وش سويتي فينا يا بنت

وليد كان لسا قاعد في مكانه بين فتره و فتره يلف يشوفهم.....

وليد حاسس انهم يخططوا لشي .. الظاهر انهم ما يعرفوني .. انا ما ينلعب معي ... خل ارسل لماجد يجيني اللحين...

عند هتان و مشاري...........

هتان : بسرعه وش هي فكرتك ؟

مشاري : خلني ألملم افكاري...

هتان : تكفى يا هتلر!

مشاري : مشكلتك منت صبور ... المهم انا بقولك اش نسوي...

هتان بحماس : اخلص قووووول...

مشاري : اول شي ندق على نادر ﻻن هذا (يقصد وليد الحقيقي ) ما يعرفه ما قد شافه معنا .... و نقول له يجي...

هتان : اي و بعدين ؟

مشاري : يروح له نادر على انه مضيع .. يستدرجه لبرى .. مكان فاضي و احنا نسبقه لهناك تعرف هنا ما نقدر نسوي له شي عشان الامن...

هتان : اهاا فهمت عليك .. يا خطييييير ياا انت ... فيه حكه بيدي ودني اصفق احد و هذا جا في وقته..

مشاري : ههههه الله يعينه عليك...

هتان : اخ فيني حررره اذا ما طلعتهاا فيهه ما اكون هتان..

مشاري : هدي اهم شي ﻻ تقتله ههه....

هتان : ما يندرى ...اللحين دق على نادر و قول له .. بسرعه قبل هذا لا يروح..

دق على نادر و اتفقوا مع بعض .... و لا زال وليد يراقبهم من بيعد و ما كان مرتاح لحركاتهم ... جا نادر لوليد....

نادر : السلام يا الأخ...

وليد اش يبي ذا ! مين يكون ؟ : عليكم السلام..

نادر سحب كرسي و قعد مقابله : كيفك ؟

وليد باستغراب : نعم ؟! ليه قعدت ؟

نادر : هو بصراحه انا مضيع الطريق .. انا جاي من الرياض و استنى احد هنا .. ودي اطلع برى المجمع بس اخاف اضيع...

وليد : المطلوب ؟!

نادر : ممكن بس تطلعني و ترجعني لهنا ؟ بس اطل برى اشوف اذا جا خويي و لا لا..

وليد ماني مرتاح له : اش معنى انا ؟

نادر : شوف حولك مافي احد قاعد لحاله صعبه اروح للثانيين .. قلت بما انك لحالك ممكن تساعدني!

وليد يفكر : هممممم .. انا بعد استنى احد...

نادر : معليش ما رح نتأخر...

وليد بقلة حيله : طيب...

نادر ابتسم بنصر و عطا نظره لـ مشاري و هتان اللي كانوا يراقبونهم من بعيد ثم سبقوهم لمكان اللقاء و تخبوا ورى جدار......

في نفس الوقت بمكان ثاني .. بشركة ابو خالد .. كان قاعد بمكتبه هموم الدنيا على راسه ..... جاه اخوه ابو نواف.......

ابو خالد : هلا فيك .. غريب جايني المكتب!

ابو نواف : و لا غريب و لا شي .. قلت أمرك اتطمن على الشغل...

ابو خالد : كله تمام .. اش تشرب ؟

ابو نواف : أي شي...

رفع السماعه و طلب لهم......

ابو خالد : انت كيف شغلك الجديد ؟

ابو نواف : الحمدلله بأحسن حال...

ابو خالد : اذا احتجت أي شي لا تتردد..

ابو نواف هز راسه : اكيد اكيد ... ( سكت شوي ثم ) .... صراحه انا جيت ابقولك كلام مره مهم..

ابو خالد بتركيز : عساه خير!

ابو نواف : اسمعني يا اخوي انت تعرف ان عائلة ابو معاذ يكرهونا من ايام جدي .. مع ذلك زوجت بنتك لولدهم....

ابو خالد قاطعه : كم مره اقولك لا تتدخل....

ابو نواف : اسمعني الله يخليك ... تراهم ماهم سهلين و ما رح يتركونك في حالك لأنك مسكت شركة جدي الله يرحمه ... و صدقني أي شي مو بزين يصير لك لا قدر الله تأكد انهم وراه...

دخل العامل بالمشروب .. حطه قدامهم ثم طلع..

ابو خالد : انا عارف ذا الشي..

ابو نواف : طيب تحرك سوي شي .. ما تخاف على اهلك..!

ابو خالد باستغراب : انت تعرف شي غير قصة منار ؟

ابو نواف : هااه .. لاا .. بس اقول..

ابو خالد تنهد بتعب : متى بس .. متى بيفكونا من همهم...

ابو نواف : اللحين هم يخططون يدمرونك اكثر لان هذي شركة جدي .. و لاني فتحت شركه خاصه فيني لحالي ماهم مهتمين..

ابو خالد : ابفهم وش سر عداوتهم مع جدي...

ابو نواف : ايييه و ابوي مو راضي يحكي...

ابو خالد : الله يعين...

ابو نواف : امين .. متى راجع انت للبيت ؟

ابو خالد : عندي شغل كثير اليوم احتمال بالليل...

ابو نواف : اذا تبيني اساعدك ترى ما عندي شي انا..

ابو خالد : لا لا ما تقصر والله .. هذا شغلي انا بقوم فيه..

ابو نواف : طيب اللي يريحك .. يلا اجل انا راجع للبيت..

ابو خالد : الله معك...

طلع من المكتب من هنا .. دخل تركي لمكتب ابو خالد وراه على طول.......

ابو خالد : تعال تركي تعال اقعد ... اش صار على الموضوع ؟

تركي : تمام .. الولد بدا يصحصح شوي...

ابو خالد : انتبه زي ما قلت لك انتبه اخوي و لا احد ثاني يدري..

تركي : ان شاء الله طال عمرك محد رح يدري..

ابو خالد : مع اني عارف ان اخوي مو سهل و ممكن يكون عارف كل شي .. اتمنى انه ما يتدخل حتى لا يتورط بالمشاكل...

تركي : طيب اش نسوي اللحين مع الولد ؟

ابو خالد تنهد بضيق : و لا شي .. انا الليله ابمر المستودع .. عندي كلام مهم لازم يسمعه الحقير اللي هناك .. ابيك انت تجي تاخذني..

تركي : اللي تآمر فيه..

ابو خالد : و اللحين تقدر تتفضل...

تركي : بالاذن....

نرجع للمجمع .. وليد سمع كلام نادر و طلع معه لبرى....

وليد : هذاني طلعتك .. يلا ابرجع لمكاني.....

نادر : لأ .. لحظه .. انتظر معي شوي...

وليد مستغرب : ليه انتظر ؟ مفروض تكون حفظت الطريق....

نادر : لااا انا ماني من النوع اللي يحفظ الاماكن .. اخاف اضيع...

وليد بصوت غير مسموع : الحمدلله و الشكر اش نوعه ذا!

نادر : هاااه قلت شي ؟!

وليد : سلااامتك...

ما مر وقت طويل حتى جا هتان و معه مشاري و اثنين من شلته.....

هتان : السلام يا النصاب....

وليد يكلمني هذا ؟! : انت تقصدني ؟

هتان يقرب منه : ايييه انت...

وليد يناظر نادر مو فاهم شي : وش السالفه ؟

هتان رد عليه بكف : من انت يا المهايطي بسرعه اعترف..

وليد حط يده على مكان الكف : انت تتجرأ و تمد يدك علي .. ؟

هتان دفه ع الجدار : و من تكون انت ؟!

وليد : صدقني منت حاب تعرف...

هتان نرفزه اسلوب و ليد و نزل عليه ضرب.....

مشاري : هتان تبي مساعده ...؟

هتان : ايييه كلكم عليه...

وليد : بتندمون.....

ألتموا على وليد و طاحوا فيه ضرب .. المستغرب ان وليد كان مستسلم لهم و ما دافع عن نفسه ابد ..... الى ان اخيرا تركوه مرمي ع الارض بالتحديد قاعد متسند ع الجدار .....

هتان : وش ذا الملل ...!؟

مشاري : من جد .. ما عنده رجوله ما تحرك شبر....

هتان مسكه من ياقته : انت وش يصير لك وليد(حنان) !؟

وليد ابتسم بالغصب لان وجه كله جروح : وش ... دخلك !؟

مشاري رفسه : تكلم يا جعلك البلا...

وليد : ليش .. مهتمين له ؟!

هتان و هو ماسكه من ياقته عطاه كف : بتتكلم و لا ؟

وليد : ههه وليد خويي....

هتان : هئ خويك كثر منهاا .. لييييييش كلمتني بالبي بي على اساس انك هو ؟

وليد : بس .. كذا .. حبيت ألعب .. معك .. شوي....

هتان كف ثاني : اناا يا الحيوان تلعب معي .. ( كف ثالث ) انااا يا التبن يا الزلابه تلعب معي ... انت ما تعرفني.....

وليد : إلا اعرفك .... انت هتان...

هتان منقهر منه بقوه و متنرفز : وش اسوي فيك تبني اذبحك .. ما عمره احد رفع ضغطي زيك...

مشاري : هدي ترى ما يستاهل...

نادر : شباب خلونا نمشي..

هتان : مو حتى اعرف ليش لعب علي و قال انه وليد(حنان) !!

مشاري : خلاااص يا ابو الشباب .. واضح انه كان حاب يستهبل و يستعبط .. يعني ما عنده سالفه .. و انت ما قصرت و سويت له اللازم..

هتان تركه : اذا في امك خير سوي نفسك فاهم علي مره ثانيه...

مشاري : يلا نمشي مو زين نقعد هنا اكثر...

هتان عطاه نظرة حقد ... ثم مشوا عنه....

جوال وليد ما وقف اتصالات كان يدق و هو هزاز ... طلع الجوال من مخباه و جسمه كله متكسر ... ثم رد........

وليد يتكلم بألم : الووو .. هلا ماجد...

ماجد : وينك ..؟ ليش ما ترد ؟ .. انا صرت داخل المجمع انت وين ؟

وليد : آه انا برى اطلع بتلاقيني ( وصف له مكانه بالضبط) ...

ماجد : يلا دقيقتين و اكون عندك...

وليد : استناك...

ماجد قفل منه ... وراه يتكلم كذا عسى مو بصاير له شي ..؟

دور على المكان المطلوب .. و لقاه بسرعه .. اول ما شاف وليد تفاجئ و انصدم من منظره مبين انه متهاوش مع اكثر من واحد ..... راح له ركض و نزل لمستواه....

ماجد بخوف : ولييييييييييييد وش صار ؟ انت بخير فيك شي ؟

وليد ابتسم : ههه ما فيني شي .. هذا و لا شي...

ماجد : طيب وش اللي حصل هنا ؟

وليد : هههه ابد شوية شباب يستعرضون عضلاتهم قدامي...

ماجد : كل هذا استعرااااض ! اتوقع لو كملوا ضربك شوي .. كان انت ميت..

وليد : ههه مو لهالدرجه...

ماجد رفعه و قومه و حط ذراع وليد على رقبته.....

وليد : آسف بتعبك معي...

ماجد : و لا كلمه ... اللي انا مستغرب منه ليشش ما دافعت عن نفسك .. انت قادر تسدح 10 منهم .. ليييييييش!

وليد : ايييه خلني كذا لو تهاوشت معهم كان قتلتهم و كان صارت مشاكل..

ماجد : ( بسخريه ) تكفى يا وليد اقتلهم ! .. خليني اوديك البيت و هناك احكي لي بالتفصيل...

في بيت ام حنان......

ام حنان : هااه وش رايكم نروح لام صلاح تعرفون اليوم انقلوا .. قلت لو نساعدهم بترتيب البيت...

حنان : انا اقول مايحتاج..

ام حنان باستغراب : ما توقعتك تقولي كذا..

ام فيصل : من جد شي غريب .. توقعناك بتنطين من الفرحه...

فيصل يصرف : يمه خالتي .. احنا جينا عشان نقعد معكم و مع اخواني .. ما جينا نروح للجيران ... خلوهاا مره ثانيه...

ام حنان اقتنعت : اممم طيب مره ثانيه مره ثانيه...

حنان تنهدت براحه ... الحمدلله انقذني .. مع اني اشتقت لسميه كثير بس .... آه يا ربي اشتقت لها موووووووووت.......

ام فيصل : اش رايكم تناموا الليله هنا ؟...

فيصل يناظر حنان : ما ادري عن حنان!

حنان يااا ليت بس بكره مدارس و لبسي كله هناك..تنهدت : ما نقدر ننام هنا بكره دوام.. ( والله ما ودي اروح الشقه و اصحاب وليد هناك خاصه نوااف ... خلاص بقعد الى الساعه 11 خليك يا وليد ما رح اسمع كلامك و لاني براجعه بدري..)

فيصل كيف بنداوم بكره و هتان .... : اش رايك نسحب على بكره ؟..

حنان : والله ودي بس صعبه ما نقدر .. انت عارف و انا عارفه..

فيصل المشكله اني عارف : قهرررر كان ودي ننام هنا..

حنان تناظره بحده : انت ما تقصد شي صح !؟

فيصل ابتسم بخبث : لا ما اقصد...

ام حنان & ام فيصل ؟؟؟؟؟؟؟؟؟؟؟؟؟؟؟؟؟؟؟؟

سعد : فييييييييصل..

فيصل : عيونه..

سعد انبسط : ابي من المطعم..

سعود حس بغيره : فييييييصل...

فيصل : يا لبيه!

سعود ناظر سعد و ابتسم : انا بعد ابي من المطعم...

حنان تناظرهم باستغراب ... اش عنده ذا راااايق و مزااااجه عاااالي..!

فيصل : انتوا تآمروا .. يمه خالتي لا تسوون عشا .. عشاكم الليله من المطعم و على حسابي...

حنان : اكشششششخ وش عندنا قمنا نعزم و ندفع حساب بعد !؟

فيصل : هههههه انتوا اطلبوا بس كل اللي تبونه...

ام حنان : شكلك مستلم الراتب اليوم...

فيصل : ايييه استلمته...

حنان فتحت عيونها ع وسعهم : أي راتب ؟!

فيصل اش فيها بتفضحنا : الراتب الراتب...

حنان : ما فهمت...

فيصل يا الهي : مو انا شغال عند صاحب الشقه و لا نسيتي...

حنان والله ذاكرتي ماش .. لكن بسلك له باين انه مرتبك من سؤالي : ايييييه صح....


يتبع........