..
اسيل: متى بترجع ..؟!
سلمان: والله مدري .. يمكن بعد شهرين او ثلاثه ..
اسيل: بتطول كثير ..
سلمان: هههههه هذا شغلي ..
ترددت اسيل بعدين قالت: طيب عادي اسألك سؤال شوي خصوصي ..
سلمان: اسألي عادي ..
اسيل: زوجتك وبنتك كيف ماتوا ..؟!
انقلب وجهه من الصدمه فتلعثم وقال: آ آ كان حادث ..
طالعت اسيل فيه بشك .. واضح انه يكذب بس ما حبت تتدخل اكثر ..
طالع فيها وعرف من نظراتها انها شاكه فيه ..
ابتسم وقال: هذا واحد جذاب .... هذا اللي تقولينه لنفسج ..
اسيل بسرعه: لا لا لا ..
سلمان: انا حأسافر ولمن ارجع بأحكيلج الصج بس عشاني مستعيل الآن وما اقدر اتأخر عالطياره ..
اسيل: لا عادي خذ راحتك ..
سلمان: ياللا مع السلامه ..
اسيل: مع السلامه ..
ركب السياره وانطلق السواق للمطار ..
تنهدت اسيل بعدين قالت: تأخرت لين ..
بعد خمس دقايق وقفت لين سيارتها وفتحت الشباك ..
لين: ها تأخرت ..؟!
اسيل: كثييييير ..
لين: ههههه سوري .. ياللا اركبي .. كل الشله قد وصلوا ..
ركبت وحركوا السياره .. وبعد ثلث ساعه وصلوا واتجهوا للشله ..
سارا: صح النوم ..
لين: سوري بس راحت علي نومه ..
وسن: كيفج يا اسيل ..؟!
اسيل: تمام ..
ندى: هههههههه واخيرا يت اسيل .. ازعجتنا وسن كل شوي تقول متى تيي اسيل ..
اسيل بإستغراب: وليش ..؟!
وسن: لأني ابي اقولج حاجه ..
لين: وانا ما ينفع تقوليلي حاجه ..؟!
وسن: لا .. هذا يخص اسيل وبس ..
اسيل: وايش هي الحاجه ..؟!
وسن: انا لمن رجعت اليوم نمت .. لمن نمت تحلمت فيج ..
اسيل: انا ..؟!!!
وسن: ايوه انتي ..
اسيل بحماس: وشهو الحلم ..؟!
وسن: انج كنتي توج طالعه من فله كبيييره وفخمممه مرآ .. كنتي تمشي رايحه لمجان .. في الطريج مريتي من ينب مستشفى مال الحالات النفسيه .. كان فيه واحد توه طلع منها وقعد يحفر حفره عميقه بعدين راح .. تلخبط الحلم شوي وصارت الحفره كبيييره وما تقدري تشوفي نهايتها .. المهم انتي كنتي تمشي وكنتي تشوفي الحفره ومع هذا مشيتي فوقها وطحتي فيها ..
اسيل بخوف: بسم الله الرحمن الرحيم .. شنو هالحلم ..؟!
لين: هههههههه هذا الحلم اللي كنتي متحمسه له ..
وسن: استنوا .. انا ما خلصت ..
سارا: ليه باجي فيه تكمله ..؟!
وسن: ايوه .. انا كنت في هذاك الوقت ماره فشفتج وانتي طايحه ومحد ساعدج .. رحت جري ويبت واحد خققققه عشان يساعدج ..
اسيل: ها ساعدني ..؟!
لين: البنت متحمسه ..
وسن: مد ايده ومسكج وساعدج مع انج كنتي طايحه في العمق بس ما ادري كيف صار جذي ..
اسيل: الحمد لله .. المهم اني صرت بخير ..
ندى: هههههه شفيج تحمستي مع الحلم ..؟!
سارا: حسستيني انه فعلا صج ..
وسن: اوووووف ..
لين: شفيج ..؟!
وسن: باجي ما خلص الحلم ..
لين: هذا ما صار حلم صار روايه ..
وسن: اصلا ما باجي غير شوي ..
اسيل: كملي ..
وسن: بعد ما ساعدج اعطيتيه كف وقلتي محد طلب منك تساعدني لأني كنت بساعد نفسي بنفسي .. وخلص الحلم ..
لين: افا يا اسيل .. ما توقعت انج ناكره الجميل ..
اسيل: يمممه في الحلم طلعت متوحشه ..
سارا: هههههههههههه ..
ندى: في النهايه اسمه حلم وبس ..
اسيل: ياللا ياللا غيروا الموضوع .. تعالوا نتزلج قبل لا يضيع الوقت عالفاضي ..
ندى: وخلونا نعلم وسن عالتزلج لأنها ما تعرف ..
اسيل: هههههههههه اذا كان مديرنا ما عرف فكيف راح نعرف احنا هههه ..
راحوا لصالة التزلج وجلسوا عالكراسي عشان يلبسوا الجزمات ..
اسيل: ياللا انا خلصت .. بسرعه خلصونا ..
لين: حتى انا خلصت ..
وسن: انا خلصت ..
اسيل: طيب اوقفي ..
وسن: اخاف اطيح ..
جوا اسيل ولين عندها وقالت اسيل: ياللا احنا بنساعدج ..
وقفت وسن وهي سانده ايدها عليها ..
لين: شايفه كيف انه سهل ..
وسن: لا مو سهل .. لأنكم اذا فكيتوني راح اطيح زي دايما .. بابي كان يحاول يخليني اوقف عليها بس ما قدرت ..
اسيل: لا ان شالله تقدرين ..
قامت ندى وسارا وقالت ندى: انتي لا تقولين ما اقدر .. بجذي انتي تحطمين نفسج ..
سارا: يتكم المحلله النفسانيه ..
لين: هههههههههههه ..
اسيل: بنات انا اشم ريحه غريبه ..
لين: ريحة ايش ..؟! انا ما اشم شي ..
اسيل: إلا .. كأنها ريحة مكنسه ..
استغربوا منها وحاولوا يشمونها ..
اسيل: ههههههه اشتغلت الجلاب البوليسيه ..
ندى: والله ما الجلب غيرج ..
لين: فعلا غبيه واااايد ..
سارا: يعني كنتي تستهبلين ..
اسيل: ههههههه ايه ..
لين: وانا مسجينه صدقت وقاعده احاول اشم .. هبله ..
سارا: قال مكنسه قال ..
ندى: خلاص تركوا الهبل وخلونا ندخل الساحه ..
لين: فعلا مانبي نضيع الوقت عالفاضي ..
اسيل: اوكي ياللا ..
وسن: بنات .. وين ريحة المكنسه مالقيتها ..؟!
الكل: ههههههههههههههههههههههههههههههههه ..
طالعت فيهم وقالت بإستغراب: ليش تضحكوا ..؟!
ندى: ههههه ماكو شي .. ياللا امشوا ..
دخلت ندى وسارا ووراهم لين واسيل ماسكين بوسن ..
وسن بخوف: والله بطيح .. خلاص خلاص مابي العب ..
لين: راح تلعبين غصب عنج ..
وسن وهي شوي وبتبكي: مابي مابي تركوني .. مابي العب ..
طالعت فيها ندى وقالت: طيب ليش ..؟!
هزت راسها بقوه وهي تقول: ما ابي العــب ..
تنهدت ندى بعدين قالت: خلاص شكلها ما تبي .. خلوها على راحتها ..
اسيل ولين: واحد .. اثنين .. ثــــــــلاثــــــــه ..
ودفوا وسن بقوه على قدام ..
وسن: آآآآآآآآآآآآآآآآآآآآآآآآآآآآآآه ..
ندى بصراخ: شسويتم ..؟!
غمضت وسن عيونها وهي تصارخ وفي بالها انها اللحين حتطيح ..
بعدوا كل الناس من قدامها ..
جت سارا قدامها ومسكتها فراحوا باقي الشله عندها ..
اسيل: ههههه شرايج .. حلو صح ..؟!
لفت وسن عليهم وعيونها تدمع وقالت بعصبيه: شريرات وخبلات .. ليش ترموني جذي .. لو طحت راح اتعور .. انتم شريرات وايد ..
سارا: لا تخافين .. انا متفقه معاهم انهم يدفونج وانا امسكج من الجهه الثانيه يعني ماراح تطيحين ..
ندى: حتى انتي يا سارا معاهم ..؟! الحركه اللي سويتوها بايخه .. البنت ما تبي فخلوها على راحتها ..
اسيل: لا .. من الآن وصاعدا .. انا ولين ندفها وانتي وسارا تمسكونها .. راح نلعبها غصب عنها .. ما يصير نلعب وهي تطالع فينا ..
وسن بصراخ: سكتــــي يا شرريرره .. مابي العــــب ..
اسيل بصراخ: مو بكيفج .. راح تلعبي غصب عنج ..
خاف وسن من صراخها وسكتت ..
ابتسمت اسيل وقالت: قدرت اقنعها ..
ندى: والله حرام اللي تسوونه ..
سارا: يا قلبو على حنية ندى ..
اسيل: ياللا نبدأ نلعب ..
طالعت وسن في اسيل نظرة ترجي بس اسيل قابلتها بنظره جامده ..
وسن: امانه .. واللي يسلمكم مابي ..
مسكوها اسيل ولين وقالوا: واحد .. اثنين .. ثــــلاثــــــــه ..
ودفوها وهي صرخت باعلى صوتها: آآآآآآآآآآآآآه وقفــــــــــــونــــــــي مابــــــــــــي ..
مسكتها سارا وجت لين عندها ودفوها كمان على جهة اسيل ..
طالعت ندى فيهم فأضطرت تلعب معاهم ووسن بس تصارخ ..
اشكالهم لفتت انتباه معظم اللي يتزلجون ..
واحد من الاولاد وقف وحط ايده في جيبه يطالع فيهم وهو يبتسم ..
وسن: آآآه خلاص لعبت ابي اوقــــــــــــــــــــف ..
مسكوها سارا واسيل فقالت: الله يخليكم خلاص لعبت كثير وابي ارتاح ..
سارا: تكسر الخاطر .. خلاص يا اسيل خلينا نوقف ..
اسيل: لا ..
ودفوها جهة لين وندى ..
اسيل: سارا ابي اروح الحمام .. تيين معاي ..؟!
سارا: ياللا لأني عطشانه وابي اشرب ..
اسيل: هيا ..
فراحوا وخرجوا من ساحة التزلج ..
لين: وين راحوا هذولا ..؟!
ندى: مدري ..
وسن: واخيرا راحت الشريره الكبيره .. ندى امانه .. انا تعبت وابي ارتــــ...........
سحبتها لين من ايدها وراحت تتزلج وهي ساحبه وسن وراها ..
ندى: ليــــــــن وقفــــــــي .. يالله خايفه يصير لوسن شي من تهور هالبنات ..
وسن: آآآه .. لين هديني .. خايفه اتركيني ..
لين: من عيوني ..
سحبتها من ايدها بقوه ودفتها على قدام وقالت: هههههههه يالله خليج شجاعه ووقفي نفسج بنفسج ..
فتحت وسن عيونها بصدمه وصرخت: آآآآه ابعــــــــــــدوا من طريجــــــــي .. ابعــــــــــــــــــــدوا بأطيــــــــــــح ..
فتح هذاك الولد عيونه بصدمه وهو يشوفها جايه بأقصى سرعه لجهته ..
طلع ايده من جيبه وحاول يبتعد ولكن .. طاح الفاس بالراس ..
طــــــــــــــــــــــــآآخ .. صقعت وسن فيه بقوه وطاحت هي وياه وتشغلبوا ..
وسن بصراحه ما صار لها شي لأن معظم الاصابات جات في الولد ..
الولد: آآآه قومي من فوقي ..
وسن: آسفه ..
قامت بس ما قدرت تحافظ على توازنها وطاحت فوقه مره ثانيه وحافة الزلاجه جت في خده ..
بعد الولد رجلها وهو يقول: آآآه اذا ما تعرفين تتزلجين فليش ييتي ..
بعدت نفسها عنه وهي تقول: آسفه ..
جلس وهو ماسك خده وظهره وكتفه ورجله التوت وتعوره ..
الولد بألم: آه آه كسرتي اعضاء جسمي ..
وقفت وسن وهي تقول: آسفه ما كان قصـ....
ما قدرت تحافظ على التوازن للمره الثانيه ..
الولد بصدمه: لا لا لا تطيحين فوقي .. بلييز لا ..
تزحلقت رجلها وطاحت فوقه بقوه ..
جوا ندى ولين ومسكوا وسن ووقفوها ..
الولد: آخ آخ .. جسمي تكسر بسبتج .. ليش تطيحين ..؟!
وسن: آسفه ..
الولد: وانتي ما عندج غير هالكلمه ..
ندى: والله سوري ما كان قصدنا انه يصير جذي ..
وقف بالصعوبه وهو يقول: لا عادي ماكو مشكله ..
لين: طيب البنت صارخت فليش ما بعدت عن طريجها ..؟!
مسك كتفه بألم وهو يقول: مدري .. ما كنت مستوعب الامر ..
وسن ببراءه: كتفك يوجعك ..؟!
طالع فيها شوي بعدين ابتسم وقال: طبعا يوجعني ..
وسن: والله آسفه .. ما عاد اعيدها ..
طالع فيها مره ثانيه بعدين قال: انتم في الصف جم ..؟!
ندى: اول جامعه ..
الولد: مو مبين عليج ..
وسن: الا في جامعة الـ****** ..
الولد بإبتسامه: نفس الجامعه اللي سجلت فيها ..
وسن بحماس: من جد .. تيب منو انت وصف جم ..؟!
ابتسم: انا بسام في الصف ثالث .. وان شاء الله بابدأ الدرراسه يوم السبت ..
وسن: خساره ..
ندى: متى سجلت عندنا ..؟!
بسام: الاحد ..
ندى: طيب ليش ما بديت تدرس من الاحد ..؟!
بسام: كان عندي شغله .. اليوم حسيت بضيقه وييت هنا استمتع بس ما كنت ادري اني ياي اتكسر ..
وسن: آسفه .. ما كان قصدي ..
ندى: والله آسفين عالازعاج ..
بسام: عادي ماكو مشكله ..
لين: اللحين جسمك يعورك بجد ..؟!
بسام: يعني شوي .. بس كلها يومين ويختفي الالم ..
ندى: طيب احنا نستأذن ..
بسام: ياللا باي وانتبهوا لا تكسرون ولد غيري ههههه ..
ندى: هههه ان شالله ..
لفوا ووسن تطالع فيه وقالت: بسام انا بجد آسفه ..
بسام بإبتسامه: قلتلج خلاص عادي ..
فلفت وراحت مع ندى ولين ..
لف بسام وطلع اصابعه يعد وهو يقول: جم مره قالت آسفه ..؟!
اما عن ندى فقالت: شايفه حركتج الغبيه وش سوت ..
لين: عادي .. الولد ما خاصم ..
ندى بعصبيه: بس حركتج كان بجد بايخه .. لو انا مجانه جان صفقتج ..
وسن: خلاص ذي آخر مرآ اروح فيها لذا المجان .. ما عاد ابي العب بالتزلج ..
لين: هههههههههههههههههههههه ..
جت اسيل وسارا في هالوقت وقالت اسيل: ضحكوني معاكم ..
لين: وسن توبت تيي لهالمجان ..
اسيل: ههههههه من الويل اللي شافته منا ..
سارا: هههههه حزنتني ..
ندى: السبب الرئيسي ان الاستاذه لين دفتها على الناس وطاحت فوقهم ..
اسيل: هههههههههههههههه ..
سارا: هههه خساره فاتتنا ..
وسن: بس الولد ما هزأني .. لو هزأني جان حقدت على لين طول عمري ..
ندى: طلع طيب ومتفهم .. ايه ويقول انه بيدرس في نفس جامعتنا ..
سارا: طيب وينه .. ابي اشوفه ..
ندى: خلاص طلع ..
اسيل: خلاص طنشوا السالفه وخلونا نلعب ..
وسن: مابي العب ..
اسيل: للمره المليون اقولج .. مو بكيفج ..
وفعلا بدأوا اللعب مع انواع من الصراخ والاستهبال والضحك نسيت فيها اسيل سالفة سميه ..
بس دوام الحال من المحال ..

10 - 3 - 2014, 06:52 PM

في صباح يوم الخميس صحيت من النوم الساعه سبعه الصباح ..
لا ما صحيت من النوم .. هي اصلا ما نامت عشان تصحى ..
جالسه وحاضنه المخده ودافنه وجهها فيها وتهز نفسها ..
افكارها متضاربه وآلاف الجمل تتردد في داخلها ..

"سامحيه وروحي عيشي عنده"
"مصير كل انسان الموت"
"فرحي امج .. خليها ترتاح .. غيري من نفسج يا وصايف"
"تبغين تنتقمين منها لأنها بنت سميه ..؟! وش بتستفيدين ..؟!"
"في ناس كثير ماتوا اهلهم ومع هذا فهم عايشين احسن عيشه"
"وش صلحتي لأمج كل هالسنين ..؟!"
"سوري بس انتي واضح انج ما تحبين امج"

بدأت تهز نفسها اكثر والافكار مازالت تتصارع في راسها ..
"حيلاحقج الندم وضميرج راح يتعبج كثير"
"تتوقعين لو انها عايشه بترضى بحالج"
"انتي في نعمه ياوصايف"
"عندج اعتراض على قدر الله ..؟!"
"كل اللي صار بيد الله مو البشر"
"تعوذي من الشيطان لأنه هو اللي يوسوس لج ويخرب حياتج"
"فوضي امرج لله وحتشوفي الراحه من عند ربج"
"شوفي نفسج وش عملتي لآخرتج"

رفعت راسها وطالعت في الفراغ اللي قدامها ..
وصايف بهدوء: على كثر اللي نصحوني محد هزني مثل فارس ..
نزلت دموعها وهي تقول: بس هو مو حاس فيني .. مو حاس بعذابي ..
فتردد في بالها صوت فارس: "انتي قاعده تعذبي نفسج بنفسج" ..
دفنت وجهها بالمخده تبكي ..
تبكي ندم ..
تبكي قهر ..
تبكي على امها ..
تبكي على الايام اللي راحت ..
تبكي على حياتها اللي ضيعتها بالانتقام ..
فارس معاه حق بكل اللي قاله .. هي اكتشفت انها غلطانه ..
اكتشفت ان اللي تسويه غلط ..
الله وحده هو اللي يعاقب المذنب مو البشر ..
قادت نفسها خلف شبح الانتقام ..
ضيعت عمرها في هدف تافه ..
مافي انسان يولد تعيس .. الانسان هو سبب تعاسة نفسه ..
قامت من فوق السرير واخذت لها منديل تمسح دموعها ..
وصايف: خلاص .. سميه ماتت واكيد الله عاقبها عاللي سوته .. مستحيل تموت من غير عقاب .. وبنتها مالها دخل في اللي سوته امها .. خلاص يا وصايف كل شي انتهى ..
طالعت في شكلها بالمرايه وقالت: كل شي انتهى .. انتهت قصة الانتقام اللي كنت اسعى له من ١٣ سنه .. انتهت ذكريات الحادثه اللي ما كانت تفارق خيالي .. انتهت سميه وجريمتها .. كل شي انتهى ..
تنهدت وبعد فتره تذكرت شي .. شي من زمان كانت رافضه تسويه ..
فتحت الدولاب وطالعت فيه فتره ..
كلــه ملابس سودا وجزم سودا وشنط سودا ..
ودها تغير من نفسها .. ودها تغير من هالستايل الاسود ..
اخذت لها أي لبس عالسريع ولبسته ..
اخذت جوالها وخرجت من الغرفه ومن البيت كله ..
ركبت سيارتها واتجهت عالشارع العام ..
بعد حول ثلث ساعه وقفت سيارتها ونزلت ..
وقفت تطالع في البوابه الخضرا الكبيره ..
حست بالعبره تخنقها وهي واقفه قدام بوابة قبر امها ..
ودها تدخل لداخل بس مو قادره لان هالشيء حرام ..
طالعت في البوابه اللي قدامها ..
ابتسمت بحزن وقالت: امي .. هذه هي اول مره ازورج .. وعدج اني ازورج بعد ما انتقم من سميه بس خلاص سميه انتهت ..
جلست قدام البوابه ونزلت دموعها وهي تقول: يمه انا آسفه .. اللحين عرفت ان اللي كنت اسويه غلط .. سامحيني ..
قعدت فتره تبكي على امها وتبكي ندمانه عاللي سوت بحياتها ..
انتقامها كان غلطه .. وحلو انها اكتشفتها قبل لا تندم ..
رفعت راسها وقالت: حأزورج .. هذه ما راح تكون اخر مره .. راح ازورج دايما حتى تطفشين هههه ..
مسحت دموعها وقالت بصوت باكي: يمه ساعديني .. انا تايهه .. مدري وش حأسوي .. ابي اغير حياتي بس مو عارفه كيف .. انتي امي وانا بنتج ولازم تساعديني ..
دق جوالها فطالعت في الرقم وشافت انه عمها ..
هزت راسها بلا وقالت: إلا هو .. مستحيل اعيش عنده .. تخلى عني وانا صغيره ..
ترددت في افكارها كلمات فارس::
" الله غفور رحيم .. هذا عمج يا وصايف .. غلط وعرف غلطته فليش ما تسامحينه ..؟! سامحيه وروحي عيشي عنده .. عند بنات عمج .. اخرجي من القوقعه اللي حابسه نفسج فيها " ..

نزلت راسها وبكت بصمت ..
سحبت جوالها وردت وهي ساكته ..
العم: الو وصايف ..
وصايف: ............................
العم: كيفج يا حبيبتي ..؟!
وصايف: ............................
تنهد العم وقال: وصايف انا اللحين جدام البيت ..
انصدمت وصايف بس ضلت ساكته ..
العم: افتحي الباب عشان اقدر اتفاهم معج ..
وصايف: انا مو بالبيت ..
العم: عيل وينج ..؟!
وصايف: ............................
العم: وصايف انا نــدمــان .. عارفه شنو يعني ندمان ..؟! كل ابن آدم يغلط وانا غلطت .. اذا كان رب العباد يسامح فليش ما تسامحين ..
وصايف: حرام عليك يا عمي .. انت ضيعت حياتي وتقول سامحيني .. شلون اسامح وانت دمرتني .. بسببك انا ضيعت نفسي ..
العم: قلتلج انا نــــدمــــان ..
سكتت وصايف والعم ما زال يتكلم .. يشرح موقفه .. يحاول فيها ..
ووصايف تسمع له .. اقتنعت بكلامه بس مو قادره تسامحه ..
حاول من هنا وهنا وفي النهايه راحت له للبيت ..
ومن بعدها ما مسكت نفسها لمن شافته ..
راحت له وحضنته وكأنها لقيت الامان والملجأ ..
وتقدرون اللحين تتخيلون النهايه السعيده لوحده من ابطال الروايه ..
بس ان كانت هالنهايه سعيده فهذا لا يعني ان الكل حتكون نهايتهم سعيده ..
الدنيا فوز وخساره ..

================================================== ==================

في العصر وفي قصر آرثر ادوارد ..
كان واقف قدام المرايه يضبط نفسه ..
دخلت امه وقالت بإبتسامه: من الظهر وانت تجهز نفسك .. ما خلصت ..؟!
آرثر: لا .. احس شكلي مو تمام ..
مشيت الام وجلست عالسرير وقالت: تمام والله انك حلو بس خلصنا ..
آرثر: يمه متى تولدين ..؟!
الام: ههههههههههه جم مره تسأل هالسؤال ..؟!
آرثر: ما دخلتي التاسع ..؟!
الام: باجي بدري .. بعد يومين ادخل السابع ..
آرثر بضجر: اوووف ابي اشوف الولد ..
الام: حتشوفه .. صدقني يا حبيبي بس انت لا تستعيل ..
جلس آرثر عالكرسي وهو ماسك راسه ويقول: آآه احس بصداع فضيع ..
الام: تستاهل .. منو قالك تسهر امس الليل كله وتواصل لين اللحين ..؟!
آرثر: ما قدرت انام من التفكير فيها ..
الام: طيب خذ لك غفوه قبل لا نروح عشان لا تنام عندهم ..
آرثر: هههههههههه ..
قامت الام وقالت: انا بطلع وانت نام عشان تريح نفسك .. اوكي ..؟!
آرثر: ههههه ان شالله ..
خرجت امه فراح وفتح درجه وطلع دفتره وفتح على صفحه عشان يكتب ..
فتحت امه الباب وقالت: بتنام ها ..؟!
آرثر: ههههه سوري بس بكتب وبعده بنام ..
الام بإستغراب: تكتب ايش ..؟!
آرثر: اي شي يي في بالي اكتبه ..
الام: لا يكون هذا الدفتر الخاص لأسيل ..
آرثر: اكيد ..
الام: طيب اخلص ونام ..
آرثر: طيب ..
خرجت امه وهو بدأ يكتب .. قعد ثلاث ساعات عشان يألف شي يكتبه ..
بعد ما خلص شاف ان الساعه صارت سبع ..
صلى المغرب وجهز نفسه ونزل تحت عند امه ..
الام: ها نمت ..؟!
آرثر: ايوه .. ياللا امشي ..
قامت الام وركبت مع آرثر واتجهوا لبيت اسيل ..
الام: ما راح تروح المستشفى تشوف التحاليل ..؟!
آرثر: بعدين ..
سكت شوي بعدين قال: يمه .. لو طلعت تحاليلي ما تتناسب مع اسيل وش يصير ..؟!
الام: خلاص ربي يعوضك ببنت ثانيه ..
آرثر: مستحيل .. ان ما تطابقت التحاليل فمستحيل اتزوج غيرها ..
تنهدت الام بحزن وسكتت ..
بعد فتره وقف قدام البيت ونزل هو وامه ..
طالعت اسيل من الشباك وانبسطت لمن شافته ..
جلست عالسرير وقالت: ياء .. الحمد لله ..
وقفت قدام المرايه تطالع في شكلها بعدين خرجت وراحت لغرفة ريما ..
اسيل: ريما ..
طالعت ريما فيها وقالت: نعم .. خير ..
اسيل: آرثر ياء .. راح يخطبني ..
ارتبكت ريما بعدين قالت بعدم اكتراث: واذا ياء .. خير يا طير ..
طالعت اسيل فيها وقالت: لا بس بغيت اعطيج خبر ..
حركت ريما ايدها وهي تقول: طيب خلاص عرفت .. طلعي برى لأني مشغوله ..
خرجت اسيل وهي حاسه بالالم من حركة اختها .. حتى كلمة مبروك ما قالتها ..
سمعت صوت جرس البيت يدق ..
فراحت لغرفتها وجلست فيها ودخلت في عالم تخيلاتها ..
بعد عشر دقايق وفي مجلس الرجال كان آرثر وفيصل وفارس والاب موجودين ..
آرثر: آسف لأني ييت من دون موعد ..
الاب: لا عادي ..
آرثر: انا بدخل في الموضوع بسرعه بدون مقدمات .. يا عم انا ياي ويشرفني اني اخطب ايد بنتك اسيل ..
انصــــــــــــــدم الاب وبقــــــــــــــوه ..
الاب بعدم تصديق: اسيل ..؟! تخطب اسيل ..؟!!!
آرثر: ايوه يا عم ..
طالع فيه فيصل بتفحص اما فارس فقال في نفسه: "وش حض خواتي ذا .. ما يخطبونهم إلا الطلاب .. يعني الموضفين خلصوا" ..
طالع الاب في آرثر وهو تحت تأثير الصدمه .. ما كان يتوقع انها تنخطب بسرعه .. كان خايف من هذا الشي ..
الاب: انت تشتغل فين ..؟!
سكت آرثر شوي بعدين قال: انا طالب في الصف الرابع ..
استغل الاب الفرصه وقال: والله سوري ياولدي بس انا ابغى اضمن مستقبل بنتي ..
آرثر: اسمع يا عم .. انا اللحين بس بخطبها والزواج بعد ما اتخرج وكمان انا الحمد لله مو محتاج لأي شغل عشان اصرف عليها .. انا عندي ملايين لا نهايه لها .. وعندي مصنع خاص بأسمي في تركيا .. هذا غير الاراضي والشركات .. يا عم الله يخليك لا توقف في ويهي ..
عض الاب على شفته .. ما يبغى ..
ما يبغاه يخطب اسيل عشان التحاليل ما تكشف ان الاوراق ما تخصها ..
في نفس الوقت ما يبغى يوقف في طريق مستقبلها ..
فيصل: اسمك آرثر صح ..؟!
آرثر: ايوه ..
فيصل: سوري بس اسيل ما راح تتزوج اجنبي ..
آرثر: بس انا عايش هنا من ١٢ سنه ..
فيصل: بس في النهايه انت اجنبي صح ..؟!
آرثر: الواحد ما يحكم عالناس من ناحية جنسيته .. يحكمون من ناحية الاخلاق ..
فيصل بإستهزاء: اخلاق ..؟! الله اعلم بأخلاق الاجانب ..
عصب آرثر وجاء بيرد بس سبقه الاب وهو يقول بحده: فيصــــــــــــــل ..
ميل فيصل فمه وبعدين طنشهم .. اصلا اسيل مو هامته .. بالعكس فكه منها ..
لف الاب على آرثر وقال: البنت توها صغيره عالزواج و.....
قاطعه آرثر: اي صغيره يا عمي الله يهداك .. البنت عمرها ١٩ وتقول صغيره .. وكمان الزواج بعد ما اخلص هذا الترم يعني بعد حول اربع اشهر واسيل راح تدخل العشرين بعد ثلاث شهور ونص ..
طالع فيه فيصل وقال: ما شالله عارف كل شي عنها ..
طنشه آرثر وقال: ها شقلت يا عم ..؟! بليز لا تقفلها في ويهي .. انا احبها ومستحيل اتزوج غيرها .. انت بتضيع مستقبلي اذا رفضت ..
طالع فيصل فيه بتفاجئ وقال بحذر: شتقصد بأنك تحبها ..؟! ليه انت قد قابلتها من قبل وتحجيت وياها ..؟!
طالع فارس في فيصل وقال في نفسه: "الله يستر .. شكل فيصل بيقلبها هوشه" ..
آرثر في نفسه: "صدقت اسيل .. اخوها الكبير علللله .. اخاف انه يخرب السالفه" ..
آرثر: لا .. بس انا شفتها بالصدفه وحبيتها ..
فيصل: يا سبحان الله .. حب من اول نضره .. جدامي قصة روميو وجولييت على غفله ..
آرثر في نفسه: "ياني اليزا رقم اثنين .. مدري ليش يشبهوني بروميو" ..
فيصل: اسمع يا آرثر .. حجيك ما دش مخي ..
فارس: فيصل الريال صاج ..
لفوا يطالعون في فارس اللي كمل يقول: اسيل عمرها ما تحجت معاه ..
طالع فيصل فيه بشك وفارس يقول في نفسه: "مادامه يحبها وهي تحبه عيل لازم اساعدها" ..
فيصل: وانت شدراك ..؟! يمكن تكلمه وانت ما تدري ..
فارس: لا .. اسيل دايما تحكيني عن ادق الاشياء اللي تصير معاها وما عمرها تكلمت عنه ابدا ..
طالع آرثر في فارس فتره فقال الاب: اسمع يا آرثر ..
آرثر: نعم ..
الاب: اعطنا فرصه نفكر ..
آرثر: اوكي خذوا راحتكم .. انا مب مستعيل ..
الاب: بس بأعطيك خبر انه احتمال اننا نرفض ..
انصدم آرثر وقال: شنو ..؟!
الاب: سوري بس هذه بنتي الصغيره والدلوعه وانا ابيلها الافضل ..
طالع آرثر فيه وقال: تبيلها الافضل ..؟! طيب يا عم قولي شنو اللي موعاجبك فيني ..؟!
ارتبك الاب وبعدين قال: لا انت تمام بس ودي يكون اللي يتزوجها واحد قطري ..
آرثر في نفسه: "مدري ليه عندي احساس انه يجذب" ..
قام آرثر وقال: اوكي انا استأذن لأن امي عندها موعد بالمستشفى .. فكر زين يا عمي .. انا شاري البنت واحبها وابيها .. والبنت دايما مستقبلها يكون احلى اذا كانت مع واحد يبيها ويحبها .. واذا عشاني اجنبي فأتوقع ان الرسول قال: لا فرق بين عربي واعجمي إلا بالتقوى .. الناس سواسيه يا عم .. مع السلامه ..
وخرج .. فتنهد الاب وهو حاس نفسه منحرج جدااا وموقفه طلع بايخ ..
قام فيصل وخرج بسرعه ورى آرثر ..
فيصل: وقــــــــــــــف ..
وقف آرثر ولف عليه وهو يقول: نعم ..
فيصل: اسمع .. ابسألك وياوبني بصراحه بدون لف ودوران .. اسيل قد تحجت معاك ولا لا ..؟!
آرثر: لا ..
فيصل: عيل كيف حبيتها ..؟! اصرارك انك تتزوجها يعني انك قد حاجيتها كثير واعجبتك ..
آرثر: ما قد سمعت بالحب من اول نظره ..؟!
فيصل: إلا سمعت فيه .. بس هذا حب مايي الا في القرون الوسطى والتاريخيه .. في زمننا هذا كل شي يتغير .. لو سمحت ياوب بصج ..
آرثر: لو انت ميرب كيف انك تشوف بنت وتتعلق فيها بحركاتها ومشيتها وتصير دايم تراقبها فراح تحس بكلامي ..
طالع فيه فيصل بصدمه من كلامه ..
كلامه ذكره باللي صار معاه قبل ثمان سنوات ..
اللحين بس صدق كلام آرثر ..
فيصل بتهديد: اسمع .. اسيل هذه تبتعد عنها فاهم .. روح طالعلك في بنت ثانيه واعجب بحركاتها وتزوجها .. بس اسيل لا ..
رفع آرثر حواجبه وقال: وليش ..؟!
شد فيصل على اسنانه وهو يقول: لأنها وحده واطيه وتستحق تتزوج واحد واطي مثلها ومن نفس مجتمعها .. فاهم ..؟!
انصدم آرثر من كلامه .. كيف اخ يتكلم عن اخته كذا .. قعد منصم فتره يستوعب ..
فيصل: حسك عينك تفكر فيها لأني راح اقلبلك حياتك لجحيم ..
لف ودخل داخل .. لف آرثر وركب السياره ينتظر امه ومازالت كلمات فيصل ترن في اذنه ..
آرثر: اخ غريب ومتسلط ..
اخذ جواله واتصل على اسيل ..
ردت اسيل: الو هلا آرثر ..
آرثر: اسيل .. ابوج رفضني بطريجه غير مباشره ..
انصدمت اسيل وقالت: شنو ..؟! شلون رفض وليش ..؟!
آرثر: اسأليه .. واخوج فيصل هددني اني ما اقرب منج وان انساج ..
جلست اسيل عالسرير بصدمه .. مو هذا الرد اللي كانت تتوقعه .. كانت تتوقع انها خلاص حتنخطب ..
اسيل بصوت مخنوق: وانت .. وش حتسوي ..؟!
ابتسم وقال: باين من صوتج انج بتبجين .. اسيل انا لو قصوا رقبتي ما راح اتركج .. انا ما راح اتزوج إلا انتي .. لو الدنيا كلها وقفت في ويهي ما راح انساج او ابعد عنج ..
نزلت دموعها وقالت: شكرا ..
آرثر: ياللا خلاص كوني شاطره ولا تبجين .. وان شالله اشوفج باجر في زواج اختج ريما ..
اسيل بهدوء: راح تيي الزواج ..؟!
آرثر: اكيد ..
اسيل: وعد ..؟!
آرثر: ايه اوعدج ..
ابتسمت وقالت: خلاص باجر اشوفك باااااي ..
آرثر: بااي حبيبتي ..
قفلت الجوال وبعدها رمت نفسها عالمخده وانفجرت تبكي ..
اسيل: ليه .. ليه جذي .. ليه .. اكرهكم ..
وكملت تبكي وهي مو مصدقه اللي قاعد يصير لها ..
ابوها تحسه يخفي شي عنها وكمان صار يوقف في وجه مستقبلها ..
وفيصل طول عمره اناني ويبغي لها التعاسه ..
ليش يسوون فيها كذا ..؟!
مو هي بنتهم ..؟!
شوي وتصرخ في وجههم وتقول انتم مو اهلي .. ماكو اهل يعاملون بنتهم جذي ..
طلع الاب من الدرج واتجه لغرفة اسيل .. كان الباب شبه مفتوح فلاحظ انها تبكي ..
فتح الباب وقال: اسيل شفيج ..؟!
رفعت راسها من فوق المخده وطالعت فيه فتره بعدين قالت: ليه .. ليه رفضته ..؟! ليه رفضت آرثر ..؟!
الاب: ...............................
قامت ووقفت قدامه وهزته وهي تقول: ابوي ياوبني ليه ..؟! شالفرق بيني وبين ريما ..؟! ريما وافقت بسرعه وحددت الزواج وانا لا ليه ..؟! انا بنتك مثل ريما ..
بكت وهي تقول: والله انا بنتك فليه توقف في ويه مستقبلي .. حرام يا يبه والله حرام ..
الاب: اسيل حبيبتي اهدأي ..
اسيل بصراخ: مابي اهدأ .. ابي افهم كل شي .. ابي افهم كل حاجه .. ليه فيصل دايم يضربني ..؟! وليه امي دايم تهاوشني ..؟! وريما دايم تتجاهلني .. وانت تتصرف بأنانيه .. انا بنتكم .. والله اني بنتكم .. ابوي فهمني ليه ..؟! بليييز واللي يخليك فهمني ليه ..؟!
طالعت فيه بإنكسار تتنتضره يرد وهو ما زال واقف يطالع فيها ولا حرك ولا شي ..
اسيل بضعف: ابوي رد علي ..
ابتسم الاب وبعدها طلع وهو ساكت ..
هزت راسها بلا وقالت بهمس: اكرهكم ..
وجلست عالارض تبكي ..
دخل فيصل للغرفه في هالوقت وقال: اسيــــــــــــــل ..
طالعت فيه فجاء عندها وكالعاده مسك شعرها وهو يقول بعصبيه: من امتى وانتي تعرفين آرثر ..؟! ياوبيني يالواطيه ..
مسكت اسيل ايده تحاول تبعدها وهي تقول والدموع بعيونها: عادي .. ذي مو اول مره انضرب .. تعودت على ضرب اخوي الحنون ..
عصب وصفقها كف فطاحت عالارض ..
فيصل بعصبيه: لا تضيعين السالفه وقولي من امتى تعرفين آرثر ..؟! ياوبي قبل لا تندمين يالجلبه ..
اسيل بصراخ: اندم على شنو ..؟! اصلا انا ندمانه من زمان .. ندمانه لأني ولدت في هالحياة .. اكــــــــــــــرهكم ..
فيصل بعصبيه: جـــــــــــــــــــب ولا ترفعيــــن صوتج علي ..
لفت اسيل وجهها عالسرير وبكت فوقه وهي تقول: اكرهك .. انت مو اخو ابدا .. اكرهك ..
طالع فيصل فيها بعدين قال: هين يا اسيل حسابج عندي بعدين ..
خرج وصفق الباب وراه بقوه ..
بكت بكت وبكت .. حاولت تهدي من نفسها قد ما تقدر .. اذا استمرت على هالحال يمكن تنتحر ..

================================================== ==================

10 - 3 - 2014, 06:54 PM

في صباح يوم جديد على ابطالنا ..
في بيت ولد الشعلان ..
جالس في الصاله ومعاه كتاب يذاكره ..
بس في الحقيقه ما كان يذاكر .. كان سرحان يفكر ..
نزلت روان وهي كاشخه وقالت بصراخ: هـــــــــــآاآاااي رشــــــــــــــود ..
انفجع راشد وقال: ما تعرفين تخفضين صوتج شوي ..
روان: في منو كنت سرحان ..؟!
راشد: بعادل .. تصدقين انه في الترم الاول اخذ الاول على الدفعه .. صراحتا هو دافور بشكل مو طبيعي ..
جلست روان وقالت: منو عادل ..؟!
راشد: ذاك الريال اليني اللي حكيتج عنه ..
روان: آآآه تذكرته ..
راشد: ابدا ما توقعت انه شاطر جذي .. بلا في شكله ماخذ الاول ..
روان: هههه قول ما شالله لا تصك الريال بعين ..
طالع راشد فيها بإستغراب وقال: روان ليش كاشخه ..؟!
روان بإبتسامه: بروح المطعم .. رفيجتي هناء عازمتنا على الغداء ..
راشد: وليش ..؟!
روان: لأنها يايبه الثانيه عالمدرسه .. ياللا سي يو ..
وخرجت ورجع راشد يطالع في كتابه ..
حس بطفش ورمى كتابه وقام ..
راشد: اووف احس بعطش ..
كان بينادي شهد بس بطل .. بيروح المطبخ وياخذ بنفسه .. له سنتين ما دخل المطبخ ووده يدخله عشان يشوف اذا يحتاج تغيير ولا لا ..
دخل لقسم الخدم واتجه للمطبخ ..
دخله ولف بعيونه يطالع فيهم بعدين قال: وين شهدوه ..؟!
الخدامه: ماما شهد راح عشان يصلي ظهر ..
راشد: اوووف طيب هات كوب مويه ..
الخدامه: حادر ..
اما عند شهد فكانت قد خلصت من الصلاه وتشرب اختها شادن حليب ..
شادي: شهد ..
شهد: هلا حبيبي ..
شادي: متى نطلع من هنا ..؟!
شهد: والله مدري .. لمن تكثر فلوسنا وتكفي لإيجار بيت ..
شادي: اوووف طفشت ..
شهد: وين اثير ..؟!
شادي: تستحم ..
شهد: ووسيم ..؟!
شادي: راح الحمام اللي في نهاية السيب لأن اثير في هالحمام ..
تنهدت شهد وهي تفكر بحالتهم ..
لعبة البسه والفار والاختباء مصيرها تنكشف ..
حطت اختها عالسرير بعد ما نومتها وقامت ..
شهد: شادي حبيبي انتبه على اختك .. اذا صحيت وبجت فأعطها حليب عشان ترقد ..
شادي: طيب ..
خرجت شهد وراحت للمطبخ ..
اول ما دخلت المطبخ جت وحده من الشغالات وقالت بخوف: شهد شهد بابا راشد معصب ويبغى انتا ..
راشد بعصبيه من وراهم: بابا بعينج .. انا ماني بأبوج ..
انفجعت شهد ولفت ورى وشافت راشد واقف وباين على ملامحه العصبيه ..
شهد بخوف: نعم ..
اشر بأصبعه انها تقرب ..
فقربت شوي وقال: الحقيني ..
خرج وخرجت وراها وقلبها وصلت نبضاته الى مليون نبضه من الخوف ..
طلع من الجناح ودخل لمكتب كبير وقال: قفلي الباب وراج ..
قفلته ونبضاتها كل مالها تزيد ووصلت لمليار نبضه في الدقيقه ..
راشد: ممكن اعرف وش هذا الشي يا ست شهد ..؟!
شهد: ايش ..؟!
اشر راشد بعيونه عالطاوله اللي قدامه ..
لفت شهد عيونها وهنا عاد نبضاتها كسرت الرقم القياسي في النبض ..
رفع راشد الشي اللي قدامه وقال: شي عجيب .. شتبي شهد بعلبة حليب اطفال ..؟!
نزلت راسها وهي حاسه برعب .. شادن اختها وش حيصير فيها اذا اكتشف راشد انها عندها ..
كل شي الا شادن .. هذه طفله ما تعرف شي بالحياة ..
اصلا راشد ليش دخل المطبخ .. من يوم جت تشتغل عمره ما دخل وعشان جذي كانت مطمئنه ..
راشد: يا سبحان الله .. انا لمن شفتها انصدمت وسألت الخدم هذه حقت مين بس محد رد .. بعد ما عصبت وهددت قالوا انها لج .. مره يحبونج ويسترون عليج .. انتي شمسويه لهم ..؟!
وكمل بصراخ: شهد ياوبي وقولي شنو هذا ..؟!
نزلت دموعها وقالت: مدري ..
انجن جنونه وقال: شنو اللي مدري .. شهد تحجي .. شتبين بحليب الاطفال ..؟!
رفعت راسها وقالت بسرعه: انا لمن تعبت قريت في كتاب الطب عن وصفه حلوه وكانت الوصفه تحتاج نص ملعقه من هذا الحليب وعشان جذي اشتريته .. ايوه هذا هو اللي كنت ابغاه ..
رفع حاجبه وفتح العلبه يطالع وقال: عجيب .. هم طلبوا نص الملعقه ولا نص العلبه ..
انصدمت ونزلت راسها بخوف ..
رفع عيونه يطالع فيها وقال: انتي شمخبيه عني ..؟!
هزت راسها بلا ..
راشد: شنو اللي لا ..؟!
شهد بخوف: ما ماني مخبيه شي ..
راشد بحده: شهــــــــــــــدوه .. تراه واضح انج جذابه .. ياوبي ليش هالعلبه عندج ..؟!
غمضت عيونها برعب .. خايفه مره .. تحاول تلقى اي شي عشان لا يشك بالامر ..
راشد: انا انتظر يواب ..
شهد في نفسها: "لو روان هني جان ساعدتني" ..
راشد: شهاااد ياااوبي .. بديت اشك ان عندج طفل مخبيته ..
انفجعت وفتحت عيونها من الصدمه وقالت بسرعه: اصلا العلبه مو حقتي .. حقت روان واتصل عليها عشان تتأكد ..
وكملت في نفسها: "بليييز يا روان ساعديني" ..
تفاجأ راشد وقال: روااان ..!!!!!
طلع جواله وهو مو مصدق ودق عليها ..
روان: هاااااي ..
راشد: روان علبة حليب الاطفال هي لج ..؟!
روان بإستغراب: شتقصد ..؟!
راشد: انا اسألج .. علبة حليب الاطفال اللي بالمطبخ هي لج ولا لا ..؟!
روان: انت لقيت علبة حليب اطفال ..؟!
راشد: ايه .. هي لج ولا لا ..؟!
روان: هههههههههههههههههههههه .. ايه لي ..
راشد بصدمه: شنــــــــــــــو ..؟؟!!!!
روان: اشتريتها عشان اسوي مقلب برفيجاتي .. ههههه نسيت احكيك عن هالمقلب .. لمن ارجع اقولك ..
طالع راشد في شهد بعدين قال: طيب باااي ..
روان: بااياات ..
وقفل الجوال وقال: خذي العلبه وتقلعي على شغلج ..
ابتسمت شهد وهي تقول: ها ..
راشد بعصبيه: هاا في عينج .. تحركي بسرعه .. ولا تنسي تصلحين الغدا .. ابغاه الساعه اثنين ..
شهد: حاضر ..
اخذت العلبه وخرجت وراحت للمطبخ .. اول ما دخلت تجمعوا عليها الخدامات ..
الخدامه١: وش سوى بابا راشد ..
الخدامه٢: ضرب انتا ..
شهد: هههههه لا ..
الخدامه٣: آسف لأني قلت ان هدا حق انتا ..
شهد: عادي ماكو مشكله ..
اما عن راشد فجلس عالكنبه وقال: غريبه شهد هالايام .. ما صارت تطلب مني انها تزور اخوانها .. مع انهم وحدهم وهي خايفه عليهم بس احسها طبيعيه جدا ولا كأن اخوانها بعيدين عنها .. شهد وراها شي .. واضح انها مخبيه شي عني .. وكمان كل ما اناديها عشان اكلمها تكون مرتبكه وكأنها خايفه اني اكشفها بشي ..
سكت شوي بعدين قال: يبغالي في يوم من الايام اعطيها شغله بعيده واروح افتش غرفتها بنفسي .. يمكن تكون سارقه شي .. لأن تصرفاتها تغيرت بجد ..
قام وطلع غرفته يستحم وبعدين ينزل يتغدا ..

================================================== ==================

الساعه سته وفي سوق الاسيري ..
وسن: لا مابي .. مو حلوه ..
ابتسمت مربيتها وقالت: صدقيني يا وسن .. هذا الاكتسوار يناسب الفستان اللي بتلبسيه ..
وسن: لا يعع ما يعجبني .. هذاك احلى ..
اخذت المربيه الاكتسوار الثاني وقالت: اسمعي حبيبتي .. الاكتسوار اللي اخترتيه حلو بس ما يناسب الفستان ابدا .. خذي هذا لأنه حلو ويناسب ..
بوزت وسن شوي بعدين قالت بدون نفس: خلاص خذيها .. اوووف ..
ابتسمت المربيه واشترت الاكتسوار وخرجوا من المحل ..
المربيه: وبجذي نكون خلصنا .. ياللا خلينا نرجع بسرعه عشان يمديني اجهزج وتروحين لزواج اخت رفيجتج ..
وسن: تيب ..
ركبوا السياره وراحوا على الفله ..
دخلت وسن وقالت بصراخ: هــــــــــــــآآآي بــــــــــــــابي ..
خرج ابوها من المكتب وقال: هلا بحبيبتي ..
نطت وسن بحماس وقالت: بابي اشتريت فستان روووووعه ..
الاب: هههه واكيد لونه اصفر ..
هزت راسها وهي تقول: لا لا .. لونه مو اصفر .. لونه ليموني ..
الاب: هههه حلو لونه هههه ..
كشرت شوي وقالت: بس انا ما اعجبني .. كنت ابغى عليه رسمة سبونج بوب بس ما عندهم .. لو ان زواج اخت اسيل يتأخر جان فصلت فستان فيه سبونج بوب او تويتي ..
الاب: الحمد لله انه ما تأخر ..
طالعت وسن فيه وقالت: ها ..
الاب: لا يا حبيبتي ما قلت شي .. ياللا اذا رحتي انتبهي على نفسج ..
وسن بإبتسامه: حاااضر ..
طلع الاب فوق ومعاه كوب النسكافيه حقه ..
لفت وسن على مربيتها وقالت بحماس: ياللا عشان نتجهز .. بسسرعه ..
المربيه: هههههه ياللا ..
طلعوا فوق ودخلوا غرفة وسن اللي كانت كلها باللون الاصفر ودرجاته ..
وصور سبونج بوب وتويتي معلقه عالجدران والمرايه وكل مكان ..
صايره الغرفه كأنها غرفة اطفال ..
وطبعا هالغرفه تناسب وسن اللي شكلها babyface ..
المهم دخلت الغرفه وفتحت الكيس وطلعت فستانها وقالت: بألبسه وبأيي ..
المربيه: لا تتأخري ..
وسن: حاضر ..
دخلت للحمام تبدل وبعد شوي طلعت ووقفت قدام مراية دولابها الطويله ..
وسن: وااااو انا روعه ..
وكان فستانها قصير وجدا ناعم يناسبها ..
المربيه: تمام .. ياللا تعالي اضبط لج شعرج ..
وسن: اعمليه اثنين بشرايط ..
المربيه: لا ما يصير .. انتي رايحه لزواج مو جامعه ..
وسن بضجر: اووووف .. خلاص سويه اي شي ..
ابتسمت المربيه وبدأت تضبط شعرها .. خلته فاتح وعملت شوي لفات عليه ..
كل شي خلص عالساعه ثمانيه ..
لبست صندلها الاصفر واخذت جوالها اللي كانت تلبيسته سبونج بوب طبعا وحطته في الشنطه ..
وسن: ها تمام ..؟!
طالعت فيها وقالت: حلو ..
وسن: ياللا باي بروح ..
وخرجت بسرعه وحماس ونزلت من الدرج وهي تنزل على درجه وتنط عن درجه ..
ركبت السياره وقالت للسايق: روح على قاعة ***** ..
السايق: حادر ..
حرك السياره واتجه للقاعه ..
في القاعه كان الزواج قد بدأ ..
في جهه ثانيه من الزواج عند الكوافيره .. كانت تجهز ريما .. واسيل والام عندها في الغرفه ..
الام: ما شالله .. قمر طالعه ..
ابتسمت ريما بتوتر وقالت: شكرا ..
اسيل: حينين منصور عليج ..
ريما بنفسها: "هههههههه شر البلية ما يضحك" ..
طالعت اسيل في جوالها وقالت في نفسها: "من امس ما اتصل آرثر ولا يرد على اتصالاتي .. يا رب استر .. بس اكيد حيي .. هو وعدني" ..
دق جوالها فردت بسرعه وبحماس: الو هلا كيفك .. وينك تأخرت ..؟!
..........: هههههه كل هذا ترحيب فيني ..
اسيل بخيبة امل: ندى ..
ابتسمت ندى وقالت: ليه .. كنتي تتمنين اكون آرثر ..
اسيل: سامجه ..
ندى: هههه اوكي انا وسارا وصلنا .. وينج ما اشوفج ..؟!
اسيل بسرعه: دقيقه اللحين انزلكم ..
قفلت الجوال وقالت لريما: بأنزل اشوف صاحباتي واطلعلج ..
ريما: اوكي ..
نزلت اسيل وريما ساكته تفكر .. هي قالت لمنصور انها مدمنه .. ما تدري وش حيكون تصرفه ..
هذا الشي يدور في بالها ومتوتره لأجله ..
ريما في نفسها: "الله لا يسامحك يا ياسر" ..
سكتت شوي بعدين كملت: "سامحتيه او ما سامحتيه .. لاتنسين يا ريما انج صرتي .......
عضت على شفتها بألم كل ما تذكرت هالشي .. مستحيل .. ريما المغروره صارت من هالنوع ..
شالت هالشي من بالها .. تبغى تنساه .. تبغى تنسى المنظر البشع اللي شافته في ذيك الليله المشؤومه ..
الام: ريما حبيبتي شفيج ..؟! شكلج متضايقه ..
ريما: لا يا ماما مو متضايقه بس متوتره ..

اما عن اسيل فكانت عند صاحباتها ندى وسارا ..
اسيل: يعني لين وليان ما راح ييوا ..
ندى: لا .. الوالده قالتلهم باجر جامعه وممنوع تروحون ..
اسيل: اوووف ..
سارا: ما شالله القاعه جدا فخمه ..
طالعت اسيل في القاعه وهي تقول: طبعا .. زوج اختي واحد غني ..
سارا: يا بختها ريما .. ودي اتزوج واحد مثله ..
اسيل: هههههه في الاحلام يا ماما ..
ندى: مو كأن وسن تأخرت ..؟!
اسيل: امبلا .. اخاف ما تيي هي بعد ..
وسن بصراخ: انــــــــــا ييــــــــــت ..
اسيل: اهلييين وسن ..
ندى: اخيرا ييتي ..
سلموا عليها وقالت وسن بحماس: وين العروسه ..؟!
اسيل: هههههه مو اللحين تنزف ..
وسن بإستغراب: وش يعني تنزف ..؟!
طالعوا فيها بإستغراب وقالت ندى: ما تعرفين وش يعني تنزف ..؟!
وسن ببراءه: لا ..
سارا: ما قد حضرتي زواج قبل جذي ..؟!
وسن بإبتسامه: لا .. هذا اول زواج احضره ..
انصدموا وهم يطالعون فيها ..
اسيل: الله يخلف على ام يابتج ..
ندى: ليه ما عندج اقارب تزوجوا ..؟! بنات عمج او عيال ..
وسن: انا ما عندي غير عمين .. واحد ما ييب اولاد والثاني عنده ثلاث اولاد وبنت بس إلى الآن محد تزوج ..
سارا: فعلا بنت غريبه ..
اسيل: حتى اللي ما قد حضرت زواج لابد تكون تعرف وش يعني زفه .. الله يعين اللي بيتزوجك ..
وسن ببراءه: ليش ..؟!
اسيل: ولا شيء ..
سارا: ما شالله يا وسن .. طالعه بنوته كيووت اليوم ..
وسن بإبتسامه: ايه .. هذه مربيتي سوتلي ..
الكل بصدمه: مربيه ..؟!!!!!
وسن: ايوه ..
اسيل: انتي من صجك .. عمرج شوي ويصك العشرين وعندج مربيه ..
وسن: ايوه .. لأني ما اعرف اسوي شي بحالي .. حتى شعري ما اعرف امشطه ..
طالعوا فيها بإستغراب ..
اسيل: ابي اسألج سؤال .. انتي اصلا وش تعرفين بحياتج ..؟!
وسن: اعرف اشياء كثيره ..
اسيل: ايه واضح .. ياللا استأذن شوي .. خالتي سعاد يت ..
قامت اسيل وراحت تسلم على خالتها ..

في قسم الرجال .. كان منصور كاشخ بالغتره البيضا والبشت الاسود والابتسامه ما فارقت وجهه ..
فارس: طالع شكلك غريب جدا .. مو متعود اشوفك بالبشت ..
منصور بابتسامه: بالله يا فارس ماني حلو ..؟!
فارس: خلاص عرفنا انك حلو هههههه ..
ابتسم منصور وهو يطالع في الناس .. من زمان كان يتمنى هاليوم يصير ويتزوج ريما ..
هدت ابتسامته .. كان يبي يتزوجها وهي بنت مو ......
تذكر شكلها لمن شافها في ذاك اليوم تحت المطر .. كانت ثيابها مشققه ومجروحه في وجهها وايدها ..
لا ما كان يبغاها كذا ابدا .. الشي اللي سوته كبير جدا ومستحيل احد يرضى فيها ..
بس مشكلته انه يحبها وما زال يحبها بعد كل اللي سوته في نفسها ..
تنهد بمراره وقال في نفسه: "وفوق هذا مدمنه .. ريما ضيعت نفسها بغبائها" ..
سكت شوي بعدين قال: "لا .. يمكن ما صار شي .. هي ما قالت ان شرفها ضاع .. اكيد ما صار شي" ..
يتمسك بأي امل .. لعل وعسى يكون غلطان مع انه متأكد انه هذا الشي صار معاها ..
راح يسألها .. اذا فعلا شرفها ضاع فراح يدوس على قلبه ويحتقرها الين يطلقها بعد شهر ويرتاح ..
اما اذا ما صار شي فراح يعاملها ملاك .. حتى لو كذبت عليه وقالت انه ما صار شي فراح يصدقها ويعيش بقية حياته معاها ..
منصور في نفسه: "اما حكاية الادمان اكيد مو بإيدها .. آآه يا ريما يارب تنكرين كل الهواجس اللي في بالي" ..
فارس: هيه منصور .. وين الابتسامه اللي قبل شوي ..؟! شفيك بديت تكشر ..؟!
ابتسم منصور بترقيع وهو يقول: لا بس تذكرت اختي ..
فارس: ليه وش فيها ..؟!
منصور: تعبانه وما تقدر تحضر الزواج .. كان بودي انها تحضر ..
فارس: سلامات ما تشوف شر ..
منصور: الشر ما ييك ان شالله ..
شوي دخلوا اصحابه سامر وماهر ..
سامر: مبروووووك يالعريس ..
منصور: ههههههه الله يبارك فيك ..
ماهر: هههه والله وودعت العزوبيه ..
سلموا عليه وقال سامر: مبروك على زواج اختك يا فارس ..
فارس: الله يبارك فيك ..
وسلموا عليه يباركوله وبعدين دخلوا في مناقشات وسواليف ..
اما عن اسيل فكانت واقفه في غرفة الخدامات اللي يطلعون العصيرات وماسكه جوالها ..
اسيل بقلق: ليه ما يرد .. الساعه اللحين ١٢ ونص وما ياء ..
جلست عالكرسي وقالت: معقوله يسحب علي ..؟!!! لا هو وعدني .. ياربي وينك يا آرثر ..
اتصلت للمره العاشره بس محد يرد ..
اتصلت مره ثانيه بس .. قفل في وجهها ..
انصدمت وطالعت في الجوال وقالت: مو كأنه قفل في ويهي ..؟!
اتصلت كمان عشان تتأكد فسمعت ان الجوال مــغــلــق ..
اسيل بإستغراب: شفيه آرثر ..؟!
قعدت ساكته فتره تطالع في الجوال بعدين قامت وخرجت وراحت لطاولة صاحباتها ..
سارا: وين كنتي .. تأخرتي ..
جلست وقالت: رحت لهذولا اللي يطلعون العصيرات عشان اعلمهم بعض الاشياء ..
وسن: اسيل ..
اسيل: نعم ..
وسن: متى بيزفون اختج ..؟! ودي اشوفها ..
اسيل: هههه بعد نص ساعه تقريبا ..
ندى: غريبه .. مو كأن الوقت بدري شوي ..
اسيل: هذا زوجها يقول يبغى جذي ..
سارا: هههههه شكله مشتاق لها وايد ولا عنده صبر ..
اسيل: الغريب في السالفه ان ريما وافقت من دون اي اعتراض .. صايره تصرفاتها جدا غريبه ..
وسن: عادي تصرفها مو غريب .. عادي البنت تسمع كلام زوجها ..
اسيل: اقول سكتي بس .. انتي مو فاهمه السالفه ..
سارا: هههه البنت اذا تزوجت بتطلع مطيعه لزوجها هههههه ..
طالعت اسيل وراهم وقالت بقهر: يوا ناس ثقيلين دم ..
ندى: من تقصدين ..؟!
اسيل: بنات عمي الثلاثه .. يذكروني بالضاحكون الثلاثه ..
لمار بمياعه: هااااي اسيل .. شلوونج ..
اسيل: زفت ..
لمار: ههههه حلو .. عساه اردى ان شالله ..
لمى: لمار انا بروح اقعد مع امي .. مالي خلق للمهاوشات اللي بتصير اللحين ..
وراحت .. قالت لارا: اقول اسيلوه ..
اسيل: خير ..
لارا: وين فصولي ما اشوفه ..؟!
عصبت اسيل بس قالت بضبط اعصاب: فصولج يا حبيبتي مو هني .. فصولج في قسم الريال ..
لارا: اوووف خساره .. ياللا باي بروح لريما اطين عيشتها شوي ..
وراحت .. طالعت اسيل في لمار وقالت: وانتي ما ودج تروحين ..؟!
جلست لمار عالكرسي وقالت: لا .. بسولف مع رفيجاتج .. عرفيني عليهم ..
جلست اسيل وقالت: لا ..
لمار: اوكي براحتج .. انا اسمي لمار عبد الغني .. وانتم ..؟!
وسن بإبتسامه: وسن عبد الجبار ..
لمار: الله حلو اسمج .. بس شكلج بايخ لأنج رفيجت البايخه ..
اسيل: لو سمحتي يا لماروه حشمي لسانج ولا تلايطي عننا ..
لفت لمار على سارا وقالت: وانتي شسمج ..؟!
ابتسمت سارا وقالت: مالج شغل يا بابا ..
لمار: اخسس لسانج طويل مثل رفيجتج ..
اسيل: لماروه بتروحين ولا شلون ..
لمار: لا ماني رايحه وبأقعد على جبدج ..
ابتسمت اسيل وقالت: طيب شرايج ابعدج بالقوه ..
لمار: ههههههههههههههههههههههههههههههههههههههه اتحداج ..
اسيل: اوكي ..
اخذت جوالها ودايركت اتصلت على وائل ..
وائل: هلا اسيل ..
اسيل بإبتسامه وهي تطالع في لمار: اهلين وائل كيفك ..؟!
فتحت لمار عيونها وقالت: يا الحققيره ..
وائل: الحمد لله تمام .. مبروك يا اخت العروسه وعقبالج ..
قلب وجه اسيل وتذكرت آرثر فبعدت شوي عنهم وقالت: الله يبارك فيك .. اقول وائل ..
وائل: هلا ..
اسيل: انت تعرف آرثر صح ..؟!
سكت وائل شوي بعدين قال: ايوه ..
اسيل: طيب هو ياء الزواج ولا لا ..؟!
وائل: انا ما شفته ..
اسيل بحزن: متأكد ..؟!
وائل: ايوه ..
اسيل في نفسها: "وينك يا آرثر" ..
وائل: اسيل وينج ..؟!
اسيل: مابي اطول عليك ومع السلامه ..
قفلت وراحت عندهم فماشافت لمار ..
اسيل: وين راحت الآنسه اللي كانت يالسه هنا ..؟!
ندى: هههه قعدت تسب فيج شوي بعدين راحت ..
اسيل: فكه ..
جت حرمه وقالت: كيفج اسوله ..؟!
طالعت اسيل فيها وقالت: الحمد لله تمام كيفج انتي يـ....
سكتت شوي مصدومه بعدين كملت: يا ام مايد ..
ام مايد: وينها امج .. دورت عنها وما لقيتها ..؟!
اشرت اسيل بأصبعها عالدرج وقالت: فوق عند ريما ..
ام مايد: مشكوره حبيبتي ..
فراحت وقالت سارا: شفيج انصدمتي ..؟!
جلست اسيل وقالت: بنت اللذين شكلها يات ..
ندى: منو تقصدين ..؟!
اسيل: منو غيرها .. الآنسه غيدا ..
سارا: لا تقولين ان ذي هي امها ..
اسيل: ايه ..
وسن: مين غيدا ..؟!
ندى: البوي اللي شعرها احمر ..
وسن: اللي قالت ان اسيل كبريت ..؟!
سارا: ههههههه ايه ..
وسن: عرفتها .. اكرهها .. طيب بسأل سؤال .. في ويهها ضربه تحت عيونها .. مين ضربها ..؟!
ندى: مدري .. ما سألناها ..
فسمعوا صوتها تقول: اهلييين بالشمبانزي اسيل ..
طالعوا فيها فكانت واقفه ببنطلونها الاسود والتيشيرت الارجواني ومعاها الياااي حقها ..
اسيل: ويايبه خويتج بعد ..
غيدا: هههههه اكيد .. ما اقدر استغني عنها ..
بيشو: ياااااي حمودي .. كلامج الحلو يسببلي ارتباك ..
غيدا: سلامتج من الارتباك واهله ..
بيشو: خلاص ما اقدر يا حمودي ..
اسيل بقرف: اقول تلايطي انتي وياها عن ويهي وروحوا لطاوله فاضيه وتغزلوا على راحتكم ..
بيشو: بس سكتوا شوي ..
فسكتوا وقالت: حمودي الاغنيه ذي اهديها لج ..
سمعت غيدا الاغنيه وقالت: ما اعرفها ..
بيشو بحماس: هذه اغنيه راشد الماجد حقت انا وقلبي نعترف .. يااااااي تهببببببل ..
غيدا: تسلمي حبيبتي ..
شوي انطفت اللمبات ..
وسن: وش بيصير ..؟!
اسيل: شكلها الزفه ..
جلست غيدا عالكرسي وقالت: بشرى حبيبتي تعالي ايلسي هنا .. شي حلو اننا نيلس مع اخت العروسه في نفس الطاوله ..
طالعت اسيل فيها وقالت بقهر: الله يحييج يا آنسه غيداؤؤؤه ..
غيدا: ههههههههه مقهوووره ..
طالعت وسن في غيدا وقالت في نفسها: "البنت ليش شريره جذي .. بجد اكرهها" ..
بدت تتولع بعض الاضواء الملونه وبدأ صوت المغني يصدح في القاعه ..

.. أحلى من القمر هي وأحلى يمكن شوية ..
.. وأحلى من العسل كلمة قالتها بحنية ..
.. أحلى من القمر هي وأحلى يمكن شوية ..
.. وأحلى من العسل كلمة قالتها بحنية ..
.. أحبك لما قالتها يابختي قلت ساعتها ..
.. أحبك لما قالتها - لها لها - يابختي قلت ساعتها ..
.. وانا واحد من العشاق وهي اختارتني من مية ..
.. وانا واحد من العشاق وهي اختارتني من مية ..
أحلى ..

اشر الضوء الابيض على اعلى الدرج وعلى ريما بفستانها الابيض اللي كان بجد روعه عليها ..
طالعت في الناس بتوتر .. اي وحده في مكانها لابد انها تتوتر ..
ريما في نفسها: "من اللحين وانا حاسه بالارتباك وارتجاف .. اخاف لا قابلت منصور اصير ساكته من الخوف .. واذا خاصمني ما اقدر اهاوشه انا بعد .. اووف تشجعي يا ريما" ..
حطت رجلها عالدرج وبدأت تنزل بهدوء ..

.. أنا طاير من الفرحة ولاقادر أنام أصحى ..
.. هدية عمري ما أصدق تجيني بس كذا بلمحة ..
.. أنا أنا أنا العيوني حبتها من أول يوم شافتها ..
.. وأتاريها مثل حالي تحس بكل مافية ..
.. أحلى وأحلى ..
.. كذا الدنيا تجي حلوة وهي بعيوني من جوة ..
.. بعيش الباقي من عمري وأحس انو العمر غنوة ..

.. أووه معاها بقربي جنتها تكحل عيني نظرتها ..
.. آآه كذا برتاح ياقلبي نصيبي وانكتب لية ..
.. كذا برتاح ياقلبي نصيبي وانكتب لية ..
.. أحلى آآحلى وأحلى ..

جلست عالكوشه ومن هنا بدأوا الناس يجون يباركون لها ويسلمون عليها ..
غيدا: يا سبحان الله اختج المعفنه طلعت حلوه .. عيل لا تزوجتي بتطلعين حلوه ..
اسيل: ما المعفن الا انتي واشكالج ..
قامت وراحت ..
غيدا: شفيها هجت .. لا تكون عصبت مني .. انا ما اقصد هههههههه ..
وسن: اصلا انتي بنت وقححه ومحد راح يحبج .. خليج طيبه عشان الناس يحبونج ..
غيدا: اوووه رفيجتكم اليديده لسانها طويل ..
جت اسيل وقالت: سوري نسيت الموبايل ..
اخذت اسيل جوالها فقالت غيدا: هذي المره نسيتي الموبايل .. اخاف المره اليايه تنسين نفسج ههههه ..
اسيل: ها ها مره تضحكين ..
غيدا: محد طلب منج تضحكي ..
اسيل: صح غيدا نسيت اسألج .. من فين هالضربه اللي في ويهج ..؟! شكلها قديمممه ..
تحسست غيدا الضربه اللي صارت زي الندبه ..
عصبت غيدا وقالت: وانتي شكو تسألين ..؟!
قامت وقالت: بيشو امشي ..
بيشو بإستغراب: حاضر ..
فراحوا واسيل عاقده حواجبها بإستغراب .. جاها فضول تعرف شقصتها ..
اسيل: دقايق بروح وايي ..
ندى: خذي راحتج ..
راحت اسيل واتصلت على آرثر بس كان مغلق فأرسلت رساله نصها::
(( آرثر شفيك ما ترد علي .. وين وعدك انك بتيي ..؟! شصار لك .. بلييز اذا شفت رسالتي دق علي )) ..
جلست عالكنب وقالت: اخاف يكون صار له شي .. يا رب ..
بدأوا الناس يدخلون للعشا يتعشون واسيل وامها وام منصور زفوا ريما لين سيارة منصور اللي كان واقف مع ابوه وفيصل وفارس وابو ريما ..
ركبت ريما السياره وودع منصور الرجال وركب هو كمان وحرك وابتعد عن المكان ..
ابو فيصل: الله يحفضها يا رب ..
لف بعيونه على اسيل يطالع فيها وقال في نفسه: "الى متى بتقعد ساكت يا عبدالرحمن .. لازم تتكلم" ..

في سيارة منصور وريما ..
طالع منصور فيها وقال: اسمعي .. بنروح اللحين الفندق عشان تبدلين هدومج بسرعه وبعدها نروح عالشرطه ونعطيهم دليل انج زوجتي عشان يرجعون لنا بطايقنا فاهمه ..
هزت راسها بإيه وتحس لسانها منربط ..
منصور: وباجر ورانا سفره على اسبانيا .. مو شهر عسل .. حجزت عشان اعالج السم الهاري اللي كنتي تتعاطينه ..
ريما في نفسها: "حلو بأتخلص من هالمخدرات اللي كانت كل همي" ..
منصور: وبعد ما تشفين لي يلسه معاج .. ابي استفسر عن بعض الاشياء اللي مدوختني ..
طالعت ريما فيه بعدين طالعت قدام ..
منصور: وطول هالفتره انا بغرفه وانتي بغرفه لين الاقي حل ..
ريما: احسن .. ماني ميته عالنوم معك ..
عصب منصور واسرع بالسياره وهو يقول في نفسه: "طبعا مو ميته .. قد نامت مع قبلي كثير لين تعودت" ..
سكت شوي بعدين قال في نفسه: "استغفر الله .. حرام اظلمها لين تنطقها بلسانها .. صحيح انا متأكد بس لازم اسمعها من فمها .. ما ابي اظلم البنت الوحيده اللي حبيتها بحياتي" ..
طالع في ريما وقال في نفسه: "والله احبها الى الآن" ..
وصلوا الفندق وبدلت ملابسها وبعدين راحوا للشرطه واسترجع رخصته وبطاقة هوية ريما ..

================================================== ==================

10 - 3 - 2014, 06:55 PM

قامت دانا من النوم بسرعه وبرعب مفجوعه من صوت الرعد اللي اخترق اذنها ..
دانا: بسم الله الرحمن الرحيم ..
قامت وفتحت الشباك وهب عليها هوا قوي وامطار دخلت غرفتها ..
طالعت في الجو وكان جدا سيء .. امطار غزيره وبرق ورعد واعاصير قويه ..
قفلت الشباك وطالعت في الساعه فشافتها سبعه الصبح ..
دانا: يا سبحان الله .. مو واضح ابدا انه الصبح .. الجو جدا مظلم ومافي اي نور ..
جلست عالسرير وقالت: اكيد ماكو جامعه اليوم ..
قامت لأنها تذكرت صلاة الفجر اللي فاتتها فصلتها وبعدين وقفت قدام المرايه ومشطت شعرها ..
دانا: شعري الطويل كان احلى .. بس ما دام انه عشان عادل فهذا شي عادي ..
فتحت الدرج ورجعت المشط فأنتبهت للورقه فأخذتها ..
دانا: ودي اعرف كيف يت هالورقه في جيبي يوم الغاز اللي انتشر في الجامعه ..
فتحت الورقه تقراها بعدين قالت: ومنو هي سيلينيا ..؟! شكل الورقه تخصها ..
قعدت فتره تتأمل الكلام بعدين قالت: مو كأنه مكتوب الراهي ..
طالعت في الجدول زين وفعلا .. موجود اسم الراهي ..
دانا: هذا لقب سامي .. معقوله هالورقه تخص سامي ..؟!!!!
سكتت فتره بعدين قالت: واذا كانت تخص سامي فإيش اللي يابها في جيبي .. وايش معنى هالحجي واللخبطه المكتوبه هني ..؟! مره مو مفهومه .. احسها زي طلب رفع قضيه او زي تحاليل او زي صفقه ..
رجعتها للدرج وهي تقول: لا لا مستحيل تخص سامي .. الورقه هذي مختومه بأنها في بريطانيا وسامي ما عمره راح بريطانيا غير هالترم وكمان الراهي كثيرين مو بس سامي ..
قفلت الدرج وطنشت الورقه وطنشت احساسها اللي مصر ان الورقه تخص سامي ..
لفت تطالع في الشباك وقالت: الرعد مرره قوي .. يا رب استر ..

..............................................

في جهة اخرى وفي المكتب اللي يشتغل فيه عبدالرحمن الرملي ..
قبل شويه وصل له خبر ان الشركه بتقفل وكل واحد يرجع لأهله بس هو ما قام ..
حاس بدوخه فضيعه ..
امس ما نام ابدا .. بعد الزواج رجع في البيت وجلس يفكر في امر اسيل ..
ومازال الى الآن يفكر فيها والاحداث اللي قبل ١٧ سنه يفكر فيها كمان ..
اخذ جواله واتصل على فارس ..
رد فارس وقال: هلا يبه ..
الاب: فارس خذ سيارة اختك ريما وتعال للشركه .. حاس بدوخه وما اقدر ارجع بروحي ..
فارس: ان شالله .. دقايق واكون عندك ..
قفل الاب وبعدين اتصل على اخوه عبد الغني ..
ابو وائل: الو .. هلا عبد الرحمن .. غريبه متصل هالحزه ..
الاب: عبد الغني ابي احكيلك سالفه ..
ابو وائل: عبد الرحمن شتقصد ..؟!
الاب: انا خلاص قررت اني اخبر اسيل عن كل شي ..
ابو وائل: حلو .. اخيرا فكرت صح ..
الاب: وفيه شي ثاني بعد ..
ابو وائل: وشو ..؟!

بعد عشر دقايق كان فارس تحت ينتضر ابوه ..
فارس: الله يعين .. صحيح الجو حلو بس احسه قوي بزياده ..
نزل الاب وقال: انت ييت ..؟!
لف فارس عليه وقال: يبه شفيك ..؟! شلون دايخ ..؟!
الاب: ما عليك شي بسيط .. ياللا اركب خل نمشي ..
فارس: اوكي ..
ركبوا واتجهوا للبيت ..
طالع الاب في فارس فتره بعدين قال: فارس ..
فارس: هلا ..
الاب: بقولك شي يخص اختك اسيل ..
فارس: ايش هو ..؟!
تردد الاب بعدين قال: فارس ما ابيك تنفعل يا حبيبي اوكي ..
استغرب فارس .. وش هالموضوع اللي شكله خطير .. ما جاء في باله ابدا ان ابوه يبغى يقوله ان اسيل مو اختك ..
فارس: حاضر يا يبه .. وانا اصلا ما عمري انفعلت عليك ..
الاب: إلا لمن دخلت اسيل لمستشفى الطب النفسي ..
فارس بإحراج: آسف ..
وجاء بيتكلم بس وقف وهو يحاول يطالع زين قدامه لأن الرؤيه بدت تصير سيئه ..
فتح عيونه بصدمــــــــــــــه وهو يشوف قدامه شاحنتين مصدومين بحادث ..
كانوا قدامه تماما ..
انتبه الاب وقال بصراخ: فــــــــــــــارس انتبــــــــــــــــــــــــــــه ..
حط فارس رجله على دواسة البنزين بس زلقة وبدأ يلف المقود عشان يبتعد ..
الاب: فــــــــــــــارس وقــــــــــــــف وقــــــــــــــف ..
ارتعب فارس اكثر وبدأ يضغط رجله بطريقه عشوائيه من الارتباك والخوف وضغط عالبنزين وفحطت السياره ..
وفحطت السياره بقوه في الوقت الضائع و.......

وانقلبت فوق الشاحنتين واشتعلت النيران العملاقه والعنيفه في السيارات الثلاثه ..
السيارات الثلاثه بدون استثناء ..

انتهى البآرت الثامن على هذا الحادث القوي والمدمر ..
خلاص يعني ماتوا وماتت مع ابو فيصل الحقيقه ولا لا ..؟!
انتظروني في البآرت التاسع الجزء الاول وراح تعرفون اجابة هذا السؤال ..
طيب ودانا واللي مكتوب في هالورقه .. ايش تحليلكم له ..؟!
وبدر وش عرفه ان اسيل الرملي هي نفسها سجى الراهي ..؟!
واسئله اكثر من كذا بس انتظروا اجاباتها في الاجزاء القادمه ..

*,.. اللقطات ..,*

*,.. بكت وهي تقول: امي مو سميه .. انتم اهلي .. الله يخليكم قولوا انكم اهلي .. امانه قولوا انكم تتغشمرون وياي ..
*,.. سامي بقهر: اتعوذ من شنو ولا شنو .. هو ابليس السبب في كل شي .. لا ابوي هو السبب .. حتى امي ..
*,.. بسام: طيب بغيت اسألج .. طيلة هالاربع سنوات ماقد ياتكم مريضه من دون نسب ..
*,.. عصبت وفار دمها وراحت فقال راكان: لا تنسين .. لج سبعه ايام ..
*,.. تنهد انس واخذ جوال طارق وهو يقول: وش هالشي اللي صدمه ..؟!

اختكم // صرخـــ المشتاقه ـــــ  ـــــة ..

|$[ نهاية البآرت ]$|

10 - 3 - 2014, 06:57 PM

|$[ البآرت التاسع الجزء الاول ]$|

في الخارج الجو بارد وممطر واصوات الرعد واضواء البرق منتشره في المكان ..
في الداخل في بيت ابو فيصل كان الجو متوتر والمكان يسوده القلق والخوف والانتظار ..
مشيت الام رايحه جايه وهي تقول: يا ربي ياربي ولدي فارس وزوجي شصار لهم .. آآآه يا ولدي يا ضناي وآآه يا زوجي ..
اما اسيل فكانت واقفه بمعطفها البني الطويل لركبتها والوشاح اللي لافته على رقبتها ..
كانت واقفه عند باب البيت بقلق بس حست بالبرد فدخلت وجلست عالكنبه وبعدين حضنة المخده وبكت بصمت من الخوف عليهم ..
اخذت الام جوالها وقالت: وفيصل ليه ما اتصل يطمني ..؟!
اتصلت عليه فرد وقالت بسرعه: فيصل وينك وكيف ابوك وكيف اخوك .. طمني يا فيصل بسرعه ..
تنهد فيصل وقال: باجي في غرفة العمليات ..
الام بصراخ: كل هالــــوقت .. ليه ما يخلصون .. ليــــــــــــش ..؟؟؟!!
فيصل: الله يهداج يمه لا تنفعلين جذي .. ان شالله خير ..
الام بإنفعال: اي خير وهم مسوين حادث .. اي خير اللي تتحجى عنه يا فيصل .. ابوك واخوك يمكن يتركونا وانت تقول خير ..
فيصل: امي اهدأي ما يصير تسوين بروحج جذي .. اذا طلعوا من غرفة العمليات انا بتصل عليج .. باااي ..
الام: الو فيصل .. فيصل ..
طالعت في الجوال وقالت: قفل ..
طالعت اسيل فيها وقالت: يمه .. شصار لهم ..؟!
الام بصراخ: جــــــــــــــب .. انتي السبب لو صار لهم شي .. ابوج الليل ما نامه بسبتج انتي .. انجبي وما ابي اسمع نفس ..
هزت راسها وسكتت بس دموعها ما وقفت .. خايفه على ابوها واخوها ..
طالعت في جوالها واتصلت على آرثر .. محتاجه لأحد .. بس آرثر كالعاده ما رد ..

بعد ثلاث ساعات .. ما زال الوضع على حاله ..
الام بقلق: ثلاث ساعات وما اتصل فيصل .. آآه يا قلبي يوجعني .. حاسه انه صار شي جايد ..
انفتح الباب في هاللحظه ودخل فيصل اللي كان شكله مبهذل .. غترته على كتفه بإهمال وازارير ثوبه مفتحه وملامح وجهه مقلووووبه ..
قاموا بسرعه والام راحت جري له وقالت: ها شصار .. ابوك واخوك شصار لهم ..؟!
طالع في امه وانصدمت من عيونه الحمرا والدموع ما زالت فيها ..
الام بصدمه: فيصل .. فيصل شصار ..؟!
طالعت اسيل فيه .. تبغاه يقول اي شي إلا انهم يموتوا ..
ارتجف صوتها وقالت: فيصل وينهم ..؟!
هزته امه وهي تقول: فيصل تحجى شصار لأبوك وشصار لاخوك .. فيصل قول شي لا تقعد ساكت ..
مشي فيصل وهو يترنح بمشيته وجلس عالكنبه ..
جلست الام قدامه وقالت بخوف والدموع بعينها: فيصــــــــــــــل تحجــــــــــــــى ..
نزلت دموع فيصل وقال: ابوي وفارس ..
الام بخوف: شفيهم ..؟؟!
غطى وجهه بإيده وقال بصوت باكي: مات .. ابوي مات يا يمه مــــــــــــــات ..
انصدمـــــــــــــــــــــــــــــــــــــــــــــ ـــــــــــوا منه ..
حطت اسيل ايدها على فمها وهي مو مصدقه ابدا ..
الام بصدمه: لا .. ما مات .. عبد الرحمن ما مات ..
مسح فيصل دموعه وقال بصوت مرتجف وبإنكسار: مات .. وفارس راح يلحق بإبوي .. فارس في غرفة الانعاش ونسبة نجاته هي ٢٠% .. ابوي يا يمه مات وفارس بيلحقه .. آآآآآآآآآآه يا يمه آآآه ..
الام بصراخ: ما مات .. انت جــــــــــذاب .. انت جــــــــــــــذاب ..
اسندت اسيل ظهرها عالجدار وانزلقت عالارض وهي مصدومه ..
ابوها .. مات ..
اخوها .. بيموت ..
هزت راسها بلا ..
ارتجفت شفايفها ونزلت دموعها وهي تهز راسها بلا ..
هذا الشي مو قادره تستوعبه ..
لا .. اصلا هي ما تبغى تستوعبه ..
امس .. امس كانوا مبسوطين بزواج ريما ..
امس كانوا تمام فشلون يموتون ..
مو معقوله ..
ابوها اللي يحتضنها ويسولف معها ويدافع عنها دايما ..
شلووووون يموت ويتركها ..؟!!!!
فارس اخوها .. لا مو اخوها ..
هذا تؤامها .. هو الوحيد اللي تشتكيله همومها ودايم يساعدها في مشاكل ..
لااااا مو قادره تستوعب انه على مشارف الموت ..!!!!!
غطت وجهها بإيدها و انفجرت تبكي بصوت مسموع وصوت يقطع القلب ..
مشيت الام وهي تقول: اكيد فيه غلط في السالفه .. يمكن اللي مات واحد ثاني مو عبد الرحمن ..
لفت على فيصل وقالت: صح كلامي ولا غلط ..؟!
هز فيصل راسه بألم ..
هزت راسها الام بعدم تصديق ..
زوجها ماااااااات ..!!!
شلون تقدر تسوعب هذا ..؟!!!
عشرت ٢٦ سنه طارت في حادث ..!!!
اكيد يمزحون ..
بس لا .. هي عارفه واللحين تأكدت انهم ما يمزحون ..
فأنهارت الام وبدت تبكي بهستريا ..
شلون ما تبكي واللي مات هو زوجها .. عشرت عمر .. ٢٦ سنه وهم مع بعض ..؟؟؟!
وشلون ما تبكي وولدها وضناها راح يموت في اي لحضه ..؟؟؟!
بكت وهي تتحسب وتدعي عاللي صدمهم ..
فيصل كان يطالع فيها بس مو حاس ولا مستوعب ان اللي تبكي بجنون هي امه ..
عقله وقف وحالته جدا صعبه .. ابوه مات قدام عيونه ..
ما زال يتذكر شكله والدم والحروق ملت جسمه ووجهه ..
مازال يتذكر انينه اللي يقطع القلب ..
مازال يتذكره وهو يلتقط آخر انفاسه ..
هذاك المشهد خل عقله يوقف تماما ..
صارت الدنيا قدامه فراااااغ من اللانهايه ..
شوي قامت الام ولفت على اسيل وقالت بصراخ: انتــــــــــــــي السبــــــــــــــب .. انتي اللي موتي عبد الرحمن .. انتــــــــــــــي الســــــــــــــبب يا بنت الشــــــــــــــواااارع ..
رفعت اسيل راسها تطالع بتفاجئ في امها اللي تتهمها ..
جت الام عندها ومسكتها من اكتافها ووقفتها وهزتها وهي تقول: ليــــــــــــــه .. ليــــــــــــــه دخلتــــــــــــــي حياتنا ليـــــــــــــه .. بسببج المشاكل بيني وبين عبد الرحمن كثرت .. بسببج انشغل عبد الرحمن عن عياله عشانج .. بسببــــــــــــــج مــــــــــــــاااااااات .. انتي المسؤوله الاولى والاخيره .. انتي اللي قتلتيه .. ايه انتــــــــــــــي ..
اسيل وهي تبكي: يمه شقاعده تقولين .. انا مالي دخـ....
الام بصراخ: جــــــــــــــب .. انا مو امــــــــــــــج .. امج سميــــــــه .. حسبي الله عليج وعليها وعلى كل عائلتكم ..
طالعت اسيل في امها بصدمه ..
هاهي الآن تسمع اسم سميه للمره المليون ..
بس هذي المره من فم امها ..
اسيل بخوف: شتقصدين ..؟؟!!
الام بعصبيه: خــــــــــــــلاص طلعي من حياتنا يالمتطفله .. اتركينا .. انتي مـــــــــو بنت عبد الرحمن .. عارفه شنو يعني مو بنت عبد الرحمن ..؟! حسبي الله عليج وعالساعه اللي دخلتي فيها حياتنا ..
ودفتها بقوه عالجدار من القهر والالم اللي بقلبها ..
الام بهستريا: اكرهــــــــــــــج .. اكرهــــــــــــــج من يوم ييتي هنا .. ليت عبد الرحمن تركج وما اخذج ياللقيطــــــــــــــــــــــــــــه .. ايه انتي لقيطــــــــــــــه .. لقاج عبد الرحمن ورى وحده من الاسواق وعمرج سنتين .. يعني انتي دخيلــــــــــــــه .. دخلتي حياتنا بدون حق يا بنت الحــــــــــــــرام .. ما دام اهلج رموج فهذا يعني انج بنت حراااام .. اكرهــــــــــــــج .. طلعي من حياتنا طلعــــــــــــي وهدينا نعيش بسلام .. اكرهــــــــــج .. حسبي الله عليج .. زوجي حبيبي ضااااااااع بسبتج ..
كان فيصل يطالع فيهم بدون ادنى انفعالات .. لأنه الآن كالجسد بدون روح ..

الجمــــــــــــــــــــــــــــــــــــــــــود هي كانت ردت فعل اسيل ..

جن جنون الام وقالت بصراخ وهي شوي وتقطع ثيابها: انتي حجــــــــــــــر ما تفهمين .. اقولج انتي لقيطــــــــــــــه ومو بنتنا فليش تطالعين فيني جذي .. حجــــــــــــــر طوفــــــــــــــه جــــــــــــــدار ما تحسين .. انا مو امج .. فيصل مو اخوج .. ريما مو اختج .. فارس مو تؤامج .. زوجي مو ابوووووج .. امج وحده اسمها سميه .. روحيلها وفكينا منج وطلعي من حياتنا .. ياليتج قعدي مرميه في الشارع والتقطج واحد غيرنا عشان تهدمين حياته هو مو احنا ..

طعنه ورى طعنه ورى طعنه ..
آلآف الطعنات اللي طعنة قلبها الصغير ..
ياليتها طعنة سكين .. بس كانت هذه طعنه اقوى واشد ..
طعنة الكرامه كأنسانه ..
لقيطــــــــــــــه ..!!
واحد التقطها ..!!
اهل رموها ..!!
متطفله على حياة الناس ..!!
لا .. بكذا ما صارت انسانه ..
صارت كالهامش اللذي يكون في اطراف الكتب عادة ..
هذه المعادله المعروفه للناس ::
اللقيــــــــــــــط = هامش .. لا بل كارثه ويجب الابتعاد عنه ..
اي انسان عندما يعرف ان من امامه لقيط ماذا سيفعل ..؟!
معظم الناس يرمونه بنظرة الاستحقار والاستعلاء ..
طيب ليش ..؟!
وش جريمته ..؟!
هو مو جاني .. هو مجني عليه .. هو ضحيه من ضحايا المجتمع ..
الخــــــــــــــوف ..
الوحــــــــــــــده ..
الالــــــــــــــم ..
الانكســــــــــــــار ..
آهــــــــــــــآآت .. زفــــــــــــــرآآت تكآآد تقتلها ..
معقــــــــــــــوووله اللي ينقال قدامها ..؟؟!!
معقــــــــــــــوووله الكلام اللي تسمعه ..؟؟!!
لااااا هي في حلم .. ما تبي تصدق شي .. ابدا ..!!
بس للأسف ..
قلبها الجريح المطعون مصدق ويجبرها انها تصدق ..
اللي واقفه قدامها واللي دفتها قبل شوي .... كيييف ما تكون امها ..؟؟!!!
اللي جالس عالكنبه ويطالع فيها .... شلوووون مو اخوها ..؟؟!!!
اللي قبل شوي تلقت خبر موته وانهارت بكى عليه .... مستحيييل ما يكون ابوها ..؟؟!!!
نصفها الثاني .. تؤامها اللي بين الحياء والموت .... مو معقوله يكون مو اخوها ..؟؟!!!
اختها .. اللي بالامس كان زواجها وبالامس هنأتها وودعتها .... كيييييف تكون مو اختها ..؟؟!!!
البيت اللي ساكنه فيه .. الاكل اللي تاكله .. المصروف اللي تاخذه .. كل هالاشياء مو من حقها ..!!!
وجهها اللي كان قبل شوي جامد .. تحول من الجمود الى الضعف والوهن والانكسار ..
الدموع تنزل بسرعه مثل الامطار اللي في الخارج ..
اطراف يدها صارت بارده مثل برودة الجو في الخارج ..
ارتجفت شفايفها وقالت بمنتهى الضعف: لا .. انتي امي .. ما ابي ام غيرج ..
الام بعصبيه: وانا ما ابيج .. انتي مو بنتي .. شتبين تتلزقين فيني ..؟!
آآآآآآآآآآه .. آهآآت تطلع من قلبها المحطم ..
لفت نظرها المهزوز الى اللي من المفترض يكون اخوها الكبير ..
تحاملت على نفسها وقامت وراحت له وهي تجر خطواتها ..
جلست قدامه عالارض وهو عالكنبه وقالت بعيون دامعه: فـــ ـيــ ـ ـــصــل ..
طالع فيها وهو لا يزال في حالة اللاوعي ..
شهقت وقالت بصوت باكي: انا مــيــ ــن ..؟!
الام بصراخ: قلنالج مو بنتنا .. ما تفهمين ..؟!
مسكت ايده وبكت وقالت بضعف: فيصل بلييز قولي ان هذا الحجي جذب .. قول انك اخوي الكبير .. والله العظيم اني اسمع كلامك دايم .. اضربني هاوشني احبسني بس المهم تبقى اخوي .. فيصل تحجى واللي يخليك ..
نزلت دموعها اكثر وهي تقول: فيصل والله ما راح اجذب عليك بعد جذي .. اسمع فيصل انا اعرف آرثر .. ايه قد قابلته كثير وقد خرجت معاه كمان ..
شهقت وهي تهز ايده وتقول: ياللا اضربني .. انت اخوي ولازم تضرب اختك اذا غلطت .. انا غلطت ياللا هاوشني يا اخــ ــوي ..
طالعت فيه تنتظر جوابه .. فكان الصمت هو الجواب ..
انهارت تبكي على رجله وهي حاضنه ايده ..
لا مو مصدقه ..
مو معقوله في يوم وليله تنصدم بهالحقيقه المرررره ..
صعب ..!!
صعب عالانسان يعيش بين اسره ..!!
ياكل معاها .. يستهبل معاها ..!!
يسولف معاها .. يضحك معاها ..!!
يعيش الحلوه والمره معاها ..!!
وفجأه تكون الطامه عندما يكتشف انه مو منهم ...
وقفت .. طالعت في فيصل .. طالعت في امها .. طالعت في البيت ..
رجعت خطوتين ورى وهي تقول: جذب .. حجيكم كله جذب .. لا .. لا انا ما اصدقكم ..
حركت ايدها على جهتهم وهي تقول: انتم كلكم جذابين .. كــلكم جــذابيــن .. ايه جذابين تجذبون علي .. إنا مستحيييل اصدقكم ..
اشرت على نفسها وهي تقول: انا اسيل بنت عبــــــــد الرحمــــــــــن الرملــــــــي ..
بكت وهي تقول: امي مو سميه .. انتم اهلي .. الله يخليكم قولوا انكم اهلي .. امانه قولوا انكم تتغشمرون وياي ..
اختفى صوتها من شدة البكى وقالت بصوت مبحوح: انــ ــا احبــكــ ــم واايــ ــــد ..
مسحت دموعها بطرف كم معطفها بألم وضعف ..
طالعت فيها امها من فوق لين تحت وقالت: اما احنا فما نحبج ولا نبيج موليه ..
اندهشت الام لمن شافت اسيل تبتسم بهدوء ..
ابتسمت اسيل وقالت بصوت شبه باكي: شكرا .. شكرا لأنكم لـ ـقـ ـطـ ـتـ ـوني وعيشتوني عندكم بدل من الدار ..
ارتجفت شفايفها وهي تقول: بس ياليتكم ما لقطـ ـتـ ـوني .. ياليتكم خليتوني امــــــــــــــــوووت ..
لفت وخرجت من البيت وهي تبكي ..!!
خرجت من بيت عاشت فيه ١٧ سنه ..!!
ذاقت في هالبيت كل شي ..!!
الفرح .. الحزن .. الضرب .. الشتم .. القهر .. الحب .. الحقد .. الحنان .. الكره .. التمثيل الكاذب ..!!
طول ١٧ سنه وهم يمثلون عليها ..
الاب يمثل انه اب حنون ..!
والام تمثل انها ام مثاليه ..!
والاخ يمثل انه اخ غيور على حرمه ..!
والاخت تمثل انها اخت طبيعيه كباقي الاخوات ..!
والتؤام المزعوم كان اقواهم تمثيلا ..!
شي يحـــــــــــــررق القلــــــــــــــب ..
وهاهي اسيل خرجت لتواجه مستقبلا بلا ملامح تذكر ..
اختارت الخروج برى البيت بعد ما تلقت اقسى طرده من اللي كان من المفترض انها امها ..
اي حياة هذه اللتي ستواجهها ..؟!
اي معاناة ستتلقاها في هذا العالم الذي يرفض وجودها كلقيطه ..؟!
لــقــيــطــه .. ما اقساها من كلمه ..
انها بصمة عار ستلتصق بها طيلة عمرها مع انها ليست مــذنــبــه ..

اما الام .. فبعد خروج اسيل انهارت تبكي مره ثانيه على زوجها اللذي يرقد الآن في ثلاجة الموتى ..

.................................................. ..............

في ذاك المستشفى اللي يحتضن اثنين من اهم الاشخاص .. الاب وابنه ..
عند قسم الاستقبال ..
كانت وحده من الموضفات جالسه وحاطه رجل على رجل وتطالع في اظافرها ..
اوووه هذا الاظفر بدأ يتقشر ....
هذا ما كانت تفكر فيه حتى قاطعها شخص يقول: لو سمحتي ..
رفعت نظرها له بعدم اكتراث وهي تقول: نعـ.....
وقفت عن كلامها .. كاان شخص وسيييم جدا ..
اعتدلت في الجلسه وقالت بإبتسامه: اهلا .. اي خدمه يا استاذ آ .... انت شسمك ..؟!
ههههه شكل البنت خقت عنده بجد ..
ابتسم الشاب وقال: بسام ..
البنت بإبتسامه: اهلا بسام .. اي خدمه اقدمها لك ..؟!
بسام: بغيتج في خدمه شوي غريبه وصعبه ..
زادت ابتسامتها وهي تقول: وصلت للشخص المناسب فأنا رهام اللي تحب تساعد الكل ..
بسام بإبتسامه: مشكوره يا استاذه رهام ..
رهام: لا مو لازم استاذه .. رهام تكفي ..
بسام: براحتج .. اممم والله مدري كيف ابدأ ..
رهام: عادي خذ راحتك ..
سكت شوي بعدين قال: جم لج تشتغلين هني ..؟!
رهام: حول اربع سنوات ..
بسام: طيب بغيت اسألج .. طيلة هالاربع سنوات ماقد ياتكم مريضه من دون نسب ..
سكتت رهام شوي تقلب الامر في راسها بعدين قالت: فهمت عليك .. دقيقه اشوف ..
لفت عالكمبيوتر وبدأت تضغط عالازرار برشاقه وسرعه تحت مراقبة بسام ..
بسام في نفسه: "يا رب تلقاها" ..
بعد فتره قالت: فيه ثلاث اشخاص ..
بسام: ايش اعمارهم ..؟!
رهام: وحده عمرها سبع سنوات يت هنا السنه اللي طافت ..
بسام بإحباط: والثانيه ..؟!
رهام: الثانيه فوق الثلاثين ويت قبل ثلاث سنوات ..
احبط فقال بخوف: طيب والاخيره ..؟!
رهام: عمرها ١٨ سنه ..
بسام بسرعه: يت السنه اللي طافت صح ..؟!
رهام: لا .. يت قبل اربع سنوات .. يعني عمرها اللحين اثنين وعشرين ..
تنهد وقال: كنت حاس اني مستحيل القاها ..
طالعت فيه رهام بفضول وقالت: منو ذي اللي تدور عنها ..؟!
بسام بهدوء: بنت اختي ..
لف وابتعد عنها ..
هذا المستشفى رقم ٣١ اللي سأل عنها فيه ..
دار في كل دور رعاية الايتام وما لقى وحده بمواصفاتها ..
::.. مجهولة النسب .. عمرها ١٩ سنه .. عيون رصاصيه .. جرح قديم في اسفل رقبتها ..::
حاس المستشفيات والسجون والشرطه ودور رعاية الايتام وما لقى وحده بمواصفاتها ..
تنهد وقال: باجي ادور عنها في الجامعات يمكن تكون كملت دراستها .. وبدور في الشركات والمصانع والدواير الحكوميه وغيرها يمكن تكون تشتغل ..
فتح المظله اللي في ايده وخرج من المستشفى ومشي عالرصيف الجانبي لأنه وقف سيارته بعيد ..
رااااح القليل وبقي الكثييير ..
صعب انه يدور عن بنت بين ملايين الاشخاص ..
يحس ان مهمته اصعب مما يتوقع ..
طالع في الناس بشرود ..
هذا طفل ماسك بإيد امه ويسحبها لمحل حلويات ..
وهذه بنت ماسكه مضلتها وتنتظر احد ..
وهذا شاب فاتح طبلون سيارته يصلحها ..
وهذه وحده لابسه معطفها وتمشي ببطئ شديد وهي تطالع في الارض ولافه على رقبتها وشاح غطى نص وجهها ..
استغرب منها .. الدنيا مطر وهي ما معاها مظله ..
ترنحت البنت شوي بمشيتها واستندت عالجدار تاخذ نفس ..
كسرت خاطره .. كان واضح جدا انها تعبانه ..
انتبه ان معطفها فيه قبعه من ورى .. طيب ليش ما حطتها على راسها ..؟!
ما اهتم كثير بالامر .. لأنها مجرد بنت لا جت ولا راحت ..
وقفت بالصعوبه وبدت تمشي ..
مرت من جنبه ولأنها مو منتبه صكت في كتفه بقوه وبغت تطيح ..
مسكها بسرعه فأعتدلت في الوقفه ..
بسام بإبتسامه: ما تشوفين شر ..
طالعت فيه بقمة البرود ولفت عنه ..
استغرب منها وقال بدون شعور: الدنيا مطر .. ليه ما معاج مظله ..؟!
وقفت شوي وهي معطيته ظهرها ..
تقدم شوي ولبسها قبعة المعطف وقال: عالاقل البسي هذا ..
نزلت دموعها وقالت بدون ماتلف عليه: مابي .. ابي اموت ..
انصدم من كلامها ..
اما هي بعد جملتها هذه راحت لجهة باب المستشفى ..
بسام بإستغراب: بنت غريبه .. اكيد عندها مشكله جايده ..
اما عن البنت اللي ما كانت غير اسيل ..
فكانت تمشي بكل تعب ..
رايحه ومتجهه للمستشفى ..
رايحه للمكان اللي فيه الشخص اللي التقطها ..
تبي تسأله .. هي عارفه انه ميت بس تبي تسأله ..
تبي تتأكد من الكلام اللي قالته امها ..
تبي تعرف ليش التقطها .. ليش ما تركها تموت عشان ترتاح ..
صرخت فجأه بخوف من صوت الرعد اللي كان جدا عالي وفاجئها ..
سندت ظهرها عالجدار وهي لافه ايدها على على جسمها من شدة البرد والخوف ..
خــــــــــــــايــــــــــــــفــــــــــــــه ..
صارت وحيده في هالعالم الكبير والواسع والجشع ..
لا اهل .. لا مأوى .. لا اصل .. ولا مال ..
تحاملت على نفسها وكملت طريقها ودخلت المستشفى ..
تقدمت لجهة الاستقبال وقابلت البنت اللي اسمها رهام ..
اسيل بهدوء: لو سمحتي ..
رفعت رهام عيونها عن اظافرها وقالت: نعم .. اي خدمه ..
سكتت اسيل شوي بعدين قالت: وين ثلاجة الموتى ..؟!
تفاجأت رهام بس بعدين قالت: في الدور الرابع الجناح الشرقي ..
طالعت اسيل فيها بعدين راحت ..
تأففت رهام ورجعت لأظافرها وهي تقول: حتى كلمة شكرا ما قالتها ..
ضغطت اسيل زر المصعد فأنقفل وبدأ يطلع للدور الرابع ..
وقف المصعد وبدأت تطلع منه بخطى واهنه ضعيفه ..
تقدمت لين وصلت للجناح الشرقي ولثلاجة الموتى بالتحديد ..
وقفت تطالع في الباب .. غمضت عيونها بألم عشان تمنع نزول الدموع من محاجرها ..
بعد دقيقتين مدت ايدها بتردد وفتحت الباب ..
اول ما فتحته حست بنسمه بااارده وارتعش جسمها في وقتها ..
دخلت وقفلت الباب وراها ..
نزلت دموعها غصب عنها وهي تشوف واحد نايم عالسرير ومغطى بشرشف ابيض ..
حست انه ابوها مع انها ما شافت وجهه ..
تقدمت لين وقفت قدامه .. مدت ايدها المرتجفه ناحية الشرشف وبدأت تبعده عن وجه ابوها ..
اول ما شافته شهقت وحطت ايدها على فمها ..
نزلت دموعها وبكت وهي تقول: ابـ ــــ ــــــ ـــوي ..
هزت راسها بلا ..
رمت نفسها على صدره وبدأت تبكي وتشاهق وهي تقول: لا .. لا ما اصدق .. انت ابوي .. انت هو ابوي مو واحد ثاني ..
رفعت راسها ومسحت دموعها وقالت: ابوي امي تقول اني مو بنتكم .. ابوي كلامها صح ولا غلط ..؟!
ضغطت على ايده وهي تقول بترجي: بليييز ابوي ياوبني ..
طالعت فيه تنتظره يتكلم فأرتجفت شفاتها وقالت: يعني كلامهم صح .. مو انت تقول السكوت علامة الرضى ..
هزته وهي تقول: طيب لا تسكت .. تحجى وانكر كل شي .. قول اني بنتك .. يبه قوم واحضني وقول ان امج جذابه .. يبه واللي يخليك قوم ..
رمت بنفسها فوق صدره البارد تبكي وهي تقول: يعني صج .. فعلا انا مو بنتكم .. يبه ليه جذي ..؟! ليه جذبت علي ..؟! لهدرجه مالي قيمه عندكم ..
بكت اكثر وهي تقول: طبعا .. طبعا مالي قيمه دام اهلي رموني .. اكرهــــــــــــــك واكرههــــــــــــــم واكره كل الناس .. ليتك ماخذيتني ابد .. ليتك ماخذيتني ابدا ..
رفعت راسها وهزته بلا وهي تقول: لا لحضه .. منو قال اصلا ان هذه حقيقه .. اكيد .. اكيد انا احلم .. فعلا انا في حلم واللحين بأصحى منه .. مو معقول هالخرابيط تكون صح .. مو معقول ..
طالعت في ابوها وهي تقول: اللحين بأصحى .. ماراح اطول في هالكابوس ..
هزت راسها وهي مغمضه عيونها ..
تبغى تصحى من حلمها المزعوم ..
تبغى ترفض هالاحداث بأي طريقه ..
تبغى ترجع اسيل مثل ما كانت ..
تبغى وتبغى وتبغى بس المهم تكون بنتهم ..
فتحت عيونها وحصل ما توقعته ..
اسيل بهمس: مو حلم .. هذه حقيقه .. فعلا انا .. انا لـ ـ ـقـ ــيــ.....
ما قدرت تكملها .. هالمسمى صعب جدا عليها ..
مسكت ايد ابوها وقالت بمنتهى الضعف: يبـ ــه .. اهـ ـ ـلي رمونـ ــي ولا انا ضعــ ـت منهـ ــم ..؟؟؟؟!!
حضنت ايده وهي تقول: اكيد ضعت صح ..؟؟؟!!
ما لقيت اي جواب ..
كيف راح تلقى جواب من جسد غادرت روحه الى السماء ..
هزت راسها وقالت: طيب لا تياوب على هذه .. قول لي انا بنت مين .. اقصد انا بنت حــ ـ ـــ ـ ـ ـرام ..؟؟!!!!
قالت آخر كلمه بهمس وخوف وضعف وهي تطالع فيه بعيون تترجاه ينكر هالشي ..
وطبعا كان السكوت هو الجواب الوحيد ..
انهارت بعدها عالارض تبكي بشده وتطلع كل شي في قلبها ..
كل شي صار واضح قدامها ..
خلاص اكتشفت انها لقيطه وانتهى الامر ..
حاولت تنكر بكل الوسائل ولكن من دون فائده ..
من دون فائده ..
حطت القبعه على راسها وخرجت بسرعه من هالمكان ..
تبي تبتعد عنه وعن الناس وعن العالم كله ..
تبي تبتعد عن الكل ..
اسندت ظهرها على جدار وحده من المنازل بعد ما طلعت من المستشفى ..
شدت المعطف على نفسها ..
بـــــــــردااانه وتبغى تدفى بأي شي ..
المطر الغزير بللها وبلل ملابسها ..
جلست عالارض بتعب وهاهي الذكريات السوداء بدت تمر بمخيلتها ..
كلمات سمعتها بحياتها بس ما فهمتها ..
اللحين بس فهمت وش يقصدون ..

"طالعت لمار في اسيل بإبتسامه وقالت: انتي تعرفي انج وحده غريبه ..؟!"

"اسيل: لا تقــــــــــــــول اسيل .. انا مو بنتــــــــــــــك .. اكرهــــــــــــــك يالجــــــــــــــذاب ..
انصــــــــــــــدم الاب اكثر وكأنه تأكد من شي كان يدور في باله وقال: انتي شدراج ..؟!"

"رولا بإبتسامه: سمعت انج مو بنت عم لمار .."

"وصايف: مستحيل .. انتي تشبهي سميه واكيد بنتها .."

حطت ايدها على اذنها وكأنها ما تبغى تتذكر ..
بس هيهات .. عقلها مازال يذكرها وكأنه يبغى يزيد عذابها ..

"ابو سامي: مين ذي ..؟!
وائل: بنت عمي .. ليش تسأل ..؟!
ابو سامي: متأكد انها بنت عمك ..؟!
وائل: ايه متأكد ..
ابو سامي: يعني ما لقيتوها ضايعه وربيتوها ..؟!"

"فيصل بعصبيه: ياليت اختي ما ماتت عشان لا تيين انتي وتسودين حياتنا .."

"فقامت الام بعصبيه وقالت: ارتحتي اللحين يا اسيل .. ارتحتي لمن شفتي مهاوشه بين امج وابوج بسببج .. صج انج بنت عاقه .. بالطبع لازم ما يكون عندج اخلاق وآداب لأنج مانتي من بيئتنا .. انتي من بيئة شوارـــــ .."

"وصايف: ابي أأكد لج شي انتي غافله عنه يالغبيه .."

"طالع فيصل في اسيل وقالت: لو كانت اختي جان سلمت عليها .."

"الام بعصبيه: لا تقوليــــــــــن يمــــــــــه .. انــــــــــا مو امــــــــــج .."

"وصايف: قلت انج بنت سميه بس انتي مب مصدقتني .. واخذتج عشان اكشف لج كل شي .. باجر لمن تطلع النتيجه راح تفهمين كل شي .."

"بدر: عرفتج من لون عيونج لأنه تشبه عيون ابوج .."

لاااآآاآااآآااآاااآآآاآااااآااآااآاااآآآااآآااآااا آآاا ..
ضغطت ايدها على اذنها بقوووه ..
كفــــــــــــــآآيه .. مو قادره تستحمل ..
اسيل بصراخ: ابعــــــــــــــــــــــــــــــــــــــــــدوا عنــــــــــــــــــــــــــــي ..
بكت وشهقت وطلعت كل اللي في قلبها ..
تــــــــــــــدمــــــــــــــرت حيــــــــــــــاتها وتحولت لحطــــــــــــــآآآم ..
وتعالت شهقاتها مع صوت الرعد القوي اللي هزها بالكامل ..

بليلـة برد وبرق ورعد *** من خوفي بكت عيني
ولا أحد يحس فينــي *** أنا من لي أنا ويني
يايمه ليه تركتينــي *** بلا حسّ يدفينـــي

يايمه هانت دموعـي *** يايمه هانت سنيني
يا دنيـا وينهـا أمي ؟؟ *** ليه يايمه تعافيـني؟؟
أنـا ولـــدك أنا أنتـــي *** أنا ياكيف تنسيني ؟؟

أنـا شسويــت يايمــه *** أنا شذنبي أنا شفيني ؟؟
أنا غلطـــان يايمه *** أنا ياكيف بعتيني ؟؟
ياليتك جاهله يمه *** وبإيدك وأدتيــنـــي

ياليتك قبل ما أحيى *** أنا بجوفك قتلتينــــي
أنا شـسويــت يا يمـــه *** أنا شذنبي أنا شفيني ؟؟
يايمه أحلف بربي *** دعاء منك يحمينـي

يايمه ياترى وحشتــك *** مثل ماأنتي وحشتيني ؟؟
يايمه وينهـا عيونـــك *** من دموعي تواسيني ؟؟
يهــــون عليك يايمه *** بــلا أســم تخلينـــي ؟؟

أنا ساره أنا نــوره *** أنا كيف بتنادينـــي ؟؟
أحس ببرد يايـمه *** أبي صدرك يدفينــي
أحس بخوف يايمه *** أبي قلبك يغطينــــــــي

أنا شسويت يايمــه *** أنا شذنبي أنا شفيني ؟؟
حملتيني وسط جوفــك *** و للــوحـــدة رميتينـــي ..
وكنت أسمع صدى نوحك *** يـــوم أنـــك ولدتينـــــــــي ..

أبد ماهانت دموعك *** يوم أنـــك بكيتيـــنـــي
يايمه أسألي سجودي *** بأعلى الصوت يدعيني
يايمه أسألي ركوعي *** من حالـــــي بيرثينـــي

يايمه أسألك أنتــــي *** الى يومك تحبينـــي ؟؟
يهون عليك يايمــــــه *** بثوب العار تكسينــي ؟؟
يهون عليك هالعـالم *** لقيط الدار يسمينــي ؟؟

يايمه سامحك ربـي *** يوم أنــــك شقيتينـــي
يايمه سامحك ربـي *** يوم أنــــك خذلتينـــي
يايمه سامحك ربـي *** على مر جرعتينــــي

يايمه أنتي مو أمي *** أنا أمي ما تخلينـــي
يا أنتي أيه يا أنتـي *** أبي تنسي عناويــنـي
وأبي تنسين يوم أسود *** يــــوم أنــــك ولدتينـــي

وكل يومي أنا بدعي *** لباس الصبر يكسينــي
وأنا مؤمن برب الكون *** خلقنـــي مايخلينـــــــــي
وأنا مؤمن برب الكون *** خلقنـــي مايخلينـــــــــي

================================================== ==================

10 - 3 - 2014, 07:04 PM

بعد صلاة المغرب بدأوا يصلون صلاة الميت على ابو فيصل ..
حضر الكثير الكثير من الناس للصلاه على الرغم من الجو السيء ..
بس كان اهون من الصباح والامطار جدا خفيفه ..
حضر ابو وائل مع ولده ..
حضروا اقرباء زوجته احلام ..
حضروا اصدقائه في العمل ..
حضروا الجيراان ..
حضروا بعض من اصدقاء فيصل وفارس للصلاه كمان ..
كثيييييير ناس حضروا ..
امتلأ المسجد بالناس وبدأوا يصلون صلاة الميت ..
فيصل كان واقف في اول صف ..
كان يصلي وعيونه على ابوه ..
مو مستوعب انه بيكمل حياته بدون اب ..
مو مستوعب ان هذا هو آخر يوم يشوف فيه وجه ابوه ..
هذا شي لا يمكن تصديقه ..
صراخ ابوه .. ضحك ابوه .. سوالف ابوه .. كل شي راح يختفي .. للأبد ..
سلموا الناس وبعدين بدأوا ياخذون الجثه للمقبره عشان يدفنونها ..
وصلوا للمقبره وعندها نزلت دموع فيصل اللي كان حابسها ..
ما قدر يتحمل يشوف القبر اللي بيندفن فيه ابوه ..
شي صعب عليه ..

.. يابوي ليتك حيّ وتشوف حالي ..
.. تشوف وش هو صار من بعد فرقاك ..

.. صار الوطن بعدك من الناس .. خالي ..
.. صار... ( الوطن غربه ) بعد مافقدناك ..

.. يابوي أنا بعدّك سهير الليالي ..
.. مقهور من دنيّاي منّا.... ومنّاك ! ..

.. حدتني الدنيا وأنا راس مالي ..
.. إني ... عزيز النفس . مثلك وشرواك ..

.. مافيه شيٍ في حياتي صفالي ..
.. حتى . الورود . إن جيتها صارت . أشواك ..

.. أطيح واحمولي عليّه إثقالي ..
.. وأتخيلك مديت لي كف , يمناك ..

..بعدّك ولامره ترى إرتاح بالي ..
.. أصفّق على كفي " ندم " وآتحراك ..

.. من ضيقتي ياكّم أصّدق خيالي ..
.. وأقوم أدوّر عنّك وآقول ب القاك ..

.. أضيع بالعالم وهمي سؤالي ؟ ..
.. هو أنت ؟ وينك ؟ ليه ماعاد شفناك ؟ ..

.. أدري لو إنك حي ياعز غالي ..
.. يمديك.. تفزع قبل.. ماجيك وانخاك !! ..

.. ويلاه , ياحالي وماهو جرالي ..
.. ويلاه , ياقلبٍ تعذب في...طرياك ..

..ويلاه , يابويّه من اول وتالي ..
.. لا...... والله.. أول.. كان.. ينجيني إدعاك ..

.. واليوم من بعدك وش اللي بقالي ..
.. غير إني ..أدعي ربي يغفر خطاياك ..

تحامل على نفسه وبدأ يدفن ابوه مع عمه ووائل وغيرهم من الاقارب ..
وهاهو جسد عبدالرحمن الرملي صار تحت الرمال ..
جلس فيصل قدام قبر ابوه ودموعه تنزل ويمسحها بطرف شماغه ..
حالته كانت جدا مكسوره وضعيفه ..
كيف ما تكون حالته كذا واللي مات هو ابوه ..
شلون حيكمل حياته بدون اب ..؟!
اذا طاح في مشكله مين بيستشير ..؟!
اذا فكر يتزوج مين بيروح معاه يخطبله ..؟!
اذا جاله ولد فشلون يسميه وصاحب الاسم مو موجود ..؟!
اذا مات مين اللي بيدفنه غير ابوه ..؟!
انقلبت الامنيه وصار هو من يدفن ابوه ..
جاء ابو وائل وقال: استهدي بالله يا فيصل .. كل انسان مصيره الموت .. هو محتاج دعاك اللحين ..
هز فيصل راسه بلا وكأنه مو متقبل الامر ..
تقدم واحد من اخواله بس يعتبر زميله لأنه في نفس عمره ..
جلس جنب فيصل وقال بهدوء: فيصل ما يصير تسوي في روحك جذي .. اللحين انت عندك عائلتك .. هم محتايين يشوفونك قوي مو مهزوز وضعيف ..
فيصل بضعف: صعب .. صعب يا مشعل ما اقدر .. هذا ابوي .. تعرف شنو يعني ابوي ..؟!
تنهد مشعل وقال: لا حول ولا قوة إلا بالله ..
فيصل: اللحين ندمت .. ندمت صج .. كنت ارفع صوتي عليه .. ليــــه سويت جذي ليــــــــه ..؟!
ابو وائل: اهدأ يا فيصل .. اللي راح راح ..
بدأوا يجوون الناس يعزونه ..
خاله ابو هدى .. زوج خالته سعاد .. زوج خالته فاطمه .. وخاله الصغير مشعل ..
عمه ابو وائل .. وائل ..
جيرانهم ابو مايد .. حتى ولدهم مايد الكبير المسافر .. معاذ .. محسن .. مازن ..
زملاء ابوه في الشركه ..
جيرانهم في نفس المنطقه ..
امام المسجد القريب من بيتهم ..
العجوز صاحب المكتبه القريبه من بيتهم كمان ..
كثــــيــــــــــــــــر ناس عزوه .. بس هو ما كان حاس فيهم ابدا ..

في بيت ابو فيصل كان هناك الكثير من المعزين اللي جوا يعزون ام فيصل ..
جالسين في الصاله الكبيره وفاطمه وسعاد عند اختهم يهدوها ..
ام مايد وام وائل حاولوا فيها بس بدون فايده ..
لمار كانت تبكي بشده .. عمها مات وولد عمها بين الحياة والموت ..
لمى كانت ساكته بس دموعها ما وقفت ..
لارا كانت تبكي وصديقتها غاده تهديها ..
غيدا جالسه تطالع فيهم وهي تسأل نفسها: "وين اسيل ما اشوفها" ..؟!
من يوم ما جلست وهي تسأل نفسها هالسؤال ..
هي تعرف ان ريما حاليا مسافره بس ما تدري وين طست اسيل على قولتها ..
هي بصراحه ما تبغى تشوفها عشان تتشمت .. بس استغربت انها ما نزلت ..
غيدا في نفسها: "شكلها تبجي في غرفتها" ..
جت غاده عند غيدا وقالت بهمس: حمود ..
غيدا: نعم ..
غاده: بطلع اشوف اسيل في حجرتها ..
غيدا بإستنكار: وليش ..؟!
غاده: شكلها منهاره وابي اعزيها لأني بصراحه حبيتها ..
غيدا: حبج برص ان شالله ..
غاده: طسي ..
وطلعت فوق لغرفة اسيل ودقت الباب بس محد رد ..
فتحت الباب بهدوء ودخلت الغرفه وقفلت الباب وراها ..
استغربت وتفاجأت ان الغرفه فاضيه ..
غاده: غريبه .. وينها ..؟!
هزت كتفها وخرجت وراحت لجهة المطبخ ..
غاده: يمكن تكون في الحوش اللي من جهة المطبخ ..
دخلت المطبخ فشافت رجال ماسك تلفونه وكأنه يتصل ..
اول ما شافها قفل الجوال وقال: حلو .. تعالي غاده ابي اكلمج ..
جت غاده وقالت: هلا ..
جلس قدامها وقال: اسمعي .. روحي نادي اسيل وقولي عمج يبييج ..
غاده: بس اسيل مو موجوده .. دورت عنها ومالقيتها ..
انصدم العم وقال: شلون مو موجوده ..؟!
هزت كتفها بما ادري ..
سكت شوي بعدين طلع برى ..
خرجت وراه غاده وهي تقول: حتى عمها ما يدري .. معقوله تكون راحت مع ريما ..؟!
هزت راسها بلا وهي تقول: عن السخافه هذه ..
جت بتدخل فسمعت ابو وائل يقول: فيصل تعال برى شوي ..
فطالعت وبالصعوبه شافت ابو وائل يقفل جواله لأن المكان اكثره ضباب وليل كمان ..
رفعت راسها تطالع الجو وقالت: اليوم كان فضيييع بشكل لا يتصور ..
حست بالبرد لأن الجو باااارد لدرجة التجمد ..
دخلت وصبت لنفسها كوب مويه وشربته ..
بعد ما خلصته سمعت صراخ ابو وائل يقول: شلــــــــــــــــــــون طلعــــــــــــــــت ..
تفاجأت غاده وسمعت فيصل يقول كلام بس ما قدرت تميزه ..
وبعد شوي انصدمت من كلام العم اللي قال بعصبيه: انتم شلون تقولولها انها لقيطه ها .. ليــــــــش جذي يا فيصل ..؟! انتضروني وانا كنت بقولها ..
رجعت خطوتين ورى وهي حدها مصدوووومه ..
خرجت من المطبخ وهي تقول: يمزحون .. اكيد ..
جلست جنب غيدا وهي الى الآن تحت تأثير الصدمه ..
استغربت غيدا من شكلها فقالت: غاده شفيج ..؟!
اخترعت غاده وقالت بسرعه: ها ..
غيدا: بسم الله عليج .. شفيج مخترعه ..؟!
هزت راسها بلا وهي ما تزال .. مصدومه ..
طالعت غيدا فيها فتره بعدين طنشت الامر وهي تقول في نفسها: "تصطفل .. وانا شدخلني فيها" ..
اما ابو وائل فأسند ظهره عالجدار ويحس بصداع من هالصدمه اللي تلقاها ..
طالع فيصل فيه واقولكم بصراحه هو الى الآن مو مستوعب اي شي حواليه ..
اسيل هربت من البيت قدام عيونه وهو عارف هالشي بس مو مستوعب ..
طالع ابو وائل في فيصل وقال: ما تعرف وين راحت ..؟!
هز راسه بلا ..
ابو وائل بقهر: الله يهديها امك .. ما يصير جذي ما يصير ..
خرج من البيت وقابل وائل توه جاء ..
وائل: يبه وين رايح ..؟!
الاب: متضايق وبروح .. انت اقعد وييب امك واخواتك معاك .. واذا كانوا بينامون فخلهم على راحتهم ..
وائل: حاضر .. اقول ابوي ..
تنهد الاب وقال: نعم ..
وائل: كيف هي حالة اسيل ..؟!
غمض الاب عيونه بألم وهو يقول: راحت .. عرفت كل شي وهربت .. آآخ ما نفذت وصيتك يا خوي ..
لف وراح لسيارته وهو حاس الدنيا مو سايعته ..
اما وائل فكانت كلمات ابوه ترن في اذنه ..
" راحت "
" عرفت كل شي "
" هربت "
هز راسه بلا .. هذه الكلمات لها معنى واحد بس ..
مو معقول تكون عرفت ..
ليش ومين علمها ومتى ..؟!
لا هذا ما صدمه كثر ما صدمته كلمة هربت ..
دخل ايده بشعره وهو يقول بعدم تصديق: وين .. وين راحت هالمينونه ..؟! وليش تهرب اصلا ..؟!
"وليش تهرب اصلا" .. معقوله هذا سؤال تسأله يا وائل ..؟!
وحده عرفت انها لقيطه وش ممكن انها تسوي غير الهروب من الواقع ..
رفع راسه لفوق وغمض عيونه بقوه من شدة هالصدمه ..
هز راسه بلا وقال: يمكن ابوي يقصد شي ثاني ..؟!
ضحك على نفسه ..
كلام ابوه واضح وضوح الشمس وما في اي لبس ..

================================================== ==================

في صباااح يوم جديد على ابطالنا ..
كان الصباح هااادي جدا وبااارد جدا ..
وقف سايق الكامري البيضاء قدام باب الجامعه وقال: وصلنا ..
انتبهت لصوته فقفلت جوالها ونزلت من السياره وقالت: اسمع ..
السايق: نأم ..
طالعت في ساعتها وقالت: تعال خذني الساعه واحده فاهم ..؟!
السايق: حادر ..
فحرك السياره وراح ..
طالعت في الجو بعدين ابتسمت وقالت: يااااي الجو روعه ..
"ياااي" .. اذن هي بيشو خوية غيدا ..
مشيت متجهه لباب الجامعه فسمعت صوت واحد وراها يكلم بالجوال ..
لفت وشافته الدكتور راكان ..
بيشو في نفسها: "مدري ليش بس اول ما شفت هالدكتور كرهته وخصوصا لمن طردني من قاعة حمود" ..
دخلت الجامعه وهي تقول: تقريبا كل الدكاتره كرهتهم من دون سبب .. اووف جامعه مليقه .. مدري كيف حمودي متحملتها ..
........: هيه هيه انتي وقفي ..
وقفت بشرى ولفت ورى فشافت الدكتور راكان ..
تكتفت واسندت نفسها على رجل وتهز الرجل الثانيه وهي تقول: خير ...
ابتسم وقال: الخير بعدوينج ان شالله .. بغيت اقولج شي .. واحد اثنين ثلاثه اربع خمسه سته سبعه .. ايوه لين سبعه ..
بيشو: باجي ما كملت .. باجي ثمانيه تسعه عشره ..
د.راكان: لا تكفي سبعه بس .. سمعيني .. سبع ايام بس .. ان ما قدمتي اعتذار عن حركاتج السامجه راح تنطردي من هالجامعه ..
بيشو بتصنع: ماااامي خوفتني .. ليه عبالك انك المدير ..؟! اصحى يا بابا .. انت ميرد دكتور بزر هنا .. فاهم ..؟! التزم حدودك ..
ابتسمت بتحدي بس تفاجأت براكان اللي بدل ما يعصب ضحك ..
د.راكان: اقسم بالله انج نكته وايد عوده .. يا حبيبة الماما انا راكان .. المدير بنفسه معتبرني مثل ولده وقالي اذا بخاطرك شي لا تتردد ابدا .. وغير جذي فيه اكثر من ٧٠ طالب سمعوج وانتي تسبيني بالفاشل .. هذا الشي اسمه التطاول على الدكاتره وله عقاب .. المره اليايه يا ماما اعرفي منو تحاجين ههههه ..
عصبت وفار دمها وراحت فقال راكان: لا تنسين .. لج سبعه ايام ..
........: منو ذي ..؟!
لف ورى فشاف انس ومعاه صاحبه طارق ..
د.راكان: اهلييين بأنوسه .. كيفك ..؟!
انس ببرود: انا اسألك .. منو ذي ..؟!
د.راكان: ههههههه .. صج ان تفكيرك سامج .. انا غير ايمان ما اطالع في احد ..
انس: طيب منو ذي ..؟!
د.راكان: اتوقع انك يالغبي تعرفها اكثر مني .. مو هذه السامجه هي صاحبة غيدا اللي طردتها المره اللي راحت ..
سكت انس شوي بعدين تذكر ..
حس في نفسه غلط لمن اتهمه ..
د.راكان: اتوقع انك تتذكر حجيي عدل قبل سنتين .. انا .. ما راح .. افكر .. في وحده .. غير ايمان ..
طالع في ساعته وقال: كان ودي اسولف اكثر بس وراي كلاس سامج لازم ادرسه ..
انس ببرود: وانت كل الناس عندك سامجين .. اوه سوري نسيت انك انت بكبرك سامج ..
رفع راكان حاجبه بعدين ابتسم وقال: مقبوله ..
لف وراح داخل المبنى ..
عصب انس وهو يقول: ما ارتفع ضغط هالحقيييير ..
طارق: هههههههههههه وين البرود اللي قبل شوي .. ولا كان تمثيل ..
انس: ما شفت هالغبي شيقول .. اسبه واشتمه فيقول مقبوله .. غبـــــــي ..
طارق: هههه اهدأ اهدأ ..
مشي انس وهو يقول بحده: انـــا .. هـــادي ..
مشي طارق معاه وهو يقول: ايه واضح ..
فدق جواله معلن وصول مسج له ..
انس: يتك رساله .. افتحها ..
طارق بلا مبالاه: مب لازم .. اكيد شركات ..
انس: طيب افتح وشوف ..
طارق: والله مالي نفس ..
انس: وش بتخسر اذا فتحتها ..؟!
طارق: وانت وش اللي حارق رزك ..؟!
انس: انا اذا يتني رساله اجري عشان افتحها وانت تييك رساله ولا تهتم .. شي يحرق القلب ..
طارق: هههههه اوكي اوكي ولا يهمك .. بأفتحها وابرد قلبك ..
طلع طارق جواله وفتحهها يقراها ..
طالع انس فيه واستغرب من ملامح وجه طارق اللي انقلبت لصدمه ..
انس: طارق شفيك ..؟!
طااااح الجوال من ايد طارق بدون ما يحس وهو في عالم ثاني ..
بدا انس يخاف وقال: طارق قول شفيك .. مين اللي ارسلك ..؟! طارق انا احاجيك ..
انتبه طارق له وقال: ها ..
انس: شفيك ..؟!
خلل ايده في شعره بارتباك وهو يقول: لا .. لا ماكو شي .. آآ .. انا .. انس انا بروح .. اقصد اني احس بتعب .. يعني بروح الشقه .. باااي ..
راح بدون لا يسمح لأنس يتكلم ..
انس: طــــــــــــــــــــارق .. موبايلـــــك هنـــــي ..
تنهد انس واخذ جوال طارق وهو يقول: وش هالشي اللي صدمه ..؟!
طالع في الرساله يقراها عشان يعرف ..
وبصراحه ما فهم اي شي فيها ..

خرج طارق من الجامعه وصك في واحد بدون قصد فقال بدون لا يلف عليه: سوري ..
وبعدها ركب سيارته وقفل الباب وراه واخذ له نفس يستوعب ..
حرك السياره واتجه بسرعه جنونيه للشقه وهو يفكر ..
اما ذاك الشخص اللي صك فيه كان واقف مصدووووم ..
قال بعدم تصديق: مو كأن هذا طارق ..؟! امبلا هو طارق .. لا لا يمكن يشبهه ..
هز راسه ودخل الجامعه وهو يفكر بهذا الشخص اللي صك فيه ..
وقف عن التفكير وهو يطالع في مباني الجامعه ..
تنهد وقال: واللحين يا بسام بتكون هذه جامعتك من الآن لين تلقى بنت اختك ..
مشي وجلس فوق وحده من الكراسي وطلع جدول محاضراته اللي اخذه من يوم الاحد اللي فات ..
بسام: باجي ربع ساعه ..
طالع في الجامعه بطفش بعدين قام وقال: اروح للكلاس احسن من اني ايلس هنا وحدي ..
راح لجهة الكلاس ودخله ..
قعد فتره واقف يطالع في المهاوشه اللي قدامه ..
كان واحد ماسك فلينة واحد ثاني ويقول بعصبيه: انت مستوعب الحركه الوقحه اللي انت سويتها ..؟!
قال الثاني بخوف: اي حركه .. والله ما ساويت شي ..
شده بقوه وقال: تجذبني ها .. يعني انا جذاب .. انت يالنتفه تجذب رااااشـــــــد الشعــــــــلاااان ..
بلع ريقه وقال: آ اسف ..
دفه راشد بقوه على طاولة الدكتور وقال: اسمع .. المره اليايه اذا شفتني مار تنطم وتوقف سواليف في الموبايل .. اياني واياك المره اليايه امر واشوفك تكلم بالموبايل وتطنش اني انا رااشــــــــــــــد مريت .. فاااهم ..؟!
رفع بسام حواجبه وقال في نفسه: "كل هالهواش عشان حضرة الراشد مر وذا يكلم بالموبايل .. هذا من صجه ولا يتغشمر" ..
الولد: حاضر ..
طالع بسام في الولد وهو يقول: "طاع هذا شيقول بعد .. يقول حاضر" ..
راشد: اذلف عن ويهي ..
قام الولد وراح ..
بسام: اكيد هذه مسرحيه صح ..؟!
طالع راشد فيه هو وشلته وبعض الطلاب ..
بسام: اللحين اللي صار جدامي صج ولا انتم تسوون بروفه لمسرحيه ..
طالع فيه راشد من فوق لين تحت وقال: مين انت ..؟!
بسام: طالب يديد في هالكلاس ..
طالعوا كلهم فيه وفي وقفته وطريقة لبسه ورزته .. كلها تبين ان اللي قدامهم ولد نعمه ..
ابتسم راشد بإستهزاء وقال: عيل تذكر هالاسم .. راشــد الــشــعــلان .. اوكي ..؟!
بسام بلا مبالاه: بجد ..؟! طيب انا بسام العاصي .. شكرا عالتعريف بنفسك ..
عصب راشد وتقدم منه بعصبيه .. حس بسام انه دخل نفسه بورطه ..
مسكه من تيشيرته وقال: تستهبل حضرتك ..؟!
بعد بسام ايد راشد بقوه وقال بعصبيه: انت شفيك قلبتها هوشه .. فعلا مهايطي مثل ما توقعت ..
راشد بعصبيه: جــــــــــــب .. امسك لسانك لا افرش فيك الترااب .. شكلك مو عارف منو هو ولد الشعــــــــلان ..
حرك بسام ايده وهو يقول: طس عن ويهي ..
وراح لأقرب كرسي فاضي ورمى شنطته عالطاوله وجلس ..
وراشد وااقف مصدوم ..
ايمن: اهدا يا راشد .. هو يديد وشكله مو عارفك عدل .. لا تحط عقلك بعقله ..
عزوز: اتركه لأنه باين انه ما عنده اي سالفه في المهاوشات ..
طالع راشد في بسام وقال: اسمع يا ولد امك .. باين عليك مسجين وولد نعمه ما عندك ما عند يدتي في اسلوب المهاوشات .. انا حأمشيها يا بابا .. المره اليايه بأكسر رقبتك فاهم ..؟!
ما رد عليه بسام .. كان سرحان يفكر ..
بسام في نفسه: "انا وش اللي يخليني اعصب .. عمري ما عصبت إلا نادرا .. كنت دايم بارد وبرودي يرفع الضغط .. آآه يا سجى .. صرتي هاجس ولا افكر إلا فيج .. بجد انا بضغوط .. اولها بنت اختي .. وثانيا الجامعه وهالمهايطي اللي في كلاسي .. كلها كوم والمعفن هذاك اللي ناشب بحلقي كوم ثاني" ..
تنهد وقال في نفسه: "اوكي بسام اهدأ .. خلك تمام .. ارجع مثل ما كنت .. ايوه كذا كويس" ..
طالع في ساعته وقال: شوي ويي الدكتور ..
فعلا جاء الدكتور وبدأت المحاضره ..

================================================== ==================

10 - 3 - 2014, 07:05 PM

واخيرا انتهت المحاضره وخرج الاستاذ من الكلاس ..
حطت راسها على كتبها وتنهدت براحه ..
راسها مصدع ومو متحمله اي هذره مع انها دافووووره ..
خرج الطلاب من الكلاس وهي تطالع فيهم بعدين قالت: مافيني اقوم ..
تحاملت على نفسها واخذت شنطتها وقامت ..
خرجت من الكلاس واتجهت لجهة الشله ..
شافتهم كلهم موجودين فقالت: سلام ..
طالعوا فيها وقال يزيد: عادل .. شفيك ..؟!
جلست وقالت: راسي مصدع ..
يزيد: انت ما نمت امس صح .. واضحه الهالات السودا تحت عيونك ..
دانا: فعلا .. كنت حاس بأن في شي بيصير اليوم وعشان جذي ما نمت من التفكير بهذا الشي اللي بيصير ..
عماد: هههه اطمئن مو صاير الا الخير ..
دانا: اعرف .. حسيت بشي حلو بيصير ..
صالح: الله يسمع منك ..
ريان: مبروووك يا عادل ..
يزيد: ايه صح مبروك ..
دانا بإستغراب: على ايش ..؟!
عماد: بجد صدمه .. شلون ما تعرف شسالفه ..؟!
دانا: ما اعرف ..
صالح: ما تدري انك طالع الاول عالدفعه ..؟!
دانا: آآآه تذكرت ..
عماد: على كثر ما اشوفك تذاكر ما كنت اتوقع تطلع الاول ..
يزيد: حماااس رفيجنا شطوور وطالع الاول ..
ريان: مع ان قسمك صعب بس بصراحه انت مبدع ..
ابتسمت بإحراج وقالت: شكرا ..
عدل صالح نظارته وهو يقول: خلاص خلاص شكلنا احرجناه ..
ابتسمت وهي تقول في نفسها: "انا وعدك يا عادل اني بجتهد عشانك .. تستاهل يا خوي" ..
وقف واحد ورى ريان وقال بصوته المرح: هــــــــــــــــااآااآااي قـــــــــــــــاااآاااآي .. كيف حالكم بدوني ..؟! اكيد زفت ههههه ..
سكتوا فتره مصدومين من اللي يشوفونه ..
مو مصدقين ابدا ..
هو نفسه .. بلحمه ودمه .. وهذا صوته ..
بس كيييف وشلووون ومتتتى ..؟!
لف ريان ورى عشان يتأكد وفعلا طلع هو ..
قام ريان وقال بعدم تصديق: سـ ـا مـ ــ ـــي .. مو .. مو معقول ..
ابتسم وقال: إلا إلا انا هو .. والله العظيم انا ..
حضضضنه ريان بسرعه وهو يقول: وااحشتني يا المعفن ..
سامي: ههههههه انت اكثر يا الدب ..
قامت دانا معاهم وهي تطالع في سامي وتبتسم بعدم تصديق ..
يعني رجع من بريطانيا .. متى وكيف ..؟!
دانا في نفسها: "واخيرا رجع .. ما اصدق" ..
سامي: هههههه والله انكم نفسكم ما تغيرتم ابدا هههه ..
اختفت ابتسامتها بخوف وهي تشوفه يحضن اصحابه واحد واحد ..
لا .. لا مو معقولــــــــــــــــــــــه ..
لازم تنقذ نفسها قبل لا تنعاد الحركه اللي سواها اول ..
بس ما تدري وش تسوي ..
بدون شعور لفت تطالع في ريان بنظرات وكأنها تطلب المساعده ..
فهم ريان نظراتها وابتسم في داخله ..
يزيد: هههههههه يقطع ابليسك .. بجد بجد فاجأتنا ..
ابتسم سامي وهو يقول: بجد .. ما كنت ادري اني مهم ..
يزيد: ههههههه دلخ ومستحيل تتغير ..
عماد: ابدا ما توقعنا انك تيي ..
ريان: فعلا .. بس واضح على ويهك التعب .. لا يكون تعبان مثل عادل ..
لفوا كلهم يطالعون فيه بإستغراب ..
سامي: عادل ..؟!
ريان: ايه .. ياه عنقز يوم الاربعاء وخلص امس .. انتبه سامي لا تسلم عليه عشان لا يعديك .. لأنه توه شفي منها ..
طالع سامي في دانا بإحباط وقال: سلاااماات .. صح واضح ويهك تعبان ..
ابتسمت دانا وقالت: الله يسلمك ..
صالح: انت شدراك يا ريان ..؟!
ريان بخبث: هو قالي .. وكمان امس سهران من التعب والشي الحلو اللي قال انه بيصير اليوم هو خبر وصول سامي .. شكل سامي يهم عادل كثييييير ..
فتحت عيونها من الصدمه وهي تطالع فيه ..
ضحك ريان في داخله على شكلها ..
طالع سامي في دانا وقال بإبتسامه: واااااو تفكر فيني .. شكلك اكثر واحد وحشته ..
لفت تطالع فيه وما تزال تحت تأثير الصدمه وهذا السامي صدمها اكثر ..
سامي: تصدق .. اكثر واحد وحشني كان انت .. ياخي وحشتني ضحكتك الحلوه ..
ستــــــــــــــــــــــووووب ..
قامت وقالت: بروح الحمام ..
وراحت .. كفايه يحرجوها اكثر من كذا ..
شيقصد ريان بكلامه ..؟!
معقوله يا دانا ان سامي يهمك ..؟!
هزت راسها تطرد هالافكار عنها ..
طيب .. امس .. امس كانت تحس نفسها مبسوطه .. شيعني هذا ..؟!
دخلت الحمامات وهي تقول: سامي واحد من الشله وطبيعي اهتم ..
وكالعاده تقنع نفسها بهالكلام دايما ..
جلس سامي وقال: كيفكم شخباركم وحشتوني واااايد ..
ريان: اللحين انت كيف رجعت ..؟!
عماد: فعلا كيف .. ابوك قال انك بتدرس هناك ..
سامي: هههههههههههههههههههههههههههههههههههههههههههههههههه هههه ..
يزيد: شفيك تضحك ..؟!
سامي: هههههههههههه لا بس ههههههههههههه ..
صالح: ياخي اترك الضحك وتحجى زين ..
بعد فتره من الضحك تربع وقال بحماس: سويت خطه جهنميه ..
عماد: بديت اتحمس .. وش هالخطه ..؟!
سامي: اسمعوا .. انا في ثاني يوم في بريطانيا زكمت وصخنت وارتفعت درجة حرارتي لأن الجو بارد وكنت مهمل نفسي فأرسل ابوي لي طبيب خاص وشاطر وصرت تمام .. وفي اليوم الخامس صارت لي نفس السالفه وتعبت فأرسل ابوي دكتور ثاني وصرت تمام .. وفي اليوم الثامن تكررت نفس السالفه وجاء الدكتور وصرت بخير وبعدها اتصل ابوي يخاصمني ويقولي انتبه لنفسك اكثر وحط عندي حارس شخصي يهتم فيني .. تعرفون وش سويت ..؟!
ريان: وش سويت ..؟!
سامي: هههههههههه الطبيب الاخير اعطاني ادويه ومنها مضاد حيوي .. اخذت سبع حبات واكلتها دفعه وحده وشربت بعدها علبتين بيبسي ..
انصدمــــــــــــــــــــــــــــوا منه وقال يزيد: مينون انت ولا شنو ..؟!
سامي: ههههه لا ..
عماد بصدمه: لا انت مو صاحي ..
سامي: ياااني مغص فضيع واغمى علي .. صلحولي عملية تنضيف معده وبعد ما صرت تمام ياء ابوي وخذاني معاه لقطر بعد ما جننته هههههههههههههه ..
ريان: فعلا دلخ .. افرض انك مت ياخي ..
سامي: لا لا ما بموت .. بس شرايكم بخطتي الجهنميه ..؟!
صالح: هذا اسمه تهور مينون مو خطه ..
سامي: المهم اني بخير وبس ..
يزيد: سامي لا تعيد هالحركه مره ثانيه .. هذا غلط ..
سامي: ان شالله .. اقولكم شي وما تعصبون ..
عماد: ايش ..؟!
سامي: اول ما سافرت فكرت اني انساكم تماما .. حتى رقم عادل اللي كان عندي رميته ..
ريان: شنــــــــــــــو ..؟!
يزيد: جذي ببساطه تنسانا .. شكلك تبي احد يربيك ..
سامي: ههههه لا لا شكرا ..
جت دانا في هالوقت فقال سامي: خساره يا عادل .. فاتتك خطتي الجهنميه ما سمعتها ..
جلست دانا وقالت: خلاص عادي ..
صالح: ما سمعت آخر خبرين يا سامي ..
سامي: ايش ..؟!
صالح: اولها عادل .. طلع الاول عالدفعه ..
سامي بدهشه: بجــــــــــــــد ..؟!
لف على دانا وقال: مبـــــــــــرووووووووك .. ما توقعت .. والله انك دافووور .. ليتك في قسمي عشان تغششني هههههه ..
ريان: هذا اللي فكرت فيه ..؟!
سامي: هههههههه لا بجد مبروك يا عادل ..
دانا: الله يبارك فيك ..
سامي: لا لازم نصلح له حفله اوكي ..؟!
عماد: خوش فكره ..
دانا: ها .. لا لا مب لازم ..
سامي: امبلا .. الحفله بتكون في بيتي انا .. شرايكم ..؟!
ريان: عادي عند ابوك ولا لا ..؟!
سامي: بحاول .. واكيد بيوافق ..
يزيد: طيب متى ..؟!
سامي: ياباجر يا عقبه ..
صالح: تمام ..
دانا بأحراج: قلت لكم مو لازم ..
سامي: وانت شدخلك .. احنا نقرر مو انت ..
يزيد: ههههههه ليه غصب ..؟!
سامي: هههههه يمكن .. ياللا شنو هو الشي الثاني ..؟!
صالح: الاخ عماد .. طاح في قصة حب ..
يزيد بسرعه: لا لا غلط .. الاخ عدنان طاح في قصة حب ..
طالع سامي في عماد وقال: حبيت ..؟!
رز عماد نفسه وهز راسه بإيوه ..
انتبه سامي وقال بإستغراب: عدنان .. شتقصدون ..؟!
يزيد: والله سميناه عدنان عشان يناسب مع اسم لينا ..
ابتسم سامي وقال لعماد: لا لا بجد قول الصج .. انت حبيت ..؟!
عماد: ما تفهم قلتلك ايوه ..
سامي: لا هزيت راسك يالجذاب ..
الكل: هههههههههه ..
سامي: والله حماس .. والبنت اسمها لينا .. جم عمرها ..؟!
عماد: ١٨ سنه .. هي في ثالث ..
سامي: اخسس لا ما اصدق .. احلف ..
عماد: ما ودك اشوتك بالجزمه ..
سامي: ههههههه لا لا ..
طالع فيهم بعدين قال: والله صارت اشياء كثيره وانا مو مويود .. اقول عماد .. نبي نشوف لينا ..
عماد: شتبون بخطيبة المستقبل ..؟!
يزيد: هههههه شدراك انك بتخطبها .. يمكن ياخذها واحد قبلك ..
عماد باستنكار: فال الله ولا فالك ..
ريان: ههههه بصراحه ودي اشوف هالبنت اللي علقتك جذي ..
صالح: بس اتوقع انها ما تناسب واحد زي عماد اللي كل شوي يقول طفشان ..
عماد بإبتسامه: لا اطمئن .. هي تعشق المغامرات مثلي واكثر .. ولسانها طوييييل جدا .. نناسب بعض للغايه لا تشيل هم ..
صالح: لا طمنتني ان الدنيا بتصير بخير ..
سامي: ههههههه عماد والله تحمست اشوفها ..
ريان: هههه ان شالله تشوفها بس اول شي قوم نروح للمحاضره .. راح تبدأ بعد سبع دقايق ..
عماد: مين هالواثق اللي متأكد اني بوريكم هي ..؟!
ريان: اكيد انا ..
عماد: لو تنطون لفوق ما تشوفونها .. هذه خاصتي انا .. فاهمين ..؟!
سامي: يا لبــــــــــى ..
لفوا يطالعون فيه فقال: شوفوا ريماس شلون تطل فيني .. مو مصدقه اني ييت .. تعابير ويهها ذوبتني يا شباب ..
تعابير الغضب ظهرت على رؤوس الشله كلها ..
انتبه لهم وقال: اوه سوري ..
ريان: اللحين ما كفوك بنات بريطانيا ..؟!
سامي بضجر: لا .. انجليزيات .. محد يتحجى عربي ..
يزيد: ههههههههههه تستاهل ..
دانا: طيب شلون درست هناك ..؟!
سامي: واخيرا تحجيت .. من اول وانت ساكت ..
انحرجت دانا وسكتت ..
سامي: هههه سوري .. عالعموم تعرفت على واحد قطري اسمه وليد وصرت صاحبه مؤقتا .. والله وراني اماكن روووعه .. عندهم مسيد عربي اسمه الرحمه .. ماكنت اتوقع .. حسبت عندهم كنائس بس ..
ريان: هذا شي طبيعي يالمثقف الفاشل ..
سامي بحماس: فاتكم شفت نادي ليفربول .. وااااااااو يينن وايد .. دخلنا ولفينا فيه و .. لحضه لحضه فاتكم المتحف البحري .. والله رحنا متحف كبييير اسمه صعب وفيه سينات كثير .. بس كان يهبل .. هذا غير عن متاهة الانفاق .. تحت المدينه فيه نفق تدخله تتوه فيه .. هههه بغيت اضيع ..
ابتسم ريان وقال: شكلك انبسطت ..
هز راسه وهو يقول: كثيييير ..
ريان بهدوء: شفت كيف ان الدنيا حلوه ..
اختفى حماس سامي وبان على وجهه الضيقه بس ابتسم وهو يقول: المهم ياللا عالمحاضره شكلها بدأت ..
يزيد: ياللا .. باااي ..
وراح يزيد وسامي وريان لمحاضرتهم ودانا تطالع فيهم ومستغربه من تغير وجه سامي ..
عماد: واخيرا حسيت ان الجو هدأ ..
ابتسم صالح وهو يقول: هههه المهم انه رد لنا ..
جاء سامي وقال: نسيت اقول شي ..
عماد: هههههههههه وشو ..؟!
سامي: صالح شفت نظاره تشبه نظارتك في ليفربول ..
صالح: هههههه احلف ..
سامي: والله .. عالطول تذكرتك .. اقول صالح الساعه جم ..؟!
صالح: ههههه عشره وربع ..
سامي: هههه بااي ..
فلف بيروح بس وقف وقال: شكلي بسحب على ريان ويزيد ..
عماد: ليش ..؟!
سامي بإبتسامه: بروح لريماس .. اشتقت لضحكتها الخجوله .. شوفوا كيف تطالع فيني .. تينن ..
عماد بحده: سامي بليز فكنا .. المحاضره اهم ..
سامي: لا .. الجنس الناعم هم الاهم .. باااي ..
فراح وقال صالح: مستحيل يتغير ..
عماد: المشكله مع كثرة البنات ما اختار وحده يحبها صج .. ودي اعرف شنو مواصفات البنيه اللي يبيها عشان اييبها له ونفتك ..
صالح: احس ان ذوقه بيكون صعب ..
دانا في نفسها بقهر: "طبعا ولد عز .. طبيعي محد يعجبه" ..
قالت هالجمله وهي مو داريه ليش قالتها ..

================================================== ==================

في الجهه اليسرى من الجامعه كانت ندى وباقي الشله موجودات ..
اما ليان كانت هذه هي المره الاولى اللي تتعرف فيها على وسن ..
كانت الساعه ١1 الظهر وقبل شوي طلعوا من محاضرتهم الثانيه ..
لين: ما ترد ..
ندى: خلاص لا تزعجينها .. يمكن نايمه ..
ليان: خساره .. ليش تغيب .. بجد وحشتني ..
سارا: تستاهلين .. منو قالج تغيبين اسبوع كامل ..
ليان: كنت تعباااااانه ..
وسن: كنتي مزكمه صح ..؟!
ليان: ايوه ويتني انفلونزا وما تركتني إلا الاربعاء ..
وسن: سلامات ..
ليان: الله يسلمج حبيبتي ..
لين: بنات .. ما شفتم آرثر ..؟!
سارا: لا ..
ندى: شتبين فيه اصلا ..؟!
لين: ما ابيه بس مستغربه انه غايب .. مو من عادته يغيب ..
ليان: شدراج انه غايب ..؟!
لين: مو مويود في شلته ..
وسن: يمكن تعبان ..
لين: بسم الله على العيون الخضرا .. ان شالله ما يكون تعبان ..
سارا: وين اسيل تسمعج عشان تحفر قبرج هني ..؟!
لين: هههههه الحمد لله انها غايبه ..
وسن بحماس: بنات بنات طلوا هناك ..
استغربوا من حماسها وطالعوا في المكان اللي تأشر عليه ..
ندى: ما اشوف شي ..
وسن: إلا .. البنت هذيج ..
ليان: اي بنت ..؟!
وسن: اللي لابسه تيشيرت اخضر ..
لين: طيب وش فيها ..؟!
وسن: لمن نزلت السوق قبل امس شوفتها .. كانت تتهاوش مع الكاشير بصوت عالي .. ههههه حماس اشوفها مررآ تانيه ..
سارا: باااس .. اللحين هالحماس كله عشانج شفتيها قبل جذي ..
لين: عبالي عندج شي جايد ..
وسن: لا بس بغيب اعتيكم خبر ..
ليان: حلوه كلمة اعتيكم هذه يا وسن ..
هزت وسن راسها وهي تقول: لا .. اسمي كارلوتا مو وسن ..
ليان: ههههه سوري .. ما امداني اتعود ..
وسن: لا تنسي مررآ تانيه ..
ليان: من عيوني ..
ابتسم وقال: هــــــــــــــآآآي ..
طالعوا فيه وقالت لين بدون نفس: خير .. شتبي ..؟!
ضحك وقال: شهالمقابله الزفت ..؟!
لين: ليه .. شلون تبيني اقابلك يا استاذ ناصر ..؟!
هز كتوفه وقال: انتي بنت والمفروض انج تتحلين باللباقه في التعامل ..
ابتسم صاحبه جاسم وقال: فعلا .. ناصر على حق ..
ندى بهدوء: اي خدمه ..؟!
ناصر: شكلها طرده غير مباشره .. عالعموم انا شفت اسيل غايبه اليوم .. خير عسى ماشر .. ليه غايبه ..؟!
وسن: مدري .. اتصلنا عليها بس ما ترد ..
لين: وسن لا تياوبين ..
وسن ببراءه: ليه ..؟!
ناصر بإبتسامه: ايوه .. كملي يا وسن ..
عصبت لين وجت بترد بس سبقتها وسن اللي قالت: بس .. اصلا هي قالت انها ما راح تغيب اليوم ..
ناصر: آهآ .. عيل اكيد فيه سبب .. طيب ليش ما ترد عالموبايل ..؟!
لين بعصبيه: مو شغلك .. ورجاءا ابعد شرك عن اسيل .. فاهم ..؟!
هز راسه بلا وقال: انا قلت اعتذري ولا اندمج بس هي ما رضت تعتذر .. عيل لازم اخذ حقي منها .. مــا عــاش مــن يــهــيــن نــاصــر ..
لف وراح هو وصاحبه ..
لين بعصبيه: وسن انتي ليه تتحجين .. مو اي واحد يسأل عن احد تياوبين .. فاهمه ..؟!
وسن بهدوء: اسمي كارلوتا مو وسن ..
ارتفعت اعصابها وهي تقول: انــا ويــــــن وانــتي ويــــــن ..
ليان: خلاص ما صار إلا الخير ..
ندى: قلبي مو مطمئن لهالناصر .. الله يستر ..
وسن بصراخ: بنــــــــــات طلــــــوا هناك ..
سارا: ايش .. قطوه شفتيها وانت في رحله استجمام ..؟!
لين: ههههههههههه الله يقطع ابليسج ..
هزت وسن راسها وهي تقول: لا .. هذا الولد اللي اسمه بسام .. تتذكرونه ..
ليان: اي ولد ..؟!
لين: لحضه لحضه .. لا يكون الولد اللي طحتي عليه في صالة التزلج ..
هزت وسن راسها وهي تقول: ايه ايه هو .. تعالوا نسلم عليه ..
لين: اوكي ياللا ..
ليان: اللحين آذيتم الولد وبكل قواة عين تروحون تسلمون ..
ندى: لا عادي .. الولد عذرنا ذاك اليوم ..
ليان وهي تهز كتوفها: اوكي بكيفكم ..
سبقتهم وسن ووقفت قدام بسام اللي كان شايل شنطته بأهمال وشكله بيطلع من الجامعه ..
اول ما شافتها ابتسم وقال: ههههه كيفج ..؟!
انبسطت وقالت: تتذكرني ..؟!
بسام: هههه اكييييد .. كيف انسى الطيحه اللي طحتها لثاني مره بحياتي ..
وسن بإحراج: آسفه ..
بسام: المره السابعه ..
طالعت فيه بإستغراب ..
جت ندى ولين والبنات فقالت لين: هااي بسام ..
بسام: اهليين .. كيفكم ..؟!
ندى: تمام .. وانت ..؟!
بسام: بخير ..
طالع في ليان وسارا وقال: اكيد انتم اللي كنتم معهم في الصاله .. لأني اتذكر انكم خمسه ..
ندى: هههه لا .. سارا كانت معنا ومعاها اسيل .. اما ليان فكانت تعبانه ..
بسام: سلامات .. بس منهي ليان ..؟!
وسن وهي تأشر على ليان: هذي ليان .. واللي ينبها سارا ..
بسام: عيل وين اسيل ..؟!
وسن: غايبه ..
بسام: آها ..
سارا: كيفك ..؟!
بسام: تمام ..
ليان: اعجبتك الجامعه ..؟!
بسام: هههه بصراحه لا .. عندكم مهايطين كثير ..
وسن بإستغراب: شيعني مهايطين ..؟!
طالع بسام في بإستغراب فدقتها لين وهمست: بعدين اقولج ..
ندى تغير الموضوع: صحيح ما سألناك عن السبب اللي خلاك تيي الدوحه ..
سكت شوي بعدين قال: اسباب خاصه ..
وسن بلقافه: وش هي ..؟!
ابتسم غصب عنه على لكنتها المدلعه وقال: لا تشغلي بالج ..
ندى: ان شالله ترتاح في هالجامعه وسوري عالازعاج ..
بسام: لا عادي ..
وسن: متى طحت ..؟!
بسام بإستغراب: شتقصدين ..؟!
وسن: انت قلت لمن طيحتك كانت هذه المرآ التانيه .. متى المرآ الاولى ..؟!
بسام بإبتسامه: طحت من على سور الاصطبل حقي ..
لين بإندهاش: عندك اصطبل ..؟!
سارا: شلوون ..؟!
انحرج بسام وقال بإرتباك: آآ لأن عائلتي شوي غنيه ..
لين: شوي ..!!! ألا باين انك ملياردير ..
بسام: هههه لا مو لهدرجه ..
لين: ايه واضح ..
بجد انحرج .. ما يحب يظهر انه ملياردير قدام الناس .. يحب التواضع ..
وسن: يعني عندك حصانات كثير ..؟!
ضحك بسام على كلمة حصانات وهو يقول: هههههه لا مو كثير ..
وسن ببراءه: يا حضك ..
ابتسم بإحراج بعدين قال: ياللا انا استأذن .. بااي ..
ندى: مع السلامه ..
وسن: لحضه ..
بسام: نعم ..
وسن: انا آسفه عالطيحه هذيج ..
بسام: هههههههههه الثامنه .. خلاص قلت لج عادي هههههه ..
وسن: بجد ..؟!
بسام: ايوه ..
وسن: مدري بس احسك متضايق ..
بسام: لا .. لاني متضايق ولا شي .. باااي ..
لف وخرج برى الجامعه وركب سيارته رايح للجناح اللي استأجره ..
وسن بإحباط: راح بسرعه ..
لين: اكيد بيروح .. ليه عبالج انه بيقعد مجابلنا طول النهار ..
وسن: لا ..
ندى: تعالوا نرجع لمجاننا ..
لفوا بيرجعون فلقوا في وجههم شلة البويات واقفات ..
لين بطفش: اللهم طولك يا روح ..
غيدا: آميييين ..
لين: اسيل مو معنا .. عيل ليش يايين ..؟!
غدير: شفيها ذي معصبه ..؟!
خلود: مدري .. سئليها ..
غدير: لا ما فيني .. تعب ..
خلود: عيل لا تسأليها ..
غدير: هذا افضل ..
لين: بجد بايخااات ..
سارا بهمس لليان: دايم مع بعض .. محد يغيب منهم ..
ليان بنفس الهمس: قولي ما شالله لا تصكيها بعين ..
سارا بإستنكار: عشتو .. هذا اللي كان ناقص .. والله ما اقول ..
غيدا: اقول بلا كثرة حكي .. ابي اسأل وين اسيل ..؟!
ندى: غايبه .. عندج شي ثاني ..؟!
سارا بهمس لليان: خخخ دايم ندى تطرد طرد غير مباشر ..
ليان: احسن ..
غيدا: اعرف انها غايبه .. هذا شي طبيعي .. بس ابي اعرف كيف حالتها حاليا ..؟!
ندى بإستغراب: شقصدج بـ"طبيعي" ..؟!
عقدت غيدا حواجبها وقالت: ما تدرين شصار لأبوها واخوها ..؟!
سارا بخوف: شصار ..؟!
تهاني: شكلهم ما يدرون ..
غيدا بإستهزاء: ونعم الصاحبات ..
ندى: غيدا شفيها اسيل ..؟!
غيدا: رفيجتكم يا حبايبي تمر بأزمه والمفروض تكونون ينبها .. صار حادث لابوها واخوها .. ابوها مات واخوها حالته وااايد صعبه ..
انـــــــصــــــــــــــــــدمــــــــــــــوا من كلامها ..
ندى بعدم تصديق: مو معقول ..
لين بهدوء: اسيل ..!!!
طالعت غيدا فيهم بعدين اشرت لصاحباتها وراحوا ..
سارا: يا حياتي يا اسيل .. ما اصدق اللي صار ..
وسن غصب عنها بكت لأنها بنت شفافه جدا وتتأثر بقوه ..
حضنتها ليان وقالت: خلاص حبيبتي اهدأي .. لا تسوين بروحج جذي ..
بجد انصدموا واتفقوا اليوم انهم يروحون لها البيت يعزونها ويوقفون جنبها ..

10 - 3 - 2014, 07:08 PM

في الظهر وفي وقت انتهاء الدوامات ..
ركب راشد سيارته واتجه للبيت وهو حاس بصداع ويبي يريح عالسرير ..
وكلها كم دقيقه ووقف سيارته في الكراج ونزل ..
دخل البيت وكالعاده صرخ بصوته: شهــــــــــــــدوه وويــــــــــــــع ..
وكالعاده جت شهد وقالت: نعم ..
طالع فيها .. اول ما شافها تذكر سالفة انه يبغى يفتش اغراضها ..
جته فكره انه يشغلها بس في نفس الوقت حاس بصداع ووده يرتاح ..
استغربت شهد سكوت راشد اللي دايم ينذر بالسوء ..
شهد في نفسها: "الله يستر منك" ..
راشد: سمعيني عدل ..
شهد: نعم ..
راشد: اليوم الغداء ابيه في ذاك الجناح ..
واشر على جناح قريب من جناح الخدم ..
راشد: الساعه اثنين صحيني عشان ايي اتغدى وانتي في ساعة ما اتغدى تطلعين ترتبين جناحي ومكتبي وما تنزلين إلا اذا خلصتي .. فاهمه ..؟!
شهد: حاضر ..
راشد: ياللا جهزي الغدا وانا بطلع انام شوي .. لا تحسبين حساب روان لأنها بتتغدى مع رفيجاتها ..
شهد: طيب ..
طلع راشد فوق ونام فوق السرير شوي يرتاح بعد ما اخذ مسكن ..
وقفت شهد في مكانها فتره بعدين قالت: احسه اليوم هادي .. حتى نبرته كانت جدا هاديه .. اول مره ما يسب او يهاوش ..
لفت وراحت المطبخ تكمل تجهيز الغدا ..
في غرفتها كانت شادن ماسكه الوان وسيم وتلعب فيها ووسيم يلعبها ..
اما شادي فكان منسدح على بطنه وقدامه ورقه وقلم ويرسم ..
اثير كانت تطلع ملابس عشان تروش اختها شادن ..
طالعت في شادي بإستغراب وقالت: هذي المره الاولى بحياتك تقعد ساعه كامله تذاكر .. غريبه ..
شادي وهو منسجم: اشش .. انا ما اذاكر .. ارسم خطه ضد الدب المتغطرس ..
فتحت اثير عيونها وقالت: مينون انت ولا شنو .. لا يكون قصدك راشد ..؟!
اعتدل شادي في الجلسه وتربع وقال بحماس: شرايج .. اول كنت اسميه دب .. اللحين يبت اسم يديد .. دب متغطرس .. حلو صح ..؟!
جاء وسيم عنده وقال بإنبهار: واااو حلو .. كيف فكرت فيه ..؟!
شادي بحماس: في حصة استاذ عصام .. كنت افكر وافكر عشان اطلع هالاسم .. هههه شافني الاستاذ وطقني على راسي بالمسطره ..
اثير بعصبيه: شادي عن العياره هذي .. اترك راشد بحاله واياني واياك تتسبب في مشاكل اكثر .. بهمجيتك يمكن يكشفنا ويطردنا ..
شادي ببرود: انا ذكي وما بأكشف نفسي بالسهوله ..
اثير بفقد اعصاب: ششــــــــــــــااددي ..
رجع شادي على نفس وضعيته وبدأ يكمل الخطه حقته ..
اثير: اوكي .. اذا يت شهد انا راح اعلمها ..
جلس شادي بسرعه وهو يقول: لا اثير لا تكونين نذله ..
اثير: انا ماني نذله ولا شي .. الهبل هذا لازم تبطله يا استاذ شادي ..
شادي: انا الغبي اللي علمتج .. لو رسمت الخطه بدون لا تدرين يكون احسن ..
اثير: مستحيييل تتوب .. بس شهد هي راح تعرف تتصرف معاك ..
شادي: اووووف والله انج فتانه ..
اثير: فتانه ها ..؟! يصير خير يا شادووه ..
شادي: هههههههههه لا لا صادوه احسن هههههه ..
وسيم: ههههه ايه حلو هههههه تنطق الصاد شين هههه ..
تسدح شادي من الضحك وهو يقول: هههههههه لا تذكرني بأبو كعب اللي في الجاهليه هههههههه ..
عصبت اثير منهم وخصوصا كلامهم المشقلب مثلهم ..
وسيم: ههههههه لا زي الشرير الاخضر في بن تن هههههه ..
مسك شادي بطنه من الضحك وقال: هههههه لمن تعصب تصير زي المغنيه ام كلثوم ههههههههههههههههههه ..
هز وسيم راسه وهو يقول: صح صح ههههه ولمن تاكل مثل الدبا صاحب كونان وتحب اللحم المشوي مثله ههههههههههه ..
شادي: هههههه اذا يت تمشي فتمشي مثل حسين الجسمي ابو كرشه ههههههه ..
وسيم بحماس: ههههه كرشه كرشه ههههه والله يضحك ههههههههههه ..
طالعت فيهم شادن وبدت تضحك وهي طفله مو داريه شسالفه ..
اشر شادي على شادن وقال: ههههههه حتى شدونه ضحكت هههههههه والله انج نكته يا اثير هههههه ..
اثير بصراخ: جــــــــــــــــــــــــــــب ..
اخذت نفس بعدين قالت بعصبيه: هين يا شادي انت ووسيم .. ما اكون انا اثير ان ما ادبتكم ..
وقف شادي وقال بحماس: النحشه يا ولد ..
قام وسيم وهرب وهو يضحك ..
نط شادي فوق السرير وهو يقول: هههه حماس .. شكلج كأنج كونغ اللي في مارتن ههههههههههه ..
قامت اثير وبدأت تطاردهم عشان تأدبهم على قولتها ..
بس الواضح ان الاطفال شياطين ومستحيل يتأدبوا ..!!

اما عن شهد فأنتهت من تجهيز الغدا وطلعت الدرج عشان تصحي راشد ..
دقت باب الغرفه فسمعته يقول: ادخلي يا شهد ..
شهد: يعني صاحي مب نايم ..
دخلت وقالت: الغداء جهز ..
طالع فيها وقال: سمعي .. الغرفه والجناح كله وغرفة تبديل الملابس يبغالها ترتيب شامل .. انا بنزل اتغدى وانتي رتبي ولا تنزلين إلا اذا خلصتي .. فاهمه ..؟!
شهد: حاضر ..
نزل وهي بدأت ترتب جناحه بكل ما فيه ..
دخل غرفة الطعام وقعد فتره واقف بعدين قال: اخاف اضن فيها ضن سوء .. بس هالايام بجد غريبه وكأنها مخبيه شي عني .. لا لازم افتش غرفتها عشان اتأكد ..
خرج ودخل جناح الخدم واتجه لغرفة شهد ..
شافته وحده من الخدامات وقالت: سير راشد .. اي خدمه ..؟!
طالع فيها وقال: انقلعي على شغلج ..
الخادمه: حادر ..
راحت وهي مستغربه من دخول راشد لهالمكان لأنها مو من عوايده ابدا ..
مشي راشد ودخل السيب اللي فيه الغرفه ..
كلها ثواني ووقف قدام الغرفه ..
مسك مقبض الباب وحركه بهدوء وفتح البااب ..
دخل الغرفه وطالع فيها ..
كاااانت فااارغه من اي احد ..
مشي شوي ووقف قدام دفتر والوان ..
جلس ومسك الدفتر وطالع في الاسم ..
راشد: مو كأن هذا اخو شهد .. ايش ياب الدفتر هنا وليش الالوان طايحه عالارض ..؟!
رفع حاجبه بإستغراب وهو يدور بنضره في الغرفه ..
السرير معفوس والالوان عالارض والمخده جنب الدولاب وكوره صغيره حمرا فوق الكمدينه ..
عقد حواجبه وقال: كأن هناك طفل عايش في الغرفه كمان ..
وقف وحط ايده في جيبه ويطالع في كل انحاء الغرفه ..
تقدم من الدولاب الكبير وفتحه ..
كانت كلها ملابس شهد واغراضها ..
قفله وفتح الدولاب اللي جنبه ..
وش اقولكم بالضبط وكيف اوصف لكم ..؟!
الـــــــذهــــــول .....
الـــــــدهشـــــــه .....
الصـــــــدمـــــــه .....
التفـــــــاجـــــــــئ .....
الاســـــــتغـــــــراب .....
عـــــــدم التصديـــــــق .....
وكل شي صار مع راشد .....
المفروض لمن يفتح الدولاب يشوف شي من اغراض شهد ..
شنط او ملابس او مناشف او اكتسوارات او اي شي ..
بس شلون وكيف وليش يشوف قدامه آدمـــــــي ..؟؟؟!!!
ايه آدمي .. بشر .. انسان .. كائن حي .. ابن آدم ..
لا لا شكلي اتخيل .. هذا اللي كان يدور في باله ..
بس هو ما يتخيل .. فعلا قدامه ولد ..
لابس بنطلون ازرق قاتم وتيشيرت اخضر ..
راشد بصراخ: مـــــــن انـــــــت ..؟!
ارتعب وكعادة هذا الصغير بكى ..
بكى وما قدر ينطق اي شي ..
راشد: لا تبجي وقول من انت وليش هنا وكيييف ..؟!
حطت اثير ايدها على فمها تمنع خروج صوت شهقتها المفاجئه ..
اثير في نفسها: "شافه .. شاف وسيم .. لا يا ربي .. يا ربي" ..
حضنت اختها شادن وهم ما يزالون في الحمام ..
دخلت عشان تروش اختها ..
سحب راشد وسيم من ايده وطلعه برى الدولاب ..
قفل الدولاب وقال بعصبيه: ممكن تفهمني .. من انت ومن فين ييت ..؟!
شهق وسيم وقال: انا .. انا وسيم ..
وكمل بكي .. عقد راشد حواجبه وقال: وسيم ..؟! لحضه .. لا تكون اخو شهد ..
هز وسيم راسه بإيه وهو يبكي ..
جن جنون راشد وعصب بطريقه فضيعه ..
سحبه بإيده وطلع برى الغرفه بخطوات سريعه ..
بكى وسيم اكثر من مسكة راشد اللي شوي وتخلع ايده ..
خرج للصاله الاماميه وصرخ بأعلى صوته: شـــــــهــــــــــــــــــــــــــــدووووه يالــــــجلبــــــــــــــــــــــــــــه ..
سكت شوي بعدين صرخ مره ثانيه: شــــــــــــــهــــــــــــــدوووه يالــــــــــــــملعــــــــــــــونــــــــه انــــــــــــــزلــــــــــــــي بســــــــــــــرعــــــــــــــه ..
ارتعبت شهد من صراخ راشد ونزلت له بسرعه ..
اول ما نزلت رمى راشد وسيم عالارض قدامه بقوه وقال بحده: منــــــو ذا ..؟!
طالعت شهد فيه واول ما شافته ارتعبت .. خافت .. انصدمت ..
حست ان ابواب الدنيا كلها انقفلت قدامها ..
راشد بصراخ: ياوبــــــــــــــي ...!
ارتجف جسمها ورجولها ماهي قادره تشيلها فطاحت عالارض ونزلت راسها بإنكسار وقلة حيله ..
اما وسيم فبدأ يصيح ويبكي .. راشد طيحه بقوه وعشان كذا احتك وجهه بالارضيه وانقشرت شفايفه ونزل الدم ..
راشد بضبط اعصاب: يعني تعرفين من هو هالآدمي ..؟!
رفعت نظرها ناحية وسيم اللي يبكي وهو ماسك شفته ..
حست بالالم لمنظر اخوها الصغير وهو كذا ..
رفعت نظرها لراشد اللي واقف وعلامات الغضب والعصبيه كلها على وجهه ..
هي عارفه انه اللحين راح ينفجر ويبدأ يهاوش ويخاصم ويضرب .. حافضته زين ..
جتها نوبة ضحك .. ودها تضحك ..
مو المثل يقول شر البلية ما يضحك ..
هي ودها تضحك على حالها وحضها اللي واقف في وجهها دايم ..
نزلت دموعها بضعف .. اللحين شلون تطلع من هالورطه ..؟!
طالع فيها وسيم بعيونه المليانه دموع وقال بصوت طفولي باكي: شهاااد .. فمي يوجعني ..
رفعت شهد عيونها عليه وقالت بحنان: لا تخاف يا حبيبي .. شوي ويروح ..
مع كل كلمه نطقتها كانت دموعها تنزل وصوتها يبان فيه الرجفه اللي حاسه فيها ..
رفع راشد حواجبه وقال: يعني هذا اعتراف صريح انج تعرفينه ..
نزلت راسها وهزته بإيه ..
فار دمه وجاء عندها وسحب شعرها القصير وهو يقول بعصبيه: ليــــــــــــــه ..؟! ليه هو هنا يا استاذه ..؟! ابي افهم ليش يايبته هني ..؟!
مسحت دموعها بظهر كفها وهي تتألم من شد راشد لشعرها ..
مسكت بلوزته بترجي وهي تقول: آسفه والله آسفه وهذي آخر مره .. امانه لا تآذيه .. اضربني انا بس هو خله .. آمآنه يا راشد ..
شدها اقوى وقال: طبعا حأضربج وهذي ما فيها كلام .. بس ابي افهم ليش يايبته هني ..؟! ياوبـــــــــــــي ..
سكتت شوي بعدين قالت: كان تعبان فيبته عندي عشان اهتم فيه ..
عصب ورماها عالارض بقوه وقال: وتعترفي انج خالفتي اوامري واستغفلتيني .. انا طوفه عندج عشان تسوي جذي .. متـــــــــى اصلا خرجتي من البيت وكيف وعن طريج مين ..؟! شهد انا ابي اعرف شلون صار جذي ..؟!
جلست بالصعوبه وكتفها يؤلمها من الطيحه وقالت: لأنه .. لأن رقم موبايلي عندهم فدقوا وانا استأجرت تاكسي ويبت اخوي وسيم عندي عشان اهتم فيه .. آسفه .. راشد والله ما اعيدها ..
عض على شفته بقهر وقال: يعني بجد انا طوفه ومالي اي قيمه .. تخرجين برى البيت وتييبين اخوج وتسكنينه هني من وراااي يا استاذ شهد .. قلتي لنفسج ان راشد غبي وما علي فيه ..
هزت راسها بلا فقال بعصبيه: جــــــــــــــب .. انتي تماديتي كثير يا شهد .. لولاي جان متي انتي واهلج من اليوع ومع هذا تخالفيني بكل شي .. وربي كنت حاس انج مخبيه شي عني .. توقعت سارقه شي من عندي اثاريج مخبيه اخوج عني .. لو سارقه جان عذرتج لأن فقيره وتحتايين فلوس .. بــــــــــــــس تستغفلينــــــــــــــي بالطريجه ذي مستحيل اعذرج ابدا .. شتبيني اسوي فيج ها .. شتبينــــــــــــــي اسوي ..؟!
وقف وسيم وجاء قدام راشد وقال وهو يبكي: لا لا تضربها .. شهد مسجينه يالدب المتغطرس .. والله ما نعيدها .. بالله عليك سامحنا ..
عصب راشد وقال: شنو ..؟! دب متغطرس ..؟! اللحين اللي يعتذر يقول جذي يالجلب ..
وسيم: ايوه ..
عصب وشاله من بلوزته وقال: عيل مجانك مو هني .. دور لك عن بيت يضفك ..
ورماه عالارض وقال بصراخ: اطلع برى البيت ولا اشوفك هني .. بسرعه ..
فتحت شهد عيونها وجت عند راشد ومسكته من ايده وقالت بترجي: راشد .. راشد بلييز لا .. انا بوصله للبيت وخلاص .. راشد واللي يسلمك لا تكون قاسي جذي .. الله يخليك يا راشد ..
دفها راشد عنه وقال: جب .. انتي تنجبين وما تتكلمين .. عقابج باجي ما ياج .. صبري علي شوي ..
لف على وسيم اللي يبكي وقال: وانت ما تسمع شنو قلت ..؟!
وسيم وهو يشهق: ويـ ـن ارو ح ..؟!
راشد بعصبيه: روووح لجهنم .. المهم ما اشوف رقعة ويهك في هالبيت ..
وقف وسيم وطالع في شهد اللي منهاره عالارض وتبكي ..
وسيم بصراخ: ما احبك .. دب متغطرس ..
وطلع جري برى ..
رفعت شهد راسها وقالت بصراخ: وسيــــــــــــــم وقــــــــــــــف .. وسيــــــــــــــــــــــــــــم ..
قامت بسرعه تلحقه ..
بس للاسف هذه هي الحقيقه المره ..
اخوها الصغير راح يتشرد ..
وهي راح تلاقي عذابين ..
واحد من راشد والثاني عشان اخوها ..
اي مصير راح تلاقي شهد في حياتها حاليا ..؟!
وشلون راح تتحمل اكثر ..؟!

================================================== ==================

في مطعم جراند كافيه .. المطعم المفضل عند سامي ..
دخله هو وريان عشان يتغدوا فيه ..
جلس ريان وقال: طيب فيه مطاعم احلى من هذي بكثير ..
ابتسم سامي وقال: اعرف بس سبحان الله ما اعجبني غير هذا .. احسه حلو و .. و مدري .. المهم انه عجبني ..
ريان: ههههه اوكي براحتك ..
اخذ سامي المينو وقال: شتبي تتغدا ..؟!
ريان: طيب على حساب مين .. عشان اذا كان على حسابي اقتصد في الطلب .. اما على حسابك اتمنذل شوي ..
سامي: بجد خسيس .. اوكي على حسابي بس بليز اقتصد ..
ريان: هههه لا لا على حسابي .. انت توك راجع من سفر والمفروض اغديك على حسابي ..
سامي: اوكي براحتك ما راح امانع ..
رفع ريان حاجبه الايمن وقال: جذي على طول .. عالاقل حاول واحلف مو توافق بسرعه ..
سامي: هههه احب الاختصار ..
طلبوا الغدا وبدأو ياكلون ..
ريان: اقول سامي ..
سامي: نعم ..
ريان: ابوك سفرك عشان سالفة بنت عمك صح ..؟!
سامي: تقريبا ..
سكت ريان شوي بعدين قال: سوري .. ما كنت ادري ان الامور بتوصل لذي الدرجه ..
طالع سامي فيه وقال: لا .. انت مو السبب .. لا تحمل نفسك المسؤوليه ..
ريان: سامي لا تحسبني صغير وتضحك على عقلي .. انا زرت ابوك البيت وعرفت اني انا السبب الرئيسي في سفرتك .. مدري شأقولك بس بجد يا سامي ما كنت ادري ان الامور بتوصل لجذي ..
سامي: خلاص يا ريان هذي سالفه قديمه وانتهينا منها ..
طالع ريان فيه فتره .. بجد حاس بالذنب .. لو انه ذاك اليوم ما اصر على سامي يفتش في اغراض ابوه كان ما صار اللي صار ..
سامي يغير الموضوع: ريان فاتك مين قابلت في بريطانيا ..؟!
ابتسم ريان بهدوء وقال: مين ..؟!
سامي: ابو اسيل .. البنت اللي عيونها رصاصيه .. تتذكرها ..؟!
ريان: ايه اتذكرها .. البنت اللي كرشتك .. مستحيل انساها ..
سامي وهو يضغط عالكلمات: انــا مــحــد كــرشــنــي ..
ريان: هههههه اوكي اوكي .. طيب شصار بعدين ..؟! قابلت اسيل ..؟!
سامي: لا .. شفت ابوها بس ..
ريان: خساره ..
سامي: فعلا .. والله انقهرت ..
ريان: طيب شسويت مع ابوها ..؟!
سامي: سألته عن اسيل فقال انا ما عندي بنات .. هههه حدة صوته تشبه صوت ابوي اذا عصب ..
ريان: طيب ليش يقول ما عندي بنات ..؟!
هز سامي كتفه وقال: يمكن يحسبني ابي اخطب بنته ..
هز ريان راسه وقال: لا ما اضن .. اسمع يمكن تكون غلطان .. انت شدراك انه ابو اسيل ..؟!
سامي: عيونه زي عيون بنته ..
ريان بإستنكار: بس ..!! علبالي شفت تطابق الاسماء او سمعت اسمه بالصدفه .. ياخي فيه مليون عين رصاصيه في العالم ..
سامي: بس ماكو مثل عيونها في قطر .. لأن العرب عيونهم تكون سودا او عسليه او بنيه .. عيل اكيد هو ابوها .. حتى رسمة العين نفسها ..
سكت سامي شوي وقال: ريان .. اسيل ليش عيونها رصاصيه ..؟!
ريان: مدري .. يمكن فيها عرق اجنبي ..
سامي: طيب انا يدي اجنبي .. ليش عيوني مو ملونه ..؟!
ريان: مو شرط .. مو كل واحد عيونه ملونه يصير نسله عيونهم ملونه كمان ..
سامي: خساره .. نفسي في عيون خضرا او زرقا ..
ريان: حشى قطو مو انسان ..
سامي: ههههههههههه ..
قطع ضحكته صوت رنة جواله ..
طالع ريان في الرقم وقال: هههه جمس بوند يتصل بك ..
ميل سامي فمه وقال: شيبي ذا ..؟!
ريان: رد وشوف ..
سامي: مابي .. هذا يحب يغث وبس .. اكيد بيسألني ليش تأخرت ..؟!
ريان: طيب ليه ما تغثه انت ..؟!
سامي: حاولت بس ما اقدر .. اعصابي تتلف بسرعه واتنرفز ..
ريان: ههههه الله يعينك على نفسك ..
حطه سامي عالسايلنت وهو يقول: ما راح ارد .. مدري متى راح افتك من ويهه ..
ريان بإبتسامه هاديه: في طريجه تفتك فيها من مراد ..
طالع سامي فيه وقال: وشهي ..؟!
ريان: تتزوج وتستقر في بيت لوحدك ..
فتح سامي عيونه وقال بإستنكار: اتــزوج ..!!!!! انت مهبول ولا شنو ..؟!
ريان: لا مو مهبول .. شاللي ناقصك .. الف بنت تتمناك ..
اعتفس وجه سامي وقال: اكيد مينون .. شوف شكلي كيف .. مستحيل اتزوج وانا جذي ..
طالع ريان في سامي وقال: بس انا اشوف شكلك عادي ومافي اي شي ..
سامي بعصبيه: ريــــــان لا تستغبــــي .. انت فاهم قصدي عدل ..
لفوا كل اصحاب المطعم جهة سامي يطالعون فيه ..
ريان: اهدأ .. الناس يطالعون فيك ..
لف سامي وجهه بضيق وسكت ..
شوي بعدين ضحك .. ضحكه ممزوجه بقهر وبألم وبضعف ..
طالع في ريان وقال بألم: تتذكر لمن قلت ان يدي اجنبي فليش عيوني مو ملونه .. نسيت اقول ان امي بعد اجنبيه .. يعني فيني عرقين اجنبي ..
ريان بهدوء: سامي خلاص خلنا نغير السالفه ..
ارتجف صوت سامي وقال بضعف: اكــرهـ ـها .. اكرههـا وايـ ـد ..
انخفضت نبرة صوته وقال بهمس: ريان انا تعبت .. متى اموت ..؟!
ريان: لا يا سامي لا تقول جذي .. تعوذ من ابليس ..
سامي بقهر: اتعوذ من شنو ولا شنو .. هو ابليس السبب في كل شي .. لا ابوي هو السبب .. حتى امي ..
سكت وقال: ريان بلييز خلنا نغير الموضوع بسرعه .. مابي اتذكر شي ..
طالع ريان فيه بعدين قال: بجد الله يعينك على نفسك .. حابس نفسك في قوقعة الماضي .. اوكي انا معاك انه شي موجع وانه ما راح ينتهي إلا اذا مت .. بس مو معاك انك تسوي في نفسك جذي .. قل لن يصيبنا إلا ما كتبه الله لنا .. هذا ابتلاء من عند ربك عشان يختبر عباده .. سامي اللي انت تسويه اسمه قنوط من رحمة الله .. ما يصير جذي يا سامي ..
سامي: ايه .. على اساس اني مو انسان وما عندي مشاعر ..
ريان: لا يا سامي انا ما قصدت جذي ..
طالع سامي في ريان فتره وقال: بس صح انت يبتها .. انا فعلا مو انسان .. كيف نسيت ..؟!
ريان بعصبيه: انت بتينني يا سامي .. ابي افهم شلون تفكر ..؟!
تنهد سامي وقال: افكر مثل ما يفكرون الناس .. خلنا ناكل بسرعه .. الاكل برد ..
طالع ريان فيه بعدين بدأ ياكل ..
الجو كان جدا هادي إلا من اصوات الملاعق والشوك ..
انتبه سامي لجواله اللي كان النور يولع ويطفى .. وهذا دليل انه فيه مكالمه ..
اخذ الجوال وقال: هذي المره السابعه يتصل ..
ريان: طيب رد ..
رد سامي وقال: خير ..
مراد ببرود: الخير في ويه عدوينك ان شالله .. وين انت ..؟!
سامي: المريخ ..
مراد: لا بجد .. طيب ييب لي تذكار من هناك ..
سامي: قول شتبي وخلصني ..؟!
مراد: بزنس مان على غفله .. المهم تعال البيت بسرعه ..
سامي: وليش ان شالله ..؟! لا يكون مشتاق لي ..
مراد: واااايد .. عالعموم ابوك يقول تعال بسرعه عشان عمك عندنا ..
سامي بصدمه: ابو بنت عمي ..؟؟؟!!!
مراد: شهالسؤال الغبي ..؟! مادامه عمك فأكيد بيكون ابو بنت عمك ..
سامي: اوكي اوكي ياي ..
وقفل فقال ريان: شسالفه ..؟!
سامي: عمي عندنا في البيت ..
ابتسم ريان وقال: عيل طل فيه زين .. اكيد بيكون يشبه بنت عمك ..
سامي: اكيد .. باااي ..
وخرج بسرعه فأبتسم ريان وهو يقول: تغير موده بسرعه ..
قام وحاسب عالاكل وبعدين طلع وراح لبيته ..
اما سامي فركب السياره وكالعاده اسرع بسرعه جنونيه واتجه للقصر ..
وصل سامي للقصر من هنا وانتهى الجزء الاول من هنا ..
وهاهي اسيل اخيرا اكتشفت بأنها لــقــيــطــه ..
- كيف بتعيش .. وشلون راح تتحمل هاللقب الموجع .. ووين بتروح .. وعند مين ..؟!!
اسئله كثيره تدور حواليها .. بس اكيد حياتها الآن صارت اصعب من الاول ..
وش هي توقعاتكم عنها ..؟!!
- ياللا سخرية القدر .. خالها يسأل عنها ويدور عنها وبعدين يلتقون في مكان واحد وكل واحد فيهم يكلم الثاني ومع هذا محد يعرف الثاني ..
واللحين جاء وقت الاسئله ::
- مات ابو فيصل وطلعت اسيل من البيت .. هل هذا الشي بيأثر في تصرفات ام فيصل او فيصل ..؟! وفارس اذا طلع هل راح يرضى باللي يصير او انه راح يلحق بأبوه في العالم الآخر ..؟!!
- اسيل لقيطه .. هذا اللي سمعته غاده .. هل راح تعلم احد او تسكت ..؟!!
- آرثر غايب .. ما يرد على اتصالات اسيل .. ما حضر زواج ريما .. شصار له بالضبط ..؟!!
- وش هالرساله المفاجئه اللي جت لطارق وليش انقلب وجهه .. وش هي علاقته ببسام اللي اول ما شافه تذكره ..؟!!
- شهد وراشد ووسيم .. مثل ما قالت شهد .. لعبة القط والفار لازم تنكشف وهذه هي انكشفت .. وش مصير شهد ووش مصير اخوها الصغير وسيم ..؟!!
- واخيرا سامي اللي مازال يتذكر ماضيه المؤلم وما راح ينساه .. هاهو الآن متجه لقصره عند عمه .. وش هي الاحداث المثيره اللي بتصير ..؟!
اوكي طولت في الاسئله بس بجد البآرت كان مليان احداث ..
وان شاللـه البارت الجاي حتجيكم قنبلـــه قويـــه وغير متوقعه ..
ياللا اشوفكم في الجزء الثاني من البآرت التاسع ..
صديقتكم: صصرخةة االمشتااققةة ..

|$[ نهاية الجزء ]$|

11 - 3 - 2014, 09:09 PM

|$[ البآرت التاسع الجزء الثاني ]$|

وقف سامي سيارته في كراج القصر ونزل وهو يطالع في سياره غريبه واقفه ..
كانت سيارة فيراري خضرا صارخه ومفتوحه من فوق ..
سامي: هههه شكل ابو بنت عمي يحب هالنوع من السيارات ..
وقف شوي وهو يطالع في سياره ثانيه سودا صغيره وجنبها سايق بملابس رسميه سودا ..
عقد حواجبه بإستغراب وقال: شكل عند ابوي ضيوف كمان ..
مشي واتجه لناحية باب القصر ودخله ..
شافته ريندا وقالت: اهلا سيد سامي .. اين كنت ..؟!
سامي: هههه اهليين .. والله كنت اتغدى مع رفيجي ..
ريندا: لقد تأخرت عن والدك كثيرا .. الا تعلم ان عمك هنا .. لقد اتى خصيصا للأطمئنان عليك ومناقشة بعض الامور مع والدك ..
سامي: طيب ما ياب معاه بنت .. اقصد وحده اصغر مني شوي ..
ريندا بإستغراب: كلا .. لقد حظر لوحده .. لكن ماذا كنت تقصد ..؟!
ضرب سامي راسه وهو يقول: يا غبي مو هم قالوا ضاعت .. عيل اكيد مو معهم ..
ريندا: مابك تحدث نفسك ..؟!
سامي بالفصحى: كلا لا يوجد اي شي .. انها فقط بعض الهلوسه التي تصيبني ما بين حين وآخر ..
ابتسمت ريندا وقالت: لن تتغير يا سامي ..
سامي: ايوووه جذي تمام .. ما ابي اسمع سيد .. احسج مثل اختي مو وحده من خدم ابوي .. بلييز لا تقولين سيد مره ثانيه ..
ريندا بإبتسامه هاديه: انها الاوامر يا سيد سامي .. واعذرني ان نطقت اسمك من دون لقب سيد .. فأنا انسى في بعض الاحيان ..
عصب سامي ولف وجهه ..
ابتسمت ريندا وراحت تكمل شغلها ..
سامي بضجر: اووووف .. عالم سخيف .. وعمي ذا المفروض ما يضيع بنته .. لو كانت هني جان قزيت فيها شوي ..
........: ههههههه اووف قويه .. حتى بنت عمك تبي تغازلها هههه ..
ماكو غير مراد .. هو الوحيد اللي ينرفزه في هالبيت ..
بس لحضه .. هالصوت ما كان صوت مراد ..
لف سامي ورى فشاف ولد واقف بإستهتار وحاط ايده في جيب بنطلونه البرمودا الاسود ..
عقد سامي حواجبه وقال: منو انت ..؟!
ابتسم وقال: لا لا مصيبه .. فعلا مصيبه .. قد تقابلنا قبل سنتين .. شلون ما تعرفني ..؟!
طالع سامي فيه بإستغراب .. يحس ان ملامحه مو غريبه ..
سامي: فعلا .. انا متأكد اني قد شفتك بس ما اتذكر فين ..
انفجر الولد ضحك وهو يقول: هههههههههآآي شكيتك .. هههههههههههههههه ..
عصب سامي وقال: انت شفيك تضحك ..؟!
الولد: ههههه طيب واللي يقولك اني جذاب وما عمري شفتك هههههههه طحت في الفخ يا بابا وعرفت انك من النوع الجذاب ههههه .. قال ايش قال قد شفتك بس ما اتذكر ههههه ..
فتح سامي عيونه بصدمه وبعصبيه في نفس الوقت .. بجد ينرفز هالولد ..
بس ستوووب .. لحضه .. هو متأكد انه قد شافه .. ايه وشافه كثير ..
عقد سامي حواجبه بتفكير .. يحاول يعصر مخه ويتذكر ..
ميل الولد نفسه لقدام يطالع في سامي وقال بنبرة استهزاء: ها بشر .. عساك اكتشفت الذره بس ..؟!
رفع سامي وجهه يطالع فيه وقال: نعم شتبي ..؟!
تعدل الولد في الوقفه وقال ببرود: لا ابد بس ابي واحد طعميه واثنين كاتشب ..
شوي فقع ضحك وهو يقول: ههههههه حلوه اثنين كاتشب ههههه حسيت نفسي دلخ ههههههه ..
طالع سامي فيه بفهاوه وقال: اصلا انت فعلا دلخ ..
ابتسم وقال: عيل اكيد الحال من بعضه ..
سامي: فهمتك .. تقصد اني دلخ كمان ..
رفع حواجبه وقال بإنبهار مصطنع: وااااو ذكي .. تفهمها وهي طايره .. اخسس محد قدك ..
سامي بعصبيه: واللحين ممكن تقول من انت وليه ياي هنا ..؟!
دخل ايده في جيبه وقال: انت فعلا تصدمني يا سامي ..
سامي: اخلص .. منو انت ..؟!
هز كتفه وقال: اول مره اشوف واحد مثلك .. عالعموم انا إياد ..
سكت شوي بعدين كمل: في واحد ما يعرف ولد عمه يالدلخ ..؟!

طـــــــــــــــــــــــــــــــــــــــــــــــــ ـــــــآآآآآآآآآآآآآآآآآآآآآآخ ..
صددمــــــــةة قووييـــــــــه وقعت على راس اخونا سامي ..
لا مو صدمه .. ذي قنبله بحد ذاتها ..
سامي: شتقصد .. يعني انت اخو بنت عمي ..؟!
إياد: انت اخو بنت عمي .. يووووه مشوار ..
طالع سامي فيه وهو مازال مصدوم ..
إياد: ههههههههههه شفيك مفهي ..؟! ايه انا اخو بنت عمك هههههه ..
سامي: بجد ..؟!
تقدم إياد عنده وحط ايده على راس سامي وقال: فعلا انت مصخن .. تحتاج طبيب ..؟!
سامي: ........................
رجع إياد خطوتين ورى وقال: هيه يا ابو الشباب فين سرحان ..؟!
انتبه سامي له فسأله سؤال مفاجئ: فين اختك ..؟!
رفع إياد حاجبه شوي و: هههههههههههههههههههههههههههههههههههههههههههه ..
سامي بعصبيه: مافي شي يضحك عشان تضحك ..
اسند إياد جسمه عالجدار وهو ماسك بطنه ويقول: هههههههه والله انك تضحكني يا ولد العم هههههههههههههههههههههه ..
تكتف سامي وقال: متى تخلص حضرتك ..؟!
ابتسم إياد وهو يطالع في ساعته وقال: والله مدري على راحتك .. متى تبيني اخلص ..؟!
تنرفز سامي وقال: انت شفيك تستخف دمك ..؟!
إياد بإستنكار: انا ..؟!! يا بابا انا ما استخف دمي .. اصلا دمي خفيف من زمان مو كاتشب مثلك عشان استخف ..
سامي: منت ملاحظ انك في قصري وتسب كمان ..
حرك إياد اصبعه وقال: لا لا .. هذا قصر عمي مو قصرك .. انتبه لا تغلط مره ثانيه ..
سامي بعصبيه: استاذ إياد ممكن تقلب ويهك ..؟!
إياد: هههه على صفحه جم ..؟!
سامي بقلة صبر: إيـــــــــــــــــــــــــــــــــــااااد ..
إياد: ههههه طيب اعطني يومين افكر وأرد لك خبر بعدين ..
تنرفز سامي اكثر وقال وهو يضغط عالكلمات: إيـاد لا تـخـتـبـر صـبـري .. اقـسـم بـالـلـه ان مـا تـلايـطـت لأحـفـر قـبـرك هـنـي ..
طالع إياد في الارض حواليه وقال: والله خوش مجان .. بس اخاف اضايقكم ..
كل قنابل الصبر انفجرت عند سامي فتقدم ومسك جاكيت إياد وقال بعصبيه: انـــت ما تفهم .. تبينــــــــي افهمك يعني ..؟!
إياد ببرود: إيه والله ياليت ..
بجد عصب ودف إياد على ورى وهو يقول: انت مو طبيعي ابدا ..
صقع ظهر إياد بالجدار بقوه ..
فطلعت صرخة ألم قويه من إياد وحط إيده على الجهه الخلفيه من كتفه ..
جلس عالارض من قوة الالم وحط ايده الثانيه وهو مغمض عيونه بقوه يحاول يتحمل ..
استغرب سامي .. صح انه دفه بس محد يتأذى بالشكل اللي حصل اللحين ..
انصــــــــــــدم وانربــــــــط لســــان سامي وهو يشوف الدم يسيل من بين ايادي إياد وعلى ملابسه ..
حس إياد بشي لزج فطالع في إيده وشافها مغطاه بالدم ..
عض على شفته وقال بهمس وقهر: اللـه يـلـعـنـــك يا جـرراح ..
رفع راسه شوي فشاف سامي يطالع فيه بدهشه ..
شوي ابتسم سامي وقال بلعانه: احسن .. عساه من ذا الحال واردى ..
ابتسم إياد بالصعوبه من شدة الالم وقال بمكر: احسن ..؟!! يصير خير يا سامي ..
سامي بقهر: اقول اسكت يا البزر .. ترى اسلوب التهديد ما يناسب سنك ..
لف وطلع برى القصر لأن اعصابه نار ويبي يهديها شوي ونسي ان في البيت عمه وجاي خصيصا له ..
اسند إياد جسمه عالجدار بس جهة كتفه اليمين ما اسندها لأنها راح تؤلمه ..
رفع راسه فوق وغمض عيونه يحاول يهدي الألم شوي ..
بعد حول عشر دقايق او ربع ساعه سمع اصوات ابوه وعمه ..
فتح عيونه ووقف والالم هدأ شوي بس اذا حرك إيده اليمين راح تؤلمه ..
إياد: ها خلصتم اجتماعكم الخاص اللي طردوني منه ..؟!
ابتسم ابوه وقال: ههههه تقريبا و .......
وقف كلامه فجأه وهو يشوف الدم يسيل من جهة كتف ولده ..
جاء عنده وهو يقول بخوف: إياد حبيبي شفيك ..؟! شصار لك ومنو سوى فيك جذي ..؟! إياد قولي مين عشان احفر قبره هني ..؟!
إياد: ههههه لا لا هذا قبري انا .. ادفنه في مجان ثاني هههه ..
جاء عمه ابو سامي وقال: إياد بجد شصار لك ..؟!
إياد بإحراج مصطنع: والله يا عمي مدري شأقولك بس بصراحه ولدك سامي متوحش ..
طالعوا فيه بإستغراب ..
الاب: شتقصد ..؟!
ابتسم بخبث وقال: مدري .. اول ما عرف ان عمه عنده ولد قام علي يسب ويهاوش وكأني ماكل حلاله ..
عقد ابو سامي حواجبه وهو يقول: كمل ..
إياد: بصراحه ماني متعود اني اسكت عن اللي يهينني بس عشان هذا ولد عمي من لحمي ودمي .. شوي عصب ويقولي شفيك ساكت ما ترد .. وانا قلت بمنتهى البراءه ما يصير ارد على ولد عمي .. فحسب اني استهزئ فبدأ يضارب فدافعت عن نفسي فتنرفز زياده ودفني بقوه جهة مسمار عالجدار وعشان جذي تأذيت ..
الاب بصدمه: مسمــــــــــــــار ..!!!
العم: مــــــــــــــراد ..
جاء مراد وقال: نعم طال عمرك ..
العم: خذ إياد عند دكتوري الخاص عشان يضمد جرحه ..
مراد: حاضر ..
طالع في إياد وقال: تعال معي سيد إياد ..
طالع إياد فيه شوي بعدين راح معاه ..
جلس الاب على كنبه وقال: مسمار .. باين ان الجرح يؤلمه كثير .. ليتها فيني مو فيه ..
ابتسم ابو سامي وجلس على الكنبه المقابله لكنبة اخوه وشغل سيجارته الكوبيه واخذ نفس منها ..
ابو سامي: ما تحس انك مدلع إياد زياده عن اللزوم ..
ابتسم ابو إياد وقال: عالاقل ولدي طلع مسالم مو عدواني ..
اسند ابو سامي نفسه على ورى وقال في نفسه: "صحيح سامي ليش سوى جذي .. ووينه اللحين ..؟!" ..
قام ابو إياد وقال: وين مجان الدكتور الخاص ..؟!
ابو سامي: ههههه لهدرجه خايف على ذاك الولد ..؟!
ابو إياد: هذا ولدي الوحيد ومالي غيره في الدنيا ..
ابو سامي بهدوء: لا تنسى ان عندك بنت كمان ..
لف ابو إياد وجهه وقال: البنت ماتت من زمان ورجاءا لا تفتح هالسالفه مره ثانيه ..
ابتسم ابو سامي بثقه وقال: واللي يقولك انها حيه وما ماتت ..؟!
لف ابو إياد على اخوه بعدين قال: وين غرفة الدكتور الخاص ..؟!
ضحك ابو سامي بهدوء وقال: مــــــــــــــراد ..
جاء مراد وقال: نعم ..
ابو سامي: وصل ابو إياد لغرفة الدكتور الخاص ..
مراد: حاضر طال عمرك ..
أما عن الغرفه فكان إياد جالس على السرير ومنزل بلوزته وجاكيته ومعطي ظهره للدكتور اللي قاعد يلف الجرح بشاش بعد ما عقمه ..
الدكتور: استاذ إياد .. الجرح باين عليه قديم شوي واليوم انفتح صحيح ..؟!
إياد: مالك شغل ..
الدكتور: وكمان مبين انه طعنة خنجر ..
إياد: قلت مالك شغل ..
الدكتور: الجرح عميق وخطير .. لا تحرك ايدك اليمين كثير اوكي ..؟!
اخذ إياد بلوزته ولبسها وهو يحس بألم من حركة إيده وبعدها لبس الجاكيت ..
إياد: اسمع ..
الدكتور: نعم ..
إياد: إياني وإياك تقول لأحد ان الجرح عباره عن طعنه قديمه .. قول انه جرح طفيف من مسمار .. فاهم ..؟!
الدكتور: يعني اللحين لازم اسمع كلامك ها ..؟! سوري انا طبيب امين وما اجذب ..
إياد: يا بابا صاحب هالبيت هو عمي .. بكلمتين صغار اقدر اخليه يقطع رزقك ورزق عيالك ..
الدكتور: هذا اسمه تهديد ..
إياد: اكيد اسمه تهديد عيل صلصه مثلا ..
سكت إياد يطالع في الدكتور بعدين قال: بإتصال صغير اقدر اعرف كل شي عنك .. واقدر بجذي اورطك بشي وتدش السجن .. احذر ..
انفتح الباب ودخل ابوه ..
إياد: اهلين بأبوي ..
الاب: ها كيفك اللحين ..؟!
إياد: الحمد لله تمام والجرح جدا طفيف ..
الاب: ها يا دكتور كيف صحته حاليا ..؟!
سكت الدكتور شوي بعدين قال: تمام بس يلزمه يريح نفسه يومين عالاقل وخاصتا إيده اليمنى ..
الاب: عيل اليوم بترجع معي بالسياره .. لأن السواقه بتأثر على ايدك .. واما عن سيارتك فبتقعد جم يوم عند عمك ..
إياد: لا ابوي بلييز .. اخاف سامي يشوف سيارتي ويحط حرته فيها .. تراها ما كملت يومين معي وما امداني انبسط ..
الاب: لا بلييز ولا لييز كمان .. صحتك اهم من السياره .. السياره بدالها الف .. اما انت فمافي لك بديل ..
دخل ابو سامي وقال: ها كيف حال ولد اخوي ..؟!
إياد بإبتسامه: تمام ..
الدكتور: الحمد لله تمام بس يحتاج لراحه تامه لمدة يومين ..
ابو سامي: ليه الجرح عميق ..؟!
الدكتور: تقريبا .. شكل المسمار كان حاد نوعا ما ..
إياد بإنتصار: هههههههههههههههههههههههههههههههههه ..
طالعوا فيه مستغربين من ضحكه المفاجئ ..
ما عدا الدكتور اللي فهم انه يضحك ضحكة انتصاره انه قدر يغير اقواله ..
ابو سامي: إياد شفيك ..؟!
إياد: هههه ماكو شي بس تذكرت نكته ..
ابتسم ابوه وقال: ياللا قوم نرجع للبيت ..
ابو سامي: لا لا إياد تعبان وراح يرتاح يومين عندي في قصري ..
الاب: لا مو لازم .. ولدي راح يرجع معي ومو لازم نثقل على احد ..
جلس ابو سامي وقال: انا عمه مو غريب ..
ابتسم إياد بلعانه وقال في نفسه: "ودي اشوف عمي وهو يهزئ سامي" ..
إياد: خلاص انا بقعد هنا يا ابوي ..
طالع الاب فيه وقال: متأكد ان هذا يريحك ..؟!
إياد بإبتسامه: واااااايد ههههه ..
الاب في نفسه: "ضحكته مو مريحتني .. شكله ناوي على شي" ..
وفعلا راح الاب لوحده للبيت وجلس إياد عند عمه ابو سامي ..

** إياد الراهي .. عمره ١٧ سنه صف ثاني ثانوي .. اخو اسيل من اب واحد وام مختلفه .. انسان جدا متهور ومشكلجي وما يفكر في العواقب .. ابوه مدلعه على آخر درجه وما يرفض له طلب **

================================================== ==================

.. العصر في بيت ابو فيصل ..
ام فيصل ما زالت في حالتها السيئه .. متأثره بموت زوجها كثير ..
وعائلة ابو وائل عندها عشان يخففون من حالتها ..
ومحد يعرف ان اسيل هاربه من البيت غير فيصل وامه ووائل وابوه ..
لمار ولمى مستغربين كثير من اختفائها .. حتى ام وائل وودها تسأل بس فضلت السكوت ..
لارا نايمه ولمى ولمار جالسين في الصاله مع امهم اللي تواسي ام فيصل ..
وائل كان جالس على كنبه في مجلس الرجال بعيد عنهم ومتكي ايده على رجله ويطالع في الارض بسرحان ..
يفكر في اسيل .. وين ممكن تكون راحت ..؟!
وده يروح ويدور عنها بس ما يقدر .. ابوه وصاه على اخواته وامه وعشان كذا هو عندهم ..
دخلت لمى المجلس وجلست جنبه وقالت: وائل ..
فقال من دون لا يطالع فيها: نعم ..
لمى: تعرف وين اسيل ..؟!
وائل: مدري ..
لمى: طيب اسأل فيصل .. بصراحه غيابها غريب ..
وائل: لمى .. ممكن تروحين وتخليني ..؟!
لمى بتنهيده: اوكي براحتك ..
شوي دق جرس البيت فقال وائل: لمى شوفي مين عند الباب ..
لمى: طيب ..
قامت وفتحت الباب وشافت صاحبات اسيل ..
ندى: السلام عليكم ..
لمى: وعليكم السلام ..
ندى: احنا رفيجات اسيل ويايين عشان نعزيها ..
لمى: بس اسيل مو مويوده ..
لين بإستغراب: شتقصدين ..؟!
هزت كتفها وقالت: انا بنت عمها ويوم ييت ما شفتها ابدا .. ماكو غير امها واخوها الكبير ..
ليان: طيب ما سألتي عنها ..؟!
لمى: لا ما تجرأت اسأل .. اللحين هم بحاله جدا سيئه ولا اقدر اسألهم ..
وسن: تيب ليه ما ترد على موبايلها ..؟!
لمى: مدري .. اتصلنا كثير بس ما ترد .. فقلنا يمكن الموبايل مو معها ..
ندى: اوكي مشكوره وسوري عالازعاج ..
لمى: العفو ..
دخلت لمى وقفلت الباب ..
لفت ندى عالبنات وقال: شي غريب ..
ليان: بجد بديت اخاف ..
لين: لحضه .. مو غيدا قالت ان رفيجتكم حالتها صعبه .. واللحين بنت عمها تقول من امس وهي مو مويوده .. عيل غيدا شدراها ان اسيل حالتها صعبه مع ان اسيل مو مويوده ..؟!
سارا: يمكن خمنت ..
وسن: تيب يمكن اسيل سار لها حادث مع ابوها واخوها ..
لين: لا لا الله لا يقوله ..
ندى: تصدقون .. قلبي مو مطمئن ابدا ..
طالعوا فيها وهي عاقده حواجبها بتفكير ..
شوي طالعت فيهم وقالت: ياللا نرجع البيت .. ان شالله الامر بسيط ..
ركبوا مع سواق سارا ورجعت كل وحده بيتها ..
نرجع لبيت ابو فيصل ..
نزل فيصل من الدرج وطالع فيهم فقال بهدوء: السلام عليكم ..
ردوا عليه السلام بهمس وخفوت وكل واحد سرحان بهمه ..
مشي فيصل وراح للمجلس عند وائل عشان ياخذ محفضته وبعدين اتجه للباب ..
وائل: فيصـــــــــــــل ..
لف عليه فيصل وقال: نعم ..
قام وائل وجاء عنده وقال: وين رايح ..؟!
فيصل: بزور اخوي فارس .. بلييز وائل لا تعلم امي .. اخاف تصر انها تروح فتدهور حالتها اكثر اذا شافته ..
وائل: طيب ما بقولها .. اسمع انا بروح معاك ..
فيصل: اوكي ياللا ..
خرجوا فيصل ووائل وركبوا في سيارة فيصل واتجهوا للمستشفى ..
طالع وائل في فيصل وقال: فيصل ..
فقال فيصل دون لا يلف عليه: نعم ..
وائل: وين اسيل ..؟!
فيصل بهدوء: اسيل مين ..؟!
استغرب وائل وقال: اسيل اختك ..
فيصل بنفس الهدوء: ماتت ..
انصدم وائل من جواب فيصل وقال: فيصل انت شقاعد تقول ..؟!
فيصل: اسيل اختي ماتت .. اما اسيل المزيفه فهربت ..
وائل: شلون هربت ..؟!
فيصل ببرود: مدري .. اتوقع ان امي طردتها ..
وائل: طيب ما تدري وين راحت ..؟!
فيصل: لا ..
شوي وقف فيصل السياره واخذ نفس ..
لف على وائل وقال: تعال سوق بدالي .. ماني قادر اسوق ابدا ..
حزن وائل على حاله .. واضح انه متأثر كثير ..
نزل وائل وتبادل هو وفيصل ..
وائل: في اي مستشفى ..؟!
اسند فيصل راسه على ورى وغمض عيونه وقال بهدوء: مستشفى الـ****** ..
حرك وائل السياره واتجه للمستشفى ..
وائل في نفسه: "حتى فيصل مب عارف وين راحت .. يارب احمها من كل شر .. بجد مينونه" ..
بعد فتره وصلوا للمستشفى وطلعوا للقسم اللي فيه فارس ..
راحوا لغرفة فارس بس تفاجؤا انه مو موجود فراحوا للدكتور المشرف على راحته ..
فيصل: السلام عليكم يا دكتور ..
الدكتور: اهلين وعليكم السلام ..
فيصل: ممكن اسأل عن المريض فارس الرملي .. مو مويود في غرفته ..
الدكتور: مين حضرتك ..؟!
فيصل: اخوه فيصل ..
سكت الدكتور شوي وقال: اجلسوا ارتاحوا ..
جلس فيصل ووائل عالكرسين اللي قدام مكتب الدكتور ..
طالع فيهم الدكتور وقال: بصراحه يا استاذ فيصل اخوك سوى حادث جدا خطييير .. فأصيب اصابات بالغه جدا وشوية حروق طفيفه تروح مع الزمن ..
سكت شوي بعدين قال: اول ما يتني الحاله كانت جدا خطيره .. يعني نسبة نجاته كانت ما بين ٢٠ إلى ٣٠ بالميه ..
انصدم وائل لأنه اساسا ما كان عارف بحالة فارس ابدا ..
اما فيصل فكان عارف بكل هذا وقال: اعرف ودخلتوه غرفة الانعاش ..
وكمل بخوف: بس يا دكتور هو مو مويود .. وين راح ..؟!
الدكتور: نقلناه لغرفه ثانيه .. مدري شأقولك بس الحمد لله اخوك استقرت حالته ولله الحمد ..
ابتسم فيصل بفرحه وقال: حلو ..
فلاحظ وجه الدكتور المقلوب فقال: دكتور شفيك .. اخوي فيه شي ..؟!
سكت الدكتور فتره بعدين قال: بصراحه اخوك حاليا في العنايه المركزه ..
طالع فيهم وكمل: دخل في غيبوبه تامه والله اعلم متى يصحى منها ..
انفجعوا فيصل ووائل وهم يسمعون كلام الدكتور ..
الدكتور: ادعوله وان شالله يصحى منها .. لأن فيه ناس تصحى بعد يومين وناس بعد شهر وناس بعد سنه ..
تنهد الدكتور وكمل: وناس بعد سنوات وناس ما يصحون منها ابدا .. بس انتم خلوا املكم بالله قوي وان شالله يصحى وبأحسن حال ..
فيصل بعدم تصديق: فارس ..!! انت تقصد ان فارس احتمال ما يصحى ..؟! لا اكيد تتغشمر .. ما يكفي ابوي اللي راح بهالحادث آآآه ..
حط راسه على ايده ويطالع في الارض بألم .. هذا كثير عليه .. مره كثير ..
جاء وائل عنده وحط إيده على كتفه وقال: فيصل استهدي بالله .. هذا ابتلاء من الله ولازم نصبر عليه ..
فيصل بألم: هذا فارس يا وائل .. هذا فارس مو أي احد .. ليتني انا اللي في هالحاله مو هو ..
وائل: تعوذ من الشيطان ما يصير تقول هالكلام ..
لف فيصل عالدكتور وقال: ابي اشوفه .. وينه ..؟!
الدكتور: اوكي بس للمعلومه الزياره ساعه في اليوم .. هذي عنايه مركزه مو اي غرفه ..
وائل: طيب الساعه جم ..؟!
الدكتور: من الساعه خمسه لين سته .. والآن الساعه خمسه ونص .. تقدرون تشوفونه اللحين ..
قاموا وراحوا للعنايه المركزه ولبس وائل وفيصل اللبس البلاستيكي الخاص ودخلوا ..
انصدموا من شكل فارس ولوهله شكوا بأنه فارس ..
الاسلاك متصله في من كل مكان .. من إيده وذراعه وكتفه وصدره .. وقناع الاكسجين على فمه والاجهزه حواليه بكثره ..
راسه ملفوف بشاش وآثار الدم واضحه من ورى الشاش ..
عند اسفل خده آثار بسيطه للحروق ممتده لرقبته .. وفيه آثار على ايده اليسرى ..
غمض وائل عيونه بألم .. ما يصدق ان هذا هو فارس ..
تقدم فيصل لجهة فارس وهو ما يزال في مرحلة الذهول ..
معقوله هذا هو اخوه الصغير ..؟!!!
هز راسه بلا والعبره خنقته بقووه ..
وقف جنب فارس يطالع فيه وهو متألم لحالة اخوه ..
مد إيده المرتجفه لشعر فارس ومسح عليه بهدوء ..
فيصل بخفوت: فارس .. فارس انت تسمعني ..؟! انا فيصل يا فارس قوم ..
تجمعت الدموع في عيون فيصل وبدأ يتحسس وجه اخوه بأصابعه .. حتى اماكن الحروق ..
مسك ايد فارس وطالع في اللصق الملصق ومن تحته سلك موصل بأحد الاجهزه ..
فيصل بهدوء: وائل ..
طالع وائل فيه وقال: نعم ..
فيصل: ايده بارده زي الثلج .. ليش ..؟!
وائل: مدري .. ما عندي اي خلفيه عن الطب ..
سكت فيصل شوي وبعدين قال بهمس: الاموات بس تكون ايدهم بارده .. يمكن فارس يموت ..
هز وائل راسه وجاء عند فيصل وقال بعتاب: لا تقول مثل هذا الحجي يا فيصل .. خلك اقوى من جذي ..
انحنى فيصل وقبل جبين اخوه .. عندها دموعه نزلت غصب عنه ..
رفع نفسه شوي وقال بهمس: فارس .. بلييز اصحى واللي يسلمك ......... مابي افقدك مثل ما فقدت ابوي ........ فارس لا تعذبني اكثر من جذي ..... اصحى يا بعد روح فيصل ..
تنهد وائل بمراره وقال: فيصل لا تحاول .. صوتك ما راح يوصل له ابدا ..
هز فيصل راسه بلا وقال: إلا .. انا اخوه فيصل وراح يسمع لي ..
طالع وائل بساعته وقال: خلنا نطلع .. باجي خمس دقايق على موعد انتهاء الزياره .. وكمان مو من مصلحته اننا نطول عنده ..
طالع فيصل في فارس فتره طويله بعدها اعتدل في وقفته وقال في نفسه: "ياليتني انا في هالسرير مو انت" ..
نضر له نضره وداعيه وبعدها خرج هو ووائل ..

================================================== ==================

المواضيع المتشابهه لموضوع: رواية واكتشفت اني لقيطه كامله لموضوع: رواية واكتشفت اني لقيطه كامله
الموضوع	كاتب الموضوع	المنتدى	مشاركات	آخر مشاركة
رواية طلبتك لا تحاكيني كامله	سجات التهاويل	همس للقصص وحكايات وروايات	331	8 - 6 - 2018 01:05 PM
رواية الا ليت القدر كامله	نَقاء أنامِل	همس للقصص وحكايات وروايات	71	7 - 9 - 2014 02:20 AM
رواية رغد وبدر كامله	سجات التهاويل	همس للقصص وحكايات وروايات	133	7 - 9 - 2014 02:14 AM
رواية شغب بنوته كامله	نَبض♡~	همس للقصص وحكايات وروايات	16	16 - 2 - 2014 05:50 PM
رواية ارادة رجل كامله	ادمنت تعذيبك	همس للقصص وحكايات وروايات	35	22 - 4 - 2012 01:48 AM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية واكتشفت اني لقيطه كامله

همس للقصص وحكايات وروايات